ﺍﻟﻘﺼﻪ ﺣﻘﻴﻘﻴﻪ %100 ﻭﺻﺎﺣﺒﺔ ﺍﻟﻘﺼﺔ ﻣﺘﺎﺑﻌﻪ ..
ﻭﻋﺪ ﺍﻟﻌﻴﻮﻥ .. ﺍﺻﺪﻕ ﻭﻋﻮﺩ ﺍﻟﺤﺐ ..
ﺍﻟﻌﻴﻦ ﺗﺴﺎﻋﺪﻧﺎ ﻓﻲ ﺑﻌﺾ ﺍﻟﻤﻮﺍﻗﻒ .. ﻓﻬﻲ ﺗﻨﻄﻖ ﺑﻜﻠﻤﺎﺕ ﻟﻢ ﻧﺴﺘﻄﻴﻊ ﺍﻟﺘﻔﻮﻩ ﺑﻬﺎ ..
ﻓﻬﻨﺎﻙ ﻣﻦ ﻳﺘﻐﺰﻝ ﻭﻳﺘﻜﻠﻢ ﺑﺤﺒﻪ ﻟﻴﻼ ﻭﻧﻬﺎﺭﺍ ﻟﻜﻨﻪ ﻻﻳﻌﺮﻑ ﻣﻦ ﺍﻟﺤﺐ ﺷﻴﺌﺎ .. ﻭﻫﻨﺎﻙ ﻣﻦ ﻳﺠﻌﻞ ﻋﻴﻨﻴﻪ ﻫﻲ ﺍﻟﺘﻲ ﺗﺘﻜﻠﻢ ﻋﻦ ﻣﺸﺎﻋﺮﻩ ﻭﺣﺒﻪ .. ﻭﻛﺎﻥ ﺍﺻﺪﻕ ﻭﻋﺪ ﻫﻮ ﻭﻋﺪ ﺍﻟﻌﻴﻮﻥ !!.. # ﺷﻤﺲ
ﻣﺮﺣﺒﺎ ﺣﺒﺎﻳﺐ .. ﺍﺣﺐ ﺍﻋﺮﻓﻜﻢ ﻋﻦ ﻧﻔﺴﻲ ﺍﺳﻤﻲ ﺳﻤﺮ ﻣﻦ ﻛﺮﺑﻼﺀ ﻋﻤﺮﻱ ﺣﺎﻟﻴﺎ 21 ﺳﻨﻪ .. ﻣﻮﺍﺻﻔﺎﺗﻲ ﺁﻧﺔ ﺣﻨﻄﺎﻭﻳﺔ ﻭﺷﻌﺮﻱ ﺑﻨﻲ ﻋﻴﻮﻧﻲ ﻋﺴﻠﻲ ﻭﻃﻮﻟﻲ 165 ﺭﺷﻴﻘﺔ ﻭﺟﺴﻤﻲ ﻛﻠﺶ ﺣﻠﻮ ﻭﻣﻠﻔﺖ ﻛﻮﻟﻬﺎ ﺗﺸﺒﻬﻨﻲ ﺑﺎﻟﻤﻤﺜﻠﺔ ﺍﻟﻤﺼﺮﻳﺔ ﻣﻨﺔ ﺷﻠﺒﻲ ..
ﺣﺒﻴﺖ ﺍﺳﺮﺩ ﺍﻟﻜﻢ ﻗﺼﺘﻲ .. ﻻﻧﻬﺎ ﻗﺼﻪ ﺍﺟﺘﻤﺎﻋﻴﻪ ﻭﻣﻤﻜﻦ ﺗﺼﻴﺮ ﻣﻊ ﻫﻮﺍﻳﺔ ﺑﻨﺎﺕ ﻭﻋﺎﻧﻮﺍ ﻣﺜﻠﻲ ﺍﻭ ﺍﻛﺜﺮ ..
ﺭﺍﺡ ﺍﺑﺪﻱ ﺑﻘﺼﺘﻲ ﻣﻦ ﺍﻭﻝ ﻣﻔﺘﺤﺖ ﻭﻋﺮﻓﺖ ﺍﻟﺪﻧﻴﺎ ﺍﻭﻝ ﻣﻮﻋﻴﺖ ﻉ ﺍﻟﺪﻧﻴﺎ ﻟﮕﻴﺖ ﻣﺎﻣﺎ ﻭﺑﺎﺑﺎ ﻣﻨﻔﺼﻠﻴﻦ ..
ﺍﻧﻲ ﻭﻣﺎﻣﺎ ﻭﺍﺧﻮﺍﻧﻲ ﻋﺎﻳﺸﻴﻦ ﺑﺒﻴﺖ ﺧﺎﻟﻲ ﻛﻮﻟﻨﺎ ﺑﻐﺮﻓﺔ ﻭﺣﺪﺓ ﻭﻭﻳﺎﻧﺔ ﺑﻴﺒﻴﺘﻲ ﺍﻡ ﻣﺎﻣﺎ ..
ﻃﺒﻌﺎ ﺍﻧﻲ ﻋﻨﺪﻱ 3 ﺧﻮﺍﻥ .. ﺍﺧﺘﻲ ﺍﻟﻜﺒﻴﺮﻩ ﺍﺳﻤﻬﺎ ﺭﻧﺎ ﻭﺍﺧﻮﻳﺔ ﺭﺿﺎ ﺫﻭﻟﻲ ﻣﻦ ﻏﻴﺮ ﺍﺏ ﻻﻥ ﻣﺎﻣﺎ ﻛﺎﻧﺖ ﻣﺘﺰﻭﺟﻪ ﻗﺒﻞ ﺑﺎﺑﺎ ..
ﻭﻋﻨﺪﻱ ﺍﺧﻮ ﻭﺍﺣﺪ ﻣﻦ ﻣﺎﻣﺎ ﻭﺑﺎﺑﺎ ﺍﺳﻤﻪ ﺍﺣﻤﺪ ..
ﻃﺒﻌﺎ ﻋﻨﺪﻱ ﺍﺧﻮﺍﻥ ﻫﻮﺍﻳﺔ ﻣﻦ ﺍﺑﻮﻳﺔ ﺑﺲ ﻣﺎﺍﻋﺮﻓﻬﻢ ﻭﻻ ﻋﻤﺮﻱ ﺷﺎﻳﻔﺘﻬﻢ ﻋﺸﻨﺎ ﺣﻴﺎﺓ ﺻﻌﺒﺔ ﻛﻮﻟﺶ ﻻﻥ ﺍﻣﻲ ﻣﻜﺎﻧﺖ ﺗﻘﺒﻞ ﺍﻧﻮ ﺑﺎﺑﺎ ﻳﺠﻲ ﻳﺴﺄﻝ ﻋﻠﻴﻨﺔ ﻭﻻ ﺗﻘﺒﻞ ﺣﺘﺔ ﻳﻮﺻﻞ ﻟﺒﻴﺘﻨﺎ ﻛﻨﺖ ﺍﺟﻬﻞ ﺍﻟﺴﺒﺐ .. ﺍﻟﻲ ﺧﻼﻫﻢ ﻳﻨﻔﺼﻠﻮﻥ ﻭﻳﺘﺮﻛﻨﺎ ﻭﻟﻴﺶ ﻣﺘﺨﻠﻴﻪ ﻳﺸﻮﻓﻨﺎ .. ﻃﺒﻌﺎ ﻛﻨﺖ ﻫﺎﺩﺋﺔ ﻛﻠﺶ ﻭﻓﻘﻴﺮﺓ ﻭﺩﺍﺋﻤﺎ ﺣﻘﻲ ﺿﺎﻳﻊ ﻋﻜﺲ ﻫﺴﺎ ..
ﺍﺣﻨﺎ ﻧﺨﺘﻠﻒ ﻋﻦ ﺍﻻﻭﻻﺩ ﺑﻜﻮﻟﺸﻲ ﺑﻠﺒﺴﻨﺎ ﻭﺑﺄﻛﻠﻨﺎ ﻻﻥ ﻣﺎ ﻋﺪﻧﺎ ﺍﺣﺪ ﻳﺼﺮﻑ ﻋﻠﻴﻨﺎ ﻏﻴﺮ ﺧﺎﻟﻮ ﺍﻟﻮﺳﻄﺎﻧﻲ ﺍﺳﻤﻪ ﻋﺰﻳﺰ ﺍﻟﻲ ﻋﻨﺪﺓ 9 ﺑﻨﺎﺕ ﺑﺮﮔﺒﺘﺔ ﺧﻄﻴﻪ ﻭﻫﻮ ﻣﻮﺿﻒ ﺑﺲ ﺭﺍﺗﺒﺔ ﻣﺎ ﻳﻜﻔﻲ ﻋﺎﺋﻠﺘﺔ ﻭﻣﺼﺎﺭﻳﻔﻬﻢ ..
ﺍﻣﻲ ﺍﻧﺴﺎﻧﺔ ﻣﺮﻳﻀﺔ ﻧﻔﺴﻴﺎ ﻋﺪﻫﺔ ﻫﻮﺍﻱ ﺍﻣﺮﺍﺽ ﻧﻔﺴﻴﺔ ﻻﻧﻪ ﺍﻣﻲ ﺣﻨﻴﻨﺔ ﻛﻮﻟﺶ ﻭﺣﺴﺎﺳﻪ ﻭﺷﺎﻓﺖ ﻣﺼﺎﻳﺐ ﻫﻮﺍﻳﺔ ﺍﺧﻮﺍﻧﻬﺎ ﺧﻤﺴﺔ ﻣﺎﺗﻮ ..
ﻭﺗﺄﺛﺮﺕ ﺑﻤﻮﺗﺘﻬﻢ ﻓﺘﻤﺮﺿﺖ ﻋﻠﻴﻬﻢ ﻟﻠﻌﻠﻢ ﻫﻲ ﻣﻄﻠﻘﺔ ﻣﺮﺗﻴﻦ ﻻﻥ ﻣﺤﺪ ﻳﮕﺪﺭ ﻳﻘﺪﺭ ﻭﺿﻌﻬﺔ ﻭﻣﺮﺿﻬﺔ ﻻ ﺑﺎﺑﺎ ﻭﻻ ﺍﻟﻲ ﻗﺒﻠﺔ ﻟﻬﺬﺍ ﻋﺎﻧﺖ ﺑﺤﻴﺎﺗﻬﺎ ..
ﻫﻲ ﺣﻨﻴﻨﺔ ﺑﺸﻜﻞ ﻭﮔﻠﺒﻬﺔ ﻧﻈﻴﻒ ﺑﺲ ﻋﺼﺒﻴﺔ ﻛﻮﻟﺶ ﻉ ﺍﻗﻞ ﺷﻲ ﺗﺘﻌﺼﺐ ﻭﺗﺸﻚ ﺣﺘﻰ ﺑﻨﻔﺴﻬﺎ ..
ﺍﻧﻲ ﻛﺒﺮﺕ ﻭﺩﺧﻠﺖ ﺍﻟﻤﺪﺭﺳﺔ ﻛﻨﺖ ﻓﻘﻴﺮﺓ ﻛﻮﻟﺶ ﻭﺷﻄﻮﺭﺓ ﻭﺩﺍﺋﻤﺎ ﺍﻃﻠﻊ ﺍﻭﻟﻰ ﻛﻨﺖ ﺍﺗﻤﻨﻰ ﺍﺷﻮﻑ ﺑﺎﺑﺎ ﻭﻟﻮ ﻣﺮﺓ ﻭﺣﺪﺓ ﺑﺲ ﻫﺬﺍ ﺍﻟﺸﻲ ﺟﺎﻥ ﺷﺒﻪ ﻣﺴﺘﺤﻴﻞ ﺑﺴﺒﺐ ﺍﻣﻲ ﺍﻟﻲ ﺣﺘﻰ ﻣﺘﺸﺮﺣﻠﻨﺎ ﻟﻴﺶ ﻫﻲ ﺗﺮﻓﺾ ﺍﻧﻮ ﺑﺎﺑﺎ ﻳﺸﻮﻓﻨﺔ ﻭﻧﺘﻌﺮﻑ ﻋﻠﻴﻪ
ﻛﺒﺮﺕ ﻭﺑﺪﺕ ﻣﻼﻣﺢ ﺟﺴﻤﻲ ﺗﺒﻴﻦ ﺍﻧﻲ ﺣﻨﻄﺎﻭﻳﺔ ﻭﻋﻴﻮﻧﻲ ﺟﻮﺯﻳﺎﺕ ﻭﻭﺳﻂ ﻣﻮﻛﺒﺎﺭ ﺷﻌﺮﻱ ﺟﻮﺯﻱ ﻣﻮ ﺍﺳﻮﺩ ﻭﺟﺴﻤﻲ ﻛﻠﺶ ﺣﻠﻮﺓ ﺭﺷﻴﻘﺔ ﻭﺍﻟﻜﻞ ﺟﺎﻧﻮ ﻳﺤﺴﺪﻭﻧﻲ ﻋﻠﻰ ﺟﺴﻤﻲ
ﺍﺧﺘﻲ ﺍﻟﻜﺒﻴﺮﺓ ﺭﻧﺎ ﻫﻢ ﺣﻠﻮﺓ ﻛﻮﻟﺶ ﺗﻨﻄﻲ ﺷﺒﻪ ﻟﺤﻨﺎﻥ ﺗﺮﻙ ﺑﺲ ﻫﻴﺔ ﺍﺣﻠﻰ ﺑﻬﻮﺍﻳﺔ .. # ﺑﻘﻠﻤﻲ _ ﺷﻤﺲ
ﻃﺒﻌﺎ ﻣﺎﻣﺎ ﻛﺎﻧﺖ ﺗﺸﻚ ﺑﻴﻬﺎ ﻭﺗﮕﻮﻟﻠﻬﺔ ﺍﻧﺘﻲ ﻣﺼﺎﺩﻗﺔ ﻑﻻﻥ ﻭﻓﻼﻥ ﻣﻊ ﺍﻧﻮ ﻫﻲ ﻛﺎﻧﺖ ﻣﻮ ﺑﺒﺎﻟﻬﺔ ﻫﺎﺫ ﺍﻟﺸﻲ ﺑﺲ ﻣﺎﻣﺎ ﻣﺮﻳﻀﺔ ﺑﻠﺸﻚ ﻛﺎﻧﺖ ﺣﺘﻰ ﺗﻀﺮﺏ ﺍﺧﺘﻲ ﻫﻮﺍﻱ ﻟﺤﺪ ﻣﺎﺗﺄﺫﻳﻬﺎ ﻭﺗﺠﺮﺣﻬﺎ .. ﺍﻟﻰ ﺍﻥ ﻳﻄﻠﻊ ﺩﻡ ..
ﺍﺧﺘﻲ ﻛﺎﻥ ﻟﺴﺎﻧﻬﺔ ﻃﻮﻳﻞ ﻭﺗﺮﺍﺩﺩ ﻣﺎﻣﺎ ﻭﺗﺠﻴﺐ ﺍﻟﻀﺮﺏ ﻟﻨﻔﺴﻬﺔ .. ﻣﺎﻣﺎ ﺑﻌﺪ ﻣﺘﻀﺮﺑﻬﺔ ﺗﻜﻌﺪ ﺗﺒﺠﻲ ﻋﻠﻴﻬﺎ ﺍﺧﺘﻲ ﻛﺎﻧﺖ ﻗﺎﺳﻴﺔ ﺣﻴﻞ ..
ﻭﻣﺘﺤﺒﻨﺔ ﺍﻧﻲ ﻭﺍﺧﻮﻱ ﺍﻟﺰﻏﻴﺮ ﺍﺣﻤﺪ ﻻﻥ ﺍﺣﻨﺎ ﻣﻦ ﻏﻴﺮ ﺍﺑﻮ ﻭﺑﺎﺑﺎ ﻛﺎﻥ ﻳﻀﺮﺑﻬﻢ ﻫﻲ ﻭﺍﺧﻮﻱ ﺭﺿﺎ ﻗﺒﻞ ﻣﺎ . ﻣﺎﻣﺎ ﺗﺘﻄﻠﮓ ﻣﻨﻪ .. ﺑﺲ ﺍﺧﺘﻲ ﻣﺎﻧﺴﺖ ﺗﻌﺎﻣﻞ ﺑﺎﺑﺎ ﺍﻟﻬﻢ .. ﻛﺒﺮﺕ ﻭﻫﻲ ﻗﺎﺳﻴﺔ ﻋﻠﻴﻨﺎ ﻣﻊ ﺍﻧﻮ ﻣﺎﺍﻟﻨﺔ ﺫﻧﺐ ﻋﻜﺲ ﺍﺧﻮﻳﺔ ﺭﺿﺎ ﺍﻟﻲ ﻛﺎﻥ ﻳﺤﺒﻨﺎ ﻭﻳﻬﺘﻢ ﺑﻴﻨﺎ ﻭﻳﺨﺎﻑ ﻋﻠﻴﻨﺎ .. ﺭﻏﻢ ﺍﻧﻪ ﻋﺎﺵ ﻭﻳﺎﻫﺔ ﻧﻔﺲ ﺍﻻﺫﻳﺔ ﻣﻦ ﺑﺎﺑﺎ ﻭﻧﻔﺲ ﺍﻟﻀﺮﺏ ﺑﺤﻜﻢ ﻫﻮﺓ ﺯﻭﺝ ﺍﻣﻬﻢ
....
....
ﺑﺲ ﺭﺿﺎ ﻣﺤﻘﺪ ﻋﻠﻴﻨﺎ ﻭﻻﻛﺮﻫﻨﺎ ..
ﺑﻴﻮﻡ ﻣﻦ ﺍﻻﻳﺎﻡ ﺍﺟﺖ ﺑﻴﺒﻴﺔ ﺍﺧﻮﺍﻧﻲ ﺍﻟﻜﺒﺎﺭ ﺭﺿﺎ ﻭﺭﻧﺎ ﺍﻡ ﺍﺑﻮﻫﻢ ﺗﺮﻳﺪ ﺗﺸﻮﻓﻬﻢ ..
ﻭﺍﺧﺘﻲ ﺃﺻﺮﺕ ﺗﺮﻳﺪ ﺗﺮﻭﺡ ﻭﻳﺎﻫﺎ ..
ﻣﺎﻣﺎ .. ﺭﻧﺎ ﻣﻤﻨﻮﻉ ﻣﺎﻛﻮ ﻃﻠﻌﻪ ..
ﻣﺎﻣﺎ ﻣﻘﺒﻠﺖ ﻭﺭﻓﻀﺖ ﺭﻓﺾ ﺗﺎﻡ ﻻﻥ ﻫﻲ ﺷﻜﺎﻛﻪ ﻭﻣﺘﻘﺒﻞ ﻧﺒﺎﺕ ﺑﺒﻴﺖ ﺍﻱ ﺍﺣﺪ ..
ﺟﺪﺓ ﺍﺧﺘﻲ .. ﺍﺫﺍ ﻋﺎﺟﺒﻬﺎ ﺗﺮﻭﺡ ﻭﻳﺎﻱ ﺧﻠﻴﻬﺎ ﺗﺮﻭﺡ ﻟﻴﺶ ﺍﺣﻨﻪ ﻣﻮ ﺍﻫﻠﻬﺎ ﻭﺍﻟﻨﺎ ﺣﻖ ﻋﻠﻴﻬﺎ ..
ﻣﺎﻣﺎ ﺳﻜﺘﺖ ﻭﺻﺎﺭﺕ ﺍﻣﺎﻡ ﺍﻻﻣﺮ ﺍﻟﻮﺍﻗﻊ ..
ﻭﺭﺍﺣﺖ ﺭﻧﺎ ﻭﻱ ﺑﻴﺒﻴﺘﻬﺎ ..
ﻟﻜﻦ ﻣﺎﻣﺎ ﻣﺴﻜﺘﺖ ﻭﺣﺎﻭﻟﺖ ﺗﺮﺟﻌﻬﺎ ﻛﻢ ﻣﺮﺓ . ﻟﻜﻦ ﺭﻧﺎ ﻋﻨﻴﺪﻩ ﻭﻣﺜﻘﺒﻞ ﺗﺮﺟﻊ ..
ﻭﺑﻘﺖ ﻋﺎﻳﺸﻪ ﻫﻨﺎﻙ ﻓﺘﺮﺓ ﻃﻮﻳﻠﺔ ..
ﻭﺑﻴﻮﻡ ﻣﻦ ﺍﻻﻳﺎﻡ .. ﮔﺎﻋﺪﻳﻦ ﻭﺍﺟﺎﻧﺎ ﺍﺑﻦ ﺧﺎﻟﻮ ﻋﺒﺎﺱ ﺍﻟﻲ ﻫﻮ ﺍﺻﻐﺮ ﺧﻮﺍﻟﻲ ..
ﺑﻴﺘﻬﻢ ﻛﺎﻥ ﻗﺮﻳﺐ ﻋﻠﻴﻨﺎ ..
ﻭﺧﺒﺮ ﻣﺎﻣﺎ .. ﮔﻠﻠﻬﺎ ﻋﻤﻪ ﺍﻟﻴﻮﻡ ﺍﺟﺖ ﺭﻧﺎ ﻭﻭﻳﺎﻫﺎ ﻭﺣﺪﻩ ﻣﻨﻌﺮﻓﻬﺎ .. ﻭﻭﻟﺪ ﺷﺎﺏ ..
ﺍﺳﺘﻐﺮﺑﺖ ﻣﺎﻣﺎ ﻭﺍﺧﺬﺗﻨﺎ ﻭﺭﺍﺣﺖ ﺍﻟﺒﻴﺖ ﺧﺎﻟﻮ ﺗﺮﻳﺪ ﺗﻌﺮﻑ ﺷﻨﻮ ﺍﻟﺴﺎﻟﻔﻪ .. # ﺑﻘﻠﻤﻲ _ ﺷﻤﺲ
ﺩﺧﻠﻨﺎ ﺍﻟﺒﻴﺖ ﺧﺎﻟﻮﺍ ..
ﺭﻧﺎ .. ﻫﻠﻮ ﻣﺎﻣﺎ ﻭﺑﻮﺳﺘﻬﺎ ..
ﻣﺎﻣﺎ .. ﻟﺞ ﺷﻨﻮ ﻫﺎﻱ ﺍﺷﻮ ﺣﺎﻓﻪ ﻭﺟﻬﺞ ﻭﻣﻜﻴﺎﺝ ﻋﺒﺎﻟﻚ ﺭﺍﻳﺤﻪ ﺍﻟﺤﻔﻠﻪ .
ﻟﻴﺶ ﻣﺮﺩﺗﺞ ﺗﺒﻘﻴﻦ ﺑﺒﻴﺖ ﺍﺣﺪ ﻻﻥ ﺍﻋﺮﻓﺞ ﺗﺘﻤﺮﺩﻳﻦ ..
ﺭﻧﺎ .. ﻣﺎﻣﺎ ﺩﺍﻳﻤﺎ ﺍﻧﺘﻲ ﻣﺘﺜﻘﻴﻦ ﺑﻴﻪ ﻭﺷﻜﺎﻛﻪ .. ﺍﻧﻲ ﺗﺰﻭﺟﺖ
ﻣﺎﻣﺎ .. 😲😲 ﺍﻧﺼﺪﻣﺖ ..
ﻃﻠﻌﻮﺍ ﺍﻟﻲ ﺟﺎﻳﻴﻦ ﻭﻳﺎﻫﺎ ﻋﻤﺘﻬﺎ ﺍﺧﺖ ﺍﺑﻮﻫﺎ ﻭﺍﻡ ﺯﻭﺟﻬﺎ ﻭﺯﻭﺟﻬﺎ ﺍﻟﻲ ﻫﻮ ﺍﺑﻦ ﻋﻤﺘﻬﺎ ..
ﻣﺎﻣﺎ ﺗﺨﺒﻠﺖ ﻭﺭﺍﺩﺕ ﺗﻌﺎﺭﻛﺖ ﻭﻳﺎﻫﻢ ﻭﺗﻌﻴﻂ .. ﺑﺲ ﺧﺎﻟﻮ ﻫﺪﺋﻬﺎ ..
ﺭﻧﺎ .. ﻣﺎﻣﺎ ﺍﻧﻲ ﻗﺎﺑﻠﻪ ﻭﺭﺍﺿﻴﻪ ﺑﺎﻟﺰﻭﺍﺝ ﻳﻌﻨﻲ ﻣﺤﺪ ﺟﺒﺮﻧﻲ .. ﻫﺎﻱ ﺑﻤﻜﺎﻥ ﻣﺘﺒﺎﺭﻛﻴﻠﻲ ..
ﻣﺎﻣﺎ ﺳﻜﺘﺖ ﻭﻣﺤﺠﺖ ﺷﻲ ﻷﻥ ﺻﺎﺭﺕ ﺍﻣﺎﻡ ﺍﻻﻣﺮ ﺍﻟﻮﺍﻗﻊ
ﻭﺭﻧﺎ ﺍﺧﺬﺕ ﺯﻭﺟﻬﺎ ﻭﻃﻠﻌﺖ ..
ﻟﻜﻦ ﻫﺬﺍ ﺍﻟﺸﻲ ﺑﻘﻰ ﺣﺴﺮﻩ ﺑﻘﻠﺒﻬﺎ ﺍﻟﻤﺎﻣﺎ .. ﻭﻛﻞ ﻳﻮﻡ ﺗﻠﻮﻡ ﺑﻨﻔﺴﻬﺎ ..
ﺍﻧﻲ ﺑﺎﻟﻤﺘﻮﺳﻄﻪ .. ﻭﺍﺧﻮﻳﻪ ﺭﺿﺎ ﺧﻄﻴﻪ ﺗﺮﻙ ﺍﻟﻤﺪﺭﺳﻪ ﺣﺘﻰ ﻳﺸﺘﻐﻞ ﻭﻳﻌﻴﻠﻨﺎ .. ﻻﻥ ﻣﻴﻠﺤﮓ ﻳﺪﺭﺱ ﻭﻳﺸﺘﻐﻞ ﺑﻨﻔﺲ ﺍﻟﻮﻗﺖ ..
ﻣﻊ ﺍﻧﻪ ﻛﺎﻥ ﺧﺎﻣﺲ ﻋﻠﻤﻲ ﻳﻌﻨﻲ ﻭﺍﺻﻞ ..
ﻣﻦ ﻛﺒﺮﺕ ﻭﺻﺮﺕ ﺑﺎﻟﻤﺘﻮﺳﻄﻪ ﺷﻜﻠﻲ ﺗﻐﻴﻴﺮ ﺗﻤﺎﻣﺎ .. ﻃﻮﻟﺖ ﻭﺟﺴﻤﻲ ﺻﺎﺭ ﻳﺠﻨﻦ .. ﻭﻛﻞ ﺍﻟﻲ ﺍﻟﺒﺴﻪ ﻳﻄﻠﻊ ﺣﻠﻮ ﻋﻠﻴﻪ .
ﻭﺑﺸﻬﺎﺩﻩ ﺻﺪﻳﻘﺎﺗﻲ ﻭﻛﻞ ﺍﻟﻲ ﻳﺸﻮﻓﻨﻲ ..
ﻭﺣﺎﻟﻨﺎ ﺻﺎﺭ ﺍﺣﺴﻦ ﺑﻔﻀﻞ ﺍﺧﻮﻳﻪ ﺭﺿﺎ .. ﺍﻟﻲ ﺿﺤﻰ ﺑﻤﺴﺘﻘﺒﻠﻪ ﻋﻤﻮﺩﻧﺎ ﻭﺍﻧﺘﻘﻠﻨﺎ ﺑﺒﻴﺖ ﺑﺼﻒ ﺑﻴﺖ ﺧﺎﻟﻮ ﻭﺻﺎﺭﺕ ﺍﻟﻲ ﻏﺮﻓﻪ ﺑﻮﺣﺪﻱ ﺑﻌﺪ ﻣﺎﻛﻨﺎ ﻛﻮﻟﻨﺎ ﺑﻐﺮﻓﻪ .. # ﺑﻘﻠﻤﻲ _ ﺷﻤﺲ
ﺍﺧﻮﻳﻪ ﺍﻟﺼﻐﻴﺮ ﺍﺣﻤﺪ ﻛﺎﻥ ﻛﺴﻼﻥ ..
ﻟﻜﻦ ﺧﺎﻟﺘﻲ ﻛﺎﻧﺖ ﻣﻌﻠﻤﻪ ﻭﺗﻨﺠﺤﻪ ﻛﻞ ﺳﻨﻪ ..
ﻭﻣﺎﻣﺎ ﻛﺎﻧﺖ ﺗﻜﺘﺐ ﺍﻟﻪ ﺣﺘﻰ ﻣﻴﺘﻌﺎﻗﺐ ﺑﺎﻟﻤﺪﺭﺳﻪ ..
ﻣﺎﻣﺎ ﻣﺎﻛﺎﻧﺖ ﻫﻴﺞ ﻭﻳﺎﻳﻪ ﻛﻨﺖ ﻛﻞ ﻣﺎﺍﺳﺄﻟﻬﺎ ﺷﻲ ﻣﺎﻓﺎﻫﻤﺘﻪ ﺗﮕﻮﻝ ﻣﺎﺍﻋﺮﻑ .. ﻣﻊ ﺍﻧﻪ ﻫﻲ ﺧﺮﻳﺠﻪ ﻭﻭﺍﺻﻠﻪ ..
ﻟﻜﻦ ﻫﻲ ﺗﺤﺐ ﺍﺧﻮﻳﻪ ﺍﺣﻤﺪ ﺍﻛﺜﺮﻧﺎ ﻭﻫﺬﺍ ﺍﻟﺸﻲ ﺃﺛﺮ ﻋﻠﻴﻪ ﻫﻮﺍﻳﻪ ﻭﺧﻼﻧﻲ ﺍﺣﺲ ﺑﻨﻘﺺ ﺣﻨﺎﻧﻬﺎ ﺍﻟﻲ ..
ﻣﻦ ﻛﺒﺮﺕ ﻭﺟﺴﻤﻲ ﺑﻴﻦ .. ﻣﺎﻣﺎ ﺻﺎﺭﺕ ﺗﻌﺎﻣﻠﻨﻲ ﻣﺜﻞ ﻣﺎﻛﺎﻧﺖ ﺗﻌﺎﻣﻞ ﺍﺧﺘﻲ .. ﻭﺗﺸﻚ ﺑﻴﻪ ..
ﻫﺬﺍ ﺍﻟﺸﻲ ﺯﺭﻉ ﺍﻟﺨﻮﻑ ﺑﻴﻪ .. ﻭﻋﺪﻡ ﺍﻟﺜﻘﻪ ﺑﺄﻱ ﻭﻟﺪ ﺑﺴﺒﺐ ﻛﻼﻡ ﻣﺎﻣﺎ .. # ﺑﻘﻠﻤﻲ _ ﺷﻤﺲ
ﺣﺘﻰ ﺻﺮﺕ ﺍﻛﺮﻩ ﻛﻞ ﻭﻟﺪ ﻣﺎﻋﺪﺍ ﺍﺧﻮﺍﻧﻲ ﻭﺍﺧﺎﻑ ﻣﻨﻬﻢ ﺑﺴﺒﺐ ﻣﺎﻣﺎ ..
ﺑﻌﻜﺲ ﺍﻟﺒﻨﺎﺕ ﺍﻟﻲ ﻭﻳﺎﻱ ﻛﺎﻧﻮ ﻳﻤﻴﻠﻮﻥ ﻟﻠﺠﻨﺲ ﺍﻵﺧﺮ ..
ﺍﻧﻲ ﻋﺸﺖ ﺑﻌﺎﺋﻠﻪ ﺗﻔﺘﻘﺪ ﺍﻟﺜﻘﻪ ﻭﺍﻟﺤﻨﺎﻥ ﻭﺍﻟﺘﻔﺎﻫﻢ .. ﺑﺎﺑﺎ ﻣﺸﺎﻳﻔﺘﻪ ﻭﻣﺎﻣﺎ ﺷﻜﺎﻛﻪ ﻭﺗﺘﻌﺎﻣﻞ ﺑﻘﺴﻮﻩ ﻭﻳﺎﻱ ..
ﻭﻫﺬﺍ ﺍﻟﺸﻲ ﺃﺛﺮ ﻉ ﺣﻴﺎﺗﻲ .
ﺍﻟﻰ ﺍﻥ ﺑﻴﻮﻡ ﺩﺍ ﺍﺻﻠﻲ ﺍﻧﻲ ﻭﻣﺎﻣﺎ .. ﺍﻧﻲ ﻣﺨﻠﺼﻪ ﻓﺮﺽ ﺍﻟﻤﻐﺮﺏ .. ﻭﻫﻲ ﺑﻌﺪﻫﻲ ﻷﻥ ﺗﺘﺄﺧﺮ ﺑﺼﻼﺗﻬﺎ ..
ﻭﺍﺧﻮﺍﻧﻲ ﺍﻟﻮﻟﺪ ﻃﺎﻟﻌﻴﻦ ..
ﺍﻧﺪﮔﺖ ﺍﻟﺒﺎﺏ .. ﺍﺿﻄﺮﻳﺖ ﺍﻓﺘﺤﻬﺎ ﺍﻧﻲ ..
ﮔﻠﺖ ﻣﻨﻮ ??
ﺻﻮﺕ ﻭﻟﺪ .. ﮔﺎﻝ ﺍﻧﻲ ..
ﺍﺭﺗﺒﻜﺖ ﻻﻥ ﻋﻤﺮﻱ ﻣﻔﺎﺗﺤﻪ ﺍﻟﺒﺎﺏ ﺍﻟﻮﻟﺪ .. ﻛﻨﺖ ﺑﺲ ﺍﺳﻤﻊ ﺻﻮﺕ ﻭﻟﺪ ﺍﺩﺧﻞ ﻭﺍﮔﻮﻝ ﺍﻟﻮﺍﺣﺪ ﻣﻦ ﺍﻫﻠﻲ ﻳﻔﺘﺢ ﺍﻟﺒﺎﺏ ..
ﺩﺧﻠﺖ ﻭﮔﻠﺖ ﺍﻟﻤﺎﻣﺎ .. ﺍﺷﺮﺗﻠﻲ ﻣﻌﻨﺎﻫﺎ ﺷﻮﻓﻲ ﺷﻴﺮﻳﺪ ﻷﻥ ﻫﻲ ﺩﺗﺼﻠﻲ ..
ﻓﺘﺤﺘﻪ ﻭﻭﮔﻔﺖ ﻭﺭﻯ ﺍﻟﺒﺎﺏ .. ﻭﻛﻨﺖ ﻻﺑﺴﻪ ﻣﻠﻒ ﻣﺎﻝ ﺻﻼﺓ ﻃﻠﻌﺖ ﺭﺍﺳﻲ ﺑﺲ ..
ﻃﻠﻊ ﺑﻬﺎﺀ ﺍﺑﻦ ﺟﻴﺮﺍﻧﻪ ﻣﺸﺎﻳﻔﺘﻪ ﺻﺎﺭ ﻫﻮﺍﻱ ﻣﺘﻐﻴﻴﺮ ﻭﺻﺎﻳﺮ ﺣﻠﻮ ﻭﻣﺮﺗﺐ .. ﺷﺎﻳﻔﺘﻪ ﻣﻦ ﻛﻨﺖ ﺻﻐﻴﺮﻩ ﺻﺤﻴﺢ ﻫﻮ ﺍﻛﺒﺮ ﻣﻨﻲ ﺑﺲ ﻣﺎﻛﺎﻥ ﻫﻴﺞ ﺣﻠﻮ ﻭﺍﻧﻴﻖ ..
ﻣﻦ ﺷﻔﺘﻪ ﺍﺗﻌﺠﺒﺖ .. # ﺑﻘﻠﻤﻲ _ ﺷﻤﺲ
ﻭﻫﻮ ﻣﻦ ﺷﺎﻓﻨﻲ ﺍﺭﺗﺒﻚ .. ﻛﺎﻥ ﺟﺎﻳﺐ ﺧﺒﺰ .. ﻻﻥ ﺍﻣﻪ ﻣﺘﻌﻮﺩﻩ ﻛﻠﻤﺎ ﺗﺨﺒﺰ ﺗﻄﻠﻊ ﺧﺒﺰ ﺑﺜﻮﺍﺏ ﻣﻮﺗﺎﻫﻢ ..
ﻛﻞ ﻣﺮﺓ ﻫﻲ ﺗﺠﻴﺒﻪ ﺑﺲ ﻫﺎﻟﻤﺮﻩ ﻫﻮ ﻟﻬﺬﺍ ﺗﻌﺠﺒﺖ ..
ﻧﻄﺎﻧﻲ ﺍﻟﺨﺒﺰ ﻭﺷﻜﺮﺗﻪ ﻭﺭﺍﺡ .. ﺑﺲ ﺑﻘﻰ ﺑﺒﺎﻟﻲ ﻻﻥ ﺻﺎﻳﺮ ﻳﺨﺒﻞ ..
# ﺑﻘﻠﻤﻲ _ ﺷﻤﺲ
ﻳﺘﺒﻊ …
العضوة: 522131 , 6 years ago
ﻻ ﺗﺴﺄﻟﻨﻲ ﻛﻢ ﺃﺣﺒﻚ .. ﻓﻠﻴﺲ ﻟﺤﺒﻚ ﻣﻘﻴﺎﺍﺱ 😘. ﻻ ﺗﺴﺄﻟﻨﻲ ﻛﻢ ﻋﺸﻘﺘﻚ 🍃️❤ ﻭﻟﻤﺎﺍﺫﺍ ﺃﺧﺘﺮﺗﻚ ﻣﻦ ﺩﻭﻭﻥ ﺍﻟﻨﺎﺱ ️☺ ﻻ ﺗﺴﺄﻟﻨﻲ ﺍﻟﻰ ﻣﺘﻰ ﺳﺄﺿﻞ ﺃﺣﺒﻚ . ️❤ ﻓﺄﻧﺎ ﺳﺄﺣﺒﻚ ﺣﺘﻰ ﺗﻮﻭﺩﻋﻨﻲ ﺍﻧﻔﺎﺍﺳﻲ .. ﻓﺮﺣﺖ ﻣﻦ ﮔﻠﻲ ﺑﻬﺎﺀ ﺍﺭﺟﻌﻲ ﺩﺍﻭﻣﻲ .. ﻭﻓﻌﻼ ﺭﺟﻌﺖ ﻟﻠﺪﻭﺍﻡ .. ﺩﺍﻭﻣﺖ ﺳﻨﻪ ﺛﺎﻧﻴﻪ ﺑﺎﻟﺴﺎﺩﺱ .. ﻣﺪﺭﺳﺎﺗﻲ ﻛﻮﻟﻬﻢ ﺑﻘﻮﺍ ﻳﻠﻮﻣﻮﻥ ﺑﻴﻪ ﻻﻥ ﻋﺪﺕ ﺍﻟﺴﻨﻪ .. ﻭﮔﻠﻮﻟﻠﻲ .. ﻟﻴﺶ ﻋﺪﺗﻲ ﺍﻟﺴﻨﻪ ﻭﺍﻧﺘﻲ ﻣﻄﻠﻌﻪ 75 ﻏﻴﺮﺝ ﻳﺘﻤﻨﻮﻥ ﻫﻴﺞ ﻣﻌﺪﻝ .. # ﺷﻤﺲ ﺍﻧﻲ ﻛﻨﺖ ﺍﺭﻳﺪ ﻫﻨﺪﺳﻪ ﻭﻫﺬﺍ ﺍﻟﻤﻌﺪﻝ ﻣﻴﺪﺧﻠﻨﻲ ﻫﻨﺪﺳﻪ ﺑﺪﻳﺖ ﻳﻮﻣﻲ ﺑﻨﺸﺎﻁ ﻭﺍﺧﺬﺕ ﺍﻟﻲ ﻓﺎﺗﻨﻲ ﻭﺍﻟﺤﻤﺪ ﻟﻠﻪ ﻣﺴﺘﻮﺍﻱ ﻣﺘﻐﻴﻴﺮ .. # ﺑﻘﻠﻤﻲ _ ﺷﻤﺲ ﺻﺤﻴﺢ ﻋﻤﺘﻲ ﺍﻋﺘﺮﺿﺖ ﻭﻣﻘﺒﻠﺖ ﺍﻛﻤﻞ ﻭﺷﮕﺪ ﺣﺎﻭﻟﺖ ﺑﺲ ﺑﻬﺎﺀ ﺑﻘﻰ ﻉ ﺭﺃﻳﻪ .. ﻣﻊ ﺍﻟﻌﻠﻢ ﺍﻧﻲ ﻣﻤﻘﺼﺮﻩ ﻭﺷﻐﻠﻲ ﻛﻮﻟﻪ ﻣﻜﻤﻠﺘﻪ .. ﻳﻮﻡ ﻋﻠﻴﻪ ﺍﻟﺘﻨﻈﻴﻒ ﻭﻳﻮﻡ ﻉ ﻫﻨﺪ ﻭﺍﻟﻐﺪﺍ ﻉ ﻫﻨﺪ ﻭﺍﻟﻌﺸﺎ ﻋﻠﻴﻪ ﻭﻫﻜﺬﺍ .. ﺍﻧﻲ ﺩﻭﺍﻣﻲ ﻛﻮﻟﻪ ﻋﺼﺮﻱ ﻣﺪﺭﺳﺘﻨﺎ ﻫﻴﺞ ﺩﻭﺍﻣﻬﺎ .. ﻃﺒﻌﺎ ﻣﺮﺗﺎﺣﻪ ﺑﺪﻭﺍﻣﻲ ﻛﻮﻟﺶ ﻭﺻﺪﻳﻘﺎﺗﻲ ﻳﺤﺒﻮﻧﻲ ﻭﻣﺪﺭﺳﺎﺗﻲ .. ﻷﻥ ﻣﻦ ﺍﻻﻭﻝ ﻣﺘﻮﺳﻂ ﺑﻴﻬﺎ ﺍﻟﻰ ﺍﻟﺴﺎﺩﺱ ﻛﻮﻟﻬﺎ ﺗﻌﺮﻓﻨﻲ .. ﺍﻟﻤﺸﺎﻛﻞ ﺑﺎﻟﺒﻴﺖ ﻣﺨﻠﺼﺖ ﺑﺲ ﺍﻧﻲ ﻛﺎﻥ ﻋﻨﺪﻱ ﻣﺘﻨﻔﺲ ﺍﺧﻠﺺ ﺑﻲ ﻣﻦ ﺍﻟﻤﺸﺎﻛﻞ .. ﺩﺍﻭﻣﻲ ﻛﺎﻥ ﺭﺍﺣﻪ ﺑﺎﻟﻨﺴﺒﻪ ﺍﻟﻲ ﻷﻥ ﺍﻧﺴﻰ ﺷﻮﻳﻪ .. ﺍﺭﺟﻊ 5 ﺍﻟﻌﺼﺮ ﻟﻠﺒﺴﺖ ﺍﻟﮕﻲ ﺑﻬﺎﺀ ﺟﺎﻱ ﻗﺒﻠﻲ .. ﺍﻭﻝ ﻣﺎﺍﺩﺧﻞ ﺍﻟﻐﺮﻓﺘﻲ .. ﻳﮕﻮﻡ ﺑﻬﺎﺀ ﻭﺍﺭﻭﺡ ﺍﺣﻈﻨﻪ ﻭﺍﺷﻤﻪ ﻋﺒﺎﻟﻚ ﺻﺎﺭ ﺳﻨﻴﻦ ﻣﻤﺘﺸﺎﻭﻓﻴﻦ .. ﺑﺪﺕ ﺍﻣﺘﺤﺎﻧﺎﺗﻨﺎ ﺍﻟﺸﻬﺮﻳﻪ .. ﻭﺯﺍﺩﺕ ﺍﻟﻤﺴﺆﻭﻟﻴﻪ ﻋﻠﻴﻪ ﻋﻤﺘﻲ ﻣﺘﺮﺣﻤﻨﻲ ﻣﺘﮕﻮﻝ ﺧﻄﻴﻪ ﺧﻠﻲ ﺍﺧﻔﻒ ﻋﻨﻬﺎ ﺍﻟﺸﻐﻞ ﺑﺎﻟﻌﻜﺲ ﺯﺍﺩﺕ ﻋﻠﻴﻪ .. ﻣﺮﺕ ﺣﻤﺎﻱ ﻣﺎﺍﻟﻬﺎ ﻋﻼﻗﻪ ﺗﮕﻈﻲ ﺷﻐﻠﻬﺎ ﻭﺗﮕﻌﺪ .. ﻭﺍﻧﻲ ﻣﻦ ﺟﻬﻪ ﺑﻬﺎﺀ ﻭﻭﺍﺟﺒﺎﺗﻪ ﻭﻣﻦ ﺟﻬﻪ ﺍﻟﺸﻐﻞ ﺑﺎﻟﺒﻴﺖ ﻭﻣﻦ ﺟﻬﻪ ﺍﻣﺘﺤﺎﻧﺎﺗﻲ ﻭﺩﺭﺍﺳﺘﻲ ﺻﻌﺒﻪ ﺻﺤﻴﺢ ﺍﻧﻲ ﻫﺬﻱ ﺍﻟﺴﻨﻪ ﺍﻟﺜﺎﻧﻴﻪ ﺍﻟﻲ ﺑﺲ ﻣﻮﻣﻌﻨﺎﻫﺎ ﻣﺎﺍﻗﺮﺃ .. ﺑﺎﻟﻤﺨﺘﺼﺮ ﺻﺎﺭﺕ ﺣﻴﺎﺗﻲ ﺭﻛﺾ ﺑﺮﻛﺾ .. ﺑﺲ ﺭﻏﻢ ﻛﻞ ﻫﺬﺍ ﻣﺎﺍﺷﺘﻜﻴﺖ ﻷﻥ ﻫﺬﺍ ﻣﺴﺘﻘﺒﻠﻲ . ﺑﻬﺎﺀ ﻳﺤﺲ ﻋﻠﻴﻪ ﺧﻄﻴﻪ ﻣﻴﺨﻠﻴﻨﻲ ﺍﺳﻮﻱ ﺷﻲ ﺑﺎﻟﻐﺮﻓﻪ ﻳﮕﻮﻟﻲ ﺭﻭﺣﻲ ﺍﻗﺮﺃﻱ .. ﻭﻳﺮﺗﺐ ﺍﻟﻔﺮﺍﺵ ﻭﻳﻨﻀﻔﻬﺎ ﻭﻳﻤﺴﺢ ﺍﻻﺧﺸﺎﺏ ﻳﻜﻮﻱ ﻣﻼﺑﺴﻪ ﻳﻌﻨﻲ ﺷﺎﻝ ﻋﻨﻲ ﺷﻮﻳﻪ .. ﺑﺲ ﺍﻧﻲ ﺍﻏﺴﻞ ﺍﻟﻤﻼﺑﺲ .. ﻭﻫﻮ ﻋﻠﻴﻪ ﺩﺍﺧﻞ ﺍﻟﻐﺮﻓﻪ .. ﺑﺲ ﺑﺮﻩ ﺍﻟﻐﺮﻓﻪ ﻃﺒﻌﺎ ﻣﻴﮕﺪﺭ ﻳﺴﻮﻳﻠﻲ ﺷﻲ ﺍﻭ ﻳﺤﺠﻲ ﻭﻱ ﺍﻣﻪ ﺗﻔﻀﺤﻪ ﻏﻴﺮ ﻭﺍﻛﻴﺪ ﺗﮕﻮﻝ ﺍﺫﺍ ﺗﮕﺪﺭ ﺧﻠﻲ ﺗﺘﺮﻙ ﺍﻟﻤﺪﺭﺳﻪ ﻷﻥ ﻫﻲ ﻫﺎﻱ ﻏﺎﻳﺘﻬﺎ .. ﻓﻜﻨﺖ ﺍﺣﺎﻭﻝ ﺍﻧﻈﻢ ﻭﻗﺘﻲ ﺑﻘﺪﺭ ﺍﻟﻤﻤﻜﻦ . ﺑﺲ ﺻﻌﺐ ﻛﻮﻟﺶالعضوة: 522131 , 6 years ago
ﺻﻌﺐ ..️☹ # ﺑﻘﻠﻤﻲ _ ﺷﻤﺲ ﻭﺑﻴﻮﻡ ﻛﻨﺖ ﻏﺎﻳﺒﻪ ﻣﻦ ﺍﻟﺪﻭﺍﻡ .. ﻭﻣﺮﺕ ﺣﻤﺎﻱ ﻋﺒﻴﺮ ﺧﻄﻴﻪ ﺯﻭﺟﻬﺎ ﺭﺍﺡ ﻟﻠﺤﺸﺪ ﻣﻦ ﻏﻴﺮ ﻣﻴﮕﻠﻠﻬﺎ ﻭﺑﻘﻰ ﺑﺎﻟﻬﺎ ﻳﻤﻪ ﻭﺗﺒﺠﻲ ﻭﮔﻠﺘﻠﻲ ﻣﺘﺮﺣﻴﻦ ﻭﻳﺎﻱ ﻟﻼﻣﺎﻡ ﺍﻟﺤﺴﻴﻦ ﻧﺰﻭﺭ ﻷﻥ ﻧﻔﺴﻴﺘﻬﺎ ﺗﻌﺒﺎﻧﻪ .. ﻭﺭﺍﺣﺖ ﻭﻳﺎﻧﺎ ﻫﻨﺪ ﻫﻢ .. ﻃﺒﻌﺎ ﻣﮕﻠﺘﻠﻜﻢ ﺍﻧﻲ ﻋﻨﺪﻱ ﺍﺭﺑﻊ ﺣﻤﻮﻳﻦ .. ﻫﻢ ﺍﻟﻮﻟﺪ 5 ﻣﺮﺗﻀﻰ ﻣﺴﺠﻮﻥ .. ﻭﺑﻌﺪﻩ ﻋﻠﻲ ﺯﻭﺝ ﻋﺒﻴﺮ ﺧﻄﻴﻪ ﻫﻮ ﺍﻟﻲ ﺍﻟﺘﺤﻖ ﻭﻫﺬﺍ ﻛﺎﻥ ﺍﺣﺴﻦ ﻭﺍﺣﺪ ﻣﻨﻬﻢ ﻭﺍﺣﺘﺮﻣﻪ ﻛﻮﻟﺶ .. ﻭﺑﻌﺪﻩ ﺣﺴﻦ ﻫﺬﺍ ﺍﻟﻲ ﻳﻜﺮﻩ ﺑﻬﺎﺀ ﻭﻣﻴﺤﺒﻪ ﻭﺩﻭﻡ ﻳﻨﺎﻓﻖ ﻋﻠﻴﻪ ﻭﺣﻴﺪﺭ ﺯﻭﺝ ﻫﻨﺪ .. ﻭﺑﻬﺎﺀ ﺣﺒﻴﺒﻲ .. # ﺑﻘﻠﻤﻲ _ ﺷﻤﺲ ﻭﺻﻠﻨﺎ ﻉ ﺍﻭﻝ ﺗﻔﺘﻴﺶ .. ﻓﺘﺸﻮﻧﺎ ﻭﻃﻠﻌﻨﺎ ﺍﺗﺼﻞ ﻋﻠﻴﻪ ﺑﻬﺎﺀ ﺭﻓﻌﺘﻪ .. ﺍﻟﻮ ﻫﻠﻮ ﺣﺒﻴﺒﻲ .. ﺻﻮﺗﻪ ﻣﺨﻨﻮﮒ ﺑﻬﺎﺀ .. ﺳﻤﺮ ﻋﻠﻲ ﺍﺳﺘﺸﻬﺪ ﺍﺭﺟﻌﻮﺍ ﺑﺴﺮﻋﻪ .. ﻭﮔﺎﻡ ﻳﺒﺠﻲ ﻫﻨﺪ ﻛﺎﻧﺖ ﻳﻤﻲ ﻭﺳﻤﻌﺖ ﺑﺲ ﮔﻮﻟﺘﻠﻬﺎ ﻟﺘﮕﻮﻟﻴﻦ ﺍﻟﻌﺒﻴﺮ ﺷﻲ .. ﺍﻟﺘﻔﺘﺖ ﻛﺎﻟﺖ ﺷﻜﻮ .. ﺳﻤﺮ .. ﻋﻤﺘﻲ ﻣﺘﺨﺮﺑﻄﻪ ﻭﻳﮕﻮﻟﻮﻥ ﺍﺭﺟﻌﻮﺍ ﻫﺴﺎ .. ﻫﻲ ﻣﺤﺠﺖ ﺷﻲ ﺑﺲ ﺩﻣﻮﻋﻬﺎ ﺑﻘﺖ ﺗﻨﺰﻝ ﻋﺒﺎﻟﻚ ﮔﻠﺒﻬﺎ ﺣﺴﻬﺎ .. ﻭﺑﻌﺪﻳﻦ ﻓﻘﺪﺕ ﻭﮔﺎﻣﺖ ﺗﻌﻴﻂ ﺑﺎﻟﺸﺎﺭﻉ .. ﺣﺎﻭﻟﻨﺎ ﻧﻬﺪﻳﻬﺎ .. ﻣﺎﻛﻮ ﻓﺎﻳﺪﻩ .. ﮔﻌﺪﺕ ﺑﺎﻟﺸﺎﺭﻉ ﻭﺗﺒﺠﻲ ﺧﻠﻴﺖ ﻳﻤﻬﺎ ﻫﻨﺪ ﻭﻣﺸﻴﺖ ﻉ ﺍﻟﺴﺮﻳﻊ .. ﺍﺟﺮﺕ ﺗﻜﺴﻲ ﻭﺻﻌﺪﻧﺎ .. ﮔﻠﻮﺑﻨﺎ ﻣﻨﺘﻬﻴﻪ ﻭﻧﺒﺠﻲ .. ﻻﻥ ﺣﻤﺎﻱ ﻋﻠﻲ ﻛﺎﻥ ﻃﻴﺐ ﻭﺍﺣﺴﻨﻬﻢ ﻭﻣﺘﺪﻳﻦ ﺣﺮﺍﻣﺎﺕ ﺍﻟﺰﻳﻦ ﻳﺮﻭﺡ ﺑﺴﺮﻋﻪ .. ﺍﺗﺒﺎﻭﻉ ﺍﻟﻌﺒﻴﺮ ﻭﺑﺪﺍﺧﻠﻲ ﺍﮔﻮﻟﻬﺎ ﺍﻟﻠﻪ ﻳﺴﺎﻋﺪﺝ ﺷﻠﻮﻥ ﺭﺍﺡ ﺗﺼﺒﺮﻳﻦ ﻉ ﻓﺮﺍﮔﻪ .. ﻓﻘﺪﺍﻥ ﺍﻟﺰﻭﺝ ﺍﺻﻌﺐ ﺷﻲ .. ﻷﻥ ﺑﻌﺪﻩ ﻻﺍﻫﻞ ﻭﻻﺍﺥ ﻭﻻﺍﻱ ﺍﺣﺪ ﻳﻔﻴﺪ ﺑﻬﺬﺍ ﺍﻟﺰﻣﻦ ﻭﺧﺎﺻﻪ ﻟﻠﻲ ﻋﻨﺪﻫﺎ ﺍﻭﻻﺩ .. ﺍﻟﻲ ﻳﺘﺤﻤﻞ ﻳﻮﻡ ﻳﻮﻣﻴﻦ ﺑﺲ ﻣﻮ ﻋﻤﺮ 😭 ﺑﻘﻰ ﺗﻔﻜﻴﺮﻱ ﺑﺒﻬﺎﺀ ﺷﻠﻮﻥ ﺣﺎﻟﻪ ﻫﺴﺎ .. ﺍﻭﻝ ﻣﻮﺻﻠﻨﺎ .. ﻋﺒﻴﺮ ﺷﻤﺮﺕ ﻧﻔﺴﻬﺎ ﻣﻦ ﺍﻟﺴﻴﺎﺭﻩ ﻭﺩﺧﻠﺖ ﺗﻌﻴﻂ ﻭﻣﻠﺨﺖ ﺷﻌﺮﻫﺎ ﮔﻠﺒﻬﺎ ﺣﺴﻬﺎ ﻣﻦ ﻗﺒﻞ ﻣﺘﻮﺻﻞ .. ﻭﻣﻦ ﻭﺻﻠﻨﺎ ﺍﺗﺄﻛﺪﺕ .. # ﺑﻘﻠﻤﻲ _ ﺷﻤﺲ ﺭﺣﺖ ﺍﻟﻐﺮﻓﺘﻲ ﺣﺘﻰ ﺍﺑﺪﻝ .. ﻟﮕﻴﺖ ﺑﻬﺎﺀ ﮔﺎﻋﺪ ﺑﺎﻟﻤﻤﺮ ﻭﻳﺒﺠﻲ ﻭﺑﻌﺪﻩ ﻣﻼﺑﺲ ﺍﻟﺸﻐﻞ ﻭﺣﺎﻟﺘﻪ ﺣﺎﻟﻪ .. ﺣﻈﻨﺘﻪ ﻭﻧﺒﺠﻲ ﺳﻮﻳﻪ .. ﻭﺗﺎﻟﻲ ﮔﻮﺗﻠﻪ ﮔﻮﻡ ﺑﺪﻝ ﻣﻼﺑﺴﻚ ﻣﻘﺒﻞ .. ﺑﻌﺪﻳﻦ ﺍﺻﺮﻳﺖ ﻋﻠﻴﻪ ﮔﺎﻡ ﻭﻳﺎﻱ ﺑﺪﻝ ﻣﻼﺑﺴﻪ ﻭﻫﻮ ﻳﻮﻥ ﻭﻳﺒﺠﻲ ﻉ ﺍﺧﻮﻩ .. ﺑﻬﺎﺀ .. ﺍﺣﻨﺎ ﺭﺍﺡ ﻧﺮﻭﺡ ﺍﻟﻤﻄﺎﺭ ﺑﻐﺪﺍﺩ ﻧﺴﺘﻠﻢ ﻋﻠﻲ .. ﻫﺎﻱ ﻫﺬﻱ ﻓﻠﻮﺱ ﺧﺎﻑ ﺗﺤﺘﺎﺟﻴﻬﺎ .. ﻭﻃﻠﻊ ﻓﻠﻮﺱ ﻣﻦ ﺟﻴﺒﻪ ﻧﻄﺎﻧﻲ .. ﻭﻋﻴﻮﻧﻪ ﺩﻡ ﺣﺒﺲ ﺩﻣﻮﻋﻪ ﺗﺎﻟﻲالعضوة: 522131 , 6 years ago
ﺑﻮﺳﺘﻪ ﻭﺣﻈﻨﻲ ﻭﻃﻠﻊ .. ﺑﺪﻟﺖ ﻭﻧﺰﻟﺖ ﺟﻮﻩ ﻻﻥ ﺍﻟﻨﺎﺱ ﺑﺪﺕ ﺗﺠﻲ ﻭﺍﻟﺠﻴﺮﺍﻥ ﻭﺍﻗﺎﺭﺑﻬﻢ ﻭﺍﻫﻞ ﻋﺒﻴﺮ .. ﻭﺍﺟﺖ ﻣﺎﻣﺎ . ﺗﻠﮕﺘﻨﻲ ﺗﺒﺠﻲ ﻭﺗﻌﻴﻂ ﻻﻥ ﻛﺎﻧﺖ ﺗﺤﺒﻪ ﻭﻫﻮ ﻫﻢ ﻳﺤﺒﻬﺎ ﺍﻟﻠﻪ ﻳﺮﺣﻤﻪ .. ﻣﺎﻣﺎ ﻣﻠﺨﺖ ﺭﻭﺣﻬﺎ ﻭﮔﺎﻣﺖ ﺗﻠﻄﻢ ﻭﺗﺒﺠﻲ ﻛﻮﻟﻬﺎ ﺍﻧﺘﺒﻬﺘﻠﻬﺎ .. ﺍﻛﺜﺮ ﺍﺛﻨﻴﻦ ﺑﺠﻦ ﻉ ﻋﻠﻲ ﻣﺎﻣﺎ ﻭﻣﺮﺗﻪ ﻃﺒﻌﺎ ﻣﺎﺍﻭﺻﻔﻠﻜﻢ ﺣﺎﻟﻬﺎ ﻳﺒﺠﻲ ﺍﻟﺼﺨﺮ .. ﻋﻠﻲ ﺍﻟﻠﻪ ﻳﺮﺣﻤﻪ ﻛﺎﻥ ﻳﮕﻮﻝ ﻣﺮﻩ ﻧﺴﺠﻨﺖ ﻭﺍﻧﻲ ﺻﻐﻴﺮ ﻉ ﺑﻮﮔﻪ ﻣﻤﺴﻮﻳﻬﺎ ﻭﺗﻬﻤﻮﻧﻲ ﺑﻴﻬﺎ ﻭﻣﺤﺪ ﺍﺟﻪ ﺷﺎﻓﻨﻲ ﻣﻦ ﺍﻫﻠﻲ ﺑﺲ ﺍﻣﺞ ﺍﺟﺖ ﻭﻧﻄﺘﻨﻲ ﺍﻛﻞ .. ﺍﻟﻰ ﺍﻥ ﻃﻠﻌﻮﻧﻲ ﻣﻦ ﺫﺍﻙ ﺍﻟﻴﻮﻡ ﻫﻮ ﻳﮕﻮﻟﻠﻬﺎ ﻳﻤﻪ ﻭﻳﻤﻮﺕ ﻋﻠﻴﻬﺎ . ﺑﺎﻟﺘﺴﻌﻪ ﺑﺎﻟﻠﻴﻞ .. ﺟﺎﺑﻮ ﺍﻟﺠﻨﺎﺯﻩ ﻭﻛﻮﻟﻬﺎ ﺍﻟﺘﻤﺖ ﺑﺎﻟﺒﻴﺖ ﺣﺘﻰ ﻧﺎﺱ ﻣﻨﻌﺮﻓﻬﻢ ﻳﺴﻤﻌﻮﻥ ﺑﻲ ﺷﻬﻴﺪ ﻳﺠﻮﻥ ﻳﻌﺰﻭﻥ .. ﺑﺪﺕ ﺍﻟﺼﺮﺧﺎﺕ ﻭﺍﻟﻌﻴﺎﻁ .. ﻓﺎﺟﻌﻪ ﻣﺘﻨﻮﺻﻒ .. ﺑﻌﺪﻩ ﺷﺎﺏ ﻭﻣﺎﻋﻨﺪﻩ ﺍﻭﻻﺩ ﻻﻥ ﻣﻴﺼﻴﺮ ﻋﻨﺪﻩ ﺍﻃﻔﺎﻝ .. # ﺑﻘﻠﻤﻲ _ ﺷﻤﺲ ﻳﺘﺒﻊالعضوة: 522131 , 6 years ago
ﻋﺒﻴﺮ ﺧﻄﻴﻪ ﻣﻮﺗﺖ ﺭﻭﺣﻬﺎ .. ﻭﮔﻌﺪﺕ ﻣﻘﺎﺑﻴﻞ ﺍﻟﺘﺎﺑﻮﺕ ﻭﺗﻌﺎﺗﺒﻪ .. ﻋﺘﺎﺑﻬﺎ ﻳﺒﺠﻲ ﺍﻟﺼﺨﺮ .. ﻝ 12 ﺑﺎﻟﻠﻴﻞ ﺍﻟﻨﺎﺱ ﻛﻮﻟﻬﺎ ﻋﺪﻧﺎ ﻭﻣﺎﺳﻜﺘﻮ ﻣﻦ ﺍﻟﺒﺠﻲ .. ﺍﻧﻲ ﻧﻌﺴﺖ ﻛﻮﻟﺶ .. ﺍﺣﺲ ﻋﻴﻮﻧﻲ ﻳﻐﻤﻀﻦ ﻭﺣﺪﻫﻦ .. ﺩﺧﻠﺖ ﺍﻟﻐﺮﻓﺘﻲ ﻭﻭﻗﺘﺖ ﺍﻟﻤﻨﺒﻪ ﺭﺑﻊ ﺳﺎﻋﻪ ﺣﺘﻰ ﺍﮔﻌﺪ ﻻﻥ ﻋﻴﺐ ﺍﻧﺎﻡ ﻫﻮﺍﻱ ﻭﺍﻟﻨﺎﺱ ﻛﻮﻟﻬﺎ ﮔﺎﻋﺪﻩ .. # ﺷﻤﺲ ﺻﺪﻭﮒ ﺑﻌﺪ ﺭﺑﻊ ﺳﺎﻋﻪ ﮔﻌﺪﺕ ﻭﺑﻌﺪﻧﻲ ﻧﻌﺴﺎﻧﻪ .. ﺭﺣﺖ ﻟﻠﻤﻄﺒﺦ ﺣﺘﻰ ﺍﻟﺘﻬﻲ ﻭﻣﺎﺍﻧﻌﺲ .. ﻏﺴﻠﺖ ﻣﻮﺍﻋﻴﻦ ﻭﺳﺘﻜﺎﻧﺎﺕ ﻭﺻﻮﺍﻧﻲ ﻭﻧﻀﻔﺖ ﺍﻟﻤﻄﺒﺦ .. ﻭﻫﻨﺪ ﺑﺤﺠﻪ ﺑﻨﺘﻬﺎ ﺗﺒﺠﻲ ﻛﻮﻟﺸﻲ ﻣﺘﺴﻮﻱ ﺑﺲ ﺷﺎﻳﻠﻪ ﺑﻨﺘﻬﺎ ﻣﻨﻰ ﺍﺧﺘﻬﻢ ﺧﻄﻴﻪ ﻣﻘﺒﻠﺖ ﺗﺪﺧﻞ ﻟﻠﺒﻴﺖ ﺑﻘﺖ ﮔﺎﻋﺪﻩ ﺑﺎﻟﺸﺎﺭﻉ ﺗﮕﻮﻝ ﻋﻠﻲ ﻣﺎﻣﺎﺕ ﻫﺴﺎ ﻳﺠﻲ .. ﻛﻮﻟﻬﺎ ﺣﺎﻭﻟﺖ ﺗﺪﺧﻠﻬﺎ ﻣﻘﺒﻠﺖ ﻭﻛﺎﻧﺖ ﻣﻨﺘﻬﻴﻪ ﻓﺪ ﻣﺮﻩ ﻣﻦ ﺍﻟﺒﺠﻲ .. ﺣﺘﻰ ﺍﻟﺠﻴﺮﺍﻥ ﻳﺒﺠﻮﻥ ﻋﻠﻴﻬﺎ .. ﺗﺎﻟﻲ ﺏ 1 ﺍﺧﺬﻭﻫﺎ ﺍﻫﻠﻬﺎ ﻟﻠﻤﺸﺘﻤﻞ ﻣﺎﻟﺘﻬﺎ ﺑﺼﻒ ﺑﻴﺖ ﺍﻫﻠﻬﺎ ﺍﻧﻲ ﺩﺧﻠﺖ ﺍﻟﻐﺮﻓﺘﻲ ﺍﺭﺗﺎﺡ .. ﺍﺟﻪ ﺑﻬﺎﺀ ﺣﻈﻨﺘﻪ ﺣﺎﻟﺘﻪ ﺣﺎﻟﻪ ﻃﻠﻌﻠﻲ ﺍﻟﺪﻓﻨﻪ ﻣﺼﻮﺭﻫﺎ ﻭﺍﻟﺘﺸﻴﻴﻊ ﻣﺎﻟﺘﻪ ﻓﺪ ﺷﻲ ﻣﻮ ﻃﺒﻴﻌﻲ ﺍﻟﻨﺎﺱ ﺍﻟﻲ ﻣﺸﻴﻌﺘﻪ ﻫﻮﺍﻳﻪ ﻛﻮﻟﺶ ﺣﺘﻰ ﺍﻳﺮﺍﻧﻴﻴﻦ ﻭﻳﺎﻫﻢ ﺍﻱ ﻭﺍﺣﺪ ﻳﺸﻮﻓﻪ ﻣﻠﻔﻮﻑ ﺑﺎﻟﻌﻠﻢ ﻳﻤﺸﻲ ﻭﻳﺎﻫﻢ ﻻﻥ ﺷﻬﻴﺪ .. # ﺷﻤﺲ ﻟﻞ 3 ﻭﺍﺣﻨﻪ ﻣﻨﺎﻳﻤﻴﻦ ﻧﺘﺬﻛﺮ ﺍﻟﻤﺮﺣﻮﻡ ﻭﻧﺒﺠﻲ .. ﻭﺻﻮﺕ ﻋﺒﻴﺮ ﺑﺄﺫﻧﻲ ﻟﻠﺼﺒﺢ ﻫﻲ ﺗﻌﻴﻂ ﻭﺗﺒﺠﻲ .. ﺛﺎﻧﻲ ﻳﻮﻡ ﺍﺟﺖ ﺍﻟﻨﺎﺱ ﻣﻦ ﺍﻟﺼﺒﺢ ﻭﺍﻟﺒﻴﺖ ﺍﻧﮕﻠﺐ .. ﻟﻄﻢ ﻭﺷﻐﻞ ﻭﻃﺒﺦ ﻭﻣﺎﻛﻮ ﺑﺲ ﺍﻧﻲ ﻭﻣﺮﺕ ﺣﺴﻦ ﺣﻤﺎﻱ ﻻﻥ ﻫﻨﺪ ﺗﺘﺤﺠﺞ ﺑﺒﻨﺘﻬﺎ ﺗﺒﺠﻲ .. ﻭﺍﻟﺒﻘﻴﻪ ﮔﺎﻋﺪﺍﺕ ﻟﻮ ﻳﺼﺒﻦ ﺷﺎﻱ .. ﻭﺍﺣﻨﻪ ﻧﻄﺒﺦ ﻭﻻﺯﻡ ﻛﻤﻴﻪ ﻫﻮﺍﻳﻪ ﺍﻭﻝ ﻣﺮﻩ ﺑﺤﻴﺎﺗﻲ ﺍﻃﺒﺦ ﻫﻴﺞ ﻛﻤﻴﺎﺕ ﺑﺲ ﻣﺎﺧﺮﺏ ﻭﻃﻠﻊ ﻳﺨﺒﻞ ﺍﻻﻛﻞ ﻣﻊ ﺍﻧﻪ ﺍﺛﻨﻴﻨﻪ ﺍﻧﻲ ﻭﻣﺮﺕ ﺣﺴﻦ ﻣﻤﺘﻌﻮﺩﻳﻦ ﻧﻄﺒﺦ ﻫﻴﺞ ﻛﻤﻴﻪ .. ﺑﺲ ﻳﮕﻮﻟﻮﻥ ﻃﺒﺦ ﺍﻟﺸﻬﻴﺪ ﻳﻄﻠﻊ ﻃﻴﺐ .. ﻭﻻﻥ ﻫﻮ ﻃﺒﺎﺥ ﺍﻻﻣﺎﻡ ﺍﻟﺤﺴﻴﻦ ﻛﻞ ﺳﻨﻪ ﻳﻄﺒﺦ ﺑﺎﻟﻮﻓﺎﺓ .. ﺍﻫﻠﻲ ﻭﺍﻗﺎﺭﺑﻲ ﻛﻮﻟﻬﺎ ﺍﺟﺖ ﻣﺎﻣﺎ ﻭﺧﺎﻟﺘﻲ ﻭﻣﺮﺕ ﺑﺎﺑﺎ ﻭﺍﺧﻮﺍﺗﻲ ﻭﻧﺴﻮﺍﻥ ﺧﻮﺍﻟﻲ ﻻﻥ ﻫﻢ ﺟﻴﺮﺍﻧﻬﻢ ﻭﻳﻌﺮﻓﻮﻫﻢ ﻣﻦ ﺯﻣﻦ ﺑﻴﺒﻲ .. # ﺷﻤﺲ ﻣﺮ ﺍﺳﺒﻮﻉ ﻭﺍﻟﻨﺎﺱ ﺭﺍﻳﺤﻪ ﺭﺍﺟﻌﻪ ﻭﺍﺣﻨﺎ ﻧﻄﺒﺦ ﻏﺪﺍ ﻭﻋﺸﺎ ﻣﺎﺍﺭﺗﺎﺣﻴﺖ ﺍﺑﺪ ﻣﻦ ﻏﻴﺮ ﺍﻟﺨﻤﻴﺴﺎﺕ ﻳﺴﻮﻭﻥ ﻗﺮﺍﻳﻪ ﻭﻃﺒﺦ ﺛﻮﺍﺏ ﻣﺜﻞ ﻳﻮﻡ ﺍﻟﻔﺎﺗﺤﻪ ﻧﺒﺪﻱ ﻧﺤﻈﺮ ﻣﻦ ﺍﻻﺭﺑﻌﺎﺀ .. ﻭﺍﻧﻲ ﺣﺘﻰالعضوة: 522131 , 6 years ago
ﻣﺎﺍﻟﺤﮓ ﺍﺩﺭﺱ .. ﻭﺍﺳﺘﻤﺮﺕ ﻫﺬﻱ ﺍﻟﻌﺎﺩﻩ ﻟﺤﺪ ﺍﻻﻥ ﻣﻊ ﺍﻧﻪ ﺣﻴﺼﻴﺮ ﺳﻨﻪ ﻉ ﻭﻓﺎﺗﻪ .. ﺑﻌﺪ ﺍﻟﻔﺎﺗﺤﻪ ﺏ 10 ﺍﻳﺎﻡ ﺍﻟﺼﺒﺢ ﺍﺟﺘﻨﻲ ﺍﻟﺪﻭﺭﻩ ﻣﻦ ﻭﺭﻩ ﺍﻟﺘﻌﺐ ﻭﺍﻟﺸﻐﻞ ﺍﺗﺼﻠﺖ ﻉ ﺑﻬﺎﺀ ﻛﺎﻥ ﻃﺎﻟﻊ ﻭﮔﻮﺗﻠﻪ ﺗﻌﺎﻝ ﺑﺴﺮﻋﻪ ﺭﺩﺗﻪ ﻣﺴﺘﻠﺰﻣﺎﺕ ﻭﺷﻐﻼﺕ ﺧﺎﺻﻪ . ﺍﺟﻪ ﻃﺎﻳﺮ ﻭﺩﺧﻞ ﺍﻟﻐﺮﻓﻪ ﺑﺴﺮﻋﻪ ﻭﺣﻈﻨﻲ ﺣﻴﻞ .. ﺗﻔﺎﺟﺄﺕ ﮔﻮﺗﻠﻪ ﺷﺒﻴﻚ ﺣﺒﻴﺒﻲ .. ﺑﻬﺎﺀ .. ﻣﻦ ﺍﺗﺼﻠﺘﻲ ﺍﺧﺬﺗﻲ ﮔﻠﺒﻲ ﻋﺒﺎﻟﻲ ﺑﻴﺞ ﺷﻲ .. ﻣﺒﻘﺎﻟﻲ ﺑﺲ ﺍﻧﺘﻲ ﺫﻭﻟﻲ ﺍﺧﻮﺍﻧﻲ ﻣﻴﺤﺒﻮﻟﻲ ﺍﻟﺨﻴﺮ .. ﺑﻌﺪ ﻋﻠﻲ ﻛﻮﻟﻬﺎ ﻫﻴﺞ .. ﺍﻧﻘﻬﺮﺕ ﻉ ﻛﻼﻣﻪ ﻭﺣﻈﻨﺘﻪ .. # ﺷﻤﺲ ﺳﻤﺮ .. ﺣﺒﻴﺒﻲ ﻭﻣﺎﺍﺗﺮﻛﻚ ﻟﻠﻤﻮﺕ ﺍﻧﺖ ﺍﻫﻠﻲ ﻭﺍﻧﻲ ﺍﻫﻠﻚ .. ﺑﻴﻮﻡ ﺍﺧﺬﺕ ﻗﻄﻌﻪ ﻗﻤﺎﺵ ﺍﺳﻮﺩ ﻭﺷﺎﻝ ﻭﺭﺣﺖ ﺍﻟﻌﺒﻴﺮ .. ﻷﻥ ﻣﺮﺣﺘﻠﻬﺎ ﻣﺸﻐﻮﻟﻪ ﺑﻴﻦ ﺍﻟﺒﻴﺖ ﻭﺍﻟﺪﺭﺍﺳﻪ .. ﻭﻧﺴﻮﺍﻥ ﺣﻤﻮﻳﻨﻲ ﻛﻞ ﻳﻮﻡ ﻳﺮﺣﻦ ﻳﻤﻬﺎ .. ﺩﺧﻠﺖ ﻳﻤﻬﺎ ﻛﺎﻧﺖ ﻫﺎﺩﺋﻪ ﻭﺗﺴﻮﻟﻒ ﻋﺎﺩﻱ . ﺑﺎﻟﺼﺪﻓﻪ ﺍﺟﻪ ﺍﺑﻦ ﺣﻤﺎﻱ ﻣﺮﺗﻀﻰ ﺍﻟﻤﺴﺠﻮﻥ .. ﺳﻤﻌﻨﺎ ﻧﺴﻮﻟﻒ ﻉ ﻋﻠﻲ . ﮔﺎﻝ ﺍﻧﻲ ﺷﻔﺘﻪ ﺑﺎﻟﻤﻐﻴﺴﻞ ﻣﺼﺎﺭﻳﻨﻪ ﻃﺎﻟﻌﻪ ﻭﻣﻀﺮﻭﺏ ﻫﻮﺍﻳﻪ ﻃﻠﻖ ﺑﺮﺍﺳﻪ ﻭﻭﺟﻬﺎ .. ﻃﺒﻌﺎ ﻫﻮ ﻛﺬﺍﺏ ﺩﺭﺟﻪ ﺍﻭﻟﻰ ﻳﺤﺐ ﻳﻜﺬﺏ ﻭﻫﻮ ﺍﺻﻼ ﻃﻠﻘﻪ ﻭﺣﺪﻩ ﺑﺮﺍﺳﻪ .. ﻣﻦ ﺳﻤﻌﺖ ﻫﻴﺞ ﺍﺗﻬﺴﺘﺮﺕ ﻭﮔﺎﻣﺖ ﺗﻌﻴﻂ ﻭﺻﻞ ﺻﻮﺕ ﻋﻴﺎﻃﻬﺎ ﺍﻟﺒﻴﺖ ﻋﻴﺎﻟﻲ .. ﺍﺟﺖ ﺍﻣﻪ ﺗﺮﻛﺾ ﺍﺳﻤﻬﺎ ﻣﻬﺎ ﻣﺮﺕ ﺣﻤﺎﻱ ﺍﻟﻤﺴﺠﻮﻥ .. ﻭﻫﻨﺪ ﻭﻳﺎﻫﺎ .. ﺍﺟﻦ ﻳﺮﻛﻀﻦ ﮔﺎﻟﻦ ﺷﻜﻮ .. ﮔﻠﻨﺎﻟﻬﻦ ﻫﻴﺞ ﻳﮕﻮﻝ ﺍﺑﻨﺞ ﻋﺎﺩ ﻫﻲ ﮔﺎﻣﺖ ﺗﺮﻳﺪ ﺗﻀﺮﺑﻪ .. ﻟﺰﻣﺘﻬﺎ ﮔﻮﻟﺘﻠﻬﺎ ﻃﻔﻞ ﻣﺎﻳﻌﺮﻑ ﻟﺘﻀﺮﺑﻴﻪ .. ﺍﺧﺬﺗﻪ ﻭﻣﺸﺖ .. ﻭﺍﻧﻲ ﮔﺎﻋﺪﻩ ﺍﺟﺎﻧﻲ ﻣﺴﺞ ﻣﻦ ﺑﻬﺎﺀ .. ( ﺳﻤﺮ ﺍﻧﺘﻲ ﺷﻨﻮ ﮔﺎﻳﻠﻪ ﺍﻟﻌﺒﻴﺮ .. ﺷﻠﻮﻥ ﺗﮕﻮﻟﻴﻠﻬﺎ ﻋﻠﻲ ﺟﺴﻤﻪ ﻛﻮﻟﻪ ﻃﻠﻖ ) # ﺷﻤﺲ ﺍﻧﻲ ﺗﺨﺒﻠﺖ ﻣﻦ ﺳﻤﻌﺖ .. ﺍﺗﺼﻠﺖ ﻋﻠﻴﻪ .. ﺳﻤﺮ .. ﺍﻟﻮ ﺑﻬﺎﺀ ﻣﻨﻴﻦ ﺟﺒﻴﺖ ﻫﺬﺍ ﺍﻟﻜﻼﻡ .. ﻫﺬﺍ ﺍﺑﻦ ﺍﺧﻮﻙ ﻣﺮﺗﻀﻰ ﻫﻮ ﺍﻟﻲ ﮔﻠﻬﺎ ﻭﺍﻣﻪ ﺗﺪﺭﻱ ﻭﺭﺍﺩﺕ ﺗﻀﺮﺑﻪ ﻭﻫﻨﺪ ﮔﺎﻋﺪﻩ .. ﺑﻬﺎﺀ .. ﻟﻌﺪ ﻫﺬﻱ ﺍﻣﻪ ﺍﻟﺴﺨﻴﻔﻪ ﮔﺎﻳﻠﻪ ﺍﻻﻣﻲ .. ﺍﻧﺘﻲ ﮔﻠﺘﻲ ﺍﻟﻌﺒﻴﺮ ﻭﺍﻣﻲ ﮔﺎﻣﺖ ﺗﺤﺠﻲ .. ﺗﺮﺧﺼﺖ ﻣﻦ ﻓﺎﺗﻦ ﻭﻃﻠﻌﺖ .. ﺭﺣﺖ ﺍﻟﺒﻴﺖ ﻋﻴﺎﻟﻲ ﻭﺳﻮﻳﺖ ﻧﻔﺴﻲ ﻣﺎﺍﺩﺭﻱ ﺑﺸﻲ .. ﺍﺗﺒﺎﻭﻋﺖ ﺍﻟﻤﻬﺎ ﮔﻮﻟﺘﻠﻬﺎ .. ﻣﻬﺎ ﺷﻠﻮﻥ ﺍﺑﻨﺞ ﻫﻴﺞ ﻳﺤﺠﻲ ﺍﻟﻔﺎﺗﻦ ﺧﻄﻴﻪ ﺑﻘﺖ ﺗﻌﻴﻂ ﻭﺗﻠﻄﻢ ﻋﻤﺘﻲ ﺑﺴﺮﻋﻪ ﻃﻔﺮﺕ ﻭﮔﺎﻟﺖ .. ﻻﺗﻜﺬﺑﻴﻦ ﺍﻧﺘﻲ ﺍﻟﻲ ﮔﻠﺘﻴﻠﻬﺎ ﻻﺗﺘﺒﻠﻴﻦ ﻉ ﺍﻟﻄﻔﻞ .. ﻓﺮﺣﺎﻧﻪ ﺭﺣﺘﻲ ﺑﺸﺮﺗﻴﻬﺎ ﻭﺷﻌﻨﺪﺝ ﺭﺍﻳﺤﺘﻠﻬﺎ ﺑﺎﻟﻠﻴﻞ .. ﺑﻬﺬﻱ ﺍﻻﺛﻨﺎﺀ ﺩﺧﻞ ﺑﻬﺎﺀ ﮔﻠﻠﻬﺎ .. ﺟﻨﺎﻳﻨﺞ ﻛﻞ ﻳﻮﻡ ﺑﺎﻟﻠﻴﻞ ﻋﻨﺪ ﻓﺎﺗﻦ ﻭﺳﻤﺮ ﺍﻟﻴﻮﻡ ﺍﻭﻝ ﻳﻮﻡ ﺗﺮﻭﺡ .. ﻟﻮ ﺑﺲ ﺍﺣﻨﻪ ﻧﺨﺘﻠﻒ ﻭﺍﺷﺮﻟﻲ ﮔﻠﻲ ﺍﺩﺧﻠﻲ ﺟﻮﻩ .. ﺍﻧﻲ ﺩﺧﻠﺖ ﺟﻮﻩ ﻭﺍﻟﻨﺎﺭ ﺟﻮﺍﻳﻪ ﻣﻴﺘﻪ ﺣﺮﮔﻪ .. ﺑﻬﺎﺀ ﻃﻠﻌﺖ ﺑﺮﻩ ﻣﺎﺗﺤﻤﻠﺖ ﺍﻣﻲ ﻭﺳﻮﺍﻟﻔﻬﺎ .. ﻭﺍﺳﻤﻊ ﻣﻬﺎ ﺗﺼﻴﺢ .. ﺑﻬﺎﺀ ﺑﻬﺎﺀ .. ﺍﻟﺘﻔﺘﺖ .. ﻣﻬﺎ .. ﺧﻮﻳﻪ ﻭﺍﻟﻠﻪ ﻣﻮ ﺍﻧﻲ ﺍﻟﻲ ﮔﻮﻟﺖ ﺍﻟﻌﻤﺘﻲ ﺳﻤﺮ ﮔﺎﻟﺖ ﺍﻟﻌﺒﻴﺮالعضوة: 522131 , 6 years ago
ﻭﺑﻘﺖ ﺗﺒﺠﻲ .. ﺑﻬﺎﺀ .. ﺍﻧﻲ ﻣﺘﻌﺒﺮ ﻋﻠﻴﻪ ﺩﻣﻮﻉ ﺍﻟﺘﻤﺎﺳﻴﺢ ﻭﺍﻋﺮﻓﻬﺎ ﻫﻲ ﺍﻟﻲ ﮔﺎﻟﺖ ﻭﺗﻨﻜﺮ .. ﺑﻬﺎﺀ .. ﻣﻬﺎ ﺩﻳﺮﻱ ﺑﺎﻟﺞ ﺗﺴﻮﻳﻦ ﺷﻲ ﺍﻟﺴﻤﺮ ﻟﻮ ﺗﻤﺴﻴﻬﺎ .. ﻭﻳﻠﻪ ﺭﻭﺣﻲ ﺍﻟﺒﻴﺘﺞ ﻣﻮ ﻋﻴﺐ ﺗﻔﺮﻓﺮﻳﻦ ﺑﺎﻟﺒﻴﻮﺕ ﻭﺯﻭﺟﺞ ﺑﺎﻟﺴﺠﻦ ﻭﻋﻴﻄﺖ ﻋﻠﻴﻬﺎ .. ﺭﺍﺣﺖ ﺗﺮﻛﺾ ﺭﺟﻌﺖ ﻟﻠﻐﺮﻓﻪ ﻟﮕﻴﺖ ﺳﻤﺮ ﺗﺒﺠﻲ .. ﺑﻬﺎﺀ .. ﺻﺪﮒ ﺗﺤﺠﻴﻦ ﻭﻉ ﺷﻨﻮ ﺗﺒﺠﻴﻦ ﻣﺘﻌﻮﺩﺗﻲ ﻉ ﻛﻼﻣﻬﺎ .. ﺳﻤﺮ .. ﺑﻬﺎﺀ ﻟﻮ ﺍﻧﻲ ﺻﺪﻭﮒ ﮔﺎﻳﻠﻪ ﻣﻴﺨﺎﻟﻒ ﻣﺎﺍﺿﻮﺝ ﺑﺲ ﻟﻴﺶ ﻛﻮﻟﺸﻲ ﻻﺯﻡ ﻳﻮﮔﻊ ﺑﺮﺍﺳﻲ .. ﺑﻬﺎﺀ .. ﻛﻮﻟﻬﻢ ﻳﻐﺎﺭﻭﻥ ﻣﻨﻚ ﻭﻣﻨﻲ ﻭﺣﻈﻨﺘﻬﺎ .. ﻫﻲ ﺍﺑﺘﺴﻤﺖ ﻭﻧﺎﻣﺖ ﻉ ﺻﺪﺭﻱ .. # ﺷﻤﺲ ﺛﺎﻧﻲ ﻳﻮﻡ ﺍﻟﺼﺒﺢ .. ﻃﻠﻌﺖ ﺍﻧﻀﻒ ﻃﺒﻌﺎ ﻋﻤﺘﻲ ﻛﺮﻫﺘﻬﺎ ﺑﻌﺪ ﻣﻮﻗﻔﻬﺎ ﺍﻟﻲ ﺳﻮﺗﻪ .. ﻃﻠﻌﺖ ﻟﻠﺤﺪﻳﻘﻪ ﺍﻧﻈﻔﻬﺎ .. ﺩﺧﻠﺖ ﻣﻬﺎ .. ﺳﻠﻤﺖ ﻭﺑﻘﺖ ﺗﺒﺎﻭﻋﻠﻲ .. # ﺑﻘﻠﻤﻲ _ ﺷﻤﺲ ﻳﺘﺒﻊالعضوة: 522131 , 6 years ago
ﺛﺎﻧﻲ ﻳﻮﻡ ﺍﻟﺼﺒﺢ .. ﻃﻠﻌﺖ ﺍﻧﻈﻒ ﻃﺒﻌﺎ ﻋﻤﺘﻲ ﻛﺮﻫﺘﻬﺎ ﻉ ﻣﻮﻗﻔﻬﺎ ﻭﻳﺎﻱ .. ﻃﻠﻌﺖ ﺍﻧﻈﻒ ﺑﺎﻟﺤﺪﻳﻘﻪ .. ﺩﺧﻠﺖ ﻣﻬﺎ .. ﺳﻠﻤﺖ ﻭﮔﺎﻟﺖ .. ﻫﺎﻱ ﺷﺒﻴﻬﻢ ﻋﻴﻮﻧﺞ ﻭﺍﺭﻣﺎﺕ .. ﮔﻮﻟﺘﻠﻬﺎ ﻣﺒﻴﻪ ﺷﻲ . ﻟﺤﺖ ﻋﻠﻴﻪ ﺑﺎﻟﺴﺆﺍﻝ .. ﺳﻤﺮ .. ﻣﻬﺎ ﺍﻟﺨﺎﻃﺮ ﺭﺑﺞ ﺗﺮﻛﻴﻨﻲ ﻣﺎﻟﻲ ﺧﻠﮓ .. ﻣﻬﺎ .. ﺗﻌﺎﻟﻲ ﻭﺭﺍﻳﻪ ﻋﻨﺪﻱ ﺷﻐﻠﻪ ﻭﻳﺎﺝ .. ﻭﺭﺍﺣﺖ ﺩﺧﻠﺖ ﻏﺮﻓﺘﻲ ﺣﺘﻰ ﺍﺟﻲ ﻭﺭﺍﻫﺎ .. ﺳﻤﺮ .. ﻣﻬﺎ ﺷﺘﺮﺩﻳﻦ ﻣﻬﺎ .. ﺷﺒﻴﺞ ﻟﻴﺶ ﻫﻴﺞ ﺗﺤﺠﻴﻦ ﻭﻳﺎﻱ .. ﺳﻤﺮ .. ﻋﺴﺎﺱ ﻣﺘﻌﺮﻓﻴﻦ .. ﺍﻟﺒﺎﺭﺣﻪ ﺍﺑﻨﺞ ﺍﻟﻲ ﺣﺠﻪ ﻭﺍﻧﻲ ﺳﺘﺮﺕ ﻋﻠﻴﻪ ﺣﺘﻰ ﻣﺘﻀﺮﺑﻴﻪ .. ﻭﻫﻮ ﻳﺤﺠﻲ ﻭﺍﻧﻲ ﺍﻋﻈﻠﻪ ﺷﻔﻪ ﺣﺘﻰ ﻳﺴﻜﺖ .. ﻭﺗﺎﻟﻲ ﺗﻠﻮﻓﻴﻬﺎ ﻋﻠﻴﻪ ﻭﺗﮕﻮﻟﻴﻦ ﺍﻧﻲ ﺍﻟﻲ ﮔﻠﺖ .. ﻣﻬﺎ ﺣﺎﻭﻟﺖ ﺗﺒﺮﺭ .. ﮔﻮﻟﺘﻠﻬﺎ ﺧﻠﺺ ﻣﻬﺎ ﺍﻧﻲ ﺑﻌﺪ ﻣﺎﻟﻲ ﺣﺠﺎﻳﻪ ﻭﻳﺎﺝ ﻭﺍﻟﺴﺎﻧﻲ ﻣﻴﺪﻭﺭ ﻉ ﺍﻟﺴﺎﻧﺞ ﺍﻧﻲ ﻣﻮ ﻣﻨﺎﻓﻘﻪ ﻭﻣﺎﺍﺣﺐ ﺍﻟﻤﻨﺎﻓﻘﻴﻦ .. ﻭﺗﺮﻛﺘﻬﺎ ﻭﻃﻠﻌﺖ ﻭﻫﻲ ﻃﻠﻌﺖ ﻭﺭﺍﻳﻪ .. ﻃﺒﻌﺎ ﻟﻠﻌﺼﺮ ﺭﺍﻳﺤﻪ ﻋﻤﺘﻲ ﻭﻣﺘﻌﺬﺭﻩ ﺍﻟﻌﺒﻴﺮ .. ﻭﮔﻠﺘﻠﻬﺎ ﺳﻤﺮ ﮔﻠﺘﻠﺞ ﺗﻜﺬﺏ ﻭﻣﻦ ﻫﺬﺍ ﺍﻟﻜﻼﻡ .. ﻋﺒﻴﺮ .. ﻋﻤﻪ ﻳﺎﻛﻼﻡ ﺗﺮﻩ ﺍﺑﻦ ﻣﺮﺗﻀﻰ ﺍﻟﻲ ﮔﻠﻲ ﺳﻤﺮ ﻣﺎﻟﻬﺎ ﺫﻧﺐ .. ﺍﻡ ﻋﺒﻴﺮ .. ﺍﻱ ﺧﻴﻪ ﺳﻤﻮﺭﻩ ﺣﺒﺎﺑﻪ ﻣﻮ ﻣﺎﻝ ﻫﺬﻱ ﺍﻟﺴﻮﺍﻟﻒ ﻭﻧﺎﺩﺭﻩ ﺷﻔﺘﻬﺎ ﺷﻠﻮﻥ ﺷﺎﻳﻠﻪ ﺍﻟﻔﺎﺗﺤﻪ ﻛﻠﻬﺎ .. ﺍﺣﺴﻦ ﺟﻨﺎﻳﻨﺞ ﻫﻲ . ﻳﺎﻟﻴﺖ ﻋﻨﺪﻱ ﺟﻨﻪ ﻣﺜﻠﻬﺎ .. ﻃﺒﻌﺎ ﻋﻤﺘﻲ ﻣﻌﺎﺟﺒﻬﺎ ﺍﻟﻜﻼﻡ .. ﺑﺲ ﺣﻤﺪﺕ ﺍﻟﻠﻪ ﻣﻦ ﻋﺒﻴﺮ ﮔﻠﺘﻠﻬﺎ ﺣﺘﻰ ﺑﻠﻜﻲ ﺗﺤﺲ ﻇﻠﻤﺘﻨﻲ .. ﻭﻋﺒﻴﺮ ﻫﻢ ﻭﺻﺘﻨﻲ ﮔﺎﻟﺖ ﻣﺎﻟﺞ ﻋﻼﻗﻪ ﺑﻴﻬﺎ ﻫﻲ ﻋﺮﻓﺖ ﺧﻄﺄﻫﺎ ﺑﺲ ﻣﺴﺘﺤﻴﻞ ﺗﮕﻮﻝ ﺧﻄﺄﺕ .. ﻃﺒﻌﺎ ﺑﻌﺪ ﻫﺬﺍ ﺍﻟﻤﻮﻗﻒ ﺍﻟﻲ ﺻﺎﺭ ﮔﻤﺖ ﺍﻛﺮﻩ ﺍﻟﺒﻴﺖ ﻭﺍﻛﺮﻩ ﻛﻞ ﺍﻟﻲ ﺑﻲ ﺗﻌﺒﺖ ﺣﻴﻞ ﻣﻦ ﻧﻔﺎﻗﻬﻢ ﻭﻛﺬﺑﻬﻢ ﻭﺑﻬﺎﺀ ﻫﻢ ﻧﻔﺲ ﺍﻟﺸﻲ ﺧﻄﻴﻪ ﻣﻞ ﻭﺗﻌﺐ .. ﺑﻘﻴﺖ ﺍﻗﻨﻊ ﺑﻲ ﺍﻧﻪ ﻧﻌﺰﻝ ﻭﺍﻫﻠﺔ ﺷﻴﺮﻳﺪﻭﻥ ﻳﺴﻮﻭﻥ ﺧﻠﻲ ﻳﺴﻮﻭﻥ ﻫﻢ ﺍﻟﺴﺒﺐ ﻣﺨﻠﻮﻧﺎ ﻧﺮﺗﺎﺡ .. ﻃﺒﻌﺎ ﺍﻟﻠﻪ ﺻﺪﻭﮒ ﻳﺤﺒﻨﻲ ﺑﻌﺪ ﻓﺘﺮﻩ ﺣﺴﻴﺘﻬﺎ ﻓﺎﻳﺘﺘﻠﻲ ﮔﻠﺖ ﻟﺒﻬﺎﺀ ﻭﺭﺣﻨﺔ ﺣﻠﻠﻨﺎ ﻭﺍﻟﺤﻤﺪ ﻟﻠﻪ ﻃﻠﻌﺖ ﺣﺎﻣﻞ ﺭﺟﻌﻨﺔ ﻟﻠﺒﻴﺖ ﻃﺎﻳﺮﻳﻦ ﻣﻦ ﺍﻟﻔﺮﺡ .. ﻛﻠﻌﺎﺩﺓ ﺍﻡ ﺑﻬﺎﺀ ﻣﻌﺒﺴﻪ ﻭﻻﻓﺮﺣﺖ ﻭﻻﺑﺎﺭﻛﺘﻠﻨﺎ ﻭﻣﺮﺕ ﺣﻤﺎﻱ ﻫﻨﺪ ﺭﺍﺣﺖ ﺍﻻﻫﻠﻬﺎ ﻭﺑﻘﺖ ﻳﻤﻬﻢ 15 ﻳﻮﻡ ﻭﺍﻧﻲ ﺷﻐﻞ ﻟﺒﻴﺖ ﻛﻮﻟﺔ ﺑﺮﺍﺳﻲ ﻃﺒﺦ ﻭﺗﻨﻀﻴﻒ ﻭﻣﻮﺍﻋﻴﻦ ﻣﻦ ﻏﻴﺮ ﺩﺭﺍﺳﺘﻲ ﺍﻟﻲ ﻛﻮﺓ ﺍﻟﺤﮓ ﻋﻠﻴﻬﺔ ﻭﺍﻧﻲ ﺑﺪﺍﻳﺔ ﺣﻤﻠﻲ ﻛﻨﺖ ﺍﺩﻭﺥ ﻫﻮﺍﻱ ﻭﺍﺗﻘﻲﺀ ﻃﺒﻌﺎ ﺥﻻﻝ ﻫﺬﻧﻲ ﺍﻝ 15 ﻳﻮﻡ ﺍﻧﻲ ﺍﻧﺘﻬﻴﺖ ﺍﺟﺖ ﻫﻨﺪ ﺍﻧﻲ ﻓﺮﺣﺖ ﻻﻥ ﺭﺍﺡ ﻳﺮﺟﻊ ﺍﻟﺸﻐﻞ ﻳﺘﻘﺴﻢ ﺑﻴﻨﺎ ﺑﺎﻟﺘﺴﺎﻭﻱ ﺛﺎﻧﻲ ﻳﻮﻡ ﻫﻲ ﻣﺎﺃﺷﺘﻐﻠﺖ ﺷﻲ ﻋﻮﺩ ﺗﻌﺒﺎﻧﺔ ﻣﻦ ﺍﻟﻄﺮﻳﻖ ﺍﻧﻲ ﻛﻠﺔ ﺳﻮﻳﺘﻪ .. # ﺷﻤﺲالعضوة: 522131 , 6 years ago
ﺭﺣﺖ ﻟﻠﺪﻭﺍﻡ ﻛﺎﻟﻌﺎﺩﺓ ﻣﺮ ﻳﻮﻣﻲ ﺍﻟﺪﺭﺍﺳﻲ ﻣﺜﻞ ﺍﻱ ﻳﻮﻡ ﺭﺟﻌﺖ ﻟﻜﻴﺖ ﺑﻬﺎﺀ ﺟﺎﻱ ﻗﺒﻠﻲ ﮔﻌﺪﻧﺎ ﻧﺴﻮﻟﻒ ﻭﺻﻠﻴﻨﺎ ﺍﺩﻭﺭ ﻛﻠﻲ ﺍﻣﻲ ﺗﻜﻮﻝ ﺧﻠﻲ ﺗﺠﻲ ﺳﻤﺮ ﺗﺴﻮﻱ ﺍﻟﻌﺸﺎ ﮔﻮﺗﻠﺔ ﺍﻧﻲ ﺍﻟﺼﺒﺢ ﻃﺒﺨﺖ ﺍﻟﻐﺪﺍ ﻭﻧﻀﻔﺖ ﺍﻟﻌﺸﺎ ﻉ ﻫﻨﺪ .. ﻳﻌﻨﻲ ﻣﻮ ﻛﻮﻟﻪ ﻋﻠﻴﻪ ﻣﻮﺗﺪﺭﻱ ﺑﻴﺔ ﺣﺎﻣﻞ ﺷﻠﻮﻥ ﺗﺮﻳﺪ ﻃﻔﻠﻲ ﻳﻮﻛﻊ ﻳﻠﻪ ﺗﺮﺗﺎﺡ ﺻﺪﻭﮒ ﺍﻧﻔﻌﻠﺖ .. # ﺷﻤﺲ ﺑﻬﺎﺀ .. ﻫﻨﺪ ﺍﻫﻠﻬﺎ ﺍﺟﻮ ﻋﻠﻴﻬﺎ ﻭﺭﺍﺣﺖ ﻭﻳﺎﻫﻢ ﻟﻠﻨﺠﻒ ﻭﻣﻨﺎﻙ ﻳﺮﺣﻮﻥ ﺍﻟﺸﺮﻳﻔﺔ ﻓﺪ ﻳﻮﻣﻴﻦ ﻳﻠﻪ ﺗﺠﻲ ﺍﻧﻲ ﻣﺘﺖ ﻣﻦ ﺍﻟﻘﻬﺮ ﺳﻤﺮ .. ﺍﻧﻲ ﺍﺭﻭﺡ ﺍﻻﻫﻠﻲ ﺍﺑﻘﻰ ﻳﻮﻡ ﻭﺍﺣﺪ ﺍﻣﻚ ﺗﮕﻠﺐ ﺍﻟﺠﻮ ﻭﻣﻦ ﻏﻴﺮ ﺍﻟﺤﺠﻲ ﺍﻟﻲ ﺍﺳﻤﻌﺔ ﺍﺷﻜﺎﻝ ﻣﻨﻬﺔ ﻭﻫﻨﺪ ﺗﺘﻔﺮﻓﺮ ﻣﺤﺪ ﻳﺤﺠﻲ ﻭﻻﺍﺣﺪ ﻳﮕﻮﻝ ﻭﺍﻧﻲ ﻫﻨﺎ ﺻﺎﻳﺮﺓ ﺧﺪﺍﻣﺔ .. ﻓﻘﺪﺕ ﻭﮔﻤﺖ ﺍﺑﺠﻲ ﻭﮔﻮﺗﻠﻪ ﻫﺴﺎ ﺍﺭﻭﺡ ﺍﻻﻫﻠﻲ ﺍﻧﻲ ﻫﻢ ﺣﺎﻣﻞ ﻭﻋﻨﺪﻱ ﺩﺭﺍﺳﻪ ﻭﻛﻞ ﺍﻟﺸﻐﻞ ﺑﺮﺍﺳﻲ ﻭﺍﻟﻠﻪ ﺣﺮﺍﻡ .. ﺑﻬﺎﺀ .. ﺧﻠﺺ ﻟﺘﻌﺼﺒﻴﻦ ﻣﻮ ﺯﻳﻦ ﻋﻠﻴﺞ ﮔﻮﻣﻲ ﺣﻈﺮﻱ ﺭﻭﺣﺞ ﺧﻠﻲ ﺍﺧﺬﺝ .. ﺍﺧﺬﺕ ﻏﺮﺍﺿﻲ ﻭﺭﺣﺖ ﺍﻟﺒﻴﺖ ﻣﺮﺕ ﺑﺎﺑﺎ .. ﻣﺮﺣﺖ ﺍﻟﺒﻴﺖ ﺍﻫﻠﻲ ﻷﻥ ﻣﺮﺩﺕ ﺍﻟﻤﻮﺿﻮﻉ ﻳﻜﺒﺮ .. ﺑﻘﻴﺖ ﻳﻮﻣﻴﻦ ﻫﻨﺎﻙ .. ﻭﺍﺩﺭﻱ ﺑﺒﻬﺎﺀ ﻣﺮﺍﺿﻲ ﻉ ﻃﻠﻌﺘﻲ ﺑﺲ ﻣﮕﺪﺭ ﻳﻜﺴﺮ ﺑﺨﺎﻃﺮﻱ ﺍﺗﺼﻞ ﻋﻠﻴﻪ .. # ﺷﻤﺲ ﺑﻬﺎﺀ .. ﺍﻟﻮ .. ﻫﺎ ﻣﻨﺎﻭﻳﻪ ﺗﺮﺟﻌﻴﻦ ﻫﻨﺪ ﺭﺟﻌﺖ .. ﺳﻤﺮ .. ﺑﻬﺎﺀ ﻭﺍﺫﺍ ﺭﺟﻌﺖ ﻫﻨﺪ . ﺷﻨﻮ ﺍﻟﻲ ﺣﻴﺘﻐﻴﺮ .. ﺍﻟﻤﺸﺎﻛﻞ ﻫﻲ ﻧﻔﺴﻬﺎ ﻭﺍﻟﺤﺠﻲ ﻭﺍﻟﻨﻔﺎﻕ ﻣﻦ ﻏﻴﺮ ﺍﻟﻤﺆﺍﻣﺮﺍﺕ ﺍﻟﻲ ﺗﺼﻴﺮ ﺿﺪﻱ .. ﺍﻣﻚ ﻣﺘﺤﺒﻨﻲ ﻟﻮ ﺍﺷﻌﻠﻠﻬﺎ ﺍﻟﻌﺸﺮﻩ ﺷﻤﻊ .. ﺑﻬﺎﺀ ﺍﻧﻲ ﺍﺣﺒﻚ ﻭﻣﺎﺍﮔﺪﺭ ﺑﻼﻙ ﺑﺲ ﻣﺎﺍﮔﺪﺭ ﺍﺭﺟﻊ ﻭﻳﺎﻙ ﻭﻣﺎﺍﺭﺟﻊ ﺍﻟﺬﺍﻙ ﺍﻟﺒﻴﺖ ﺍﻻ ﺗﻌﺰﻟﻲ .. ﻣﺴﺘﺤﻴﻞ ﺍﮔﺪﺭ ﺍﻋﻴﺶ ﻭﻳﺎﻫﻢ ﺑﻌﺪ .. ﺑﻬﺎﺀ .. ﺳﻤﺮ ﺍﻫﺪﻱ ﺷﻮﻳﻪ ﻭﺍﻟﻠﻪ ﻣﺴﺘﻌﺪ ﻛﻮﻟﺸﻲ ﺍﺳﻮﻳﻠﺞ ﻭﺍﻧﻲ ﺍﺻﻼ ﻫﻴﺞ ﻣﻘﺮﺭ ﺑﺲ ﺍﻧﺘﻲ ﻣﻨﻄﺘﻴﻨﻲ ﻣﺠﺎﻝ .. ﻉ ﺍﻻﻗﻞ ﺗﻌﺎﻟﻲ ﻫﻨﺎ ﻋﻨﺪ ﺍﻫﻠﺞ ﺣﺘﻰ ﺍﮔﺪﺭ ﺍﺷﻮﻓﺞ ﻭﺍﻧﻲ ﻣﻄﻤﺄﻥ ﻋﻠﻴﺞ ﻫﻨﺎ .. # ﺷﻤﺲ ﺳﻤﺮ .. ﺍﻭﻙ ﺗﻌﺎﻝ ﺍﺧﺬﻧﻲ ﺍﻻﻫﻠﻲ .. ﺍﺟﻪ ﺍﺧﺬﻧﻲ ﻭﺷﺎﻓﻨﻲ ﺗﻌﺒﺎﻧﻪ ﻭﻣﺮﻳﻀﻪ ﻻﻥ ﻣﺎﺍﻛﻞ ﻭﺍﺗﻌﺐالعضوة: 522131 , 6 years ago
ﻭﺻﻠﻨﻲ ﻭﺭﺍﺡ ﺟﺎﺏ ﻟﻌﺒﻪ ﺻﻐﻴﺮﻩ ﻣﺎﻝ ﺣﺪﻳﺚ ﻭﻻﺩﻩ ﻭﺣﻠﻮﻳﺎﺕ ﻭﻋﺼﺎﺋﺮ ﻭﺑﻘﻰ ﻳﻤﻲ ﻟﻞ 11 ﻭﺭﺍﺡ .. ﺑﺲ ﺍﻛﻴﺪ ﻣﮕﻌﺪ ﺣﺒﺎﺏ ﻻﻥ ﻛﺎﻥ ﻣﺸﺘﺎﻕ ﺣﻴﻞ 😉 ﺑﻘﻴﺖ ﺍﺳﺒﻮﻉ ﻋﻨﺪ ﺍﻫﻠﻲ ﺍﺭﺗﺎﺣﻴﺖ .. ﺍﮔﻌﺪ ﺏ 12 ﻭﺍﻛﻞ .. ﺍﻻﻛﻞ ﺍﻟﻲ ﻳﻌﺠﺒﻨﻲ ﻻﻥ ﻣﺎﻣﺎ ﻃﺒﺨﻬﺎ ﻳﺨﺒﻞ ﻭﻳﺨﺘﻠﻒ ﻋﻦ ﻃﺒﺦ ﻋﻴﺎﻟﻲ .. ﻛﻨﺖ ﺍﻛﻞ ﻭﺩﻭﺍﻡ ﻭﺩﺭﺍﺳﻪ ﻋﻨﺪ ﺍﻫﻠﻲ ﻣﺎﺍﺳﻮﻱ ﺷﻲ .. ﻭﺑﻬﺎﺀ ﻛﻞ ﻳﻮﻡ ﻋﻨﺪﻱ .. # ﺷﻤﺲ ﻭﻣﺮﻩ ﺍﺟﺎﻧﻲ ﮔﻠﻲ .. ﺍﻛﻮ ﻣﺸﺘﻤﻞ ﻗﺮﻳﺐ ﻉ ﺑﻴﺖ ﻋﻴﺎﻟﻲ ﻳﺮﻳﺪ ﻳﺸﺘﺮﻳﻪ .. ﻭﮔﺎﻝ ﺭﺍﺡ ﺍﻗﻨﻊ ﺍﺑﻮﻱ ﻭﺍﮔﻮﻟﻪ ﻭ . ﺑﻘﻰ .. ﺍﺳﺒﻮﻉ ﻛﻠﻤﺎ ﻳﺠﻲ .. ﺍﮔﻮﻟﻪ ﻫﺎ .. ﻳﮕﻮﻟﻲ ﺑﻌﺪﻧﻲ ﻣﻔﺎﺗﺤﺘﻪ ﺍﻛﻮ ﺷﻲ ﻻﺯﻡ ﺍﺳﻮﻳﻪ ﻳﻠﺔ ﺍﮔﻠﻪ .. ﺳﻤﺮ .. ﺑﻬﺎﺀ ﺷﻨﻮ ﻫﺬﺍ ﺍﻟﺸﻲ .. ﺑﻬﺎﺀ .. ﺑﻌﺪﻳﻦ ﺗﻌﺮﻓﻴﻦ .. ﻣﻘﺒﻞ ﻳﺤﺠﻲ .. ﻭﺍﻧﻲ ﻗﻄﻌﺖ ﺍﻻﻣﻞ ﺑﻤﻮﺍﻓﻘﻪ ﺍﻫﻠﻪ .. ﻭﺗﻌﺒﺖ ﻣﻦ ﺍﻻﻧﺘﻈﺎﺭ .. ﺑﺲ ﺍﺻﺮﻳﺖ ﻭﻋﺎﻧﺪﺕ ﺍﻧﻪ ﻣﺎﺍﺭﺟﻊ ﻟﻮ ﺍﻋﺮﻑ ﺍﺑﻘﻰ ﻋﻤﺮﻱ ﻛﻮﻟﻪ ﺑﺒﻴﺖ ﺍﻫﻠﻲ .. ﻻﺯﻡ ﻳﻌﺰﻟﻲ .. ﻷﻥ ﻣﺎﻋﻨﺪﻱ ﻃﺎﻗﻪ ﺍﺗﺤﻤﻞ ﻭﺻﺒﺮﺕ ﺑﻤﺎ ﻓﻴﻪ ﺍﻟﻜﻔﺎﻳﻪ ﻋﺎﻣﻠﻮﻧﻲ ﺍﺣﻘﺮ ﻣﻌﺎﻣﻠﻪ ﻭﺍﻟﻜﻞ ﻳﻔﺘﺮﻱ ﻋﻠﻴﻪ ﻭﺍﻣﻪ ﺗﻔﺮﻗﻨﺎ ﻋﻦ ﺍﻟﻜﻞ .. ﺍﻟﺠﻤﻌﻪ .. ﺍﺟﻪ ﺑﻬﺎﺀ ﺍﻟﺼﺒﺢ .. ﺗﺮﻳﮓ ﻳﻤﻲ ﻭﮔﻠﻲ ﺍﺩﻋﻴﻠﻲ ﺍﻟﻴﻮﻡ ﺭﺍﺡ ﺍﺣﺠﻲ ﻭﻳﻪ ﺍﺑﻮﻳﻪ .. ﺳﻤﺮ .. ﺍﻥ ﺷﺎﺀ ﺍﻟﻠﻪ ﻳﻮﺍﻓﻖ .. # ﺑﻘﻠﻤﻲ _ ﺷﻤﺲ ﻳﺘﺒﻊالعضوة: 522131 , 6 years ago
ﺭﺍﺡ ﺑﻬﺎﺀ ﻭﺍﻧﻲ ﻣﻨﺘﻈﺮﻩ ﻭﮔﺎﻋﺪﻩ ﻉ ﻧﺎﺭ ﻭﺍﺩﻋﻲ ﻭﺍﺗﻮﺳﻞ ﺑﺮﺑﻲ .. ﺗﺎﻟﻲ ﺍﺟﻪ ﺑﻬﺎﺀ ﺍﻟﻈﻬﺮ ﻭﻭﺟﻬﺎ ﻣﻴﺒﺸﺮ ﺑﺨﻴﺮ .. ﺗﻠﮕﻴﺘﻪ .. ﻫﺎ ﺑﻬﺎﺀ ﺑﺸﺮ .. ﺑﻬﺎﺀ .. ﺷﻨﻮ ﺍﮔﻠﺞ ﺍﺑﻮﻳﻪ ﻣﺎﻗﺒﻞ ﻭﻃﺮﺩﻧﻲ ﻭﺗﻌﺎﺭﻙ ﻭﻳﺎﻱ ﻭﮔﻠﻲ ﻣﺎﺍﺭﺿﻰ ﻋﻠﻴﻚ ﻟﻴﻮﻡ ﺍﻟﻘﻴﺎﻣﻪ .. ﺍﻧﻲ ﺍﺭﺑﻴﻜﻢ ﻭﺗﺎﻟﻲ ﺍﻧﻄﻴﻜﻢ ﻟﻠﻨﺴﻮﺍﻥ .. # ﺷﻤﺲ ﺍﻧﻲ ﻣﺘﺖ ﻗﻬﺮ ﻭﺣﺒﺴﺖ ﺍﻟﺪﻣﻌﻪ ﺑﻌﻴﻨﻲ ﻭﻣﺨﺘﻨﮕﻪ .. ﺑﻘﻴﺖ ﺳﺎﻛﺘﻪ ﻭﻣﺤﺠﻴﺖ .. ﺑﻬﺎﺀ .. ﻭﻫﺴﺎ ﺗﺮﺟﻌﻴﻦ ﻭﻳﺎﻱ ﻟﻮ ﻻ .. ﺳﻤﺮ .. ﺑﻘﻴﺖ ﺳﺎﻛﺘﻪ ﻣﺸﺘﺎﻗﺘﻠﻪ ﻭﻣﺸﺘﺎﻗﻪ ﺍﻟﻐﺮﻓﺘﻨﺎ ﺑﺲ ﻣﺎﺍﮔﺪﺭ ﺍﺭﺟﻊ ﺧﻠﺺ ﺫﺍﻙ ﺍﻟﺒﻴﺖ ﻣﺴﺘﺤﻴﻞ ﺍﺩﺧﻠﻪ .. ﺑﺲ ﻣﺤﺠﻴﺖ ﻣﻨﺼﻴﻪ ﺭﺍﺳﻲ .. ﺑﻬﺎﺀ .. ﻳﻌﻨﻲ ﻣﺘﺮﺟﻌﻴﻦ ﻣﻮ .. ﻷﻥ ﻣﺒﻴﻦ ﻣﻦ ﺳﻜﻮﺗﺞ .. ﺳﻤﺮ .. ﻣﻦ ﮔﺎﻝ ﻫﻴﺞ ﻣﺘﺤﻤﻠﺖ ﺑﺠﻴﺖ ﺑﺼﻮﺕ ﻋﺎﻟﻲ .. ﺑﻬﺎﺀ ﺍﻓﻬﻤﻨﻲ ﻣﺎﺍﮔﺪﺭ ﻭﺭﺑﻲ ﻣﺎﺍﮔﺪﺭ .. ﻫﻮ ﺍﺟﻪ ﻳﺒﻮﺱ ﺑﻴﻪ ﻭﺣﻈﻨﻲ ﺧﻠﺺ ﺣﺒﻴﺒﺘﻲ ﻣﻨﺮﺟﻊ ﻟﺘﺒﺠﻴﻦ ﻛﺎﻓﻲ .. ﺍﺻﻼ ﺍﺣﻨﻪ ﻣﻨﺮﺟﻊ ﺑﻌﺪ .. ﺳﻤﺮ .. ﺭﻓﻌﺖ ﺭﺍﺳﻲ ﻭﺩﻣﻮﻋﻲ ﺑﻌﻴﻨﻲ .. ﻭﻣﻨﺘﻈﺮﻩ ﺗﻔﺴﻴﺮ .. ﺑﺲ ﻫﻮ ﮔﺎﻡ ﻳﻀﺤﻚ ﺑﺼﻮﺕ ﻋﺎﻟﻲ .. ﺑﻬﺎﺀ .. 😂😂😂 ﺣﺒﻴﺒﺘﻲ ﺍﺳﻒ ﺍﺑﻮﻳﻪ ﻭﺍﻓﻖ ﻣﻦ ﺍﻟﺒﺪﺍﻳﻪ ﺑﺲ ﺍﻧﻲ ﺭﺩﺕ ﺍﺳﻮﻱ ﺑﻴﺞ ﻣﻘﻠﺐ .. ﺳﻤﺮ .. ﻃﺮﺕ ﻣﻦ ﺍﻟﻔﺮﺡ ﻭﺣﻈﻨﺘﻪ ﻭﺗﺎﻟﻲ ﻇﺮﺑﺘﻪ ﻉ ﻛﻴﻒ ﻉ ﺻﺪﺭﻩ ﻟﻴﺶ ﻫﻴﺞ ﺳﻮﻳﺖ ﻭﻳﺎﻱ .. ﺑﻬﺎﺀ .. ﻫﻬﻬﻬﻪ ﺑﺲ ﻋﺒﺮﺕ ﻋﻠﻴﺞ .. ﺳﻤﺮ .. ﺍﻱ ﻫﻬﻬﻬﻬﻪ ﻳﻌﻨﻲ ﺻﺪﻭﮒ ﻫﺴﺎ ﺣﻨﻌﺰﻝ .. ﺑﻬﺎﺀ .. ﺍﻱ ﺣﺒﻲ ﺑﺎﺟﺮ ﺍﺭﻭﺡ ﺍﻋﺪﻟﻪ ﻭﺍﺻﺒﻐﻪ ﻭﻧﻨﺘﻘﻞ ﻋﻠﻴﻪ .. ﺳﻤﺮ .. ﺑﻴﻦ ﺍﺿﺤﻚ ﻭﺑﻴﻦ ﺍﺑﺠﻲ ﻣﻤﺼﺪﺩﮔﻪ .. ﻭﮔﺘﻠﻪ ﻳﻌﻨﻲ ﺷﻠﻮﻥ ﻗﺒﻞ ﻫﻴﺞ ﺑﺴﺮﻋﻪ .. ﺑﻬﺎﺀ .. ﺗﺘﺬﻛﺮﻳﻦ ﻣﻦ ﮔﻮﺗﻠﺞ ﺍﻛﻮ ﺷﻐﻠﻪ ﺍﺳﻮﻳﻬﺎ ﻳﻠﻪ ﺍﻓﺎﺗﺢ ﺍﺑﻮﻳﻪ ﺑﺎﻟﻤﻮﺿﻮﻉ .. # ﺷﻤﺲ ﺳﻤﺮ .. ﺍﻱ ﺷﻨﻮ ﺑﻬﺎﺀ .. ﺭﺣﺖ ﻟﻠﺴﻴﺪﻩ ﺷﺮﻳﻔﻪ ﺑﻨﺖ ﺍﻟﺤﺴﻦ ﻭﻧﺨﻴﺘﻬﺎ ﻭﻓﺪﻭﻩ ﺍﻻﺳﻤﻬﺎ ﻣﻘﺼﺮﺕ .. ﮔﻤﺖ ﺣﻈﻨﺘﻪ ﻭﮔﻌﺪﺕ ﺑﺤﻈﻨﻪ ﻭﺑﻮﺳﺘﻪ .. ﻭﻓﺮﺣﺎﻧﻪ .. ﻭﺍﺧﻴﺮﺍ ﺭﺍﺡ ﻧﻌﻴﺶ ﺣﻴﺎﺗﻨﺎ ﻭﺯﻭﺍﺟﻨﺎ ﺍﻟﻲ ﻣﺎﺗﻬﻨﻴﻨﺎ ﺑﻲ .. ﻭﺍﺧﻴﺮﺍ ﻣﺎﻛﻮ ﺍﺣﺪ ﺣﻴﺘﺤﻜﻢ ﺑﻴﻨﺎ .. ﺑﻬﺎﺀ .. ﻫﺎﺝ ﺣﺒﻲ ﻫﺎﻱ ﻓﻠﻮﺱ ﺍﺷﺘﺮﻱ ﻣﺴﺘﻠﺰﻣﺎﺕ ﻣﻄﺒﺦ ﻭﺍﻧﻲ ﺭﺍﺡ ﺍﺷﺘﺮﻱ ﺑﻘﻴﺔ ﺍﻟﻐﺮﺍﺽ .. ﻭﺭﺍﺡ ﺍﺧﺬ ﺻﺒﻎ ﻭﺍﺻﺒﻎ ﺍﻟﺒﻴﺖ ﻭﺍﻋﺪﻟﻪ .. ﺛﺎﻧﻲ ﻳﻮﻡ ﺭﺣﻨﺎ ﺍﻧﻲ ﻭﺣﻤﻮﺩﻱ ﺍﺧﻮﻳﻪ ﺍﻟﺼﻐﻴﺮ .. ﺍﺷﺘﺮﻳﺖ ﺍﺣﺘﻴﺎﺟﺎﺗﻲ ﻭﻛﻨﺖ ﻓﺮﺣﺎﻧﻪ ﻛﻮﻟﺶ .. ﻭﺑﻬﺎﺀ ﺍﺧﺘﺎﺭ ﺍﻟﻮﺍﻥ ﺣﻠﻮﻩ ﺗﺨﺒﻞ ﻟﻠﺒﻴﺖ ﻭﺻﺒﻐﻪ ﻭﻏﺴﻠﻪ .. ﻭﺍﺟﻪ ﺍﺧﺬ ﺍﻟﻐﺮﺍﺽ .. ﺭﺗﺒﻬﻦ ﺑﺎﻟﺒﻴﺖ ﻭﺭﺍﺡ ﺍﻟﺒﻴﺖ ﺍﻫﻠﻪ ﻣﺠﻤﻊ ﻏﺮﺍﺿﻨﺎ ﻭﻣﻼﺑﺴﻨﺎ ﻭﻏﺮﻓﻪ ﺍﻻﺧﺸﺎﺏ .. ﻭﺍﻫﻠﻪ ﻣﻀﻮﺟﻴﻪ ﺑﺎﻟﻜﻼﻡ ﻭﺧﺎﺻﻪ ﺍﻣﻪ .. # ﺷﻤﺲالعضوة: 522131 , 6 years ago
ﺷﻔﺘﻪ ﺿﺎﻳﺞ ﻋﺮﻓﺘﻪ ﻣﻨﻬﻢ .. ﮔﻮﺗﻠﻪ ﻳﻠﻪ ﺣﺒﻴﺒﻲ ﻻﺗﻬﺘﻢ ﻭﺗﻀﻴﻊ ﻓﺮﺣﺘﻨﺎ .. ﺑﺲ ﺿﺤﻜﻨﻲ ﮔﻠﻲ ﺍﻣﻲ ﺗﺤﺠﻲ ﻭﺗﺘﻌﺎﺭﻙ ﻭﺍﻧﻲ ﻋﻴﻨﻲ ﻉ ﺍﻟﺠﻨﻄﻪ ﺑﻴﺪ ﺍﺑﻦ ﻣﻨﻰ ﻣﺨﻠﻲ ﺑﻴﻬﻦ ﻣﻼﺑﺴﻲ ﺍﻟﺪﺍﺧﻠﻴﻪ .. ﻳﺨﺎﻑ ﺗﻨﻔﺘﺢ ﻭﻳﻨﻔﻀﺢ ..😂😂 ﺍﻧﺘﻘﻠﻨﺎ ﺍﻟﺒﻴﺖ ﺭﺗﺒﻨﺎﻩ ﻭﺭﺗﺒﻨﺎ ﺍﻟﺴﺘﺎﻳﺮ ﻭﻓﺮﺷﻨﺎﻩ .. ﻭﻛﻞ ﻓﺘﺮﻩ ﻧﻄﻠﻊ ﻧﺸﺘﺮﻱ .. ﺍﺷﺘﺮﻳﻨﺎ ﺛﻼﺟﻪ ﻭﻃﺒﺎﺥ .. ﻭﺍﻟﻜﺎﻭﻧﺘﺮ ﻫﺪﻳﻪ ﻣﻦ ﺍﺧﺘﻲ ﻣﻼﻙ ﻓﺪﻳﺘﻬﺎ .. ﻭﻣﺎﻣﺎ ﻧﻄﺘﻨﻲ ﻓﻠﻮﺱ ﮔﻠﺘﻠﻲ ﺍﺷﺘﺮﻱ ﺑﻴﻬﻦ ﺷﻨﻮ ﺗﺤﺘﺎﺟﻴﻦ ﻟﻠﺒﻴﺖ .. ﻭﺍﺧﺘﻲ ﺭﻧﺎ ﺟﺎﺑﺖ ﺳﻴﺖ ﮔﺪﻭﺭﻩ .. ﻭﺧﺎﻟﺘﻲ ﺟﺎﺑﺖ ﺳﺘﺎﺭﻩ .. ﻭﺍﻫﻠﻪ ﻣﺤﺪ ﺍﺟﻪ ﻣﻨﻬﻢ ﺑﺲ ﻣﻨﻰ ﺟﺎﺑﺘﻠﻨﺎ ﻫﺪﻳﻪ ﻭﺳﻮﺗﻠﻨﺎ ﻋﺸﺎ ﻭﻋﺒﻴﺮ ﻫﻢ ﺧﻄﻴﻪ ﺩﺯﺗﻠﻨﺎ ﻫﺪﻳﻪ .. ﻭﺍﻣﻪ ﺍﺑﺪ ﻻﺍﺟﺖ ﻭﻻﺩﺧﻠﺖ ﻭﻛﻨﺖ ﻣﺘﻮﻗﻌﻪ ﻫﺬﺍ ﺍﻟﺸﻲ .. ﻣﺮﻩ ﻛﻨﺖ ﺭﺍﺟﻌﻪ ﻣﻦ ﺍﻟﺪﻭﺍﻡ ﺍﻟﺨﻂ ﻳﻨﺰﻟﻨﺎ ﺑﺮﺍﺱ ﺍﻟﺸﺎﺭﻉ ﺍﻟﮕﻲ ﺑﻬﺎﺀ ﻣﻨﺘﻈﺮﻧﻲ ﻳﺠﺒﻨﻲ ﻟﻠﺒﻴﺖ ﻻﻥ ﻣﺴﺎﻓﻪ ﺷﻮﻳﻪ ﻋﻦ ﺍﻟﺒﻴﺖ ﻭﻟﮕﻴﻨﺎ ﺍﻣﻪ ﺍﺟﺖ ﻫﻮ ﺳﻠﻢ ﻋﻠﻴﻬﺎ ﺭﺩﺕ .. ﺍﻧﻲ ﺭﺣﺖ ﺍﺭﻳﺪ ﺍﺳﻠﻢ ﻋﻠﻴﻬﺎ ﻭﺍﺑﻮﺳﻬﺎ ﺗﺮﻛﺘﻨﻲ ﻭﺩﺧﻠﺖ ﻟﻠﺒﻴﺖ .. ﺍﻧﻘﻬﺮﺕ ﺣﻴﻞ .. ﻭﺣﺘﻰ ﺑﻬﺎﺀ ﻋﺎﺗﺒﻬﺎ ﻭﮔﻠﺘﻠﻪ ﺷﻠﻮﻥ ﺗﺮﻳﺪﻧﻲ ﺍﺳﻠﻢ ﻭﻫﻲ ﺍﺧﺬﺗﻚ ﻣﻨﻲ .. ﻭﺍﻧﻲ ﺍﺑﺪ ﻣﺎﺍﻣﻨﻊ ﺑﻬﺎﺀ ﻋﻨﻬﻢ ﻛﻞ ﻳﻮﻡ ﻋﻨﺪﻫﻢ .. ﻭﺑﻴﺘﻨﺎ ﻗﺮﻳﺐ ﻉ ﺑﻴﺘﻬﻢ .. ﺑﺲ ﻫﻲ ﺗﻜﺮﻫﻨﻲ ﻭﺍﻋﺮﻑ ﻣﻴﻌﺠﺒﻬﺎ ﺍﻟﻌﺠﺐ .. # ﺷﻤﺲ ﻋﺸﻨﺎ ﺍﻧﻲ ﻭﺑﻬﺎﺀ ﺣﻴﺎﺓ ﺗﺨﺘﻠﻒ .. ﺍﮔﻌﺪ ﺑﺮﺍﺣﺘﻲ ﺑﻴﺘﻲ ﻧﻈﻴﻒ ﺑﺲ ﺍﻃﺒﺦ ﻭﺍﺭﻭﺡ ﻟﻠﺪﻭﺍﻡ ﻭﺍﺭﺟﻊ ﻧﺘﻐﺪﺍ ﺑﺮﺍﺣﺘﻨﺎ ﻧﻄﻠﻊ ﻭ ﻧﺮﺟﻊ ﻭﻧﻨﺎﻡ ﺑﺮﺍﺣﺘﻨﺎ ﻭﻧﮕﻌﺪ ﻭﻧﺎﻛﻞ ﺍﻟﻲ ﻳﻌﺠﺒﻨﺎ ﻣﺎﻛﻮ ﺍﺣﺪ ﻳﺘﺤﻜﻢ ﺑﻴﻨﺎ .. ﺣﺘﻰ ﻣﺸﺎﻛﻞ ﻣﺎﻛﻮ ﺑﻴﻨﺎ ﻻﻥ ﻻ ﺍﺣﺪ ﻳﻮﺯ ﻭﻻ ﺣﺎﻁ ﻋﻴﻨﻪ ﻋﻠﻴﻨﺎ .. ﺑﺪﺃﺕ ﻋﻄﻠﺖ ﺍﻟﻤﺮﺍﺟﻌﺔ ﻭﻋﻄﻠﻨﺎ ﻣﻦ ﺍﻟﺪﻭﺍﻡ ﻗﺴﻤﺖ ﻭﻗﺘﻲ ﻭﺳﻮﻳﺖ ﺟﺪﻭﻝ ﻟﺪﺭﻭﺱ ﻭﺑﻄﻨﻲ ﻳﻮﻡ ﻋﻦ ﻳﻮﻡ ﺗﻜﺒﺮ ﻭﺑﻬﺎﺀ ﻳﻀﺤﻚ ﻋﻠﻴﺔ ﻭﻳﻜﻌﺪ ﻳﺤﻂ ﺣﻠﮕﺔ ﻳﻢ ﺑﻄﻨﻲ ﻭﻳﺴﻮﻟﻒ ﻭﻳﺔ ﺍﻟﻄﻔﻞ ﺑﺲ ﺑﺼﻮﺕ ﻧﺎﺻﻲ ﻣﺎﺍﺩﺭﻱ ﺑﻴﻬﻢ ﺷﻴﺴﻮﻟﻔﻮﻥ .. 😂 ﺑﻬﺎﺀ ﺑﻘﻰ ﻓﺘﺮﺓ ﻳﻠﺢ ﻋﻠﻴﺔ ﺍﻧﻪ ﺍﺭﻭﺡ ﺍﻻﻫﻠﺔ ﻛﻨﺖ ﺭﺍﻓﻀﺔ ﺑﺲ ﺑﻌﺪﻳﻦ ﺃﻗﺘﻨﻌﺖ ﻭﺭﺣﻨﺎﻟﻬﻢ ﺑﺎﻟﻌﻴﺪ ﺻﺢ ﺍﻟﻮﺟﻮﻩ ﺛﻜﻴﻠﺔ ﺑﺲ ﺭﺣﺒﻮ ﺑﻴﻨﺎ ﻧﻮﻋﺎ ﻣﺎ .. ﺑﻬﺎﺀ ﻃﻮﻝ ﻫﺎﻱ ﺍﻟﻔﺘﺮﺓ ﻣﻬﺘﻢ ﺑﻴﻪ ﻭﻳﺴﺎﻋﺪﻧﻲ ﻳﺨﺎﻑ ﻻﻳﻮﮔﻊ ﺍﻟﻄﻔﻞ ﻣﺜﻞ ﺍﻟﻲ ﻗﺒﻠﺔ ﺣﺘﻰ ﺻﻴﻨﻴﺔ ﺍﻻﻛﻞ ﻣﻴﺨﻠﻴﻨﻲ ﺍﺷﻴﻠﻬﺎ ﻃﻠﻌﺔ ﺑﻴﻬﺎ ﻣﺸﻲ ﻫﻮﺍﻱ ﻣﻨﻄﻠﻊ ﻃﺮﻳﻖ ﺑﻌﻴﺪ ﻣﻨﺮﻭﺡ ﺑﺎﻟﺴﻴﺎﺭﺓ ﺑﺎﻟﺒﺪﺍﻳﺔ ﻛﺎﻥ ﺣﻤﻠﻲ ﺿﻌﻴﻒ ﻭﺍﻟﻄﻔﻞ ﻧﺒﻀﺔ ﺿﻌﻴﻒ ﺑﻌﺪﻳﻦ ﻉ ﺍﻟﺮﺍﺣﺔ ﺍﻟﺤﻤﺪ ﻟﻠﻪ ﺍﺳﺘﻘﺮ ﻭﺻﺎﺭ ﺍﺣﺴﻦ ﺧﻠﺼﺖ ﻓﺘﺮﺓ ﺍﻟﻤﺮﺍﺟﻌﺔ ﻭﺑﺪﺕ ﺍﻣﺘﺤﺎﻧﺎﺗﻨﺔ ﻭﺑﻄﻨﻲ ﻛﺒﺮﺕ ﺟﻨﺖ ﺑﺸﻬﺮ ﺍﻟﺴﺎﺩﺱ ﻭﻣﺘﺖ ﻣﻦ ﻟﺘﻌﺐ ﻛﻨﺖ ﺍﺳﻬﺮ ﻝ 4 ﺍﻟﺼﺒﺢ ﻭﻣﺮﺍﺕ ﺍﺑﻘﺔ ﻝ 6 ﻭﺑﻬﺎﺀ ﻳﺴﺎﻋﺪﻧﻲ ﺑﺎﻟﺒﻴﺖ ﺣﺘﻰ ﺍﻟﺤﮓ ﺍﻻﻣﺘﺤﺎﻧﺎﺕ ﻛﺎﻧﺖ ﺗﺤﺪﻱ ﻛﻮﻟﺶ ﺻﻌﺐ ﺍﻟﻴﺔ ﺳﻬﺮ ﻭﻗﻠﻖ ﻭﺗﻔﻜﻴﺮ .. ﺧﻠﺼﺖ ﺍﻣﺘﺤﺎﻧﺎﺗﻲ ﻭﺑﺪﺓ ﺍﻟﻌﺪ ﺍﻟﺘﻨﺎﺯﻟﻲ ﻟﻠﻨﺘﻴﺠﺔ ﻭﺭﺓ 15 ﻳﻮﻡالعضوة: 522131 , 6 years ago
ﻃﻠﻌﺖ ﻧﺘﻴﺠﺘﻲ ﻭﺍﻟﺤﻤﺪ ﻟﻠﻪ ﺩﺭﺟﺎﺗﻲ ﻛﻮﻟﻬﺔ ﻋﺎﻟﻴﺔ ﻣﺎﻋﺪﺍ ﺍﻟﺮﻳﺎﺿﻴﺎﺕ ﺍﻟﻲ ﻧﺰﻝ ﻣﻌﺪﻟﻲ ﻣﻌﺪﻟﻲ ﻛﺎﻥ 80 .. ﺑﻬﺎﺀ ﻳﺘﻌﺎﺭﻙ ﻭﻳﺎﻱ ﻳﺮﻳﺪ ﺗﺮﺑﻴﺔ ﻭﺍﻧﻲ ﺍﺭﻳﺪ ﻫﻨﺪﺳﺔ ﻟﻮﻗﺎﻧﻮﻥ ﺍﺩﻋﻮﻟﻲ ﻳﻄﻠﻌﻠﻲ ﻗﺎﻧﻮﻥ ﺍﻭ ﻫﻨﺪﺳﺔ ﺗﻌﺒﺖ ﻛﻮﻟﺶ ﻭﻫﺴﺎ ﺣﺎﻣﻞ ﺑﺸﻬﺮ ﺍﻟﺘﺎﺳﻊ ﻭﻣﻴﺘﺔ ﺧﻮﻑ ﺟﻬﺰﺕ ﻃﻔﻠﻲ ﻭﻓﺮﺣﺎﻧﺔ ﺑﺠﻬﺎﺯﺓ ﺑﻴﺔ ﻭﻟﺪ ﻭﺍﺗﻤﻨﺔ ﻋﻴﻮﻧﺔ ﺗﻄﻠﻊ ﻧﻔﺲ ﻋﻴﻮﻥ ﺍﺑﻮﻩ ﺍﻟﻌﻴﻮﻥ ﺍﻟﻲ ﺍﻋﺸﻘﻬﺎ ﻣﻦ ﺻﻐﺮﻱ ﻭﺍﺣﺴﻬﺎ ﺗﺴﻮﻟﻒ ﻭﻳﺎﻱ ﺳﻮﺍﻟﻒ ﻣﺎﺣﺠﺎﻫﺎ ﺻﺎﺣﺒﻬﺎ .. ﺍﻟﻴﻮﻡ 2017/10/9 ﺍﻻﺛﻨﻴﻦ .. ﺍﻧﻲ ﺑﺸﻬﺮﻱ ﻭﻣﻨﺘﻈﺮﻩ ﻣﻮﻟﻮﻟﺪﻱ ﺍﺩﻋﻮﻟﻲ ﻳﺠﻲ ﺑﺎﻟﺴﻼﻣﻪ .. ﻭﻫﺬﻱ ﻗﺼﺘﻲ ﺍﻧﻲ ﻭﺑﻬﺎﺀ ﻭﻋﻴﻮﻧﻪ ﺍﻟﻲ ﻭﻋﺪﺗﻨﻲ ﻭﻭﻓﺖ ﺑﻮﻋﺪﻫﺎ ﺍﻟﻲ .. ﺍﺣﻤﺪ ﺍﻟﻠﻪ ﻭﺍﺷﻜﺮﻩ ﺍﻟﻲ ﺧﻠﻪ ﻫﻴﺞ ﺍﻧﺴﺎﻥ ﻭﻓﻲ ﻣﻦ ﻧﺼﻴﺒﻲ ️❤ ❤ﺗﺤﻴﺎﺗﻲ ﻟﻜﻢ ﺍﺣﺒﺘﻲ ❤ النهايةالعضوة: 522131 , 6 years ago
اعذروني عل اطاله مريضه واللهالعضوة: 654836 , 6 years ago
حلو استمريالعضوة: 382987 , 6 years ago
الله يشفيك ي رب سلامتك ي عيوني❤