العضوة: 743708 , 5 years ago

كانت ياسمين واقفة وراه حاملة صينية فيها صحن كيك وغصها قلبها م̷ـــِْن كلمة جاسم لحتا سمعتو بكفي كلامو: بس طبعا مارح تكون متل ياسمين .. ياسمين بالنسبة الي الأصل .. الجد وجه نظرو علـّۓ. ياسمين وابتسم: •اللّـہ̣̥ يخليكون لبعض ويكملها معكون بولد يحمل اسمك فرفح قلب ياسمين وابتسمت وتوجهت لعندن وجاوبت بدال جاسم: انشالله عمي .. •اللّـہ̣̥ يبعتلكون الذرية الصالحة الك ولشهد حبيبي... جاسم اتطلع فيها وابتسم ... طلعت شهد م̷ـــِْن القصر وراحت اتجاهون .. شهد: صباح الخير ياجماعة ردو: صباح الخير .. شهد: شو جاسم شايفتك لابس ومتأنق ..طالع عالشركة؟ جاسم: اي والله حاجتي قعدة.. وانا بطبيعتي بمل م̷ـــِْن قعدة البيت .. ياسمين: لاتزعلي شهودة جاسم حتى لما اتجوزنا طلع م̷ـــِْن تاني يوم عالشغل وما عملنا شهر عسل شهد ابتسمت: اكيد مو زعلانة وعفكرة انا كمان مابحب قعدة البيت.. خليني غير تيابي وروح معك عالشركة جاسم حط الفنجان م̷ـــِْن ايدو: شهد نحنا ماعنا نسوان تطلع برا البيت .. شهد: بس... الجد: اسمعي الكلمة ياشهد ..المرة مملكتها بيتها وعنا ممنوع عالمرة الشغل شهد وجهت نظرها علـّۓ. ياسمين يلي بلشت تأشرلا براسها انو ترضى بكلامهم ... شهد: أمرك عمي.. جاسم بخبث: بأمر عمك بتمشي ..بأمري لٱ شهد: لااا ولو انت الاصل حبيبي ..خلص بأمرك انا .. جاسم: هيك بدي اياكي ..«وقف وزرر جاكيت بدلتو » يلا انا صار لآزٍمٍ امشي توصوني بشي ياسمين وقفت معو: لٱ حبيبي دير بالك عحالك .. جاسم: •اللّـہ̣̥ يسلمك ياسمين ..وانتي مابدك توصاية بشهد ياسمين مع ابتسامة لطف: شهد بعيوني حبيب البي ..

العضوة: 743708 , 5 years ago

شهد قدرت تشوف بهاللحظات القليلة شغلات بين جاسم وياسمين يمكن ماكانت تنتبهلا قبل ما تتجوز جاسم ..شافت كمية الهيبة اللي فارضها جاسم عليها وكمية الأنوثة بكلمات قليلة كانت تحكيها معو..شافت الاحترام المتبادل بينهم والحب الظاهر بعيونهم لبعض ..ماكانت مزعوجة م̷ـــِْن هالشي وبالعكس ..قررت شهد تتبع خطا ياسمين لتكسب قلب جاسم متل ماكسبتو ياسمين قبلا ..💙 ركب جاسم بسيارتو وطلع فيها عند الباب الرئيسي .. بعد ما انفتحت بوابة القصر الكبيرة حرك السيارة شوي لبرة لحتا حس انو دولاب سيارتو فجأة انفجر .. وقفو ياسمين وشهد برعبة ... ياسمين: ياساتر شو صار؟ شهد: كأنو دولاب السيارة انفجر ..

العضوة: 743708 , 5 years ago

طلع جاسم بسرعة واتوجه عند الدولاب الوراني واتفاجأ انو الدولاب فِيَھ ثقب متل اللي بتسببو رصاصة .. دارتلو القصة ووقف تلفت وراه و شاف سيارة بتقرب منو بسرعه جنونية التفت عليها ليشوف اللي بقلبا وهون طلع صوت رصاصه تلقاها بصدرو صوتها دوا بالمنطقة كلها .. وقع علـّۓ. ركبو وهو ماسك جرحو بايديه .. وشاف بعيون مغبشة ياسمين وشهد طلعوه واخر شي سمعو صوت صرخاتهن اللي عبت الحي كلو ... *╚══════ღღ══════╝ معقول يموت جاسم 😭 وامير وباجس كيف رح يوقعوا شمس !! لحتى تعرفوا… ..تابعوني بكرا بنفس الموعد ان شاء الله مع احداث شيقه للجزء العشرين والاخير #يتبع (◕‿◕✿)

العضوة: 743708 , 5 years ago

الجزء الاخير لسى ما نشروا بس ينشروه انشروا فورا واخلص من نق حياتي عائلتي وقتل الربيع ولعمر الشام وهبوش الشاميه وندوش لبنان 😂😂😂😛😛😛

العضوة: 734447 , 5 years ago

ههههه بس ولله القصة جديدة وحلوة حقنا نشجع ونهلكك الله يعطيكي العافية ويقومك بسلامة عم نستناكي بالكماله ع احر من الجمر 😍

العضوة: 768521 , 5 years ago

@user-743708 كمليا أختي صارت مشوقة كتير كتير

العضوة: 804808 , 5 years ago

مشكورة😊😊😊😊😊

العضوة: 782632 , 5 years ago

@user-743708 ههههه

العضوة: 795957 , 5 years ago

شو اسما القصه

العضوة: 786580 , 5 years ago

😂😂😂😂

العضوة: 743708 , 5 years ago

صمت خانق وقلق واضح م̷ـــِْن نظرات العيون اللي كانت محدقة بالعدم ... الكل كان واقف قدام باب العمليات بخوف .. ياسمين ماكانت هي اول مرة فيها بتوقع بهالموقف بس كانت هالمرة رصاصة اخترقت صدرو .. مو حادث عابر .. وقفت شهد وراحت عند ياسمين بحزن وقعدت جنبا ..كانت شاردة ودمعتها بتحرق خدودها .. شهد: طولي بالك ياسمين .. ياسمين: ماني مستعدة لسا اخسرو .. شهد انا بمووت بلاه شهد«بتبكي »: والله لْـۆ عرفانة هيك رح يصير ماكنت خليتو يطلع الًيَوُمًِ .. يااارب قيمو بالسلامة .. قربت نهال م̷ـــِْن امها وقعدت عركبها قدامها .. نهال بتبكي: ماما ببوس ايدك خليكي قوية ..ودعيلو ..مشان •اللّـہ̣̥ ياسمين غمرت وجه نهال براحات ايديها: ابوكي قوي ومتل ماطلع م̷ـــِْن سابقيتها رح يطلع بالسلامة هالمرة كمان باذن •اللّـہ̣̥ .. رجعت نهال قعدت جنبا وحطت راسها عصدر ياسمين الشمال وشهد حطت راسها عاليمين وغمرتهن ياسمين هنن التنتين وهنن عم يبكو .. اما الجد أخيرا حس بالضعف بس شاف الشي يلي صار ..عرف وقتا حتئ بسلطتو مارح يقدر يحمي ولادو م̷ـــِْن الأذئ .. كان قاعد وحاطط جبينو عالعكازة اللي ضلت لتسندو .. حاسس بالإنكسار .. لَـگِنْ وجود باجس وأمير بجنبو هون عليه مصيبتو .. باجس: جدي ازا حاسس بالتعب خليني اخدك عالقصر لترتاح الجد: لٱ ياباجس انا مارح فارق مكاني قبل ما اسمع خبر عن جاسم أمير: بس ياجدي يمكن يطول جوة وانتة بحاجة للر.... قاطعو الجد بحزم وضرب بالعكازة عالأرض: قلتلك مو متحرك لاتطمن علـّۓ. ابني جااسم أمير نكس راسو: بأمرك جدي .. راحو وقفو علـّۓ. جنب ... باجس: عم تفكر متل ماعم فكر ؟ أمير: بشمس باجس: اي شمس اختفائها الفتره الماضيه كام بيدل على انها بتخطط لشي وماكان لازم نعتمد بس عالشرطه ليدوروا عليها بس يلي محيرني ليش رجعت هلأ ..

العضوة: 743708 , 5 years ago

أمير: باجس شمس حقودة ويلي نطرت سنين لتاخد بتارها ما تستبعد عنها اي شي .. باجس : معك حق نحنا مالازم نوقف متكتفين لازم نلاقي طريقه نلاقيها لبنت هالحرام قبل ماتئزي حدا تاني أمير: مافيي صبر بدي روح انكت عليها الارض لحتى واشرب من دمها.. باجس اتنهد :ليك خلينا نستنى ليقوم خالك بالسلامة ونفهم منو يلي صار .. انا بصراحة عقلي معد استوعب شي.. التفتو كلهم علـّۓ. باب غرفة العمليات اللي انفتح وطل منو الدكتور .. اول ماشافو كلهم تزامنت ركضاتهم لعندو لحتا يتطمنو باجس: طمنا دكتور شهد بلهفة: شو صار معكون؟ ياسمين: احكي دكتور لَيــِْـِْش. ساكت بدور: ياجماعة مابصير هيك خلي الدكتور يحكي ..اي دكتور تفضل احكي الدكتور اتنهد : نحنا عملنا اللي علينا وشلنالو الرصاصة م̷ـــِْن صدرو والباقي على رب العالمين .. نهال بتبكي: فهمنا اكتير دكتور ..بابا بعيش الدكتور: انا ماشفت اي اشارة بتطمن بس حطيناه بغرفة العناية المركزة لحتا يستعيد وعيو .. ياسمين: في أمل يصحى؟ الدكتور: هاد علمو عند رب العالمين ..دعولو •اللّـہ̣̥ يقيمو بالسلامة راح الدكتور تارك الكل بحالة صدمة وخيبة أمل .. شهد وقعت عركبهاوهي عم تبكي ودفنت وجها بإيديها: لَيــِْـِْش. ياربي .. اما نهال كان مستقرها عصدر أمير .. الكل كانو خايفين يخسرو جاسم .. وكانو يدعلو ليل نهار .. *╚══════ღღ══════╝ مرو خمس ايام والوضع علـّۓ. ماهوة ومابين أي تحسن علـّۓ. جاسم ..

العضوة: 743708 , 5 years ago

بـ عمارة عالعضم كانت عم تتمشى وتتفتل فيها ... وقفت عشباك كبير بيطل عأرض قاحلة .. أرض مهجورة وأقرب مبنى فيها بعيد 3 كيلو متر .. حملت جوالها وفتحتو عالأخبار وبلشت تقرأ بشماتة: تعرض رجل الأعمال جاسم الشامي لمحاولة القتل العمد حيث جائته رصاصة م̷ـــِْن مجهولين وهو خارج الى عمله ... ومازال فاقد الوعي حتى الًيَوُمًِ .. ومازالت الشرطة والتحقيقات تبحث عن الفاعل .. نزلت الجوال وابتسمت بكل خبث: لسا الخير لقدام ياعيلة الشامي .. رح خلص عكل عكازاتك ياعصام رح خلصك منن وخليك بلا سند ..وبعدا رح خلص عليك واستمتع .. وساعتها رح ارقص علـّۓ. قبرك وقبور ولادك ... رجعت رفعت الجوال وفتحت عصورة كانت لأمير ونهال ... شمس؛ :وانت يا أمير الزفت .. لسا ماخلصت مـڼـڱ ..اي •اللّـہ̣̥ لايهنيني ازا رح هنيك انت وهالحيوانة ورح احرق قلبك عليها متل ما حرقتلك قلبك على دعاء.. الأيام بيناتنا يا انداال .. يلي بيزرع الحقد جواتو لآزٍمٍ يتحمل نتائج أفعالو و لآزٍمٍ يتحملو اللي حواليه ويكونو أقوياء وأذكياء لحتا يصدو بطشو وسخطو عليهم .. ياترى شو لسا بدها تعمل شمس ..ترقبو الآتي ..🎬

العضوة: 743708 , 5 years ago

بالقصر كانت شهد عم تجهز الأكل وتلفو بقصدير .... فاتت رواد عليها .. رواد: خلصتي؟ شهد هزت براسها بدون ماتجاوب .. رواد قربت ‌‏منـِْهـ♡̨̐ـِْا وحطت ايدها عكتفها: طولي بالك شهد شهد نزلت دمعة عخدها ودارت عالتانية .. رواد: انشالله بقوم بالسلامة..انا حاسستو رح يرجعلنا شهد: انشالله رواد: شهد كوني قوية متل خاله ياسمين .. ليكي كيف انها جبارة برغم كلشيصار الا انها لسا صامدة .. شهد: ياسمين هيك كرمال نهال ماتنهار بغياب ابوها ..انا ماعم بقدر ..ماعم بقدر كون متلا .. رواد: خاله ياسمين مو بس كرمال بنتا ..هي كرمال الكل عم اتضل قوية كرمال نهال وكرمال بدور وكرمال جدي وكرمالك .. هي عندها امل انو رح يصحى وعم تحاول تعطيكون هالأمل لحتا اتضلو تدعولو وماتيأسو .. ادعيلو شهد ..ادعيلو وانشالله رح يصحى شهد رفعت راسها ودموعها عخدها: يااااارب رواد: يلا احكي للشغالة تجي تساعدنا لننقل الأكل عالسيارة شهد: بدي روح معكون رواد: لا شهد خليكي انتي هون كرمال يوسف لأنو نهال امها طالبتا وعمتي بدور بالمشفى مع جدي شهد: اي ازا هيك مو مشكلة انا رح دير بالي على يوسف طلعت رواد بالسيارة تبع الجد مع نهال ومشي فيهم الشوفير لعند المشفى .. وبس وصلو نزلت نهال قبل رواد .. نهال فتحت باب السيارة: انا رايحة شوف امي وانتي نزلي الأكل مع الشوفير .. رواد: اي روحي لٱ تاكلي هم .. فاتت نهال عالمشفى وضلت رواد شوي بالسيارة .. حملت جوالها ورنت على باجس بس كان يرن يرن وماحدا يرد عليها رواد : يوووه ليش ماعم يرد… رح ارجع اتصل الشوفير : مدام رواد بتحبي نزل الاكل عنك رواد : لا عم ابو عبدالله ياريت تفوت عكراج المشفى وهنيك بنزله براحتنا الشوفير : امرك ياخانوم حرك الشوفير السياره ب اتجاه الكراج ورواد بعدها بتحاول تتصل بباجس رواد : وبعددددين لك رد باجس رد *╚══════ღღ═════

العضوة: 743708 , 5 years ago

وبقسم الشرطه كان باجس واقف هو وامير وضياء برفقة المحقق وقدامهم شخص مقيد عالكرسي باجس : اهلا وسهلا بالمارد نورت و •اللّـہ̣̥ المارد : انتو شو بدكم مني انا ماساويت شي ضربوا امير بوكس بوجهو ومسكوا من تيابه وصرخ فيه امير : ماااااسااااويت شي وهاد الفيديو مين يلي فبركه ياكلب احكي تلبك المارد وبلع ريقه وهو بيحرك حجر عينه بين وجوههم الغاضبه وهتف بصلابه… مابعرف عن شو عم تحكي تلقى بوكس تاني من باجس… اعترف قبل ماخلص عليك المارد : صدقوني مابعرف شي ضياء : كزاب… انا عملت بحث على الموقع تبعك والتوقيع المتداول تبع الفيديوهات يلي بتعملها هو نفس التوقيع يلي بهاد الفيديو المارد :… .. باجس : الضاهر مارح تعترف بالزوق… طالع مسدسه وسحب مسدس امير من خصرو وحط المسدسين براسو وحكا من بين اسنانه باجس : ورحمة امي وابي ازا مابتعترف رح خلي الرصاصتين يسلمو على بعضن المارد بخوف : رح اعترف رح اعترف باجس : اعترف لشوف مين انت ومين طلب منك تفبرك هالفيديو المارد : اسمي اسماعيل… ويلي طلب مني فبرك هالفيديو مدام شمس المحقق قرب منه وانحنى لعندو ورفع راسه بدهشه المحقق : اسماعيل !!! المجرم الخطير الهربان اسماعيل :…… . باجس : الظاهر متورط بكتير قضايا هالكلب عموما نحنا اخدنا يلي بدنا ياه منه وهو هلأ الك حضرة المحقق المحقق ب ارتباك : اي تمام تفضلوا انتو وازا احتجت لشي بستدعيكم