العضوة: 743708 , 5 years ago

.بتحكيلي شو عملو فيكي ..مين همو ولشو عملو هيك ..بقدر اساعدك ..منقدر انا وياكي ندفعهم التمن غالي .. ضل عم يسألها وما عم تجاوب ..خبط أيدو بقوة ع الطاولة وصرخ : نيسساان ..لازم تحكككييي ..ما بفيدني شي..بفيدك انت ..ما بدك تنتقمي منهم ؟ ومن الي عملو فيكي ؟  قام من مكانو وخبط الكرسي تبعو بالحيط وطلع ..كان سند برا الغرفة عم يراقب كلشي بالكاميرا .. سند وقف غيث وحكا : اخي باينتا ما رح تحكي ..صرلكم ساعتين وخمس وعشرين دقيقة .. غيث : صرلك كم سنة بتعرفني ؟ سند :15 سنة ما هيك؟ غيث : عمري دخلت ع هاي الغرفة وطلعت بدون ما أعرف المشكلة ؟ سند هز براسو بمعنى لا .. غيث: هي صعبة ..والصعبين لألي يا خيي .. رجع غيث وفتح عليها الباب وحكا : نيسان .. راجعلك ..فكري منيح ..هاد بريك.. سند : غيث في بنت برا عم تصرخ بدي اختي وما بعرف شو .. غيث : اطلع شوفها .. وأزا كان الها علاقة بنيسان ..رح تفيدنا كتير .. طلع سند لبرا .. قربت علي بنت طويلة وشعرها قصير ..عيونها خضر ..وحكت بصوت عالي : لك بديي اختتتي دخلوونيي لعندااا سند : اول شي ..انت هون بمركز شرطة ازا ملاحظة .. فيكي توطي صوتك ؟؟ علت صوتها اكتر وحكت : لك كلكم نفس الجملة .. عم قلك بدي أختتييييي فكرتها مااتت بدي شووفهااا سند مسكها من أيدها بقوة وحكا : لو سمحتي ..انا مقدر الموقف الي انت فيه ..ممكن تحكيلي مين هي اختك ..وبصوت واطي ؟ هزت راسها ودموع ع خدا وحكت : نيسان ...مختفية من شي تلت اسابيع ..فكرتها مااتت ..ما ضل مكان ما سألت عليها ..فقدت الامل وبلشت صدق انها مااتت وتصلو وحكو انها عايشة وهون ونا جيت شوفها .. سند : آنسه شو أسمك .. لحتى اعرف ناديكي .. مسحت دموعها وحكت : رند .. اسمي رند .. سند : اي يا رند .. فيكي تدخلي تشوفي نيسان ليكا جوا ..

العضوة: 743708 , 5 years ago

دخلت رند بسرعة ..وشافت نيسان قربت عليها ودموعها متل الشلال وحضنتها .. نيسان ما اعطت أي ردة فعل ..رند بلشت تحس بتفاصيل وجهها وترد تحضنها وتحكي : اختيي عاايششة الحمد والشكر الك يا ربب ...قعدت نيسان ع الكرسي الي كانت قاعدة علي بدون اي كلمة .. رند : نيسان .. انت منيحة .. نيسان ضلت عم تفرك أيديها ومنزلة راسها للأرض .. سند سحب رند لبرا الغرفة بقوة وحكا : رند .. قصدي ..انسه رند .. نيسان كتير تعبانة ..كانت تحت الاستجواب وما عم تحكي شي ..ومتل ما كنت متوقع ما اعطت اي ردة فعل لشوفتك حتى ..ما تخافي رح يرجع كلشي لطبيعتو بس بدها شوية وقت رجع غيث ع الغرفة ومعاه كاسة مي ..حطها ع الطاولة وقعد جمب نيسان ..نيسان مدت أيدها لتمسكها وهي عم ترجف ..غيث بسرعة مسك ايديها وكشفها كلها ..كانت عليها آثار ضرب ..بقع زرقا وبنفسجية ..وجروح كتيرة .. غيث : ضربووكيي؟؟ نيسان سحبت ايدها بسرعة وغطتها بين اجريها

العضوة: 743708 , 5 years ago

ورجعت نزلت راسها .. غيث وهو عم يصرخ : نيسسااااان عم احككيي معككككك ضربوووكيي؟؟ نيسان حركت ايدها ..وأخدت الكاسة من مكانها ودارتها ع راسها .. غيث : لك انت مجنونة ؟؟؟ انت عم ترجفي خلقة .. ليش عملتي هييك .. غيث وقف وخلع الجكيت عنو ولبسها يا ..رفعت نظرها علي ..بعيون فيها ألف قصة وقصة .. قصة وجع ..وحزن وقهر .. حاول معها بس بعدين حس انو ما في فايدة معها ..  غيث :نيسان ..انا لهون وبس ..ما عم يطلع معي شي ..رح روح .. قام من مكانو وطلع ..وقبل ما يسكر الباب سمع صوت متل الهمس  " رح أحكي " سكر الباب بسرعة ورجع ع مكانو ..وحكا : عم اسمع .. نيسان رفعت نظرها لألو وحكت : كنت رايحة ع مكان قريب من هنيك عم أتمشى .. .شفت زي مستودع كبير ..صابني فضول اعرف شو في ..قربىت علي سمعت صوت وحدة عم تصرخ ..واحد من الرجال الي هنيك شافني ..ومسكني وربطني ..بعدين اجا رجال كبير وحكا اقتلوها ..  صرخت وقلت لا ما عملت شييي ..بوعدكم ما بحكي شي بس تركوني .. طرأ لألو شغل ضروري وراح وحكالهم خلوها موجودة ..وبيوم حاولت اهرب في ومسكوني وعزبوني . #يتبع🎶

العضوة: 743708 , 5 years ago

الجزء التالت 🖤🌸🎶 واليوم انتو لقيتوني ..وهاي قصتي .. غيث : شو الي بوديكي لهداك المكان ؟ نيسان نزلت راسها وحكت : كنت بدي ابعد عن العالم كلو .. كانت نفسيتي كتير تعبانة .. غيث : شو السبب؟ نيسان : حبيبي تركني .. غيث : اي .. نيسان : هيك بكفي ؟ فيني روح ..؟؟ انا بريئة ما عملت شي .. غيث : رح اكتب كلشي حكيتي وبعدها توقعي وتروحي وقعت وطلعت مع غيث .. نيسان : بقدر أطلب طلب؟ غيث : اي تفضلي.. نيسان : فيني اطلع من هون من دون ما يشوفنا حد من أهلي او رفقاتي  غيث : ليش؟ نيسان : بدي أقعد لحالي شوي ..بعدين بروح لعندهم .. غيث : اي لحقيني .. طلعها من باب خارجي ..ورجع عند سند .. سند : اي طلعت مالا دخل بالقصة كلها .. غيث ضلو صافن بالحيط .. سند : هلووو عم بحكي معك .. غيث : صدقتها ؟ سند : اي ..يعني ليش ما صدقها ..ملامحها كانت صادقة ..بتوقع انها انسانة فاشلة بالكزب ولو كزبت كان عرفت هاد الشي انت قبل انا صح؟ غيث : وهو هيك ..! سند : شو؟ غيث : هاي البنت فيها سر ..وأنا رح أعرفو.. يلا سلام أخي .. سند : لك لويين ؟؟؟؟ طلع غيث من المركز ولحق نيسان ..وهي وقفت تكسي ع الطريق وركبت في ..وهو لحقها بالمتور تبعو ..كانت الطريق طويلة ..ساعة ونص بعدين وقفت السيارة ..غيث تزكر هاد المكان ..هاد المكان نفسو الي لتقا بنيسان في لأول مرا ..تخبا بعيد شوي لحتى نزلت نيسان وكملت الطريق مشي وهو لحقها شوي شوي وبرضو من بعيد لحتى ما تنتبه علي ..واضح انها بتعرف المكان منيح كتير لدرجة انو عم تمشي بدون ما تطلع قدامها وعم تتخطى كل الاحجار الي بتقاطع طريقها بدون ما تشوفهم ..قعدت قبال البحر ومدت أجريها وربطت أيديها بكواع اجريها وحطت راسها عليها ..قرب عليها وقعد وراها بزبط .. أخدت نفس عميق وحكت ... مرحبا يا شريك .. شتقتلي؟

العضوة: 743708 , 5 years ago

شتقتلي؟ انا شتقتلك كتييييييير ..آسفة كتير ..أكيد عم تسأل وينك معاد أجيتي ..لو تعرف شو صار فيي ..او بالأحرى شو ضل وما صار فيي..فلتت أيديها ومدتهم ع الرمل وحكت : رح أحكيلك ما تخاف..لأنو بنهاية انت تعودت تسمعني بكل مرة بيجي فيها لهون ما هيك ؟ سماع قصتي ..من شي تلت أسابيع رحت ع الجامعة ع الساعة 8 الصبح ..وقفتني سيارة وغطو أنفي بمخدر ..أخدوني ع مكان غريب ..كلشي في أسود ..والريحة قذرة كتير..صحيت كنت مربطة ..حكولي انو انا هنيك لأنو بابا مديون لألهم من سنين ..ومات قبل ما يصفى الحساب ..وحكالي المبلغ ..بس المبلغ كان كبير كتير ..لدرجة ما بتقدر تتوقعها ..قلتلو ما بقدر أدفع ..ما صدقني ..بعدها حاول يقرب مني ..قدرتلو وهربت بعدين مسكوني وعزبوني ..ما خلو شي الا وعزبوني في ..بعدين ..سكتت وشهقت شهقة وجع .. تخيل .. انا ..يعني ..نزلت دمعة من عيونها ..غطت راسها بين رجليها ..وحكت بصوت متقطع وبرجف بحكي عن ألف وجع ووجع .. انا هلأ مدمنة مخدرات يا شريك .. بهاد الوقت كان غيث وراها عم يسمعها ..عم يتابع معها القصة بكل تفاصيلها ..ولما سمع كلمة مخدرات ! نصعق .. كملت وحكت : انا هلأ ما بفرق عن هدول الي بقتلو العالم وبتاجرو بالمخدرات ما هيك ؟ بنهاية عم ناخد نفس النوع من الشي الملعون هداك ... انا .. ولله ما كان بدي يصير هيك .. أرغموني استنشقو .. كنت طالعة من التعزيب بالكهربا وما عم حس بأي جزء من جسمي ..عضلاتي مرخية ع الآخر ..قدرو يخلوني استنشقو .. وصارو كل يوم يعطوني منو .. ما بعرف شو صرلي ..شي بجسمي وكأنو ...ما عم بعرف اشرح ..غالبا الشي اسمو ادمان ... صرت برجف ..كأني ما بعيش بدون هاي المادة ! انت كمان متفاجئ ومو قدران تعطي أي ردة فعل لشي هاد .. بتعرف شي؟ كل هالأشياء ما همتني ..غير شي واحد ..انا ..دايما كنت خلي صورة بابا الانسان الي حبني ..ولي دللني ..الانسان الي حلم حياتي أتزوج بواحد متلو ..رقيق وما بحب يجرح حد ..كان قدوتي ..بكل مرة امي حاولت تلطخ صورتو المحفورة بزاكرتي منعتها .. حكتلي واحد خاين حقير ..بيلعب قمار..ما صدقتها ,.. خليتو بعقلي متل ما عرفتو .. ومتل ما حبيتو .. بس غالباً المسرحية لهون وببس .. صار لازم أعرف الوجه الحقيقي لأبي ما هيك ؟؟

العضوة: 743708 , 5 years ago

بتعرف شي؟ كل هالأشياء ما همتني ..غير شي واحد ..انا ..دايما كنت خلي صورة بابا الانسان الي حبني ..ولي دللني ..الانسان الي حلم حياتي أتزوج بواحد متلو ..رقيق وما بحب يجرح حد ..كان قدوتي ..بكل مرة امي حاولت تلطخ صورتو المحفورة بزاكرتي منعتها .. حكتلي واحد خاين حقير ..بيلعب قمار..ما صدقتها ,.. خليتو بعقلي متل ما عرفتو .. ومتل ما حبيتو .. بس غالباً المسرحية لهون وببس .. صار لازم أعرف الوجه الحقيقي لأبي ما هيك ؟؟ قديش الحياه غريبة ..انا هلأ انسانة عاجزة ..لك يا شريك ازا بتتزكر انا نفس البنت القوية .. المفعمة بالحيوية ..كنت آجي هون وقلك كلشي صار بيومي كنت انسانة قوية ..بس هلأ .. قام غيث من مكانو وقعد جمبها وحكا : مو مطرة تبيني للكل قوتك .. بنهاية انت انسان . ..قامت من مكانها بسرعة مسحت دموعها وحكت : انت ..من ايمتى هون ؟ شو عم تعمل هون ؟؟؟ غيث : خلينا نقول بالزمن الي بخليني أسمع كلشي حكيتي .. نيسان قعدت مكانها وحكت : كلشي؟؟ غيث : شكلك فكرتي انو كزبتك مشيت علي ؟ بتكوني غلطانة ..انا محقق ..ومر علي أشكال وأنواع من المجرمين والبريئين ..بس بصراحة .. ما بنكر ..شاطرة بالكزب ..خليتو الكل يصدقك .. بس أكيد مو انا .. نيسان ضحكت ضحكة سخرية وحكت : نكشفت لعبتي يعني ؟ غيث : منقدر نقول هيك .. شوية صمت .. كل واحد عم يطلع بالبحر وأمواجو .. غيث : اي حكيلي كيف

العضوة: 795957 , 5 years ago

يلا كملي متابعتك

العضوة: 743708 , 5 years ago

مواصفاتهم .. نيسان : كبيرهم ..أسمو امجد بيك ..يعني كان مشدد انو ما حد ينادي بأسمو وبس سألتو ما حكالي ..بس سمعتو وواحد من رجالو عم ينادي امجد بيك .. بظن أنو اسمو المستعار لأنو واحد قليل شرف متلو ما بضحي بحالو وبحكي اسمو .. غيث : اي مزبوط .. طيب السيارة الي اخدتك شو مواصفاتها .. نيسان : لونها سكني ..شوي المفروض تعرفوها من الكاميرات لأنو بنهاية كنت قريبة من الجامعة والمكان في ناس ومحلات وأكيد في كميرات .. غيث : قليلين الشرف ختارو الزاوية الصح ليخطفوكي فيها ..ما في أي كاميرا شغالة .. باليوم الي قبل اجا واحد مغطي ع وجهو وكسر كل الكاميرات الموجودة هنيك .. نيسان : اي ..لونها سكني ..بتوقع نوعها هوندا لأنو أبي كان عندو وحدة متلها غيث : عرفتي رقم اللوحة ؟؟ نيسان : اي .. توقعت يفيدكم .. "******" غيث : كتير منييحح .. بنت زكية . نيسان سكتت ورجعت تطلع ع البحر .. غيث : مو مجبورة ضلي قوية ..كلنا منمر بظروف صعبة بهداك الوقت بس بتحس قديش انت ضعيف ..وقديش القوة بعيدة عنك .. كأنو هاد الضعف تغذى ع قوتك وأخدها منك ..بتعرفي شو لازم تعملي هلأ؟ نيسان : شو؟ غيث : لازم تبكي .. نيسان : الي ببكو بكونو ضعاف ..بس أنا قوية ..  غيث : قلتلك لا بقى تكزبي علي ..بتقدري تقولي اني درست لغه العيون .. مانك قوية يا نيسان .. قامت من مكانها ومسكت في وضربتو ع صدرو بأيديها التنتين وحكت بصوت عالي : انا قوية فهمان علي ؟ انا قووووييية بلشت تضحك بطريقة هستيرية .. بعدين بكت بحرقة .. ضمها لصدرو وحكا : أبكي ..لأنو ازا ما بكيتي هلأ رح تندمي طول عمرك .. نيسان : ليش انا .. ليش انا الي لازم اتوجع وحس بالقهر هون " وأشررت ع قلبها" ..هاد عم يحترق ..انا هلأ مدمنة مخدرات ما هيك؟؟ غيث : كلشي الو حل ..بعدين انت ما اخدتي غير كم جرعة ..ورح نروح انا وياكي للدكتور ورح يداويكي وتصيري منيحة .. نيسان بوسط الدموع والقهر : رح تروح هديك المادة المقرفة من جسمي؟ غيث: طبعا ازا انت بدك .. نيسان : بدي بدي ..انا مو انسانة متلهم ..ماني متلهم قام من مكانو ومد أيدو لألها وحكا : مستعدة بتنتقمي منهم ؟ نيسان : انتقام ؟! غيث : اي انتقام .. ما بدك دفعيهم تمن الي عملو فيكي ؟

العضوة: 743708 , 5 years ago

نيسان هزت براسها ومسكت بأيدو وقامت ..ركبت معا ع الموتور ووصلو لبيتو .. غيث : ايي ..هاد بكون بيتي ..تفضلي .. دخلو لجوا .. كان شوي مكركب ,, غيث : اسف ..أنو متل ما بتعرفي المحققين فوضويين شوي ..ملفات الجنايات هدول كل يوم بطولهم وبدقق فيهم ..لهيك الكركبة هاي ع طول بضل هيك .. نيسان : مو مهم .. غيث فتح الكمبيوتر تبعو .. وبلش يشتغل علي .. نيسان أشرت ع الكمبيوتر وحكت : شو هاد .. شو بعمل ؟ غيث : هون رح أكتب رقم اللوحة ورح يحدد مكانها .. وهيك منعرف قليلين الشرف وين مكانهم .. ومنقدر نقبض عليهم .. نيسان : بتعرف شي.. غيث : شو ؟ نيسان ضحكت وحكت: ونا كنت صغيرة كانو يسموني المحقق كونان .. غيث : متأثرة في يعني ؟ نيسان : كنت حب افلام الاكشن والتحقيق والقتل والجنايات كتييير ..ع عكس البنات الي بعمري ..كانو يحبو أفلام باربي ,,بالوقت الي كان الكل يفضل اللون الزهري ..بأنو لون البنات ..كنت فضل اللون الأسود ..بالوقت الي الكل كان يفضل الفساتين الزهرية النافشة والي بتلمع ..كنت حب ألبس البلايز والبلاطلين والبوات كتيير.. كنت أفهم كلشي وأعرف كلشي من دون ما يحكو شي هنن .. حتى انهم شكو فيي وأخدوني ع دكتور تخيل؟؟؟ غيث ضحك وحكا : يعني منقدر نحكي العبقرية الصغيرة ما هيك ؟؟ نيسان : بتقدر ...كانو يمنعوني أحضر متل هيك اشياء ..بس كنت روح عند أخوي بليل وأحضر معو .. وشي مرة كشفونا وضربو أخي وضليت أبكي علي ..أخي نفسو الي هددوني انهم يقتلو لو ما شربت من هديك المادة  غيث : علي ؟ نيسان : اي ..الي قلتلك عنو ..قليلين الشرف بيطلع بأيدهم يعملو كلشي ..لهيك خفت و.. غيث : خلص انسيكي من هالسيرة .. بالمناسبة قدرت حدد الموقع .. المكان بعيد عن هون تقريبا تلت ساعات .. نيسان : نخبر الشرطة ؟ غيث : متأكد انو معاهم رهينة بهداك المكان ..رح يحاولو يقتلوها لو داهمنا المكان .. نيسان : شو منعمل اذا؟ غيث : ما بقدر خاطر بحياه مواطن عادي بهاي المدينة .. مستعد موت انا ولا تتأذى شعرة منو ..في طريقة وحدة ..

العضوة: 743708 , 5 years ago

نيسان : شو هي ؟ غيث : خطرة كتير,, بس بنهاية احنا الي رح نكسب .. نيسان : لا تخاف .. بحب الخطر .. غيث : رح تروحي لهنيك ..ع اساس انو ضليتي عم تركدي ولقيتي هداك المكان بصدفة وأهربي بس تشوفيهم ..رح يمسكوكي وأحكي انو قدرتي تهربي وما يمسكوكي وقدرتي تعرفي معلومة مهمة كتير ورح تعطيهم المصاري .. بعدين .... نيسان : تفقنا .. غيث : ما بتخافي؟ نيسان : لا .. ما بقطع الرقبة الا الي ركبها .. غيث : حلو ..  نيسان : متى رح نطبق الخطة ؟ غيث : بكرا متل هاد الوقت .. نيسان : اي ..هلأ فيني نام ؟ تعبانة كتير .. غيث : دخلي خدي دوش ورح جهزلك أواعيكي بتنامي فوق بغرفتي وانا رح نام بالغرفة الي جمبها .. اعطيتك غرفتي لأني بعرف انو تختي

العضوة: 743708 , 5 years ago

مريح ورح تعرفي تنامي علي .. نيسان : شكرا كتير .. غيث : ولو هاد واجبنا .. وبفضلك رح نمسك قليلين الشرف .. دوشت نيسان ودخلت ع الغرفة .. كانت غرفة صغيرة متواضعة .. لون جدرانها أسود .. في رسومات غامضة معلقة ع الجدران بطريقة حلوة ..مكتب صغير علي مذكرات صغيرة ملزقة علي ..وفي صور لغيث ..بدلت أواعيها وحطت راسها ع المخدة ونامت بسرعهه من التعب .. اما غيث فضل يفكر بكلشي صار من البداية ..ومن الخطة الي رح يطبقها بكرا .. هو عارف انو رح يتعاقب ع هيك شي ..لأنو بدون ما يخبر الشرطة وبدون أي أذن وفي مخاطرة بحياه نيسان وحياتو .. مع هيك هاي الطريقة الوحيدة الي بقدر يقبض عليهم بدون ما يصير لأي حد شي .. صحي الصبح بكير جهز الفطور بعد شوي نزلت نيسان وكانت أواعي غيث عليها بضحك .. غيث : لابقينلك .. نيسان : لك لا تضحك .. انت عندك عضلات انا من وين جيبهم؟ غيث خبا الضحكة وحكا : خلص ماشيي ماشي سكتت .. يلا تعي نفطر .. غيث : جهزي حالك بدي آخدك لصديقي دكتور بيقدر يساعدك .. قبل شوي حكيت معا وتفقت نيسان : اي مااشييي,, بعد شوي جهزت نيسان وطلعت معو ع الدكتور..شرحتلو كلشي ..وحكالها رن نبلش نعالجك ع جلسات ورح تصيري منيحة مدام انت عندك قناعة كبيرة انو ما بدك هالمادة تدخل ع جسمك مرة تانية .. بعد شوي طلعت نيسان وحضنت غيث بعدين وعيت ع حالها وبعدت حكت راسها وحكت : ايي ..اسفة .. شكلي نفعلت شوي من الفرحة .. حكالي رح طيب تماما ورح أرجع متل قبل وأحسن .. غيث : فرحتلك كتير .. نيسان : ايي هلأ لوين؟ غيث : ما بدك تشوفي حد من أهلك؟ رفقاتك؟ نيسان : ماني جاهزة .. بس حس حالي قادرة لألتقي معهم وأشرح كلشي ..بروح . غيث : متل ما بدك .. ركبو ع الماتور .. غيث : اي هلأ لوين ؟ نرجع للبيت ؟ نيسان : اي متل ما بدك.. رجعو ع البيت وقعدو .. نيسان : غيث بقدر أطلب طلب؟ غيث : اي ..

العضوة: 743708 , 5 years ago

غيث : اي .. نيسان : حكيلي عن هدول الملفات .. وكيف طريقة قتل كل حد فيهم .. غيث : يعني الحس الأمني عند المحقق كونان رجع ؟ نيسان ضحكت وحكت : غالباً هيك .. غيث : ماشي ..من وين بلش من اي ملف؟؟ نيسان : من أكتر قضية حيرتك .. والغموض فيها كبير .. غيث حمل ملف وحكا : ازا هاي القضية ..وفتحها .. نيسان : ايي احكيي .. غيث : اي يا ستي ..هاي البنت ماتت قبل اربع شهور ..بالبيت  نيسان : كييف.؟؟ غيث : لو بتخليني أكمل حكي بتعرفي .. نيسان ضحكت ضحكة خفيفة وخجلت وعملت حركة انو خيطت تمها وما رح تحكي .. غيث : اي ..نقتلت بطريقة غريبة ..اخدناها ع التشريح ..بعدين نسرقت الجثة .. نيسان : واضح انو الي قتلها مترك أثار لألو لو شرحتوها رح تعرفو مين القاتل لهيك سرقها .. غيث : اي هيك بزبط ..نفصلت عن حبيبها من تلت شهور قبل الحادثة ..وبس حققنا معو أنكر انو كان الو علاقة معها من الاساس ..رغم انو الصور الي بموبايل البنت معطمها هي ويا .. ورفقاتهم اكدو ع علاقتهم #يتبع

العضوة: 743708 , 5 years ago

الجزء الرابع 🖤🌸🎶 نيسان : وليش ليكزب ؟؟ غيث : هاد الشي الي ما عم أعرفو .. وعم أجهل طريقة قتلها كتير..ما كان في أداة ولا شي ..مسرح الجريمة كان بس الضحية ..  نيسان : اي وهلأ حبيبها وين ؟ غيث : ما بعرف ..  نيسان : بتشك في ؟ غيث : ما بعرف ..يعني ليش لينكر هالشي ..بنفس الوقت ما في أي ادلة بتثبت أدانتو عشان هيك ما قدرت أقبض علي .. نيسان : سألتو أهلها بركي كان ألها اعداء او ناس ما بحبوها بركي واقعة بمشكلة؟ غيث : امها وأبوها مو موجودين سألنا رفيقتها المقربة ..وحكت انو هي انسانة بحالها ما بتأذى حدا .. اي تزكرت شي ..لقينا خاتم غريب كتير بمسرح الجريمة ..  نيسان : اي ..في شي بعقلي .. بس ما بعرف ازا صح .. غيث : احكي .. نيسان : اول شي الموبايل معك ؟ غيث : اي أخدتو بهداك اليوم وضل معي .. نيسان : بتقدر تجيبو ؟ غيث : اي اي.. نيسان : اي ..والخاتم؟ غيث : برضو معي ..لأنو القضية كانت موكلة لألي.. نيسان : حلو .. رح نحلها .. جاب غيث ظرف لونو أبيض محطوط في الموبايل والخاتم .. نيسان مسكت الموبايل وحكت : مكسر .. شكلو القاتل فكر انو هيك ما رح يشتغل ما هيك ؟ غيث : اي اي هيك .. كل قاتل الا يترك ثغرة ورا .. والمحقق وظيفتو يلاقي هاي الثغرة ليلاقي المجرم ... نيسان : حلو ..  فتح غيث الموبايل وفتح الاستوديو .. نيسان : لك ما عم شوف شي ..مو واضح .. بتقدر تنقللهم ع الاب توب ؟ غيث : اي دقيقة .. نقل الصور ع الاب توب وصارو أوضح بكتير ..بلش يقلب الصورة وحدة وحدة .. نيسان نطت من مكانها وصرخت : وقف وقف .. غيث : في شي؟؟ نيسان أشرت ع الصورة وحكت : هون .. قرب قرب .. غيث قرب الصورة كتير بعدين هو ونيسان طلعو ع بعض وصرخو بصوت واحد : الخااتمممم !  غيث : ازا هو القاتل ! نيسان : اي اي هو ... أكييد .. غيث : وطريقة القتل كيف ؟؟ نيسان : ما لاحظتو شي ع جثتها ؟ آثار ضرب .. أي شي .. غيث : لا ولا شي

العضوة: 743708 , 5 years ago

نيسان : غريب .. يعني طريقة قتل بدون أي أدلة .. أداه او اي شي .. غيث : أي غريب .. نيسان : شو في طرق للقتل بدون أي آثار ؟ غيث : يعني الي مر علينا ..شي بكونو مشغلين الغاز وبنخنقو .. بس يعني لو كان هيك شي كانت الريحة واضحة .. وفي كمان الخنق برضو ..  نيسان : الخنقققق !! غيث : اي ..بس يعني كان بين آثار ع رقبتها صح؟ نيسان : لما كنت انا وعلي صغار ..كنا نتقاتل دايما ..كانت نقطة ضعفي يمسك المخدة ويخنقني فيها ..وهييك بتكون بلا آثار وبنفس الوقت قدر يقتلها غيث قام من مكانو وحضن نيسان وحكا : لك اي اي أكيييدددد ..  نيسان خجلت وخدودها صارو حمر وحكت : اي قدرنا .. غيث : كيف ما لاحظت هالشي ما بعرف .. بس في شي محيرني .. نيسان : شو هو .. غيث : لما فرجيت الخاتم لصديقتها حكت انو اول مرة بتشوفو .. يعني متل ما شفتي في صور بتجمعهم هني التلاتة .. شي أكيد لاحظت وجود الخاتم بأيد القاتل صح؟ نيسان : بجوز هددها بشي ..ما بعرف .. غيث : مو مهم ... هلأ رح روح أحكي لسند كلشي وأخليهم يكتبو أذن الاعتقال للقاتل وسند يحقق معو .. ورح أبعتلو الصور وكلشي .. نيسان : اي كتير منيح غيث : برجعلك اي؟ نيسان : اي ..بدي نام شوي اساساً.. غيث راح ..ونيسان قعدت ع الكنباي ونامت ..وبس وصل لقاها نايمة ..قعد ع الطرف الكنباي شوي شوي ..وقعد يتأمل فيها ..وبتفاصيل وجهها .. قديشها ناعمة وحلوة .. بريئة وقوية ..زكية وعفوية .. بتسم ابتسامة خفيفة بعدين وعي ع حالو وحكا : غيث شو عم تعمل ..غبي .. صحيت نيسان ع صوتو وحكت : انت هون ؟؟ غيث حك رقبتو وحكا : من شوي .. نيسان : ايي ..شو صار عترف ؟؟ غيث : اي ..بالأول أنكر كلشي ..بس بعدين سند خلاه يعترف بكلشي اشي اشي ..ومتل ما حكيتي كلشي صح.. حتى انو هدد رفيقتها بقتل امها متل ما قتل حبيبتو .. نيسان : اي وشو السبب.؟ غيث : خانتو مع أقرب رفيق لألو .. ما تحمل وقتلها .. نيسان : مو معقول ..كل الي ما بعرفو يسيطرو ع غضبهم بنتهي فيهم المطاف بهيك اشياء .. غيث : اي صح كلامك .. نيسان : كم الساعة ؟ غيث : تسعة ونص تقريبآ.

العضوة: 743708 , 5 years ago

غيث : اي صح كلامك .. نيسان : كم الساعة ؟ غيث : تسعة ونص تقريبآ. نيسان : مو معقول .. من وقت ما رحت لهلأ وانا نايمة ؟؟؟ غيث : لو دخل شي حرامي وسرق البيت ما بتصحي اكيد .. نيسان : اولاً صحيت ع صوتك الواطي ..تانياً ههه مين رح يدخل ع بيت محقق متلك .. غيث رفع ايدي وحكاه : استسلام نيسان : اي ما تستخف فيني .. غيث : كل شوي عن تصدميني فيكي أكتر .. نيسان : ولو هي شغلتي .. محقق بيك .. غيث : ازا كان في محقق بهاد المكان فهو انت بدون منازع .. نيسان ضحكت وحكت : خلينا نحكي انها غريزة ..وانت ما بيستهان فيك .. بكفي عرفت قصتي كلها .. غيث رجع لورا وقعد ع الكنباي ونفخ حالو وحكا : اي ..شي أكيد .. نيسان : تباً لتواضعك.. غيث : اي شو رح نعمل من هون ل الساعة 12 ؟ نيسان : ما بعرف .. غيث : تحكيليش أفتح قضية جديدة راسي عم يجعني .. نيسان : ماشي ماشي .. غيث : اي بالعادة بس تزهقي هيك شو بتعملي ؟ نيسان : حابب تعرف؟ غيث : اي .. نيسان قامت من مكانها ومدت أيديها لغيث وحكت : ق