العضوة: 743708 , 5 years ago

مشو ناح المصعد واستقلوه للطابق الرابع رواد : وينك اكيد مكتب نائب المدير من هون روحي انتي لعند امير وانا رح روح لعند باجس نهال اجريها ماعادو حملوها : كرمال •اللّـہ̣̥ خلينا نرجع وبلالنا هالشغله رواد : لك انتي ليش جبانه نهال : لك الف كلمة جبان ولا كلمة •اللّـہ̣̥ يرحمه انا بدي ارجع ماعاد بدي هالشغله كانت نهال عوشك تفتل حالها لترجع عالمصعد ورواد ماسكيتا من ايدها وبتشد فيها نهال : تركيني ابوس ايدك و •اللّـہ̣̥ خايفه رواد : لك جباااانه شـــو فــــي هـــــون تمسمروا التنتين مكانهم وشافوا امير وباجس ووراهم شهد حامله الملفات واقفين قدامهم نهال بقلبها : اكلنا هواااا تقدم باجس ناح رواد ومسكها من زندها بخفه وهمس بغضب باجس : انتي شو جابك لهون رواد : شتقتلك وجيت شوفك شو ممنوع باجس : رواد لاتجننيني لسه من ساعه تركتك رواد بهمس : جدي بعتني بمهمه وازا فشلت بتكون انت السبب ورح خبرو ايوا تنحنح باجس وترك ايد رواد وعدل كرافته باجس : احم ايوا وو شو هالمهمه بالله رواد : هئه ماخصك مارح خبرك هي اسرار عسكريه باجس : هيك لكن بعدت عنه ووجهت كلامها لامير رواد : شو ابن عمتي مو ناوي تعزمنا على فنجان قهوه امير ب استغراب : فنجان قهوه!!! وهون بقلب الشركه !

العضوة: 743708 , 5 years ago

رواد : اي شو فيها بعدين نهال حابه تشرب معك قهوه ماهيك نهال… .. !!! نهال… نهال وينك !!! تلفتت حواليها شمال ويمين مالقيت نهال… .. لك وين راحت هي شهد بتضحك : شكلا هربت عن طريق الدرج امير : خليكم انا رح شوفها تحرك امير ورى نهال وابتسمت رواد ابتسامة نصر… يسسسس يسسسس باجس : وهلأ يامرتي الحلوه شو هالمهمه هي رح تعترفي ولا استخدم اساليبي تخبت رواد ورى شهد وحكت بخوف : اساسا مافيك تقرب مني وانا بحماية شهد شهد : ههههههههه *╚══════ღღ══════╝ مشي امير بين الممرات ليلحق نهال واستوقفه حديث الموظفين

العضوة: 743708 , 5 years ago

هيثم ـ ما وصل صاحب الفخامة لحد هلأ.. ؟.. ضيق جهاد عيونه وسأل : صاحب الفخامة!!.. مين قصدك ؟!.. رد هيثم بمسخره:قصدي امير بيك ولا لانه ماعاد المدير بطلت تفرق معه جهاد : لك امير بيك وصل من بدري هيثم : وياترى بعد ماتخلص من العجوز الي عندو وماتت مرته التانيه على مين ناوي يلف هالمره .. انا متأكد انه حيلف على بنت خاله الفاتنه يلي كانت هون من شوي رمى جهاد القلم بغيظ وصرخ فيه جهاد : لك انت جنيت هي بتكون بنت جاسم بيك ولي نعمتك هيثم : اي بعرف وبصراحه مستخسرها ب امير وحابب اطلبها من ابوها جهاد : خليك عالارض ياصاحبي ولاتفكر بشغلات مستحيله هيثم : هه وليش مستحيله انا وضعي منيح والف وحده بتتمناني جهاد : بس بنت السيد جاسم مو من بين هالالف اصحى عحالك هيثم : لك ااااخ هيه بس لو تعطيني فرصه اقرب منها لكنت فورا اتقدمتلا لتصيرر مرتي واتمتع فيها وبجسما قاطعه جهاد بحدة: لك اخراااس انت ماعدت استحيت لك يلي عم تحكي عنها بتكون بنت ولي نعمتك عض عشفايفه وحكى : اي بنت ومو اي بنت لك هي انثى كامله و فاتنه و… .. ماقدر يكمل جملته بسبب قبضة امير اللي طارت بوجهو وهو بيجذبه من تيابه وبيسدلله لكمات متتاليه.. امير بصراخ ـ أنت حيوااااان.. كيف بتتجرأ تحكي على بنت خالي؟..كيف بتتجرأ تفكر فيهاااا كيييييييف؟.. ورجع يسددله اللكمات وبلش هيثم يتفاداها وهو بيسدد لامير لكمة قوية ببطنه ماقدر امير يتفاديها.. وصرخ بغضب هيثم : وليش حتى مافكر فيها ولا مابيشرف عيلة الشامي تصاهرني ماقدر امير يحتمل يسمع كلماته واندفع من جديد وهجم عليه وضربه بوكس خلاه يترنح ويوقع عالمكتب وينكسر فيه

العضوة: 743708 , 5 years ago

كانت نهال واقفه عند الباب وحاطه ايديها على تمها ودموعها بعرض وجهها نهال : انتبببببه اميرررر تلفت عليها امير بسرعه واستغل هيثم انشغاله للحظات وباغته بهجمه سريعه وقبل ماتوصل قبضته على امير كان واقع عالارض والدم عم يدفق من تمه بعد ماتلقى لكمه قويه من باجس اللي وصل وفورا اشتبك مع هيثم بدون مايفهم الموضوع رواد : لك شووو فيي شهد : ولي على امتي رح يروحوا بعض نهال : كرمال •اللّـہ̣̥ خلللص خلللللص

العضوة: 743708 , 5 years ago

جذبت أصواتهم العالية الموظفين بالشركة واتدافعوا ليشوفوا شو عم بيصير مع احفاد الشامي بمشهد نادر فهيك خناقات مابتحصل يوميا بشركة الشامي المعروفه بالتزام كل شخص بيشتغل فيها ومن بين الجمع الغفير تحرك جاسم بصعوبة وهو بيفض الجمع المتحلق من الموظفين وكانت الأصوات العالية وصلت لعندو واجا بسرعه يشوف شو القصه دخل عالمكتب وشاف امير وباجس علقانين مع واحد من الموظفين وجهاد عم يحاول يبعدهم عنه جهاد : خلص امير بيك بيكفي رح تقتله. لكن غضب امير كان أكبر من أنه يصغي لحدا بهديك اللحظه حتى لخاله جاسم اللي شارك جهاد ومسكه وبعده عن هيثم اللي تهالك ووقع عالارض بعد ماترك امير تيابه صرخ باجس : خلص امير بيكفي وفهمني شو صاير مارد عليه امير و بقي يصارع ليفلت حاله من بين ايديهم وهو بيصرخ امير : اتركوووني.. اتركووووني ربيه لها الحيوان.. اخيرا قدر باجس بمساعده جاسم وجهاد يسيطروا على امير وقعدوه عالكرسي وهو بيتنفس بصعوبة جراء المجهود اللي بذله.. وهون صاح جاسم بغضب: جاسم : ـ انتوو جنيتووووو عم تتخانقوا بالشركه… هلأ بدي اعرف شو صار قرب جهاد من جاسم وهمسله بكلمات موجزة بتلخص كلشي صار لتتغير ملامح وجه جاسم وهو بيرمق هيثم بغضب جاسم : قوم وقف هيثم بخوف : يابيك انا انا جاسم : عم قلك وووووقف استند هيثم عبقايا المكتب المتهالك وهو بيحاول يلصب طولوا وبسرعه وقف امير وتحرك بسرعه لحتى يلكمه من جديد وهون انتبه باجس عليه ومسكه ليقيد حركته و صاح بعمه بتوسل باجس : بترجاك عمي اجل اي حديث هلأ وطالع هالحيوان من هون قبل مايجن امير ويرتكب جنايه كان واضح على جاسم رغبته بضرب هيثم لكنه تمالك نفسه وهو شايف امير بحالة غضب عارمة فسحب هيثم ورفعه من الأرض وطالعه من المكتب و صوت امير الغاضب عم يلحقهم امير : ازا بلمحك بهالشركه رح اقتلك ب ايدي هدوووول عم تسمع رح اقتلللللللك طلع جاسم مع هيثم ولحقهم جهاد جهاد : جاسم بيك جاسم : شو في جهاد : بصراحه يابيك هيثم ماخصوا نحنا كنا عم نفذ الاوامر جاسم : اوامر !!! الحقني عالمكتب وفهمني كلشي وانت انقلع من وجهي ولاتخليني المحك ابدا

العضوة: 743708 , 5 years ago

ساد صمت حرج بعد ماطلع جاسم من المكتب .. ورجع امير رمى حاله عالكرسي وهو بيتنفس بسرعه وبيطلع بقبضته الداميه نهال بهمس : امير… اميرر ركضت لعندو متجاوزه باجس وقعدت قدامه ع ركبها ومسكت ايدو ودموعها بعرض وجهها نهال : سامحني امير انا السبب كان نفسه يفتك فيها ويصب عليها كل غضبه لكنه وبدون اراده لقي ملامحه هديت وايدو انمدت لتمسح دموعها امير : ممكن ماتبكي نهال : كيف ما ابكي شوف ايدك شلون عم تنزف امير : خفتي علي رفعت عيونها المتلألأه بدموعها وتعلقت بعيونو وحكت بهمس نهال : ازا ماخفت عليك على مين بدي خاف رجع قلب امير يخفق بقوه بين ضلوعه وهو شايف هاللعبه قدامه وبكل برائه قدرت تمتص غضبه ابتسم وهو بيضم وجهها بين كفيه وشرع بالحكي امير : مستعد موت ولاحدا يقرب منك نهال مافي وصف بيقدر يوفي المشاعر المختلطه اللي حستها نهال بنفس الوقت خوف وحب وحيره وامان !!" امان… .. هاد هو الشي اللي كانت عم ادور عليه واخيرا لقيته بعيون امير وهو شاف حب عمرو بعيونها ☘️ في سحر عيناها الجميلة وجدت الوعد وتهت في خدودها الجميلة الحمراء كالورد لم أعشق في حياتي قبلها ولا بعد ما أجمل أن تشعربالدفئ بالسكينة بالود ما أجمل أن اشتاق عيناها مع كل نبض أحبها في كل لحظة في كل ثانية مع كل وعد فهي أميرتي هي الشوق وهي السر هي الورد هي البحر هي الأرض التي اعلن انتمائي لها كل وقت 🍀

العضوة: 743708 , 5 years ago

تقدم باجس من رواد وهمس بغضب باجس : خدي نهال وارجعوا وحسابك بعدين بلعت ريقها واطلعت بشهد اللي رفعت كتافها ورجعت خطوه لورى… رواد : باجس انا قاطعها بحزم : مابدي اي كلمه هلأ تركها ومشي وبقيت واقفه مكانها بفرحه رغم زعل باجس منها لكنها قدرت تقرب نهال من امير وتجمع بينهم رواد : شو حلوين لك الله مايحرمكم من بعض ويجمعكم سوا ااااخ الله يسترني من باجس 😭 *╚══════ღღ══════╝ وعند باب الشركه… .. مسك هيثم جوالو وطلب رقم واستنى الرد هيثم : مرحبا عصام بيك .. كلشي امرت فيه صار متل ما امرت الجد : برافوا عليكم ومكافأتك انت وجهاد حتوصلكم فورا هيثم : نحنا بالخدمه يابيك سكر الجد الخط وتنهد براحه وهو مبتسم الجد : اخيرا اطمنت انك رجل يعتمد عليه يا امير وبتستاهل نهال *╚══════ღღ══════╝ كانت ام ضياء قاعده بالجنينه وحاطه ايدها على خدها وقدامها فنجان القهوه يلي برد من فتره وهي شارده بفكرها لبعيد مسا الخير ام ضياء طلعت من شرودها وتلفتت ناح الصوت ام ضياء ب استغراب : ياسمين خانوم !! ياسمين : شو مارح تقليلي تفضلي ام ضياء : لا يوه تفضلي مية اهلا وسهلا *╚══════ღღ══════╝ بهالوقت رجع جاسم عالبيت وهو معصب ونده بصوت جهوري جاسم : ياااااسمين يااااسمين مالقي اي رد… . توجه لجناحهم الخاص ودور بقلب غرفة النوم والحمام مالقيلها اثر جاسم : غريبه وين ممكن تكون راحت !!

العضوة: 743708 , 5 years ago

ام ضياء بدهشة : بدك شهد لزوجك جاسم !!! حطت ياسمين فنجان القهوه من ايدها بهدوء وابتسمت ياسمين : ايه… والنا الشرف بمصاهرتكم بقى شو قلتي ام ضياء : و •اللّـہ̣̥ نحنا يلي النا الشرف بس بدك ماتواخزيني لازم اخد شور ابوها واخوها واعرف رأي شهد بالموضوع ياسمين : عداكي العيب ام ضياء وانا ناطره منك خبر *╚══════ღღ══════╝ نزل جاسم عالصاله الرئيسيه وكان الكل مجتمعين كالعاده جاسم : نهااال نهال : نعم بابا جاسم : بتعرفي امك لوين راحت هزت راسها بالنفي… لا مابعرف ..!! رواد : ليش خاله ياسمين مو بجناحها جاسم : دورت عليها مالقيتها باجس : طول بالك عمي بتكون بالحديقه عم تتمشى جاسم : اي فعلا لروح شوفها كان بدو يطلع واستوقفه صوت ابوه الجد : مرتك راحت تخطبلك ياجاسم. تلفت جاسم ناح ابوه بدهشهه وتبعته نظرات الكل جاسم : هي خبرتك بالهشي الجد : اي ابني جاسم ; وليش سمحتلا ابي الجد : انا ماسمحتلا وما منعتها انا تركتها تعمل الصح جاسم : زواجي عليها هو الصح ابي !! اي جاسم زواجك هو الصح رجعت العيون تلفتت ناح الصوت وشافو ياسمين واقفه بكل ثقه تقدمت بخطوات سريعة ووقفت قبال جاسم وحطت ايدها عكتفه ياسمين : انا رحت خطبتلك شهد وناطره الموافقه حكت جملتها وتعدته وطلعت لغرفتها تاركه الكل بحالة صدمه *╚══════ღღ══════╝

العضوة: 743708 , 5 years ago

شو كانت بحاجه لتبكي لكنها مابكت وبقيت محتفظه بهدوئها وجلدها اندق الباب وفاتت نهال وتوجهت عندها نهال : شو هاد يلي عملتيه امي ياسمين بدون اهتمام : عملت الصح نهال : زواج ابي من مره تانيه هوي الصح بنظرك امي ياسمين بصرامه : نهال انتي لساتك صغيره ومابتفهمي بهيك امور نهال : بس ياامي رفعت ايدها بوجهها لتسكتها ياسمين : مابدي اسمع اي كلمه زياده بهالموضوع انا خطبت شهد لابوكي وانتهى نهال : خفتي عليي ماهيك ياسمين بغصه : يوسف عم يبكي روحي شوفيه واتركيني ارتاح نهال : ليش بعد اليوم رح تحسي براحه امي انتي غلطتي غلطه كبيره ومارح ترتاحي ابدا… عن ازنك طلعت وسكرت الباب وراها ياسمين : كان لازم ضحي لتعيشي بسلام امي ويحضى ابوكي بولد يحمل اسمه انا عملت هيك كرمالكم *╚══════ღღ══════╝ وببيت ابو ضياء ابو ضياء : شو هاد !! ياسمين خانوم طلبت شهد لجاسم !! ام ضياء : اي و •اللّـہ̣̥ بقى شو قلت ابو ضياء : و •اللّـہ̣̥ جاسم ونعم الرجل بس ام ضياء : بس شو ابو ضياء : لو وصلو خبر الفضيحه يلي لحقت بشهد بالك هوي حيوافق ام ضياء : بس انت بتعرف انه كل هالحكي كزب بكزب وبنتنا اشرف من الشرف ابو ضياء : نحنا بنحكي هيك بس كلام الناس ضياء : يلي بيجيب سيرة اختي بمحيه عن وجه الارض وبصراحه انتو عم تحكوا وناسين انه لازم ناخد رأي اختي بالاول

العضوة: 743708 , 5 years ago

انا موافقه اخي ضياء بصدمه : شهد !!!!! ام ضياء : متأكده من قرارك بنتي شهد : اي امي متأكده… جاسم زلمه محترم وسمعته سابقيته ابو ضياء : بس يابنتي لو عرف يالفضيحه يلي .. قاطعته بحزم : لاتخاف ابي اكيد مارح بلش حياتي معه بكزبه وبقلبها : وشو يلي خلاني وافق غير انه الوحيد يلي عرف شو صار معي ومع هيك مازعجني بحرف *╚══════ღღ══════╝ #يـــــــتـــبـــع

العضوة: 428676 , 5 years ago

😪ماقدر اقراها وانا ماخلصت الاجزا الأوله خربوها علي

العضوة: 768521 , 5 years ago

@user-743708 كملي احتي متابعة

العضوة: 734447 , 5 years ago

كملي بقا لعيتيلي قلبي😐

العضوة: 743708 , 5 years ago

بعد ما اخدت ياسمين الموافقه من ام ضياء راحت العيله وطلبوا شهد بشكل رسمي لجاسم وعملولهم حفلة زواج عائليه بفستان أبيض بسيط وعقد الجسم طلت شهد ووقفت قدام مراية طويلة ... شردت بحالها للحظة واتزكرت نظرة عيون ياسمين يلي اختارتها الها بالذات لتقاسمها بشريك حياتها ... صحاهَـ ــاآ صوت امها : بسم •اللّـہ̣̥ ماشاء •اللّـہ̣̥ ..ڵـڱ انشالله مايبلا ولايتخ.. شهد ابتسمت بخجل: عنجد حلو ماما ام ضياء: حلو كتير .. اصلا هو حلو لأنك انتي اللي لابستيه .. شهد: ربي مايحرمني منك امي دخلت رواد ونهال وبس شافوها طار عقلن ... رواد: ياعيني ياعيني ...اي والله ماعرفتك .. شهد: بالله .. عم تتمسخري رواد: الحق عليي لأني عم بمدحك واتغزل فيكي شهد: انتي روحي اتشاطري عجوزك اللي لحد الان زعلان مـڼـڱ م̷ـــِْن الفصل يلي عملتيه بالشركة رواد: قولتك هيك شهد: ههههه اكيد 😂 رواد: ڵـڱ يخليلي البك شهودة ..انشالله الف مبروك...وضمتها رجعت شهد اتطلعت بنهال وشافتها كيف بتتمايزها م̷ـــِْن فوق لتحت ..بعدت عن رواد وقربت علـّۓ. نهال بتوتر ... نهال: مبروك شهد: نهال ياريت ماتاخدي عني فكرة غلط انا... هزت نهال براسها بالنفي: لٱ لٱ شهد انا مو زعلانة .. بعدين انا بعرف شو انتي وكمان .. بدي مـڼـڱ اتديري بالك على بابا .. شهد ابتسمت بخجل: مابدي توصاية نهال .. وعزة جلالة •اللّـہ̣̥ اني بحبك متل كأنك اختي الصغيرة وبحب الست ياسمين كأنها اختي الكبيرة ......:وانتي بعادتك بتنادي لإختك ست! ؟؟ التفتو كلون لعند الباب وشافو ياسمين واقفة وعم تتبسم بكل لطف ...

العضوة: 743708 , 5 years ago

اي طولوا بالكم