6 years ago
  • ما قبل الحمل
ﺍﻟﻘﺼﻪ ﺣﻘﻴﻘﻴﻪ %100 ﻭﺻﺎﺣﺒﺔ ﺍﻟﻘﺼﺔ ﻣﺘﺎﺑﻌﻪ .. ﻭﻋﺪ ﺍﻟﻌﻴﻮﻥ .. ﺍﺻﺪﻕ ﻭﻋﻮﺩ ﺍﻟﺤﺐ .. ﺍﻟﻌﻴﻦ ﺗﺴﺎﻋﺪﻧﺎ ﻓﻲ ﺑﻌﺾ ﺍﻟﻤﻮﺍﻗﻒ .. ﻓﻬﻲ ﺗﻨﻄﻖ ﺑﻜﻠﻤﺎﺕ ﻟﻢ ﻧﺴﺘﻄﻴﻊ ﺍﻟﺘﻔﻮﻩ ﺑﻬﺎ .. ﻓﻬﻨﺎﻙ ﻣﻦ ﻳﺘﻐﺰﻝ ﻭﻳﺘﻜﻠﻢ ﺑﺤﺒﻪ ﻟﻴﻼ ﻭﻧﻬﺎﺭﺍ ﻟﻜﻨﻪ ﻻﻳﻌﺮﻑ ﻣﻦ ﺍﻟﺤﺐ ﺷﻴﺌﺎ .. ﻭﻫﻨﺎﻙ ﻣﻦ ﻳﺠﻌﻞ ﻋﻴﻨﻴﻪ ﻫﻲ ﺍﻟﺘﻲ ﺗﺘﻜﻠﻢ ﻋﻦ ﻣﺸﺎﻋﺮﻩ ﻭﺣﺒﻪ .. ﻭﻛﺎﻥ ﺍﺻﺪﻕ ﻭﻋﺪ ﻫﻮ ﻭﻋﺪ ﺍﻟﻌﻴﻮﻥ !!.. # ﺷﻤﺲ ﻣﺮﺣﺒﺎ ﺣﺒﺎﻳﺐ .. ﺍﺣﺐ ﺍﻋﺮﻓﻜﻢ ﻋﻦ ﻧﻔﺴﻲ ﺍﺳﻤﻲ ﺳﻤﺮ ﻣﻦ ﻛﺮﺑﻼﺀ ﻋﻤﺮﻱ ﺣﺎﻟﻴﺎ 21 ﺳﻨﻪ .. ﻣﻮﺍﺻﻔﺎﺗﻲ ﺁﻧﺔ ﺣﻨﻄﺎﻭﻳﺔ ﻭﺷﻌﺮﻱ ﺑﻨﻲ ﻋﻴﻮﻧﻲ ﻋﺴﻠﻲ ﻭﻃﻮﻟﻲ 165 ﺭﺷﻴﻘﺔ ﻭﺟﺴﻤﻲ ﻛﻠﺶ ﺣﻠﻮ ﻭﻣﻠﻔﺖ ﻛﻮﻟﻬﺎ ﺗﺸﺒﻬﻨﻲ ﺑﺎﻟﻤﻤﺜﻠﺔ ﺍﻟﻤﺼﺮﻳﺔ ﻣﻨﺔ ﺷﻠﺒﻲ .. ﺣﺒﻴﺖ ﺍﺳﺮﺩ ﺍﻟﻜﻢ ﻗﺼﺘﻲ .. ﻻﻧﻬﺎ ﻗﺼﻪ ﺍﺟﺘﻤﺎﻋﻴﻪ ﻭﻣﻤﻜﻦ ﺗﺼﻴﺮ ﻣﻊ ﻫﻮﺍﻳﺔ ﺑﻨﺎﺕ ﻭﻋﺎﻧﻮﺍ ﻣﺜﻠﻲ ﺍﻭ ﺍﻛﺜﺮ .. ﺭﺍﺡ ﺍﺑﺪﻱ ﺑﻘﺼﺘﻲ ﻣﻦ ﺍﻭﻝ ﻣﻔﺘﺤﺖ ﻭﻋﺮﻓﺖ ﺍﻟﺪﻧﻴﺎ ﺍﻭﻝ ﻣﻮﻋﻴﺖ ﻉ ﺍﻟﺪﻧﻴﺎ ﻟﮕﻴﺖ ﻣﺎﻣﺎ ﻭﺑﺎﺑﺎ ﻣﻨﻔﺼﻠﻴﻦ .. ﺍﻧﻲ ﻭﻣﺎﻣﺎ ﻭﺍﺧﻮﺍﻧﻲ ﻋﺎﻳﺸﻴﻦ ﺑﺒﻴﺖ ﺧﺎﻟﻲ ﻛﻮﻟﻨﺎ ﺑﻐﺮﻓﺔ ﻭﺣﺪﺓ ﻭﻭﻳﺎﻧﺔ ﺑﻴﺒﻴﺘﻲ ﺍﻡ ﻣﺎﻣﺎ .. ﻃﺒﻌﺎ ﺍﻧﻲ ﻋﻨﺪﻱ 3 ﺧﻮﺍﻥ .. ﺍﺧﺘﻲ ﺍﻟﻜﺒﻴﺮﻩ ﺍﺳﻤﻬﺎ ﺭﻧﺎ ﻭﺍﺧﻮﻳﺔ ﺭﺿﺎ ﺫﻭﻟﻲ ﻣﻦ ﻏﻴﺮ ﺍﺏ ﻻﻥ ﻣﺎﻣﺎ ﻛﺎﻧﺖ ﻣﺘﺰﻭﺟﻪ ﻗﺒﻞ ﺑﺎﺑﺎ .. ﻭﻋﻨﺪﻱ ﺍﺧﻮ ﻭﺍﺣﺪ ﻣﻦ ﻣﺎﻣﺎ ﻭﺑﺎﺑﺎ ﺍﺳﻤﻪ ﺍﺣﻤﺪ .. ﻃﺒﻌﺎ ﻋﻨﺪﻱ ﺍﺧﻮﺍﻥ ﻫﻮﺍﻳﺔ ﻣﻦ ﺍﺑﻮﻳﺔ ﺑﺲ ﻣﺎﺍﻋﺮﻓﻬﻢ ﻭﻻ ﻋﻤﺮﻱ ﺷﺎﻳﻔﺘﻬﻢ ﻋﺸﻨﺎ ﺣﻴﺎﺓ ﺻﻌﺒﺔ ﻛﻮﻟﺶ ﻻﻥ ﺍﻣﻲ ﻣﻜﺎﻧﺖ ﺗﻘﺒﻞ ﺍﻧﻮ ﺑﺎﺑﺎ ﻳﺠﻲ ﻳﺴﺄﻝ ﻋﻠﻴﻨﺔ ﻭﻻ ﺗﻘﺒﻞ ﺣﺘﺔ ﻳﻮﺻﻞ ﻟﺒﻴﺘﻨﺎ ﻛﻨﺖ ﺍﺟﻬﻞ ﺍﻟﺴﺒﺐ .. ﺍﻟﻲ ﺧﻼﻫﻢ ﻳﻨﻔﺼﻠﻮﻥ ﻭﻳﺘﺮﻛﻨﺎ ﻭﻟﻴﺶ ﻣﺘﺨﻠﻴﻪ ﻳﺸﻮﻓﻨﺎ .. ﻃﺒﻌﺎ ﻛﻨﺖ ﻫﺎﺩﺋﺔ ﻛﻠﺶ ﻭﻓﻘﻴﺮﺓ ﻭﺩﺍﺋﻤﺎ ﺣﻘﻲ ﺿﺎﻳﻊ ﻋﻜﺲ ﻫﺴﺎ .. ﺍﺣﻨﺎ ﻧﺨﺘﻠﻒ ﻋﻦ ﺍﻻﻭﻻﺩ ﺑﻜﻮﻟﺸﻲ ﺑﻠﺒﺴﻨﺎ ﻭﺑﺄﻛﻠﻨﺎ ﻻﻥ ﻣﺎ ﻋﺪﻧﺎ ﺍﺣﺪ ﻳﺼﺮﻑ ﻋﻠﻴﻨﺎ ﻏﻴﺮ ﺧﺎﻟﻮ ﺍﻟﻮﺳﻄﺎﻧﻲ ﺍﺳﻤﻪ ﻋﺰﻳﺰ ﺍﻟﻲ ﻋﻨﺪﺓ 9 ﺑﻨﺎﺕ ﺑﺮﮔﺒﺘﺔ ﺧﻄﻴﻪ ﻭﻫﻮ ﻣﻮﺿﻒ ﺑﺲ ﺭﺍﺗﺒﺔ ﻣﺎ ﻳﻜﻔﻲ ﻋﺎﺋﻠﺘﺔ ﻭﻣﺼﺎﺭﻳﻔﻬﻢ .. ﺍﻣﻲ ﺍﻧﺴﺎﻧﺔ ﻣﺮﻳﻀﺔ ﻧﻔﺴﻴﺎ ﻋﺪﻫﺔ ﻫﻮﺍﻱ ﺍﻣﺮﺍﺽ ﻧﻔﺴﻴﺔ ﻻﻧﻪ ﺍﻣﻲ ﺣﻨﻴﻨﺔ ﻛﻮﻟﺶ ﻭﺣﺴﺎﺳﻪ ﻭﺷﺎﻓﺖ ﻣﺼﺎﻳﺐ ﻫﻮﺍﻳﺔ ﺍﺧﻮﺍﻧﻬﺎ ﺧﻤﺴﺔ ﻣﺎﺗﻮ .. ﻭﺗﺄﺛﺮﺕ ﺑﻤﻮﺗﺘﻬﻢ ﻓﺘﻤﺮﺿﺖ ﻋﻠﻴﻬﻢ ﻟﻠﻌﻠﻢ ﻫﻲ ﻣﻄﻠﻘﺔ ﻣﺮﺗﻴﻦ ﻻﻥ ﻣﺤﺪ ﻳﮕﺪﺭ ﻳﻘﺪﺭ ﻭﺿﻌﻬﺔ ﻭﻣﺮﺿﻬﺔ ﻻ ﺑﺎﺑﺎ ﻭﻻ ﺍﻟﻲ ﻗﺒﻠﺔ ﻟﻬﺬﺍ ﻋﺎﻧﺖ ﺑﺤﻴﺎﺗﻬﺎ .. ﻫﻲ ﺣﻨﻴﻨﺔ ﺑﺸﻜﻞ ﻭﮔﻠﺒﻬﺔ ﻧﻈﻴﻒ ﺑﺲ ﻋﺼﺒﻴﺔ ﻛﻮﻟﺶ ﻉ ﺍﻗﻞ ﺷﻲ ﺗﺘﻌﺼﺐ ﻭﺗﺸﻚ ﺣﺘﻰ ﺑﻨﻔﺴﻬﺎ .. ﺍﻧﻲ ﻛﺒﺮﺕ ﻭﺩﺧﻠﺖ ﺍﻟﻤﺪﺭﺳﺔ ﻛﻨﺖ ﻓﻘﻴﺮﺓ ﻛﻮﻟﺶ ﻭﺷﻄﻮﺭﺓ ﻭﺩﺍﺋﻤﺎ ﺍﻃﻠﻊ ﺍﻭﻟﻰ ﻛﻨﺖ ﺍﺗﻤﻨﻰ ﺍﺷﻮﻑ ﺑﺎﺑﺎ ﻭﻟﻮ ﻣﺮﺓ ﻭﺣﺪﺓ ﺑﺲ ﻫﺬﺍ ﺍﻟﺸﻲ ﺟﺎﻥ ﺷﺒﻪ ﻣﺴﺘﺤﻴﻞ ﺑﺴﺒﺐ ﺍﻣﻲ ﺍﻟﻲ ﺣﺘﻰ ﻣﺘﺸﺮﺣﻠﻨﺎ ﻟﻴﺶ ﻫﻲ ﺗﺮﻓﺾ ﺍﻧﻮ ﺑﺎﺑﺎ ﻳﺸﻮﻓﻨﺔ ﻭﻧﺘﻌﺮﻑ ﻋﻠﻴﻪ ﻛﺒﺮﺕ ﻭﺑﺪﺕ ﻣﻼﻣﺢ ﺟﺴﻤﻲ ﺗﺒﻴﻦ ﺍﻧﻲ ﺣﻨﻄﺎﻭﻳﺔ ﻭﻋﻴﻮﻧﻲ ﺟﻮﺯﻳﺎﺕ ﻭﻭﺳﻂ ﻣﻮﻛﺒﺎﺭ ﺷﻌﺮﻱ ﺟﻮﺯﻱ ﻣﻮ ﺍﺳﻮﺩ ﻭﺟﺴﻤﻲ ﻛﻠﺶ ﺣﻠﻮﺓ ﺭﺷﻴﻘﺔ ﻭﺍﻟﻜﻞ ﺟﺎﻧﻮ ﻳﺤﺴﺪﻭﻧﻲ ﻋﻠﻰ ﺟﺴﻤﻲ ﺍﺧﺘﻲ ﺍﻟﻜﺒﻴﺮﺓ ﺭﻧﺎ ﻫﻢ ﺣﻠﻮﺓ ﻛﻮﻟﺶ ﺗﻨﻄﻲ ﺷﺒﻪ ﻟﺤﻨﺎﻥ ﺗﺮﻙ ﺑﺲ ﻫﻴﺔ ﺍﺣﻠﻰ ﺑﻬﻮﺍﻳﺔ .. # ﺑﻘﻠﻤﻲ _ ﺷﻤﺲ ﻃﺒﻌﺎ ﻣﺎﻣﺎ ﻛﺎﻧﺖ ﺗﺸﻚ ﺑﻴﻬﺎ ﻭﺗﮕﻮﻟﻠﻬﺔ ﺍﻧﺘﻲ ﻣﺼﺎﺩﻗﺔ ﻑﻻﻥ ﻭﻓﻼﻥ ﻣﻊ ﺍﻧﻮ ﻫﻲ ﻛﺎﻧﺖ ﻣﻮ ﺑﺒﺎﻟﻬﺔ ﻫﺎﺫ ﺍﻟﺸﻲ ﺑﺲ ﻣﺎﻣﺎ ﻣﺮﻳﻀﺔ ﺑﻠﺸﻚ ﻛﺎﻧﺖ ﺣﺘﻰ ﺗﻀﺮﺏ ﺍﺧﺘﻲ ﻫﻮﺍﻱ ﻟﺤﺪ ﻣﺎﺗﺄﺫﻳﻬﺎ ﻭﺗﺠﺮﺣﻬﺎ .. ﺍﻟﻰ ﺍﻥ ﻳﻄﻠﻊ ﺩﻡ .. ﺍﺧﺘﻲ ﻛﺎﻥ ﻟﺴﺎﻧﻬﺔ ﻃﻮﻳﻞ ﻭﺗﺮﺍﺩﺩ ﻣﺎﻣﺎ ﻭﺗﺠﻴﺐ ﺍﻟﻀﺮﺏ ﻟﻨﻔﺴﻬﺔ .. ﻣﺎﻣﺎ ﺑﻌﺪ ﻣﺘﻀﺮﺑﻬﺔ ﺗﻜﻌﺪ ﺗﺒﺠﻲ ﻋﻠﻴﻬﺎ ﺍﺧﺘﻲ ﻛﺎﻧﺖ ﻗﺎﺳﻴﺔ ﺣﻴﻞ .. ﻭﻣﺘﺤﺒﻨﺔ ﺍﻧﻲ ﻭﺍﺧﻮﻱ ﺍﻟﺰﻏﻴﺮ ﺍﺣﻤﺪ ﻻﻥ ﺍﺣﻨﺎ ﻣﻦ ﻏﻴﺮ ﺍﺑﻮ ﻭﺑﺎﺑﺎ ﻛﺎﻥ ﻳﻀﺮﺑﻬﻢ ﻫﻲ ﻭﺍﺧﻮﻱ ﺭﺿﺎ ﻗﺒﻞ ﻣﺎ . ﻣﺎﻣﺎ ﺗﺘﻄﻠﮓ ﻣﻨﻪ .. ﺑﺲ ﺍﺧﺘﻲ ﻣﺎﻧﺴﺖ ﺗﻌﺎﻣﻞ ﺑﺎﺑﺎ ﺍﻟﻬﻢ .. ﻛﺒﺮﺕ ﻭﻫﻲ ﻗﺎﺳﻴﺔ ﻋﻠﻴﻨﺎ ﻣﻊ ﺍﻧﻮ ﻣﺎﺍﻟﻨﺔ ﺫﻧﺐ ﻋﻜﺲ ﺍﺧﻮﻳﺔ ﺭﺿﺎ ﺍﻟﻲ ﻛﺎﻥ ﻳﺤﺒﻨﺎ ﻭﻳﻬﺘﻢ ﺑﻴﻨﺎ ﻭﻳﺨﺎﻑ ﻋﻠﻴﻨﺎ .. ﺭﻏﻢ ﺍﻧﻪ ﻋﺎﺵ ﻭﻳﺎﻫﺔ ﻧﻔﺲ ﺍﻻﺫﻳﺔ ﻣﻦ ﺑﺎﺑﺎ ﻭﻧﻔﺲ ﺍﻟﻀﺮﺏ ﺑﺤﻜﻢ ﻫﻮﺓ ﺯﻭﺝ ﺍﻣﻬﻢ  ....  ....  ﺑﺲ ﺭﺿﺎ ﻣﺤﻘﺪ ﻋﻠﻴﻨﺎ ﻭﻻﻛﺮﻫﻨﺎ .. ﺑﻴﻮﻡ ﻣﻦ ﺍﻻﻳﺎﻡ ﺍﺟﺖ ﺑﻴﺒﻴﺔ ﺍﺧﻮﺍﻧﻲ ﺍﻟﻜﺒﺎﺭ ﺭﺿﺎ ﻭﺭﻧﺎ ﺍﻡ ﺍﺑﻮﻫﻢ ﺗﺮﻳﺪ ﺗﺸﻮﻓﻬﻢ .. ﻭﺍﺧﺘﻲ ﺃﺻﺮﺕ ﺗﺮﻳﺪ ﺗﺮﻭﺡ ﻭﻳﺎﻫﺎ .. ﻣﺎﻣﺎ .. ﺭﻧﺎ ﻣﻤﻨﻮﻉ ﻣﺎﻛﻮ ﻃﻠﻌﻪ .. ﻣﺎﻣﺎ ﻣﻘﺒﻠﺖ ﻭﺭﻓﻀﺖ ﺭﻓﺾ ﺗﺎﻡ ﻻﻥ ﻫﻲ ﺷﻜﺎﻛﻪ ﻭﻣﺘﻘﺒﻞ ﻧﺒﺎﺕ ﺑﺒﻴﺖ ﺍﻱ ﺍﺣﺪ .. ﺟﺪﺓ ﺍﺧﺘﻲ .. ﺍﺫﺍ ﻋﺎﺟﺒﻬﺎ ﺗﺮﻭﺡ ﻭﻳﺎﻱ ﺧﻠﻴﻬﺎ ﺗﺮﻭﺡ ﻟﻴﺶ ﺍﺣﻨﻪ ﻣﻮ ﺍﻫﻠﻬﺎ ﻭﺍﻟﻨﺎ ﺣﻖ ﻋﻠﻴﻬﺎ .. ﻣﺎﻣﺎ ﺳﻜﺘﺖ ﻭﺻﺎﺭﺕ ﺍﻣﺎﻡ ﺍﻻﻣﺮ ﺍﻟﻮﺍﻗﻊ .. ﻭﺭﺍﺣﺖ ﺭﻧﺎ ﻭﻱ ﺑﻴﺒﻴﺘﻬﺎ .. ﻟﻜﻦ ﻣﺎﻣﺎ ﻣﺴﻜﺘﺖ ﻭﺣﺎﻭﻟﺖ ﺗﺮﺟﻌﻬﺎ ﻛﻢ ﻣﺮﺓ . ﻟﻜﻦ ﺭﻧﺎ ﻋﻨﻴﺪﻩ ﻭﻣﺜﻘﺒﻞ ﺗﺮﺟﻊ .. ﻭﺑﻘﺖ ﻋﺎﻳﺸﻪ ﻫﻨﺎﻙ ﻓﺘﺮﺓ ﻃﻮﻳﻠﺔ .. ﻭﺑﻴﻮﻡ ﻣﻦ ﺍﻻﻳﺎﻡ .. ﮔﺎﻋﺪﻳﻦ ﻭﺍﺟﺎﻧﺎ ﺍﺑﻦ ﺧﺎﻟﻮ ﻋﺒﺎﺱ ﺍﻟﻲ ﻫﻮ ﺍﺻﻐﺮ ﺧﻮﺍﻟﻲ .. ﺑﻴﺘﻬﻢ ﻛﺎﻥ ﻗﺮﻳﺐ ﻋﻠﻴﻨﺎ .. ﻭﺧﺒﺮ ﻣﺎﻣﺎ .. ﮔﻠﻠﻬﺎ ﻋﻤﻪ ﺍﻟﻴﻮﻡ ﺍﺟﺖ ﺭﻧﺎ ﻭﻭﻳﺎﻫﺎ ﻭﺣﺪﻩ ﻣﻨﻌﺮﻓﻬﺎ .. ﻭﻭﻟﺪ ﺷﺎﺏ .. ﺍﺳﺘﻐﺮﺑﺖ ﻣﺎﻣﺎ ﻭﺍﺧﺬﺗﻨﺎ ﻭﺭﺍﺣﺖ ﺍﻟﺒﻴﺖ ﺧﺎﻟﻮ ﺗﺮﻳﺪ ﺗﻌﺮﻑ ﺷﻨﻮ ﺍﻟﺴﺎﻟﻔﻪ .. # ﺑﻘﻠﻤﻲ _ ﺷﻤﺲ ﺩﺧﻠﻨﺎ ﺍﻟﺒﻴﺖ ﺧﺎﻟﻮﺍ .. ﺭﻧﺎ .. ﻫﻠﻮ ﻣﺎﻣﺎ ﻭﺑﻮﺳﺘﻬﺎ .. ﻣﺎﻣﺎ .. ﻟﺞ ﺷﻨﻮ ﻫﺎﻱ ﺍﺷﻮ ﺣﺎﻓﻪ ﻭﺟﻬﺞ ﻭﻣﻜﻴﺎﺝ ﻋﺒﺎﻟﻚ ﺭﺍﻳﺤﻪ ﺍﻟﺤﻔﻠﻪ . ﻟﻴﺶ ﻣﺮﺩﺗﺞ ﺗﺒﻘﻴﻦ ﺑﺒﻴﺖ ﺍﺣﺪ ﻻﻥ ﺍﻋﺮﻓﺞ ﺗﺘﻤﺮﺩﻳﻦ .. ﺭﻧﺎ .. ﻣﺎﻣﺎ ﺩﺍﻳﻤﺎ ﺍﻧﺘﻲ ﻣﺘﺜﻘﻴﻦ ﺑﻴﻪ ﻭﺷﻜﺎﻛﻪ .. ﺍﻧﻲ ﺗﺰﻭﺟﺖ ﻣﺎﻣﺎ .. 😲😲 ﺍﻧﺼﺪﻣﺖ .. ﻃﻠﻌﻮﺍ ﺍﻟﻲ ﺟﺎﻳﻴﻦ ﻭﻳﺎﻫﺎ ﻋﻤﺘﻬﺎ ﺍﺧﺖ ﺍﺑﻮﻫﺎ ﻭﺍﻡ ﺯﻭﺟﻬﺎ ﻭﺯﻭﺟﻬﺎ ﺍﻟﻲ ﻫﻮ ﺍﺑﻦ ﻋﻤﺘﻬﺎ .. ﻣﺎﻣﺎ ﺗﺨﺒﻠﺖ ﻭﺭﺍﺩﺕ ﺗﻌﺎﺭﻛﺖ ﻭﻳﺎﻫﻢ ﻭﺗﻌﻴﻂ .. ﺑﺲ ﺧﺎﻟﻮ ﻫﺪﺋﻬﺎ .. ﺭﻧﺎ .. ﻣﺎﻣﺎ ﺍﻧﻲ ﻗﺎﺑﻠﻪ ﻭﺭﺍﺿﻴﻪ ﺑﺎﻟﺰﻭﺍﺝ ﻳﻌﻨﻲ ﻣﺤﺪ ﺟﺒﺮﻧﻲ .. ﻫﺎﻱ ﺑﻤﻜﺎﻥ ﻣﺘﺒﺎﺭﻛﻴﻠﻲ .. ﻣﺎﻣﺎ ﺳﻜﺘﺖ ﻭﻣﺤﺠﺖ ﺷﻲ ﻷﻥ ﺻﺎﺭﺕ ﺍﻣﺎﻡ ﺍﻻﻣﺮ ﺍﻟﻮﺍﻗﻊ ﻭﺭﻧﺎ ﺍﺧﺬﺕ ﺯﻭﺟﻬﺎ ﻭﻃﻠﻌﺖ .. ﻟﻜﻦ ﻫﺬﺍ ﺍﻟﺸﻲ ﺑﻘﻰ ﺣﺴﺮﻩ ﺑﻘﻠﺒﻬﺎ ﺍﻟﻤﺎﻣﺎ .. ﻭﻛﻞ ﻳﻮﻡ ﺗﻠﻮﻡ ﺑﻨﻔﺴﻬﺎ .. ﺍﻧﻲ ﺑﺎﻟﻤﺘﻮﺳﻄﻪ .. ﻭﺍﺧﻮﻳﻪ ﺭﺿﺎ ﺧﻄﻴﻪ ﺗﺮﻙ ﺍﻟﻤﺪﺭﺳﻪ ﺣﺘﻰ ﻳﺸﺘﻐﻞ ﻭﻳﻌﻴﻠﻨﺎ .. ﻻﻥ ﻣﻴﻠﺤﮓ ﻳﺪﺭﺱ ﻭﻳﺸﺘﻐﻞ ﺑﻨﻔﺲ ﺍﻟﻮﻗﺖ .. ﻣﻊ ﺍﻧﻪ ﻛﺎﻥ ﺧﺎﻣﺲ ﻋﻠﻤﻲ ﻳﻌﻨﻲ ﻭﺍﺻﻞ .. ﻣﻦ ﻛﺒﺮﺕ ﻭﺻﺮﺕ ﺑﺎﻟﻤﺘﻮﺳﻄﻪ ﺷﻜﻠﻲ ﺗﻐﻴﻴﺮ ﺗﻤﺎﻣﺎ .. ﻃﻮﻟﺖ ﻭﺟﺴﻤﻲ ﺻﺎﺭ ﻳﺠﻨﻦ .. ﻭﻛﻞ ﺍﻟﻲ ﺍﻟﺒﺴﻪ ﻳﻄﻠﻊ ﺣﻠﻮ ﻋﻠﻴﻪ . ﻭﺑﺸﻬﺎﺩﻩ ﺻﺪﻳﻘﺎﺗﻲ ﻭﻛﻞ ﺍﻟﻲ ﻳﺸﻮﻓﻨﻲ .. ﻭﺣﺎﻟﻨﺎ ﺻﺎﺭ ﺍﺣﺴﻦ ﺑﻔﻀﻞ ﺍﺧﻮﻳﻪ ﺭﺿﺎ .. ﺍﻟﻲ ﺿﺤﻰ ﺑﻤﺴﺘﻘﺒﻠﻪ ﻋﻤﻮﺩﻧﺎ ﻭﺍﻧﺘﻘﻠﻨﺎ ﺑﺒﻴﺖ ﺑﺼﻒ ﺑﻴﺖ ﺧﺎﻟﻮ ﻭﺻﺎﺭﺕ ﺍﻟﻲ ﻏﺮﻓﻪ ﺑﻮﺣﺪﻱ ﺑﻌﺪ ﻣﺎﻛﻨﺎ ﻛﻮﻟﻨﺎ ﺑﻐﺮﻓﻪ .. # ﺑﻘﻠﻤﻲ _ ﺷﻤﺲ ﺍﺧﻮﻳﻪ ﺍﻟﺼﻐﻴﺮ ﺍﺣﻤﺪ ﻛﺎﻥ ﻛﺴﻼﻥ .. ﻟﻜﻦ ﺧﺎﻟﺘﻲ ﻛﺎﻧﺖ ﻣﻌﻠﻤﻪ ﻭﺗﻨﺠﺤﻪ ﻛﻞ ﺳﻨﻪ .. ﻭﻣﺎﻣﺎ ﻛﺎﻧﺖ ﺗﻜﺘﺐ ﺍﻟﻪ ﺣﺘﻰ ﻣﻴﺘﻌﺎﻗﺐ ﺑﺎﻟﻤﺪﺭﺳﻪ .. ﻣﺎﻣﺎ ﻣﺎﻛﺎﻧﺖ ﻫﻴﺞ ﻭﻳﺎﻳﻪ ﻛﻨﺖ ﻛﻞ ﻣﺎﺍﺳﺄﻟﻬﺎ ﺷﻲ ﻣﺎﻓﺎﻫﻤﺘﻪ ﺗﮕﻮﻝ ﻣﺎﺍﻋﺮﻑ .. ﻣﻊ ﺍﻧﻪ ﻫﻲ ﺧﺮﻳﺠﻪ ﻭﻭﺍﺻﻠﻪ .. ﻟﻜﻦ ﻫﻲ ﺗﺤﺐ ﺍﺧﻮﻳﻪ ﺍﺣﻤﺪ ﺍﻛﺜﺮﻧﺎ ﻭﻫﺬﺍ ﺍﻟﺸﻲ ﺃﺛﺮ ﻋﻠﻴﻪ ﻫﻮﺍﻳﻪ ﻭﺧﻼﻧﻲ ﺍﺣﺲ ﺑﻨﻘﺺ ﺣﻨﺎﻧﻬﺎ ﺍﻟﻲ .. ﻣﻦ ﻛﺒﺮﺕ ﻭﺟﺴﻤﻲ ﺑﻴﻦ .. ﻣﺎﻣﺎ ﺻﺎﺭﺕ ﺗﻌﺎﻣﻠﻨﻲ ﻣﺜﻞ ﻣﺎﻛﺎﻧﺖ ﺗﻌﺎﻣﻞ ﺍﺧﺘﻲ .. ﻭﺗﺸﻚ ﺑﻴﻪ .. ﻫﺬﺍ ﺍﻟﺸﻲ ﺯﺭﻉ ﺍﻟﺨﻮﻑ ﺑﻴﻪ .. ﻭﻋﺪﻡ ﺍﻟﺜﻘﻪ ﺑﺄﻱ ﻭﻟﺪ ﺑﺴﺒﺐ ﻛﻼﻡ ﻣﺎﻣﺎ .. # ﺑﻘﻠﻤﻲ _ ﺷﻤﺲ ﺣﺘﻰ ﺻﺮﺕ ﺍﻛﺮﻩ ﻛﻞ ﻭﻟﺪ ﻣﺎﻋﺪﺍ ﺍﺧﻮﺍﻧﻲ ﻭﺍﺧﺎﻑ ﻣﻨﻬﻢ ﺑﺴﺒﺐ ﻣﺎﻣﺎ .. ﺑﻌﻜﺲ ﺍﻟﺒﻨﺎﺕ ﺍﻟﻲ ﻭﻳﺎﻱ ﻛﺎﻧﻮ ﻳﻤﻴﻠﻮﻥ ﻟﻠﺠﻨﺲ ﺍﻵﺧﺮ .. ﺍﻧﻲ ﻋﺸﺖ ﺑﻌﺎﺋﻠﻪ ﺗﻔﺘﻘﺪ ﺍﻟﺜﻘﻪ ﻭﺍﻟﺤﻨﺎﻥ ﻭﺍﻟﺘﻔﺎﻫﻢ .. ﺑﺎﺑﺎ ﻣﺸﺎﻳﻔﺘﻪ ﻭﻣﺎﻣﺎ ﺷﻜﺎﻛﻪ ﻭﺗﺘﻌﺎﻣﻞ ﺑﻘﺴﻮﻩ ﻭﻳﺎﻱ .. ﻭﻫﺬﺍ ﺍﻟﺸﻲ ﺃﺛﺮ ﻉ ﺣﻴﺎﺗﻲ . ﺍﻟﻰ ﺍﻥ ﺑﻴﻮﻡ ﺩﺍ ﺍﺻﻠﻲ ﺍﻧﻲ ﻭﻣﺎﻣﺎ .. ﺍﻧﻲ ﻣﺨﻠﺼﻪ ﻓﺮﺽ ﺍﻟﻤﻐﺮﺏ .. ﻭﻫﻲ ﺑﻌﺪﻫﻲ ﻷﻥ ﺗﺘﺄﺧﺮ ﺑﺼﻼﺗﻬﺎ .. ﻭﺍﺧﻮﺍﻧﻲ ﺍﻟﻮﻟﺪ ﻃﺎﻟﻌﻴﻦ .. ﺍﻧﺪﮔﺖ ﺍﻟﺒﺎﺏ .. ﺍﺿﻄﺮﻳﺖ ﺍﻓﺘﺤﻬﺎ ﺍﻧﻲ .. ﮔﻠﺖ ﻣﻨﻮ ?? ﺻﻮﺕ ﻭﻟﺪ .. ﮔﺎﻝ ﺍﻧﻲ .. ﺍﺭﺗﺒﻜﺖ ﻻﻥ ﻋﻤﺮﻱ ﻣﻔﺎﺗﺤﻪ ﺍﻟﺒﺎﺏ ﺍﻟﻮﻟﺪ .. ﻛﻨﺖ ﺑﺲ ﺍﺳﻤﻊ ﺻﻮﺕ ﻭﻟﺪ ﺍﺩﺧﻞ ﻭﺍﮔﻮﻝ ﺍﻟﻮﺍﺣﺪ ﻣﻦ ﺍﻫﻠﻲ ﻳﻔﺘﺢ ﺍﻟﺒﺎﺏ .. ﺩﺧﻠﺖ ﻭﮔﻠﺖ ﺍﻟﻤﺎﻣﺎ .. ﺍﺷﺮﺗﻠﻲ ﻣﻌﻨﺎﻫﺎ ﺷﻮﻓﻲ ﺷﻴﺮﻳﺪ ﻷﻥ ﻫﻲ ﺩﺗﺼﻠﻲ .. ﻓﺘﺤﺘﻪ ﻭﻭﮔﻔﺖ ﻭﺭﻯ ﺍﻟﺒﺎﺏ .. ﻭﻛﻨﺖ ﻻﺑﺴﻪ ﻣﻠﻒ ﻣﺎﻝ ﺻﻼﺓ ﻃﻠﻌﺖ ﺭﺍﺳﻲ ﺑﺲ .. ﻃﻠﻊ ﺑﻬﺎﺀ ﺍﺑﻦ ﺟﻴﺮﺍﻧﻪ ﻣﺸﺎﻳﻔﺘﻪ ﺻﺎﺭ ﻫﻮﺍﻱ ﻣﺘﻐﻴﻴﺮ ﻭﺻﺎﻳﺮ ﺣﻠﻮ ﻭﻣﺮﺗﺐ .. ﺷﺎﻳﻔﺘﻪ ﻣﻦ ﻛﻨﺖ ﺻﻐﻴﺮﻩ ﺻﺤﻴﺢ ﻫﻮ ﺍﻛﺒﺮ ﻣﻨﻲ ﺑﺲ ﻣﺎﻛﺎﻥ ﻫﻴﺞ ﺣﻠﻮ ﻭﺍﻧﻴﻖ .. ﻣﻦ ﺷﻔﺘﻪ ﺍﺗﻌﺠﺒﺖ .. # ﺑﻘﻠﻤﻲ _ ﺷﻤﺲ ﻭﻫﻮ ﻣﻦ ﺷﺎﻓﻨﻲ ﺍﺭﺗﺒﻚ .. ﻛﺎﻥ ﺟﺎﻳﺐ ﺧﺒﺰ .. ﻻﻥ ﺍﻣﻪ ﻣﺘﻌﻮﺩﻩ ﻛﻠﻤﺎ ﺗﺨﺒﺰ ﺗﻄﻠﻊ ﺧﺒﺰ ﺑﺜﻮﺍﺏ ﻣﻮﺗﺎﻫﻢ .. ﻛﻞ ﻣﺮﺓ ﻫﻲ ﺗﺠﻴﺒﻪ ﺑﺲ ﻫﺎﻟﻤﺮﻩ ﻫﻮ ﻟﻬﺬﺍ ﺗﻌﺠﺒﺖ .. ﻧﻄﺎﻧﻲ ﺍﻟﺨﺒﺰ ﻭﺷﻜﺮﺗﻪ ﻭﺭﺍﺡ .. ﺑﺲ ﺑﻘﻰ ﺑﺒﺎﻟﻲ ﻻﻥ ﺻﺎﻳﺮ ﻳﺨﺒﻞ .. # ﺑﻘﻠﻤﻲ _ ﺷﻤﺲ ﻳﺘﺒﻊ …

94 تعليقات

العضوة: 522131 , 6 years ago

ﺍﺧﺬﺕ ﺍﻟﺨﺒﺰ ﻭﺩﺧﻠﺖ ﻭﺍﻓﻜﺮ ﺑﺒﻬﺎﺀ .. ﺑﻘﻴﺖ ﺍﻟﻠﻴﻞ ﻛﻮﻟﻪ ﺍﻓﻜﺮ .. ﻭﺍﻭﻝ ﻣﺮﺓ ﺑﺤﻴﺎﺗﻲ ﺍﻓﻜﺮ ﺑﻮﻟﺪ ﻭﺑﻬﺬﺍ ﺍﻟﻌﻤﺮ .. ﻛﺎﻥ ﻋﻤﺮﻱ 14 ﺳﻨﺔ .. ﻧﺠﺤﺖ ﻟﻠﺜﺎﻟﺚ ﻣﺘﻮﺳﻂ ﻭﻛﻨﺖ ﺍﺣﺐ ﺩﺭﺍﺳﺘﻲ ﻫﻮﺍﻳﻪ .. ﻷﻥ ﻫﻲ ﺍﻟﻤﺘﻨﻔﺲ ﺍﻟﻮﺣﻴﺪ ﺍﻟﻲ ﻳﻄﻠﻌﻨﻲ .. ﻣﻦ ﺍﻟﺒﻴﺖ .. ﻣﺎﻣﺎ ﻛﺎﻧﺖ ﺣﺎﺑﺴﺘﻨﺎ .. ﻭﻣﺘﻄﻠﻌﻨﺎ ﺍﻭ ﻧﺎﺩﺭﺍ ﻣﺎﻧﻄﻠﻊ . ﺣﺘﻰ ﻣﻦ ﺗﺮﻭﺡ ﻟﻠﺰﻳﺎﺭﺓ .. ﻣﺘﺎﺧﺬﻧﺎ ﻭﻳﺎﻫﺎ .. ﻭﻛﻨﺖ ﺍﺗﻤﻨﻰ ﺍﺯﻭﺭ ﺑﺲ ﻣﺮﺍﺕ ﺍﻃﻠﻊ ﻭﻱ ﺑﻴﺖ ﺧﺎﻟﻮ ﺑﺎﻟﺴﻨﺔ ﻣﺮﻩ .. # ﺑﻘﻠﻤﻲ _ ﺷﻤﺲ ﻭﺑﻌﺪ ﻛﻢ ﻳﻮﻡ .. ﺧﻠﺼﺖ ﺻﻼﺓ ﻭﺍﺭﻳﺪ ﺍﺩﺧﻞ ﺍﺳﺒﺢ .. ﻭﻣﺎﻣﺎ ﺩﺍ ﺗﺼﻠﻲ ﻭﺍﻟﺒﻘﻴﻪ ﻫﻢ .. ﺍﻧﺪﮔﺖ ﺍﻟﺒﺎﺏ .. ﻓﺘﺤﺘﻬﺎ ﻭﺍﻟﻤﻔﺎﺟﺄﺓ ﻛﺎﻥ ﺑﻬﺎﺀ .. ﺍﺳﺘﻐﺮﺑﺖ ﻭﺗﻮﺗﺮﺕ ﻻﻥ ﻫﺬﻱ ﺍﻟﺤﺎﻟﺔ ﺗﻜﺮﺭﺕ . ﻛﺎﻧﺖ ﻭﺍﻟﺪﺗﻪ ﺗﺠﻴﺐ ﺍﻟﺨﺒﺰ .. ﻫﺴﺎ ﻫﻮ ﻳﺠﻴﺒﻪ .. ﺑﻬﺎﺀ .. ﺍﻟﺴﻼﻡ ﻋﻠﻴﻜﻢ ﺳﻤﺮ .. ﺭﺩﻳﺖ ﺍﻟﺴﻼﻡ ﻋﺎﺩﻱ .. ﻭﻋﻠﻴﻜﻢ ﺍﻟﺴﻼﻡ .. ﺑﻬﺎﺀ .. ﺷﺨﺒﺎﺭﺝ ﺳﻤﺮ ﺳﻤﺮ .. ﺍﺳﺘﻐﺮﺑﺖ ﺍﺷﻮ ﻫﺎﻟﻤﺮﺓ ﺗﺠﺮﺃ .. ﻭﺳﺄﻝ ﻋﻦ ﺣﺎﻟﻲ ﻭﻳﮕﻮﻟﻲ ﺑﺄﺳﻤﻲ .. ﺭﺩﻳﺖ ﻋﻠﻴﻪ ﺗﻤﺎﻡ ﺍﻟﺤﻤﺪ ﻟﻠﻪ .. ﺑﺲ ﻛﻨﺖ ﺍﺭﺟﻒ ﻣﻦ ﺍﻟﺨﻮﻑ ﻟﻴﻄﻠﻊ ﺍﺣﺪ ﻳﺸﻮﻓﻪ ﻭﺍﻫﻠﻲ ﻣﺘﺸﺪﺩﻳﻦ .. ﺑﻘﺖ ﻋﻴﻨﻲ ﻉ ﺍﻟﺒﺎﺏ ﻭﺑﻬﺎﺀ ﺍﺧﺬﺓ ﺍﻟﻮﺍﻫﺲ ﻳﺴﻮﻟﻒ .. ﺍﻧﻲ ﺣﺘﻰ ﺍﺻﺪﻗﺎﺀ ﺍﺧﻮﺍﻧﻲ ﻣﻦ ﻳﺠﻮﻥ ﻣﻴﺪﮔﻮﻥ ﺍﻟﺒﺎﺏ . ﻳﺼﻴﺤﻮﻟﻬﻢ ﺑﺄﺳﻤﺎﺋﻬﻢ ﻣﻦ ﻭﺭﻯ ﺍﻟﺒﺎﺏ .. ﻳﻌﻨﻲ ﻫﺎﻱ ﺍﻭﻝ ﻣﺮﺓ ﺍﻭﮔﻒ ﻭﻱ ﻭﻟﺪ .. ﻧﻄﺎﻧﻲ ﺑﻬﺎﺀ ﺍﻟﺨﺒﺰ ﻭﺳﻠﻢ ﻭﺭﺍﺡ .. ﻭﺍﻧﻲ ﻗﻔﻠﺖ ﺍﻟﺒﺎﺏ ﻭﺩﺧﻠﺖ ﺍﺑﺘﺴﻢ ﺩﺍﺧﻠﻲ ﻓﺮﺣﺎﻥ ﻣﺎﺍﻋﺮﻑ ﻟﻴﺶ .. ﻭﻣﺎﺍﺷﻮﻑ ﺍﻻ ﻣﺎﻣﺎ ﻣﻘﺎﺑﻴﻠﻲ .. ﻭﺗﺨﺰﺭ ﺑﻴﻪ ﻣﻨﻮ ﻫﺬﺍ ﺍﻟﻲ ﺑﺎﻟﺒﺎﺏ .. ﺳﻤﺮ .. ﻫﺎ ﻣﺎﻣﺎ ﺟﺎﺑﻮﺍ ﺧﺒﺰ .. ﻭﻣﺮﺗﺒﻜﻪ ﻣﮕﻠﺘﻠﻬﺎ ﺑﻬﺎﺀ ﺧﻔﺖ ﻻﺗﺸﻚ ﺑﻴﻪ .. # ﺑﻘﻠﻤﻲ _ ﺷﻤﺲ ﺑﺲ ﺑﻬﺎﺀ ﺍﺧﺬﻩ ﺍﻟﻮﺍﻫﺲ ﻭﺑﻘﻰ ﻛﻞ ﻳﻮﻡ ﻳﺠﻲ ﻭﺑﻨﻔﺲ ﺍﻟﻮﻗﺖ ﻭﺍﻧﻲ ﻫﻢ ﮔﻤﺖ ﺍﺧﻠﺺ ﺻﻼﺗﻲ ﻣﻦ ﻭﻗﺖ ﺣﺘﻰ ﺧﺎﻑ ﻳﺠﻲ .. ﺻﺮﺕ ﻛﻞ ﻳﻮﻡ ﺍﻧﺘﻈﺮﻩ ﺑﻠﻬﻔﻪ ﻭﻣﺎﺍﻋﺮﻑ ﻟﻴﺶ ﺍﻭ ﺷﻨﻮ ﺍﻟﻲ ﺩﺍﺍﺣﺴﻪ ﺍﺗﺠﺎﻫﻪ ﻻﻥ ﺍﻭﻝ ﻣﺮﺓ ﺍﺟﺮﺏ ﻫﻴﺞ ﺷﻌﻮﺭ ..

العضوة: 522131 , 6 years ago

ﻭﻋﺒﺎﻟﻚ ﺑﻴﻨﺎ ﻋﻼﻗﻪ ﺣﺐ ﻃﻮﻳﻠﻪ .. ﺑﺲ ﺍﺣﻨﺎ ﺍﺑﺪ ﻣﺎﻛﻨﺎ ﻧﺤﺠﻲ ﺷﻲ .. ﻳﺴﻠﻢ ﻭﻳﻨﻄﻴﻨﻲ ﺍﻟﺨﺒﺰ ﻭﻳﺮﻭﺡ .. ﺑﺲ ﻛﺎﻧﺖ ﻋﻴﻮﻧﻪ ﺗﺤﺠﻲ ﻭﻫﻮ ﺷﻠﻮﻥ ﻋﻴﻮﻥ ﻋﻨﺪﻩ .. ﺍﻭﻭﻭﻭﻭﻑ .. ﻧﺴﻴﺖ ﺍﻭﺻﻔﻠﻜﻢ ﺑﻬﺎﺀ .. ﻫﻮ ﺍﻛﺒﺮ ﻣﻨﻲ ﺗﻘﺮﻳﺒﺎ ﺳﺒﻊ ﺳﻨﻮﺍﺕ ﻭﻣﻼﻣﺤﻪ .. ﻃﻮﻳﻞ ﻭﺣﻨﻄﺎﻭﻱ ﻋﻴﻮﻧﺔ ﻛﺤﻴﻠﺔ ﻭﺑﻴﻬﺔ ﻧﻀﺮﺓ ﻛﻠﺶ ﺣﻠﻮﺓ ﻭﺑﺮﻳﺌﺔ ﻋﻨﺪﺓ ﻋﺾﻻﺕ ﻭﺟﺴﻤﺔ ﻛﻠﺶ ﺣﻠﻮ .. ﻋﺒﺎﻟﻚ ﻻﻋﺐ .. ﺑﻬﺎﺀ ﻛﻮﻟﺶ ﺧﻮﺵ ﻭﻟﺪ ﻭﺳﻤﻌﺘﻬﻢ ﻫﻮ ﻭﺍﻫﻠﺔ ﻃﻴﺒﻪ ﺑﺎﻟﻤﻨﻄﻘﻪ ﻭﺍﻟﻜﻞ ﺗﺤﻤﺪ ﺑﺄﺧﻼﻗﻪ .. ﻭﺑﻴﻮﻡ ﺍﺟﻮﻧﻪ ﺑﻨﺎﺕ ﺧﺎﻟﺘﻲ ﺧﻄﺎﺭ ﻫﻦ ﻣﺘﺰﻭﺟﺎﺕ ﻭﻋﺪﻫﻢ ﺍﻭﻻﺩ ﻫﻮﺍﻳﻪ .. ﻭﺑﻴﻮﻣﻬﺎ ﻣﻮﺗﻮﻧﻲ .. ﻛﻞ ﺳﺎﻋﻪ ﻭﻃﺎﻟﻌﻴﻦ ﻟﻠﺸﺎﺭﻉ .. ﻭﻳﺮﺟﻌﻮﻥ ﻳﺪﮔﻮﻥ ﺍﻟﺒﺎﺏ ﻳﺮﺩﻭﻥ ﻳﺪﺧﻠﻮﻥ .. ﻭﺍﻧﻲ ﺻﺮﺕ ﺍﻟﺒﻮﺍﺏ ﺍﻓﺘﺢ ﻭﺍﺳﺪ ﺑﺎﻟﺒﺎﺏ 😂 ﺑﻴﻮﻣﻬﺎ .. ﺍﻧﺪﮔﺖ ﺍﻟﺒﺎﺏ ﻭﻛﺎﻧﺖ ﺑﻴﺪﻱ ﺑﻨﺖ ﺑﻨﺖ ﺧﺎﻟﺘﻲ ﺻﻐﻴﺮﻩ ﻻﻥ ﺗﺒﺠﻲ ﻭﺍﻣﻬﺎ ﺑﺎﻟﺤﻤﺎﻡ . ﻓﺘﺤﺖ ﺍﻟﺒﺎﺏ ﻭﻛﺎﻟﻌﺎﺩﻩ ﻋﺒﺎﻟﻲ ﻭﺍﺣﺪ ﻣﻦ ﺍﻭﻻﺩﻫﻦ .. ﻭﺍﻧﻲ ﺑﻼ ﺣﺠﺎﺏ ﻭﻻﺑﺴﻪ ﺩﺷﺪﺍﺷﻪ ﻧﺺ ﺭﺩﻥ . ﻣﻦ ﺷﻔﺘﻪ ﺍﻧﺼﺪﻣﺖ ﻭﻣﺎﮔﺪﺭﺕ ﺍﻏﻠﻖ ﺍﻟﺒﺎﺏ ﺑﻮﺟﻬﺎ ﻛﺎﻥ ﺟﺎﻳﺐ ﺛﻮﺍﺏ .. ﺑﻬﺎﺀ .. ﺍﺗﺒﺎﻭﻋﻠﻬﺎ ﻭﻣﺼﺪﻭﻡ ﺗﺨﺒﻞ ﻭﻫﻲ ﻫﻢ ﺍﺭﺗﺒﻜﺖ .. ﺳﻠﻤﺖ ﻋﻠﻴﻬﺎ ﺭﺩﺕ ﺍﻟﺴﻼﻡ ﻭﺍﺧﺬﺕ ﺍﻟﺜﻮﺍﺏ ﻭﺭﺍﺣﺖ ﺧﺠﻼﻧﻪ . ﺍﻧﻲ ﺍﻋﺮﻓﻬﺎ ﻣﻤﺘﻘﺼﺪﻩ .. ﺗﻄﻠﻊ ﻫﻴﺞ .. ﻭﺍﻟﺼﺮﺍﺣﻪ ﻋﺎﺟﺒﻨﻲ ﺧﺠﻠﻬﺎ ﻭﻫﻲ ﻋﺎﺟﺒﺘﻨﻲ ﻫﻮﺍﻱ . ﺭﻏﻢ ﻣﺎﻫﻲ ﺑﻌﺪﻫﻲ ﺻﻐﻴﺮﻩ ﺑﺲ ﺍﻛﻮ ﺷﻲ ﺟﺬﺑﻨﻲ ﺍﻟﻬﺎ .. ﺳﻤﺮ .. ﺩﺧﻠﺖ ﺧﺠﻼﻧﻪ ﺷﮕﺪ ﻋﻴﺐ .. ﻫﺴﺎ ﺷﻴﮕﻮﻝ ﻋﻠﻴﻪ ﺍﺳﻮﻱ ﺍﻏﺮﺍﺋﺎﺕ .. ﻭﺍﺣﻨﻪ ﻧﺎﺱ ﺳﻤﻌﺘﻨﺎ ﺯﻳﻨﻪ ﺑﺎﻟﻤﻨﻄﻘﻪ ﻭﻳﮕﻮﻟﻮﻥ ﺍﻟﻨﺎ ﺑﻴﺖ ﺍﻟﺴﺎﺩﻩ ﻻﻥ ﺧﻮﺍﻟﻲ ﺳﺎﺩﻩ .. ﺍﻟﻠﻴﻞ ﻛﻮﻟﻪ ﺍﻓﻜﺮ ﻭﻣﻨﻤﺖ . ﻭﺧﻔﺖ ﻳﮕﻮﻝ ﺍﻻﺣﺪ ﻭﺗﻮﺻﻞ ﺍﻻﺧﻮﺍﻧﻲ .. ﺍﻭﻭﻭﻭﻑ ﺳﻤﺮ ﺷﻠﻮﻥ ﻫﺴﺎ . ﺍﺧﺮ ﺷﻲ ﺧﻠﻴﺘﻬﺎ ﻉ ﺍﻟﻠﻪ ﻭﻧﻤﺖ 💤 .. ﺛﺎﻧﻲ ﻳﻮﻡ ﻫﻢ ﺍﺟﺔ ﺑﺲ ﺍﻧﻲ ﻣﻄﻠﻌﺖ ﺩﺧﻠﺖ ﻟﻠﻐﺮﻓﻪ .. ﺣﺘﻰ ﻣﺎﺍﻧﺠﺒﺮ ﻭﺍﻃﻠﻊ .. # ﺑﻘﻠﻤﻲ _ ﺷﻤﺲ ﻣﺎﻣﺎ .. ﺳﻤﺮ .. ﻟﺞ ﺳﻤﺮ ﻣﺘﺴﻤﻌﻴﻦ ﺍﻓﺘﺤﻲ ﺍﻟﺒﺎﺏ .. ﺳﻮﻳﺖ ﻧﻔﺴﻲ ﻣﺎﺍﺳﻤﻊ .. ﺍﺿﻄﺮﺕ ﻣﺎﻣﺎ ﺗﺘﺮﻙ ﺻﻼﺗﻬﺎ ﻭﺗﻔﺘﺢ ﺍﻟﺒﺎﺏ ﻫﻲ .. ﺍﺳﺘﻤﺮ ﻫﺬﺍ ﺍﻟﻮﺿﻊ ﻫﻮ ﻳﺠﻲ ﻭﺍﻧﻲ ﻣﺎﺍﻓﺘﺢ ﺍﻟﺒﺎﺏ ﻣﻦ ﺍﻟﺨﻮﻑ ﻭﺍﻟﺨﺠﻞ .. ﺑﻬﺎﺀ .. ﺑﻘﻴﺖ ﻛﻞ ﻳﻮﻡ ﺍﺟﻲ ﺍﻧﻲ ﺍﺟﻴﺐ ﺍﻟﺨﺒﺰ .. ﻭﺍﺗﻤﻨﻰ ﺍﺷﻮﻓﻬﺎ ﺍﻭ ﺍﻟﻤﺤﻬﺎ . ﺑﺲ ﺑﻌﺪ ﻣﻄﻠﻌﺖ ﻣﻦ ﺫﺍﻙ ﺍﻟﻴﻮﻡ ..

العضوة: 522131 , 6 years ago

ﺑﺲ ﺍﻣﻬﺎ ﺗﻄﻠﻊ . ﺩﻣﺮﺗﻨﻲ .. ﺑﻬﺎﺀ ﺑﻌﺪ ﻣﺎ ﻛﻞ ﻳﻮﻡ ﻳﺠﻲ ﻭﺍﻧﻲ ﻣﺎﺍﻃﻠﻌﻠﻪ .. ﺑﻄﻞ ﻳﺠﻲ .. ﻭﺭﺟﻌﺖ ﺍﻣﻪ ﺗﺠﻴﺐ ﺍﻟﺨﺒﺰ .. ﻣﺮﺕ ﻓﺘﺮﻩ ﻃﻮﻳﻠﻪ ﻭﻫﻮ ﻣﺎﻛﻮ .. ﻭﻻﺍﻋﺮﻑ ﺍﺧﺒﺎﺭﻩ ﻭﻻﺷﺎﻳﻔﺘﻪ ﻛﻨﺖ ﺍﺑﻘﻰ ﺑﺎﻟﻠﻴﻞ ﺍﻓﻜﺮ ﺑﻲ .. ﻣﺎﺍﻋﺮﻑ ﻟﻴﺶ ﻫﻴﺞ ﻣﺸﺎﻋﺮﻱ ﺑﺪﺕ ﺗﺘﺤﺮﻙ ﺍﺗﺠﺎﻫﻪ .. ﺍﻓﻜﺮ ﺷﻠﻮﻥ ﺍﺷﻮﻓﻪ .. ﺣﺘﻰ ﻣﻼﻣﺢ ﻭﺟﻬﺔ ﻧﺴﻴﺘﻬﻦ .. ﺧﻠﺼﺖ ﺍﻟﻌﻄﻠﻪ ﻭﺑﺪﺃ ﺍﻟﺪﻭﺍﻡ . # ﺑﻘﻠﻤﻲ _ ﺷﻤﺲ ﺩﺍﻭﻣﺖ ﺻﻒ ﺛﺎﻟﺚ ﻣﺘﻮﺳﻂ .. ﻓﺮﺣﺖ ﻻﻥ ﺍﺧﻴﺮﺍ ﺣﻄﻠﻊ ﻣﻦ ﺍﻟﺒﻴﺖ .. ﻭﻛﻮﻟﻲ ﺍﻣﻞ ﺍﺷﻮﻑ ﺑﻬﺎﺀ ﺑﺎﻟﺸﺎﺭﻉ ﻟﻜﻦ ﺧﺎﺏ ﺍﻣﻠﻲ ﻭﻓﻘﺪﺗﻪ ﻧﻬﺎﺋﻲ . ﻭﺣﺮﺕ ﺍﻟﻤﻦ ﺍﺳﺄﻝ ﻋﻠﻴﻪ .. ﻋﻼﻗﺘﻲ ﺑﺄﻫﻠﻪ ﻣﻮ ﻛﻮﻟﺶ .. ﻭﻣﺎﻋﻨﺪﻫﻢ ﺑﻨﻴﻪ ﺑﻌﻤﺮﻱ ﺣﺘﻰ ﺍﺣﺠﻲ ﻭﻳﺎﻫﻪ ﻭﺍﻋﺮﻑ ﺍﺧﺒﺎﺭﻩ ﺑﻬﺬﻱ ﺍﻟﻔﺘﺮﻩ ﺗﺄﺯﻣﺖ ﺣﺎﻟﺔ ﻣﺎﻣﺎ ﻛﻮﻟﺶ . ﻭﺑﻘﺖ ﻉ ﺍﻗﻞ ﺷﻲ ﺗﻀﺮﺑﻨﻲ .. ﻭﻛﻞ ﺿﺮﺑﻪ ﻻﺯﻡ ﻳﺼﻴﺮ ﺑﻴﻪ ﺷﻲ .. ﻭﻛﻨﺖ ﺍﻋﺬﺭﻫﺎ ﻻﻥ ﻣﺮﻳﻀﻪ ﻭﻣﻮ ﺑﻴﺪﻫﺎ .. ﻭﺑﻴﻮﻡ ﺗﻌﺎﺭﻛﺖ ﻭﻳﺎﻱ ﺑﻨﺖ ﺟﻴﺮﺍﻧﻪ ﺑﺎﻟﻤﺪﺭﺳﻪ ﻭﺍﺟﺖ ﺗﺸﺘﻜﻲ ﺍﻟﻤﺎﻣﺎ . ﻭﻣﺎﻣﺎ ﻣﻦ ﻏﻴﺮ ﻣﺘﺴﻤﻊ ﻣﻨﻲ ﻣﻮﺗﺘﻨﻲ ﺿﺮﺏ ﺑﺎﻟﻤﺎﺳﺤﻪ ﺍﻟﻌﻔﻮ .. ﺧﻠﻴﺖ ﺍﻳﺪﻳﻪ ﻉ ﻭﺟﻬﻲ ﻟﺘﺄﺫﻳﻨﻲ ﻭﺍﻧﻲ ﺍﺳﺘﻨﺠﺪ ﻭﺍﺣﻠﻒ ﺑﺲ ﻫﻲ ﻣﺴﺘﻤﺮﻩ ﺑﺎﻟﻈﺮﺏ .. ﺍﻟﻰ ﺍﻥ ﺟﺮﺣﺘﻨﻲ ﺑﺄﻳﺪﻱ ﺟﺮﺡ ﻋﻤﻴﻖ ﻭﺑﻘﺖ ﺗﻨﺰﻑ ﺩﻡ . ﺍﺟﻪ ﺍﺧﻮﻳﻪ ﺭﺿﺎ ﺷﺎﻓﻨﻲ ﺗﺨﺒﻞ . ﻭﺑﻘﻰ ﻳﻠﻮﻡ ﺑﻤﺎﻣﺎ ﻭﻳﺤﺠﻲ ﻋﻠﻴﻬﺎ .. ﻭﺍﺧﺬﻧﻲ ﺍﻟﻤﻤﺮﺽ ﻳﻤﻨﺎ ﻋﺎﻟﺠﻨﻲ ﻭﺧﻴﻂ ﺍﻟﺠﺮﺡ . ﻷﻥ ﻣﻴﮕﺪﺭ ﻳﺎﺧﺬﻧﻲ ﻟﻠﻤﺴﺘﺸﻔﻰ ﻭﺗﺼﻴﺮ ﺳﻴﻦ ﻭﺟﻴﻢ . ﻫﻮ ﻳﺨﻴﻂ ﺑﺄﻳﺪﻱ ﻭﺍﻧﻲ ﺍﺑﺠﻲ .. ﻣﻮ ﻣﻦ ﺍﻻﻟﻢ . ﺑﺲ ﺍﺑﺠﻲ ﻉ ﺣﻈﻲ ﻭﺣﻴﺎﺗﻲ ﻭﻣﺎﻣﺎ ﺍﻟﻲ ﻣﻦ ﻏﻴﺮ ﻣﺘﺴﻤﻌﻨﻲ ﺿﺮﺑﺘﻨﻲ .. ﺁﻩ ﻳﺎﺍﻟﻬﻲ ﻣﺎﻛﻮ ﻧﻬﺎﻳﻪ ﺍﻟﻤﻌﺎﻧﺎﺗﻲ .. ﺍﺻﻌﺐ ﺍﺣﺴﺎﺱ ﻟﻤﻦ ﻳﺤﻜﻢ ﻋﻠﻴﻚ ﺍﻗﺮﺏ ﺍﻟﻨﺎﺱ ﺍﻟﻚ ﻇﻠﻢ ﻭﻣﻦ ﻏﻴﺮ ﻣﻴﺴﻤﻌﻚ .. ..... .....  يتبع

العضوة: 522131 , 6 years ago

ﺑﻌﺪ ﻣﺨﻴﻄﻮﺍ ﺍﻳﺪﻱ .. ﻣﺮﺟﻌﺖ ﺑﻴﻮﻣﻬﺎ ﻟﻠﺒﻴﺖ ﺭﺣﺖ ﺍﻟﺒﻴﺖ ﺧﺎﻟﻮ .. ﻻﻥ ﺻﺪﻭﮒ ﺿﺠﺖ ﻣﻦ ﻣﺎﻣﺎ ﻭﺍﻟﻲ ﺳﻮﺗﻪ ﺑﻴﻪ ﻣﻦ ﻏﻴﺮ ﻣﺘﺴﻤﻌﻨﻲ .. # ﺷﻤﺲ ﺍﻧﻘﻬﺮﺕ ﻣﻨﻬﺎ ﺣﻴﻞ .. ﺑﻘﻴﺖ ﺍﺳﺒﻮﻉ ﻋﻨﺪ ﺑﻴﺖ ﺧﺎﻟﻮ ﻭﺭﺟﻌﺖ . ﻟﻠﻤﻐﺮﺏ ﺍﺟﺖ ﺍﻡ ﺑﻬﺎﺀ .. ﻛﺎﻟﻌﺎﺩﺓ ﺟﺎﻳﺒﺔ ﺧﺒﺰ .. ﻣﺎﻣﺎ ﮔﻠﺘﻠﻬﺎ ﺩﺧﻠﻲ .. ﻫﻲ ﺑﺎﻟﻌﺎﺩﻩ ﻣﺘﺪﺧﻞ ﻣﻦ ﺍﻟﺒﺎﺏ ﻭﺗﺮﻭﺡ ﻟﻜﻦ ﺑﻌﺪ ﺍﻟﺤﺎﺡ ﻣﻦ ﻣﺎﻣﺎ ﺩﺧﻠﺖ .. ﻣﺎﻣﺎ .. ﺳﻤﺮ ﺟﻴﺒﻲ ﻣﻲ .. ﺧﺠﻠﺖ ﺍﻃﻠﻊ ﻻﻥ ﺍﻳﺪﻱ ﺑﻌﺪﻫﺎ ﻣﻄﺎﻳﺒﻪ ﻭﻣﻠﻔﻮﻓﻪ ﺑﺸﺎﺵ ﻭﻣﻀﻤﺪﻩ .. ﻭﺍﻛﻴﺪ ﺣﺘﺴﺄﻝ ﺷﻠﻮﻥ ﺍﻧﺠﺮﺣﺖ . ﻭﻣﺎﻣﺎ ﺻﺮﻳﺤﻪ ﻭﺣﺘﮕﻮﻟﻠﻬﺎ ﻛﻮﻟﺸﻲ ﻭﺗﻄﻠﻌﻨﻲ ﺍﻧﻲ ﺍﻟﻐﻠﻄﺎﻧﻪ ﻻﻥ ﻫﻲ ﺩﺍﻳﻤﺎ ﺗﺸﻜﻲ ﻋﻠﻴﻪ ﻟﻠﻨﺴﻮﺍﻥ ﺟﻴﺮﺍﻧﻪ ﻣﻦ ﻳﺠﻮﻥ .. ﺍﻭ ﺗﮕﻠﻠﻬﻢ ﺍﻧﻲ ﻣﻘﺼﺮﻩ ﺑﺸﻐﻞ ﺍﻟﺒﻴﺖ ﻭﻣﺎﺍﺳﺎﻋﺪﻫﺎ .. ﻭﻫﻮ ﻓﻌﻼ ﺍﻧﻲ ﻣﻘﺼﺮﻩ .. # ﺑﻘﻠﻤﻲ _ ﺷﻤﺲ ﻻﻥ ﻣﺸﻐﻮﻟﻪ ﺑﺪﺭﺍﺳﺘﻲ ﺍﻟﻲ ﻋﻨﺪﻱ ﺍﻫﻢ ﻣﻦ ﻛﻮﻟﺸﻲ .. ﻭﻣﺎﺍﺭﻳﺪ ﺷﻲ ﻳﺄﺛﺮ ﻋﻠﻴﻬﺎ .. ﻭﮔﻔﺖ ﻗﺮﻳﺐ ﻣﻦ ﺍﻻﺳﺘﻘﺒﺎﻝ .. ﺑﻠﻜﻲ ﺍﺳﻤﻊ ﺧﺒﺮ ﻋﻦ ﺑﻬﺎﺀ ﻳﺮﻳﺢ ﺑﺎﻟﻲ .. ﻭﻓﻌﻼ ﻣﺎﻣﺎ ﺳﺄﻟﺘﻬﺎ .. ﺑﻬﺎﺀ ﺷﻠﻮﻧﻪ ﺍﺷﻮ ﻣﺎﺍﺷﻮﻓﻪ .. ﻣﺎﻣﺎ ﻛﺎﻧﺖ ﺗﺤﺒﻪ ﺍﻟﺒﻬﺎﺀ ﻻﻥ ﺣﺒﺎﺏ ﻭﻳﺨﺪﻡ ﺍﻫﻞ ﺍﻟﻤﻨﻄﻘﻪ ﻛﻮﻟﻬﻢ .. ﺍﻡ ﺑﻬﺎﺀ .. ﻭﺍﻟﻠﻪ ﻣﺎﺍﻋﺮﻑ ﺷﺄﮔﻠﺞ ﺧﻴﺘﻲ .. ﺑﻬﺎﺀ ﺻﺎﺭﻟﺔ ﺍﺷﻬﺮ ﺑﺒﻴﺖ ﺧﺎﻟﺘﻪ ﺑﺎﻟﺒﺼﺮﻩ .. ﻭﻣﻴﻘﺒﻞ ﻳﺠﻲ ﻣﺎﺍﻋﺮﻑ ﻟﻴﺶ .. ﺍﻡ ﺳﻤﺮ .. ﻟﺞ ﻋﻴﻨﻲ ﺧﺎﻑ ﻳﺤﺐ ﻭﺣﺪﻩ ﺑﺼﺮﺍﻭﻳﻪ ﻟﻬﺬﺍ ﻣﺎﻳﺠﻲ 😂 ﻭﺗﻀﺤﻚ .. ﺍﻡ ﺑﻬﺎﺀ .. ﻫﻬﻬﻪ ﻭﺍﻟﻠﻪ ﺑﻌﺪ ﻣﺎﺍﺩﺭﻱ .. ﺑﻘﻰ ﻛﻼﻡ ﻣﺎﻣﺎ ﺑﺒﺎﻟﻲ .. ﺍﺧﺎﻑ ﺻﺪﻭﮒ ﻳﺤﺐ ﻭﺣﺪﻩ . ﻭﺍﻧﻲ ﺣﺘﻰ ﻣﺎﺍﻋﺮﻑ ﻳﺤﺒﻨﻲ ﺍﻭ ﻻ . ﻻ ﻣﻨﻮ ﻳﮕﻮﻝ ﻳﺤﺒﻨﻲ .. ﺍﻭﻭﻭﻭﻑ ﺳﻤﺮ ﺍﻧﺘﻲ ﺣﺒﻴﺘﻲ ﻭﺗﻔﻜﺮﻳﻦ ﺑﻲ .. ﺑﺲ ﻫﻮ ﻣﻨﻮ ﻳﮕﻮﻝ ﻳﻔﻜﺮ ﺑﻴﺞ ﻭﺍﻛﻴﺪ ﻋﻨﺪﻩ ﻭﺣﺪﻩ .. ‏( ﺍﺣﺠﻲ ﺑﺪﺍﺧﻠﻲ ‏) ﻛﺘﻠﻲ ﺍﻟﺘﻔﻜﻴﺮ ﺑﺲ ﺑﻤﺮﻭﺭ ﺍﻟﺰﻣﻦ ﻗﻄﻌﺖ ﺍﻻﻣﻞ ﻣﻨﻪ .. ﺑﻴﻮﻡ ﺍﺟﻪ ﺧﺎﻟﻲ ﻋﻨﺪﻩ ﻭﻟﺪ ﺍﺳﻤﻪ ﺣﻴﺪﺭ ﺑﺲ ﻫﻮ ﻣﻮ ﺍﺑﻨﻪ . ﺍﺑﻦ ﺍﺧﻮﻩ ﺷﻬﻴﺪ ﻭﻫﻮ ﺭﺑﺎﻩ ﻻﻥ ﺣﺎﻟﺘﻪ ﺯﻳﻨﻪ ﻭﻣﺘﻤﻜﻦ .. ﻋﻤﺮ ﺣﻴﺪﺭ 17 ﺳﻨﻪ .. ﻭﻗﺮﺭﻭﺍ ﻳﺰﻭﺟﻮﻩ .. ﻭﮔﺎﻟﻮﺍ ﺍﻟﻤﺎﻣﺎ ﻋﻠﻴﻪ .. ﻭﺍﻧﻲ ﻣﺼﺪﻭﻣﻪ ﺣﻴﺪﺭ ﺍﺧﺮ ﺷﺨﺺ ﻣﻤﻜﻦ

العضوة: 522131 , 6 years ago

ﺍﻓﻜﺮ ﺍﺗﺰﻭﺟﻪ .. ﻷﻥ ﻣﻌﺘﺒﺮﺗﻪ .. ﻣﺜﻞ ﺍﺧﻮﻳﻪ .. ﺭﻓﻀﺖ ﺭﻓﺾ ﺗﺎﻡ .. ﺑﺲ ﺍﻟﻜﻞ ﻣﺎﺳﻜﺖ ﻭﻛﻞ ﻳﻮﻡ ﺟﺎﻱ ﺍﺣﺪ ﺣﺘﻰ ﻳﻘﻨﻌﻨﻲ .. ﺳﺎﻋﻪ ﺍﺧﺘﻲ ﻭﺳﺎﻋﻪ ﺧﺎﻻﺗﻲ ﻭﺧﻮﺍﻟﻲ .. ﻭﻳﮕﻠﻮﻟﻲ ﺍﺗﺰﻭﺟﻲ .. ﻭﺧﻠﺼﻲ ﻣﻦ ﺍﻟﻀﺮﺏ ﻭﺍﺳﻠﻮﺏ ﻣﺎﻣﺎ ﻭﺷﻜﻬﺎ .. ﺍﻧﻲ ﻛﺎﻥ ﻫﻤﻲ ﺍﻟﺪﺭﺍﺳﻪ .. ﺑﺶ ﺫﻭﻟﻲ ﺷﻠﻮﻥ ﺍﻓﻬﻤﻬﻢ . ﻭﻣﻦ ﺟﻬﻪ ﺛﺎﻧﻴﻪ ﺍﻓﻜﺮ ﺑﺒﻬﺎﺀ ﻭﻋﻴﻮﻧﻪ ﺍﻟﻲ ﺧﻠﺘﻨﻲ ﻣﺎﺍﺷﻮﻑ ﻏﻴﺮﻩ .. ﺑﻌﺪ ﺍﻻﻟﺤﺎﺡ ﻭﺍﺳﺘﺨﺪﺍﻣﻬﻢ ﻟﻜﺜﻴﺮ ﻣﻦ ﺍﻟﻄﺮﻕ ﺍﻟﻲ ﺗﺠﺒﺮﻧﻲ ﺍﻭﺍﻓﻖ . ﻭﻣﻨﻬﻦ ﻣﺎﻣﺎ ﻭﺷﻜﻬﺎ ﻭﺿﺮﺑﻬﺎ .. ﺑﻘﺖ ﻛﻞ ﻳﻮﻡ ﺗﻀﺮﺑﻨﻲ ﻭﺗﺘﺮﻛﻨﻲ ﺑﺎﻟﺒﻴﺖ ﻭﺣﺪﻱ ﻭﻳﻄﻠﻌﻮﻥ ﻭﻳﻘﻔﻠﻮﻥ ﺍﻟﺒﺎﺏ .. ﺣﻴﺎﺗﻲ ﺻﺎﺭﺕ ﻋﺒﺎﺭﻩ ﻋﻦ ﺳﺠﻦ .. ﺣﺘﻰ ﺍﺛﺎﺭ ﺍﻟﻀﺮﺏ ﻣﺒﻴﻨﻪ ﺑﺠﺴﻤﻲ .. # ﺑﻘﻠﻤﻲ _ ﺷﻤﺲ ﻛﺮﻫﺖ ﺣﺎﻟﻲ ﻭﻛﺮﻫﺖ ﺍﻟﺪﻧﻴﺎ .. ﻣﻊ ﺍﻧﻪ ﻋﻤﺮﻱ ﺻﻐﻴﺮ ﻛﻨﺖ 15 ﺳﻨﻪ .. ﻳﺮﺩﻭﻥ ﻳﺰﻭﺟﻮﻧﻲ ﻭﻳﺨﻠﺼﻮﻥ ﻣﻨﻲ .. ﻭﺍﻧﻲ ﺣﺘﻰ ﻣﺎﺍﻋﺮﻑ ﺷﻨﻮ ﺯﻭﺍﺝ .. ﻭﻣﺎﺍﻋﺮﻑ ﺷﻨﻮ ﻣﺴﺆﻟﻴﺎﺕ ﺍﻟﺰﻭﺝ . ﻻﻥ ﻓﺘﺤﺖ ﻋﻴﻨﻲ ﻉ ﺍﻟﺪﻧﻴﺎ ﻭﻣﺎﻣﺎ ﻣﻄﻠﻘﻪ .. ﻛﻨﺖ ﻋﺒﺎﻟﻲ ﺍﻟﺰﻭﺍﺝ ﺯﻓﻪ ﻭﺑﺪﻟﻪ ﻭﺣﻔﻠﻪ .. ﺗﻤﻨﻴﺖ ﺑﻬﺬﻱ ﺍﻟﻠﺤﻈﻪ ﻋﻨﺪﻱ ﺍﺏ .. ﻳﺴﻨﺪﻧﻲ ﻭﻳﺪﺍﻓﻊ ﻋﻨﻲ .. ﻭﻓﻌﻼ .. ﮔﺪﺭﻭﺍ ﻳﻀﺤﻜﻮﻥ ﻋﻠﻴﻪ ﻭﻳﻘﻨﻌﻮﻧﻲ ﺍﻧﻪ ﺍﺗﺰﻭﺝ ﺣﻴﺪﺭ ﺍﺗﻌﺬﺭﺕ ﺑﺪﺭﺍﺳﺘﻲ .. ﻭﮔﻠﻮﻟﻲ ﺣﻴﺪﺭ ﻣﻮﺍﻓﻖ ﺗﻜﻤﻠﻴﻦ .. ﻛﺎﻥ ﻛﻞ ﻫﻤﻬﻢ ﻳﺰﻭﺟﻮﻥ ﺍﺑﻦ ﺍﺧﻮﻫﻢ ﺍﻟﺸﻬﻴﺪ ﻭﻳﻔﺮﺣﻮﻩ ﺑﻘﺒﺮﻩ ﺣﺴﺐ ﻛﻼﻣﻬﻢ .. # ﺑﻘﻠﻤﻲ _ ﺷﻤﺲ ﻭﻣﺎﻛﻮ ﺍﺣﺪ ﻓﻜﺮ ﺑﻤﺼﻠﺤﺘﻲ .. ﺣﺘﻰ ﻣﺎﻣﺎ ﺳﺎﻛﺘﻪ ﻭﺭﺍﺿﻴﻪ .. ﻭﻣﺎﻳﻮﻡ ﺍﻋﺘﺒﺮﺗﻨﻲ ﻛﺼﺪﻳﻘﻪ ﻭﺗﮕﻌﺪ ﺗﺘﻜﻠﻢ ﻣﻌﺎﻱ ﻭﺍﺷﻜﻴﻠﻬﺎ ﻭﺗﺴﺎﻧﺪﻧﻲ .. ﺍﺣﺲ ﻧﻔﺴﻲ ﻭﺣﻴﺪﻩ ﺑﺤﻴﺎﺗﻲ .. ﻭﻻﺯﻡ ﺍﻗﺎﻭﻡ ﺣﺘﻰ ﺍﻋﻴﺶ ﺑﺲ ﺍﻟﻀﻐﻮﻃﺎﺕ ﻛﺎﻧﺖ ﺍﻗﻮﻯ ﻣﻨﻲ ﻟﻼﺳﻒ ️☹ ﻛﻨﺖ ﺍﺗﻤﻨﻰ ﺍﮔﻮﻝ ﺍﻧﻲ ﺍﺣﺐ ﺑﻬﺎﺀ .. ﺑﺲ ﺧﻔﺖ ﻻﻥ ﺧﻮﺍﻟﻲ ﺳﺎﺩﻩ ﻭﻣﺎﻋﻨﺪﻫﻢ ﺷﻐﻠﻪ ﺍﻟﺤﺐ ﻭﻛﺬﺍ .. ﻭﻛﻞ ﺑﻨﺎﺗﻨﺎ ﺗﺰﻭﺟﻦ ﺗﻘﻠﻴﺪﻱ .. ﻣﺎﻋﺪﻧﺎ ﻭﺣﺪﻩ ﺗﺘﺰﻭﺝ ﻋﻦ ﺣﺐ .. ﻭﺑﻨﻔﺲ ﺍﻟﻮﻗﺖ ﻣﺎﺍﻋﺮﻑ ﺍﺫﺍ ﻳﺤﺒﻨﻲ ﺍﻭ ﻻ .. ﻭﺣﺘﻰ ﻣﺎﺍﻋﺮﻑ ﻟﻴﺶ ﻏﺎﺏ ﻛﻞ ﻫﺬﻱ ﺍﻟﻔﺘﺮﻩ ﺑﺎﻟﺒﺼﺮﻩ .. ﺳﻜﺘﺖ ﻭﺑﻘﺖ ﻏﺼﻪ ﺑﮕﻠﺒﻲ . ﻭﻣﺎﻋﻨﺪﻱ ﻏﻴﺮ ﺍﺷﻜﻲ ﺍﻟﺮﺑﻲ ﺍﻟﻌﺎﻟﻤﻴﻦ ﻳﺨﻠﺼﻨﻲ ﻣﻨﻪ ..

العضوة: 522131 , 6 years ago

ﺑﺲ ﻟﻠﻴﻞ ﺍﺟﻮ ﺑﻴﺖ ﺧﺎﻟﻮ ﺍﻫﻞ ﺣﻴﺪﺭ . ﻣﻦ ﺳﻤﻌﺖ ﺑﻴﻬﻢ ﺍﺟﻮ ﺍﻧﻬﺰﻣﺖ ﺍﻟﺒﻴﺖ ﺧﺎﻟﻮ ﺑﻴﻨﺎ ﻭﺑﻴﻨﻬﻢ ﺑﺎﺏ ﺻﻐﻴﺮ .. ﺩﺧﻠﺖ ﺍﻟﻐﺮﻓﻪ ﻳﻢ ﺑﻨﺎﺕ ﺧﺎﻟﻮ ﻭﺧﺎﻳﻔﻪ . ﻭﺍﻟﺒﻨﺎﺕ ﻳﺴﺄﻟﻦ ﻭﺍﻧﻲ ﺳﺎﻛﺘﻪ ﻣﺎﺍﺟﺎﻭﺑﻬﻢ ﺍﻧﻲ ﻃﺒﻌﻲ ﻣﺎﺍﺣﺐ ﺍﺷﻜﻲ .. ﻭﺣﺘﻰ ﺍﺫﺍ ﺷﻜﻴﺖ ﻣﻨﻮ ﺍﻟﻲ ﻳﺴﻤﻌﻨﻲ .. ﺑﻘﻴﺖ ﮔﺎﻋﺪﻩ ﻭﺧﺎﻳﻔﻪ .. ﻭﻛﻞ ﺳﺎﻋﻪ ﺍﺗﺨﻴﻞ ﺍﺣﺪ ﻣﻦ ﺍﻫﻠﻲ ﻳﺠﻲ ﻳﺎﺧﺬﻧﻲ .. # ﺑﻘﻠﻤﻲ _ ﺷﻤﺲ ﻭﻓﻌﻼ .. ﺍﺟﺖ ﺭﻧﺎ ﺍﺧﺘﻲ . ﻫﻲ ﻣﺘﺰﻭﺟﻪ ﺑﺒﻐﺪﺍﺩ ﺑﺲ ﺍﺟﺘﻨﺎ ﺧﻄﺎﺭ ﻉ ﺣﻈﻲ .. ﺭﻧﺎ .. ﺳﻤﺮ ﮔﻮﻣﻲ ﺑﻴﺖ ﺧﺎﻟﻮ ﻣﻨﺘﻀﺮﻳﺞ ﻟﺘﺼﻴﺮﻳﻦ ﻃﻔﻠﻪ .. ﺳﻤﺮ .. ﻣﺎﺍﺭﻭﺡ ﮔﻮﻟﻴﻠﻬﻢ ﻣﺎﺍﺗﺰﻭﺝ ﻣﺎﺍﺭﻳﺪ 😡 ﺑﻨﺖ ﺧﺎﻟﻮ .. ﺭﻧﺎ ﺍﺗﺮﻛﻮﻫﺎ ﻟﻴﺶ ﺗﺠﺒﺮﻭﻫﺎ .. ﮔﻠﻮﻟﻬﻢ ﺭﺍﻓﻀﻪ ﻭﺳﺪﻭﺍ ﺍﻟﺴﺎﻟﻔﻪ .. ﺭﻧﺎ .. ﺧﻠﻲ ﺗﻮﻟﻲ ﺷﻨﻮ ﺗﺮﻓﺾ ﻭﻳﻦ ﺗﻠﮕﻲ ﺍﺣﺴﻦ ﻣﻨﻪ .. ﻭﺑﻌﺪﻳﻦ ﺍﺣﻨﻪ ﻧﻄﻴﻨﺎ ﻛﻠﻤﻪ .. ﻗﺎﺑﻞ ﻫﻮ ﻛﻼﻡ ﺍﻃﻔﺎﻝ .. ﺷﻮﻳﻪ ﻭﺍﺟﻪ ﺍﺧﻮﻳﻪ ﺭﺿﺎ .. ﻳﻠﻪ ﻋﻴﻨﻲ ﺳﻤﻮﺭﻩ ﮔﻮﻣﻲ ﻟﺘﺼﻐﻴﺮﻧﻲ ﺑﻴﻦ ﺍﻟﻨﺎﺱ .. ﺍﻧﻲ ﺍﺣﺘﺮﻣﻪ ﺍﻟﺮﺿﺎ ﻭﺍﺣﺘﺮﻡ ﺗﻀﺤﻴﺘﻪ ﺍﻟﻨﺎ ﻭﺍﻟﻲ ﺳﻮﺍﻩ . ﻭﻣﺎﺍﮔﺪﺭ ﺍﻛﺴﺮﻟﻪ ﻛﻠﻤﻪ .. ﻃﻠﻌﺖ ﻭﻳﺎﻩ ﻭﺭﺟﻠﻴﻪ ﻣﺎﺍﮔﺪﺭ ﺍﻣﺸﻲ ﻋﻠﻴﻬﻦ ﻳﺮﺟﻔﻦ . ﻣﻦ ﺍﻟﻘﻬﺮ .. ﺣﻴﻠﻲ ﻛﻮﻟﻪ ﺭﺍﺡ ﻭﺍﺣﺲ ﻧﻔﺴﻲ ﺿﺎﻳﻌﻪ .. ﺩﺧﻠﺖ ﺳﻠﻤﺖ ﻋﻠﻴﻬﻢ .. ﮔﻠﻮﻟﻲ ﺳﻤﺮ ﻧﺮﻳﺪ ﺭﺃﻳﺞ ﺍﻧﺘﻲ ﻣﻮﺍﻓﻘﻪ ﻉ ﺣﻴﺪﺭ .. ﺳﻜﺘﺖ ﻣﺎﺍﻋﺮﻑ ﺷﻨﻮ ﺍﺣﺠﻲ .. ﻭﻋﺴﺎﺱ ﻳﻬﻤﻬﻢ ﺭﺃﻱ ﻭﺍﺻﻼ ﻫﻢ ﻧﺎﻃﻴﻦ ﺍﻟﻤﻮﺍﻓﻘﻪ ﺑﺪﻝ ﻋﻨﻲ .. ﺭﻧﺎ .. ﺍﻟﺴﻜﻮﺕ ﻋﻼﻣﺔ ﺍﻟﺮﺿﺎ 😂.. ﺍﺗﺒﺎﻭﻋﺘﻠﻬﺎ ﻭﺍﺣﺠﻲ ﺑﺪﺍﺧﻠﻲ .. ﺍﻧﺘﻲ ﺷﻨﻮ ﺗﺤﺠﻴﻦ . ﺍﻟﺴﻜﻮﺕ ﻋﻼﻣﻪ ﺍﻟﻐﺼﻪ ﺍﻟﻲ ﺑﮕﻠﺒﻲ .. ﺍﻟﺴﻜﻮﺕ ﻋﻼﻣﻪ ﺍﻟﻀﻌﻒ ﺍﻟﺴﻜﻮﺕ ﻣﻌﻨﺎﻫﺎ ﺟﺒﺮﻭﺗﻜﻢ ﻭﺿﻠﻤﻜﻢ ﺍﻟﻲ .. ﻭﺧﻮﻓﻲ ﻣﻦ ﻣﺎﻣﺎ ﺍﻟﻲ ﺩﻣﺮﺗﻨﻲ ﺑﺸﻜﻬﺎ ﻭﺿﺮﺑﻬﺎ ﻭﺍﺫﺍ ﻋﺮﻓﺖ ﺍﻧﻲ ﺍﺣﺐ ﺑﻬﺎﺀ ﻳﻤﻜﻦ ﺗﺬﺑﺤﻨﻲ .. ﮔﻤﺖ ﺍﺻﺮﺥ ﺑﺪﺍﺧﻠﻲ . ﻭﺍﺣﺲ ﮔﻠﺒﻲ ﻳﺮﻳﺪ ﻳﻨﻔﺠﺮ ﻭﻳﻄﻠﻊ ﻣﻦ ﻣﻜﺎﻧﻪ .. ﺍﺗﺒﺎﻭﻉ ﺑﺎﻟﻮﺟﻮﻩ ﺗﻀﺤﻚ ﻛﻮﻟﻬﺎ ﻭﮔﻠﺒﻲ ﻳﻨﺰﻑ .. ﺿﻴﻌﻮﺍ ﻣﺴﺘﻘﺒﻠﻲ ﻭﺣﻴﺎﺗﻲ ﺑﻜﻠﻤﻪ ﻣﻨﻬﻢ .. يتبع

العضوة: 522131 , 6 years ago

ﺃﻳﺎ ﺩﻧﻴﺎ ﺃﻧﺘﻲ ﻫﻜﺬﺍ ﺇﻧﻲ ﻻ ﺃﻋﺮﻑ ﻣﻼﻣﺤﻚ ﻭﻛﻞ ﻳﻮﻡ ﺃﻧﺘﻲ ﻓﻰ ﺷﺄﻥ ﻭﻟﻜﻦ ﻣﻦ ﺃﻳﻦ ﺃﺑﺪﺍ ﻋﺘﺎﺑﻚ؟ ﻣﺎﺫﺍ ﻓﻌﻠﺘﻲ ﺑﻰ؟ ﻭﻟﻤﺎﺫﺍ؟ ﺗﻌﻄﻴﻨﻲ ﺍﻷﻣﻞ ﻭﺗﻔﺘﺤﻲ ﺃﺑﻮﺍﺏ ﺍﻟﺴﻌﺎﺩﺓ ﻭﺍﻟﻬﻨﺎﺀ ﻭﺗﻀﺤﻜﻴﻦ ﻟﻲ ﻟﻤﺎﺫﺍ ؟ ﺗﻔﺘﺤﻴﻦ ﺍﻟﻄﺮﻳﻖ ﺃﻣﺎﻣﻲ ﻭﺃﻧﻮﺍﺭ ﺍﻟﻘﻨﺎﺩﻳﻞ ﺗﻨﺎﺩﻳﻨﻲ ﺣﺘﻰ ﺃﺳﻴﺮ ﻓﻰ ﻫﺬﺍ ﺍﻟﻄﺮﻳﻖ ﻭﺗﻬﺘﻔﻴﻦ ﻓﻰ ﺃﺫﻧﻲ ﺃﻥ ﺃﺳﺘﻤﺮ ﻓﻰ ﺍﻟﺴﻴﺮ ﺣﺘﻰ ﻧﺴﻤﺎﺕ ﺍﻟﻬﻮﺍﺀ ﻭﻧﺠﻮﻡ ﺍﻟﺴﻤﺎﺀ ﺗﻨﺎﺩﻳﻨﻲ ﺍﻥ ﺃﺗﻘﺪّﻡ ﻭﺃﻣﻀﻲ ﻓﺈﻧﻬﺎ ﺍﻟﺤﻴﺎﺓ ﻭﺍﻷﻣﻞ ﻟﻤﺎﺫﺍ ؟ ﻭﺿﻌﺘﻴﻨﻰ ﻓﻰ ﻫﺬﻩ ﺍﻟﻤﻨﺰِﻟﺔ ﻭﺟﻌﻠﺘﻴﻨﻰ ﺍﻋﺸﻖ ﻋﻴﻨﻴﻪ ﻟﻤﺎﺫﺍ ؟ ﻟﻢ ﺗﺘﺮﻛﻴﻨﻲ ﻭﺣﻴﺪﺍً ﻭﺗﺠﻌﻠﻲ ﻣﻦ ﻳﺮﺍﻧﻲ ﻻ ﻳﻬﺘﻢ ﺑﻰ ﻭﻳﺤﺎﻭﻝ ﺃﻻ ﻳﻜﻠﻤﻨﻲ ﻭﻳﺤﺎﻭﻝ ﺍﻻﺑﺘﻌﺎﺩ ﻋﻨﻲ ﻭﻫﺬﺍ ﻟﻴﺲ ﻋﻴﺒﺎً ﻓﻲ ﺷﻜﻠﻲ ﺃﻭ ﻣﻈﻬﺮﻱ ﻭﻟﻴﻜﻦ ﻋﺪﻡ ﻗﺒﻮﻝ ﺃﻭ ﺍﺳﺘﻠﻄﺎﻑ ﻟﻤﺎﺫﺍ ؟ ﻭﺿﻌﺘﻴﻨﻰ ﻓﻰ ﻫﺬﺍ ﺍﻟﻤﺄﺯﻕ ﻭﻓﺘﺤﺘﻲ ﺃﺑﻮﺍﺏ ﻗﻠﺒﻲ ﻭﺟﻌﻠﺘﻨﻲ ﻣﻦ ﺍﻟﻌﺎﺷﻘﻴﻦ ﺍﻟﻤﻌﺸﻮﻗﻴﻦ ﺍﻟﻤﻌﺬﺑﻴﻦ ﻟﻤﺎﺫﺍ؟ ﻗﺼﺪﺕ ﻋﺬﺍﺑﻲ ﻭﻣﺎ ﺫﻧﺒﻲ ﻭﺫﻧﺐ ﻗﻠﺒﻲ ﺃﻥ ﻳﻨﺎﻝ ﻛﻼ ﻣﻨﺎ ﻫﺬﻩ ﺍﻟﺠﺮﻋﺔ ﻣﻦ ﺍﻟﺴﻢ ﺍﻟﻘﺎﺗﻞ ﻣﻦ ﻣﺮﺍﺭﺓ ﺍﻟﻌﺬﺍﺏ ﻭﻣﺮﺍﺭﺓ ﺍﻟﻔﺮﺍﻕ ﻭﺍﻻﺑﺘﻌﺎﺩ ﻟﻤﺎﺫﺍ ؟ ﻫﺬﺍ ﺍﻟﺠﺮﺡ ﺍﻟﻨﺎﻓﺬ ﻓﻰ ﺿﻠﻮﻋﻲ ﺣﺘﻰ ﻭﺻﻞ ﺇﻟﻰ ﺃﻋﻤﺎﻕ ﻗﻠﺒﻲ ﺇﻧﻪ ﺍﻟﺠﺮﺡ ﺍﻟﻮﺣﻴﺪ ﻣﻦ ﻧﻮﻋﻪ ﻭﻟﻴﺲ ﺟﺮﺡ ﺍﻟﺤﺒﻴﺐ ﻭﺇﻧﻤﺎ ﺟﺮﺡ ﺍﻵﺧﺮﻳﻦ ﺟﺮﺡ ﺍﻟﻄﻐﺎﺓ ﺍﻟﺬﻳﻦ ﺿﺮﺑﻮﻧﻲ ﺑﺴﻬﻢ ﻗﺎﺗﻞ ﻭﺍﺟﺒﺮﻭﻧﻲ ﻉ ﻏﻴﺮ ﻣﻦ ﺍﺣﺐ ﺃﻳﺎ ﺩﻧﻴﺎ … ﺃﻫﺬﻩ ﺍﻟﻤﺆﺍﻣﺮﺓ ﺩﺑﺮﺗﻴﻬﺎ ﻟﻲ ﻣﺎﺫﺍ ﻓﻌﻠﺖ ﻟﻜﻲ ؟ ﻭﻣﺎﺫﺍ ﺟﻨﻴﺖ ؟ ﺣﺘﻰ ﺃﻛﻮﻥ ﺃﺳﻴﺮ ﺍﻟﺠﺮﺍﺡ ﻭﺣﺘﻰ ﻳﺴﻴﺮ ﻛﻞ ﻣﻨﺎ ﻓﻰ ﻃﺮﻳﻖ ﻭﻗﺒﻞ ﺍﻥ ﺗﺒﺪﺃ ﻗﺼﻪ ﺣﺒﻨﺎ .. ﺃﻳﺎ ﺩﻧﻴﺎ ﺃﻻ ﺗﺪﺭﻳﻦ ﻣﺎ ﻣﻌﻨﻰ ﺍﻟﺪﻣﻮﻉ ؟ ﺃﻻ ﺗﺪﺭﻳﻦ ﻗﻴﻤﺔ ﻫﺬﻩ ﺍﻟﺪﻣﻮﻉ ﻋﻨﺪﻯ ؟ ﻛﺄﻧﻬﺎ ﻗﻄﺮﺍﺕ ﻣﻦ ﺩﻣﻲ ﺗﻨﺰﻑ ﻣﻨﻲ ﺍﻳﺎ ﺩﻧﻴﺎ .. ﺍﻧﻘﺬﻳﻨﻲ ﺃﺭﻳﺪ ﺃﻥ ﻧﺨﺮﺝ ﺇﻟﻰ ﻧﻮﺭ ﺍﻟﺤﻴﺎﺓ ﺃﺭﻳﺪ ﺃﻥ ﺗﻔﻜﻲ ﻗﻴﻮﺩﻱ ﻭﺗﺨﺮﺟﻴﻨﻲ ﻣﻦ ﻫﺬﺍ ﺍﻷﺳﺮ ﻓﻠﻤﺎﺫﺍ ﻫﺬﺍ ﺍﻷﺳﺮ ؟ # ﺷﻤﺲ ﺍﺗﺒﺎﻭﻉ ﻟﻠﻮﺟﻮﻩ ﻛﻮﻟﻬﺎ ﻓﺮﺣﺎﻧﻪ ﻭﺗﻀﺤﻚ .. ﺍﻻ ﺍﻧﻲ ﺍﻛﻮ ﻏﺼﻪ ﺑﮕﻠﺒﻲ ﻣﻮﺗﺘﻨﻲ .. ﺗﺎﻟﻲ ﻣﺘﺤﻤﻠﺖ ﺗﺮﻛﺘﻬﻢ ﻭﻃﻠﻌﺖ ﻣﻦ ﻏﻴﺮ ﻣﻘﺪﻣﺎﺕ ..

العضوة: 522131 , 6 years ago

ﺭﻧﺎ .. ﻫﻬﻬﻬﻪ ﻋﺮﻭﺱ ﺗﺴﺘﺤﻲ ﺧﻄﻴﻪ .. ﻃﺒﻌﺎ ﺍﺧﺘﻲ ﻣﻮ ﺑﺤﺎﻟﻲ ﻭﻻﺗﻬﺘﻢ ﺍﻟﻤﺸﺎﻋﺮﻱ .. ﻻﻥ ﺑﺤﻴﺎﺗﻬﺎ ﻣﺎﺣﺒﺘﻨﻲ ﻭﻛﺎﻧﺖ ﺩﺍﻳﻤﺎ ﺗﻐﺎﺭ ﻣﻨﻲ .. ﻻﻥ ﺍﻧﻲ ﺩﺍ ﺍﻛﻤﻞ ﺩﺭﺍﺳﻪ .. ﻭﺍﺟﺖ ﺷﻐﻠﻪ ﺍﻟﺰﻭﺍﺝ ﻣﻦ ﺻﺎﻟﺤﻬﺎ … ﻛﻨﺖ ﺍﺗﻤﻨﻰ ﻋﻨﺪﻱ ﺍﺧﺖ ﺗﺤﺒﻨﻲ ﻭﺗﻮﺍﺳﻴﻨﻲ ﻭﺗﺨﺎﻑ ﻋﻠﻴﻪ . ﻭﺗﺴﻤﻌﻨﻲ ﻣﻦ ﺍﺷﻜﻴﻠﻬﺎ .. ﺭﻧﺎ ﻛﺎﻧﺖ ﻣﻮ ﺍﻻﺧﺖ ﺍﻟﻲ ﺍﺗﻤﻨﺎﻫﺎ .. ﻭﺑﺎﻻﺧﺺ ﻣﻦ ﺍﺣﺪ ﻳﻠﻮﻣﻬﺎ ﻉ ﺯﻭﺍﺟﻬﺎ .. ﺍﻟﻲ ﺳﻮﺗﻪ ﺑﺎﻟﺴﻜﺘﻪ .. ﻭﻛﺎﻧﺖ ﺗﻄﻠﻊ ﺍﻟﺴﺒﺐ ﺑﻤﺎﻣﺎ .. ﻭﺍﻧﻪ ﻫﻲ ﺗﺰﻭﺟﺖ ﺣﺘﻰ ﺗﺨﻠﺺ ﻣﻨﻬﺎ .. ﺑﺲ ﺍﻟﻜﻞ ﻛﺎﻥ ﻳﺮﺩﻫﺎ ﻭﻳﮕﻠﻮﻟﻬﺎ ﻣﻮ ﻫﺬﻱ ﺳﻤﺮ ﻣﺘﺤﻤﻠﺘﻬﺎ ﻭﻣﺎﺗﺸﻜﻲ .. ﻭﻫﺬﺍ ﺍﻟﺸﻲ ﻛﺎﻥ ﻳﻀﻮﺟﻬﺎ .. ﻟﻬﺬﺍ ﺩﺍ ﺗﺴﻮﻱ ﺍﻟﻤﺴﺘﺤﻴﻞ ﺣﺘﻰ ﺗﺰﻭﺟﻨﻲ .. ﺣﺘﻰ ﻣﺤﺪ ﻳﻠﻮﻣﻬﺎ ﻭﻳﻘﺎﺭﻧﻬﺎ ﺑﻴﻪ .. ﺣﺪﺩﻭﺍ ﺍﻟﺠﻤﻌﻪ ﻋﻘﺪ ﺍﻟﻘﺮﺁﻥ .. ﻳﻮﻡ ﺗﻬﺪﻳﻢ ﺍﺣﻼﻣﻲ .. ﺍﺟﺘﻨﻲ ﻣﺮﺕ ﺧﺎﻟﻮ .. ﺳﻤﺮ ﺑﺎﺟﺮ ﺗﻄﻠﻌﻴﻦ ﻭﻳﺎﻧﺎ ﺣﺘﻰ ﻧﺸﺘﺮﻱ ﺍﻟﺬﻫﺐ ﺟﻬﺰﻱ ﻧﻔﺴﺞ .. ﻃﻠﻌﻮﺍ ﺑﻴﺖ ﺧﺎﻟﻮ ﻣﻦ ﺍﻟﺒﻴﺖ .. ﺑﺪﺕ ﺩﻣﻮﻋﻲ ﺗﻨﺰﻝ ﻻ ﺍﺭﺍﺩﻳﺎ ﺗﺬﻛﺮﺕ ﺑﻬﺎﺀ .. ﻭﺍﻟﻤﺸﺎﻋﺮ ﺍﻟﻲ ﻛﻨﺖ ﺍﺣﺴﻬﺎ ﻭﻳﺎﻩ .. ﻭﻭﻛﻔﺘﻨﺎ ﺑﺎﻟﺒﺎﺏ ﻭﻧﻀﺮﺍﺗﻨﺎ ﻭﺷﺨﺼﻴﺘﻪ ﻭﻋﻴﻮﻧﻪ ﺍﻟﻲ ﻛﺎﻧﺖ ﺍﺣﻠﻰ ﺷﻲ ﺑﺲ .. ﺑﻘﻴﺖ ﮔﺎﻋﺪﻩ ﻟﻞ 5 ﺍﻟﺼﺒﺢ .. ﻭﻋﻴﻮﻧﻲ ﻭﺭﻣﻦ ﻣﻦ ﺍﻟﺒﺠﻲ .. ﻳﺎﺭﺑﻲ ﺻﺎﺭﺕ ﺻﺪﻭﮒ ﻭﻣﺎﻟﻲ ﺍﺣﺪ ﻏﻴﺮﻙ .. ﺍﻧﺖ ﻭﺣﺪﻙ ﺗﻌﺮﻑ ﺿﺮﻭﻓﻲ ﺳﺎﻋﺪﻧﻲ ﻳﺎﺭﺑﻲ .. ﺗﺎﻟﻲ ﻏﻔﻴﺖ ﻣﻦ ﻏﻴﺮ ﻣﺎﺍﺩﺭﻱ ﻭﺣﺘﻰ ﺑﻼ ﻣﺨﺪﻩ ﻭﻻ ﻓﺮﺍﺵ . ﻃﻔﺮﺕ ﻣﻦ ﻧﻮﻣﻲ ﺏ 7 ﺍﻟﺼﺒﺢ .. ﮔﻠﺒﻲ ﻳﺪﻭﮒ ﺳﺮﻳﻊ ﻭﻣﺎﺍﻋﺮﻑ ﺷﺒﻴﻪ .. ﺷﺮﺑﺖ ﻣﻲ .. ﻭﺭﺣﺖ ﻟﻠﺤﻤﺎﻡ ﺑﺎﻭﻋﺖ ﺍﻟﻨﻔﺴﻲ .. ﺍﺧﺘﺮﻋﺖ .. ﻋﻴﻮﻧﻲ ﻳﺨﻮﻓﻦ ﺻﺎﺭﻥ ﻣﻦ ﺍﻟﺒﺠﻲ ﻭﻭﺟﻬﻲ ﺍﺣﻤﺮ ﻭﻭﺭﻣﺎﻥ . ﻳﻌﻨﻲ ﺍﻱ ﺍﺣﺪ ﻳﺸﻮﻓﻨﻲ ﻳﻌﺮﻑ ﺍﻧﻲ ﻛﻨﺖ ﺍﺑﺠﻲ ﻭﻣﻘﺎﺑﻠﻪ .. ﻏﺴﻠﺖ ﻭﺟﻬﻲ ﻭﺭﺟﻌﺖ ﺍﻟﻐﺮﻓﺘﻲ .. ﺑﻌﺪ ﺳﺎﻋﺘﻴﻦ .. ﺍﺟﻮ ﺍﻡ ﺣﻴﺪﺭ ﻭﺧﺎﻟﺘﻲ .. ﻣﻦ ﺷﺎﻓﻮﻧﻲ ﺍﺳﺘﻐﺮﺑﻮﺍ .. ﺍﻡ ﺣﻴﺪﺭ .. ﻫﺎﻱ ﺷﺒﻲ ﻭﺟﻬﺞ ..

العضوة: 522131 , 6 years ago

ﺳﻤﺮ .. ﻣﺎﺑﻴﻪ ﺷﻲ ﻭﺩﻣﻮﻋﻲ ﺑﻘﺖ ﺗﻨﺰﻝ ﻭﺣﺪﻫﺎ .. ﺍﻡ ﺣﻴﺪﺭ .. ﻋﻴﻨﻲ ﻉ ﺷﻨﻮ ﺗﺒﺠﻴﻦ ﺷﻨﺎﻗﺼﻪ ﺍﺑﻨﻲ .. ﺍﺷﻮ ﺍﻟﻒ ﻭﺣﺪﻩ ﺗﺘﻤﻨﺎﻩ .. ﻭﺍﺳﺘﻤﺮﺕ ﺗﺤﺠﻲ ﻭﺍﻧﻲ ﺳﺎﻛﺘﻪ ﻭﻣﺎﺍﺣﺠﻲ ﺑﺲ ﺍﺑﺠﻲ .. ﺍﺧﺘﻲ ﻭﺧﺎﻟﺘﻲ .. ﮔﺎﻣﻮﺍ ﻳﺘﻌﺬﺭﻭﻥ ﻭﻳﮕﻠﻮﻟﻬﺎ ﺣﺪﻭﺭﻱ ﻣﻨﺎﻗﺼﻪ ﺷﻲ .. ﺑﺲ ﺍﻧﺘﻲ ﺗﻌﺮﻓﻴﻦ ﺍﻟﺒﻨﺎﺕ ﻭﺑﻌﺪﻫﻲ ﺻﻐﻴﺮﻩ ﻭﺗﺨﺎﻑ ﻣﻦ ﺍﻟﺰﻭﺍﺝ .. ﺣﺴﻴﺘﻬﺎ ﻣﺎﺍﻗﺘﻨﻌﺖ ﺑﻜﻼﻣﻬﻦ .. ﻭﺍﻟﺼﺮﺍﺣﻪ ﻓﺮﺣﺖ .. ﮔﻠﺖ ﺑﻠﻜﻲ ﻳﺒﻄﻠﻮﻥ .. ﻭﻣﺎﺍﺗﺰﻭﺝ .. ﺳﻮﻭ ﺭﻳﻮﮒ ﮔﻠﻮﻟﻲ ﺗﻌﺎﻟﻲ ﺗﺮﻳﮕﻲ ﺣﺘﻰ ﻧﻄﻠﻊ ﺑﺴﺮﻋﻪ .. ﮔﻠﺘﻠﻬﻢ ﻣﺎﺍﺷﺘﻬﻲ .. ﻣﺎﻣﺎ .. ﻟﻌﺪ ﺍﺩﺧﻠﻲ ﺑﺪﻟﻲ ﺑﺴﺮﻋﻪ .. ﺑﺪﻟﺖ ﻭﻃﻠﻌﻨﺎ ﻧﺸﺘﺮﻱ .. ﻭﻛﻞ ﺻﺎﻳﻎ ﻧﺪﺧﻠﻪ ﻳﺒﻘﻰ ﻳﺒﺎﻭﻉ ﺍﻟﻮﺟﻬﻲ ﻭﻋﻴﻮﻧﻲ ﻭﻣﺴﺘﻐﺮﺏ ﻭﻳﺘﻌﺎﻃﻒ ﻭﻳﺎﻱ ﻣﻦ ﻳﻌﺮﻑ ﺍﻧﻲ ﺍﻟﻌﺮﻭﺱ . ﺣﺘﻰ ﻣﺎﺍﺧﺘﺎﺭﻳﺖ ﺷﻲ ﻛﻮﻟﻪ ﻣﺎﻣﺎ ﺍﺧﺘﺎﺭﺗﻪ ﻉ ﺫﻭﻗﻬﺎ .. ﺑﺲ ﺍﻟﺤﻠﻘﻪ ﻓﺮﻳﻨﺎ ﺻﻴﺎﻍ ﻛﺮﺑﻼﺀ ﻛﻮﻟﻬﻢ ﻣﻠﮕﻴﻨﺎ ﺣﻠﻘﻪ ﻉ ﺍﻳﺪﻱ .. ﻟﻮ ﺗﻄﻠﻊ ﻛﺒﻴﺮﻩ ﻟﻮ ﺻﻐﻴﺮﻩ . ﻭﻫﻦ ﺗﻌﺒﻦ ﻣﻦ ﺍﻟﻔﺮ .. ﻭﺍﻧﻲ ﺍﻣﺸﻲ ﻭﺭﺍﻫﻦ ﻭﺩﻣﻌﺘﻲ ﻉ ﺧﺪﻱ .. ﻭﻣﺎﺍﮔﺪﺭ ﺍﺣﺠﻲ .. ﻟﻠﻈﻬﺮ ﻳﻠﻪ ﺧﻠﺼﻨﺎ ﻭﺭﺟﻌﻨﺎ .. ﻭﺻﺎﺭﺕ ﺍﻟﺠﻤﻌﻪ .. ﻟﺒﺴﻮﻧﻲ ﻭﺧﻠﻮﻟﻲ ﻣﻴﻚ ﺍﺏ ﻭﺍﻧﻲ ﻣﻤﺼﺪﮔﻪ ﻧﻔﺴﻲ .. ﻭﻛﻞ ﺳﺎﻋﻪ ﺍﮔﻮﻝ ﻫﺴﺎ ﻳﺼﻴﺮ ﺷﻲ ﻳﺨﺮﺑﻬﺎ .. ﻭﺍﺩﻋﻲ ﺑﺪﺍﺧﻠﻲ .. ﻃﻠﻌﺖ ﺣﻠﻮﻩ ﻛﻮﻟﺶ ﺑﺲ ﺩﺍﺧﻠﻲ ﺍﻇﻠﻢ ﺍﺣﺲ ﻧﻔﺴﻲ ﻭﺣﺪﻩ ﺛﺎﻧﻴﻪ .. ﺣﺘﻰ ﻛﻠﻤﺔ ﻧﻌﻢ ﻣﻦ ﮔﻮﻟﺘﻠﻬﺎ ﻟﻠﺴﻴﺪ .. ﺣﺴﻴﺖ ﻣﻮ ﺍﻧﻲ ﺍﻟﻲ ﮔﻮﻟﺘﻬﺎ ﻋﺒﺎﻟﻚ ﻭﺣﺪﻩ ﺛﺎﻧﻴﻪ ﻧﻄﻘﺘﻬﺎ .. ﺩﺧﻞ ﻟﺒﺴﻨﻲ ﺍﻟﺬﻫﺐ ﻭﺍﻟﺤﻠﻘﻪ ﻭﺍﻧﻲ ﺑﻌﺎﻟﻢ ﺛﺎﻧﻲ ﻋﺒﺎﻟﻚ ﺟﻤﺎﺩ ﻭﮔﺎﻋﺪ . ﻭﻣﺒﻴﻨﻪ ﻣﺠﺒﻮﺭﻩ .. ﻭﺍﻛﻴﺪ ﻛﻮﻟﻬﻢ ﻻﺣﻈﻮﺍ ﺑﺲ ﻳﺘﻐﺎﻇﻮﻥ ﺍﻟﻤﻬﻢ ﻋﻨﺪﻫﻢ ﺳﻌﺎﺩﺓ ﺍﺑﻨﻬﻢ ﻭﺍﻧﺎﻧﻴﺘﻬﻢ ﻣﻮ ﺍﻟﻤﻬﻢ ﺍﻧﻲ ﻭﺷﻨﻮ ﺍﺣﺲ .. ﺑﻔﺘﺮﺓ ﺍﻟﺨﻄﻮﺑﻪ ﺷﮕﺪ ﺣﺎﻭﻟﺖ ﺍﺧﻠﻴﻪ ﻳﺘﺮﻛﻨﻲ .. ﺟﺮﺑﺖ ﻛﻞ ﺍﻟﻄﺮﻕ ﺑﺲ ﻫﻮ ﻛﺎﻥ ﻟﺰﮔﻪ .. ﺷﻨﻮ ﺍﺳﻮﻱ ﻣﺎﻛﻮ ﻓﺎﻳﺪﻩ .. ﺣﺘﻰ ﻣﺴﺘﻮﺍﻱ ﺑﺎﻟﺪﺭﺍﺳﻪ ﺍﺗﺮﺍﺟﻊ .. ﺍﺳﺘﻤﺮﻳﻨﺎ ﻉ ﻫﺬﻱ ﺍﻟﺤﺎﻟﻪ .. ﺻﺮﺕ ﺑﻌﺪ ﻣﺎﺍﺷﻮﻑ ﺣﻴﺪﺭ ﻭﻣﻦ ﻳﺠﻲ ﺍﺗﺤﺠﺞ ﺑﺎﻟﺪﺭﺍﺳﻪ . ﺣﺘﻰ ﻣﺎﻃﻠﻌﻨﺎ ﺑﻔﺘﺮﺓ ﺍﻟﺨﻄﻮﺑﻪ ﺳﻮﻳﻪ .. ﻭﻣﺮﺓ ﺍﺟﻪ ﻫﻮ ﻭﺧﺎﻟﻲ .. ﻃﻠﻌﺖ ﺳﻠﻤﺖ ﻋﻠﻴﻬﻢ ﻭﺩﺧﻠﺖ .. ﻭﻣﺎﺭﺍﻭﻳﺘﻬﻢ ﻭﺟﻬﻲ .. ﺍﻟﻰ ﺍﻥ ﺍﺟﻪ ﺍﻟﻴﻮﻡ ﺍﻟﻤﺸﺆﻭﻡ .. ﻳﻮﻡ ﺍﻟﻲ ﺣﺪﺩﻭﺍ ﺑﻲ ﻣﻮﻋﺪ ﺍﻟﺰﻭﺍﺝ .. ﺣﺘﻰ ﻣﺎﺍﺧﺬﻭﺍ ﺭﺃﻱ . ﺣﺪﺩﻭﻩ ﺑﻴﻨﻬﻢ ﻭﺑﻴﻦ ﺍﻫﻠﻲ .. ﺍﻧﻲ ﻣﺠﺮﺩ ﻟﻌﺎﺑﻪ ﻳﻤﺸﻮﻫﺎ ﺑﻜﻴﻔﻬﻢ .. # ﺑﻘﻠﻤﻲ _ ﺷﻤﺲ # ﻳﺘﺒﻊ 

العضوة: 522131 , 6 years ago

ﺻﺒﺮﺍً ﻳﺎﻧﻔﺴﻲ ﻑ ﻟﻢ ﺗﻌﺪ ﺍﻟﺤﻴﺎﺓ ﺗُﻐﺮﻳﻨﻲ .... ﻻ ﺃﻗﻮﻯ ﻋﻠﻰ ﺍﻟﻘﻮﻝ ﻭﻻ ﺍﻟﻔﻌﻞ ﻓﺎﻟﺸﻜﻮﻯ ﺍﻟﻰ ﺍﻟﻠﻪ ﺗﻜﻔﻴﻨﻲ ... ﻭﺍﺟﻪ ﻳﻮﻡ ﺍﻟﺰﻭﺍﺝ .. ﻃﺒﻌﺎ ﺍﻧﻲ ﻣﺤﺪ ﻳﺪﺭﻱ ﺑﻴﻪ ﻣﺨﻄﻮﺑﻪ ﻣﻦ ﺍﻟﺠﻴﺮﺍﻥ ﻻﻥ ﺣﺘﻰ ﺣﻠﻘﻪ ﻣﺎﺍﻟﺒﺲ ﺑﻔﺘﺮﺓ ﺍﻟﺨﻄﻮﺑﻪ .. ﺍﺧﺬﻭﻧﻲ ﻟﻠﺼﺎﻟﻮﻥ .. ﻭﺍﻧﻲ ﻭﻻﻋﺒﺎﻟﻚ ﺍﻟﻌﺮﻭﺱ .. ﺣﺘﻰ ﺍﻡ ﺍﻟﺼﺎﻟﻮﻥ ﺣﺴﺖ ﮔﺎﻟﺖ ﺷﺒﻴﺞ ﻣﺠﺒﻮﺭﻩ ﺍﺷﻮ ﻣﻔﺮﺣﺎﻧﻪ .. ﺳﻜﺘﺖ ﻣﺮﺩﻳﺖ ﻭﺧﻔﺖ ﻻﺍﺣﺪ ﻳﺴﻤﻌﻬﺎ .. ﺭﺟﻌﻨﺎ ﻟﻠﺒﻴﺖ ﻭﺍﺟﺖ ﺍﻟﺰﻓﻪ .. ﻭﺍﻟﺠﻴﺮﺍﻥ ﻛﻮﻟﻬﺎ ﻣﺴﺘﻐﺮﺑﻪ ﻭﺗﺴﺄﻝ ﻣﻨﻮ ﻣﻦ ﺑﻨﺎﺕ ﺍﻟﺴﻴﺪ ﺗﺰﻭﺟﺖ .. ﻋﺒﺎﻟﻬﻢ ﻣﻦ ﺑﻨﺎﺕ ﺧﺎﻟﻲ ﻻﻥ ﺯﻓﻮﻧﻲ ﻣﻦ ﺑﻴﺘﻪ .. # ﺑﻘﻠﻤﻲ _ ﺷﻤﺲ ﺩﺧﻞ ﺍﺑﻦ ﺧﺎﻟﻲ ﻭﺍﻟﺰﻓﻪ ﻭﻱ ﺩﺧﻠﺘﻬﻢ ﺍﻧﻄﻔﺖ ﺍﻟﻜﻬﺮﺑﺎﺀ .. ﻭﺑﻘﻮﺍ ﻳﺪﻭﺭﻭﻥ ﻉ ﺍﻟﺒﺮﻧﺺ ﺍﻭ ﺍﻟﻘﺒﻌﻪ ﺍﻟﻲ ﺍﻟﺒﺴﻬﺎ ﻉ ﺭﺍﺳﻲ ﻣﻦ ﻧﻄﻠﻊ .. ﺑﺲ ﺍﻟﻜﻬﺮﺑﺎﺀ ﻣﻄﻔﻴﻪ ﻭﺍﻟﺒﻴﺖ ﺻﺎﺭ ﺍﻇﻠﻢ ﻭﺑﻨﺎﺕ ﺧﺎﻟﻲ ﻛﻠﻬﻦ ﺍﻧﺨﺒﺼﻦ ﻳﺪﻭﺭﻥ .. ﻭﺍﻧﻲ ﻓﺮﺣﺖ ﮔﻠﺖ ﺍﻱ ﺑﻠﻜﻲ ﻳﺨﺮﺏ ﺍﻟﺰﻭﺍﺝ .. ﺑﻘﺖ ﺍﻟﻜﻬﺮﺭﺑﺎﺀ ﻧﺺ ﻳﻠﻪ ﺍﺟﺖ .. ﺧﻠﻮﻟﻲ ﺍﻟﻐﺸﺎﻭﻩ ﻭﻟﺒﺴﻮﻧﻲ ﺍﻟﺒﺮﻧﺺ ﻉ ﺭﺍﺳﻲ .. ﻭﺍﻧﻲ ﻣﻤﺼﺪﮔﻪ ﺣﻄﻠﻊ ﻣﻨﺎ ﻭﺍﺗﺰﻭﺝ ﻭﺑﻌﺪ ﻣﺎﺍﺭﺟﻊ .. ﻭﺍﺩﻋﻲ ﺭﺑﻲ ﻭﺍﺗﺮﺟﺎﻩ ﺗﺨﺮﺏ .. ﻻﻥ ﻣﺴﺘﺤﻴﻞ ﺍﺗﺨﻴﻞ ﻧﻔﺴﻲ ﻭﻱ ﺣﻴﺪﺭ ﺑﻐﺮﻓﻪ ﻭﺣﺪﻧﺎ ﻭﺍﻧﻲ ﺍﻋﺘﺒﺮﻩ ﺍﺧﻮﻳﻪ .. ﻃﺒﻌﺎ ﺑﻴﻮﻣﻬﺎ ﻋﺜﺮﺕ ﺛﻼﺙ ﻣﺮﺍﺕ .. ﻣﺮﻩ ﺑﺒﺎﺏ ﺍﻟﻤﻄﺒﺦ ﻭﻣﺮﻩ ﺑﺎﻟﺤﺪﻳﻘﻪ ﻭﻣﺮﻩ ﺑﺎﻟﺸﺎﺭﻉ .. ﺣﺘﻰ ﺭﺟﻠﻴﻪ ﻣﺘﻘﺒﻞ ﺗﺮﻭﺡ ﻭﻳﺎﻫﻢ ﺍﺗﺒﺎﻭﻉ ﻟﻠﻨﺎﺱ ﻛﻮﻟﻬﺎ ﻓﺮﺣﺎﻧﻪ ﻭﺗﻬﻠﻬﻞ ﻭﺗﺮﮔﺺ .. ﺍﻻ ﺍﻧﻲ ﺻﻌﺪﺕ ﺑﺎﻟﺴﻴﺎﺭﻩ ﻭﻋﻴﻮﻧﻲ ﺑﺪﻥ ﻳﺒﺠﻦ .. ﻭﻫﻮ ﻋﺒﺎﻟﻪ ﺍﺑﺠﻲ ﻉ ﺍﻫﻠﻲ .. ﻳﮕﻮﻟﻲ ﻟﺘﻨﻘﻬﺮﻳﻦ ﺍﻧﻲ ﺍﺟﻴﺒﺞ ﺍﻟﻬﻢ .. ﻣﻴﺪﺭﻱ ﺍﻧﻲ ﺍﺑﺠﻲ ﻉ ﺣﺎﻟﻲ ﻭﺣﻈﻲ ﻭﻉ ﺩﻧﻴﺘﻲ ﺍﻟﻲ ﻣﺎﻧﺼﻔﺘﻨﻲ 😭 ﻭﺻﻠﻨﺎ ﻟﻠﺒﻴﺖ .. ﺩﺧﻠﺖ ﻟﻠﻐﺮﻓﻪ ﺑﺲ ﺍﺣﺲ ﺩﺍﺧﻠﻪ ﺍﻟﺴﺠﻨﻲ .. ﻣﻮ ﻏﺮﻓﻪ ﺯﻭﺍﺟﻲ .. ﺷﮕﺪ ﺣﺎﻭﻝ ﺣﻴﺪﺭ ﻳﺘﻘﺮﺑﻠﻲ ﻣﺨﻠﻴﺘﻪ ﺣﺘﻰ ﺿﺮﺏ ﺿﺮﺑﻨﻲ ﻭﺟﺮﺣﻨﻲ .. ﻣﻮﺑﻴﺪﻱ ﻣﺎﺍﮔﺪﺭ ﺍﺣﺴﻪ ﺍﺧﻮﻳﻪ .. ﺗﺸﻤﺌﺰ ﻧﻔﺴﻲ ﻣﻦ ﻳﺘﻘﺮﺑﻠﻲ .. ﮔﻀﻴﺖ ﺍﻟﻠﻴﻞ ﺍﺑﺠﻲ ﻭﺩﻣﻌﻲ ﻉ ﺧﺪﻱ .. ﺛﺎﻧﻲ ﻳﻮﻡ ﺍﻟﺰﻭﺍﺝ .. ﺍﺟﺖ ﺍﻗﺮﺑﺎﺋﻨﺎ ﻛﻮﻟﻬﺎ ﺗﺒﺎﺭﻙ .. ﻭﻧﺎﺱ ﺟﺎﻳﻪ ﻭﻧﺎﺱ ﺭﺍﻳﺤﻪ .. ﻋﺸﻨﻮ ﺗﺒﺎﺭﻙ ﻣﺎﺍﺩﺭﻱ .. ﻃﺒﻌﺎ ﺍﻧﻲ ﻣﻦ ﺑﻌﺪ ﺛﺎﻧﻲ ﻳﻮﻡ ﺍﻟﺰﻭﺍﺝ ﺑﺪﻳﺖ ﺍﺷﺘﻐﻞ ..

العضوة: 522131 , 6 years ago

ﻻﻥ ﻣﺮﺕ ﺧﺎﻟﻮ ﻣﻌﻠﻤﻪ . ﻭﺍﻟﺒﻘﻴﻪ ﻛﻮﻟﻬﺎ ﻣﺪﺍﺭﺱ ﺣﺘﻰ ﺧﺎﻟﻲ ﻣﻮﺿﻒ .. ﺣﻴﺪﺭ ﻋﻨﺪﻩ ﺍﺛﻨﻴﻦ ﺍﺧﻮﺍﺕ ﻭﺣﺪﺓ ﻣﺘﺰﻭﺟﺔ ﻭﻭﺣﺪﺓ ﻻ .. ﻭﻋﻨﺪﻩ 3 ﺍﺧﻮﺍﻥ ﺍﺻﻐﺮ ﻣﻨﻪ .. ﻭﻛﻮﻟﻬﻢ ﺩﻭﺍﻡ ﻗﺴﻢ ﺩﻭﺍﻣﻬﻢ ﺻﺒﺎﺣﻲ ﻭﻗﺴﻢ ﻣﺴﺎﺋﻲ .. ﻭﺍﻧﻲ ﻻﺯﻡ ﺍﺷﺘﻐﻞ ﺻﺒﺎﺣﻲ ﻭﻣﺴﺎﺋﻲ .. ﻣﺮﺕ ﺍﻳﺎﻡ ﻉ ﺯﻭﺍﺟﻨﺎ ﻭﺍﻟﻜﻞ ﺑﺪﺃ ﻳﻨﺘﺒﻪ ﺍﻟﻌﻼﻗﺘﻨﺎ .. ﻷﻥ ﻻﺍﮔﻌﺪ ﻳﻤﻪ ﻭﻻﺍﺗﻘﺮﺏ .. ﻭﺍﻟﻤﻜﺎﻥ ﺍﻟﻲ ﺍﺷﻮﻓﻪ ﺑﻲ ﺍﻃﻠﻊ ﻣﻨﻪ .. ﺍﻡ ﺣﻴﺪﺭ ﺑﺪﺕ ﺗﺘﺴﺄﻝ .. ﻭﺳﺄﻟﺖ ﺣﻴﺪﺭ .. ﻻﻥ ﺍﻧﻲ ﻛﻨﺖ ﺣﺘﻰ ﻣﺎﺍﺧﻠﻴﻪ ﻳﺘﻘﺮﺑﻠﻲ ﻣﺎﺍﮔﺪﺭ ﺍﺣﺴﻪ ﺯﻭﺝ ﺍﻟﻲ .. ﺍﺟﺖ ﻣﻦ ﺣﻴﺪﺭ ﻟﺰﻣﺘﻨﻲ .. ﺍﻧﺘﻲ ﻟﻴﺶ ﻣﺘﺨﻠﻴﻦ ﺣﻴﺪﺭ ﻳﺘﻘﺮﺑﻠﺞ ﺍﻧﻲ ﺳﻜﺘﺖ ﻭﻣﺠﺎﻭﺑﺘﻬﺎ .. ﻫﻲ ﺗﺮﻛﺘﻨﻲ ﻭﺭﺍﺣﺖ .. # ﺑﻘﻠﻤﻲ _ ﺷﻤﺲ ﻣﺮﺕ ﺍﻻﻳﺎﻡ ﻭﺍﻧﻲ ﻉ ﻧﻔﺲ ﺍﻟﻮﺿﻊ .. ﻣﻦ ﺍﺷﻮﻓﻪ ﻳﺪﺧﻞ ﺍﻟﻐﺮﻓﻪ ﺍﺧﺘﻨﻚ .. ﻭﻧﻔﺴﻲ ﻳﻀﻴﻖ .. ﻣﺎﺍﮔﺪﺭ ﺣﺘﻰ ﺍﺑﺎﻭﻉ ﺑﻮﺟﻬﻪ .. ﺷﮕﺪ ﺣﺎﻭﻝ ﻳﺤﺠﻲ ﻭﻳﺎﻱ ﻭﻳﺘﻘﺮﺑﻠﻲ .. ﺑﺲ ﺍﻧﻲ ﻛﻨﺖ ﺍﺗﺠﺎﻫﻠﻪ ﻭﻣﺎﺍﺗﺤﻤﻞ ﻓﻜﺮﻩ ﺍﻧﻪ ﻳﺘﻘﺮﺑﻠﻲ .. ﻣﺮﺕ ﺧﺎﻟﻮ .. ﺣﺠﺖ ﺍﻟﺨﺎﻟﻮﺍ ﻛﻮﻟﺸﻲ .. ﻭﺧﺎﻟﻮﺍ ﻋﺼﺒﻲ ﻭﻣﺎﺍﺗﺤﻤﻞ .. ﺍﺟﻪ ﻳﻌﻴﻂ ﻋﻠﻴﻪ ﻭﻳﺤﺠﻲ ﻭﺍﻧﻲ ﺑﺲ ﺍﺑﺠﻲ .. ﺑﻌﺪﻳﻦ ﺍﺗﺼﻞ ﻉ ﺍﺧﻮﻳﻪ ﻭﮔﻠﻪ .. ﺣﻴﺪﺭ ﺍﺟﻪ ﺑﺎﻟﻠﻴﻞ ﻭﺣﺎﻭﻝ ﻳﺘﻘﺮﺑﻠﻲ .. ﺳﻤﺮ .. ﺣﻴﺪﺭ ﻣﺴﺘﺤﻴﻞ ﻭﻻﺗﻔﻜﺮ ﺍﺳﻤﺤﻠﻚ ﺗﺘﻘﺮﺏ .. ﺍﺣﺴﻚ ﺍﺧﻮﻳﻪ ﻣﺎﺍﮔﺪﺭ ﺍﻓﻜﺮ ﺑﻐﻴﺮ ﺷﻲ .. ﺣﻴﺪﺭ .. ﺷﻨﻮ ﺍﺧﻮﻳﻪ ﻟﺞ ﺍﺣﻨﻪ ﻣﺘﺰﻭﺟﻴﻦ ﻭﻏﺼﺐ ﻋﻨﺞ ﺍﻟﻴﻮﻡ ﺍﺧﺬ ﺣﻘﻲ ﻣﻨﺞ .. ﺗﻬﺠﻢ ﻋﻠﻴﻪ ﻣﻨﻌﺘﻪ ﻭﺣﺎﻭﻟﺖ ﺍﺑﻌﺪﻩ .. ﺑﺲ ﻫﻮ ﺗﺨﺒﻞ ﻭﺑﺪﺃ ﻳﻀﺮﺑﻨﻲ .. ﻭﺍﻧﻲ ﺍﻋﻴﻂ ﻭﻫﻮ ﻳﺰﻳﺪ ﻛﺎﻥ ﺿﺮﺏ ﻣﻮ ﻃﺒﻴﻌﻲ .. ﮔﻤﺖ ﺍﻋﻴﻂ ﺑﻜﻞ ﺻﻮﺗﻲ .. ﺣﺘﻰ ﻳﺠﻲ ﺍﺣﺪ ﻳﻨﻘﺬﻧﻲ .. ﺑﺲ ﻣﺎﻛﻮ ﻭﺍﻧﻲ ﻣﺘﺄﻛﺪﻩ ﻛﻮﻟﻬﻢ ﺳﻤﻌﻮﺍ ﺻﻮﺗﻲ .. ﺷﮕﺪ ﻛﺎﻧﺖ ﻣﺎﻣﺎ ﺗﻀﺮﺏ ﺑﺲ ﻣﻮ ﻫﻴﺞ ﺿﺮﺏ .. ﺧﺸﻤﻲ ﮔﺎﻡ ﻳﻨﺰﻑ ﻭﺣﺘﻰ ﺍﺳﻨﺎﻧﻲ ﺿﺮﺑﻨﻲ ﻋﻠﻴﻬﻦ ﻭﺑﻘﻦ ﻳﻨﺰﻓﻦ .. ﺍﺣﺲ ﻋﻈﺎﻣﻲ ﻳﺘﻔﻜﻜﻦ ﻣﻦ ﺍﻟﻀﺮﺏ .. ﻫﻴﺞ ﻗﺴﻮﻩ ﻣﺸﺎﻳﻔﻪ ﻭﻛﻞ ﻫﺬﺍ ﻋﻤﻮﺩ ﺭﻏﺒﺎﺗﻪ ﻭﺷﻬﻮﺗﻪ .. ﺑﻌﺪﻳﻦ ﺗﻌﺐ ﻣﻦ ﺍﻟﻀﺮﺏ ﺍﺑﺘﻌﺪ ﻋﻨﻲ .. ﻭﺍﻧﻲ ﺍﻧﺘﻬﺰﺕ ﺍﻟﻔﺮﺻﻪ ﻭﺍﻧﻬﺰﻣﺖ .. ﺩﺧﻠﺖ ﻟﻠﻐﺮﻓﻪ ﺍﻟﻲ ﺑﺠﺎﻧﺐ ﻏﺮﻓﺘﻨﺎ .. ﻭﻗﻔﻠﺘﻬﺎ ﻋﻠﻴﻪ ﻭﺍﺳﻤﻊ ﺻﻮﺗﻪ ﻳﺒﺠﻲ ﻭﻳﻌﻴﻂ ..

العضوة: 522131 , 6 years ago

ﺍﻫﻠﻪ ﻣﻦ ﺳﻤﻌﻮﻩ ﻳﺒﺠﻲ ﻛﻮﻟﻬﻢ ﺻﻌﺪﻭﺍ ﺍﻟﻪ .. ﺑﺲ ﺍﻧﻲ ﻣﻦ ﺍﻋﻴﻂ ﻣﺎﻛﻮ ﺍﺣﺪ ﺍﺟﻪ ﻧﻘﺬﻧﻲ .. # ﺑﻘﻠﻤﻲ _ ﺷﻤﺲ ﺑﻘﻴﺖ ﺍﺑﺠﻲ ﻭﺍﻭﻥ ﻣﻦ ﺍﻟﻮﺟﻊ ﻛﻞ ﺟﺴﻤﻲ ﻳﻮﺟﻌﻨﻲ .. ﻟﻠﺼﺒﺢ ﺍﻧﻲ ﻣﻨﻤﺖ ﺑﺲ ﺍﺑﺠﻲ .. ﺍﺩﻋﻲ ﺭﺑﻲ ﻳﺎﺧﺬ ﺍﻣﺎﻧﺘﻲ ﺣﺘﻰ ﺍﺭﺗﺎﺡ .. ﻷﻥ ﺑﻌﺪ ﻣﻌﻨﺪﻱ ﻃﺎﻗﻪ ﺍﺗﺤﻤﻞ .. ﻧﺰﻟﺖ ﺍﻟﺼﺒﺢ ﻭﻫﻢ ﺩﺍ ﻳﺘﺮﻳﮕﻮﻥ . ﮔﻮﻟﺘﻠﻬﻢ ﺻﺒﺎﺡ ﺍﻟﺨﻴﺮ . ﻣﺎﻛﻮ ﺍﺣﺪ ﺟﺎﻭﺑﻨﻲ .. ﺗﺮﻛﺘﻬﻢ ﻭﻃﻠﻌﺖ ﺑﺎﻟﺤﺪﻳﻘﻪ .. ﺻﻮﺗﻲ ﻣﺎﻛﻮ ﻣﻦ ﺍﻟﻌﻴﺎﻁ ﻭﺷﻜﻠﻲ ﻣﺮﻋﺐ ﻣﻦ ﺍﻟﺒﺠﻲ .. ﻭﺟﺴﻤﻲ ﺍﺯﺭﮒ .. ﻭﻭﺟﻬﻲ ﮔﻮﻟﻪ ﺩﻡ ﻳﺎﺑﺲ .. ﻏﺴﻠﺖ ﻭﺟﻬﻲ .. ﻭﺑﻘﻴﺖ ﺑﺎﻟﺤﺪﻳﻘﻪ ﮔﺎﻋﺪﻩ .. ﺍﻭﻭﻭﻑ ﻳﺎﺭﺑﻲ .. ﺷﻨﻮ ﻣﻦ ﻧﺎﺱ ﺷﻠﻮﻥ ﺍﻋﻴﺶ ﻭﻳﺎﻫﻢ ﺣﺘﻰ ﺑﺎﻟﻜﺬﺏ ﺍﺣﺪ ﺍﻫﺘﻢ ﺑﻠﻲ ﺻﺎﺭ ﺑﻴﻪ .. ﺩﺧﻠﺖ ﺍﺗﺼﻠﺖ ﻣﺎﻣﺎ .. ﺳﻤﺮ .. ﻫﻠﻮ ﻣﺎﻣﺎ ﻣﺎﻣﺎ .. ﻫﻠﻮ ﺳﻤﺮ ﺍﻟﻴﻮﻡ ﻋﺎﺯﻣﺘﻜﻢ ﻉ ﻏﺪﺍ ﻣﻮ ﻣﺘﺠﻮﻥ .. ﺳﻤﺮ .. ﺍﻥ ﺷﺎﺀ ﺍﻟﻠﻪ ﻣﺎﻣﺎ .. ﮔﻮﻟﺖ ﺍﻟﻤﺮﺕ ﺧﺎﻟﻮ .. ﮔﺎﻟﺖ ﺭﻭﺣﻲ ﺟﻬﺰﻱ ﻧﻔﺴﺞ ﻭﺧﻠﻲ ﻣﻴﻚ ﺍﺏ .. ﻭﻟﺘﺨﻠﻴﻦ ﺍﺣﺪ ﻳﻨﺘﺒﻪ .. ﻭﻓﻌﻼ ﻏﻴﺮﺕ ﻣﻼﺑﺲ ﻭﺻﺒﻐﺖ ﻭﺟﻬﻲ ﺑﺎﻟﻤﻴﻚ ﺍﺏ ﻭﺭﺣﻨﺎ ﺍﻻﻫﻠﻲ .. ﻭﺻﻠﻨﺎ ﺍﻟﺒﻴﺖ ﺍﻫﻠﻲ ﻭﻛﻮﻟﻬﺎ ﺗﻀﺤﻚ .. ﻭﺍﻧﻲ ﻛﺎﺭﻫﻪ ﺍﺑﺎﻭﻉ ﺑﻮﺟﻬﻬﻢ .. ﻣﺎﻣﺎ ﺣﺴﺖ ﺑﻴﻪ ﺷﻲ .. ﮔﻠﺘﻠﻬﻢ ﺑﻘﻮ ﺳﻤﺮ ﻫﻨﺎ ﻛﻢ ﻳﻮﻡ ﻧﺮﻳﺪ ﻧﺸﻮﻓﻬﺎ .. ﻣﺤﺠﻮ ﺷﻲ ﻭﺑﻘﻴﺖ ﻳﻢ ﺍﻫﻠﻲ .. ﻉ ﺍﻻﻗﻞ ﻣﺎﺍﺷﻮﻓﻬﻢ ﻛﻢ ﻳﻮﻡ ﻭﺍﺭﺗﺎﺡ .. ﻣﺎﻣﺎ .. ﺳﻤﺮ ﺑﻴﺞ ﺷﻲ ﺍﺷﻮ ﻭﺟﻬﺞ ﺗﻌﺒﺎﻥ ﻭﻣﻮ ﻉ ﺑﻌﻀﺞ .. ﺳﻤﺮ .. ﻣﺎﻛﻮ ﺷﻲ ﻣﺎﻣﺎ ﻣﺎﻣﺎ .. ﻣﺘﻘﻨﻌﻴﻨﻲ ﺍﻛﻮ ﺷﻲ ﺑﻴﺞ ﻟﻴﺶ ﺗﺨﺒﻴﻦ ﻋﻠﻴﻪ ﮔﻮﻟﻲ .. ﺣﺎﻭﻟﺖ ﺑﻜﻞ ﺍﻟﻄﺮﻕ ﺗﻌﺮﻑ ﺷﻨﻮ ﺑﻴﻪ ﺑﺲ ﺍﻧﻲ ﻣﮕﻠﺖ ﺍﻱ ﺷﺊ .. ﻭﺑﻌﺪﻳﻦ ﮔﻠﺘﻠﻲ ﺻﺪﻭﮒ ﻧﺴﻴﺖ ﺍﮔﻮﻟﺞ .. ﺍﺟﺖ ﺍﻡ ﺑﻬﺎﺀ ﻭﺑﻨﺘﻬﺎ ﻋﺮﻓﻮﺍ ﺑﻴﺞ ﻣﺘﺰﻭﺟﻪ .. ﻭﺟﺎﻳﺒﺎﺕ ﻫﺪﻳﻪ .. # ﺑﻘﻠﻤﻲ _ ﺷﻤﺲ ﻳﺘﺒﻊ …

العضوة: 522131 , 6 years ago

ﻟﻤﺎﺫﺍ ﺣﻈﻲ ﻫﻜﺬﺍ .. ﻟﻤﺎﺫﺍ ﺿﺮﻭﻓﻲ ﺳﻮﺩﺍﺀ .. ﻛﻞ ﺷﺊ ﻳﺴﻴﺮ ﻣﻌﻲ ﻋﻜﺲ ﻣﺎﺍﺭﻳﺪ .. ﺗﻌﺒﺖ ﻭﺍﻧﺎ ﺍﻋﺎﻧﻲ ﻟﻮﺣﺪﻱ .. ﻭﻛﻠﻪ ﺑﺴﺒﺒﻚ ﻳﺎﺻﺎﺣﺐ ﺍﻟﻌﻴﻮﻥ ﺍﻟﺠﻤﻴﻠﻪ .. ﺿﻨﻨﺘﻚ ﻻﺗﺤﺒﻨﻲ ﻭﻳﻮﻡ ﺍﻛﺘﺸﻔﺖ ﺣﺒﻚ ﻛﺎﻥ ﻗﺪ ﻓﺎﺕ ﺍﻻﻭﺁﻥ ️☹ . ﻣﺎﻣﺎ .. ﺳﻤﺮ ﺻﺪﻭﮒ ﺍﺟﺖ ﺍﻡ ﺑﻬﺎﺀ ﻭﺑﻨﺘﻬﺎ ﻣﻨﻰ .. ﻋﺮﻓﻮﺍ ﺑﻴﺞ ﺗﺰﻭﺟﺘﻲ ﻭﺟﺎﻳﺒﺎﺕ ﻫﺪﻳﻪ .. ﺍﺗﺒﺎﻭﻋﺖ ﺍﻟﻤﺎﻣﺎ ﺣﺴﻴﺖ ﺍﻛﻮ ﺷﻲ ﺗﺮﻳﺪ ﺗﮕﻮﻟﻪ ﻭﻣﺘﺮﺩﺩﻩ .. ﺳﻤﺮ .. ﻫﻤﻪ ﺷﻠﻮﻧﻬﻢ ﻭﺷﮕﻠﻠﺞ ﻋﻠﻴﻪ ﺑﻌﺪ .. ﺍﻧﻲ ﺍﻣﻲ ﻭﺍﻋﺮﻓﻬﺎ ﻣﺘﻌﺮﻑ ﺗﺨﺒﻲ ﺷﻲ . ﺍﻟﻲ ﺑﮕﻠﺒﻬﺎ ﺗﮕﻮﻟﻪ ﺑﺴﺮﻋﻪ ﻟﻬﺬﺍ ﺳﺄﻟﺘﻬﺎ ﻻﻥ ﺍﺣﺲ ﺍﻛﻮ ﺷﻲ .. ﻣﺎﻣﺎ .. ﺑﻌﺪ ﻣﺠﺎﺑﻦ ﺍﻟﻬﺪﻳﻪ .. ﺍﻣﻪ ﺩﺯﻭﺍ ﻋﻠﻴﻬﺎ ﻭﺭﺍﺣﺖ ﻭﺑﻘﺖ ﺑﺲ ﻣﻨﻰ .. ﻭﮔﺎﻟﺖ ﺷﻲ ﻣﺘﻮﻗﻌﺘﻪ ﻭﺑﻨﻔﺲ ﺍﻟﻮﻗﺖ ﻗﻬﺮﻧﻲ .. ﺳﻤﺮ .. ﺷﻨﻮ ﮔﺎﻟﺖ ?? ﻣﺎﻣﺎ .. ﮔﻠﺘﻠﻲ ﺧﺎﻟﻪ ﺗﺮﻯ ﺑﻬﺎﺀ ﻛﺎﻥ ﺭﺍﻳﺪ ﺳﻤﺮ .. ﻭﻃﻠﺐ ﻣﻦ ﺍﻣﻲ ﺗﺨﻄﺒﻬﺎ ﺍﻟﻪ .. ﺳﻤﺮ .. ﺍﻧﻲ ﺑﻘﻴﺖ ﻫﻴﺞ 😲😲 ﺑﻴﻦ ﻣﺼﺪﻭﻣﻪ ﻭﺑﻴﻦ ﻣﻘﻬﻮﺭﻩ ﻭﺍﺣﺲ ﺍﻟﺪﻣﻌﻪ ﺑﻌﻴﻨﻲ .. ﺍﻱ ﻣﺎﻣﺎ ﻛﻤﻠﻲ … ﻣﺎﻣﺎ .. ﺍﻱ ﺍﻧﻲ ﻫﻢ ﺍﺳﺘﻐﺮﺑﺖ ﻭﺳﺄﻟﺘﻬﺎ ﮔﻮﻟﺘﻠﻬﺎ ﻟﻌﺪ ﻟﻴﺶ ﻣﺎﺣﺠﻴﺘﻮﺍ .. ﻭﺑﻬﺎﺀ ﺧﻮﺵ ﻭﻟﺪ ﻭﺍﻧﻲ ﺍﺣﺒﻪ .. ﻣﻨﻰ .. ﺧﺎﻟﻪ ﺭﺍﺡ ﺍﺣﺠﻲ ﺑﺼﺮﺍﺣﻪ ﺑﺲ ﻣﻮ ﺗﺰﻋﻠﻴﻦ .. ﺍﻡ ﺳﻤﺮ .. ﻻ ﺧﺎﻟﻪ ﺍﺣﺠﻲ ﻋﻠﻴﻤﻦ ﺍﺯﻋﻞ .. ﻣﻨﻰ .. ﺍﻣﻲ ﺭﻓﻀﺖ .. ﻭﮔﻠﺘﻠﻪ ﺍﻟﺒﻬﺎﺀ ﻳﻤﻪ ﺍﻟﺒﻨﻴﻪ ﻣﺎﻧﻌﺮﻑ ﺍﺑﻮﻫﺎ ﻣﻨﻮ ﻭﻻﻋﺸﻴﺮﺗﻬﺎ .. ﻭﺣﺘﻰ ﺑﻬﺎﺀ ﻣﺎﺳﻜﺖ ﻭﮔﺎﻟﻬﺎ ﻳﻜﻔﻴﻨﻲ ﺍﻋﺮﻑ ﺧﻮﺍﻟﻬﺎ ﺳﺎﺩﻩ ﻭﻣﻌﺮﻓﻴﻦ ﻭﻫﻲ ﺗﺮﺑﺖ ﻉ ﺍﻳﺪﻳﻬﻢ .. ﻭﻳﻜﻔﻲ ﺍﻥ ﻣﻘﺘﻨﻊ ﺑﻴﻬﺎ ﻭﺭﺍﻳﺪﻫﺎ .. ﺑﺲ ﺍﻣﻲ ﻗﻔﻠﺖ ﻉ ﺍﻟﺸﻐﻠﻪ ﻭﺭﻓﻀﺖ .. ﻭﻣﺎﻗﺒﻠﺖ ﺗﺨﻄﺒﻬﺎ ﺣﺘﻰ ﺍﻧﻲ ﺣﺠﻴﺖ ﻭﻳﺎﻫﺎ ﻭﮔﻮﻟﺘﻠﻬﺎ ﻳﻤﻪ ﺳﻤﺮ ﻛﻮﻟﻨﺎ ﻧﻌﺮﻓﻬﺎ ﺣﺒﺎﺑﻪ ﻭﻣﺎﺗﻄﻠﻊ ﻻﺑﻘﺮﺍﻳﻪ ﻭﻻ ﺑﻌﺮﺱ . ﻣﻦ ﺍﻟﻤﺪﺭﺳﻪ ﻟﻠﺒﻴﺖ ﻭﻣﻦ ﺍﻟﺒﻴﺖ ﻟﻠﻤﺪﺭﺳﻪ .. ﺑﺲ ﺑﻴﻨﻲ ﻭﺑﻴﻨﺞ ﺍﻟﺤﺠﻲ ﺧﺎﻟﻪ .. ﻫﺎﻱ ﺣﺠﻪ ﺍﻧﻲ ﺍﻋﺮﻓﻬﺎ ﺍﻻﻣﻲ ﻫﻲ ﻣﻦ ﺯﻣﺎﻥ ﺭﺍﻳﺪﻩ ﺑﻨﺖ ﺍﺧﻮﻫﺎ ﺍﻟﺒﻬﺎﺀ . ﻭﻣﻦ ﺭﻓﻀﻬﺎ ﻭﻃﻠﺐ ﺳﻤﺮ ﻃﻠﻌﺖ ﻫﺎﻱ ﺍﻟﺤﺠﻪ ﺣﺘﻰ ﻳﺮﻓﺾ . ﻭﺑﻬﺎﺀ ﺯﻋﻞ ﻭﺭﺍﺡ ﻟﻠﺒﺼﺮﻩ ﻻﻥ ﺣﺘﻰ ﻣﺎﻳﮕﺪﺭ ﻳﻔﺎﺗﺢ ﺍﺑﻮﻳﻪ .. ﻻﻥ ﻋﺼﺒﻲ ﻭﻣﺎﻳﻌﺘﺮﻑ ﺑﺸﻐﻠﻪ ﺍﻟﺤﺐ ﻳﻌﻨﻲ ﻣﺎﻳﺘﻔﺎﻫﻢ .. ﻭﮔﻠﻠﻬﺎ ﺍﻻﻣﻲ ﻓﺎﺗﺤﻲ ﺍﺑﻮﻱ ﺑﺎﻟﻤﻮﺿﻮﻉ ﺑﺲ ﻫﻲ ﺭﻓﻀﺖ .. ﻭﻫﻮ ﮔﻠﻠﻬﺎ ﻟﻮ ﺗﺨﻄﺒﻴﻠﻲ ﺳﻤﺮ ﻟﻮ ﻣﺎﺍﺭﺟﻊ ﻣﻦ ﺍﻟﺒﺼﺮﻩ ﻧﻬﺎﺋﻲ .. ﺳﻤﺮ .. ﻣﺎﻣﺎ ﺗﺤﺠﻲ ﻭﻣﻘﻬﻮﺭﻩ ﻻﻥ ﻫﻴﺞ ﺍﻣﻪ ﺗﮕﻮﻝ ﻋﻠﻴﻨﺎ ﻭﺍﻧﻲ ﺍﺣﺲ ﻃﻠﻘﻪ ﺩﺧﻠﺖ ﺑﺼﺪﺭﻱ .. ﻃﻠﻘﻪ ﺍﻟﺮﺣﻤﻪ ﺍﻟﻲ ﻛﻨﺖ ﺍﻧﺘﻈﺮﻫﺎ ﺑﺲ ﺍﺟﺖ ﺑﺎﻟﻮﻗﺖ ﺍﻟﻀﺎﻳﻊ . ﺍﻧﻬﺎﺭﻳﺖ ﻭﻣﺎﮔﺪﺭﺕ ﺍﺻﺒﺮ ﻉ ﺭﻭﺣﻲ .. ﻫﺴﺎ ﻋﺮﻓﺖ ﻟﻴﺶ ﺍﻧﻘﻄﻌﺖ ﺍﺧﺒﺎﺭﻩ .. ﻃﻠﻊ ﻳﺤﺒﻨﻲ ﻭﺳﻮﻩ ﻛﻞ ﻫﺬﺍ ﺣﺘﻰ ﻳﺘﺰﻭﺟﻨﻲ .. ﺻﺤﻴﺢ

العضوة: 522131 , 6 years ago

ﻣﺎﮔﻠﻲ ﺍﺣﺒﺞ ﺑﺎﻟﻠﺴﺎﻧﻪ ﺑﺲ ﻋﻴﻮﻧﻪ ﮔﻠﺘﻠﻲ ﻭﺍﻧﻲ ﻣﺎﻓﻬﻤﺖ ﻭﻣﺎﺍﻧﺘﻀﺮﺕ ﻭﺗﺰﻭﺟﺖ . ﺻﺤﻴﺢ ﺍﻧﺠﺒﺮﺕ ﺑﺲ ﻣﺎﻛﺎﻥ ﻻﺯﻡ ﺍﺿﻌﻒ .. ﻣﺎﺍﺗﺤﻤﻠﺖ ﻭﻧﺰﻟﺖ ﺩﻣﻮﻋﻲ .. ﺍﻧﻬﺎﺭﻳﺖ ﻭﮔﻤﺖ ﺍﺑﺠﻲ . ﻣﺎﻣﺎ .. ﺳﻤﺮ ﺷﺒﻴﺞ ﺷﺒﻴﺞ ﻓﻬﻤﻴﻨﻲ ﻭﺑﻘﺖ ﺗﻌﻴﻂ ﻋﻠﻴﻪ .. ﺍﻧﻲ ﻣﺘﺤﻤﻠﺖ ﮔﻠﺘﻠﻬﺎ ﺍﻧﻲ ﻛﻨﺖ ﺍﺣﺒﻪ ﺍﻟﺒﻬﺎﺀ ﻭﺍﻧﺘﻮ ﺟﺒﺮﺗﻮﻧﻲ ﺍﺗﺰﻭﺝ .. ﻣﺎﻣﺎ .. ﻟﺞ ﺷﻨﻮ ﺗﺤﺒﻲ ﻭﺷﻠﻮﻥ ﻭﺷﻮﻛﺖ ﺗﻠﺘﻘﻮﻥ .. ﺗﺨﺒﻠﺖ ﻭﮔﺎﻣﺖ ﺗﻌﻴﻂ ﻋﻠﻴﻪ .. ﺳﻤﺮ .. ﻣﺎﻣﺎ ﺣﺒﻴﺘﻪ ﻭﺣﺪﻱ ﺣﺘﻰ ﻣﮕﺎﻟﻲ ﻭﻻ ﻛﻨﺎ ﻧﺤﺠﻲ ﻭﻻﻧﺘﻘﺎﺑﻞ ﻭﺳﻮﻟﻔﺘﻠﻬﺎ ﻛﻮﻟﺸﻲ ﻭﺣﻠﻔﺘﻠﻬﺎ ﻭﻣﺎﺍﺩﺭﻱ ﺻﺪﮔﺘﻨﻲ ﺍﻭ ﻻ ﺑﺲ ﻫﺪﺃﺕ ﺷﻮﻳﻪ .. ﻭﮔﺎﻟﺖ .. ﻣﻤﻌﻘﻮﻟﻪ ﻣﺎﻛﻮ ﺷﻲ ﺑﻴﻨﻜﻢ ﻭﻳﺴﻮﻱ ﺍﻟﻲ ﺳﻮﺍﻩ ﻭﻳﻌﺮﺽ ﺭﻭﺣﻪ ﻟﻠﺨﻄﺮ .. ﺳﻤﺮ .. ﻣﺴﺤﺖ ﺩﻣﻮﻋﻲ ﺷﻨﻮ ﺳﻮﺍﻩ ﻣﺎﻣﺎ ﺍﺣﺠﻲ .. ﻣﺎﻣﺎ .. ﺍﺧﺘﻪ ﺗﮕﻮﻝ ﺑﻴﻮﻡ ﺯﻭﺍﺟﺞ ﻣﻦ ﻃﻠﻌﺖ ﺍﻟﺰﻓﻪ ﻭﻋﺮﻓﻮﺍ ﺗﺰﻭﺟﺘﻲ .. ﻣﺘﺼﻠﻪ ﻉ ﺍﺧﻮﻫﺎ ﻭﮔﻠﺘﻠﻪ ﺳﻤﺮ ﺍﻟﻲ ﺭﺩﺕ ﺗﺘﺰﻭﺟﻬﺎ ﺍﻟﻴﻮﻡ ﺯﻭﺍﺟﻬﺎ .. ﻭﻫﻮ ﻣﺘﺨﺒﻞ ﻭﺟﺎﻱ ﻉ ﺍﻟﺴﺮﻳﻊ ﻭﻣﻮﮔﻔﺘﻪ ﺍﻟﺴﻴﻄﺮﻩ ﻭﻣﺴﺠﻮﻥ ﺳﺖ ﺍﺷﻬﺮ .. ﻣﺎﺣﺠﻴﺖ ﺑﻘﺖ ﺑﺲ ﺩﻣﻮﻋﻲ ﺗﻨﺰﻝ ﻭﺍﻧﺪﺏ ﺣﻈﻲ ﺍﻭﻝ ﻣﺮﻩ ﺍﺣﺐ ﻭﻫﻴﺞ ﺗﻨﺘﻬﻲ ﻗﺼﻪ ﺣﺒﻲ ﺣﺘﻰ ﻣﻦ ﻏﻴﺮ ﻣﺘﺒﺪﻱ .. ﻣﺎﻣﺎ .. ﺳﻤﺮ ﻛﺎﻓﻲ ﻟﺘﻔﻀﺤﻴﻨﺎ ﻫﺴﺎ ﺍﻧﺘﻲ ﻣﺘﺰﻭﺟﻪ ﺍﻧﺴﻲ ﺍﻟﻲ ﺣﺠﻴﺘﻪ ﺍﻟﺞ .. ﺍﻧﻲ ﺍﻟﺼﻮﺝ ﺑﻴﻪ ﻣﺎﺍﻋﺮﻑ ﺍﺿﻢ ﺳﺎﻟﻔﻪ .. ﺑﻬﺎﺀ .. ﻫﺴﺎ ﺍﺟﻪ ﻭﻗﺖ ﺍﺣﺠﻲ ﻣﺸﺎﻋﺮﻱ .. ﻣﻦ ﺍﻭﻝ ﻳﻮﻡ ﺷﻔﺖ ﺳﻤﺮ ﻋﺠﺒﺘﻨﻲ ﻭﺑﻘﻴﺖ ﻛﻞ ﻳﻮﻡ ﺍﺷﻮﻓﻬﺎ ﻭﻋﺠﺒﻨﻲ ﺧﺠﻠﻬﺎ ﻭﺑﺮﺍﺋﺘﻬﺎ ﺭﻏﻢ ﻫﻲ ﺍﺻﻐﺮ ﻣﻨﻲ ﺑﻬﻮﺍﻱ ﺑﺲ ﺩﺧﻠﺖ ﻋﻘﻠﻲ ﻣﺎﺭﺩﺕ ﺍﺻﺎﺭﺣﻬﺎ ﻭﺍﺳﻮﻱ ﻋﻼﻗﻪ ﻭﻳﺎﻫﺎ ﻭﺃﻟﻮﺙ ﺑﺮﺍﺋﺘﻬﺎ ﺭﺩﺕ ﺍﺩﺧﻞ ﻣﻦ ﺍﻟﺒﺎﺏ ﻭﺍﺧﻄﺒﻬﺎ .. ﻃﻠﺒﺖ ﻣﻦ ﺍﻣﻲ ﺗﺨﻄﺒﻬﺎ ﺑﺲ ﻫﻲ ﺭﻓﻀﺖ ﻭﺑﻘﺖ ﺗﻄﻠﻊ ﺣﺠﺞ ﺳﺎﻋﻪ ﺍﺑﻮﻫﺎ ﺳﺎﻋﻪ ﻋﺸﻴﺮﺗﻬﺎ .. ﺍﻧﻲ ﺍﻟﻲ ﻳﻬﻤﻨﻲ ﺳﻤﺮ ﺍﻋﺮﻓﻬﺎ ﻭﻣﺮﺍﻗﺒﻬﺎ ﻣﻦ ﺍﻟﺒﻴﺖ ﻟﻠﻤﺪﺭﺳﻪ ﻭﻣﻦ ﺍﻟﻤﺪﺭﺳﻪ ﻟﻠﺒﻴﺖ .. ﻫﻲ ﺍﻟﻲ ﻫﻮﺍﻫﺎ ﮔﻠﺒﻲ ﻭﺭﺍﺩﻫﺎ ﻣﺎﻳﻬﻤﻨﻲ ﺍﺣﺪ ﺑﺲ ﺍﻣﻲ ﺍﺻﺮﺕ ﻉ ﻗﺮﺍﺭﻫﺎ ﻭﺍﻧﻲ ﺳﺎﻓﺮﺕ ﻟﻠﺒﺼﺮﻩ ﮔﻠﺖ ﺑﻠﻜﻲ ﺗﻘﺘﻨﻊ ﻭﺗﺨﻄﺒﻬﺎ .. ﻭﺑﻴﻮﻡ ﮔﺎﻋﺪ ﻭﺍﺗﺼﻠﺖ ﻋﻠﻴﻪ ﺍﺧﺘﻲ ﻣﻨﻰ ﻭﮔﻠﺘﻠﻲ ﺳﻤﺮ ﺍﻟﻴﻮﻡ ﺯﻭﺍﺟﻬﺎ ﺗﺨﺒﻠﺖ ﻭﺻﻌﺪﺕ ﺳﻴﺎﺭﺗﻲ ﻭﺭﺟﻌﺖ ﺍﻟﻜﺮﺑﻼﺀ ﺑﺎﻟﻄﺮﻳﻖ ﻭﮔﻔﺘﻨﻲ ﺍﻟﺴﻴﻄﺮﻩ .. ﻃﺎﻟﺒﻮ ﻫﻮﻳﺘﻲ .. ﺍﻧﻲ ﻋﻨﺪﻱ ﺟﻨﺴﻴﻪ ﻣﺰﻭﺭﻫﺎ ﻣﺼﻐﺮ ﻋﻤﺮﻱ ﺑﻴﻬﺎ

العضوة: 522131 , 6 years ago

ﻋﻤﻮﺩ ﺃﮔﺪﺭ ﺃﺩﺧﻞ ﻭﺃﻟﻌﺐ ﻛﺮﻩ ﻗﺪﻡ ﺑﺎﻟﻨﺎﺩﻱ .. ﻷﻥ ﻛﺮﺓ ﺍﻟﻘﺪﻡ ﻋﺸﻖ ﺑﺎﻟﻨﺴﺒﻪ ﺍﻟﻲ .. ﻣﻦ ﺍﻟﺴﻴﻄﺮﻩ ﺭﺍﺩﻭﺍ ﺟﻨﺴﻴﺘﻲ ﺑﺪﻭﻥ ﻣﺎﺃﺩﺭﻱ ﻭﺍﻧﻲ ﻣﺴﺘﻌﺠﻞ ﻃﻠﻌﺖ ﺍﻟﺠﻨﺴﻴﻪ ﺍﻟﻤﺰﻭﺭﻩ ﻣﻦ ﺷﺎﻓﻮﻫﺎ .. ﺑﺴﺮﻋﻪ ﻟﺰﻣﻮﻧﻲ ﻭﺍﺧﺬﻭﻧﻲ ﻭﺣﻜﻤﻮﻧﻲ 6 ﺃﺷﻬﺮ .. ﻣﺮﻥ ﻋﻠﻴﻪ ﻣﺜﻞ ﺍﻟﻤﻮﺕ ﻭﺍﻧﻲ ﺍﻓﻜﺮ ﺑﺤﺒﻲ ﺍﻟﻲ ﺿﺎﻉ ﺍﺣﺲ ﺭﻭﺣﻲ ﺗﺮﻳﺪ ﺗﻄﻠﻊ ﻉ ﺳﺎﻋﻪ . ﻭﻣﺎﺑﻄﻠﺖ ﺗﻔﻜﻴﺮ ﺑﺴﻤﺮ ﻷﻥ ﺣﺒﻬﺎ ﻣﺎﺧﺬ ﻛﻞ ﺗﻔﻜﻴﺮﻱ .. ﺳﻤﺮ .. ﻟﻠﻴﻞ ﺍﺟﻪ ﺧﺎﻟﻮ ﺍﺧﺬﻧﻲ ﻣﻦ ﺑﻴﺖ ﺍﻫﻠﻲ . ﺩﺧﻠﺖ ﺍﻟﺒﻴﺖ ﺧﺎﻟﻮﺍ ﻭﺍﻧﻲ ﻭﺣﺪﻩ ﺛﺎﻧﻴﻪ .. ﻣﻮ ﻉ ﺑﻌﻀﻲ ﻣﻦ ﻳﻮﻡ ﺍﻟﻲ ﺳﻤﻌﺖ ﺷﻨﻮ ﺻﺎﺭ ﺑﺒﻬﺎﺀ ﺑﺴﺒﺒﻲ .. ﻻﺷﻜﻠﻲ ﻧﻔﺴﻬﺎ ﻭﻻﺗﺼﺮﻓﺎﺗﻲ ﺍﻧﺴﺎﻧﻪ ﺛﺎﻧﻴﻪ ﺣﺘﻰ ﺍﻛﻠﻲ ﻗﻠﻴﻞ ﻛﻨﺖ ﺍﮔﻌﺪ ﻭﻳﺎﻫﻢ ﻉ ﺍﻻﻛﻞ ﺣﺘﻰ ﻣﻴﺤﺠﻮﻥ .. ﻛﻠﻤﺎ ﺍﺑﺎﻭﻉ ﺑﺎﻟﻤﺮﺍﻳﺎ ﺍﺷﻮﻑ ﺑﻬﺎﺀ ﻣﻘﺎﺑﻴﻠﻲ .. ﻭﺍﺗﺨﻴﻠﻪ ﻭﻫﻮ ﺑﺎﻟﺴﺠﻦ ﻭﺍﺑﺠﻲ .. ﻣﺮﺕ ﺍﻻﻳﺎﻡ ﻭﺍﻧﻲ ﻉ ﻧﻔﺲ ﺣﺎﻟﺘﻲ ﻣﺤﻄﻤﻪ ﻭﺷﺒﻪ ﻋﺎﻳﺸﻪ ﻭﺍﻟﻜﻞ ﻋﺮﻑ ﺍﻧﻲ ﻭﺣﻴﺪﺭ ﻋﺎﻳﺸﻴﻦ ﺳﻮﻳﻪ ﻣﺜﻞ ﺍﻻﺧﻮﺍﻥ .. ﻭﻣﻌﺎﻣﻠﺘﻬﻢ ﺯﺍﺩﺕ ﻗﺴﻮﻩ ﻋﻠﻴﻪ .. ﺣﺘﻰ ﺧﺎﻟﻮ ﺻﺎﺭ ﻗﺎﺳﻲ ﻭﻳﺎﻱ ﻭﻳﻌﺎﻣﻠﻨﻲ ﺑﻘﺴﻮﻩ ﻣﻦ ﻏﻴﺮ ﺍﻟﺤﺠﻲ ﺍﻟﻲ ﺍﺳﻤﻌﻪ ﺑﺎﻟﻄﺎﻟﻌﻪ ﻭﺍﻟﻨﺎﺯﻟﻪ .. ﺗﻌﺒﺖ ﺣﻴﻞ ﻭﺑﻌﺪ ﻣﺎﺍﺗﺤﻤﻠﺖ ﻭﺑﻴﻮﻡ ﻭﻛﺎﻧﺖ ﺩﻧﻴﺎ ﺍﻟﻀﻬﺮ ﺍﺳﺘﺠﻤﻌﺖ ﻗﻮﺗﻲ .. ﻭﻭﮔﻔﺖ ﻣﻘﺎﺑﻴﻞ ﺣﻴﺪﺭ ﻭﮔﻮﺗﻠﻪ ... ﺍﺭﻳﺪﻙ ﺗﻄﻠﮕﻨﻲ . # ﺑﻘﻠﻤﻲ _ ﺷﻤﺲ .. ﻳﺘﺒﻊ