العضوة: 743708 , 5 years ago

يونو والوجع الي فيهم بدون ما تحكي شي .. غيث : اي؟ نيسان نتبهت ع حالها وشتت نظراتها .. وحكت بصوت واطي : ما بتعرف تمثل ابدا الوجع واضح بعيونك .. غيث : حكيتي شي؟ نيسان : لا لا ..أنو ما تخلي شريكتك تستنى لجوا لحالها .. غيث : اي معك حق ..نبسطي بوقتك .. نيسان : وانت كمان .. مرقت كم سساعة بالحفلة والكل مستمتع وعم يضحك الا نيسان وغيث ..كانو عيونها رح يولعو شرار وقلبها رح يحترق من نار الغيرة ..شافت نارين داخلة ع التواليت لحقتها ودخلت معها وسكرت الباب وراها .. نارين أخدت قلم الحمرة من شنتتها وقربت ع المرايا لحتى ترسمها .. نيسان حكت وهي رح تاكلها من كتر النار الي بقلبها : سمعي .. نارين : اي ؟ نيسان : بعدي عن غيث .. نارين : بصفتك مين ؟ نيسان ما عرفت تجاوب ..سكتت  نارين : روحي عند حبيبك بدل ما تطلعي ع حبيبي ..فهمانه ؟ نيسان مسكتها من شعرها وحكت : خرسي فهمانه خررسييي.. نارين : خلصص ترككيينيي خلصصص .. نيسان : للعلم انا بعرف الملاكمة ازا بتحبي بحول التواليت لحلبة ومنلعب شو رأيك؟؟ نارين خافت وحملت شنتتها وطلعت بسرعة .. وراحت عند غيث .. غيث : فيكي شي ؟ليش وجهك أحمر وواضح عليكي الخوف؟؟ نارين : أخي ..هي حبيبتك مجنونة صطفلو حلو مشاكلكم لحالكم انا رايحة .. غيث مسكها من أيدها ونيسان كانت طالعة من التواليت شافتهم هيك ..حطت أيدها ع قلبها ومشيت والدموع كانت واصلة لعيونها ..راحت عند أغيد بدون ما تحكي شي .. غيث : نارين خليكي ضل ساعة وحدة بس ساعة .. نارين : بس كرمال رينال ولله .. غيث ضحك وحكا : اي حكيلي شو عملتلك .. نارين : لك مجنونة مجنونة مسكتني من شعري وحطت راسي جوا المغسلة ع شوي كانت رح تكسرلي رقبتي ..وحكتلي بعدي عن غيث ..وستفزيتها بالكلام لهيك عملت هيك ..وحكتلي انها بتعرف الملاكمة انا خفت وطلعت ..لأنو عيونها كانو بقدحو شرار خفت تخلص علي وما حد يعرف بالموضوع 

العضوة: 743708 , 5 years ago

غيث ضحك وحكا : لا مو طبيعية .. نارين : لك عم قلك كانت رح تخلص علي وانت عم تضحك .. غيث : كم فيلم تركي بتحضري باليوم ؟ نارين : لا كتير بضحك..لك لو شفت كيف نار الغيرة عم تحرقها كان بتتوقع تعمل اي شي ولله .. غيث : بتغاري علي لكن اي ..العين بالعين والسن بالسن ..والبادي أظلم .. خلصت الليلة وكل واحد راح ع بيتو ..كان بيت نيسان بعيد عن بيت أغيد بمسافة طويلة شوي ..وهي نسيت مفتاح بيتها معو ..ركبت تكسي وراحت ع بيتو لحتى تاخد المفتاح ..دقت الباب بس ما رد ..تزكرت انو كانت تدخل من باب الملحق دايما ..يعني زمان ..راحت من هنيك ودخلت ع الصالون كانت هنيك بنت غريبة .. نيسان : مين انت شو عم تعملي هون ..؟؟؟ البنت هربت بسرعة ع الحمام  نيسان صرخت بصوت عالي :أغيييددد أغيد طلع من الغرفة وما كان لابس ع صدرو .. نيسان شافت المفتاح ع الطاولة راحت أخدتو وأغيد يحكي : نييسسان لا تروحي سمعييينيي مو متل ما انت مفكررة .. نيسان وقفت وحكت : سماع أغيد انا صح أعطيتك فرصة ..بس كنت مآمنة بأنو من دون فايدة لنقول اعطيتها بس لريح ضميري ..وهلأ خلص ..انت بطريق وانا بطريق ..ﻷنو انت تغيرت كتيير .واضح الأيام الي عشتها هناك كانت كتير صعبة ..كل يوم بنت رايحة وبنت جاي ..يقلبي قديش كنت تعبان ومظلوم .. مشيت وركبت بتكسي وما هتمت لحكيو ..وصلت للببيت ودخلت وطلعت ع البرندة وعملت كاسة نيسكافيه وحطت كتابها وبلشت تقرأ ..طلعت ع السما وحكت بينها وبين حالها : هلأ انا مبسوطة لأنو حبيبي عم يخوني ؟ طلعت من بيتو عم بضحك ..الحب مجنون ..وانا كان في شوية عقل وطار ..نزلت الصبح ع الجامعة وهنيك كانو كل الشلة كانت مبسوطة كتير وعم تضحك .. رند : ممكن نعرف سبب هالبسمة هاي ؟ نيسان ووصوتها مليان فرحة وعم تنط من مكانها : نفصلت انا وأغيد ..كلهم صفنو فيها ..هي فرحانة وعم بتنط ..عشان نفصلت عن حبيبها ..وعيت ع حالها لما شافت غيث صافن فيها ..نزلت راسها وحكا : يعني ..تركنا بعض ..وعملت حالها عم تبكي .. رند : لا انت جنيتي ع المزبوط ..

العضوة: 743708 , 5 years ago

نيسان : من الصدمة ما عم بعرف شو بعمل ..آسفة .. غيث : كنتو كتير لابقين لبعض ..زعلت . نيسان وهي بتضحك : راح بيجي غيرو قصدي ..يعني ..خلص هاد نصيبنا .. الكل ساكت عم يطلع عليها بنظرات غريبة ...وقفت وحكت : شبااب علي محاضرة لازم روح يلا بااي .. رند : لك هاي جنت ع الآخر .. سامر : بجوز ما كانت مرتاحة معو وما صدقت وخلصت منو .. رند : بجوز ... وبس خلصو ..نيسان راحت ع المركز لحتى تشوف غيث ..لأنو الشوق كان عم يحرقها..لو تشوفو من بعيد حتى ..وبصدفة نارين كانت مارقة من هنيك وتزكرت انو غيث بيشتغل هون دخلت لهنيك ونيسان ورا الشجرة عم بتراقب بوجع ..بعد شوي طلعت هي وغيث سلم عليها وباسها من خدها وراحت ..وهو دخل لجوا نيسان تأكدت انو دخل ومشيت لحتى تروح ع البيت ..وندمت انها أجت ..هي مشتاقيتلو وهو مع نارين !! مشيت وهي عم تحكي مع حالها وغيث تزكر انو ما تغدى وطلع لحتى يشتري شي من برا وشاف نيسان حكا : نيسان؟ شو عم تعملي هون ؟؟ نيسان لفت وجهها شوي شوي وحكت : ولا شي ..يعني طريق بيتي من هون بتعرف .. غيث : لو دخلتي شربنا كاسة شاي مع بعض .. نيسان : شفت نارين داخلة لعندك حكيت ما خرب جمعة العشاق ورحت .. غيث : اي .. نيسان : اي .. مشيت شوي وغيث مسكها من أيديها ولفها لعندو وحكا : انا ونارين ما في شي بينا .. نيسان : اي وانا شو دخلني .. غيث: ما بعرف ..يعني بس عشان تعرفي .. نيسان : اي منيح ..بس ع فكرة كتير لابقين لبعض ..وشكلها بتحبك كتير .. غيث : يعني حاليا ما في شي بينا بس ما بعرف شو بصير بالمستقبل .. نيسان أخدت نفس ضغطت ع ايدها وحكت : يعني انت بتحبها ؟ غيث : ما بعرف .. نيسان : شو ما بتعرف ..احكي اه ولا لا .؟ غيث : وليش عم بتحققي معي ؟؟ نيسان ونبرة صوتها كلها جدية : عم قلك بتحبها ولا لا ؟؟ غيث : اي بحبها نيسان هالكلمة كانت وقعها عليها متل الرصاص ..وكأنو ميت رصاصة دخلت ع قلبها بنفس الوقت ..نزلت دمعة من عيونها ع خدها مسحتها بأيدها وحكت بصوت برجف : شو بتستنى ..عترفلها .. غيث لاحظ عليها وحس انو جرحها كتير وحكا : ما بتوقع يصير شي بيناتنا انسي .. نيسان صرخت : لا بصيييرر ..يعني مدام انت بتحبها ليش تخبي ..؟؟؟ روح حكيلها نارريين انا بحبك ..متل الرجال ..ما بعرفك جبان هيك ..وقف قبالها طلع بعيونها وحكيلها بحبك ..

العضوة: 743708 , 5 years ago

كانت بتحكي بسرعة بدون ما تاخد نفس بين الحكي ..وهو واقف مصصدوم وعم يراقبها صرخت وحكت : حكييللهاا شوو عم تستنى ؟؟؟؟؟؟ غيث : نيسان انت منيحة ؟ نيسان الدموع غدرتها ونزلو من عيونها صرخت وحكت : ماني منييحةةة ..قلبي عم يحتتتررقققق ..لك حرقتلي قلبي غيث : وأنت حرقتيلي قلبيي كمااان ..كنت حس بنيران في كل ما شوفك مع أغيد هلأ انا المزنب ؟؟ نيسان ضلت ساكتة وما حكت شي ..بعدين حكت ..: بس انا ما بحب أغيد ..وانت بتحب نارين ..عرفت الفرق؟ غيث : ما بحبها ما بحبها ..هي رفيقتي من سنين ولو بدو يصير بينا شي كان صار .. نيسان : روح لعندها ليش معي

العضوة: 550643 , 5 years ago

@user-743708 اييوا لكان على مهلك انا فكرت مافي تفاعل وعم تيتني البنات

العضوة: 743708 , 5 years ago

هلأ اه ليشش؟؟ غيث مسك بأيدها وشدها لعندو وضمها بقوة قاومت أول شي بعدين بكت بحرقة شتمتو وما خلت شي الا وحكتو علي من خاين لحقير ..بعدين سكتت شوي ورجعت حكت وهي غرقانة بدموعها ..ابتسمت وحكت : بس بحبك .. غيث : مجنونة .. انا بحبك اكتر راحو وقعدو بالجنينة وحكالها غيث انو نارين كلها لعبة .. غيث : لك ع شوي كنت رح تقتلي البنت بالتواليت .. نيسان : اي الي بدو يقرب ح حبيبي هيك بعمل في .. وبلشت تحكي ع نارين وقديش بتكرها نغيث ساكت وعم يراقبها حكالها فجأة وهي عم تحكي بسرعة : بعشقك ..! وقفت حكي وهي مصدومة ..بتسمت وباستو من خدو وحكت : ونا بعشقك أكتر .. هاد القلب بينبض بس لألي ..وهي العيون ما بتطلع غير علي ..وألا بقلعها ..وهاي الأيدين ما بتلمس غيري فهمان ؟ غيث : اي ..وألا ؟ نيسان : ازا بتحب بفرجيك شوية حركات .. غيث : لا خلص حسن صبي ..شفنا وخلص .. مرقت الأيام وحبهم لبعض كل يوم عم يكتر أكتر وأكتر ..كان حب مختلف تماما ..مو مبتذل متل القصص الي منسمعها ..حبهم عبارة عن أسطورة ..جمعتهم الصدف ووقعتهم بحب بعض .. نيسان تخرجت من الجامعة اليوم ..وغيث خلص الماجستير ..وحب تكون الفرحة فرحتين ..فرحة نجاحها وفرحة انو رح تصير حلالو .. مثل أنو طول اليوم ما كان على بعضو..ولما سألتو فيك شي كان يتهرب ..وبس وصلت نيسان ع بيتها هي ورند معها ..رن عليها غيث .. غيث بصوت برجف وكأنو ببكي : نيسان نيسان : اي يا قلبي ..انت مو على بعضك ..غيث حكيليي فيك شي ؟؟؟ غيث : نيسان انا ماني منيح ..خلص ...حاسس وكأنو الحياه كلها بوجهي .. نيسان : غيث وين انت حكيلي رح آجي لعندك .. غيث : بجنتك السرية .. نيسان : خليك مكانك جاييتك ..غيث بحبك ..وازا بتحبني خليك منيح لحد ما اوصلك .. قبل ما يتصل غيث كانت نيسان ورند عم بحكو .. رند : نيسان قيسي هيدا الفستان شريتو عشان حفلة أختي بتعرفي .. نيسان : وليش انا قيسو؟ رند : بتعررفي اني بحب اللون الأسود عليكي كتير يلا قيسي .. قاستو وكانت متل الملاك في ..فستان أسود قصير ..مرصع من فوق بنفس اللون بعدين نافش بطريقة حلوة ..

العضوة: 743708 , 5 years ago

ونيسان عم تطلع ع المراية ع حالها ولابسة كعب خمري طويل ..وعم تلعب بشعراتها وتروح وتيجي قبال المراية رن غيث وحكا معها ..بعدين .. نيسان : رنددد غيث مانو منيح لازم رووح لعندوو..فكيلي الفستان من ورا بسرعة.. قعدت ع الارض وحكت لرند تفكو ..وطبعا رند كانت متفقة مع غيث ع كلشي ..والفستان الي عليها منو ..وحكت رند : لك معلقق مو عرفانة فكو.. نيسان : لك يلعن حظيي شو بديي أعمللل .. رند : روحي هيك ..خدي سيارتي وروحي والطريق اساسا بتعرفي مقطوعة يعني ما حد رح يشوفك..غيث هلأ محتاجك .. نيسان : لك بلا جنان كيف بدي أطلع هييك.. رند : نيسان انت بشو بتفكري وهو هلأ بشو بفكر .. نيسان : خلص ماشي ماشي ناوليني الشنتة رح روح يا رب يكون كلشي بخير .. حملت شنتتها وركبت بسيارة ومشيت بسرعة كبيرة ..نزلت منها ومشيت بالكعب ع الرمل شوي شوي ..بعدين شافت ورد أسود ع الأرض ..قربت لهنيك وكانت الأرض كلها ورد أسود موزع بطريقة بتجننننن وفي علبة صغيرة ع الأرض ..نزلت جابتها وفتحتها ..فتحت أول ورقة الي كانت بالوج ..كان مكتوب فيها ..: اهلاً محقق كونان ..هلأ انت رح تمشي ع هاي الطريق الي قدامك ..وكل تلت خطوات رح تفتحي ورقة ..تفقنا ؟ نيسان الدموع كانو بعيونها من الفرحة ..هزت براسها ..ومشيت تلت خطوات وفتحت الورقة الأولى ..وكان مكتوب فيها : الأسود يليق بك .. وتحت بشوي : بتتزكري بس حكيتيلي أنو بطفولتك كنت تلبسي اللون الاسود وتحبي والكل يفضل اللون الزهري ؟ لهيك الفستان الي عليكي لونو اسود ..وقفت شوي ضحكت وفهمت انو رند كمان ضمن هاللعبة ..مشيت كمان وفتحت الورقة التانية : بتتزكري أول مرة تعرفنا فيها هون ؟ قديش كنت حلوة ..وعنيدة ..متل الماعز .. الورقة التالتة : بتتزكري وقت أجيتي ع المغفر وحققت معك وكزبت عليي فكرك قدرتي تتغلبي علي ؟ بس على ميين .. الورقة الرابعة : بتتزكري وقت نمت ع الكنباي ببيتي ؟ وقتها ضليت جمبك بتأمل تفاصيل وجههك ..عيونك البنية

العضوة: 743708 , 5 years ago

.. أنفك الصغير ..وتمك المرسوم رسم ..شعراتك الساحلين ..وبس صحيتي قلتلك اني هلأ جيت ..طبعا كنلي ساعة عم أتفرج عليكي وسرحان فيكي  نيسان مسحت دموعها وضحك ..وتناولت الورقة الخامسة : بتتزكري بس كنت رح تنتحري ؟ السبب الأساسي هو اني بلشت حبك ..خفت تروحي من أيدي ..بس ما كان عندي الجرأة احكيلك اني بحبك ..هداك كان أول حضن بحضنك يا ..عن شعوري بهديك اللحظة ..قلبي كان رح يوقف ..كان ينبض 1000 دقيقة بثانية ..كنت مفكر الكل سامع نبضات قلبي مو بس انا .. الورقة السادسة : بتتزكري بس حملتي السلاح وأجيتي دافعتي علي متل المجنونة؟ بوقتها كنت رح موت خوف عليكي .. الورقة السابعة : بتتزكري بس حضنتي أغيد ..بهداك الوقت كنت أنا ع باب المغفر ..بس شفتكم هيك ..حسيت قلبي رح يطلع من مكانو ..للحظة ولو تركت أيدي تعمل الي بدها يا كان هلأ انت مو عايشة..ولا هو أكيد ..بهداك الوقت بس عرفت الشي الي أسمو "

العضوة: 743708 , 5 years ago

الغيرة" عرفت قديش بتوجع ..وقديش بتحرق الروح من جوا ..عرفت قديش بشع شعور تشارك أنسان بتحبو .. الورقة التامنة : بحبك بتقبلي تتزوجيني ؟ وتحت مكتوب : أكيد بتسألي ليش بس تمن وراق ..لأنو ازا بتتزكري شي يوم سألتك شو أكتر رقم بتحبي؟ قلتيلي تمنية .. وقفت وطلعت قدامها كان غيث لابس بدلة ورافع شعرو البني ..وعيونو عم يلمعو ..متل لون البحر تماما ..والضحكة مرسومة ع شفافو ..ورينال عم تلحق في وهي ماسكة طوق ورد الياسمين .. قربت عليهم ..وهي غرقانة بدموعها .. رينال : لك في حد ببكي بهيك ييوم حلو ؟؟؟ نيسان نزلت لعندها وحكت : ببكي من الفرحة يا فصعونة ..من الفرحة.. غيث ركع لعندها وطال من جيبتو علبة سودة ..فتحها وحكا وهو عم يطلع بعيونها : بتقبلي تتزوجيني يا أحلى مصيبة وقعت من السما علي ؟ بتقبلي تتزوجيني يا محقق كونان ؟ الدموع ختلطو مع بسمة ع شفافها صرخت بأعلى صوتها : اايييي بقبلل اييي ..لبسها الخاتم وحملها ولف فيها ..نزلها وحضنها وشد عليها .. رينال : هاي هديتي لألك ..عملتلك يا قبل ما آجي ..هاد الورد بيطلع بس بشهر نيسان ..تفضلي نيسان .. نزلت نيسان لعندها وحطت الطوق ع شعرها ..كانت متل الملاك بزبط .. طلعو بعيون بعض ..كل واحد فرحان أكتر من التاني وصافن بعيون التاني .. رينال مسكت أيد نيسان وأيد غيث وشبكتهم ببعض وخلت أيدها بنص وحكت : وعدوني ضلو تحبو بعض لآخر نفس بحياتكم .. نيسان وغيث بنفس الوقت وبصوت واحد : وعد .. رينال مسكت أيد نيسان وحكت : ازا بتزعلي غيث ولله بشدلك شعرك فهمانهه؟ نيسان : ما عاش الي يزعلو .. رينال : ما رح أحكيلك ما تزعل نيسان لأنو بعرف انو قلبك ما بتحمل تشوفها زعلانة ..  وهلأ صار لازم روح لحتى أترك العشاق ياخدو راحتهم ..باي #انتهت 🖤  #تيما_غزال 

العضوة: 799516 , 5 years ago

@user-743708 تعالي شوي ع الموضع الي كنا نحكي فيه

العضوة: 550643 , 5 years ago

@user-743708 حلوة كثير اسلمو مروشتي

العضوة: 743708 , 5 years ago

😍😍😍

العضوة: 768521 , 5 years ago

🌷🌷🌷🌷🌷

العضوة: 768521 , 5 years ago

💐💐💐🤗🤗🤗💐💐💐

العضوة: 768521 , 5 years ago

يسلموووو قصة طويلة بس حلوة 😍😍😍😍🌹🌹🌹🌹