ﺍﻟﻘﺼﻪ ﺣﻘﻴﻘﻴﻪ %100 ﻭﺻﺎﺣﺒﺔ ﺍﻟﻘﺼﺔ ﻣﺘﺎﺑﻌﻪ ..
ﻭﻋﺪ ﺍﻟﻌﻴﻮﻥ .. ﺍﺻﺪﻕ ﻭﻋﻮﺩ ﺍﻟﺤﺐ ..
ﺍﻟﻌﻴﻦ ﺗﺴﺎﻋﺪﻧﺎ ﻓﻲ ﺑﻌﺾ ﺍﻟﻤﻮﺍﻗﻒ .. ﻓﻬﻲ ﺗﻨﻄﻖ ﺑﻜﻠﻤﺎﺕ ﻟﻢ ﻧﺴﺘﻄﻴﻊ ﺍﻟﺘﻔﻮﻩ ﺑﻬﺎ ..
ﻓﻬﻨﺎﻙ ﻣﻦ ﻳﺘﻐﺰﻝ ﻭﻳﺘﻜﻠﻢ ﺑﺤﺒﻪ ﻟﻴﻼ ﻭﻧﻬﺎﺭﺍ ﻟﻜﻨﻪ ﻻﻳﻌﺮﻑ ﻣﻦ ﺍﻟﺤﺐ ﺷﻴﺌﺎ .. ﻭﻫﻨﺎﻙ ﻣﻦ ﻳﺠﻌﻞ ﻋﻴﻨﻴﻪ ﻫﻲ ﺍﻟﺘﻲ ﺗﺘﻜﻠﻢ ﻋﻦ ﻣﺸﺎﻋﺮﻩ ﻭﺣﺒﻪ .. ﻭﻛﺎﻥ ﺍﺻﺪﻕ ﻭﻋﺪ ﻫﻮ ﻭﻋﺪ ﺍﻟﻌﻴﻮﻥ !!.. # ﺷﻤﺲ
ﻣﺮﺣﺒﺎ ﺣﺒﺎﻳﺐ .. ﺍﺣﺐ ﺍﻋﺮﻓﻜﻢ ﻋﻦ ﻧﻔﺴﻲ ﺍﺳﻤﻲ ﺳﻤﺮ ﻣﻦ ﻛﺮﺑﻼﺀ ﻋﻤﺮﻱ ﺣﺎﻟﻴﺎ 21 ﺳﻨﻪ .. ﻣﻮﺍﺻﻔﺎﺗﻲ ﺁﻧﺔ ﺣﻨﻄﺎﻭﻳﺔ ﻭﺷﻌﺮﻱ ﺑﻨﻲ ﻋﻴﻮﻧﻲ ﻋﺴﻠﻲ ﻭﻃﻮﻟﻲ 165 ﺭﺷﻴﻘﺔ ﻭﺟﺴﻤﻲ ﻛﻠﺶ ﺣﻠﻮ ﻭﻣﻠﻔﺖ ﻛﻮﻟﻬﺎ ﺗﺸﺒﻬﻨﻲ ﺑﺎﻟﻤﻤﺜﻠﺔ ﺍﻟﻤﺼﺮﻳﺔ ﻣﻨﺔ ﺷﻠﺒﻲ ..
ﺣﺒﻴﺖ ﺍﺳﺮﺩ ﺍﻟﻜﻢ ﻗﺼﺘﻲ .. ﻻﻧﻬﺎ ﻗﺼﻪ ﺍﺟﺘﻤﺎﻋﻴﻪ ﻭﻣﻤﻜﻦ ﺗﺼﻴﺮ ﻣﻊ ﻫﻮﺍﻳﺔ ﺑﻨﺎﺕ ﻭﻋﺎﻧﻮﺍ ﻣﺜﻠﻲ ﺍﻭ ﺍﻛﺜﺮ ..
ﺭﺍﺡ ﺍﺑﺪﻱ ﺑﻘﺼﺘﻲ ﻣﻦ ﺍﻭﻝ ﻣﻔﺘﺤﺖ ﻭﻋﺮﻓﺖ ﺍﻟﺪﻧﻴﺎ ﺍﻭﻝ ﻣﻮﻋﻴﺖ ﻉ ﺍﻟﺪﻧﻴﺎ ﻟﮕﻴﺖ ﻣﺎﻣﺎ ﻭﺑﺎﺑﺎ ﻣﻨﻔﺼﻠﻴﻦ ..
ﺍﻧﻲ ﻭﻣﺎﻣﺎ ﻭﺍﺧﻮﺍﻧﻲ ﻋﺎﻳﺸﻴﻦ ﺑﺒﻴﺖ ﺧﺎﻟﻲ ﻛﻮﻟﻨﺎ ﺑﻐﺮﻓﺔ ﻭﺣﺪﺓ ﻭﻭﻳﺎﻧﺔ ﺑﻴﺒﻴﺘﻲ ﺍﻡ ﻣﺎﻣﺎ ..
ﻃﺒﻌﺎ ﺍﻧﻲ ﻋﻨﺪﻱ 3 ﺧﻮﺍﻥ .. ﺍﺧﺘﻲ ﺍﻟﻜﺒﻴﺮﻩ ﺍﺳﻤﻬﺎ ﺭﻧﺎ ﻭﺍﺧﻮﻳﺔ ﺭﺿﺎ ﺫﻭﻟﻲ ﻣﻦ ﻏﻴﺮ ﺍﺏ ﻻﻥ ﻣﺎﻣﺎ ﻛﺎﻧﺖ ﻣﺘﺰﻭﺟﻪ ﻗﺒﻞ ﺑﺎﺑﺎ ..
ﻭﻋﻨﺪﻱ ﺍﺧﻮ ﻭﺍﺣﺪ ﻣﻦ ﻣﺎﻣﺎ ﻭﺑﺎﺑﺎ ﺍﺳﻤﻪ ﺍﺣﻤﺪ ..
ﻃﺒﻌﺎ ﻋﻨﺪﻱ ﺍﺧﻮﺍﻥ ﻫﻮﺍﻳﺔ ﻣﻦ ﺍﺑﻮﻳﺔ ﺑﺲ ﻣﺎﺍﻋﺮﻓﻬﻢ ﻭﻻ ﻋﻤﺮﻱ ﺷﺎﻳﻔﺘﻬﻢ ﻋﺸﻨﺎ ﺣﻴﺎﺓ ﺻﻌﺒﺔ ﻛﻮﻟﺶ ﻻﻥ ﺍﻣﻲ ﻣﻜﺎﻧﺖ ﺗﻘﺒﻞ ﺍﻧﻮ ﺑﺎﺑﺎ ﻳﺠﻲ ﻳﺴﺄﻝ ﻋﻠﻴﻨﺔ ﻭﻻ ﺗﻘﺒﻞ ﺣﺘﺔ ﻳﻮﺻﻞ ﻟﺒﻴﺘﻨﺎ ﻛﻨﺖ ﺍﺟﻬﻞ ﺍﻟﺴﺒﺐ .. ﺍﻟﻲ ﺧﻼﻫﻢ ﻳﻨﻔﺼﻠﻮﻥ ﻭﻳﺘﺮﻛﻨﺎ ﻭﻟﻴﺶ ﻣﺘﺨﻠﻴﻪ ﻳﺸﻮﻓﻨﺎ .. ﻃﺒﻌﺎ ﻛﻨﺖ ﻫﺎﺩﺋﺔ ﻛﻠﺶ ﻭﻓﻘﻴﺮﺓ ﻭﺩﺍﺋﻤﺎ ﺣﻘﻲ ﺿﺎﻳﻊ ﻋﻜﺲ ﻫﺴﺎ ..
ﺍﺣﻨﺎ ﻧﺨﺘﻠﻒ ﻋﻦ ﺍﻻﻭﻻﺩ ﺑﻜﻮﻟﺸﻲ ﺑﻠﺒﺴﻨﺎ ﻭﺑﺄﻛﻠﻨﺎ ﻻﻥ ﻣﺎ ﻋﺪﻧﺎ ﺍﺣﺪ ﻳﺼﺮﻑ ﻋﻠﻴﻨﺎ ﻏﻴﺮ ﺧﺎﻟﻮ ﺍﻟﻮﺳﻄﺎﻧﻲ ﺍﺳﻤﻪ ﻋﺰﻳﺰ ﺍﻟﻲ ﻋﻨﺪﺓ 9 ﺑﻨﺎﺕ ﺑﺮﮔﺒﺘﺔ ﺧﻄﻴﻪ ﻭﻫﻮ ﻣﻮﺿﻒ ﺑﺲ ﺭﺍﺗﺒﺔ ﻣﺎ ﻳﻜﻔﻲ ﻋﺎﺋﻠﺘﺔ ﻭﻣﺼﺎﺭﻳﻔﻬﻢ ..
ﺍﻣﻲ ﺍﻧﺴﺎﻧﺔ ﻣﺮﻳﻀﺔ ﻧﻔﺴﻴﺎ ﻋﺪﻫﺔ ﻫﻮﺍﻱ ﺍﻣﺮﺍﺽ ﻧﻔﺴﻴﺔ ﻻﻧﻪ ﺍﻣﻲ ﺣﻨﻴﻨﺔ ﻛﻮﻟﺶ ﻭﺣﺴﺎﺳﻪ ﻭﺷﺎﻓﺖ ﻣﺼﺎﻳﺐ ﻫﻮﺍﻳﺔ ﺍﺧﻮﺍﻧﻬﺎ ﺧﻤﺴﺔ ﻣﺎﺗﻮ ..
ﻭﺗﺄﺛﺮﺕ ﺑﻤﻮﺗﺘﻬﻢ ﻓﺘﻤﺮﺿﺖ ﻋﻠﻴﻬﻢ ﻟﻠﻌﻠﻢ ﻫﻲ ﻣﻄﻠﻘﺔ ﻣﺮﺗﻴﻦ ﻻﻥ ﻣﺤﺪ ﻳﮕﺪﺭ ﻳﻘﺪﺭ ﻭﺿﻌﻬﺔ ﻭﻣﺮﺿﻬﺔ ﻻ ﺑﺎﺑﺎ ﻭﻻ ﺍﻟﻲ ﻗﺒﻠﺔ ﻟﻬﺬﺍ ﻋﺎﻧﺖ ﺑﺤﻴﺎﺗﻬﺎ ..
ﻫﻲ ﺣﻨﻴﻨﺔ ﺑﺸﻜﻞ ﻭﮔﻠﺒﻬﺔ ﻧﻈﻴﻒ ﺑﺲ ﻋﺼﺒﻴﺔ ﻛﻮﻟﺶ ﻉ ﺍﻗﻞ ﺷﻲ ﺗﺘﻌﺼﺐ ﻭﺗﺸﻚ ﺣﺘﻰ ﺑﻨﻔﺴﻬﺎ ..
ﺍﻧﻲ ﻛﺒﺮﺕ ﻭﺩﺧﻠﺖ ﺍﻟﻤﺪﺭﺳﺔ ﻛﻨﺖ ﻓﻘﻴﺮﺓ ﻛﻮﻟﺶ ﻭﺷﻄﻮﺭﺓ ﻭﺩﺍﺋﻤﺎ ﺍﻃﻠﻊ ﺍﻭﻟﻰ ﻛﻨﺖ ﺍﺗﻤﻨﻰ ﺍﺷﻮﻑ ﺑﺎﺑﺎ ﻭﻟﻮ ﻣﺮﺓ ﻭﺣﺪﺓ ﺑﺲ ﻫﺬﺍ ﺍﻟﺸﻲ ﺟﺎﻥ ﺷﺒﻪ ﻣﺴﺘﺤﻴﻞ ﺑﺴﺒﺐ ﺍﻣﻲ ﺍﻟﻲ ﺣﺘﻰ ﻣﺘﺸﺮﺣﻠﻨﺎ ﻟﻴﺶ ﻫﻲ ﺗﺮﻓﺾ ﺍﻧﻮ ﺑﺎﺑﺎ ﻳﺸﻮﻓﻨﺔ ﻭﻧﺘﻌﺮﻑ ﻋﻠﻴﻪ
ﻛﺒﺮﺕ ﻭﺑﺪﺕ ﻣﻼﻣﺢ ﺟﺴﻤﻲ ﺗﺒﻴﻦ ﺍﻧﻲ ﺣﻨﻄﺎﻭﻳﺔ ﻭﻋﻴﻮﻧﻲ ﺟﻮﺯﻳﺎﺕ ﻭﻭﺳﻂ ﻣﻮﻛﺒﺎﺭ ﺷﻌﺮﻱ ﺟﻮﺯﻱ ﻣﻮ ﺍﺳﻮﺩ ﻭﺟﺴﻤﻲ ﻛﻠﺶ ﺣﻠﻮﺓ ﺭﺷﻴﻘﺔ ﻭﺍﻟﻜﻞ ﺟﺎﻧﻮ ﻳﺤﺴﺪﻭﻧﻲ ﻋﻠﻰ ﺟﺴﻤﻲ
ﺍﺧﺘﻲ ﺍﻟﻜﺒﻴﺮﺓ ﺭﻧﺎ ﻫﻢ ﺣﻠﻮﺓ ﻛﻮﻟﺶ ﺗﻨﻄﻲ ﺷﺒﻪ ﻟﺤﻨﺎﻥ ﺗﺮﻙ ﺑﺲ ﻫﻴﺔ ﺍﺣﻠﻰ ﺑﻬﻮﺍﻳﺔ .. # ﺑﻘﻠﻤﻲ _ ﺷﻤﺲ
ﻃﺒﻌﺎ ﻣﺎﻣﺎ ﻛﺎﻧﺖ ﺗﺸﻚ ﺑﻴﻬﺎ ﻭﺗﮕﻮﻟﻠﻬﺔ ﺍﻧﺘﻲ ﻣﺼﺎﺩﻗﺔ ﻑﻻﻥ ﻭﻓﻼﻥ ﻣﻊ ﺍﻧﻮ ﻫﻲ ﻛﺎﻧﺖ ﻣﻮ ﺑﺒﺎﻟﻬﺔ ﻫﺎﺫ ﺍﻟﺸﻲ ﺑﺲ ﻣﺎﻣﺎ ﻣﺮﻳﻀﺔ ﺑﻠﺸﻚ ﻛﺎﻧﺖ ﺣﺘﻰ ﺗﻀﺮﺏ ﺍﺧﺘﻲ ﻫﻮﺍﻱ ﻟﺤﺪ ﻣﺎﺗﺄﺫﻳﻬﺎ ﻭﺗﺠﺮﺣﻬﺎ .. ﺍﻟﻰ ﺍﻥ ﻳﻄﻠﻊ ﺩﻡ ..
ﺍﺧﺘﻲ ﻛﺎﻥ ﻟﺴﺎﻧﻬﺔ ﻃﻮﻳﻞ ﻭﺗﺮﺍﺩﺩ ﻣﺎﻣﺎ ﻭﺗﺠﻴﺐ ﺍﻟﻀﺮﺏ ﻟﻨﻔﺴﻬﺔ .. ﻣﺎﻣﺎ ﺑﻌﺪ ﻣﺘﻀﺮﺑﻬﺔ ﺗﻜﻌﺪ ﺗﺒﺠﻲ ﻋﻠﻴﻬﺎ ﺍﺧﺘﻲ ﻛﺎﻧﺖ ﻗﺎﺳﻴﺔ ﺣﻴﻞ ..
ﻭﻣﺘﺤﺒﻨﺔ ﺍﻧﻲ ﻭﺍﺧﻮﻱ ﺍﻟﺰﻏﻴﺮ ﺍﺣﻤﺪ ﻻﻥ ﺍﺣﻨﺎ ﻣﻦ ﻏﻴﺮ ﺍﺑﻮ ﻭﺑﺎﺑﺎ ﻛﺎﻥ ﻳﻀﺮﺑﻬﻢ ﻫﻲ ﻭﺍﺧﻮﻱ ﺭﺿﺎ ﻗﺒﻞ ﻣﺎ . ﻣﺎﻣﺎ ﺗﺘﻄﻠﮓ ﻣﻨﻪ .. ﺑﺲ ﺍﺧﺘﻲ ﻣﺎﻧﺴﺖ ﺗﻌﺎﻣﻞ ﺑﺎﺑﺎ ﺍﻟﻬﻢ .. ﻛﺒﺮﺕ ﻭﻫﻲ ﻗﺎﺳﻴﺔ ﻋﻠﻴﻨﺎ ﻣﻊ ﺍﻧﻮ ﻣﺎﺍﻟﻨﺔ ﺫﻧﺐ ﻋﻜﺲ ﺍﺧﻮﻳﺔ ﺭﺿﺎ ﺍﻟﻲ ﻛﺎﻥ ﻳﺤﺒﻨﺎ ﻭﻳﻬﺘﻢ ﺑﻴﻨﺎ ﻭﻳﺨﺎﻑ ﻋﻠﻴﻨﺎ .. ﺭﻏﻢ ﺍﻧﻪ ﻋﺎﺵ ﻭﻳﺎﻫﺔ ﻧﻔﺲ ﺍﻻﺫﻳﺔ ﻣﻦ ﺑﺎﺑﺎ ﻭﻧﻔﺲ ﺍﻟﻀﺮﺏ ﺑﺤﻜﻢ ﻫﻮﺓ ﺯﻭﺝ ﺍﻣﻬﻢ
....
....
ﺑﺲ ﺭﺿﺎ ﻣﺤﻘﺪ ﻋﻠﻴﻨﺎ ﻭﻻﻛﺮﻫﻨﺎ ..
ﺑﻴﻮﻡ ﻣﻦ ﺍﻻﻳﺎﻡ ﺍﺟﺖ ﺑﻴﺒﻴﺔ ﺍﺧﻮﺍﻧﻲ ﺍﻟﻜﺒﺎﺭ ﺭﺿﺎ ﻭﺭﻧﺎ ﺍﻡ ﺍﺑﻮﻫﻢ ﺗﺮﻳﺪ ﺗﺸﻮﻓﻬﻢ ..
ﻭﺍﺧﺘﻲ ﺃﺻﺮﺕ ﺗﺮﻳﺪ ﺗﺮﻭﺡ ﻭﻳﺎﻫﺎ ..
ﻣﺎﻣﺎ .. ﺭﻧﺎ ﻣﻤﻨﻮﻉ ﻣﺎﻛﻮ ﻃﻠﻌﻪ ..
ﻣﺎﻣﺎ ﻣﻘﺒﻠﺖ ﻭﺭﻓﻀﺖ ﺭﻓﺾ ﺗﺎﻡ ﻻﻥ ﻫﻲ ﺷﻜﺎﻛﻪ ﻭﻣﺘﻘﺒﻞ ﻧﺒﺎﺕ ﺑﺒﻴﺖ ﺍﻱ ﺍﺣﺪ ..
ﺟﺪﺓ ﺍﺧﺘﻲ .. ﺍﺫﺍ ﻋﺎﺟﺒﻬﺎ ﺗﺮﻭﺡ ﻭﻳﺎﻱ ﺧﻠﻴﻬﺎ ﺗﺮﻭﺡ ﻟﻴﺶ ﺍﺣﻨﻪ ﻣﻮ ﺍﻫﻠﻬﺎ ﻭﺍﻟﻨﺎ ﺣﻖ ﻋﻠﻴﻬﺎ ..
ﻣﺎﻣﺎ ﺳﻜﺘﺖ ﻭﺻﺎﺭﺕ ﺍﻣﺎﻡ ﺍﻻﻣﺮ ﺍﻟﻮﺍﻗﻊ ..
ﻭﺭﺍﺣﺖ ﺭﻧﺎ ﻭﻱ ﺑﻴﺒﻴﺘﻬﺎ ..
ﻟﻜﻦ ﻣﺎﻣﺎ ﻣﺴﻜﺘﺖ ﻭﺣﺎﻭﻟﺖ ﺗﺮﺟﻌﻬﺎ ﻛﻢ ﻣﺮﺓ . ﻟﻜﻦ ﺭﻧﺎ ﻋﻨﻴﺪﻩ ﻭﻣﺜﻘﺒﻞ ﺗﺮﺟﻊ ..
ﻭﺑﻘﺖ ﻋﺎﻳﺸﻪ ﻫﻨﺎﻙ ﻓﺘﺮﺓ ﻃﻮﻳﻠﺔ ..
ﻭﺑﻴﻮﻡ ﻣﻦ ﺍﻻﻳﺎﻡ .. ﮔﺎﻋﺪﻳﻦ ﻭﺍﺟﺎﻧﺎ ﺍﺑﻦ ﺧﺎﻟﻮ ﻋﺒﺎﺱ ﺍﻟﻲ ﻫﻮ ﺍﺻﻐﺮ ﺧﻮﺍﻟﻲ ..
ﺑﻴﺘﻬﻢ ﻛﺎﻥ ﻗﺮﻳﺐ ﻋﻠﻴﻨﺎ ..
ﻭﺧﺒﺮ ﻣﺎﻣﺎ .. ﮔﻠﻠﻬﺎ ﻋﻤﻪ ﺍﻟﻴﻮﻡ ﺍﺟﺖ ﺭﻧﺎ ﻭﻭﻳﺎﻫﺎ ﻭﺣﺪﻩ ﻣﻨﻌﺮﻓﻬﺎ .. ﻭﻭﻟﺪ ﺷﺎﺏ ..
ﺍﺳﺘﻐﺮﺑﺖ ﻣﺎﻣﺎ ﻭﺍﺧﺬﺗﻨﺎ ﻭﺭﺍﺣﺖ ﺍﻟﺒﻴﺖ ﺧﺎﻟﻮ ﺗﺮﻳﺪ ﺗﻌﺮﻑ ﺷﻨﻮ ﺍﻟﺴﺎﻟﻔﻪ .. # ﺑﻘﻠﻤﻲ _ ﺷﻤﺲ
ﺩﺧﻠﻨﺎ ﺍﻟﺒﻴﺖ ﺧﺎﻟﻮﺍ ..
ﺭﻧﺎ .. ﻫﻠﻮ ﻣﺎﻣﺎ ﻭﺑﻮﺳﺘﻬﺎ ..
ﻣﺎﻣﺎ .. ﻟﺞ ﺷﻨﻮ ﻫﺎﻱ ﺍﺷﻮ ﺣﺎﻓﻪ ﻭﺟﻬﺞ ﻭﻣﻜﻴﺎﺝ ﻋﺒﺎﻟﻚ ﺭﺍﻳﺤﻪ ﺍﻟﺤﻔﻠﻪ .
ﻟﻴﺶ ﻣﺮﺩﺗﺞ ﺗﺒﻘﻴﻦ ﺑﺒﻴﺖ ﺍﺣﺪ ﻻﻥ ﺍﻋﺮﻓﺞ ﺗﺘﻤﺮﺩﻳﻦ ..
ﺭﻧﺎ .. ﻣﺎﻣﺎ ﺩﺍﻳﻤﺎ ﺍﻧﺘﻲ ﻣﺘﺜﻘﻴﻦ ﺑﻴﻪ ﻭﺷﻜﺎﻛﻪ .. ﺍﻧﻲ ﺗﺰﻭﺟﺖ
ﻣﺎﻣﺎ .. 😲😲 ﺍﻧﺼﺪﻣﺖ ..
ﻃﻠﻌﻮﺍ ﺍﻟﻲ ﺟﺎﻳﻴﻦ ﻭﻳﺎﻫﺎ ﻋﻤﺘﻬﺎ ﺍﺧﺖ ﺍﺑﻮﻫﺎ ﻭﺍﻡ ﺯﻭﺟﻬﺎ ﻭﺯﻭﺟﻬﺎ ﺍﻟﻲ ﻫﻮ ﺍﺑﻦ ﻋﻤﺘﻬﺎ ..
ﻣﺎﻣﺎ ﺗﺨﺒﻠﺖ ﻭﺭﺍﺩﺕ ﺗﻌﺎﺭﻛﺖ ﻭﻳﺎﻫﻢ ﻭﺗﻌﻴﻂ .. ﺑﺲ ﺧﺎﻟﻮ ﻫﺪﺋﻬﺎ ..
ﺭﻧﺎ .. ﻣﺎﻣﺎ ﺍﻧﻲ ﻗﺎﺑﻠﻪ ﻭﺭﺍﺿﻴﻪ ﺑﺎﻟﺰﻭﺍﺝ ﻳﻌﻨﻲ ﻣﺤﺪ ﺟﺒﺮﻧﻲ .. ﻫﺎﻱ ﺑﻤﻜﺎﻥ ﻣﺘﺒﺎﺭﻛﻴﻠﻲ ..
ﻣﺎﻣﺎ ﺳﻜﺘﺖ ﻭﻣﺤﺠﺖ ﺷﻲ ﻷﻥ ﺻﺎﺭﺕ ﺍﻣﺎﻡ ﺍﻻﻣﺮ ﺍﻟﻮﺍﻗﻊ
ﻭﺭﻧﺎ ﺍﺧﺬﺕ ﺯﻭﺟﻬﺎ ﻭﻃﻠﻌﺖ ..
ﻟﻜﻦ ﻫﺬﺍ ﺍﻟﺸﻲ ﺑﻘﻰ ﺣﺴﺮﻩ ﺑﻘﻠﺒﻬﺎ ﺍﻟﻤﺎﻣﺎ .. ﻭﻛﻞ ﻳﻮﻡ ﺗﻠﻮﻡ ﺑﻨﻔﺴﻬﺎ ..
ﺍﻧﻲ ﺑﺎﻟﻤﺘﻮﺳﻄﻪ .. ﻭﺍﺧﻮﻳﻪ ﺭﺿﺎ ﺧﻄﻴﻪ ﺗﺮﻙ ﺍﻟﻤﺪﺭﺳﻪ ﺣﺘﻰ ﻳﺸﺘﻐﻞ ﻭﻳﻌﻴﻠﻨﺎ .. ﻻﻥ ﻣﻴﻠﺤﮓ ﻳﺪﺭﺱ ﻭﻳﺸﺘﻐﻞ ﺑﻨﻔﺲ ﺍﻟﻮﻗﺖ ..
ﻣﻊ ﺍﻧﻪ ﻛﺎﻥ ﺧﺎﻣﺲ ﻋﻠﻤﻲ ﻳﻌﻨﻲ ﻭﺍﺻﻞ ..
ﻣﻦ ﻛﺒﺮﺕ ﻭﺻﺮﺕ ﺑﺎﻟﻤﺘﻮﺳﻄﻪ ﺷﻜﻠﻲ ﺗﻐﻴﻴﺮ ﺗﻤﺎﻣﺎ .. ﻃﻮﻟﺖ ﻭﺟﺴﻤﻲ ﺻﺎﺭ ﻳﺠﻨﻦ .. ﻭﻛﻞ ﺍﻟﻲ ﺍﻟﺒﺴﻪ ﻳﻄﻠﻊ ﺣﻠﻮ ﻋﻠﻴﻪ .
ﻭﺑﺸﻬﺎﺩﻩ ﺻﺪﻳﻘﺎﺗﻲ ﻭﻛﻞ ﺍﻟﻲ ﻳﺸﻮﻓﻨﻲ ..
ﻭﺣﺎﻟﻨﺎ ﺻﺎﺭ ﺍﺣﺴﻦ ﺑﻔﻀﻞ ﺍﺧﻮﻳﻪ ﺭﺿﺎ .. ﺍﻟﻲ ﺿﺤﻰ ﺑﻤﺴﺘﻘﺒﻠﻪ ﻋﻤﻮﺩﻧﺎ ﻭﺍﻧﺘﻘﻠﻨﺎ ﺑﺒﻴﺖ ﺑﺼﻒ ﺑﻴﺖ ﺧﺎﻟﻮ ﻭﺻﺎﺭﺕ ﺍﻟﻲ ﻏﺮﻓﻪ ﺑﻮﺣﺪﻱ ﺑﻌﺪ ﻣﺎﻛﻨﺎ ﻛﻮﻟﻨﺎ ﺑﻐﺮﻓﻪ .. # ﺑﻘﻠﻤﻲ _ ﺷﻤﺲ
ﺍﺧﻮﻳﻪ ﺍﻟﺼﻐﻴﺮ ﺍﺣﻤﺪ ﻛﺎﻥ ﻛﺴﻼﻥ ..
ﻟﻜﻦ ﺧﺎﻟﺘﻲ ﻛﺎﻧﺖ ﻣﻌﻠﻤﻪ ﻭﺗﻨﺠﺤﻪ ﻛﻞ ﺳﻨﻪ ..
ﻭﻣﺎﻣﺎ ﻛﺎﻧﺖ ﺗﻜﺘﺐ ﺍﻟﻪ ﺣﺘﻰ ﻣﻴﺘﻌﺎﻗﺐ ﺑﺎﻟﻤﺪﺭﺳﻪ ..
ﻣﺎﻣﺎ ﻣﺎﻛﺎﻧﺖ ﻫﻴﺞ ﻭﻳﺎﻳﻪ ﻛﻨﺖ ﻛﻞ ﻣﺎﺍﺳﺄﻟﻬﺎ ﺷﻲ ﻣﺎﻓﺎﻫﻤﺘﻪ ﺗﮕﻮﻝ ﻣﺎﺍﻋﺮﻑ .. ﻣﻊ ﺍﻧﻪ ﻫﻲ ﺧﺮﻳﺠﻪ ﻭﻭﺍﺻﻠﻪ ..
ﻟﻜﻦ ﻫﻲ ﺗﺤﺐ ﺍﺧﻮﻳﻪ ﺍﺣﻤﺪ ﺍﻛﺜﺮﻧﺎ ﻭﻫﺬﺍ ﺍﻟﺸﻲ ﺃﺛﺮ ﻋﻠﻴﻪ ﻫﻮﺍﻳﻪ ﻭﺧﻼﻧﻲ ﺍﺣﺲ ﺑﻨﻘﺺ ﺣﻨﺎﻧﻬﺎ ﺍﻟﻲ ..
ﻣﻦ ﻛﺒﺮﺕ ﻭﺟﺴﻤﻲ ﺑﻴﻦ .. ﻣﺎﻣﺎ ﺻﺎﺭﺕ ﺗﻌﺎﻣﻠﻨﻲ ﻣﺜﻞ ﻣﺎﻛﺎﻧﺖ ﺗﻌﺎﻣﻞ ﺍﺧﺘﻲ .. ﻭﺗﺸﻚ ﺑﻴﻪ ..
ﻫﺬﺍ ﺍﻟﺸﻲ ﺯﺭﻉ ﺍﻟﺨﻮﻑ ﺑﻴﻪ .. ﻭﻋﺪﻡ ﺍﻟﺜﻘﻪ ﺑﺄﻱ ﻭﻟﺪ ﺑﺴﺒﺐ ﻛﻼﻡ ﻣﺎﻣﺎ .. # ﺑﻘﻠﻤﻲ _ ﺷﻤﺲ
ﺣﺘﻰ ﺻﺮﺕ ﺍﻛﺮﻩ ﻛﻞ ﻭﻟﺪ ﻣﺎﻋﺪﺍ ﺍﺧﻮﺍﻧﻲ ﻭﺍﺧﺎﻑ ﻣﻨﻬﻢ ﺑﺴﺒﺐ ﻣﺎﻣﺎ ..
ﺑﻌﻜﺲ ﺍﻟﺒﻨﺎﺕ ﺍﻟﻲ ﻭﻳﺎﻱ ﻛﺎﻧﻮ ﻳﻤﻴﻠﻮﻥ ﻟﻠﺠﻨﺲ ﺍﻵﺧﺮ ..
ﺍﻧﻲ ﻋﺸﺖ ﺑﻌﺎﺋﻠﻪ ﺗﻔﺘﻘﺪ ﺍﻟﺜﻘﻪ ﻭﺍﻟﺤﻨﺎﻥ ﻭﺍﻟﺘﻔﺎﻫﻢ .. ﺑﺎﺑﺎ ﻣﺸﺎﻳﻔﺘﻪ ﻭﻣﺎﻣﺎ ﺷﻜﺎﻛﻪ ﻭﺗﺘﻌﺎﻣﻞ ﺑﻘﺴﻮﻩ ﻭﻳﺎﻱ ..
ﻭﻫﺬﺍ ﺍﻟﺸﻲ ﺃﺛﺮ ﻉ ﺣﻴﺎﺗﻲ .
ﺍﻟﻰ ﺍﻥ ﺑﻴﻮﻡ ﺩﺍ ﺍﺻﻠﻲ ﺍﻧﻲ ﻭﻣﺎﻣﺎ .. ﺍﻧﻲ ﻣﺨﻠﺼﻪ ﻓﺮﺽ ﺍﻟﻤﻐﺮﺏ .. ﻭﻫﻲ ﺑﻌﺪﻫﻲ ﻷﻥ ﺗﺘﺄﺧﺮ ﺑﺼﻼﺗﻬﺎ ..
ﻭﺍﺧﻮﺍﻧﻲ ﺍﻟﻮﻟﺪ ﻃﺎﻟﻌﻴﻦ ..
ﺍﻧﺪﮔﺖ ﺍﻟﺒﺎﺏ .. ﺍﺿﻄﺮﻳﺖ ﺍﻓﺘﺤﻬﺎ ﺍﻧﻲ ..
ﮔﻠﺖ ﻣﻨﻮ ??
ﺻﻮﺕ ﻭﻟﺪ .. ﮔﺎﻝ ﺍﻧﻲ ..
ﺍﺭﺗﺒﻜﺖ ﻻﻥ ﻋﻤﺮﻱ ﻣﻔﺎﺗﺤﻪ ﺍﻟﺒﺎﺏ ﺍﻟﻮﻟﺪ .. ﻛﻨﺖ ﺑﺲ ﺍﺳﻤﻊ ﺻﻮﺕ ﻭﻟﺪ ﺍﺩﺧﻞ ﻭﺍﮔﻮﻝ ﺍﻟﻮﺍﺣﺪ ﻣﻦ ﺍﻫﻠﻲ ﻳﻔﺘﺢ ﺍﻟﺒﺎﺏ ..
ﺩﺧﻠﺖ ﻭﮔﻠﺖ ﺍﻟﻤﺎﻣﺎ .. ﺍﺷﺮﺗﻠﻲ ﻣﻌﻨﺎﻫﺎ ﺷﻮﻓﻲ ﺷﻴﺮﻳﺪ ﻷﻥ ﻫﻲ ﺩﺗﺼﻠﻲ ..
ﻓﺘﺤﺘﻪ ﻭﻭﮔﻔﺖ ﻭﺭﻯ ﺍﻟﺒﺎﺏ .. ﻭﻛﻨﺖ ﻻﺑﺴﻪ ﻣﻠﻒ ﻣﺎﻝ ﺻﻼﺓ ﻃﻠﻌﺖ ﺭﺍﺳﻲ ﺑﺲ ..
ﻃﻠﻊ ﺑﻬﺎﺀ ﺍﺑﻦ ﺟﻴﺮﺍﻧﻪ ﻣﺸﺎﻳﻔﺘﻪ ﺻﺎﺭ ﻫﻮﺍﻱ ﻣﺘﻐﻴﻴﺮ ﻭﺻﺎﻳﺮ ﺣﻠﻮ ﻭﻣﺮﺗﺐ .. ﺷﺎﻳﻔﺘﻪ ﻣﻦ ﻛﻨﺖ ﺻﻐﻴﺮﻩ ﺻﺤﻴﺢ ﻫﻮ ﺍﻛﺒﺮ ﻣﻨﻲ ﺑﺲ ﻣﺎﻛﺎﻥ ﻫﻴﺞ ﺣﻠﻮ ﻭﺍﻧﻴﻖ ..
ﻣﻦ ﺷﻔﺘﻪ ﺍﺗﻌﺠﺒﺖ .. # ﺑﻘﻠﻤﻲ _ ﺷﻤﺲ
ﻭﻫﻮ ﻣﻦ ﺷﺎﻓﻨﻲ ﺍﺭﺗﺒﻚ .. ﻛﺎﻥ ﺟﺎﻳﺐ ﺧﺒﺰ .. ﻻﻥ ﺍﻣﻪ ﻣﺘﻌﻮﺩﻩ ﻛﻠﻤﺎ ﺗﺨﺒﺰ ﺗﻄﻠﻊ ﺧﺒﺰ ﺑﺜﻮﺍﺏ ﻣﻮﺗﺎﻫﻢ ..
ﻛﻞ ﻣﺮﺓ ﻫﻲ ﺗﺠﻴﺒﻪ ﺑﺲ ﻫﺎﻟﻤﺮﻩ ﻫﻮ ﻟﻬﺬﺍ ﺗﻌﺠﺒﺖ ..
ﻧﻄﺎﻧﻲ ﺍﻟﺨﺒﺰ ﻭﺷﻜﺮﺗﻪ ﻭﺭﺍﺡ .. ﺑﺲ ﺑﻘﻰ ﺑﺒﺎﻟﻲ ﻻﻥ ﺻﺎﻳﺮ ﻳﺨﺒﻞ ..
# ﺑﻘﻠﻤﻲ _ ﺷﻤﺲ
ﻳﺘﺒﻊ …
العضوة: 295228 , 6 years ago
@user-522131 متابعه ..لاتطولي علينا 😍العضوة: 686530 , 6 years ago
وين باقي الروايهالعضوة: 688283 , 6 years ago
وين التكميلة يامعودة كمليالعضوة: 707043 , 6 years ago
وينك جالسه انتظر التكملهالعضوة: 697044 , 6 years ago
@user-522131 يوووه روووووووعه. 😍العضوة: 711445 , 6 years ago
كملي بليزالعضوة: 678871 , 6 years ago
@user-522131 كملي روايةالعضوة: 654836 , 6 years ago
كمليالعضوة: 522131 , 6 years ago
ﺃﺷﺘﻘﺖ ﻟﻌﻴﻨﻴﻦ .. ﻓﻴﻬﺎ ﺑﺤﺮ ﻫﺪﻭﺋﻲ ﻭﺳﻜﻴﻨﺘﻲ .. ﻟﻴﺲ ﺑﻌﻀﻚ ﻋﻨﺪﻱ ﻭﺑﻌﻀﻲ ﻋﻨﺪﻙ .. ﺍﻧﺎ ﻛﻠﻲ ﻟﻌﻴﻨﻴﻚ ﺍﻧﺘﻤﻲ ️❤ ﺑﻤﺮﻭﺭ ﺍﻻﻳﺎﻡ ﺻﺮﺕ ﺍﺣﺲ ﺑﻬﺎﺀ ﻣﻦ ﺍﻟﻤﺎﺿﻲ .. ﺻﺢ ﺑﻘﻴﺖ ﻭﻓﻴﻪ ﺍﻟﻪ ﻭﻣﺎﺍﺑﺎﻭﻉ ﺍﻟﻐﻴﺮﻩ .. ﻷﻥ ﻫﺬﺍ ﺍﻟﺸﺊ ﻣﻮ ﺑﻴﺪﻱ .. ﮔﻠﺒﻲ ﻫﻮ ﻳﺼﺪ ﻋﻦ ﻛﻞ ﺍﻧﺴﺎﻥ ﻏﻴﺮ ﺑﻬﺎﺀ .. ﺍﻫﺘﻤﻴﺖ ﺑﺪﺭﺍﺳﺘﻲ ﻭﺩﺭﺟﺎﺗﻲ ﺯﻳﻨﻪ ﻭﻣﺪﺭﺳﺎﺗﻲ ﻛﻮﻟﻬﻢ ﻳﺘﻮﻗﻌﻮﻟﻲ ﻫﻨﺪﺳﻪ ﺍﻟﻲ ﻫﻲ ﻛﺎﻧﺖ ﺣﻠﻤﻲ .. ﻭﺑﻴﻮﻡ ﺍﺟﻪ ﺍﺧﻮﻳﻪ ﺭﺿﺎ .. ﮔﻠﻲ ﻫﺬﺍ ﺍﺑﻮﺝ ﺑﺎﻟﺒﺎﺏ ﻫﻮ ﻭﺍﺧﻮﺝ ﻳﺮﻳﺪ ﻳﺸﻮﻓﺞ .. # ﺷﻤﺲ ﺍﻧﻲ ﺑﻘﻴﺖ ﻫﻴﺞ 😲 ﺍﻧﺼﺪﻣﺖ ﻣﺎﺍﺗﻮﻗﻌﺖ ﺍﺷﻮﻓﻪ ﻭﺧﺎﺻﻪ ﺑﻌﺪ ﻏﻴﺎﺏ 10 ﺳﻨﻮﺍﺕ .. ﺗﺮﺩﺩﺕ ﺍﻃﻠﻊ ﻭﺍﻧﻲ ﺍﻓﻜﺮ ﺷﻨﻮ ﺍﻟﻲ ﺧﻼﻩ ﻳﺠﻲ ﻭﺷﻨﻮ ﺍﻟﻲ ﺫﻛﺮﻩ ﺑﻴﻨﺎ ﺑﻌﺪ ﻣﺎﻧﺴﻴﻨﺎ ﺷﻲ ﺍﺳﻤﻪ ﺍﺑﻮ .. # ﺑﻘﻠﻤﻲ _ ﺷﻤﺲ ﻃﻠﻌﺖ ﻭﺍﻧﻲ ﺑﻴﻦ ﺍﻟﻤﺘﺮﺩﺩﻩ ﻭﺑﻴﻦ ﺍﻟﻤﺸﺘﺎﻗﻪ .. ﻭﺩﻱ ﺍﻋﺎﺗﺒﻪ ﻭﺍﮔﻮﻟﻪ ﺷﻠﻮﻥ ﻫﺎﻥ ﻋﻠﻴﻚ ﺗﻌﻮﻓﻨﺎ ﺻﻐﺎﺭ ﺑﻮﻗﺖ ﻛﻨﺖ ﻣﺤﺘﺎﺟﻪ ﺍﻻﺑﻮ ﻳﺴﻨﺪﻧﻲ ﻭﻳﺨﺎﻑ ﻋﻠﻴﻪ .. ﻳﮕﻮﻣﻨﻲ ﺍﺫﺍ ﻭﮔﻌﺖ .. ﻳﻮﺍﺳﻴﻨﻲ ﺍﺫﺍ ﺍﺑﺠﻲ .. ﻳﺨﺎﻑ ﻋﻠﻴﻪ ﺍﺫﺍ ﺍﻃﻠﻊ .. ﻳﻮﮔﻒ ﺑﻮﺟﻪ ﻛﻞ ﺷﺨﺺ ﻇﻠﻤﻨﻲ .. ﻋﺸﺖ ﻃﻔﻮﻟﺘﻲ ﻭﺍﻧﻲ ﺍﺷﻮﻑ ﺻﺪﻳﻘﺎﺗﻲ ﺍﺑﻮﻫﻢ ﻳﺠﻴﺒﻬﻢ ﻟﻠﻤﺪﺭﺳﻪ ﻭﻳﺤﻈﻨﻮﻫﻦ ﻭﻳﻮﺩﻋﻮﻫﻦ .. ﻛﻨﺖ ﺍﺣﺒﺲ ﺩﻣﻌﺘﻲ ﺑﻌﻴﻨﻲ .. ﺍﻣﻨﻴﺘﻲ ﺍﺑﻮﻳﻪ ﻳﻮﺻﻠﻨﻲ ﻟﻠﻤﺪﺭﺳﻪ .. ﻭﻳﺎﺧﺬﻧﻲ ﻟﻠﺴﻮﮒ ﻳﺸﺘﺮﻳﻠﻲ ﺑﺎﻟﻌﻴﺪ ﻭﺍﮔﻮﻟﻪ ﺑﺎﺑﺎ ﺍﻱ ﺍﺭﻳﺪ ﺍﮔﻮﻝ ﺑﺎﺑﺎﺍﺍﺍ ﺍﺣﺴﻬﺎ ﺛﮕﻴﻠﻪ ﺑﻠﺴﺎﻧﻲ ﻷﻥ ﺻﺎﺭ ﺳﻨﻴﻦ ﻣﮕﺎﻳﻠﺘﻬﺎ 😭 ﻃﻠﻌﺖ ﻭﺷﻔﺘﻪ ﺷﻜﻠﻪ ﻣﺘﻐﻴﻴﺮ ﻭﻛﺒﺮﺍﻥ ﻭﺷﻌﺮﻩ ﻛﻮﻟﻪ ﺷﻴﺐ .. ﻭﻭﻳﺎﻩ ﻭﻟﺪ ﺣﻠﻮ ﻛﻮﻟﺶ ﻣﻴﺸﺒﻬﻨﺎ ﻋﺮﻓﺖ ﻫﺬﺍ ﺍﺧﻮﻳﻪ ﻣﻦ ﺍﺑﻮﻳﻪ ﺣﻈﻨﻲ ﻭﺳﺄﻝ ﻋﻦ ﺍﺣﻮﺍﻟﻲ ﻭﺳﺄﻝ ﺍﺧﻮﻳﻪ ﺭﺿﺎ ﻋﻦ ﺍﺣﻮﺍﻟﻪ .. ﺗﺎﻟﻲ ﺭﺿﺎ ﺩﺧﻞ ﺑﻘﻴﻨﺎ ﺑﺲ ﺍﻧﻲ ﻭﺍﺧﻮﻳﻪ ﺍﻟﺼﻐﻴﺮ .. ﻧﻄﺎﻧﻪ ﺭﻗﻤﻪ ﻭﺍﺧﺬ ﺭﻗﻤﻲ .. ﺍﻧﻲ ﻣﺘﺠﺮﺃﺕ ﺍﻋﺎﺗﺒﻪ ﻣﺎﺍﻋﺮﻑ ﻟﻴﺶ ??ﺑﺲ ﻫﻮ ﻭﺣﺪﻩ ﮔﺎﻝ ﺍﻧﻲ ﻛﻨﺖ ﺳﺒﻊ ﺳﻨﻮﺍﺕ ﻣﺴﺠﻮﻥ ﺑﺘﻬﻤﻪ ﺑﺎﻃﻠﻪ .. # ﺑﻘﻠﻤﻲ _ ﺷﻤﺲ ﻭﻋﺪﻧﺎ ﺍﻧﻪ ﺭﺍﺡ ﻳﺠﻴﻨﺎ ﻣﺮﻩ ﻟﺦ .. ﻭﮔﻠﻲ ﻋﻨﺪﻧﺎ ﺑﻌﺪ ﺍﺛﻨﻴﻦ ﺍﺧﻮﺍﺕ ﻭﻋﻠﻲ ﺍﻟﻲ ﺍﺟﻪ ﻭﻳﺎﻩ .. ﻭﻋﺰﻣﻨﺎ ﻉ ﺑﻴﺘﻬﻢ .. ﮔﺎﻝ ﺗﻌﺎﻟﻮﺍ ﻳﻤﻲ ﻛﻢ ﻳﻮﻡ .. ﺑﻘﻴﻨﺎ ﻉ ﺗﻮﺍﺻﻞ ﻭﻳﺎﻩ ﺑﺎﻟﻤﻮﺑﺎﻳﻞ ﻭﻳﺴﺄﻝ ﻋﻠﻴﻨﺎ ﻭﻧﺴﺄﻝ ﻋﻠﻴﻪ .. … ﺍﺧﺖ ﺑﻬﺎﺀ ﻛﺎﻧﺖ ﺧﻴﺎﻃﻪ ﻭﻛﻨﺖ ﺍﺗﺮﺩﺩ ﻋﻠﻴﻬﺎ ﻣﻦ ﺍﺧﻴﻂ ﻭﻫﻮﺍﻳﻪ ﻧﺴﻮﺍﻥ ﻳﺸﻮﻓﻨﻲ ﻳﺘﻔﺎﺟﺄﻥ ﻣﻦ ﺍﮔﻠﻬﻢ ﺍﻧﻲ ﺑﻨﺖ ﺍﻟﺴﺎﺩﻩ ﻋﺒﺎﻟﻬﻢ ﻣﺎﻋﻨﺪﻫﻢ ﺑﻨﺎﺕ ﻛﻮﻟﻬﻢ ﻣﺘﺰﻭﺟﺎﺕ .. ﻷﻥ ﻣﺎﻛﻨﺖ ﺍﻃﻠﻊ ﻣﻦ ﺍﻟﺒﻴﺖ ﻟﻠﻤﺪﺭﺳﻪ .. ﻭﺑﻴﻮﻡ ﺭﺣﺖ ﻳﻢ ﻣﻨﻰ ﺍﺧﺖ ﺑﻬﺎﺀ ﻉ ﺍﻟﺨﻴﺎﻁ .. ﺑﺲ ﻛﺎﻧﺖ ﺭﮔﺒﺘﻲ ﻣﻜﺴﻮﺭﻩ ﻭﺍﻳﺪﻱ ﻣﻠﻔﻮﻓﻪ .. ﺑﺲ ﻫﺎﻟﻤﺮﻩ ﻣﻮ ﻣﻦ ﻭﺭﻯ ﻣﺎﻣﺎ ﻻ .. ﺍﻧﻲ ﻋﻨﺪﻱ ﻟﻴﻦ ﺑﺎﻟﻌﻈﺎﻡ ﻭﻣﻨﺼﻴﻪ ﺭﺍﺳﻲ ﻓﺘﺮﻩ ﻃﻮﻳﻠﻪ ﺩﺍ ﺍﻗﺮﺃالعضوة: 522131 , 6 years ago
ﻭﺭﻓﻌﺖ ﺭﺍﺳﻲ ﻓﺠﺄﺓ ﺷﻜﻠﺖ ﺍﻳﺪﻱ ﻭﺭﮔﺒﺘﻲ ﺍﻧﻜﺴﺮﺕ .. ﻛﺎﻧﻮ ﻣﺨﻠﻴﻠﻲ ﻣﺴﻨﺪ ﺑﺮﮔﺒﺘﻲ .. ﻭﺭﺍﺳﻲ ﻣﺮﻓﻮﻉ ﺑﺴﺒﺐ ﺍﻟﻤﺴﻨﺪ .. ﻛﻨﺖ ﮔﺎﻋﺪﻩ ﺑﺎﻟﻐﺮﻓﻪ ﻣﺎﻟﺘﻬﻢ .. ﻭﻫﻲ ﺭﺍﺣﺖ ﻟﻠﻤﻄﺒﺦ ﺗﺸﻮﻑ ﺍﻻﻛﻞ ﻉ ﺍﻟﻄﺒﺎﺥ .. ﻭﻓﺠﺄﺓ ﺳﻤﻌﺖ ﺻﻮﺕ ﺭﺟﻌﻠﻲ ﺍﻟﺤﻴﺎﺓ .. ﺑﻘﻰ ﻳﺼﻴﺢ ﻣﻨﻰ .. ﺍﻱ ﻫﺬﺍ ﺻﻮﺗﻪ ﻭﺭﺑﻲ ﻫﺬﺍ ﺑﻬﺎﺀ ﻋﺒﺎﻟﻲ ﺩﺍ ﺍﺗﺨﻴﻞ ﺑﺲ ﺍﻟﺼﻮﺕ ﺗﻜﺮﺭ .. ﺳﻤﻌﺖ ﺍﺧﺘﻪ ﮔﻠﺘﻠﻪ ﺑﻬﺎﺀ ﻟﺘﺪﺧﻞ ﻋﻨﺪﻱ ﺧﻄﺎﺭ ﻭﺑﻘﻮﺍ ﻳﺘﻬﺎﻣﺴﻮﻥ .. ﺷﻮﻳﻪ ﻭﺩﺧﻞ ﺑﻬﺎﺀ ﻋﻠﻴﻪ .. ﺑﻬﺎﺀ .. ﻣﻦ ﺩﺧﻠﺖ ﺍﻟﺒﻴﺖ ﻣﻨﻰ ﻭﺍﺻﻴﺢ ﺑﻴﻬﺎ ﺍﺟﺖ ﺗﺮﻛﺾ ﮔﻠﺘﻠﻲ ﻟﺘﺪﺧﻞ ﻋﺪﻧﺎ ﺧﻄﺎﺭ ﻭﺗﺎﻟﻲ ﻫﻤﺴﺘﻠﻲ ﻫﻨﺎ ﺳﻤﺮ .. ﺍﻧﻲ ﻣﺎﺍﺗﺤﻤﻠﺖ ﺣﺴﻴﺖ ﻧﻔﺴﻲ ﻣﺸﺘﺎﻗﻠﻬﺎ ﻭﻣﺎﮔﺪﺭﺕ ﺍﺻﺒﺮ ﻭﺩﺧﻠﺖ ﺷﻔﺘﻬﺎ .. ﺍﻧﻲ ﻣﺎﮔﺪﺭﺕ ﺍﻟﺘﻔﺖ ﺣﺘﻰ ﺍﺷﻮﻓﻪ ﻷﻥ ﺭﮔﺒﺘﻲ ﻣﻜﺴﻮﺭﻩ .. ﺑﺲ ﺣﺴﻴﺖ ﺑﻲ .. ﮔﻠﺖ ﺑﺪﺍﺧﻠﻲ ﻫﻼ ﺑﺮﻳﺤﺔ ﻫﻠﻲ .. ﺣﺴﻴﺖ ﺑﺮﻳﺤﺔ ﻗﺒﻞ ﻣﺎﺍﺷﻮﻑ .. ﺑﻬﺎﺀ .. ﻣﻦ ﺩﺧﻠﺖ ﻭﺷﻔﺘﻬﺎ ﺑﻬﺬﻱ ﺍﻟﺤﺎﻟﻪ ﺿﺠﺖ ﻭﺳﺄﻟﺖ ﺍﺧﺘﻲ ﻋﻠﻴﻬﺎ ﻋﺒﺎﻟﻲ ﺍﺣﺪ ﻣﺄﺫﻳﻬﺎ .. ﻭﺗﺎﻟﻲ ﻃﻠﻌﺖ ﻣﺘﺤﻤﻠﺖ ﺍﺷﻮﻓﻬﺎ ﺑﻬﺬﺍ ﺍﻟﻮﺿﻊ .. # ﺑﻘﻠﻤﻲ _ ﺷﻤﺲ ﺳﻤﺮ .. ﻃﻠﻊ ﺑﻬﺎﺀ ﻭﺍﺧﺬ ﺭﻭﺣﻲ ﻭﻳﺎﻩ .. ﺍﺧﺬﺕ ﺧﻴﺎﻃﻲ ﻭﺭﺩﺕ ﺍﻃﻠﻊ .. ﮔﻠﺘﻠﻲ ﻣﻨﻰ . ﺳﻤﺮ ﺗﻌﺎﻟﻲ ﻋﻨﺪﻱ ﻛﻼﻡ ﻭﻳﺎﺝ ﻭﺍﺧﺬﺗﻨﻲ ﺑﻐﺮﻓﻪ ﺛﺎﻧﻴﻪ ﻣﺘﺮﻳﺪ ﺗﺤﺠﻲ ﻳﻢ ﺑﻨﺎﺗﻬﺎ .. ﻣﻨﻰ .. ﺍﻛﻮ ﻭﻟﺪ ﻳﺮﻳﺪ ﻳﺨﻄﺒﺞ .. ﺳﻤﺮ .. ﺗﻮﻗﻌﺖ ﻭﺣﺪﻩ ﻣﻦ ﺍﻟﻨﺴﻮﺍﻥ ﺍﻟﻲ ﺷﺎﻓﻮﻧﻲ ﺧﻄﺒﺘﻨﻲ .. ﺭﺩﺕ ﺍﺻﺪﻫﺎ ﻭﺍﺭﻓﺾ .. ﺑﺲ ﻫﻤﺰﻳﻦ ﻣﺎﺍﺳﺘﻌﺠﻠﺖ .. ﺳﻤﺮ .. ﻣﻨﻮ ﻣﻨﻰ .. ﻭﺍﺣﺪ ﺍﻧﺘﻲ ﺗﻌﺮﻓﻴﻪ ﻭﺍﺑﺘﺴﻤﺖ .. ﺳﻤﺮ .. ﮔﻠﺒﻲ ﮔﺎﻡ ﻳﺪﻭﮒ ﮔﻠﺘﻠﻬﺎ ﻣﻨﻮ ?? ﻣﻨﻰ .. ﺑﻬﺎﺀ ﺍﺧﻮﻳﻪ .. ﺳﻤﺮ .. ﺍﻧﻲ ﻣﺘﺤﻤﻠﺖ ﻭﺑﻘﺖ ﺑﺲ ﺍﻟﺪﻣﻮﻉ ﺗﻨﺰﻝ ﻭﺍﺳﺄﻟﻪ ﻫﻮﺍﻳﻪ ﺑﺒﺎﻟﻲ .. ﺷﻠﻮﻥ ﻭﺍﻫﻠﻪ ﻭﺍﻣﻪ ﺭﺍﻓﻀﻴﻦ ﻭﺍﻗﺮﺑﺎﺋﻜﻢ ﺍﻟﻲ ﻳﺮﻳﺪ ﻳﺨﻄﺒﻬﺎ .. ﻣﻨﻰ .. ﺑﻌﺪﻳﻦ ﻛﻮﻟﺸﻲ ﺗﻌﺮﻓﻴﻦ .. ﺑﺲ ﺑﺎﺟﺮ ﻧﺠﻲ ﺍﺣﻨﺎ ﻭﺍﻣﻲ ﻧﺠﻲ ﺍﻟﻌﺼﺮ ﻧﺨﻄﺒﺞ ﺭﺳﻤﻲ ﻣﻦ ﺍﻫﻠﺞ .. ﻃﻠﻌﺖ ﻣﻦ ﻳﻤﻬﺎ ﻭﺍﻧﻲ ﺭﺟﻠﻴﻪ ﺑﺎﻟﮕﻮﻩ ﻳﻤﺸﻦ .. ﺑﻴﻦ ﺍﻟﻤﺼﺪﮔﻪ ﻭﻣﻤﺼﺪﮔﺔ .. ﻭﻓﻌﻼ ﺛﺎﻧﻲ ﻳﻮﻡ ﺍﺟﻮ ﺧﻄﺒﻮﻧﻲ ﻛﺎﻥ ﺑﻴﻮﻣﻬﺎ ﺑﺪﺍﻳﻪ ﻣﺤﺮﻡ ﻗﺒﻞ ﺍﻟﻮﻓﺎﺓ .. ﺍﻡ ﺑﻬﺎﺀ .. ﻋﻴﻨﻲ ﺍﻡ ﺭﺿﺎ ﺍﺣﻨﻪ ﺟﺎﻳﻴﻦ ﻋﻤﻮﺩ ﺳﻤﺮ ﻧﺮﻳﺪﻫﺎ ﺍﻟﺒﻬﺎﺀ ﻣﻴﺮﻳﺪ ﺍﻻ ﻫﻲ .. ﻛﺎﻧﺖ ﺗﺤﺠﻲ ﺑﺜﮕﻞ .. ﺣﺘﻰ ﺍﻟﻲ ﻳﺸﻮﻓﻬﺎ ﻳﻌﺮﻓﻬﺎ ﻣﻤﻮﺍﻓﻘﻪ .. ﺑﺲ ﺍﻧﻲ ﻣﺎﻫﻤﻨﻲ ﻭﺍﺫﺍ ﻣﻘﺎﺑﻠﻪ ﺍﻧﻲ ﺍﺭﻳﺪ ﺑﻬﺎﺀ ﻭﻣﻴﻬﻨﻲ ﻏﻴﺮﻩ .. ﮔﺎﻟﺖ ﺗﺪﺭﻭﻥ ﻫﺴﺎ ﻣﺤﺮﻡ ﻭﻣﻴﺼﻴﺮ ﻧﺴﻮﻱ ﺷﻲ .. ﺑﻌﺪ ﺻﻔﺮ ﺍﻥ ﺷﺎﺀ ﺍﻟﻠﻪ ﻧﺴﻮﻱ ﺧﻄﺒﻪ ﺭﺟﺎﻝ ﻭﻧﺴﻮﺍﻥ .. ﻫﻢ ﻃﻠﻌﻮﺍ ﻭﺍﻧﻲ ﺍﻟﻔﺮﺣﺔ . ﻣﺴﺎﻳﻌﺘﻨﻲ ﺩﺧﻠﺖ ﺍﻟﻐﺮﻓﺘﻲ ﻭﺑﻘﻴﺖ ﺍﮔﻤﺰ ﻭﺍﻋﻴﻂ ﻣﻦ ﺍﻟﻔﺮﺡ ﻣﺜﻞ ﺍﻟﻄﻔﻞ 😂 ﻣﺮﺕ ﺍﻻﻳﺎﻡ ﻭﺧﻠﺼﺖ ﺍﻟﻌﻄﻠﻪ ﻭﻋﻄﻠﻪ ﺍﻻﺭﺑﻌﻴﻨﻴﻪ ﻣﺎﻝ ﺍﻻﻣﺎﻡ ﺍﺣﻨﻪ ﺑﻜﺮﺑﻼﺀ ﻭﺍﻟﻌﻄﻞ ﻫﻮﺍﻳﻪ ﺑﻬﺬﻱ ﺍﻻﺷﻬﺮ .العضوة: 522131 , 6 years ago
ﮔﺎﻟﺖ ﺗﺪﺭﻭﻥ ﻫﺴﺎ ﻣﺤﺮﻡ ﻭﻣﻴﺼﻴﺮ ﻧﺴﻮﻱ ﺷﻲ .. ﺑﻌﺪ ﺻﻔﺮ ﺍﻥ ﺷﺎﺀ ﺍﻟﻠﻪ ﻧﺴﻮﻱ ﺧﻄﺒﻪ ﺭﺟﺎﻝ ﻭﻧﺴﻮﺍﻥ .. ﻫﻢ ﻃﻠﻌﻮﺍ ﻭﺍﻧﻲ ﺍﻟﻔﺮﺣﺔ . ﻣﺴﺎﻳﻌﺘﻨﻲ ﺩﺧﻠﺖ ﺍﻟﻐﺮﻓﺘﻲ ﻭﺑﻘﻴﺖ ﺍﮔﻤﺰ ﻭﺍﻋﻴﻂ ﻣﻦ ﺍﻟﻔﺮﺡ ﻣﺜﻞ ﺍﻟﻄﻔﻞ 😂 ﻣﺮﺕ ﺍﻻﻳﺎﻡ ﻭﺧﻠﺼﺖ ﺍﻟﻌﻄﻠﻪ ﻭﻋﻄﻠﻪ ﺍﻻﺭﺑﻌﻴﻨﻴﻪ ﻣﺎﻝ ﺍﻻﻣﺎﻡ ﺍﺣﻨﻪ ﺑﻜﺮﺑﻼﺀ ﻭﺍﻟﻌﻄﻞ ﻫﻮﺍﻳﻪ ﺑﻬﺬﻱ ﺍﻻﺷﻬﺮ . ﺑﺪﺃ ﺍﻟﺪﻭﺍﻡ ﻭﻫﺬﻱ ﺍﻟﺴﻨﻪ ﺍﺧﺬﻧﺎ ﺧﻂ ﺍﺧﻮ ﺑﻬﺎﺀ ﺍﻟﻮﺳﻄﺎﻧﻲ .. ﻋﻨﺪﻩ ﺗﻜﺴﻲ .. ﺍﻧﻲ ﻭﺑﻨﺖ ﺍﺧﺘﻪ ﻭﺍﺛﻨﻴﻦ ﺑﻨﺎﺕ ﻭﻳﺎﻧﺎ .. ﻣﺮﻩ ﻛﺎﻥ ﻋﻨﺪﻱ ﺍﺿﺎﻓﻲ ﻭﻛﺎﻥ ﻳﺎﺧﺬﻭﻧﺎ ﺍﻟﺴﺒﺖ ﻻﻥ ﺍﺣﻨﻪ ﺳﺎﺩﺱ .. ﻭﻋﺪﻧﺎ ﺯﺧﻢ ﺩﺭﺍﺳﻪ ﻭﺍﺿﺎﻓﻴﺎﺕ ﮔﻠﺘﻠﻪ ﻋﺪﻧﺎ ﺍﺿﺎﻓﻲ ﺍﻟﺴﺒﺖ .. ﮔﺎﻝ ﺍﻧﻲ ﺍﺭﻳﺪ ﺍﺧﺬ ﺯﻭﺟﺘﻲ ﺍﻻﻫﻠﻬﺎ ﺑﺎﻟﺒﺼﺮﻩ ﻳﻮﻡ ﺍﻟﺴﺒﺖ ﻣﺎﺍﮔﺪﺭ ﺍﺟﻲ ﺑﺲ ﺭﺍﺡ ﺍﺩﺯﻟﺞ ﺍﺣﺪ ﻏﻴﺮﻱ .. ﺗﻮﻗﻌﺖ ﺣﻴﺪﺯ ﺍﺣﺪ ﻣﻦ ﺍﺻﺪﻗﺎﺋﻪ ﻻﻥ ﻫﻮ ﺩﺍﻳﻤﺎ ﻳﺴﻮﻱ ﻫﻴﺞ ﻣﻦ ﻋﻨﺪﻩ ﺷﻐﻞ .. # ﺑﻘﻠﻤﻲ _ ﺷﻤﺲ ﻳﺘﺒﻊالعضوة: 522131 , 6 years ago
ﮔﻌﺪﺕ ﻳﻮﻡ ﺍﻟﺴﺒﺖ ﻣﻦ ﺍﻟﺼﺒﺢ ﺑﺪﻟﺖ ﻭﻛﻤﻠﺖ ﻭﻟﺒﺴﺖ ﺟﻨﻄﻪ ﻭﺣﺬﺍﺀ ﺑﺼﻠﻲ ﻭﻛﺐ ﺑﺼﻠﻲ ﻭﺍﻟﺒﺎﻗﻲ ﺍﺳﻮﺩ .. ﻭﺭﺗﺒﺖ ﻧﻔﺴﻲ ﻃﻠﻌﺖ ﺣﻠﻮﻩ ﺍﺗﺒﺎﻭﻋﺖ ﻉ ﺍﻟﺴﺎﻋﻪ ﺍﺷﻮ ﺍﻟﺨﻂ ﺍﺗﺄﺧﺮ ﻭﺍﻧﻲ ﻣﺘﻌﻮﺩ ﻳﺮﻥ ﺑﺎﻟﻬﻮﺭﻥ ﻭﺍﻃﻠﻊ ﺑﺲ ﻣﺎﻛﻮ .. ﻓﺘﺤﺖ ﺍﻟﺒﺎﺏ ﺗﺒﺎﻭﻋﺖ ﻟﮕﻴﺖ ﺳﻴﺎﺭﻩ ﻭﺍﻛﻔﻪ ﻃﻠﻌﺖ ﻋﺮﻓﺘﻪ ﺟﺪﻳﺪ ﻭﻣﻴﻌﺮﻑ ﺍﻟﺸﻐﻠﻪ .. # ﺑﻘﻠﻤﻲ _ ﺷﻤﺲ ﺻﻌﺪﺕ ﻟﻠﺴﻴﺎﺭﻩ ﮔﻠﺖ ﺍﻟﺴﻼﻡ ﻋﻠﻴﻜﻢ ﻭﺍﻧﻲ ﻣﻨﺼﻴﻪ ﺭﺍﺳﻲ .. ﺭﺩ ﺍﻟﻮﻟﺪ ﺍﻟﺴﻼﻡ .. ﺑﺲ ﺍﻟﺼﻮﺕ ﻣﻮ ﻏﺮﻳﺐ ﺍﺧﺬ ﺭﻭﺣﻲ ﻭﻳﺎﻩ ﺑﺲ ﺑﻘﻴﺖ ﻣﻨﺼﻴﻪ ﺭﺍﺳﻲ .. ﻭﮔﻠﺖ ﺑﺪﺍﺧﻠﻲ ﺷﺒﻴﺞ ﺳﻤﺮ ﺍﻱ ﺻﻮﺕ ﻳﺸﺒﻬﺎ ﻳﺮﻑ ﻛﻠﺒﺞ ﻋﻠﻴﻪ ﺗﺎﻟﻲ ﺍﺗﺄﺧﺮﺕ ﻭﻫﻮ ﺑﻌﺪﻩ ﻣﻤﺘﺤﺮﻙ .. ﺭﻓﻌﺖ ﺭﺍﺳﻲ ﺍﺭﻳﺪ ﺍﮔﻮﻟﻪ ﺍﺗﺤﺮﻙ ﻷﻥ ﺍﻟﻴﻮﻡ ﺑﺲ ﺍﻧﻲ ﺍﺩﺍﻭﻡ .. ﺍﺗﺒﺎﻭﻋﺖ ﺷﻔﺖ ﺑﻬﺎﺀ ﻣﻜﺘﻒ ﺍﻳﺪﻳﻪ ﻭﻳﺒﺎﻭﻉ ﺑﺎﻟﻤﺮﺍﻳﺎ ﻭﻳﺒﺘﺴﻢ ﻭﻳﮕﻮﻟﻲ ﺻﺎﺭﻟﻲ ﺳﺎﻋﻪ ﻭﺍﮔﻒ ﻣﻨﺘﻀﺮﺝ ﻟﻴﺶ ﺍﺗﺄﺧﺮﺗﻲ .. ﺍﻧﻲ ﻣﺼﺪﻭﻣﻪ ﻭﻣﺎﺍﻋﺮﻑ ﺍﻭﺻﻒ ﺷﻌﻮﺭﻱ ﮔﻠﺒﻲ ﻳﺪﻭﮒ ﺳﺮﻳﻊ ﻭﺍﻟﺴﺎﻧﻲ ﺗﻠﻌﺜﻢ ﺑﻌﺪ ﻣﺎﺍﻋﺮﻑ ﺍﺭﺩ .. ﺍﻭﻝ ﻣﺮﻩ ﺍﻛﻮﻥ ﻗﺮﻳﺒﻪ ﻫﻴﺞ ﻭﻳﺎﻩ .. ﻭﻧﻔﺲ ﺍﻟﺴﻴﺎﺭﻩ ﻭﻭﺣﺪﻧﺎ .. ﺧﺠﻠﺖ ﻭﻭﺟﻬﻲ ﺻﺎﺭ ﻃﻤﺎﻃﻪ .. ﮔﻮﺗﻠﻪ ﺍﻧﻲ ﻣﻜﻤﻠﻪ ﻣﻦ ﺯﻣﺎﻥ ﺑﺲ ﻷﻥ ﻣﺘﻌﻮﺩﻳﻦ ﺍﻟﺴﺎﻳﻖ ﻳﺮﻥ ﺑﺎﻟﻬﻮﺭﻥ ﻭﻧﻄﻠﻊ .. ﻫﻮ ﺿﺤﻚ ﻭﺣﺮﻙ .. ﻫﻤﺰﻳﻦ ﻛﻨﺖ ﻛﺎﺷﺨﻪ ﻭﻣﺮﺗﺒﻪ ﻧﻔﺴﻲ .. ﺍﺗﺒﺎﻭﻋﻠﻪ ﻣﺘﻐﻴﺮ ﻭﺣﻠﻮ ﺍﻭ ﻳﻤﻜﻦ ﻷﻥ ﺍﻭﻝ ﻣﺮﻩ ﺍﺷﻮﻓﻪ ﻋﻦ ﻗﺮﺏ ﺟﺴﻤﻪ ﺣﻠﻮ ﻭﻋﻈﻼﺕ ﻭﻛﺬﺍ .. ﺑﺎﻟﻄﺮﻳﻖ ﮔﻠﻲ ﺷﻮﻓﻲ ﻫﺬﺍ ﻭﻧﻄﺎﻧﻲ ﻣﻮﺑﺎﻳﻠﻪ .. ﺭﻛﺰﺕ ﺑﻲ ﺻﻮﺭﻩ ﻫﺪﻳﻪ ﺍﻧﻲ ﻣﻨﻄﻴﺘﻬﺎ ﺍﻟﺰﻭﺟﺔ ﺍﺧﻮﻩ .. ﮔﻮﺗﻠﻪ ﻫﺎﻱ ﺷﺘﺴﻮﻱ ﻋﻨﺪﻙ .. ﺑﻬﺎﺀ .. ﻋﺮﻓﺖ ﺍﻧﻪ ﻫﺎﻱ ﻣﻦ ﺭﻳﺤﺘﺞ ﻭﺍﺧﺬﺗﻬﺎ ﻣﻨﻬﻢ .. ﺍﻧﻲ ﺿﺤﻜﺖ ﻭﻧﺼﻴﺖ ﺭﺍﺳﻲ . ﺻﺮﻧﺎ ﻗﺮﻳﺐ ﻉ ﺍﻟﻤﺪﺭﺳﻪ ﮔﻠﻲ ﺷﻮﻛﺖ ﺗﻄﻠﻌﻴﻦ ﮔﺘﻠﻪ ﻣﺎﺍﻋﺮﻑ ﻻﻥ ﺍﻟﻤﺪﺭﺳﻪ ﻛﺎﻧﺖ ﺗﺤﺪﺩ ﻣﺎﺩﻩ ﻳﻌﻨﻲ ﻛﻢ ﻭﺭﻗﻪ ﺗﮕﻮﻝ ﻧﺨﻠﺼﻬﻦ ﻭﻧﻄﻠﻊ .. ﻭﺗﻮﺻﻴﻨﺎ ﻧﺠﻴﺐ ﻣﻮﺑﺎﻳﻞ ﺣﺘﻰ ﻧﺘﺼﻞ ﻉ ﺍﻟﺨﻄﻮﻁ .. ﺑﻬﺎﺀ .. ﺍﻭﻙ ﻟﻌﺪ ﺳﺠﻠﻲ ﺭﻗﻤﻲ ﻳﻤﺞ .. ﺍﺧﺬﺕ ﺭﻗﻤﻪ ﻭﻧﺰﻟﺖالعضوة: 522131 , 6 years ago
ﻛﻤﻠﺖ ﺍﻻﺿﺎﻓﻲ ﻭﻃﻠﻌﻨﺎ ﻭﺍﻧﻲ ﻃﺎﻳﺮﻩ ﻣﻦ ﺍﻟﻔﺮﺡ .. ﺍﺗﺼﻠﺖ ﻋﻠﻴﻪ ﺛﻮﺍﻧﻲ ﻭﺍﺟﺔ ﻣﺎﺍﺗﺄﺧﺮ ﺻﻌﺪﺕ ﺑﺎﻟﺴﻴﺎﺭﻩ ﻭﻫﻮ ﻳﺒﺎﻭﻋﻠﻲ ﺑﺎﻟﻤﺮﺍﻳﺎ ﻭﻣﺸﻐﻞ ﺍﻏﻨﻴﻪ .. ﻛﻮﻟﺸﻲ ﺑﺎﻟﻘﺴﻤﻪ ﻭﻗﺴﻤﺘﻲ ﺍﺭﺟﻊ ﻋﻠﻴﻚ .. # ﺑﻘﻠﻤﻲ _ ﺷﻤﺲ ﺑﻌﺪﻳﻦ ﺳﺄﻟﻨﻲ .. ﺳﻤﺮ ﺗﻌﺮﻓﻴﻦ ﺗﻄﺒﺨﻴﻦ .. ﺳﻤﺮ .. ﺍﻱ ﺍﻋﺮﻑ ﺑﻬﺎﺀ .. ﺍﺭﻳﺪﺝ ﺗﺮﻓﻌﻴﻦ ﺭﺍﺳﻲ ﻭﻣﺘﺨﻠﻴﻦ ﺍﺣﺪ ﺑﺎﻟﺒﻴﺖ ﻳﺘﺸﻤﺖ ﺑﻴﻪ .. ﺑﻮﻗﺘﻬﺎ ﻋﺮﻓﺖ ﺍﻧﻲ ﺩﺍﺧﻠﻪ ﻉ ﺣﺮﺏ ﻭﺍﻟﻜﻞ ﻣﻨﺘﻀﺮﻟﻲ ﺍﻟﻐﻠﻄﻪ .. ﺣﺘﻰ ﻳﺘﺸﻤﺘﻮﻥ ﺑﺒﻬﺎﺀ .. ﻣﺮﺕ ﺍﻻﻳﺎﻡ ﻭﺧﻠﺺ ﺻﻔﺮ .. ﻭﺻﺎﺭﺕ ﺧﻄﺒﻪ ﻧﺴﻮﺍﻥ ﻭﺭﺟﺎﻝ . ﻭﺣﺪﺩﻭﺍ ﻳﻮﻡ ﺍﻟﺨﻄﻮﺑﻪ .. ﻃﺒﻌﺎ ﺷﻌﻮﺭ ﻻﻳﻮﺻﻒ ﺑﻌﺪ ﻳﺄﺱ ﺩﺍﻡ ﺳﻨﻮﺍﺕ ﻭﻛﺎﻥ ﺷﺒﻪ ﻣﺴﺘﺤﻴﻞ ﺍﺭﺗﺒﻂ ﺍﻧﻲ ﻭﺑﻬﺎﺀ .. ﺍﺷﺘﺮﻳﺖ ﺍﺭﺑﻊ ﺑﺪﻻﺕ .. ﻭﺣﺪﻩ ﺑﻴﻈﻪ ﻃﻮﻳﻠﻪ ﻛﻴﺒﻮﺭ ﻭﻣﻦ ﻭﺭﻩ ﺳﻠﻔﻲ ﻃﻠﻌﺖ ﺑﻴﻬﺎ ﺍﻣﻴﺮﻩ ﻭﺍﻟﺜﺎﻧﻴﻪ ﻟﻮﻧﻬﺎ ﺣﻠﻴﺒﻲ ﻭﺍﻟﺜﺎﻟﺜﻪ ﻓﺴﺘﺎﻥ ﻣﻮ ﺑﺪﻟﻪ ﻗﺼﻴﺮﻩ ﻭﺑﻴﻬﺎ ﻓﺘﺤﻪ ﻣﻦ ﺍﻟﻈﻬﺮ ﻭﺑﻴﻬﺎ ﺷﻐﻞ ﻣﻦ ﺍﻟﺨﺼﺮ ﻣﺜﻞ ﺍﻟﺤﺰﺍﻡ ﻟﻮﻧﻬﺎ ﻭﺭﺩﻱ ﻭﺍﻟﺮﺍﺑﻌﻪ ﻫﻢ ﻗﺼﻴﺮﻩ ﺑﺲ ﺗﺠﻨﻦ ﻟﻮﻧﻬﺎ ﻣﺸﻤﺸﻲ .. ﻃﺒﻌﺎ ﺷﻌﺮﻱ ﻛﺎﻥ ﻗﺼﻴﺮ ﻭﺑﺎﻟﺼﺎﻟﻮﻥ ﺧﻠﻮﻟﻲ ﺑﻮﺳﺘﻴﺠﻪ ﻳﻠﺔ ﮔﺪﺭﻭﺍ ﻳﺴﻮﻟﻲ ﺗﺴﺮﻳﺤﻪ ﻭﺍﻟﻤﻴﻚ ﺍﺏ ﺍﺧﺘﺎﺭﻳﺘﻪ ﺧﻔﻴﻒ ﻛﻮﻟﺶ ﺑﺲ ﻃﻠﻌﺖ ﺣﻠﻮﻩ .. ﺍﺟﻪ ﺑﻬﺎﺀ ﻭﺍﻫﻠﻪ ﻭﺍﻟﺤﻔﻠﻪ ﻛﺎﻧﺖ ﺑﺒﻴﺖ ﺧﺎﻟﺘﻲ .. ﻭﺍﻗﺮﺑﺎﺋﻨﺎ ﻛﻮﻟﻬﺎ ﺍﺟﺖ ﻭﻣﻦ ﻇﻤﻨﻬﻢ ﺑﻴﺖ ﺧﺎﻟﻮ ﺍﺑﻮ ﺣﻴﺪﺭ ﻛﻨﺖ ﻣﺎﺧﺬﻩ ﺍﺑﻨﻬﻢ .. ﻭﻧﻈﺮﺍﺕ ﺍﻟﻐﻴﺮﻩ ﻭﺍﻟﺤﻘﺪ ﺑﻌﻴﻮﻧﻬﻢ .. ﻷﻥ ﺍﺑﺪ ﻣﺘﻮﻗﻌﻮﺍ ﺭﺍﺡ ﺍﺗﺰﻭﺝ ﻭﻟﺪ ﺷﺎﺏ ﻭﺣﻠﻮ ﻭﻣﻤﺘﺰﻭﺝ .. ﺩﺧﻞ ﺑﻬﺎﺀ ﻭﺍﻧﺒﻬﺮ ﻣﻦ ﺷﺎﻓﻨﻲ ﻭﺍﺧﺬﻧﺎ ﺻﻮﺭ ﻫﻮﺍﻳﻪ ﻭﺍﻟﻤﻔﺎﺟﺄﺓ ﺍﻻﺣﻠﻰ ﺑﻬﺎﺀ ﺩﺍﮒ ﺣﺮﻑ ﺍﺳﻤﻲ ﻉ ﺍﻳﺪﻩ .. ﻓﺮﺣﺖ ﻣﻦ ﺷﻔﺖ ﺣﺮﻓﻲ .. ﺑﻘﻴﺖ ﻛﻞ ﺳﺎﻋﻪ ﺍﻟﺒﺲ ﺷﻜﻞ ﻭﻛﻮﻟﻬﺎ ﺗﺒﺎﻭﻋﻠﻨﺎ ﻭﺍﻧﻲ ﻣﺎﻫﻤﻨﻲ ﺑﺲ ﺑﻬﺎﺀ ﺍﻟﻲ ﻣﺎﺷﺎﻝ ﻋﻴﻨﻪ ﻣﻨﻲ .. ﺣﺘﻰ ﺍﻟﺼﻮﺭ ﻛﻮﻟﻬﻦ ﻃﻠﻌﻦ ﻳﺒﺎﻭﻋﻠﻲ ﺑﻴﻬﻦ .. ﮔﻮﺗﻠﻪ ﺑﻬﺎﺀ ﺍﺧﺠﻞ ﻻﻫﻴﺞ ﺗﺒﺎﻭﻋﻠﻲ ﻣﺸﺎﻳﻔﻨﻲ ﻗﺒﻞ .. ﺑﻬﺎﺀ .. ﻃﺒﻌﺎ ﻣﺸﺎﻳﻔﺞ ﺻﺎﺭ ﺳﻨﻴﻦ ﻭﺍﻧﻲ ﻣﺤﺮﻭﻡ ﻣﻨﺞ ﺑﻌﺪﻳﻦ ﻟﺒﺴﻨﻲ ﺍﻟﺬﻫﺐ ﻭﻛﺎﻥ ﺣﻠﻮ ﻭﻧﺎﺯﻙ .. ﻭﻣﺎﺍﻋﺮﻑ ﻟﻴﺶ ﺍﺟﻪ ﻋﺒﺎﻟﻲ .. ﺧﻄﻮﺑﺘﻲ ﺑﺤﻴﺪﺭ ﻭﻣﻦ ﻟﺒﺴﻨﻲ ﺍﻟﺬﻫﺐ ﺷﻠﻮﻥ ﻛﺎﻥ ﺣﺎﻟﻲ ﻭﺩﻣﻮﻋﻲ ﻭﻛﺴﺮﺓ ﺧﺎﻃﺮﻱ ﻭﺑﻜﻞ ﺫﻛﺮﻯ ﺍﺣﻤﺪ ﺍﻟﻠﻪ ﻭﺍﺷﻜﺮﻩ ﺍﻟﻒ ﻣﺮﻩ .. ﻻﻥ ﻫﺴﺎ ﺍﺣﺲ ﺑﺴﻌﺎﺩﻩ ﻣﺤﺎﺳﺘﻬﺎ ﻣﻦ ﻗﺒﻞ .. ﺧﻠﺼﺖ ﺍﻟﺤﻔﻠﻪ ﻭﻛﻞ ﻭﺍﺣﺪ ﺭﺍﺡ ﺍﻟﺒﻴﺘﻪ .. ﺁﻧﻲ ﻭﺑﻬﺎﺀ ﺑﻘﻴﻨﺎ ﻟﻠﺼﺒﺢ ﻧﺴﻮﻟﻒ ﻣﺎﻧﻤﻨﺎ ﻫﻮ ﻳﺤﺠﻲ ﻋﻦ ﻋﺬﺍﺑﻪ ﻭﻫﻮ ﺑﻌﻴﺪ ﻋﻨﻲ .. ﻭﺍﻧﻲ ﺍﮔﻮﻟﻪ ﻋﻦ ﻓﺮﺣﺘﻲ ﻣﻦ ﺍﻫﻠﻪ ﻗﺒﻠﻮ .. ﻭﺑﻌﺪﻳﻦ ﺳﻮﻟﻔﺘﻠﻪ ﻋﻦ ﻛﺴﺮﺓ ﺧﺎﻃﺮﻱ ﻭﺷﻠﻮﻥ ﻧﺠﺒﺮﺕ ﺑﻐﻴﺮﻩ ﻭﺍﺣﺠﻲ ﻋﻦ ﻋﺬﺍﺑﻲ ﻭﺍﻧﺘﻈﺎﺭﻱ ﻭﺍﻟﻴﺄﺱ ﺍﻟﻲ ﻋﺸﺘﺔ ﺳﻨﻴﻦ ﻛﻨﺖالعضوة: 522131 , 6 years ago
ﺍﺣﺠﻲ ﻭﺍﺑﺠﻲ ﻭﻫﻮ ﻛﺬﻟﻚ ﻟﻞ 4 ﺍﻟﻔﺠﺮ ﺍﺣﻨﻪ ﻧﺴﻮﻟﻒ ﺑﻌﺪﻳﻦ ﻧﻤﻨﺎ .. ﻷﻥ ﺏ 7 ﻋﻨﺪﻩ ﺷﻐﻞ ﺧﻄﻴﻪ ﺑﻌﺪﻫﺎ ﺑﻜﻢ ﻳﻮﻡ ﻗﺮﺭﻧﺎ ﻧﺮﻭﺡ ﻟﻤﻨﺘﺰﻩ .. ﻛﻨﺖ ﻓﺮﺣﺎﻧﻪ ﻷﻥ ﺍﻭﻝ ﻣﺮﺓ ﻧﻄﻠﻊ ﺳﻮﻳﻪ .. ﻛﺎﻥ ﻃﻮﻝ ﺍﻟﻄﻠﻌﻪ ﻻﺯﻡ ﺍﻳﺪﻱ ﻭﻛﺎﻥ ﻛﻮﻟﺶ ﺭﻭﻣﺎﻧﺴﻲ ﻭﻳﺎﻱ .. ﻭﺑﺲ ﻳﺪﻟﻌﻨﻲ .. ﺣﺒﻴﺘﻪ ﺑﻜﻞ ﺗﻔﺎﺻﻴﻠﻪ .. ﮔﺎﻡ ﻛﻞ ﻳﻮﻡ ﻣﻦ ﻳﺮﺟﻊ ﻣﻦ ﺍﻟﺸﻐﻞ ﻳﻤﺮ ﻋﻠﻴﻪ .. ﺍﻧﻲ ﺳﻮﻳﺖ ﻗﻼﺩﻩ ﺑﺄﺳﻤﻪ ﻭﻛﻨﺖ ﺍﻟﺒﺴﻬﺎ ﺩﺍﻳﻤﺎ .. ﻭﻫﻮ ﻫﻢ ﻓﺎﺟﺄﻧﻲ ﻭﻛﺎﺗﺐ ﺍﺳﻤﻲ ﻛﻮﻟﻪ ﺑﺎﻻﻧﻜﻠﻴﺰﻱ ﻉ ﺍﻳﺪﻳﻪ .. ﺍﻧﻲ ﮔﻤﺖ ﺍﻋﻴﻂ ﻣﻦ ﺍﻟﻔﺮﺡ ﻭﻫﻮ ﻳﺴﺪ ﺑﺤﻠﮕﻲ ﻭﻳﻀﺤﻚ ﺑﻬﺎﺀ .. ﻫﻬﻬﻬﻪ ﻓﻀﺤﺘﻴﻨﺎ ﻛﺎﻓﻲ .. ﺑﻬﺎﺀ ﻛﺎﻥ ﻣﺪﻟﻠﻨﻲ ﻭﺑﻴﻦ ﻓﺘﺮﻩ ﻭﻓﺘﺮﻩ ﻳﺸﺘﺮﻳﻠﻲ ﻣﻼﺑﺲ ﻭﺷﺎﻻﺕ ﻭﻛﺎﻥ ﺍﻛﺜﺮ ﺷﻲ ﻳﺸﺘﺮﻳﻠﻲ ﻣﻼﺑﺲ ﺩﺍﺧﻠﻴﻪ ﻭﺍﻧﻲ ﺍﺧﺠﻞ 🙈 ﺑﺲ ﻫﻮ ﻣﻴﮕﻌﺪ ﺭﺍﺣﻪ .. ﻛﺎﻥ ﻣﺮﺍﺕ ﻳﺠﻲ ﺑﺎﻟﻠﻴﻞ ﻭﻧﮕﻌﺪ ﺳﻮﻳﻪ .. ﻓﺘﺮﺓ ﺧﻄﻮﺑﺘﻨﺎ ﻛﺎﻧﺖ 5 ﺃﺷﻬﺮ ﺑﺲ ﻛﺎﻧﺖ ﺍﺣﻠﻰ ﺍﻳﺎﻡ ﺑﺤﻴﺎﺗﻲ .. ﻭﺑﻬﺎﺀ ﻛﺎﻥ ﺭﻭﻣﺎﻧﺴﻲ ﻛﻮﻟﺶ ﻭﻳﺤﺐ ﻳﺘﻐﺰﻝ .. ﺑﻌﺪﻳﻦ ﮔﻤﺖ ﺍﺗﻮﺍﺻﻞ ﻭﻱ ﺍﺧﻮﺍﺗﻲ ﻣﻦ ﺑﺎﺑﺎ ﻣﻼﻙ ﻭﻫﺪﻳﻞ ﺍﺧﻮﻳﻪ ﻋﻠﻲ ﻧﻄﺎﻫﻢ ﺭﻗﻤﻲ .. ﻃﺒﻌﺎ ﻣﻦ ﺍﻧﺨﻄﺒﺖ ﻏﻴﺮﺕ ﺭﻗﻤﻲ ﻭﺍﻧﺤﺬﻑ ﺭﻗﻢ ﺑﺎﺑﺎ ﺑﺲ ﺻﺮﺕ ﺍﺗﻮﺍﺻﻞ ﻭﻱ ﺍﺧﻮﺍﺗﻲ ﻭﺍﻋﺮﻑ ﺍﺧﺒﺎﺭﻫﻢ ﻭﻣﺮﻩ ﺍﺟﻮﻧﺎ ﻟﻠﺒﻴﺖ ﻭﻱ ﺍﻣﻬﻢ .. # ﺑﻘﻠﻤﻲ _ ﺷﻤﺲ ﻳﺘﺒﻊالعضوة: 522131 , 6 years ago
ﺍﺟﻮ ﺍﺧﻮﺍﺗﻲ ﻣﻦ ﺑﺎﺑﺎ ﻭﺍﻣﻬﻢ ﺍﻟﺒﻴﺘﻨﺎ .. ﻃﺒﻌﺎ ﺍﻣﻬﻢ ﺍﻧﺴﺎﻧﻪ ﻣﺤﺘﺮﻣﻪ ﻭﺣﺒﺎﻳﻪ ﺣﺒﻴﺘﻬﺎ ﺣﻴﻞ ﻭﺍﺑﺪ ﻣﺎﺣﺴﻴﺖ ﺍﻧﻪ ﻫﻲ ﺯﻭﺟﺖ ﺍﺑﻮﻳﻪ .. ﻭﻫﻲ ﺍﺻﻼ ﻛﺎﻧﺖ ﻣﻨﻔﺼﻠﻪ ﻣﻦ ﺑﺎﺑﺎ ﻗﺒﻞ ﻟﻴﺘﺰﻭﺝ ﻣﺎﻣﺎ .. ﻭﺍﺧﻮﺍﺗﻲ ﺍﻛﺒﺮ ﻣﻨﻲ ﺑﻬﻮﺍﻱ ﺑﺲ ﻛﻮﻟﺶ ﺣﻠﻮﺍﺕ ﻣﻼﻙ ﺍﻟﻜﺒﻴﺮﺓ ﺑﺲ ﺟﻤﺎﻟﻬﺎ ﻓﻮﻕ ﺍﻟﻮﺻﻒ .. ﻭﻫﺪﻳﻞ ﻫﻢ ﺣﻠﻮﻩ ﺑﺲ ﺿﺨﻤﻪ .. ﻭﺑﻴﻮﻡ ﻛﺎﻥ ﺑﻬﺎﺀ ﻋﺪﻧﺎ ﺍﺗﺼﻠﺖ ﺍﺧﺘﻲ ﻫﺪﻳﻞ .. ﻫﺪﻳﻞ .. ﻫﻠﻮ ﺳﻤﺮ ﺳﻤﺮ .. ﻫﻠﻮ ﻫﺪﻭﻟﻪ ﺷﻠﻮﻧﺞ ﻫﺪﻳﻞ .. ﺳﻤﺮ ﺍﮔﻮﻟﺞ ﺑﺎﺑﺎ ﻛﻮﻟﺶ ﻣﺮﻳﺾ ﺻﺎﺭ ﺍﺳﺒﻮﻉ ﻋﻨﺪﻩ ﻓﺸﻞ ﻛﻠﻮﻱ ﻭﻛﺒﺪﻩ ﻭﺍﮔﻒ ﻭﻟﻮ ﺗﻠﺤﮕﻴﻦ ﻋﻠﻴﻪ ﻟﻮ ﻻ ﻷﻥ ﺣﺎﻟﺘﻪ ﻣﻮ ﺯﻳﻨﻪ .. # ﺑﻘﻠﻤﻲ _ ﺷﻤﺲ ﺍﻧﻲ ﻧﺰﻟﺖ ﺩﻣﻮﻋﻲ ﻻﺍﺭﺍﺩﻳﺎ .. ﺍﻧﻘﻬﺮﺕ ﺣﻴﻞ ﻣﻦ ﺑﻌﺪ ﻣﺸﻔﺘﻪ ﻭﺩﺧﻞ ﺣﻴﺎﺗﻲ ﻭﺑﻘﺖ ﺻﻮﺭﺗﻪ ﺑﺒﺎﻟﻲ ﻫﺴﺎ ﺭﺍﺡ ﻳﺘﺮﻛﻨﻲ ﻣﺮﻩ ﻟﺦ .. ﻳﺎﺭﺑﻲ ﻟﻴﺶ ﺧﻠﻴﺘﻪ ﻳﺠﻲ ﻭﻧﺘﻌﺮﻑ ﻋﻠﻴﻪ ﻟﻮ ﺑﺎﻗﻲ ﺑﻌﻴﺪ ﻋﻦ ﺣﻴﺎﺗﻨﺎ ﺍﺣﺴﻦ .. ﻟﻴﺶ ﺭﺍﺡ ﺍﺧﺴﺮﻩ ﻫﺴﺎ ﻣﻦ ﺑﻌﺪ ﻣﺤﺒﻴﺘﻪ ﻭﺳﺎﻣﺤﺘﻪ .. ﺑﻘﻴﺖ ﺍﺑﺠﻲ ﻭﺍﺷﻜﻲ ﺍﻟﺮﺑﻲ .. ﻭﺑﻬﺎﺀ ﻣﻘﻬﻮﺭ ﻭﻳﺎﻭﺍﺳﻴﻨﻲ .. ﺑﻬﺎﺀ .. ﺣﺒﻴﺒﺘﻲ ﻻﺗﺒﺠﻴﻦ ﺍﻧﻲ ﺑﺎﺟﺮ ﺍﺧﺬﺝ ﺗﺸﻮﻓﻴﻪ .. ﻭﻳﻤﺴﺢ ﺩﻣﻮﻋﻲ ﺣﺴﻴﺘﻪ ﺑﺤﻨﺎﻧﻪ ﻭﺣﺒﻪ ﺍﻟﻴﻪ .. ﻭﻓﻌﻼ .. ﺛﺎﻧﻲ ﻳﻮﻡ ﺟﻬﺰﺕ ﻧﻔﺴﻲ ﻭﺍﺟﻪ ﺑﻬﺎﺀ ﺍﺧﺬﻧﻲ ﻭﺭﺣﻨﺎ ﻉ ﺑﻴﺖ ﺍﺧﻮﺍﺗﻲ ﻋﻨﺪﻱ ﻋﻨﻮﺍﻧﻬﻢ .. ﻃﻠﻌﺖ ﻣﻼﻙ ﺍﺧﺘﻲ ﺍﺧﺬﺗﻨﺎ ﺍﻟﺒﻴﺖ ﻋﻤﺘﻲ ﺍﻟﻲ ﺑﺎﺑﺎ ﮔﺎﻋﺪ ﻋﻨﺪﻫﺎ .. ﺩﺧﻠﺖ ﻟﮕﻴﺖ ﺍﻟﺒﻴﺖ ﻫﻮﺳﻪ ﻣﻠﻴﺎﻥ ﻧﺎﺱ ﻭﻛﻮﻟﻬﺎ ﻻﺑﺴﻪ ﺍﺳﻮﺩ .. ﺑﺎﻭﻋﺖ ﻉ ﺑﺎﻟﻮﺳﻂ ﺍﻛﻮ ﺷﺨﺺ ﻣﻮﺟﻬﻴﻪ ﻉ ﺍﻟﻘﺒﻠﻪ .. ﺗﻘﺮﺑﺖ ﻋﻠﻴﻪ ﻫﺬﺍ ﺑﺎﺑﺎ ﺑﺲ ﮔﻮﻩ ﻣﻴﺰﺕ ﺷﻜﻠﻪ ﻷﻥ ﺭﺍﺳﻪ ﺻﺎﻳﺮ ﺑﮕﺪ ﺭﺍﺱ ﺍﻟﻜﻔﻞ .. ﺍﻟﻲ ﻋﻤﺮﻩ ﺷﻬﺮ ﻭﺍﻳﺪﻩ ﻣﻨﻈﺮﻫﺎ ﻣﺮﻋﺐ ﺑﺲ ﻋﻈﺎﻡ ﻭﺑﻄﻨﻪ ﻣﻨﻔﻮﺧﻪ ﻛﻮﻟﺶ ﻭﻳﺘﺄﻟﻢ ﻭﻣﺒﻴﻦ ﺍﻟﻤﻮﺕ ﻗﺮﻳﺐ ﻣﻨﻪ .. ﮔﻌﺪﺕ ﻉ ﺣﻴﻠﻲ ﺑﺎﻟﮕﺎﻉ ﻣﻦ ﺍﻟﺼﺪﻣﻪ .. ﻗﺒﻞ ﺷﻬﺮ ﺷﻔﺘﻪ ﻣﺜﻞ ﺍﻟﻮﺭﺩ ﻭﺟﻬﻪ ﺍﺣﻤﺮ ﻭﻋﻴﻮﻧﻪ ﺻﻔﺮ ﻭﻃﻮﻟﻪ ﻫﻴﺒﻪ .. ﻫﺴﺎ ﺻﺎﻳﺮ ﻣﺜﻞ ﺫﻭﻟﻲ ﺍﻟﺼﻮﻣﺎﻝ ﺍﻟﻲ ﻳﻄﻠﻌﻮﻥ ﺑﺎﻟﺘﻠﻔﺰﻳﻮﻥ ﻧﻔﺴﻬﻢ .. ﻓﻘﺪﺕ ﻣﻦ ﺍﻟﺒﺠﻲ ﻋﻠﻴﻪ ﺍﻧﺼﺪﻣﺖ ﻣﻦ ﺣﺎﻟﺘﻪ ﻭﻛﻮﻟﻬﺎ ﺗﺘﺒﺎﻭﻋﻠﻲ ﻭﻳﺘﺴﺎﺋﻠﻮﻥ ﻣﻨﻮ ﻫﺬﻱ ?.. ﺑﺎﺑﺎ ﮔﺎﻡ ﻳﺨﺘﻨﻚ ﻭﺑﺼﻌﻮﺑﻪ ﻳﺎﺧﺬ ﺍﻟﻨﻔﺲ .. ﻭﺍﺣﺪ ﻣﻦ ﺍﻟﮕﺎﻋﺪﻳﻦ ﮔﺎﻝ ﺍﺑﺘﻌﺪﻥ ﻋﻨﻪ ﺧﻨﮕﺘﻨﻪ .. ﻭﻳﻌﻴﻂ ﻋﻠﻴﻨﺎ .. ﺍﻧﻲ ﻭﻫﺪﻳﻞ ﺩﺧﻠﻨﺎ .. ﺑﺲ ﻣﻼﻙ ﻣﻘﺒﻠﺖ ﺗﺪﺧﻞ .. ﮔﺎﻝ ﺭﺍﺡ ﺍﺧﺬﻩ ﻟﻠﻤﺴﺘﺸﻔﻰ ..