ﺍﻟﻘﺼﻪ ﺣﻘﻴﻘﻴﻪ %100 ﻭﺻﺎﺣﺒﺔ ﺍﻟﻘﺼﺔ ﻣﺘﺎﺑﻌﻪ ..
ﻭﻋﺪ ﺍﻟﻌﻴﻮﻥ .. ﺍﺻﺪﻕ ﻭﻋﻮﺩ ﺍﻟﺤﺐ ..
ﺍﻟﻌﻴﻦ ﺗﺴﺎﻋﺪﻧﺎ ﻓﻲ ﺑﻌﺾ ﺍﻟﻤﻮﺍﻗﻒ .. ﻓﻬﻲ ﺗﻨﻄﻖ ﺑﻜﻠﻤﺎﺕ ﻟﻢ ﻧﺴﺘﻄﻴﻊ ﺍﻟﺘﻔﻮﻩ ﺑﻬﺎ ..
ﻓﻬﻨﺎﻙ ﻣﻦ ﻳﺘﻐﺰﻝ ﻭﻳﺘﻜﻠﻢ ﺑﺤﺒﻪ ﻟﻴﻼ ﻭﻧﻬﺎﺭﺍ ﻟﻜﻨﻪ ﻻﻳﻌﺮﻑ ﻣﻦ ﺍﻟﺤﺐ ﺷﻴﺌﺎ .. ﻭﻫﻨﺎﻙ ﻣﻦ ﻳﺠﻌﻞ ﻋﻴﻨﻴﻪ ﻫﻲ ﺍﻟﺘﻲ ﺗﺘﻜﻠﻢ ﻋﻦ ﻣﺸﺎﻋﺮﻩ ﻭﺣﺒﻪ .. ﻭﻛﺎﻥ ﺍﺻﺪﻕ ﻭﻋﺪ ﻫﻮ ﻭﻋﺪ ﺍﻟﻌﻴﻮﻥ !!.. # ﺷﻤﺲ
ﻣﺮﺣﺒﺎ ﺣﺒﺎﻳﺐ .. ﺍﺣﺐ ﺍﻋﺮﻓﻜﻢ ﻋﻦ ﻧﻔﺴﻲ ﺍﺳﻤﻲ ﺳﻤﺮ ﻣﻦ ﻛﺮﺑﻼﺀ ﻋﻤﺮﻱ ﺣﺎﻟﻴﺎ 21 ﺳﻨﻪ .. ﻣﻮﺍﺻﻔﺎﺗﻲ ﺁﻧﺔ ﺣﻨﻄﺎﻭﻳﺔ ﻭﺷﻌﺮﻱ ﺑﻨﻲ ﻋﻴﻮﻧﻲ ﻋﺴﻠﻲ ﻭﻃﻮﻟﻲ 165 ﺭﺷﻴﻘﺔ ﻭﺟﺴﻤﻲ ﻛﻠﺶ ﺣﻠﻮ ﻭﻣﻠﻔﺖ ﻛﻮﻟﻬﺎ ﺗﺸﺒﻬﻨﻲ ﺑﺎﻟﻤﻤﺜﻠﺔ ﺍﻟﻤﺼﺮﻳﺔ ﻣﻨﺔ ﺷﻠﺒﻲ ..
ﺣﺒﻴﺖ ﺍﺳﺮﺩ ﺍﻟﻜﻢ ﻗﺼﺘﻲ .. ﻻﻧﻬﺎ ﻗﺼﻪ ﺍﺟﺘﻤﺎﻋﻴﻪ ﻭﻣﻤﻜﻦ ﺗﺼﻴﺮ ﻣﻊ ﻫﻮﺍﻳﺔ ﺑﻨﺎﺕ ﻭﻋﺎﻧﻮﺍ ﻣﺜﻠﻲ ﺍﻭ ﺍﻛﺜﺮ ..
ﺭﺍﺡ ﺍﺑﺪﻱ ﺑﻘﺼﺘﻲ ﻣﻦ ﺍﻭﻝ ﻣﻔﺘﺤﺖ ﻭﻋﺮﻓﺖ ﺍﻟﺪﻧﻴﺎ ﺍﻭﻝ ﻣﻮﻋﻴﺖ ﻉ ﺍﻟﺪﻧﻴﺎ ﻟﮕﻴﺖ ﻣﺎﻣﺎ ﻭﺑﺎﺑﺎ ﻣﻨﻔﺼﻠﻴﻦ ..
ﺍﻧﻲ ﻭﻣﺎﻣﺎ ﻭﺍﺧﻮﺍﻧﻲ ﻋﺎﻳﺸﻴﻦ ﺑﺒﻴﺖ ﺧﺎﻟﻲ ﻛﻮﻟﻨﺎ ﺑﻐﺮﻓﺔ ﻭﺣﺪﺓ ﻭﻭﻳﺎﻧﺔ ﺑﻴﺒﻴﺘﻲ ﺍﻡ ﻣﺎﻣﺎ ..
ﻃﺒﻌﺎ ﺍﻧﻲ ﻋﻨﺪﻱ 3 ﺧﻮﺍﻥ .. ﺍﺧﺘﻲ ﺍﻟﻜﺒﻴﺮﻩ ﺍﺳﻤﻬﺎ ﺭﻧﺎ ﻭﺍﺧﻮﻳﺔ ﺭﺿﺎ ﺫﻭﻟﻲ ﻣﻦ ﻏﻴﺮ ﺍﺏ ﻻﻥ ﻣﺎﻣﺎ ﻛﺎﻧﺖ ﻣﺘﺰﻭﺟﻪ ﻗﺒﻞ ﺑﺎﺑﺎ ..
ﻭﻋﻨﺪﻱ ﺍﺧﻮ ﻭﺍﺣﺪ ﻣﻦ ﻣﺎﻣﺎ ﻭﺑﺎﺑﺎ ﺍﺳﻤﻪ ﺍﺣﻤﺪ ..
ﻃﺒﻌﺎ ﻋﻨﺪﻱ ﺍﺧﻮﺍﻥ ﻫﻮﺍﻳﺔ ﻣﻦ ﺍﺑﻮﻳﺔ ﺑﺲ ﻣﺎﺍﻋﺮﻓﻬﻢ ﻭﻻ ﻋﻤﺮﻱ ﺷﺎﻳﻔﺘﻬﻢ ﻋﺸﻨﺎ ﺣﻴﺎﺓ ﺻﻌﺒﺔ ﻛﻮﻟﺶ ﻻﻥ ﺍﻣﻲ ﻣﻜﺎﻧﺖ ﺗﻘﺒﻞ ﺍﻧﻮ ﺑﺎﺑﺎ ﻳﺠﻲ ﻳﺴﺄﻝ ﻋﻠﻴﻨﺔ ﻭﻻ ﺗﻘﺒﻞ ﺣﺘﺔ ﻳﻮﺻﻞ ﻟﺒﻴﺘﻨﺎ ﻛﻨﺖ ﺍﺟﻬﻞ ﺍﻟﺴﺒﺐ .. ﺍﻟﻲ ﺧﻼﻫﻢ ﻳﻨﻔﺼﻠﻮﻥ ﻭﻳﺘﺮﻛﻨﺎ ﻭﻟﻴﺶ ﻣﺘﺨﻠﻴﻪ ﻳﺸﻮﻓﻨﺎ .. ﻃﺒﻌﺎ ﻛﻨﺖ ﻫﺎﺩﺋﺔ ﻛﻠﺶ ﻭﻓﻘﻴﺮﺓ ﻭﺩﺍﺋﻤﺎ ﺣﻘﻲ ﺿﺎﻳﻊ ﻋﻜﺲ ﻫﺴﺎ ..
ﺍﺣﻨﺎ ﻧﺨﺘﻠﻒ ﻋﻦ ﺍﻻﻭﻻﺩ ﺑﻜﻮﻟﺸﻲ ﺑﻠﺒﺴﻨﺎ ﻭﺑﺄﻛﻠﻨﺎ ﻻﻥ ﻣﺎ ﻋﺪﻧﺎ ﺍﺣﺪ ﻳﺼﺮﻑ ﻋﻠﻴﻨﺎ ﻏﻴﺮ ﺧﺎﻟﻮ ﺍﻟﻮﺳﻄﺎﻧﻲ ﺍﺳﻤﻪ ﻋﺰﻳﺰ ﺍﻟﻲ ﻋﻨﺪﺓ 9 ﺑﻨﺎﺕ ﺑﺮﮔﺒﺘﺔ ﺧﻄﻴﻪ ﻭﻫﻮ ﻣﻮﺿﻒ ﺑﺲ ﺭﺍﺗﺒﺔ ﻣﺎ ﻳﻜﻔﻲ ﻋﺎﺋﻠﺘﺔ ﻭﻣﺼﺎﺭﻳﻔﻬﻢ ..
ﺍﻣﻲ ﺍﻧﺴﺎﻧﺔ ﻣﺮﻳﻀﺔ ﻧﻔﺴﻴﺎ ﻋﺪﻫﺔ ﻫﻮﺍﻱ ﺍﻣﺮﺍﺽ ﻧﻔﺴﻴﺔ ﻻﻧﻪ ﺍﻣﻲ ﺣﻨﻴﻨﺔ ﻛﻮﻟﺶ ﻭﺣﺴﺎﺳﻪ ﻭﺷﺎﻓﺖ ﻣﺼﺎﻳﺐ ﻫﻮﺍﻳﺔ ﺍﺧﻮﺍﻧﻬﺎ ﺧﻤﺴﺔ ﻣﺎﺗﻮ ..
ﻭﺗﺄﺛﺮﺕ ﺑﻤﻮﺗﺘﻬﻢ ﻓﺘﻤﺮﺿﺖ ﻋﻠﻴﻬﻢ ﻟﻠﻌﻠﻢ ﻫﻲ ﻣﻄﻠﻘﺔ ﻣﺮﺗﻴﻦ ﻻﻥ ﻣﺤﺪ ﻳﮕﺪﺭ ﻳﻘﺪﺭ ﻭﺿﻌﻬﺔ ﻭﻣﺮﺿﻬﺔ ﻻ ﺑﺎﺑﺎ ﻭﻻ ﺍﻟﻲ ﻗﺒﻠﺔ ﻟﻬﺬﺍ ﻋﺎﻧﺖ ﺑﺤﻴﺎﺗﻬﺎ ..
ﻫﻲ ﺣﻨﻴﻨﺔ ﺑﺸﻜﻞ ﻭﮔﻠﺒﻬﺔ ﻧﻈﻴﻒ ﺑﺲ ﻋﺼﺒﻴﺔ ﻛﻮﻟﺶ ﻉ ﺍﻗﻞ ﺷﻲ ﺗﺘﻌﺼﺐ ﻭﺗﺸﻚ ﺣﺘﻰ ﺑﻨﻔﺴﻬﺎ ..
ﺍﻧﻲ ﻛﺒﺮﺕ ﻭﺩﺧﻠﺖ ﺍﻟﻤﺪﺭﺳﺔ ﻛﻨﺖ ﻓﻘﻴﺮﺓ ﻛﻮﻟﺶ ﻭﺷﻄﻮﺭﺓ ﻭﺩﺍﺋﻤﺎ ﺍﻃﻠﻊ ﺍﻭﻟﻰ ﻛﻨﺖ ﺍﺗﻤﻨﻰ ﺍﺷﻮﻑ ﺑﺎﺑﺎ ﻭﻟﻮ ﻣﺮﺓ ﻭﺣﺪﺓ ﺑﺲ ﻫﺬﺍ ﺍﻟﺸﻲ ﺟﺎﻥ ﺷﺒﻪ ﻣﺴﺘﺤﻴﻞ ﺑﺴﺒﺐ ﺍﻣﻲ ﺍﻟﻲ ﺣﺘﻰ ﻣﺘﺸﺮﺣﻠﻨﺎ ﻟﻴﺶ ﻫﻲ ﺗﺮﻓﺾ ﺍﻧﻮ ﺑﺎﺑﺎ ﻳﺸﻮﻓﻨﺔ ﻭﻧﺘﻌﺮﻑ ﻋﻠﻴﻪ
ﻛﺒﺮﺕ ﻭﺑﺪﺕ ﻣﻼﻣﺢ ﺟﺴﻤﻲ ﺗﺒﻴﻦ ﺍﻧﻲ ﺣﻨﻄﺎﻭﻳﺔ ﻭﻋﻴﻮﻧﻲ ﺟﻮﺯﻳﺎﺕ ﻭﻭﺳﻂ ﻣﻮﻛﺒﺎﺭ ﺷﻌﺮﻱ ﺟﻮﺯﻱ ﻣﻮ ﺍﺳﻮﺩ ﻭﺟﺴﻤﻲ ﻛﻠﺶ ﺣﻠﻮﺓ ﺭﺷﻴﻘﺔ ﻭﺍﻟﻜﻞ ﺟﺎﻧﻮ ﻳﺤﺴﺪﻭﻧﻲ ﻋﻠﻰ ﺟﺴﻤﻲ
ﺍﺧﺘﻲ ﺍﻟﻜﺒﻴﺮﺓ ﺭﻧﺎ ﻫﻢ ﺣﻠﻮﺓ ﻛﻮﻟﺶ ﺗﻨﻄﻲ ﺷﺒﻪ ﻟﺤﻨﺎﻥ ﺗﺮﻙ ﺑﺲ ﻫﻴﺔ ﺍﺣﻠﻰ ﺑﻬﻮﺍﻳﺔ .. # ﺑﻘﻠﻤﻲ _ ﺷﻤﺲ
ﻃﺒﻌﺎ ﻣﺎﻣﺎ ﻛﺎﻧﺖ ﺗﺸﻚ ﺑﻴﻬﺎ ﻭﺗﮕﻮﻟﻠﻬﺔ ﺍﻧﺘﻲ ﻣﺼﺎﺩﻗﺔ ﻑﻻﻥ ﻭﻓﻼﻥ ﻣﻊ ﺍﻧﻮ ﻫﻲ ﻛﺎﻧﺖ ﻣﻮ ﺑﺒﺎﻟﻬﺔ ﻫﺎﺫ ﺍﻟﺸﻲ ﺑﺲ ﻣﺎﻣﺎ ﻣﺮﻳﻀﺔ ﺑﻠﺸﻚ ﻛﺎﻧﺖ ﺣﺘﻰ ﺗﻀﺮﺏ ﺍﺧﺘﻲ ﻫﻮﺍﻱ ﻟﺤﺪ ﻣﺎﺗﺄﺫﻳﻬﺎ ﻭﺗﺠﺮﺣﻬﺎ .. ﺍﻟﻰ ﺍﻥ ﻳﻄﻠﻊ ﺩﻡ ..
ﺍﺧﺘﻲ ﻛﺎﻥ ﻟﺴﺎﻧﻬﺔ ﻃﻮﻳﻞ ﻭﺗﺮﺍﺩﺩ ﻣﺎﻣﺎ ﻭﺗﺠﻴﺐ ﺍﻟﻀﺮﺏ ﻟﻨﻔﺴﻬﺔ .. ﻣﺎﻣﺎ ﺑﻌﺪ ﻣﺘﻀﺮﺑﻬﺔ ﺗﻜﻌﺪ ﺗﺒﺠﻲ ﻋﻠﻴﻬﺎ ﺍﺧﺘﻲ ﻛﺎﻧﺖ ﻗﺎﺳﻴﺔ ﺣﻴﻞ ..
ﻭﻣﺘﺤﺒﻨﺔ ﺍﻧﻲ ﻭﺍﺧﻮﻱ ﺍﻟﺰﻏﻴﺮ ﺍﺣﻤﺪ ﻻﻥ ﺍﺣﻨﺎ ﻣﻦ ﻏﻴﺮ ﺍﺑﻮ ﻭﺑﺎﺑﺎ ﻛﺎﻥ ﻳﻀﺮﺑﻬﻢ ﻫﻲ ﻭﺍﺧﻮﻱ ﺭﺿﺎ ﻗﺒﻞ ﻣﺎ . ﻣﺎﻣﺎ ﺗﺘﻄﻠﮓ ﻣﻨﻪ .. ﺑﺲ ﺍﺧﺘﻲ ﻣﺎﻧﺴﺖ ﺗﻌﺎﻣﻞ ﺑﺎﺑﺎ ﺍﻟﻬﻢ .. ﻛﺒﺮﺕ ﻭﻫﻲ ﻗﺎﺳﻴﺔ ﻋﻠﻴﻨﺎ ﻣﻊ ﺍﻧﻮ ﻣﺎﺍﻟﻨﺔ ﺫﻧﺐ ﻋﻜﺲ ﺍﺧﻮﻳﺔ ﺭﺿﺎ ﺍﻟﻲ ﻛﺎﻥ ﻳﺤﺒﻨﺎ ﻭﻳﻬﺘﻢ ﺑﻴﻨﺎ ﻭﻳﺨﺎﻑ ﻋﻠﻴﻨﺎ .. ﺭﻏﻢ ﺍﻧﻪ ﻋﺎﺵ ﻭﻳﺎﻫﺔ ﻧﻔﺲ ﺍﻻﺫﻳﺔ ﻣﻦ ﺑﺎﺑﺎ ﻭﻧﻔﺲ ﺍﻟﻀﺮﺏ ﺑﺤﻜﻢ ﻫﻮﺓ ﺯﻭﺝ ﺍﻣﻬﻢ
....
....
ﺑﺲ ﺭﺿﺎ ﻣﺤﻘﺪ ﻋﻠﻴﻨﺎ ﻭﻻﻛﺮﻫﻨﺎ ..
ﺑﻴﻮﻡ ﻣﻦ ﺍﻻﻳﺎﻡ ﺍﺟﺖ ﺑﻴﺒﻴﺔ ﺍﺧﻮﺍﻧﻲ ﺍﻟﻜﺒﺎﺭ ﺭﺿﺎ ﻭﺭﻧﺎ ﺍﻡ ﺍﺑﻮﻫﻢ ﺗﺮﻳﺪ ﺗﺸﻮﻓﻬﻢ ..
ﻭﺍﺧﺘﻲ ﺃﺻﺮﺕ ﺗﺮﻳﺪ ﺗﺮﻭﺡ ﻭﻳﺎﻫﺎ ..
ﻣﺎﻣﺎ .. ﺭﻧﺎ ﻣﻤﻨﻮﻉ ﻣﺎﻛﻮ ﻃﻠﻌﻪ ..
ﻣﺎﻣﺎ ﻣﻘﺒﻠﺖ ﻭﺭﻓﻀﺖ ﺭﻓﺾ ﺗﺎﻡ ﻻﻥ ﻫﻲ ﺷﻜﺎﻛﻪ ﻭﻣﺘﻘﺒﻞ ﻧﺒﺎﺕ ﺑﺒﻴﺖ ﺍﻱ ﺍﺣﺪ ..
ﺟﺪﺓ ﺍﺧﺘﻲ .. ﺍﺫﺍ ﻋﺎﺟﺒﻬﺎ ﺗﺮﻭﺡ ﻭﻳﺎﻱ ﺧﻠﻴﻬﺎ ﺗﺮﻭﺡ ﻟﻴﺶ ﺍﺣﻨﻪ ﻣﻮ ﺍﻫﻠﻬﺎ ﻭﺍﻟﻨﺎ ﺣﻖ ﻋﻠﻴﻬﺎ ..
ﻣﺎﻣﺎ ﺳﻜﺘﺖ ﻭﺻﺎﺭﺕ ﺍﻣﺎﻡ ﺍﻻﻣﺮ ﺍﻟﻮﺍﻗﻊ ..
ﻭﺭﺍﺣﺖ ﺭﻧﺎ ﻭﻱ ﺑﻴﺒﻴﺘﻬﺎ ..
ﻟﻜﻦ ﻣﺎﻣﺎ ﻣﺴﻜﺘﺖ ﻭﺣﺎﻭﻟﺖ ﺗﺮﺟﻌﻬﺎ ﻛﻢ ﻣﺮﺓ . ﻟﻜﻦ ﺭﻧﺎ ﻋﻨﻴﺪﻩ ﻭﻣﺜﻘﺒﻞ ﺗﺮﺟﻊ ..
ﻭﺑﻘﺖ ﻋﺎﻳﺸﻪ ﻫﻨﺎﻙ ﻓﺘﺮﺓ ﻃﻮﻳﻠﺔ ..
ﻭﺑﻴﻮﻡ ﻣﻦ ﺍﻻﻳﺎﻡ .. ﮔﺎﻋﺪﻳﻦ ﻭﺍﺟﺎﻧﺎ ﺍﺑﻦ ﺧﺎﻟﻮ ﻋﺒﺎﺱ ﺍﻟﻲ ﻫﻮ ﺍﺻﻐﺮ ﺧﻮﺍﻟﻲ ..
ﺑﻴﺘﻬﻢ ﻛﺎﻥ ﻗﺮﻳﺐ ﻋﻠﻴﻨﺎ ..
ﻭﺧﺒﺮ ﻣﺎﻣﺎ .. ﮔﻠﻠﻬﺎ ﻋﻤﻪ ﺍﻟﻴﻮﻡ ﺍﺟﺖ ﺭﻧﺎ ﻭﻭﻳﺎﻫﺎ ﻭﺣﺪﻩ ﻣﻨﻌﺮﻓﻬﺎ .. ﻭﻭﻟﺪ ﺷﺎﺏ ..
ﺍﺳﺘﻐﺮﺑﺖ ﻣﺎﻣﺎ ﻭﺍﺧﺬﺗﻨﺎ ﻭﺭﺍﺣﺖ ﺍﻟﺒﻴﺖ ﺧﺎﻟﻮ ﺗﺮﻳﺪ ﺗﻌﺮﻑ ﺷﻨﻮ ﺍﻟﺴﺎﻟﻔﻪ .. # ﺑﻘﻠﻤﻲ _ ﺷﻤﺲ
ﺩﺧﻠﻨﺎ ﺍﻟﺒﻴﺖ ﺧﺎﻟﻮﺍ ..
ﺭﻧﺎ .. ﻫﻠﻮ ﻣﺎﻣﺎ ﻭﺑﻮﺳﺘﻬﺎ ..
ﻣﺎﻣﺎ .. ﻟﺞ ﺷﻨﻮ ﻫﺎﻱ ﺍﺷﻮ ﺣﺎﻓﻪ ﻭﺟﻬﺞ ﻭﻣﻜﻴﺎﺝ ﻋﺒﺎﻟﻚ ﺭﺍﻳﺤﻪ ﺍﻟﺤﻔﻠﻪ .
ﻟﻴﺶ ﻣﺮﺩﺗﺞ ﺗﺒﻘﻴﻦ ﺑﺒﻴﺖ ﺍﺣﺪ ﻻﻥ ﺍﻋﺮﻓﺞ ﺗﺘﻤﺮﺩﻳﻦ ..
ﺭﻧﺎ .. ﻣﺎﻣﺎ ﺩﺍﻳﻤﺎ ﺍﻧﺘﻲ ﻣﺘﺜﻘﻴﻦ ﺑﻴﻪ ﻭﺷﻜﺎﻛﻪ .. ﺍﻧﻲ ﺗﺰﻭﺟﺖ
ﻣﺎﻣﺎ .. 😲😲 ﺍﻧﺼﺪﻣﺖ ..
ﻃﻠﻌﻮﺍ ﺍﻟﻲ ﺟﺎﻳﻴﻦ ﻭﻳﺎﻫﺎ ﻋﻤﺘﻬﺎ ﺍﺧﺖ ﺍﺑﻮﻫﺎ ﻭﺍﻡ ﺯﻭﺟﻬﺎ ﻭﺯﻭﺟﻬﺎ ﺍﻟﻲ ﻫﻮ ﺍﺑﻦ ﻋﻤﺘﻬﺎ ..
ﻣﺎﻣﺎ ﺗﺨﺒﻠﺖ ﻭﺭﺍﺩﺕ ﺗﻌﺎﺭﻛﺖ ﻭﻳﺎﻫﻢ ﻭﺗﻌﻴﻂ .. ﺑﺲ ﺧﺎﻟﻮ ﻫﺪﺋﻬﺎ ..
ﺭﻧﺎ .. ﻣﺎﻣﺎ ﺍﻧﻲ ﻗﺎﺑﻠﻪ ﻭﺭﺍﺿﻴﻪ ﺑﺎﻟﺰﻭﺍﺝ ﻳﻌﻨﻲ ﻣﺤﺪ ﺟﺒﺮﻧﻲ .. ﻫﺎﻱ ﺑﻤﻜﺎﻥ ﻣﺘﺒﺎﺭﻛﻴﻠﻲ ..
ﻣﺎﻣﺎ ﺳﻜﺘﺖ ﻭﻣﺤﺠﺖ ﺷﻲ ﻷﻥ ﺻﺎﺭﺕ ﺍﻣﺎﻡ ﺍﻻﻣﺮ ﺍﻟﻮﺍﻗﻊ
ﻭﺭﻧﺎ ﺍﺧﺬﺕ ﺯﻭﺟﻬﺎ ﻭﻃﻠﻌﺖ ..
ﻟﻜﻦ ﻫﺬﺍ ﺍﻟﺸﻲ ﺑﻘﻰ ﺣﺴﺮﻩ ﺑﻘﻠﺒﻬﺎ ﺍﻟﻤﺎﻣﺎ .. ﻭﻛﻞ ﻳﻮﻡ ﺗﻠﻮﻡ ﺑﻨﻔﺴﻬﺎ ..
ﺍﻧﻲ ﺑﺎﻟﻤﺘﻮﺳﻄﻪ .. ﻭﺍﺧﻮﻳﻪ ﺭﺿﺎ ﺧﻄﻴﻪ ﺗﺮﻙ ﺍﻟﻤﺪﺭﺳﻪ ﺣﺘﻰ ﻳﺸﺘﻐﻞ ﻭﻳﻌﻴﻠﻨﺎ .. ﻻﻥ ﻣﻴﻠﺤﮓ ﻳﺪﺭﺱ ﻭﻳﺸﺘﻐﻞ ﺑﻨﻔﺲ ﺍﻟﻮﻗﺖ ..
ﻣﻊ ﺍﻧﻪ ﻛﺎﻥ ﺧﺎﻣﺲ ﻋﻠﻤﻲ ﻳﻌﻨﻲ ﻭﺍﺻﻞ ..
ﻣﻦ ﻛﺒﺮﺕ ﻭﺻﺮﺕ ﺑﺎﻟﻤﺘﻮﺳﻄﻪ ﺷﻜﻠﻲ ﺗﻐﻴﻴﺮ ﺗﻤﺎﻣﺎ .. ﻃﻮﻟﺖ ﻭﺟﺴﻤﻲ ﺻﺎﺭ ﻳﺠﻨﻦ .. ﻭﻛﻞ ﺍﻟﻲ ﺍﻟﺒﺴﻪ ﻳﻄﻠﻊ ﺣﻠﻮ ﻋﻠﻴﻪ .
ﻭﺑﺸﻬﺎﺩﻩ ﺻﺪﻳﻘﺎﺗﻲ ﻭﻛﻞ ﺍﻟﻲ ﻳﺸﻮﻓﻨﻲ ..
ﻭﺣﺎﻟﻨﺎ ﺻﺎﺭ ﺍﺣﺴﻦ ﺑﻔﻀﻞ ﺍﺧﻮﻳﻪ ﺭﺿﺎ .. ﺍﻟﻲ ﺿﺤﻰ ﺑﻤﺴﺘﻘﺒﻠﻪ ﻋﻤﻮﺩﻧﺎ ﻭﺍﻧﺘﻘﻠﻨﺎ ﺑﺒﻴﺖ ﺑﺼﻒ ﺑﻴﺖ ﺧﺎﻟﻮ ﻭﺻﺎﺭﺕ ﺍﻟﻲ ﻏﺮﻓﻪ ﺑﻮﺣﺪﻱ ﺑﻌﺪ ﻣﺎﻛﻨﺎ ﻛﻮﻟﻨﺎ ﺑﻐﺮﻓﻪ .. # ﺑﻘﻠﻤﻲ _ ﺷﻤﺲ
ﺍﺧﻮﻳﻪ ﺍﻟﺼﻐﻴﺮ ﺍﺣﻤﺪ ﻛﺎﻥ ﻛﺴﻼﻥ ..
ﻟﻜﻦ ﺧﺎﻟﺘﻲ ﻛﺎﻧﺖ ﻣﻌﻠﻤﻪ ﻭﺗﻨﺠﺤﻪ ﻛﻞ ﺳﻨﻪ ..
ﻭﻣﺎﻣﺎ ﻛﺎﻧﺖ ﺗﻜﺘﺐ ﺍﻟﻪ ﺣﺘﻰ ﻣﻴﺘﻌﺎﻗﺐ ﺑﺎﻟﻤﺪﺭﺳﻪ ..
ﻣﺎﻣﺎ ﻣﺎﻛﺎﻧﺖ ﻫﻴﺞ ﻭﻳﺎﻳﻪ ﻛﻨﺖ ﻛﻞ ﻣﺎﺍﺳﺄﻟﻬﺎ ﺷﻲ ﻣﺎﻓﺎﻫﻤﺘﻪ ﺗﮕﻮﻝ ﻣﺎﺍﻋﺮﻑ .. ﻣﻊ ﺍﻧﻪ ﻫﻲ ﺧﺮﻳﺠﻪ ﻭﻭﺍﺻﻠﻪ ..
ﻟﻜﻦ ﻫﻲ ﺗﺤﺐ ﺍﺧﻮﻳﻪ ﺍﺣﻤﺪ ﺍﻛﺜﺮﻧﺎ ﻭﻫﺬﺍ ﺍﻟﺸﻲ ﺃﺛﺮ ﻋﻠﻴﻪ ﻫﻮﺍﻳﻪ ﻭﺧﻼﻧﻲ ﺍﺣﺲ ﺑﻨﻘﺺ ﺣﻨﺎﻧﻬﺎ ﺍﻟﻲ ..
ﻣﻦ ﻛﺒﺮﺕ ﻭﺟﺴﻤﻲ ﺑﻴﻦ .. ﻣﺎﻣﺎ ﺻﺎﺭﺕ ﺗﻌﺎﻣﻠﻨﻲ ﻣﺜﻞ ﻣﺎﻛﺎﻧﺖ ﺗﻌﺎﻣﻞ ﺍﺧﺘﻲ .. ﻭﺗﺸﻚ ﺑﻴﻪ ..
ﻫﺬﺍ ﺍﻟﺸﻲ ﺯﺭﻉ ﺍﻟﺨﻮﻑ ﺑﻴﻪ .. ﻭﻋﺪﻡ ﺍﻟﺜﻘﻪ ﺑﺄﻱ ﻭﻟﺪ ﺑﺴﺒﺐ ﻛﻼﻡ ﻣﺎﻣﺎ .. # ﺑﻘﻠﻤﻲ _ ﺷﻤﺲ
ﺣﺘﻰ ﺻﺮﺕ ﺍﻛﺮﻩ ﻛﻞ ﻭﻟﺪ ﻣﺎﻋﺪﺍ ﺍﺧﻮﺍﻧﻲ ﻭﺍﺧﺎﻑ ﻣﻨﻬﻢ ﺑﺴﺒﺐ ﻣﺎﻣﺎ ..
ﺑﻌﻜﺲ ﺍﻟﺒﻨﺎﺕ ﺍﻟﻲ ﻭﻳﺎﻱ ﻛﺎﻧﻮ ﻳﻤﻴﻠﻮﻥ ﻟﻠﺠﻨﺲ ﺍﻵﺧﺮ ..
ﺍﻧﻲ ﻋﺸﺖ ﺑﻌﺎﺋﻠﻪ ﺗﻔﺘﻘﺪ ﺍﻟﺜﻘﻪ ﻭﺍﻟﺤﻨﺎﻥ ﻭﺍﻟﺘﻔﺎﻫﻢ .. ﺑﺎﺑﺎ ﻣﺸﺎﻳﻔﺘﻪ ﻭﻣﺎﻣﺎ ﺷﻜﺎﻛﻪ ﻭﺗﺘﻌﺎﻣﻞ ﺑﻘﺴﻮﻩ ﻭﻳﺎﻱ ..
ﻭﻫﺬﺍ ﺍﻟﺸﻲ ﺃﺛﺮ ﻉ ﺣﻴﺎﺗﻲ .
ﺍﻟﻰ ﺍﻥ ﺑﻴﻮﻡ ﺩﺍ ﺍﺻﻠﻲ ﺍﻧﻲ ﻭﻣﺎﻣﺎ .. ﺍﻧﻲ ﻣﺨﻠﺼﻪ ﻓﺮﺽ ﺍﻟﻤﻐﺮﺏ .. ﻭﻫﻲ ﺑﻌﺪﻫﻲ ﻷﻥ ﺗﺘﺄﺧﺮ ﺑﺼﻼﺗﻬﺎ ..
ﻭﺍﺧﻮﺍﻧﻲ ﺍﻟﻮﻟﺪ ﻃﺎﻟﻌﻴﻦ ..
ﺍﻧﺪﮔﺖ ﺍﻟﺒﺎﺏ .. ﺍﺿﻄﺮﻳﺖ ﺍﻓﺘﺤﻬﺎ ﺍﻧﻲ ..
ﮔﻠﺖ ﻣﻨﻮ ??
ﺻﻮﺕ ﻭﻟﺪ .. ﮔﺎﻝ ﺍﻧﻲ ..
ﺍﺭﺗﺒﻜﺖ ﻻﻥ ﻋﻤﺮﻱ ﻣﻔﺎﺗﺤﻪ ﺍﻟﺒﺎﺏ ﺍﻟﻮﻟﺪ .. ﻛﻨﺖ ﺑﺲ ﺍﺳﻤﻊ ﺻﻮﺕ ﻭﻟﺪ ﺍﺩﺧﻞ ﻭﺍﮔﻮﻝ ﺍﻟﻮﺍﺣﺪ ﻣﻦ ﺍﻫﻠﻲ ﻳﻔﺘﺢ ﺍﻟﺒﺎﺏ ..
ﺩﺧﻠﺖ ﻭﮔﻠﺖ ﺍﻟﻤﺎﻣﺎ .. ﺍﺷﺮﺗﻠﻲ ﻣﻌﻨﺎﻫﺎ ﺷﻮﻓﻲ ﺷﻴﺮﻳﺪ ﻷﻥ ﻫﻲ ﺩﺗﺼﻠﻲ ..
ﻓﺘﺤﺘﻪ ﻭﻭﮔﻔﺖ ﻭﺭﻯ ﺍﻟﺒﺎﺏ .. ﻭﻛﻨﺖ ﻻﺑﺴﻪ ﻣﻠﻒ ﻣﺎﻝ ﺻﻼﺓ ﻃﻠﻌﺖ ﺭﺍﺳﻲ ﺑﺲ ..
ﻃﻠﻊ ﺑﻬﺎﺀ ﺍﺑﻦ ﺟﻴﺮﺍﻧﻪ ﻣﺸﺎﻳﻔﺘﻪ ﺻﺎﺭ ﻫﻮﺍﻱ ﻣﺘﻐﻴﻴﺮ ﻭﺻﺎﻳﺮ ﺣﻠﻮ ﻭﻣﺮﺗﺐ .. ﺷﺎﻳﻔﺘﻪ ﻣﻦ ﻛﻨﺖ ﺻﻐﻴﺮﻩ ﺻﺤﻴﺢ ﻫﻮ ﺍﻛﺒﺮ ﻣﻨﻲ ﺑﺲ ﻣﺎﻛﺎﻥ ﻫﻴﺞ ﺣﻠﻮ ﻭﺍﻧﻴﻖ ..
ﻣﻦ ﺷﻔﺘﻪ ﺍﺗﻌﺠﺒﺖ .. # ﺑﻘﻠﻤﻲ _ ﺷﻤﺲ
ﻭﻫﻮ ﻣﻦ ﺷﺎﻓﻨﻲ ﺍﺭﺗﺒﻚ .. ﻛﺎﻥ ﺟﺎﻳﺐ ﺧﺒﺰ .. ﻻﻥ ﺍﻣﻪ ﻣﺘﻌﻮﺩﻩ ﻛﻠﻤﺎ ﺗﺨﺒﺰ ﺗﻄﻠﻊ ﺧﺒﺰ ﺑﺜﻮﺍﺏ ﻣﻮﺗﺎﻫﻢ ..
ﻛﻞ ﻣﺮﺓ ﻫﻲ ﺗﺠﻴﺒﻪ ﺑﺲ ﻫﺎﻟﻤﺮﻩ ﻫﻮ ﻟﻬﺬﺍ ﺗﻌﺠﺒﺖ ..
ﻧﻄﺎﻧﻲ ﺍﻟﺨﺒﺰ ﻭﺷﻜﺮﺗﻪ ﻭﺭﺍﺡ .. ﺑﺲ ﺑﻘﻰ ﺑﺒﺎﻟﻲ ﻻﻥ ﺻﺎﻳﺮ ﻳﺨﺒﻞ ..
# ﺑﻘﻠﻤﻲ _ ﺷﻤﺲ
ﻳﺘﺒﻊ …
العضوة: 522131 , 6 years ago
ﻣﻦ ﮔﻮﺗﻠﻪ ﻃﻠﮕﻨﻲ !!!..… ﻫﻮ ﺑﻘﻰ ﺻﺎﻓﻦ ﺑﻮﺟﻬﻲ .. ﻻﻥ ﺑﻌﺪ ﻛﻞ ﺍﻟﻲ ﺳﻮﻳﺘﻪ ﺑﻲ ﻭﻫﻮ ﻣﺎﺍﺗﺠﺮﺃ ﻳﻄﻠﮕﻨﻲ . ﻭﺍﻧﻲ ﺍﻋﺮﻑ ﻟﻴﺶ ﺻﺒﺮﻭﺍ ﻋﻠﻴﻪ ﻛﻞ ﻫﺬﻱ ﺍﻟﻔﺘﺮﻩ .. ﺑﺴﺒﺐ ﺍﻟﺤﺎﻇﺮ ﻭﺍﻟﻐﺎﺋﺐ .. ﻻﻥ ﻣﺨﻠﻴﻦ ﻣﺒﻠﻎ ﻳﻜﺴﺮ ﺍﻟﻈﻬﺮ ﻭﺑﻘﻮﺍ ﻣﺘﺤﻤﻠﻴﻦ ﺣﺘﻰ ﻟﻴﺪﻓﻌﻮﻥ ﻣﻊ ﺍﻧﻪ ﺍﻟﻠﻪ ﻣﻨﻄﻴﻬﻢ ﻭﺣﺎﻟﺘﻬﻢ ﺯﻳﻨﻪ .. ﻣﻦ ﺳﻤﻊ ﻛﻼﻣﻲ ﺍﺧﺬﻧﻲ ﻟﻼﺳﺘﻘﺒﺎﻝ .. ﻭﮔﺎﻝ ﺍﻻﻣﻪ ﻭﺍﺑﻮﻩ ﺍﺟﻮ ﻟﻼﺳﺘﻘﺒﺎﻝ .. ﻭﻣﻦ ﺳﻤﻌﻮﺍ ﺍﺭﻳﺪ ﺍﺗﻄﻠﮓ .. # ﺷﻤﺲ ﺑﻘﻮﺍ ﻳﺤﺠﻮﻥ ﻭﻳﻌﻴﻄﻮﻥ ﻋﻠﻴﻪ .. ﺑﺲ ﺍﻧﻲ ﻣﺎﻫﻤﻨﻲ ﺍﻱ ﺷﻲ ﻭﺑﻘﻴﺖ ﻣﺼﺮﻩ ﻉ ﺭﺃﻱ .. ﻭﺍﺗﺼﻠﻮﺍ ﻉ ﻣﺎﻣﺎ ﻭﺍﺟﺖ ﻫﻲ ﻭﺧﺎﻟﻮﺍ ﺍﻟﻮﺳﻄﺎﻧﻲ ﺍﺳﻤﻪ ﺣﺴﻦ .. ﻣﺎﺩﺧﻠﺖ ﻟﻠﺒﻴﺖ ﺍﻧﻲ ﺍﺧﺬﺕ ﻣﻼﺑﺴﻲ ﻭﻃﻠﻌﺘﻠﻬﺎ ﺍﺧﺬﺗﻨﻲ ﻭﻃﻠﻌﻨﺎ ﻭﺍﻧﻲ ﻣﻤﺼﺪﮔﻪ ﺣﺨﻠﺺ ﻣﻨﻬﻢ .. ﻃﺒﻌﺎ ﺧﺎﻟﻮﺍ ﺍﻟﻄﺮﻳﻖ ﻛﻮﻟﻪ ﻳﺴﺄﻝ ﻟﻴﺶ ﻣﺘﺮﺩﻳﻪ ﻭﻟﻴﺶ ﺗﺮﺩﻳﻦ ﺗﺘﻄﻠﮕﻴﻦ .. ﻭﻫﻮ ﺍﻧﺴﺎﻥ ﻣﺜﻘﻒ ﻭﻭﺍﻋﻲ ﻭﺍﻛﻴﺪ ﺣﻴﻔﻬﻤﻨﻲ .. ﺳﻤﺮ .. ﺧﺎﻟﻮ ﻣﺎﺍﺭﻳﺪﻩ ﻻﻥ ﻫﻮ ﻃﻔﻞ ﻭﻣﺎﻋﻨﺪﻩ ﺷﺨﺼﻴﻪ ﻭﻣﺎﺍﺣﺴﻪ ﺯﻭﺝ ﻛﻨﺖ ﺩﺍﻳﻤﺎ ﺍﻋﺘﺒﺮﻩ ﺍﺧﻮﻳﻪ ﺑﺲ ﺍﻧﺘﻮ ﺍﻟﻲ ﺟﺒﺮﺗﻮﻧﻲ ﻋﻠﻴﻪ .. ﺧﺎﻟﻮ .. ﺳﻤﻮﺭﻩ ﻛﻞ ﻫﺬﻱ ﺍﻣﻮﺭ ﺑﺴﻴﻄﻪ ﻳﻌﻨﻲ ﻣﺘﻮﺻﻞ ﻟﻠﻄﻼﻕ .. # ﺑﻘﻠﻤﻲ _ ﺷﻤﺲ ﻣﺮﺕ ﺍﻻﻳﺎﻡ ﻭﺧﻮﺍﻟﻲ ﻳﺘﻨﺎﻗﺸﻮﻥ ﺑﻬﺬﺍ ﺍﻟﻤﻮﺿﻮﻉ .. ﻭﻛﻞ ﺳﺎﻋﻪ ﻭﺍﺣﺪ ﺟﺎﻱ ﻭﻳﺤﺎﻭﻟﻮﻥ ﻳﺼﻠﺤﻮﻥ .. ﺑﺲ ﺍﻧﻲ ﺍﺭﻓﺾ ﻭﻛﻠﻤﺎ ﺍﻗﺪﻣﻠﻬﻢ ﺍﺳﺒﺎﺑﻲ .. ﻣﻴﻘﺘﻨﻌﻮﻥ .. ﻷﻥ ﻋﻨﺪﻫﻢ ﻫﺬﻱ ﻣﻮ ﺍﺳﺒﺎﺏ ﺗﺴﺘﻮﺟﺐ ﺍﻧﻪ ﺍﺗﻄﻠﮓ .. ﻭﺍﻗﺮﺑﺎﺋﻨﺎ ﺍﻧﻘﺴﻤﻮﺍ .. ﻧﺎﺱ ﺻﺎﺭﺕ ﻭﻳﺎﻱ ﻭﻣﻘﺘﻨﻌﻪ ﺑﺄﺳﺒﺎﺑﻲ ﻭﻧﺎﺱ ﺻﺎﺭﺕ ﻭﻳﺎﻫﻢ ﺿﺪﻱ .. ﻭﺑﺪﺃ ﺍﻟﻨﻔﺎﻕ ﻭﺍﻟﻜﻼﻡ ﺍﻟﻲ ﻃﻠﻌﻮﻩ ﻋﻠﻴﻪ .. ﺧﺎﻟﻮﺍ ﻭﻣﺮﺕ ﺧﺎﻟﻮﺍ .. ﻳﺤﺎﻭﻟﻮﻥ ﻳﺸﻮﻫﻮﻥ ﺻﻮﺭﺗﻲ ﻭﻳﻄﻠﻌﻮﻥ ﺍﺑﻨﻬﻢ ﻣﺎﻛﻮ ﻣﻨﻪ .. ﺳﺎﻋﻪ ﻳﮕﻮﻟﻮﻥ ﺗﺤﺐ ﻭﺍﺣﺪ ﻭﺗﺮﻳﺪ ﺗﺘﻄﻠﮓ ﻭﻛﻢ ﻣﺮﻩ ﻟﮕﻴﻨﺎ ﺭﺳﺎﺋﻠﻬﺎ ﻭﻳﺎﻩ .. ﻭﺳﺎﻋﻪ ﻳﮕﻮﻟﻮﻥ ﻭﺳﺨﻪ ﻭﻏﺮﻓﺘﻬﺎ 24 ﺳﺎﻋﻪ ﻣﻮ ﻧﻀﻴﻔﻪ .. ﻭﻣﺘﻌﺒﻪ ﺍﺑﻨﻪ ﻣﻊ ﺍﻧﻪ ﺍﻛﺜﺮ ﺷﻲ ﺍﺳﻮﻱ ﺑﺎﻟﺒﻴﺖ ﻫﻮ ﺍﻟﺸﻐﻞ ﻭﺍﻟﺘﻨﻀﻴﻒ ﻻﻧﻪ ﺍﻟﻮﺳﻴﻠﻪ ﺍﻟﻮﺣﻴﺪﻩ ﺍﻟﻲ ﺗﺨﻠﺼﻨﻲ ﻣﻦ ﺍﺑﻦ ﺧﺎﻟﻲ . ﻭﻏﺮﻓﺘﻲ ﺩﺍﻳﻤﺎ ﻧﻀﻴﻔﻪ ﻭﻣﻌﻄﺮﻩ .. ﺍﻭﻝ ﻣﺎﺩﺧﻠﺖ ﻛﺎﻥ ﺑﻴﺘﻬﻢ ﻣﺰﻳﻠﻪ ﻻﻥ ﻛﻮﻟﻬﺎ ﺩﻭﺍﻡ ﻭﻣﺤﺪ ﻓﺎﺭﻍ ﻳﻨﻀﻔﻪ ﻭﺍﻧﻲ ﺍﻟﻲ ﺳﻮﻳﺘﻪ ﺑﻴﺖ ﺻﺪﻭﮒ ﺑﺎﻟﺘﻨﻀﻴﻒ ﻭﺍﻟﺘﺮﺗﻴﺐ .. ﺑﺲ ﺭﻏﻢ ﻛﻞ ﺍﺗﻬﺎﻣﺎﺗﻬﻢ .. ﻣﺤﺠﻴﺖ ﺷﻲ ﻭﻓﻮﺿﺖ ﺍﻣﺮﻱ ﻟﻠﻪ .. ﺍﻛﻴﺪ ﺍﻟﺒﻌﺾ ﻳﺘﺼﻮﺭ ﺍﺍﻧﻪ ﺍﺭﻳﺪ ﺍﻟﻄﻼﻕ ﺑﺴﺒﺐ ﺑﻬﺎﺀ . ﻭﻫﺬﺍ ﺍﻟﺸﻲ ﻣﻮ ﺻﺤﻴﺢ ﻻﻥ ﺍﻋﺮﻑ ﻧﻔﺴﻲ ﺑﻬﺎﺀ ﺻﻔﺤﻪ ﻭﺍﻧﻄﻮﺕ ﻭﻣﺎﻣﻤﻜﻦ ﺍﻛﻮ ﺷﺨﺺ ﻳﺘﺰﻭﺝ ﻭﺣﺪﻩ ﻣﻄﻠﻘﻪ ﻭﺧﺎﺻﻪ ﺍﻣﻪ ﻛﺎﻧﺖ ﺭﺍﻓﻀﺘﻨﻲ ﻭﺍﻧﻲ ﺑﻨﻴﻪ .. ﻓﻤﺴﺘﺤﻴﻞ ﻫﺴﺎ ﺗﻘﺒﻞ ﻳﺘﺰﻭﺟﻨﻲ ﻭﺍﻧﻲ ﻣﻄﻠﻘﻪالعضوة: 522131 , 6 years ago
ﺍﻧﻲ ﺭﺩﺕ ﺍﻟﻄﻼﻕ .. ﺣﺘﻰ ﺍﺭﺟﻊ ﺍﻟﺤﻴﺎﺗﻲ ﻭﺩﺭﺍﺳﺘﻲ . ﺗﻌﺒﺖ ﻭﺍﻧﻲ ﻛﻞ ﻳﻮﻡ ﺍﺷﻤﺌﺰ ﻣﻦ ﻧﻔﺴﻲ ﻭﺍﻧﻲ ﺍﺣﺲ ﺷﺨﺺ ﻣﺜﻞ ﺍﺧﻮﻳﻪ ﻳﺘﻘﺮﺑﻠﻲ ﺑﺎﻻﺿﺎﻓﻪ ﻟﻠﻀﺮﺏ ﻭﺍﻻﻫﺎﻧﺎﺕ ﺗﻌﺒﺖ ﻭﺍﺭﻳﺪ ﺍﺭﺗﺎﺡ .. # ﺑﻘﻠﻤﻲ _ ﺷﻤﺲ ﺭﺿﺎ .. ﺳﻤﺮ ﺍﻧﺴﻲ ﺍﻟﻄﻼﻕ .. ﺍﻟﺰﻭﺍﺝ ﺳﺘﺮ ﻟﻠﺒﻨﻴﻪ ﻭﺍﻛﻴﺪ ﺍﺫﺍ ﺗﻄﻠﮕﺘﻲ ﺍﻟﻨﺎﺱ ﺗﺤﺠﻲ ﻋﻠﻴﺞ ﻣﻮ ﻋﻠﻴﻪ .. ﺍﺧﻮﻳﻪ ﺭﺿﺎ ﺻﻌﺒﻬﺎ ﻋﻠﻴﻪ ﻻﻥ ﻟﻌﺒﺖ ﻧﻔﺴﻪ ﻣﻦ ﺍﻟﺰﻋﻞ ﻣﻦ ﻭﺭﻯ ﺍﺧﺘﻰ ﻛﻞ ﻳﻮﻡ ﺯﻋﻼﻧﻪ ﻭﺭﺍﺟﻌﻪ .. ﻭﺍﺧﺘﻲ ﺭﻧﺎ ﻣﻦ ﺳﻤﻌﺖ ﺻﺎﺭﺕ ﻭﻳﺎﻫﻢ ﻋﻠﻴﻪ .. ﻭﻣﺎﻣﺎ ﺳﺎﻋﻪ ﻭﻳﺎﻱ ﻭﺳﺎﻋﻪ ﻭﻳﺎﻫﻢ ﺍﻋﺮﻑ ﻣﺘﺮﻳﺪ ﺗﻜﺴﺮ ﺑﺄﺧﻮﻫﺎ ﻻﻥ ﻫﻲ ﺗﺤﺒﻬﻢ ﻭﻫﻢ ﻣﺮﻳﻀﻪ ﻭﻣﺎﺍﻟﻬﺎ ﺭﺃﻱ .. ﺗﻌﺒﺖ ﻫﻮﺍﻳﻪ ﺑﻬﺬﻱ ﺍﻟﻔﺘﺮﻩ .. ﺍﺗﻤﻨﻴﺖ ﻳﺨﻠﺺ ﻛﻮﻟﺸﻲ ﻭﺍﺭﺗﺎﺡ ﺑﺲ ﺑﻴﻮﻡ ﻣﻦ ﺍﻻﻳﺎﻡ .. ﺍﺟﻪ ﺍﺧﻮﻳﻪ ﺭﺿﺎ ﻭﻋﻴﻮﻧﻪ ﻳﻄﻠﻊ ﻣﻨﻬﻦ ﻧﺎﺭ ﻣﻦ ﺍﻟﻌﺼﺒﻴﻪ .. ﻭﺷﻜﻠﻪ ﻣﻴﺒﺸﺮ ﺑﺨﻴﺮ .. ﺍﻧﻲ ﮔﺎﻋﺪﻩ ﺑﻐﺮﻓﺘﻲ ﻭﺍﺟﻪ ﺩﻓﺮ ﺍﻟﺒﺎﺏ ﻭﺩﺧﻞ .. ﻭﺳﺤﺒﻨﻲ ﻣﻦ ﺷﻌﺮﻱ ﻭﻳﻀﺮﺑﻨﻲ .. ﺭﺿﺎ .. ﮔﻮﻟﻲ ﻟﺞ ﺷﺒﻴﻪ ﺯﻭﺟﺞ ﻭﻣﺘﺮﺩﻳﻪ . ﻭﻳﻀﺮﺏ ﺑﻜﻞ ﻗﻮﺗﻪ ﻭﺩﻭﺭ ﻟﺰﻡ ﺣﺪﻳﺪﻩ ﻳﻀﺮﺑﻨﻲ ﺑﻴﻬﺎ .. ﺑﻌﻤﺮﻩ ﻣﺎﺿﺎﺭﺑﻨﻲ ﻫﻴﺞ .. ﻣﺎﻣﺎ ﻭﺍﺧﺘﻲ ﻳﺮﺩﻥ ﻳﺴﺤﺒﻨﻪ ﻣﻴﮕﺪﺭﻥ .. ﺍﻛﻴﺪ ﻫﺎﻱ ﻣﺮﺕ ﺧﺎﻟﻮ ﻭﺧﺎﻟﻮ .. ﮔﺎﻟﻮﻟﻪ ﺷﻲ ﻋﻨﻲ ﻭﺧﻠﻮﻩ ﻫﻴﺞ ﺍﻋﺮﻓﻬﻢ ﻋﻘﺎﺭﺏ ﻭﺍﺷﻜﺎﻝ ﻃﻠﻌﻮﺍ ﻛﻼﻡ ﻋﻠﻴﻪ .. ﺳﺤﺐ ﻋﺒﺎﺗﻲ ﻭﺧﻼﻫﺎ ﻉ ﺭﺍﺳﻲ ﻭﺭﺍﺩ ﻳﺮﺟﻌﻨﻲ .. ﮔﺘﻠﻪ ﻳﺲ ﺗﺮﺟﻌﻨﻲ ﺍﻣﻮﺕ ﺭﻭﺣﻲ .. ﺑﻬﺬﻱ ﺍﻟﻠﺤﻈﻪ ﺍﻧﺪﮔﺖ ﺍﻟﺒﺎﺏ .. ﺍﺟﻪ ﺯﻭﺝ ﺍﺧﺘﻲ ﺣﺘﻰ ﻳﺎﺧﺬﻫﺎ ﻻﻥ ﺻﺎﺭﻟﻬﺎ ﻓﺘﺮﻩ ﻋﻨﺪﻧﺎ .. ﺭﺿﺎ ﺍﻧﺸﻐﻞ ﻭﻱ ﺯﻭﺝ ﺍﺧﺘﻲ ﻷﻥ ﺑﻘﻪ ﻳﻮﻣﻴﻦ ﻳﻠﻪ ﺭﺍﺣﻮﺍ .. ﻣﻦ ﺭﺍﺣﺖ ﺍﺧﺘﻲ .. ﻣﺎﻣﺎ ﺍﺗﺼﻠﺖ ﻉ ﺧﺎﻟﻮ ﺣﺴﻦ .. ﮔﻠﺘﻠﻪ ﺗﻌﺎﻝ ﺍﺧﺬ ﺳﻤﺮ ﻳﻤﻚ .. ﻻﻥ ﺧﺎﻓﺖ ﻣﻦ ﺭﺿﺎ ﻟﻴﺴﻮﻳﻠﻲ ﺷﻲ .. # ﺑﻘﻠﻤﻲ _ ﺷﻤﺲ ﺍﺟﻪ ﺧﺎﻟﻮ ﺍﺧﺬﻧﻲ ﻭﺑﻘﻴﺖ ﻳﻤﻬﻢ ﺍﺳﺒﻮﻉ .. ﺑﻴﺖ ﺧﺎﻟﻮ ﺣﺎﻭﻟﻮ ﻳﺼﻠﺤﻮﻥ ﺑﻴﻨﺎ ﺍﻧﻲ ﻭﺣﻴﺪﺭ .. ﻭﺧﺎﻟﻮ ﺩﺯ ﻉ ﺣﻴﺪﺭ ﻭﺍﺟﻪ .. ﮔﻠﻲ ﺗﻌﺎﻟﻲ ﺍﮔﻌﺪﻱ ﻭﻳﺎﻩ ﻭﺗﻔﺎﻫﻤﻮﺍ ﺑﻠﻜﻲ ﺗﻮﺻﻠﻮﻥ ﺍﻟﺤﻞ .. ﺳﻤﺮ .. ﮔﻤﺖ ﺍﺑﺠﻲ . ﺧﺎﻟﻮ ﻣﺎﺍﺭﻳﺪ ﺍﺷﻮﻓﻪ ﻟﻴﺶ ﺗﺠﺒﺮﻭﻧﻲ .. ﺑﻨﺎﺕ ﺧﺎﻟﻮ ﻛﺒﺎﺭ ﮔﻠﻮﻟﻲ ﺍﺣﻨﺎ ﻧﺪﺧﻞ ﻭﻳﺎﺝ ﻟﺘﺒﺠﻴﻦ .. ﺩﺧﻠﻨﺎ ﻭﮔﻌﺪﺕ ﺑﺲ ﻣﺒﺎﻭﻋﺖ ﺑﻮﺟﻬﺎ ﺍﺑﺪ .. ﻫﻮ ﺑﻘﻰ ﻳﺤﺠﻲ ﻭﻱ ﺑﻨﺎﺕ ﺧﺎﻟﻮ ﻭﻳﮕﻠﻠﻬﻦ ﻫﻲ ﻣﺘﺨﻠﻴﻨﻲ ﺍﺗﻘﺮﺑﻠﻬﺎ ﻭﻣﻦ ﻫﺬﺍ ﺍﻟﺤﺠﻲ ..العضوة: 522131 , 6 years ago
ﻫﻦ ﻣﺰﻭﺟﺎﺕ ﺍﺳﺘﺤﻦ ﻭﻫﻮ ﻣﻴﺴﺘﺤﻲ ﻳﺤﺠﻲ ﻓﻲ ﺳﺒﻴﻞ ﻳﻄﻠﻊ ﺍﻟﺼﻮﺝ ﺑﻴﻪ .. ﺑﺲ ﺑﻨﺎﺕ ﺧﺎﻟﻮ ﺩﺍﻓﻌﻦ ﺍﻟﻲ ﻭﻣﺎﻧﻄﻨﻪ ﻓﺮﺻﻪ ﻳﺤﺠﻲ .. ﺗﺎﻟﻲ ﻃﻠﻊ ﻭﺻﺎﺭﺕ ﺟﻴﺘﻪ ﻣﺎﺑﻴﻬﺎ ﻓﺎﻳﺪﻩ .. ﻻﻥ ﻣﻴﺪﺭﻱ ﺍﻧﻲ ﺍﻓﻀﻞ ﺍﻟﻤﻮﺕ ﻭﻻﺍﺭﺟﻌﻠﻪ .. ﺷﮕﺪ ﺣﺎﻭﻝ ﺧﺎﻟﻮ ﺣﺴﻦ ﻭﻳﺎﻱ ﻭﮔﻠﻲ ﺧﺎﻟﻮ ﺍﺭﺟﻌﻲ ﺍﻟﺨﺎﻃﺮﻱ ﺍﻧﺘﻲ ﻣﻮ ﺗﺤﺒﻴﻨﻲ ﻭﺣﺎﺳﺒﺘﻨﻲ ﻣﺜﻞ ﺍﺑﻮﺝ .. ﺳﻤﺮ .. ﺧﺎﻟﻮ ﺍﻧﻲ ﺍﺣﺒﻚ ﻭﺧﺎﻃﺮﻙ ﻛﺒﻴﺮ ﻋﻨﺪﻱ ﺑﺲ ﻣﺎﺍﮔﺪﺭ ﻟﺘﺠﺒﺮﻧﻲ ﻭﺑﻘﻴﺖ ﺍﺑﺠﻲ .. ﻫﻮ ﺯﻋﻞ ﻣﻨﻲ ﻭﺭﺟﻌﻨﻲ ﺍﻟﺒﻴﺖ ﺍﻫﻠﻲ .. ﺭﺟﻌﺖ ﻭﺍﻧﻲ ﻣﻴﺘﻪ ﺧﻮﻑ ﻣﻦ ﺍﺧﻮﻳﻪ ﺭﺿﺎ .. ﺭﺿﺎ ﻣﻦ ﺷﺎﻑ ﻣﺎﻛﻮ ﻓﺎﻳﺪﻩ ﻣﻨﻲ ﺷﺎﻝ ﺍﻳﺪﻩ ﻣﻦ ﺍﻟﺴﺎﻟﻔﻪ . ﻭﺍﻧﻲ ﻋﺎﻧﺪﺕ ﻭﺭﺍﺳﻲ ﻭﺍﻟﻒ ﺳﻴﻒ ﻣﺎﺍﺭﺟﻊ ﺑﻌﺪ ﻣﺎﻣﻠﻮﺍ ﻣﻨﻲ ﻭﺗﻌﺒﻮﺍ ﻭﻳﺎﻱ ﺍﺟﻪ ﺧﺎﻟﻮ ﻭﮔﺎﻝ ﺍﻟﺒﺴﻲ ﻋﺒﺎﺗﺞ ﻭﺗﻌﺎﻟﻲ ﺣﻴﺪﺭ ﺣﻴﻄﻠﮕﺞ .. ﺍﻧﻲ ﻃﺮﺕ ﻣﻦ ﺍﻟﻔﺮﺡ ..️☺ ﺑﺲ ﺍﻧﻘﻬﺮﺕ ﻉ ﺭﺿﺎ ﻣﻦ ﺳﻤﻊ ﺗﺮﻙ ﺍﻟﺒﻴﺖ ﻭﻃﻠﻊ ﺿﺎﻳﺞ ﺍﺩﺭﻱ ﺑﻲ ﻛﺎﻥ ﺭﺍﻳﺪﻟﻲ ﺍﻟﺴﺘﺮ ﺑﺲ ﺍﻧﻲ ﺧﻠﺺ ﺑﻌﺪ ﻣﺎﺍﮔﺪﺭ ﻭﺭﺑﻲ ﻣﺎﺍﮔﺪﺭ ﻭﻣﺎﻋﻨﺪﻱ ﻃﺎﻗﻪ ﺍﺗﺤﻤﻞ .. # ﺑﻘﻠﻤﻲ _ ﺷﻤﺲ ﻳﺘﺒﻊالعضوة: 522131 , 6 years ago
ﺭﺣﺖ ﻭﻱ ﺧﺎﻟﻮ ﻟﻠﻤﺸﺘﻤﻞ ﻣﺎﻟﺘﻬﻢ .. ﻳﺼﻴﺮ ﺑﺒﻴﺘﻬﻢ ﺍﻟﻲ ﺑﺼﻒ ﺑﻴﺘﻨﺎ .. ﺍﻟﻤﺸﺘﻤﻞ ﻛﺎﻥ ﻣﺤﺪ ﮔﺎﻋﺪ ﺑﻲ .. ﺩﺧﻠﺖ ﻟﮕﻴﺖ ﺧﺎﻟﻮ ﺍﺑﻮ ﺣﻴﺪﺭ ﻭﺣﻴﺪﺭ ﻭﺷﻴﺦ ﻣﻌﻤﻢ .. ﺍﻟﺸﻴﺦ .. ﻧﻄﻴﻨﻲ ﺟﻨﺴﻴﺘﺞ ﺑﻨﺘﻲ .. ﺍﺧﺬ ﻧﺴﻴﺘﻲ ﻭﺳﺄﻟﻨﻲ ﻉ ﺳﺒﺐ ﺍﻟﻄﻼﻕ .. ﮔﻮﺗﻠﻪ ﻣﻤﺘﻔﺎﻫﻤﻴﻦ ﻭﺳﻜﺘﺖ .. # ﺑﻘﻠﻤﻲ _ ﺷﻤﺲ ﺍﻟﺸﻴﺦ .. ﺭﺍﺡ ﺍﮔﻮﻝ ﻛﻼﻡ ﻭﺍﻧﺘﻲ ﺭﺩﺩﻱ ﺑﻌﺪﻱ .. ﺑﻘﻴﺖ ﺍﺭﺩﺩ ﺍﻟﻜﻠﻤﺎﺕ ﺑﻌﺪﻩ .. ﮔﻠﻲ ﻫﺬﺍ ﻫﻮ ﺍﻧﺘﻮ ﺍﺗﻄﻠﻘﺘﻮ .. ﻭﺍﺧﻴﺮﺍ ﺗﺤﺮﺭﺕ .. ﺧﺎﻟﻮ ﻋﺰﻳﺰ .. ﮔﻮﻣﻲ ﺧﻠﻲ ﺍﺭﺟﻌﺞ ﺍﻟﺒﻴﺘﻜﻢ ﻳﺘﺒﺎﻭﻋﻠﻲ ﺿﺎﻳﺠﻪ ﺿﺠﺖ ﻷﻥ ﺑﻌﺪﻧﻲ ﻃﻔﻠﻪ ﻭﺻﺮﺕ ﻣﻄﻠﻘﻪ .. ﻷﻥ ﺩﺍﺍﺩﻓﻊ ﺛﻤﻦ ﻏﻠﻄﻪ ﻣﺎﻟﻲ ﺫﻧﺐ ﺑﻴﻬﺎ .. ﻛﻞ ﺫﻧﺒﻲ ﺍﻧﻲ ﺍﺳﺘﺴﻠﻤﺖ ﻟﻠﻀﻐﻮﻃﺎﺕ ﻭﺗﺰﻭﺟﺖ ﺷﺨﺺ ﺍﻋﺘﺒﺮﻩ ﻣﺜﻞ ﺍﺧﻮﻳﻪ ﻭﻣﺎﻳﻤﻜﻦ ﻳﻮﻡ ﺍﺣﺒﻪ .. ﺑﺲ ﻛﺎﻥ ﺑﻮﻗﺘﻬﺎ ﻣﺎﻋﻨﺪﻱ ﺍﻟﻘﻮﻩ ﺍﻟﻲ ﻋﻨﺪﻱ ﻫﺴﺎ .. ﺧﺎﻟﻮ ﺣﺲ ﻋﻠﻴﻪ ﮔﻠﻲ .. ﺑﺎﻋﻲ ﺧﺎﻟﻮ ﺍﻭﻝ ﻃﻼﻕ ﺍﺣﻀﺮﻩ ﻭﺍﻧﻲ ﻓﺮﺣﺎﻥ .. ﺍﻧﺘﻲ ﺍﺣﺴﻦ ﺷﻲ ﺳﻮﻳﺘﻲ ﺧﻠﺼﺘﻲ ﻣﻦ ﻫﺬﺍ ﺍﻟﻄﻔﻞ . ﻣﻦ ﮔﺎﻝ ﻫﻴﺞ ﺍﺭﺗﺎﺣﻴﺖ ﻭﺭﻓﻊ ﻣﻌﻨﻮﻳﺎﺗﻲ .. ﺍﻋﺘﻘﺪ ﻫﻮ ﺍﻟﻮﺣﻴﺪ ﻣﻦ ﺧﻮﺍﻟﻲ ﺭﺃﻳﻪ ﻫﻴﺞ ﻛﻮﻟﻬﻢ ﺭﺍﺩﻭﺍ ﺍﺭﺟﻊ ﺍﻟﺤﻴﺪﺭ .. ﺭﺟﻌﺖ ﻟﻠﺒﻴﺖ ﻭﺍﻧﻲ ﻓﺮﺣﺎﻧﻪ .. ﺩﺧﻠﺖ ﺍﻟﻐﺮﻓﺘﻲ ﻭﺍﻧﻲ ﻃﺎﻳﺮﺓ ﻣﻦ ﺍﻟﻔﺮﺡ ﻭﺍﺧﻴﺮﺍ ﺭﺍﺡ ﺍﺭﺟﻊ ﺍﻟﺤﻴﺎﺗﻲ ﻭﺩﺭﺍﺳﺘﻲ .. ﻭﻓﻌﻼ ﻛﻤﻠﺖ ﺛﺎﻟﺚ ﻣﺘﻮﺳﻂ .. ﺑﺪﻳﺖ ﺻﻔﺤﻪ ﺟﺪﻳﺪﻩ ﻭﻻﺯﻡ ﺍﻛﻤﻠﻬﺎ ﻟﻼﺧﻴﺮ ﻭﺍﻧﺠﺢ .. ﺣﺘﻰ ﺍﺛﺒﺖ ﻟﻠﻜﻞ ﺍﻧﻮ ﺍﻧﻲ ﻣﻮ ﻓﺎﺷﻠﻪ ﻭﻣﻮ ﻣﻌﻨﺎﺗﻬﺎ ﻓﺸﻠﺖ ﺑﺎﻟﺰﻭﺍﺝ . ﻳﻌﻨﻲ ﺍﻓﺸﻞ ﺑﻜﻮﻟﺸﻲ .. ﺍﺻﺮﻳﺖ ﺍﻧﻪ ﺍﺑﺘﺪﺃ ﻣﻦ ﺟﺪﻳﺪ ﻭﺍﻭﻝ ﺷﻲ ﺳﻮﻳﺘﻪ ﻏﻴﺮﺕ ﻣﻦ ﻧﻔﺴﻲ ﻭﺷﻜﻠﻲ ﻭﺍﻫﺘﻤﻴﺖ ﺑﻤﻀﻬﺮﻱ ﻗﺼﻴﺖ ﺷﻌﺮﻱ ﻗﺼﻪ ﺟﺮﻳﺌﻪ ﻭﺣﻠﻮﻩ .. ﻣﻦ ﮔﺪﺍﻡ ﻗﺼﻴﺮ ﻭﻣﻦ ﻭﺭﻩ ﻃﻮﻳﻞ .. ﺍﻟﻜﻞ ﺗﻔﺎﺟﺊ ﺑﻴﻬﺎ .. ﻓﻌﻼ ﻻﻗﺖ ﺑﻴﻪ ﻛﻮﻟﺶ ﻭﻏﻴﺮﺕ ﻣﻦ ﺷﻜﻠﻲ .. ﺣﺪﺩﺕ ﺣﺎﺟﺒﻲ ﻉ ﺍﻟﻤﻮﺩﻳﻞ ﺻﺎﺭ ﺣﻠﻮ . ﻏﻴﺮﺕ ﺍﺳﺘﺎﻳﻞ ﻟﺒﺴﻲ ﻛﻮﻟﻪ .. ﺍﺷﺘﺮﻳﺖ ﻟﺒﺲ ﻧﺎﺯﻙ ﻭﺍﺣﻠﻰ ﻣﻮﺩﻳﻞ ﻭﮔﻤﺖ ﺍﻧﺴﻖ ﺍﻟﺸﺎﻝ ﻣﻊ ﺍﻟﺤﺬﺍﺀ ﻭﺍﻟﺠﻨﻄﻪ ﻛﻮﻟﻬﻢ ﻧﻔﺲ ﺍﻟﻠﻮﻥ .. ﻃﺒﻌﺎ ﺭﺿﺎ ﻓﺪﻳﺘﻪ ﺣﺒﻴﺒﻲ ﻣﻘﺼﺮ ﻭﻳﺎﻱ ﺍﺑﺪ ﺑﺎﻟﻤﺼﺮﻑ ﻭﺣﺲ ﻧﻔﺴﻪ ﻣﺴﺆﻭﻝ ﻋﻨﻲ ﻭﻳﺤﺎﻭﻝ ﻳﻌﻮﺿﻨﻲ .. ﺣﺘﻰ ﻣﻴﻬﺘﻢ ﺍﻟﻨﻔﺴﻪ ﻭﻻ ﻳﺸﺘﺮﻱ ﺍﻟﺮﻭﺣﻪ ﻣﻼﺑﺲ ﻛﺎﻥ ﻛﻞ ﻫﻤﻪ ﺍﺣﻨﻪ ﻭﻣﻴﺮﺗﺎﺡ ﺧﻄﻴﻪ ﻳﻄﻠﻊ ﺍﻟﺼﺒﺢ ﻳﺠﻲ ﺑﺎﻟﻠﻴﻞ .. ﺍﻧﻲ ﺣﺴﻴﺖ ﻧﻔﺴﻲ ﻛﺒﺮﺕ .. ﻭﻣﺮﻳﺖ ﺑﺘﺠﺮﺑﻪ ﺧﻠﺘﻨﻲ ﺍﻗﻮﻯ ﺍﻧﻲ ﻣﻮ ﺳﻤﺮ ﺍﻟﻄﻔﻠﻪ ﺍﻟﺘﻔﻜﻴﺮﻫﺎ ﻣﺤﺪﻭﺩ .. ﻻ ﺍﻧﻲ ﺳﻤﺮ ﺍﻟﻲ ﻧﺴﺖ ﻛﻮﻟﺸﻲ ﻭﺭﺍﻫﺎ ﻭﻻﺯﻡ ﺗﺴﻌﻰ ﺍﻟﻤﺴﺘﻘﺒﻠﻬﺎ ﻭﺣﻴﺎﺗﻬﺎ .. # ﺑﻘﻠﻤﻲ _ ﺷﻤﺲالعضوة: 522131 , 6 years ago
ﺻﺎﺭ ﻛﻮﻟﺸﻲ ﺑﺤﻴﺎﺗﻲ ﺩﺭﺍﺳﺘﻲ .. ﺍﺟﻲ ﻣﻦ ﺍﻟﻤﺪﺭﺳﻪ ﻟﻠﻜﺘﺐ ﺗﻌﺒﺖ ﻭﺳﻬﺮﺕ ﻭﺩﺭﺳﺖ ﺍﻟﻰ ﺍﻥ ﺍﻣﺘﺤﻨﺖ ﻭﻧﺠﺤﺖ ﻭﺍﻻﺣﻠﻰ ﻣﻦ ﺍﻟﻨﺠﺎﺡ ﻃﻠﻌﺖ ﺍﻭﻟﻰ ﻉ ﻣﺪﺭﺳﺘﻲ .. ﻭﺻﺮﺕ ﻣﺤﻂ ﺍﻧﻈﺎﺭ ﺑﺎﻟﻤﺪﺭﺳﻪ .. ﻛﻮﻟﻬﺎ ﺗﺤﺒﻨﻲ ﻭﺗﺤﺎﻭﻝ ﺗﺘﻘﺮﺑﻠﻲ ﻻﻥ ﺷﺎﻃﺮﻩ ﻭﻧﺎﺯﻛﻪ ﻭﺗﻌﺎﻣﻠﻲ ﺣﻠﻮ ﻭﻱ ﺍﻟﺒﻨﺎﺕ ﻓﺎﻟﻜﻞ ﻛﺎﻥ ﻳﺤﺒﻨﻲ .. ﺑﺲ ﻫﺬﺍ ﺍﻟﺸﻲ ﻣﺨﻼﻧﻲ ﺍﺻﻴﺮ ﻣﻐﺮﻭﺭﻩ .. ﻭﺧﺎﺻﻪ ﻣﻦ ﺍﻣﺸﻲ ﺑﺎﻟﺴﺎﺣﻪ ﻭﺍﺳﻤﻊ ﺑﻨﺎﺕ ﻳﮕﻮﻟﻮﻥ ﺷﻮﻓﻮﺍ ﻫﺬﻱ ﺍﻟﺒﻨﻴﻪ ﺷﮕﺪ ﺣﻠﻮ ﺷﻌﺮﻫﺎ ﻭﻧﺎﺯﻛﻪ .. ﻣﺎﺍﻏﺘﺮ ﺑﺎﻟﻌﻜﺲ ﺍﻓﺘﺨﺮ ﻻﻥ ﮔﺪﺭﺕ ﺍﻃﻠﻊ ﻣﻦ ﺣﺎﻟﺘﻲ ﺍﻟﺴﺎﺑﻘﻪ ﻭﺍﺧﻠﻲ ﺍﻫﺪﺍﻑ ﺍﻟﺤﻴﺎﺗﻲ . ﺣﺒﻴﺖ ﻧﻔﺴﻲ ﻛﻮﻟﺶ ﻣﻦ ﺑﻌﺪ ﻣﺎﻛﺮﻫﺘﻬﺎ ﻭﺷﮕﺪ ﺗﻤﻨﻴﺖ ﺍﻣﻮﺕ ﺑﺲ ﻫﺴﺎ ﺍﺣﺐ ﺍﻟﺤﻴﺎﺓ .. ﺍﻧﻲ ﻣﺪﺭﺳﺘﻲ ﺑﻌﻴﺪﻩ ﻭﻛﺎﻥ ﺍﻛﻮ ﺧﻂ ﻳﺎﺧﺬﻧﻲ ﻭﻳﺠﻴﺒﻨﻲ .. ﺑﺲ ﺍﻟﺨﻂ ﻛﺎﻥ ﻳﻮﮔﻒ ﻉ ﺍﻟﺸﺎﺭﻉ ﻭﺍﺣﻨﻪ ﻫﻮﺍﻳﻪ ﺑﻨﺎﺕ ﻣﻦ ﺷﺎﺭﻋﻨﺎ ﻭﻳﺎﻱ ﺑﺲ ﻛﺎﻧﻮ ﺍﺻﻐﺮ ﻣﻨﻲ .. ﻧﺘﺠﻤﻊ ﻭﻧﻨﺘﻈﺮ ﺍﻟﺨﻂ ﻳﺠﻲ .. ﻭﺍﻟﻤﺰﻋﺞ ﺑﻬﺬﺍ ﺍﻟﺸﻲ .. ﻭﻟﺪ ﻣﻨﻄﻘﺘﻨﺎ ﻳﺘﺠﻤﻌﻮﻥ ﻭﻳﺒﺎﻋﻮﻟﻨﺎ ﺍﻭ ﻳﺒﺎﻭﻋﻮﻟﻲ ﻻﻥ ﺍﻟﺒﻨﺎﺕ ﺍﻟﻲ ﻭﻳﺎﻱ ﻛﻮﻟﻬﻢ ﺻﻐﺎﺭ ﻭﻧﺎﻋﻤﺎﺕ ﻭﺍﻧﻲ ﻃﻮﻳﻠﻪ ﻭﺭﺷﻴﻘﻪ ﻭﺣﻠﻮﻩ .. ﺑﺲ ﻫﺬﺍ ﺍﻟﺸﻲ ﻣﺎﻳﺜﻴﺮ ﺍﻫﺘﻤﺎﻣﻲ .. ﺣﺘﻰ ﻫﻮﺍﻳﻪ ﻣﻨﻬﻢ ﺧﻄﺒﻮﻧﻲ .. ﺑﺲ ﻛﻨﺖ ﺍﺭﻓﺾ ﻷﻥ ﻫﺪﻓﻲ ﻭﺍﺿﺢ .. ﻉ ﺍﻟﺮﻏﻢ ﻣﻦ ﺍﻟﺤﺎﺡ ﻣﺎﻣﺎ ﻭﺭﻧﺎ ﺍﺧﺘﻲ .. ﺑﺲ ﻣﮕﺪﺭﻭﺍ ﻳﺨﻠﻮﻧﻲ ﺍﻭﺍﻓﻖ ﻣﺜﻞ ﻗﺒﻞ .. ﻻﻥ ﺻﺮﺕ ﺍﻗﻮﻯ ﻭﺍﮔﺪﺭ ﺍﻭﺍﺟﻬﻢ ﻛﻨﺖ ﺿﻌﻴﻔﻪ ﻭﺍﺳﺘﺴﻠﻢ ﺑﺴﺮﻋﻪ .. ﺻﺮﺕ ﻟﺒﻘﻪ ﺑﺎﻟﻜﻼﻡ ﻭﺍﺳﻠﻮﺑﻲ ﺣﻠﻮ ﻭﺑﻨﻔﺲ ﺍﻟﻮﻗﺖ ﻣﺮﺣﻪ ﻭﺭﻭﺣﻲ ﻓﻜﺎﻫﻴﻪ .. ﺻﺮﺕ ﺧﻠﻄﻪ ﻋﺠﻴﺒﻪ ﻫﻬﻬﻬﻪ ﺣﺘﻰ ﻛﻞ ﺍﻟﻲ ﻳﺘﻘﺮﺑﻠﻲ ﻳﺤﺒﻨﻲ .. ﺑﻬﺬﻱ ﺍﻟﻔﺘﺮﻩ ﺍﻧﺘﻘﻠﺖ ﺍﺧﺖ ﺑﻬﺎﺀ ﻣﻨﻰ ﺑﻤﻨﻄﻘﺘﻨﺎ ﮔﻌﺪﺕ ﺑﺼﻒ ﺑﻴﺖ ﺍﻫﻠﻬﺎ .. ﻣﺎﻣﺎ .. ﺳﻤﺮ ﺷﻨﻮ ﺍﺧﺬﻟﻬﺎ ﻫﺪﻳﻪ ﺣﺎﻳﺮﻩ ﻣﺘﻄﻠﻌﻴﻦ ﻧﺸﻮﻑ ﺍﻧﻲ ﻭﻳﺎﺝ .. # ﺑﻘﻠﻤﻲ _ ﺷﻤﺲ ﺳﻤﺮ .. ﻓﺮﺣﺖ ﻣﻦ ﮔﻠﺘﻠﻲ ﻣﺎﻣﺎ ﻧﺨﺘﺎﺭ ﻫﺪﻳﻪ . ﺍﺧﺘﺎﺭﻳﺘﻠﻬﻢ ﺣﺼﻴﺮﻩ ﻛﻮﻟﺶ ﺣﻠﻮﻩ ﻭﻟﻮﻧﻬﺎ ﺣﻠﻮ ﻭﻛﺒﻴﺮﻩ .. ﻣﺎﻣﺎ ﻛﻮﻟﺶ ﺗﺤﺒﻬﻢ ﻷﻥ ﻫﻢ ﺟﻴﺮﺍﻧﻨﺎ ﻣﻦ ﺍﻟﻄﻔﻮﻟﻪ .. ﺭﺍﺣﺖ ﻣﺎﻣﺎ ﻭﺍﺧﺬﺕ ﺍﻟﻬﺪﻳﻪ ﻭﺍﻧﻲ ﺑﻘﻴﺖ ﻣﻨﺘﻈﺮﻩ ﻉ ﻧﺎﺭ .. ﺗﻤﻨﻴﺖ ﺗﺠﻴﺐ ﺧﺒﺮ ﻣﻦ ﺑﻬﺎﺀ .العضوة: 522131 , 6 years ago
ﻣﺎﺍﻋﺮﻑ ﻟﻴﺶ ﻣﺸﺎﻋﺮﻱ ﺗﺠﺪﺩﺕ .. ﺍﺟﺖ ﻣﺎﻣﺎ ﻭﺣﺎﻭﻟﺖ ﺍﺧﻠﻴﻬﺎ ﺗﺤﺠﻲ ﻭﻫﻲ ﺗﻌﺮﻓﻮﻫﺎ ﻣﺘﻌﺮﻑ ﺗﻈﻢ .. ﮔﻠﺘﻠﻲ ﺧﺒﺮ ﻗﻠﺐ ﻛﻴﺎﻧﻲ ﻗﻠﺐ .. ﮔﻠﺘﻠﻲ ﻣﻨﻰ ﮔﻠﺘﻠﻬﺎ .. ﺑﻬﺎﺀ ﺑﻌﺪﻩ ﻳﺤﺐ ﺳﻤﺮ .. ﻭﻣﺴﺘﻌﺪ ﻳﺴﻮﻱ ﻛﻮﻟﺸﻲ ﺣﺘﻰ ﻳﺘﺰﻭﺟﻬﺎ .. ﻭﺧﺎﺻﻪ ﺑﻌﺪ ﻣﺎﻋﺮﻑ ﺍﻧﻔﺼﻠﺖ .. ﺳﻤﺮ .. ﻃﺮﺕ ﻣﻦ ﺍﻟﻔﺮﺡ ﺑﺪﺍﺧﻠﻲ .. ﻭﻣﻨﺘﻀﺮﻩ ﺍﻋﺮﻑ ﻣﺎﻣﺎ ﺷﻨﻮ ﺭﺩﺕ ﻋﻠﻴﻬﺎ .. ﻭﺍﻟﻔﺸﻠﻪ ﻣﺎﻣﺎ ﻣﺴﻮﻟﻔﺘﻠﻬﺎ ﻉ ﻛﻮﻟﺸﻲ .. ﺑﺄﻥ ﺍﻧﻲ ﻛﻨﺖ ﺍﺣﺒﻪ ﻭﺍﻧﺠﺒﺮﺕ ﺍﺗﺰﻭﺝ ﻭﻣﺎﮔﺪﺭﺕ ﺗﻌﻴﺶ ﻭﻱ ﺍﺑﻦ ﺧﺎﻟﻬﺎ .. ﻭﻣﺨﻠﺘﻪ ﻳﺘﻘﺮﺑﻠﻬﺎ ﻭﺍﻧﻔﺼﻠﺖ ﻋﻨﻪ .. ﻣﻨﻰ .. ﺍﻱ ﺧﺎﻟﻪ ﻭﺑﻬﺎﺀ ﻫﻢ ﺧﻄﻴﻪ ﻟﻮ ﺷﺎﻳﻔﻪ ﺷﻠﻮﻥ ﮔﻈﺎﻫﺎ ﺑﺎﻟﺴﺠﻦ ﺿﻴﻢ ﻭﻗﻬﺮ ﻭﻳﺒﺠﻲ ﺩﻡ ﻋﻠﻴﻬﺎ .. ﻭﻛﻠﻤﺎ ﻳﺨﺎﺑﺮﻧﻲ ﻳﺴﺄﻟﻨﻲ ﻋﻨﻬﺎ . ﺳﻤﺮ .. ﻣﺎﻣﺎ ﺗﺤﺠﻲ ﻭﺍﻧﻲ ﮔﻠﺒﻲ ﺣﻴﮕﻮﻑ .. ﻣﻌﻘﻮﻟﻪ ﺗﺰﻭﺟﺖ ﻭﺍﻧﻔﺼﻠﺖ ﻭﻫﻮ ﺑﻌﺪﻩ ﻳﺤﺒﻨﻲ ﻭﻣﺴﺘﻌﺪ ﻳﺘﺰﻭﺟﻨﻲ ﻣﻤﺼﺪﮔﻪ ﺍﻟﻲ ﺩﺍ ﺃﺳﻤﻌﻪ .. ﺑﻬﺎﺀ .. ﺍﺗﺼﻠﺖ ﻋﻠﻴﻪ ﻣﻨﻰ . ﺭﻓﻌﺘﻪ ﺍﻟﻮ .. ﻣﻨﻰ .. ﻳﺎﻫﻼ ﺟﺎﻳﺒﺘﻠﻚ ﺧﺒﺮ ﺑﺎﻟﺒﺎﻛﻴﺖ ﺷﻨﻮ ﺗﻨﻄﻴﻨﻲ 😉 ﻭﺍﮔﻮﻟﻪ .. ﺑﻬﺎﺀ .. ﺑﺲ ﻻ ﻋﻦ ﺳﻤﺮ .. ﻣﻨﻰ .. ﺍﻱ ﻫﻬﻬﻪ ﺑﻬﺎﺀ .. ﺩﮔﻮﻟﻲ ﺷﻤﻨﺘﻀﺮﻩ .. ﻭﺳﻮﻟﻔﺘﻠﻲ ﻛﻞ ﻛﻼﻡ ﺍﻣﻬﺎ ﻭﺍﻧﻲ ﺑﻴﻦ ﻓﺮﺣﺎﻥ ﻭﺑﻴﻦ ﻣﻤﺼﺪﮒ .. ﻣﻌﻘﻮﻟﻪ ﺳﻤﺮ ﻫﻴﺞ ﺗﺤﺒﻨﻲ .. ﻣﺎﮔﺪﺭﺕ ﺗﻌﻴﺶ ﻭﻱ ﺍﺑﻦ ﺧﺎﻟﻬﺎ ﻭﺍﻧﻔﺼﻠﺖ ﻋﻤﻮﺩﻱ .. ﮔﻠﺘﻠﻬﺎ ﺍﺳﻤﻌﻲ ﻣﻨﻰ .. ﻭﺭﺑﻲ ﺣﺘﻰ ﻟﻮ ﺍﻫﻠﻲ ﺟﺒﺮﻭﻧﻲ ﻉ ﻏﻴﺮﻫﺎ ﻫﻢ ﺍﺗﺰﻭﺟﻬﺎ ﻭﺍﻋﺰﻟﻠﻬﺎ ﺑﻴﺖ ﻭﺣﺪﻫﺎ .. ﺳﻤﺮ .. ﻃﺒﻌﺎ ﺍﻟﻜﻼﻡ ﺍﻻﺧﻴﺮ .. ﺍﻟﻲ ﮔﺎﻟﻪ ﺑﻬﺎﺀ ﻛﺎﻥ ﺑﻮﺟﻮﺩ ﻣﺎﻣﺎ .. ﻭﺍﺧﺘﻪ ﮔﻠﺘﻠﻬﺎ ﻫﻴﺞ ﻳﮕﻮﻝ … 😍 # ﺑﻘﻠﻤﻲ _ ﺷﻤﺲ ﻳﺘﺒﻊالعضوة: 522131 , 6 years ago
ﺳﻤﺮ .. ﻃﺒﻌﺎ ﻛﻼﻡ ﺍﻻﺧﻴﺮ ﺍﻟﻲ ﮔﺎﻟﻪ ﺑﻬﺎﺀ ﻛﺎﻥ ﺑﻮﺟﻮﺩ ﻣﺎﻣﺎ ﻭﺍﺧﺘﻪ ﮔﻠﺘﻠﻬﺎ ﻫﻴﺞ ﻳﮕﻮﻝ .. ﻣﻦ ﺳﻤﻌﺖ ﻫﺬﺍ ﺍﻟﻜﻼﻡ .. ﻃﺮﺕ ﻣﻦ ﺍﻟﻔﺮﺡ ﻭﺩﻣﻮﻋﻲ ﻧﺰﻟﻦ ﺗﻠﻘﺎﺋﻴﺎ ﻣﺸﺎﻋﺮ ﻣﻤﺰﻭﺟﻪ ﺑﺎﻟﺨﻮﻑ ﻣﻦ ﺍﻫﻠﻪ ﻭﻋﺪﻡ ﻣﻮﺍﻓﻘﺘﻬﻢ .. ﻭﺻﺎﺭ ﻋﻨﺪﻱ ﺣﺎﻓﺰ ﻟﻠﺪﺭﺍﺳﻪ .. ﻭﺑﺎﻟﺤﻴﺎﻩ ﺍﻧﻲ ﻋﺎﻳﺸﻪ ﻉ ﺍﻣﻞ ﺍﺳﻤﻪ ﺑﻬﺎﺀ .. ﺍﺗﺄﻣﻞ ﺍﻧﻪ ﻳﺮﺟﻊ ﺑﻴﻮﻡ ﺑﺲ ﺑﻬﺎﺀ ﻛﺎﻥ ﻣﻌﺎﻧﺪ ﻭﻱ ﺍﻫﻠﻪ ﻭﻣﻴﺮﺟﻊ ﻣﻦ ﺳﻔﺮﻩ .. ﻛﺎﻥ ﻋﻨﺪﻩ ﺍﻣﻞ ﺍﻧﻪ ﻓﺮﺍﻗﻪ ﻳﺨﻠﻲ ﺍﻣﻪ ﺗﺘﻨﺎﺯﻝ ﻭﺗﻮﺍﻓﻖ .. ﺑﺲ ﺍﻣﻪ ﻛﺎﻧﺖ ﻣﺼﺮﻩ ﻉ ﺭﻓﻀﻬﺎ .. ﻣﺮﺕ ﺍﻻﻳﺎﻡ ﻭﺑﻬﺎﺀ ﻳﺠﻲ ﻳﻮﻡ ﻭﺍﺣﺪ ﺣﺘﻰ ﻳﺸﻮﻑ ﺍﻫﻠﻪ ﺑﺲ ﺍﻧﻲ ﻣﺎﻟﻲ ﻧﺼﻴﺐ ﺑﺸﻮﻓﺘﻪ .. ﻷﻥ ﻣﺎﻛﻮ ﺍﻱ ﻭﺳﻴﻠﻪ ﻧﻠﺘﻘﻲ ﺑﻴﻬﺎ ﻭﻃﻠﻌﺘﻲ ﻣﻦ ﺍﻟﺒﻴﺖ ﻟﻠﻤﺪﺭﺳﻪ .. ﻣﺎﻛﻨﺖ ﺍﻃﻠﻊ ﺑﻌﺪﻫﺎ ﺍﻻﻱ ﻣﻜﺎﻥ .. ﺑﺲ ﺍﻓﺮﺡ ﺑﺪﺍﺧﻠﻲ ﻣﻦ ﺍﺳﻤﻊ ﺍﻧﻪ ﺍﺟﻪ ﻟﻠﻤﻨﻄﻘﻪ ﻳﻜﻔﻲ ﺍﻧﻔﺎﺳﻪ ﻗﺮﻳﺒﻪ ﻣﻨﻲ .. ﻭﻣﺮﺓ ﻛﻨﺖ ﻃﺎﻟﻌﺔ ﺭﺍﻳﺤﺔ ﻟﻠﻤﻜﺎﻥ ﺍﻟﻲ ﺍﻧﺘﻈﺮ ﺑﻲ ﺍﻟﺨﻂ ﻣﺎﻝ ﺍﻟﻤﺪﺭﺳﺔ ﻛﻨﺖ ﺑﻜﺎﻣﻞ ﺍﻧﺎﻗﺘﻲ ﻻﺑﺴﺔ ﺣﺬﺍﺀ ﺭﻳﺎﺿﻲ ﺍﺳﻮﺩ ﻧﺺ ﺑﻮﺕ ﻭﺑﻲ ﻛﺎﺑﻮﻱ ﺷﻜﻠﺔ ﻛﻮﻟﺶ ﺣﻠﻮ ﻭﻉ ﺍﻟﻤﻮﺩﻳﻞ ﻭﺷﺎﻝ ﺍﺑﻴﺾ ﻭﺟﻨﻄﺔ ﺑﻴﻀﺔ ﻭﺑﻴﻬﺔ ﻭﺭﺩﺓ ﺳﻮﺩﺓ ﻛﺒﻴﺮﺓ ﻭﺳﺎﻋﺔ ﺑﻴﻀﺔ ﻭﻋﺒﺎﻳﺔ ﺭﺍﺱ ﻃﺒﻌﺎ .. ﻭﻣﺨﻠﻴﻪ ﻋﻄﺮ ﻛﻠﺶ ﻃﻴﺐ ﺑﻴﻮﻣﻬﺔ ﻛﺎﻥ ﻋﻨﺪﻱ ﺍﻣﺘﺤﺎﻥ ﺻﻌﺐ ﻭﺍﻣﺸﻲ ﻭﺍﺭﺍﺟﻊ ﺑﻴﻨﻲ ﻭﺑﻴﻦ ﻧﻔﺴﻲ .. ﺻﺎﺭﺕ ﻋﻴﻨﻲ ﻉ ﻭﻟﺪ ﻳﻤﺸﻲ ﻣﻘﺎﺑﻴﻠﻲ .. ﻣﺎﺍﺷﻮﻑ ﺑﺲ ﺿﻬﺮﻩ ﺑﺲ ﻃﻮﻟﻪ ﻭﺟﺴﻤﻪ ﻣﻮ ﻏﺮﻳﺐ ﻋﻠﻴﻪ .. ﺍﻟﻮﻟﺪ ﻳﻤﺸﻲ ﺳﺮﻳﻊ .. ﻭﺍﻧﻲ ﻫﻢ ﻣﺴﺘﻌﺠﻠﻪ ﺧﻔﺖ ﻻﺃﺗﺄﺧﺮ ﻉ ﺍﻟﺨﻂ .. ﻭﺻﺪﻓﻪ ﺍﻟﻮﻟﺪ ﺩﺍﺭ ﻭﺟﻬﻪ ﻣﻊ ﺍﻧﻪ ﻣﻄﻠﻌﺖ ﺻﻮﺕ ﺑﺮﺟﻠﻲ ﻻﻥ ﺩﻧﻴﺎ ﺍﻟﻈﻬﺮ ﻭﺍﻟﺸﺎﺭﻉ ﻓﺎﺭﻍ ﻓﺨﻔﺖ . ﺍﺗﺒﺎﻭﻋﺖ 😲 ﻫﺬﺍ ﺑﻬﺎﺀ . ﻳﺮﺑﻲ ﮔﻠﺒﻲ ﮔﺎﻡ ﻳﺪﻭﮒ ﺳﺮﻳﻊ ﻭﻭﺟﻬﻲ ﻣﺒﺘﺴﻢ ﻣﻦ ﻭﺣﺪﻩ ﻣﺎﮔﺪﺭﺕ ﺍﺧﻔﻲ ﺍﻻﺑﺘﺴﺎﻣﻪ .. ﻭﻫﻮ ﺑﻘﻰ ﻳﺒﺎﻭﻋﻠﻲ ﺑﻠﻬﻔﻪ ﻭﻧﻈﺮﺍﺗﻪ ﻛﻮﻟﻬﺎ ﻋﺘﺐ . ﺍﺳﺘﻤﺮﻳﻨﺎ ﺑﺎﻟﻤﺸﻲ ﺍﻧﻲ ﺭﺣﺖ ﺑﺄﺗﺠﺎﻩ ﻭﻫﻮ ﺑﺄﺗﺠﺎﻩ ﻛﺎﻥ ﺭﺍﻳﺢ ﻟﻠﻤﺤﻞ .. ﺍﺭﺗﺎﺣﻴﺖ ﻫﻤﺰﻳﻦ ﻣﺎﺗﺒﻌﻨﻲ ﻭﺳﻮﻟﻒ ﻭﻳﺎﻱ .. ﺧﻔﺖ ﻟﻴﺸﻮﻓﻨﺎ ﺍﺣﺪ .. ﺍﻣﺸﻲ ﻭﺑﺪﺍﺧﻠﻲ ﻓﺮﺡ ﻣﺼﺎﻳﺮ .. ﺍﺣﺲ ﺍﻟﮕﺎﻉ ﻣﺘﺸﻴﻠﻨﻲ .. ﻭﺻﻠﺖ ﺑﺎﻟﻤﻜﺎﻥ ﺍﻟﻲ ﻧﺘﺠﻤﻊ ﺑﻲ ﻟﻠﺨﻂ .. ﻭﻋﻴﻨﻲ ﻉ ﺍﻟﻤﺤﻞ .. ﺍﮔﻮﻝ ﺑﻠﻜﻲ ﻳﻄﻠﻊ ﻭﺍﺷﻮﻓﻪ .. ﺑﻌﺪ ﺩﻗﺎﻳﻖ ﺍﻟﺘﻔﺘﺖ ﺷﻔﺘﻪ ﺟﺎﻱ ﻣﻦ ﻏﻴﺮ ﻣﻜﺎﻥ ﺑﺄﺗﺠﺎﻫﻲ .. ﺧﻔﺖ ﻟﻴﺤﺎﺟﻴﻨﻲ ﻭﺍﻟﺒﻨﺎﺕ ﻭﺍﮔﻔﺎﺕ ﺩﺭﺕ ﻭﺟﻬﻲ ﻭﺳﻮﻳﺖ ﻧﻔﺴﻲ ﻣﺸﻔﺘﻪ .. ﻫﻮ ﻫﻢ ﻏﻴﺮ ﻃﺮﻳﻘﻪ ﻭﺩﺧﻞ ﻣﺤﻞ ﻣﺎﻝ ﺣﻼﻗﻪ ﻣﻘﺎﺑﻴﻠﻨﺎ ﻭﻋﻴﻨﻪ ﻋﻠﻴﻪ ﻳﺘﺒﺎﻭﻋﻠﻲ ﻣﻦ ﺍﻟﻤﺤﻞ .. ﺑﻌﺪ ﺛﻮﺍﻧﻲ ﺍﺟﻪ ﺍﻟﺨﻂ ﻭﺭﺣﻨﺎ ﻟﻠﻤﺪﺭﺳﻪ .. ﺑﺪﺍﺧﻠﻲ ﺍﻟﻔﺮﺣﻪ ﻣﺴﺎﻳﻌﺘﻨﻲ .. ﻭﺳﻮﻟﻔﺖ ﺍﻟﺼﺪﻳﻘﺎﺗﻲ ﻭﻓﺮﺣﻮﻟﻲ . ﻷﻥ ﻣﺴﻮﻟﻔﺘﻠﻬﻢ ﻉ ﺑﻬﺎﺀ .. ﻭﺍﺧﻴﺮﺍ ﺷﻔﺘﻪ ﻣﻦ ﺑﻌﺪ ﻓﺮﺍﻕ ﺩﺍﻡ ﺍﻛﺜﺮالعضوة: 522131 , 6 years ago
ﻣﻦ ﺳﻨﻪ .. ﺧﻠﺺ ﺍﻟﺪﻭﺍﻡ ﻭﺭﺟﻌﺖ ﻟﻠﺒﻴﺖ .. ﺳﻤﺮ .. ﺍﻟﺴﻼﻡ ﻋﻠﻴﻜﻢ ﻣﺎﻣﺎ .. ﻣﺎﻣﺎ .. ﻭﻋﻠﻴﻜﻢ ﺍﻟﺴﻼﻡ .. ﺭﻭﺣﻲ ﻏﻴﺮﻱ ﻣﻼﺑﺴﺞ ﻭﺗﻌﺎﻟﻲ ﻋﻨﺪﻱ ﻛﻼﻡ ﻭﻳﺎﺝ .. ﺳﻤﺮ .. ﺷﻨﻮ ﻣﺎﻣﺎ ﮔﻮﻟﻲ ﺍﻟﻔﻀﻮﻝ ﻗﺘﻠﻨﻲ ﻣﺎﺍﺗﺤﻤﻞ .. ﺍﺑﺘﺴﻤﺖ ﻭﻣﺎﻣﺎ ﻭﮔﺎﻟﺖ .. ﺍﺣﺰﺭﻱ ﻣﻦ ﺍﺟﻪ ﺍﻟﻴﻮﻡ .. ﺳﻤﺮ .. ﻣﻨﻮ ﻭﻣﺴﺘﻐﺮﺑﻪ ?? ﻣﺎﻣﺎ .. ﺑﻬﺎﺀ ﺳﻤﺮ ﻣﻌﻘﻮﻟﻪ ﻭﺷﻨﻮ ﻳﺮﻳﺪ .. ﻣﺎﻣﺎ .. ﺍﺟﻪ ﻭﺳﻮﻟﻒ ﻭﻳﺎﻱ ﻋﻠﻴﺞ ﻭﮔﻠﻲ ﺧﺎﻟﻪ ﺳﻤﺮ ﺃﻣﺎﻧﻪ ﻳﻤﺞ ﻟﺤﺪ ﻣﺎﺍﻗﻨﻊ ﺍﻫﻠﻲ ﻭﺍﺗﻘﺪﻣﻠﻬﺎ ﻭﺍﺧﺬﻫﺎ . . ﻭﮔﻮﻟﻴﻠﻬﺎ ﺗﻨﺘﻀﺮﻧﻲ .. ﻭﺍﻧﻲ ﻣﺮﺍﺡ ﺍﺧﺬﻟﻬﺎ .. ﺳﻤﺮ .. ﻣﻦ ﺳﻤﻌﺖ ﻛﻼﻣﻬﺎ .. ﻓﺮﺣﺘﻲ ﺻﺎﺭﺕ ﻓﺮﺣﺘﻴﻦ ﻭﺍﺩﺭﻱ ﺑﺲ ﺭﺟﺎﻝ ﻭﮔﺪ ﻛﻠﻤﺘﻪ .. ﺭﺍﺡ ﺍﺑﻘﻰ ﺍﻧﺘﻈﺮﻩ ﺍﻻﺧﺮ ﻋﻤﺮﻱ ﺧﺴﺮﺗﻪ ﻣﺮﻩ ﻭﻣﺴﺘﺤﻴﻞ ﺍﺧﺴﺮﻩ ﻣﺮﻩ ﻟﺦ .. ﺣﻴﺎﺗﻲ ﺗﻐﻴﺮﺕ ﺍﻟﻰ ﻓﺮﺡ .. ﮔﻤﺖ ﺍﻃﻠﻊ ﻭﺍﺗﻮﻧﺲ ﻭﻱ ﺑﻨﺎﺕ ﺧﺎﻟﻲ ﻻﻥ ﻫﻢ ﺍﻛﺒﺮ ﻣﻨﻲ ﻭﻣﺎﻣﺎ ﻋﻨﺪﻫﺎ ﺛﻘﻪ ﺑﻴﻬﻢ .. ﻧﺮﻭﺡ ﺯﻳﺎﺭﺍﺕ ﺳﻮﻳﻪ ﻭﻟﻠﺴﻮﮒ ﻭﻃﻠﻌﺎﺕ ﻭﻭﻧﺴﺎﺕ .. ﺣﺘﻰ ﺑﺎﻟﻤﺪﺭﺳﻪ ﺿﺤﻚ ﻭﻭﻧﺴﻪ ﻭﻱ ﺻﺪﻳﻘﺎﺗﻲ ﻣﺨﻠﻴﺖ ﺍﻱ ﺷﻲ ﻳﻌﻜﺮ ﻣﺰﺍﺟﻲ ﻭﻓﺮﺣﺘﻲ ﺑﺒﻬﺎﺀ ﻭﺣﺴﻴﺖ ﻧﻔﺴﻲ ﻣﺨﻄﻮﺑﻪ ﺍﻟﻪ ﺣﻴﺪﺭ ﺍﺑﻦ ﺧﺎﻟﻮ ﺗﺰﻭﺝ ﺑﻬﺬﻱ ﺍﻟﻔﺘﺮﺓ ﻭﺻﺎﺭ ﻋﻨﺪﺓ ﻭﻟﺪ ﻭﺍﻧﻲ ﺻﺮﺕ ﺻﻒ ﺧﺎﻣﺲ ﻋﻠﻤﻲ ﻭﻣﺘﻔﻮﻗﺔ ﻛﻮﻟﺶ .. ﻣﺎﻣﺎ ﻫﻲ ﻫﻲ ﻧﻔﺴﻬﺎ ﺳﺎﻋﻪ ﺯﻳﻨﻪ ﻭﻳﺎﻱ ﻭﺳﺎﻋﻪ ﻣﺮﺿﻬﺎ ﻭﺷﻜﻬﺎ ﻳﺰﻳﺪ .. ﻣﺮﺓ ﻛﻨﺖ ﺭﺍﺟﻌﺔ ﻣﻦ ﺑﻴﺖ ﺧﺎﻟﻮ ﻃﺒﻌﺎ ﺧﺎﻟﻮ ﺟﺎﺑﻨﻲ ﺑﻨﻔﺴﻪ ﻟﺒﻴﺘﻨﺎ ﻭﻣﺮﻳﺖ ﻣﻦ ﻳﻢ ﺑﻴﺖ ﺍﻫﻞ ﺑﻬﺎﺀ ﺷﻔﺖ ﻭﻟﺪ ﮔﺎﻋﺪ ﺑﺎﻟﺒﺎﺏ ﻭﻣﻦ ﺗﻘﺮﺑﺖ ﺗﺄﻛﺪﺕ ﺍﻧﻮ ﻫﺬﺍ ﺑﻬﺎﺀ ﻓﺮﺣﺖ ﺣﻴﻞ ﻻﻥ ﺻﺎﺭ ﻫﻮﺍﻳﻪ ﻣﺴﺎﻣﻌﺔ ﺑﻲ ﺟﺎﻱ ﻟﺒﻴﺖ ﺍﻫﻠﺔ ﺿﻠﻴﺖ ﺍﻟﻠﻴﻞ ﻛﻮﻟﺔ ﺍﻓﻜﺮ ﺑﻲ ﺑﺲ ﻫﻮﺓ ﻣﺸﺎﻓﻨﻲ ﻃﺒﻌﺎ ﺛﺎﻧﻲ ﻳﻮﻡ ﺍﺟﺔ ﻟﺒﻴﺘﻨﺎ ﻭﺟﺎﻳﺐ ﺍﻛﻞ ﺛﻮﺍﺏ ﻻﻧﻪ ﺭﻣﻀﺎﻥ ﻭﻃﻠﻌﺖ ﻣﺎﻣﺎ .. ﺑﻬﺎﺀ .. ﺷﻠﻮﻧﺞ ﺧﺎﻟﻪ ﻫﺬﺍ ﺛﻮﺍﺏ ﻣﺎﻣﺎ .. ﻫﻼ ﺑﻴﻚ ﺧﺎﻟﻪ ﻭﻭﺍﺻﻞ ﺍﻥ ﺷﺎﺀ ﺍﻟﻠﻪ ﺑﺲ ﺧﺎﻟﺔ ﺑﻌﺪ ﻟﺘﺪﮒ ﺑﺎﺑﻨﺎ ﻭﺗﺠﻲ ﺃﺧﺎﻑ ﺍﺧﻮﺗﻬﺎ ﻳﺸﻜﻮﻥ .. ﻣﻦ ﺳﻤﻌﺖ ﻣﺎﻣﺎ ﻫﻴﺞ ﮔﺎﻟﺖ ﺿﺠﺖ ﺑﺲ ﻣﺎﺃﻛﺪﺭ ﺍﺣﺠﻲ .. ﺣﺘﻰ ﺻﻮﺗﺔ ﺍﻟﻲ ﻛﻨﺖ ﺍﺳﻤﻌﺔ ﻣﻦ ﻳﮕﻮﻝ ﺍﻧﻲ ﻭﻳﻔﺘﺤﻮﻟﺔ ﺍﻟﺒﺎﺏ ﺧﻠﺺ ﺑﻌﺪ ﻣﺎﺳﻤﻌﺔ ﻭﺣﺮﻣﻮﻧﻲ ﻣﻨﻪ .. ﺑﻬﺎﺀ ﻃﻮﻝ ﻫﺬﻱ ﺍﻟﻤﺮﻩ ﻋﻨﺪ ﺍﻫﻠﺔ ﻣﻮ ﻣﺜﻞ ﻛﻞ ﻣﺮﺓ ﻳﺮﺟﻊ ﺛﺎﻧﻲ ﻳﻮﻡ ﺑﻘﻴﺖ ﺍﺣﻮﺱ ﺍﺭﻳﺪ ﺍﻋﺮﻑ ﻟﻴﺶ ﻃﻮﻝ ﻫﺬﻱ ﺍﻟﻤﺮﺓ ﺑﺲ ﺍﺳﺘﺤﻲ ﺍﺳﺄﻝ ﺃﺧﻮﺍﻧﻲ ﻃﺒﻌﺎ ﺭﻗﻤﺔ ﺑﺘﻠﻔﻮﻥ ﺍﺧﻮﺍﻧﻲ ﻭﺁﻧﻲ ﺻﺎﺭ ﻋﻨﺪﻱ ﻣﻮﺑﺎﻳﻞ ﺑﺲ ﺍﺑﺪ ﻣﺎﺗﺠﺮﺃﺕ ﺍﺗﺼﻞ ﺑﻲ ﺟﻨﺖ ﺍﻃﻠﻊ ﺍﻟﺮﻗﻢالعضوة: 522131 , 6 years ago
ﻭﺍﺑﺎﻭﻉ ﻋﻠﻴﻪ ﺑﺲ ﺍﺧﺎﻑ ﺍﺗﺼﻞ ﻻﻥ ﻣﺎﺍﺭﻳﺪ ﻳﺼﻴﺮ ﺑﻴﻨﺎ ﺷﻲ ﺑﺎﻟﺤﺮﺍﻡ ﺣﺘﻰ ﻟﻮ ﺑﺲ ﻣﻮﺑﺎﻳﻞ ﻛﺎﻧﺖ ﻋﻨﺪﻱ ﻗﺎﻋﺪﺓ ﺍﻧﻪ ﺍﻱ ﺍﺛﻨﻴﻦ ﻳﺼﻴﺮ ﺑﻴﻨﻬﻢ ﺷﻲ ﺑﺎﻟﺤﺮﺍﻡ ﺍﻟﻠﻪ ﻣﻴﻮﻓﻘﻬﻢ ﻭﻧﻬﺎﻳﺔ ﺣﺒﻬﻢ ﺍﻟﻔﺸﻞ ﻭﻣﻴﺘﺰﻭﺟﻮﻥ ﻟﻬﺬﺍ ﻛﻨﺖ ﺍﺧﺎﻑ ﺍﺗﺼﻞ ﺑﻬﺎﺀ ﺑﻘﻰ ﺷﻬﺮ ﺭﻣﻀﺎﻥ ﻛﻮﻟﺔ ﻳﻢ ﺍﻫﻠﺔ ﻭﻛﻨﺖ ﻣﺮﺍﺕ ﺍﺷﻮﻓﺔ ﻣﻦ ﺍﺑﺎﻭﻉ ﻣﻦ ﺷﺒﺎﻙ ﺍﻻﺳﺘﻘﺒﺎﻝ ﻻﻥ ﻣﻀﻠﻞ ﻭﺍﻛﺪﺭ ﺍﺷﻮﻑ ﺍﻟﺸﺎﺭﻉ .. ﻛﻨﺖ ﺍﻓﺮﺡ ﻣﻦ ﺍﺷﻮﻓﺔ .. ﻃﺒﻌﺎ ﺍﻧﻲ ﺩﺍﻳﻤﺎ ﻳﻢ ﺍﻟﺸﺒﺎﻙ ﺑﻠﻜﻲ ﺍﺷﻮﻓﺔ ﻣﺮﺍﺕ ﺍﺷﻮﻑ ﺑﺲ ﺿﻬﺮﻩ ﻭﻣﺮﺍﺕ ﺍﺷﻮﻑ ﺷﻜﻠﺔ ﻛﺎﻧﺖ ﺍﻟﺪﻧﻴﺔ ﻣﺎﺗﻮﺳﻊ ﻓﺮﺣﺘﻲ ﻣﻦ ﺍﺷﻮﻓﺔ ﺍﻗﻀﻲ ﺍﻟﻴﻮﻡ ﻛﻠﻮ ﻓﺮﺣﺎﻧﺔ ﻭﺍﻏﻨﻲ .. ﻛﺎﻧﺖ ﻫﺬﻱ ﻣﺸﺎﻋﺮﻱ ﻣﻘﺘﺼﺮﻩ ﺑﺪﺍﺧﻠﻲ ﺍﻣﻨﻴﺘﻲ ﻋﻨﺪﻱ ﺍﺣﺪ ﺍﺳﻮﻟﻔﻠﻪ ﺍﺧﺖ ﺍﻭ ﺍﺣﺪ ﻗﺮﻳﺐ ﻋﻠﻴﻪ .. ﺑﺲ ﻟﻼﺳﻒ ﺩﺍﻳﻤﺎ ﺍﺣﺲ ﻧﻔﺴﻲ ﻭﺣﻴﺪﻩ ️☹.. # ﺑﻘﻠﻤﻲ _ ﺷﻤﺲ ﻳﺘﺒﻊالعضوة: 522131 , 6 years ago
ﺃﻋﺸﻖ ﺭﺟﻼً ﻟﻢ ﺃﺻﺎﺩﻑ ﻣﺜﻠﻪ ﻋﻠﻰ ﺃﺭﺽ ﺧﻄﺖ ﻗﺪﻣﺎﻯ ﻋﻠﻴﻬﺎ ﻓﻬﻮ ﻣﻦ ﻋﺼﻮﺭ ﺍﻟﺮﺟﺎﻝ ﻭ ﺃﻻﺳﺎﻃﻴﺮ ﺍﻟﻘﺪﻳﻤﺔ ﻫﻮ ﺣﻠﻢ ﻛﻞ ﺃﻧﺜﻰ ﺷﺮﻗﻴﺔ ﺗﺮﻳﺪ ﺃﻻﻣﺎﻥ ﻫﻮ ﺃﻣﻨﻴﺔ ﻛﻞ ﺃﻣﺮﺍﺀﻩ ﺭﻭﻣﻴﺔ ﺗﺮﻳﺪ ﺍﻟﺠﻨﻮﻥ ﻭ ﺃﻧﺎ ﺃﺣﻤﺪ ﺭﺑﻰ ﻋﻠﻰ ﺃﻧﻰ ﻣﻠﻜﺖ ﻗﻠﺒﻪ ﺍﻟﻤﻼﺋﻜﻰ ﻭ ﻟﻦ ﺃﻛﻮﻥ ﺳﻮﺍ ﺑﻴﻦ ﻳﺪﻳﻪ ﻃﻴﻠﺔ ﺃﻳﺎﻣﻰ ﻭ ﺳﻨﻴﻨﻲ … ️❤ ﺑﻬﺬﻱ ﺍﻟﻔﺘﺮﻩ ﺗﻘﺪﻣﻠﻲ ﻭﻟﺪ ﺟﻴﺮﺍﻧﻪ ﻣﻮﺍﺻﻔﺎﺗﻪ ﻛﻮﻟﻬﺎ ﺯﻳﻨﻪ ﻭﺣﻠﻮ ﺣﺘﻰ ﺍﺣﻠﻰ ﻣﻨﻲ ﺑﻬﻮﺍﻳﻪ .. ﺑﻴﺘﻬﻢ ﻭﺭﺍﻧﻪ ﻭﺩﺯ ﺍﻣﻪ ﺍﻛﺜﺮ ﻣﻦ ﻣﺮﻩ ﻫﻮ ﻣﻮﺿﻒ ﻭﺑﻴﺘﻪ ﻭﺣﺪﻩ ﻳﻌﻨﻲ ﻛﺎﻣﻞ ﺍﻟﻤﻮﺍﺻﻔﺎﺕ ﻣﺜﻞ ﻣﻴﮕﻮﻟﻮﻥ .. ﻃﺒﻌﺎ ﻣﺎﻣﺎ ﻭﺧﺎﻟﺘﻲ ﻭﺍﺧﺘﻲ ﺳﻮﻥ ﻋﻠﻴﻪ ﺣﺰﺏ ﻋﺒﺮ ﺍﻟﻤﻮﺑﺎﻳﻞ .. # ﺑﻘﻠﻤﻲ _ ﺷﻤﺲ ﺭﻧﺎ .. ﻭﺍﻓﻘﻲ ﻭﻳﻦ ﺗﻠﮕﻴﻦ ﻫﻴﺞ ﻗﺴﻤﻪ ﻭﺑﻴﺖ ﻭﺣﺪﻩ . ﺧﺎﻟﺘﻲ .. ﻟﺞ ﻟﻴﺶ ﻣﺘﻮﺍﻓﻘﻴﻦ ﺍﺫﺍ ﺍﻟﻮﻟﺪ ﻣﺸﺘﺮﻳﺞ ﻭﻳﮕﻮﻝ ﺍﻗﺒﻞ ﺑﻜﻞ ﺷﺮﻭﻃﻬﺎ . ﺍﻧﻲ ﺍﺣﺘﺎﺭﻳﺖ ﺷﻨﻮ ﺍﺳﻮﻱ .. ﺩﺍ ﻳﻀﻐﻄﻦ ﻋﻠﻴﻪ ﻣﻦ ﻛﻞ ﺟﺎﻧﺐ ﻭﻣﺤﺪ ﻳﻔﻜﺮ ﺑﻴﻪ ﺷﻨﻮ ﺍﺭﻳﺪ ﺍﻧﻲ .. ﺗﺎﻟﻲ ﻋﻄﺖ ﺑﻴﻬﻦ ﻭﺗﻌﺎﺭﻛﺖ ﻭﻳﺎﻫﻦ ﻭﺧﺎﻟﺘﻲ ﺯﻋﻠﺖ ﻭﻣﺎﻣﺎ ﻫﻢ ﺍﻡ ﺍﻟﻮﻟﺪ ﻣﺼﺮﻩ ﺑﻘﺖ ﺗﺮﻭﺡ ﻭﺗﺮﺟﻊ ﻋﻠﻴﻨﺎ .. ﺍﺧﺬﺗﻠﻬﺎ ﺍﻳﺎﻡ ﻉ ﻫﺬﻱ ﺍﻟﺤﺎﻟﻪ ﻭﺑﻄﻠﺖ ﺗﺠﻲ ﺑﻌﺪ .. ﻭﺍﺧﻴﺮﺍ ﺧﻠﺼﺖ ﻣﻨﻬﺎ .. ﺑﺲ ﺍﻫﻠﻲ ﺑﺪﺍﻭ ﻳﺸﻜﻮﻥ ﺑﻴﻪ .. ﻻﻥ ﺍﻱ ﺍﺣﺪ ﻳﺘﻘﺪﻣﻠﻲ ﺍﺭﻓﺾ ﺣﺘﻰ ﻟﻮ ﻣﺎﺑﻲ ﺍﻱ ﻋﻴﺐ ﺑﺴﺮﻋﻪ ﺍﺭﻓﺾ ﻭﻣﻦ ﻏﻴﺮ ﺗﻔﻜﻴﺮ .. ﻭﺍﻟﻲ ﺯﺍﺩ ﺷﻜﻬﻢ ﺑﻬﺎﺀ ﺑﺪﺃ ﻳﺘﻘﺮﺑﻠﻬﻢ ﻭﮔﺎﻡ ﻳﺸﺘﻐﻞ ﻭﻳﺎﻫﻢ ﺑﺄﺳﻮﺍﻕ ﻣﺎﻝ ﺟﻤﻠﻪ ﻣﻮﺍﺩ ﻏﺬﺍﺋﻴﻪ ﻭﻛﺬﺍ .. ﻫﻮ ﻣﺎﺣﺴﺐ ﺣﺴﺎﺏ ﺍﻧﻪ ﺍﺧﻮﺍﻧﻲ ﻳﺸﻜﻮﻥ .. ﻭﻛﺎﻥ ﻟﻤﺎ ﺗﻤﺮ ﺳﻴﺎﺭﺓ ﺍﻟﺨﻂ ﻣﺎﻟﺘﻨﺎ ﻳﺘﺮﻙ ﻛﻮﻟﺸﻲ ﺑﻴﺪﻩ ﻭﻳﻄﻠﻊ ﺑﺮﻩ ﺍﻟﻤﺤﻞ ﻟﺤﺘﻰ ﻳﺸﻮﻓﻨﻲ .. ﻭﻫﺬﺍ ﺍﻟﺸﻲ ﺷﺪ ﺍﻧﺘﺒﺎﻩ ﺍﺧﻮﺍﻧﻲ .. ﻻﻥ ﻛﻞ ﻳﻮﻡ ﺗﺘﻜﺮﺭ .. ﺍﻧﻲ ﺍﺷﻮﻓﻪ ﻣﻦ ﺑﻌﻴﺪ ﺑﺲ ﻣﻦ ﺍﺗﻘﺮﺏ ﻟﻠﻤﺤﻞ ﺍﻧﺼﻲ ﺭﺍﺳﻲ ﻟﻮ ﺍﺳﻮﻱ ﻧﻔﺴﻲ ﺍﺣﺠﻲ ﻭﻱ ﺻﺪﻳﻘﺘﻲ ﺣﺘﻰ ﻟﻴﺸﻮﻓﻮﻧﻲ ﺍﺧﻮﺍﻧﻲ ﻭﻳﺸﻜﻮﻥ ﺑﻴﻪ .. ﺭﺿﺎ ﺍﺧﻮﻳﻪ ﺻﺎﺭ ﻋﻠﻰ ﻳﻘﻴﻦ ﺍﻧﻪ ﺑﻬﺎﺀ ﻋﻨﺪﻩ ﺷﻲ ﻭﻳﺎﻱ .. ﻻﻥ ﺍﻟﻲ ﻭﻳﺎﻱ ﻛﻮﻟﻬﻦ ﺻﻐﺎﺭ ﻣﺎﻣﻤﻜﻦ ﺩﻳﺘﺒﺎﻭﻋﻠﻬﻦ .. ﺭﺿﺎ ﺭﺍﺡ ﺍﻻﺧﻮ ﺑﻬﺎﺀ ﺍﻟﻜﺒﻴﺮ .. ﻭﮔﻠﻪ ﺍﺧﻮﻙ ﺩﺍ ﻳﺘﻌﺮﺽ ﺍﻻﺧﺘﻲ ﻭﻫﺬﺍ ﺍﻟﺸﺊ ﻋﻴﺐ ﻭﺍﻧﻲ ﺳﺎﻛﺖ ﺍﻟﺨﺎﻃﺮﻛﻢ .. ﺍﺧﻮ ﺑﻬﺎﺀ ﻭﺍﺣﺪ ﻛﺮﻳﻪ ﻭﻋﻨﺪﻩ ﻣﺸﺎﻛﻞ ﻭﻱ ﺑﻬﺎﺀ ﻭﻋﻼﻗﺘﻪ ﻣﻮ ﺯﻳﻨﻪ ﻭﻳﺎﻩ .. ﻓﻠﮕﺎﻫﺎ ﻓﺮﺻﻪ ﻭﮔﻞ ﺍﻻﻫﻠﻪ ﻭﺻﺎﺭﺕ ﻣﺸﺎﻛﻞ ﻭﮔﻠﻮﻟﻪ ﻟﻮ ﺗﺒﻘﻰ ﺍﺧﺮ ﺑﻨﻴﻪ ﻣﺘﺘﺰﻭﺟﻬﺎ .. # ﺑﻘﻠﻤﻲ _ ﺷﻤﺲ ﺑﻬﺎﺀ ﻣﻦ ﺷﺎﻑ ﺍﻟﻜﻞ ﺣﺎﺭﺑﻪ ﻗﺮﺭ ﻳﺮﺟﻊ ﻟﻠﺒﺼﺮﻩ .. ﺍﻧﻲ ﺳﻤﻌﺖ ﺍﻟﺨﺒﺮ ﻣﻦ ﺑﻨﺖ ﺍﺧﺘﻪ .. ﮔﻠﺘﻠﻲ ﺧﺎﻟﻮ ﺑﻬﺎﺀ ﺣﻴﺮﺟﻊ ﺑﺎﺟﺮ ﻟﻠﺒﺼﺮﻩ .. ﻣﺎﺍﻋﺮﻑ ﺷﻨﻮ ﺻﺎﺭ ﺑﻴﻪ ﻣﺘﺖ ﺑﺠﻲ ﺍﺭﻳﺪ ﺑﺲ ﺍﺷﻮﻑ ﻭﺍﮔﻮﻟﻪ ﻟﺘﺮﻭﺡ .. ﺍﻧﻲ ﻣﺎﺻﺪﻛﺖ ﺭﺟﻊ ﻛﺎﻥ ﺭﻣﻀﺎﻥ ﻭﺍﻟﺸﺒﺎﺏ ﻛﻮﻟﻬﺎ ﺑﺎﻟﺸﺎﺭﻉ ﻭﺍﻧﻲ ﻭﺍﻛﻔﻪ ﻣﻦ ﺷﺒﺎﻙالعضوة: 522131 , 6 years ago
ﺍﻟﻤﻄﺒﺦ ﺍﻟﺸﺒﺎﻙ ﺍﻻﺳﺘﻘﺒﺎﻝ ﺍﻟﻤﻈﻠﻞ ﺍﻟﺒﺎﺏ ﺍﻟﺸﺎﺭﻉ ﺑﻲ ﺯﺭﻑ ﺻﻐﻴﺮ ﺍﺑﺎﻭﻉ ﻣﻨﻪ .. ﺭﺩﺕ ﺑﺲ ﺍﻟﻤﺤﻪ ﻭﻣﺴﺘﻌﺪﻩ ﺍﺣﺠﻲ ﻭﻳﺎﻩ ﻭﻣﺎﺍﺧﺎﻑ ﻣﻦ ﺍﻱ ﺷﻲ ﺭﺩﺕ ﺍﮔﻮﻟﻪ ﻟﺘﺮﻭﺡ .. ﺑﺲ ﻣﺎﺍﺟﻪ ﻭﺩﻣﻌﺘﻲ ﺑﻌﻴﻨﻲ ﻣﺎﻧﺸﻔﺖ .. ﻟﻠﺼﺒﺢ ﻣﺎﺍﺟﺎﻧﻲ ﻧﻮﻡ ﺍﻟﺴﺎﻋﻪ ﺏ 8 ﺍﻟﺼﺒﺢ ﻧﻤﺖ ﻭﺍﻧﻲ ﻣﺘﺄﻛﺪﻩ ﻫﺴﺎ ﻋﺒﺮ ﻃﺮﻳﻖ ﻛﺮﺑﻼﺀ ﻭﺩﺧﻞ ﻏﻴﺮ ﻣﺤﺎﻓﻀﻪ . ﺑﻴﻮﻣﻬﺎ ﻛﺮﻫﺖ ﺍﻫﻠﻲ ﻷﻥ ﻫﻢ ﺍﻟﺴﺒﺐ ﺣﺎﺭﺑﻮﻩ ﻭﺑﻌﺪﻭﻩ ﻋﻨﻲ ﻭﻫﻮ ﺍﺻﻼ ﻣﺎﻛﺎﻥ ﻳﺘﻘﺮﺑﻠﻲ ﺍﻭ ﻳﺘﻌﺮﺿﻠﻲ .. ﻣﺠﺮﺩ ﻧﻈﺮﻩ ﻭﺣﺘﻰ ﺍﻟﻨﻈﺮﻩ ﺣﺮﻭﻣﻨﺎ ﻣﻨﻬﺎ ..️☹ ﺭﺍﺡ ﺑﻬﺎﺀ ﻭﺣﺮﻣﻨﻲ ﻣﻦ ﺷﻮﻓﺘﻪ ﺍﻟﻲ ﻛﺎﻧﺖ ﺍﻗﺼﻰ ﻃﻤﻮﺣﻲ ﺑﻘﻴﺖ ﻓﺘﺮﺓ ﻃﻮﻳﻠﺔ ﺣﺰﻳﻨﺔ ﻭﺍﻟﻀﺤﻜﺔ ﻓﺎﺭﮔﺘﻨﻲ ﮔﻤﺖ ﺍﺿﺤﻚ ﻛﺬﺏ ﺗﻤﺮﺿﺖ ﺍﻛﺜﺮ ﻣﻦ ﻣﺮﺓ ﻭﺑﺲ ﺻﺪﻳﻘﺎﺗﻲ ﻛﺎﻧﻮ ﻳﺤﺴﻮﻥ ﺑﻴﺔ ﻣﺤﺪ ﺍﻟﻲ ﻭﺍﺷﻜﻴﻠﺔ ﻛﻠﻬﻢ ﮔﻠﻮﻟﻲ ﺍﻧﺴﻲ ﺥﻻﺹ ﺑﻌﺪ ﻣﺴﺘﺤﻴﻞ ﻳﺎﺧﺬﺝ ﻻﻥ ﺍﻫﻠﺔ ﺭﺍﻓﻀﻴﻦ ﺗﻤﺎﻣﺎ ﻭﻫﻮﺓ ﺷﺎﻑ ﺍﻟﺼﺪ ﻣﻦ ﺍﺧﻮﺍﻧﻲ ﻭﺣﺘﺔ ﻣﻦ ﺍﻣﻲ ﺍﻟﻲ ﺗﺪﺭﻱ ﺑﻲ ﺭﺍﻳﺪﻧﻲ ﺑﻠﺢﻻﻝ ﺣﺘﺔ ﺍﻣﻲ ﮔﻠﺘﻠﻲ ﺍﻧﺴﻲ ﻭﻋﻴﺸﻲ ﻟﻨﻔﺴﺢ ﻟﻮﻟﺪ ﺭﺍﺡ ﻭﻫﺎﻟﻤﺮﺓ ﻣﺴﺘﺤﻴﻞ ﻳﺮﺟﻊ ﻻﻥ ﻃﻠﻊ ﻣﻦ ﺑﻴﺖ ﺍﻫﻠﺔ ﺑﻤﺸﻜﻠﺔ ﻛﺒﻴﺮﺓ .. ﻛﺎﻥ ﺍﻟﻤﻔﺮﻭﺽ ﻫﻲ ﺍﻟﻲ ﺗﺤﺲ ﺑﻴﻪ ﻻﻥ ﻛﺎﻧﺖ ﺗﻌﺮﻑ ﻛﻮﻟﺸﻲ ﻭﺗﺪﺭﻱ ﺑﻲ ﻳﺤﺒﻨﻲ ﻭﻣﺴﺘﻌﺪ ﻳﺴﻮﻱ ﻛﻮﻟﺸﻲ .. ﺑﺲ ﺍﺩﺭﻱ ﺑﻴﻬﺎ ﻣﺎﻋﻨﺪﻫﺎ ﺭﺃﻱ ﺛﺎﺑﺖ .. ﻫﻢ ﻳﺤﺠﻮﻥ ﻫﻴﺞ ﻭﻣﻴﺪﺭﻭﻥ ﮔﻠﺒﻲ ﻣﻨﻄﻲ ﻭﻋﺪ ﺍﻧﻪ .. ﻣﺎﻛﻮ ﻏﻴﺮ ﺑﻬﺎﺀ ﻳﺪﺧﻞ ﺣﻴﺎﺗﻲ .. ﺍﻧﻲ ﺭﻫﻨﺖ ﺍﻟﻪ ﮔﻠﺒﻲ ﻣﻦ ﻳﻮﻡ ﺍﻟﻲ ﺗﻼﻗﺖ ﻋﻴﻮﻧﻪ ﻭﻣﺴﺘﺤﻴﻞ ﺍﺧﺬﻟﻪ .. # ﺑﻘﻠﻤﻲ _ ﺷﻤﺲ ﻣﺮﺕ ﺍﺷﻬﺮ ﻭﻧﺠﺤﺖ ﻣﻦ ﺍﻟﺨﺎﻣﺲ ﻭﺻﺮﺕ ﺳﺎﺩﺱ ﻃﺒﻌﺎ ﻭﺑﺘﻔﻮﻕ ﻛﺎﻟﻌﺎﺩﺓ .. ﺑﻬﺎﺀ ﻣﺎﻧﺴﻴﺘﺔ ﺑﺲ ﺣﺎﻭﻟﺖ ﺍﺗﻨﺎﺳﺎ ﺣﺘﻰ ﻣﺎﺍﻧﺼﺪﻡ ﺍﺫﺍ ﻓﺪ ﻳﻮﻡ ﺳﻤﻌﺖ ﺑﻲ ﺗﺰﻭﺝ ﻻﻥ ﻏﻴﺎﺑﻪ ﻃﻮﻝ ﻭﻣﺎﻛﻮ ﺍﻱ ﺧﺒﺮ ﻋﻨﻪ .. ﻛﻨﺖ ﺣﺘﺔ ﺍﻟﻨﻈﺮﺓ ﻣﺤﺮﻣﺘﻬﺔ ﻉ ﺭﻭﺣﻲ ﻭﺍﮔﻮﻝ ﻻﻣﺎﺍﺧﻮﻥ ﺑﻬﺎﺀ ﺣﺘﻰ ﻟﻮ ﺑﻨﻈﺮﺓ ﻛﺎﻥ ﻋﺎﻳﺶ ﺑﮕﻠﺒﻲ ﺑﺲ ﺷﻠﺖ ﻓﻜﺮﺓ ﺍﻧﻪ ﻧﺮﺗﺒﻂ ﻻﻥ ﻛﻠﺸﻲ ﺑﺤﻴﺎﺗﻲ ﻭﺍﻛﻒ ﺿﺪ ﻫﺎﻱ ﺍﻟﻔﻜﺮﺓ ﺣﻄﻴﺖ ﺑﺒﺎﻟﻲ ﺍﺣﺘﻤﺎﻝ ﺍﻧﻪ ﺑﻬﺎﺀ ﻣﻤﻜﻦ ﻳﺘﺰﻭﺝ ﻏﻴﺮﻱ ﻭﻳﻌﻴﺶ ﺣﻴﺎﺗﺔ ﻋﺎﺩﻱ ﺣﺘﺔ ﻣﺎﺍﻧﺼﺪﻡ .. # ﺑﻘﻠﻤﻲ _ ﺷﻤﺲ ﺑﻬﺎﺀ .. ﻣﻦ ﻳﻮﻡ ﺍﻟﻲ ﻃﻠﻌﺖ ﻣﻦ ﻛﺮﺑﻼﺀ ﻭﺍﻧﻲ ﺗﻔﻜﻴﺮﻱ ﻛﻮﻟﻪ ﺑﺴﻤﺮ ﺍﻫﻠﻲ ﻳﻜﻠﻮﻟﻲ ﺍﺭﺟﻊ ﻭﺍﻣﻲ ﺗﺘﻮﺳﻞ ﺑﻴﻪ ﻭﮔﻠﺘﻠﻬﺎ ﻣﺎﺍﺭﺟﻊ ﺍﻻ . ﺗﺨﻄﺒﻴﻠﻲ ﺳﻤﺮ ..العضوة: 522131 , 6 years ago
ﺳﻤﺮ .. ﺍﻫﻠﻲ ﮔﺎﻣﻮ ﺑﻜﻞ ﺍﻟﻄﺮﻳﻖ ﻳﻮﺻﻠﻮﻟﻲ ﺍﺧﺒﺎﺭ ﻋﻦ ﺑﻬﺎﺀ ﻭﻳﮕﻮﻟﻮﻥ ﺣﻴﺨﻄﺐ ﻭﺣﺪﻩ ﻣﻦ ﺍﻗﺎﺭﺑﻪ .. ﻛﻞ ﻧﻴﺘﻬﻢ ﻳﺨﻠﻮﻧﻲ ﺍﻓﻘﺪ ﺍﻻﻣﻞ ﻭﺍﻭﺍﻓﻖ ﺍﺗﺰﻭﺝ ﻏﻴﺮﻩ .. ﻛﺎﻧﺖ ﺻﺪﻣﺔ ﮔﺒﻴﺮﻩ ﺑﺎﻟﻨﺴﺒﻪ ﺍﻟﻲ .. ﺑﺲ ﻫﺎﻟﻤﺮﻩ ﻣﺎﺑﺠﻴﺖ .. ﻭﻻ ﺗﻤﺮﺿﺖ ﻗﺮﺭﺕ ﺍﻛﻮﻥ ﻗﻮﻳﻪ ﻭﺍﺧﺬ ﺷﻬﺎﺩﺗﻲ ﻭﺍﻋﺘﻤﺪ ﻉ ﻧﻔﺴﻲ .. ﺍﻧﻲ ﻣﻮ ﺍﻭﻝ ﻭﺣﺪﻩ ﺗﺤﺐ ﻭﻣﺘﺎﺧﺬ ﺣﺒﻴﺒﻬﺎ .. ﻃﺒﻌﺎ ﺍﻧﻲ ﺍﺣﺠﻲ ﻫﻴﺞ ﺣﺘﻰ ﺍﻗﻮﻱ ﻧﻔﺴﻲ ﺑﺲ ﺩﺍﺧﻠﻲ ﺣﻄﺎﻡ ﻭﺍﻟﻢ ﻭﻗﻬﺮ .. ﻭﻣﻤﺼﺪﮔﻪ ﺑﻴﻬﻢ ﺍﮔﻮﻝ ﻫﻮ ﻧﻄﺎﻧﻲ ﻭﻋﺪ ﺑﻌﻴﻮﻧﻪ ﺍﻧﻪ ﻣﺎﻳﺘﺮﻛﻨﻲ ﻭﮔﻠﻲ ﺍﻧﺘﻈﺮﻳﻨﻲ ﻣﺴﺘﺤﻴﻞ ﻳﺨﻠﻒ ﺑﻮﻋﺪﻩ .. ﻻ ﺃﺫﻛُﺮ ﺃﻧﻲ ﺃﺣﺒﺒﺖُ ﺷﻲﺀ ﻓﻲ ﻫﺬﺍ ﺍﻟﻌﺎﻟﻢّ ﺍﻟﻤُﺮﺗﺒﻚ ﺑﻘﺪّﺭ ﻣﺎ ﺃﺣﺒﺒﺖُ ﺷﻌُﻮﺭ # ﺍﻟﻄﻤﺄﻧﻴﻨﺔ ﺍﻟﺬﻱ ﺗُﻬﺪﻳﻨِﻲ ﺇﻳﺎﻫﺎ # ﻋﻴﻨﺎﻙ ~,❣ # ﺑﻘﻠﻤﻲ _ ﺷﻤﺲ ﻳﺘﺒﻊالعضوة: 522131 , 6 years ago
بأجر نشالله اكمل الجزاء الباقيهالعضوة: 675045 , 6 years ago
تمالعضوة: 242721 , 6 years ago
@user-522131 وينك مختفية ، ماكملتي االقصة