العضوة: 743708 , 5 years ago

😘😘

العضوة: 743708 , 5 years ago

وم لفرجيك شو بعمل .. غيث مسك بأيدها وقام .. ركبت معو بعدين وقفتو قريب من محل ..نزلت شرت شي بكيس لونو اسود وطلعت . غيث : شو شريتي ؟ نيسان : هلأ بتعرف .. غيث : ماشي .. وقفتو بمكان غريب .. نيسان : اي هيك بنكون وصلنا .. غيث : شو بدنا نعمل هون ؟ نيسان فتحت الكيس وطالت منو رشاشات ..وحكت : رح نكتب .. غيث : بتمزحي .. نيسان : اه صح .. المحقق ما بخرب بممتلكات الدولة .. اسفه ..ونزلت أيدها لترجع الرشاش .. مسك ايدها قبل ما ترجعو وحكا : هلأ بفرجيكي كيف بخربها .. مسك الرشاش وكتب ع الحيط " انا العاشق لعينيك برب العشق فرحمني .." نيسان : اي يا عاشق ..مين المعشوقة ..؟ غيث : محدا .. الغنية حلوة وكتبتها .. نيسان : اي الدور عندي .. مسكت الرشاش منو وكتبت " خذني أليك ... قد حار نبضي فالهوا بين يديك .." غيث بصوتو الملائكي : قد سال الورد دمعا مرا شوقاً اليك .. نيسان ضمت صوتها لصوتو وغنو : موتاً حياتاً لا أبالي فقلبي لديك ..خذني اليك .. خلصو وطلعو ع بعض ..نيسان قطعت الصمت وحكت : صوتك بجننن.. غيث ضحك وحكا : شكرا .. رسمو .. وكتبو .. ووقعو أسمائهم وركبو ع المتور ورجعو ع البيت تجهزو للخطة وطلعو .. وصلو للمكان .. غيث : جاهزة تروحي ؟ نيسان : اي .. غيث : يلا ركدي ..وما تنسي شي اي؟ نيسان : بتوثق فيي؟ غيث : أيي.. نيسان : وانا كمان .. ضحكت نيسان وراحت لهنيك ..عم تركد وقفوها الرجال ومسكوها وربطو أيديها ودخلت لجوا  أمجد بيك : شو يا حلوة .. قدرنا نلتقي من جديد .. نيسان كانت لابسة نفس اللبسة الي كانت لابستها بس هربت .. لطخت وجها بطين .. وحطت مكياج أسود تحت عيونها يبين انها تعبانة .. نيسان : تركني روح .. أمجد : شو جابك ع حينا يا صغيرة ؟ نيسان : هربت من المكان هداك .. صرلي أيام بلا شي اعطوني مي امجد : عطوها مي.. أعطوها مي وصارت تشرب بطريقة فظيعة ..مثلت دورها بأتقان .. نيسان : لازم فرجيك شي .. أمجد : متل شو؟

العضوة: 550643 , 5 years ago

@user-743708 كملي متابعة انا

العضوة: 550643 , 5 years ago

كملي بليز

العضوة: 743708 , 5 years ago

أمجد : متل شو؟ نيسان : وأنا جاي شفتو بطريق امشي لفرجيك يا ليكو برا مو بعيد كتير .. أمجد : مفكرتيني غبي ؟ احكي ولي مين باعتك لهون ؟ ولشو بدك ياني؟ نيسان : لك فكر بالمنطق ..منظري هاد ؟ والأواعي الي علي والتعب الي عم حس في ..بيوحي اني وحدة جاي تضحك عليك؟  أمجد فكر شوي بعدين حكا : ازا طلعتي بتلعبي علي ..رح ألعب لعبة الموت معك ماشي؟  نيسان : انت الوحيد الي بتقدر تخلصني من هون ..وانا صدقت هالشي .. بالمناسبة بس نرجع حكيلهم يعطوني من هديك المادة حبيتها .. امجد ضحك وحكا : ايوة هيك كوني مطيعة مو عنيدة متل قبل ..يلا فكولها رجليها لنروح نشوف وين بدها تودينا .. فكولها رجليها ومشيت مع أمجد لحالهم .. امجد : ايي لوين بدنا نروح .. نيسان : شوف حطيت حجار لطريق الي اجيت منها لحتى ما انسى المكان ..رح نتبعو لنوصل .. أمجد : ماشي .. ضلو عم يمشو بعدين وقو فجأة  امجد : وصلنا ؟ نيسان : اي .. أمجد : وين الشي الي لازم شوفو ..؟ نيسان تحركت بسرعة وربطت أيدي بالحبل الي كانت مخبيتو بجيابها وصفرت بصوت واطي ..أجا غيث بسرعة ومسك أمجد ... أمجد : عم تلعبي علي اي؟ نيسان : خلينا نحكي انو لسا ما شفت شي ..يا أمجد بيك .. غيث مسك الاصق عشان يلصقلو تمو ..صرخ بصوت عالي ساعدووونننييييي  غيث سكرلو تمو بسرعة ونيسان حكت : لك الله يلعنك واحد قليل شرف غيث : أمشي لازم نمشي بسرعة من هون ..المسافة مانا طويلة بيقدرو يوصلولنا ازا سمعو الصوت .. مشيو تلاتتهم بعدين سمعو صوت رصاص ..تخبو ورا شجرة كبيرة  #يتبع

العضوة: 743708 , 5 years ago

الجزء الخامس 🖤🌸 نيسان : غيث شو رح نعمل ..رح يمسكونا هيك .. غيث : كم شخص هنن؟ غيث : ما بعرف ..بجوز ستة سبعة هيك شي .. غيث : رح واجهم .. نيسان : نعم ؟ شو عم تحكي انت ! غيث : متل ما سمعتي ! نيسان : لا..مابتركك هون .. غيث : نيسسان انت عم بتخاطري بحياتك وحياتي هون ..ازا ضليتي هون انا بخسر وظيفتي وممكن أخسرك .. نيسان : بس انا ما بدي أخسرك .. ما رح اتركك يعني ما رح أتركك.. غيث : لك يا ربي انا شو عملت بحياتي لحتى الله بعتلي وحدة متلك اه؟ نيسان : ماشيي ماشيي رايحة خلص .. غيث : بضلي معو عند الماتور وما بتتحركي ولا سنتيمتر واحد فاهمة؟ نيسان : أمر تاني سيدي ؟ غيث : نيسان عم نخسر وقت ..بكل دقيقة انت هون انا بخاطر بحياتك ! نيسان : طيب ليكني رايحة .. غيث : ستني بدي قلك قبل ما تروحي .. نيسان قربت علي لتسمع وعيونها لمعو فجأة .. غيث : انا ..يعني .. نيسان : ايي؟؟ غيث : أوعي يفلت منك او يهرب ..ولله بقتلك فاهمة ؟ نيسان عادت الي حكا بنبرة استهزاء وحكت : انا هلأ ازا قتلتك كم سنة بنحكم؟ معلش أخريتني بطلع من السجن .. غيث ضحك وحكا : روحي روحي .. نيسان مسكت أمجد ومشيت وهي عم تجر في ..وتحكي مع حالها : يا ربي ..انسان واحد يدخل حياتي يكون عاقل ..بس واحد.. مشيت لعند المتور وربطتو في مزبوط , وحكت : سماع ..ما رح تعرف تهرب لا تحاول ..بس ازا هربت أعرف انو ما رح تنجح قلك ليش؟ امجد هز راسو بمعنى اي؟ نيسان حكت : لأنو ..وسحبت الفرد من خصر أمجد وقوصت ع أجرو ..وحكت : لأنو ما رح تقدر تبعد ..يا حلو .. وحطت السلاح بخصرها .. بهداك الوقت كان رجالو واصلين لهنيك ..كانو أربعة ..غيث كان متخبي ..بلشو يطخو ع بعض ..بس بهداك الوقت رجالو حاوطو غيث من جهتين ..حس انو خلص لهون وبس ..بجووز هون نهايتو ..غمض عيونو وحكا .. أشهد ان لا اله الا الله وأن .. صوت طخ من ورا بزبط فتح عيونو ع وسعن .. صوت نيسان وضحكتها : ما بعرفك بتستسلم بسرعة .. غيث : شو عم تعمممليي هووون !!!! نيسان : أكيد ما رح أسمحلك تموت صح؟ غيث : وربي مجنونة..

العضوة: 743708 , 5 years ago

غيث : وربي مجنونة.. نيسان : ما ضيع وقت يلا بس عد لتلاتة بتقوم انا بقوص ع اليمين وأنت ع الشمال ..لأنو في تنين ع اليمين وفي واحد ع الشمال ..ما تنسى تخيلي واحد عايش رح يفيدنا ازا حققنا معو .. غيث : لحظة لحظة .. تنين لألك وواحد لألي؟ انت من وين بتعرفي تستخدمي السلاح؟ نيسان : بنص الأشتباك هاد بتسأل ؟ ..بابا علمني لما كنت صغيرة ..هيك رتحت؟ غيث : انت عبارة عن مفاجئة كبيرة كل شوي بتفاجئيني .. نيسان ضحكت وحكت بنفس نبرة صوت غيث : بلا كترة حكي يلا لازم نخلص عليهم .. قدرو يتخلصو منهم ..قامت نيسان من مكانها ومد أيديها لغيث وحكت : يلا قوم .. غيث مسك بأيدها وقام : مو طبيعية .. نيسان ضحك وحكت : ع اساس انت الطبيعي يعني .. غيث ضحك وحكا: وانا كمان ما بتصنف انسان طبيعي ..أمجد...لك امجد ويينووووو؟؟؟ نيسان : لا تخاف ..ما رح يهرب ؟ غيث : وواثقة من حالك ! نيسان : اي .. وصلو لهنيك وبس شاف غيث أمجد أجرو عم تنزف .. غيث : لا لا ..انا شو عملت بحياتي ل الله بعتلي ياكي؟ نيسان : بجوز أمك داعيتلك بليلة القدر صح؟ غيث نزل راسو وما حكا شي ..ونظراتو تشتت.. نيسان : مو مهم .. هلأ لازم تتصل ع الشرطة صح ؟ غيث : اي اي .. خبرو الشرطة وأجت أخدتهم ..وبعدين حققو معو .. غيث ونيسان كانو بالمركز قاعدين .. غيث : ازا بدك تدخلي تحكي مع أمجد..يعني ..ازا بدك.. نيسان : قصدك أنتقم.. غيث : متل ما بدك ..يعني ازا حابة تضربي طلعي كل غضبك في ..بغطي عليكي وما بخلي حد يعرف عادي .. نيسان قربت علي وحكت : ألو حساب وألنا الله .. غيث طلع بعيونها وما حكا شي .. كملت وحكت : ما تخاف ..الدنيا كما تدين تدان.. مو شرط نفس الطريقة بس صدقني نفس الوجع.. بكرا يا بمرتو يا بولادو ..رح يحسو متل ما حسيت ..ما في داعي لأنتقم ..الله كبير بجازي مين نحنا لننتقم؟ غيث : جد .. مين نحنا َ! نيسان : غيث ..انا حاسة حالي منيحة ..ورح روح شوف أهلي اي؟ غيث : أي ..كتير منيح.. نيسان طلعت بعيون غيث وسكتت بدون أي كلمة ..وهو طلع بعيونها وحكا : اي ؟

العضوة: 743708 , 5 years ago

نيسان طلعت بعيون غيث وسكتت بدون أي كلمة ..وهو طلع بعيونها وحكا : اي ؟ نيسان شتت نظراتها وحكت : غيث بجووز هي آخر مرة بشوفك فيها .. غيث وهو عم يضحك : ايي مو فرحانة؟ بنهاية مين ببحب يلتقي مع محقق شرطة .. رح ترجعي لحياتك الطبيعية ..وتروحي لجامعتك..كلشي رح يرجع متل قبل .. نيسان بصوت واطي : وبجوز انا ما بدي يرجع متل قبل . غيث : حكيتي شي؟ نيسان : لا ..يعني ..تعال وصلني لبرا المغفر ازا بدك.. غيث : ماشي يا كونان مشيو لبرا المغفر بدون أي كلمة .. وقفو قبال بعض وحكا : اي يا نيسان ..لهون وبس طرقاتنا رح تفترق هلأ..وان شاء الله ما تحتاجيني ودخلي راسك بالمصايب يا كونان ماشي؟ نيسان ضحكت وحكت : ما تخاف .. شكلك ناسي مين بكون .. غيث : المحقق كونان.. نيسان حكت بصوت برجف ..سلام.. لوحلها بأيدو شافها عم تبعد ..ضل عم يراقب بعدها بصمت ..وقفت فجأة ورجعت وهي عم تركد ونطت علي وحضنتنو وهو واقف مصدوم بدون أ

العضوة: 743708 , 5 years ago

ي حركة .. نيسان والدموع بعيونها ..: غيث ..شكرا..شكرا ع كلشي ..لو ما طلعت بحياتي ما بعرف هلأ شو كان صرلي ..شكرا .. غيث الدموع وصلو لعيونو ..حكا بصوت برجف : أحلى مصيبة وقعت من السما علي ..نيسان مسحت دموعها مسكت أيدين غيث وحكت : هلأ جد ... باي .. غيث : باي .. تركت أيدي شوي شوي ولفت وجها وركدت بسرعة .. اما غيث فراح ع الجنينة القريبة من المغفر قعد ع الكرسي لحالو .. وبلش يتزكر كيف تعرف عليها بأول يوم شافو بعض في ..قديش كانت حلوة وعفوية ..وقوية بنفس الوقت.. نيسان مشيت وقعدت ع كرسي بطل ع البحر وبلشت تبكي ..لهون وبس ..الطرق رح تفترق من اليوم وطالع ..كل واحد رح يرجع لحياتو الطبيعية ..بدون آكشن ولا شي .. حياه طبيعية وبس ..! رجعت نيسان ع البيت دخلت وحضنت أمها وشرجتلها كلشي صار ..بعدين دخلت ع غرفتها ودق الباب  نيسان : تفضلي أمي .. فتح الباب وظهر منو شب طويل أسمراني شعرو مرفوع بطريقة حلوة ..وعيونو عم يلمعو .. وقفت نيسان فجأة وركدت لعندو وصرخت .."اخيييي" علي : اي يعيون اخوكي .. نيسان : ايمتى رجعتت !! علي : مبارحة بليل .. نيسان رجعت حضنتو وحكت : يا قلبي ..شو مشتاقيتلك .. هلأ فرنسا أحلى منا ؟ ليش ضلينت هنيك اه؟ علي : لك اختي ليكني رجعت .. هاد الموضوع الي بدنا نحكي عنو؟ ولا.."وأشر ع شكل نيسان" نيسان : اي عود ﻷاحكيلك .. علي : اي ..وهي قعدنا ..احكي .. نيسان بلشت تشرحلو كلشي صار معها من البداية ..لحتى دخولها ع البيت قبل شوي .. علي : هاد غيث حبيتو ..لازم اتعرف علي .. نيسان : انسان كتير منيح ..بس خلص ..هو راح بطريقو وانا بطريقي ..رح أرجع كمل حياتي متل ما تركتا .. علي : أي هيك منيح ..لألك ولألو..ما ضل شي الا وصار ع راسو للشب من اول ما عرفتي .. نيسان ضحكت وما حكت شي ..قضت اليوم وهي عم تحكي مع علي وهو يحكيلها كيف كانت دراستو بفرنسا .. بعدين نامت والصبح راحت ع الجامعة وهنيك شافت رند ألي حضنتها وما تركتها أبداً ..شرحتلها كلشي صار هنيك ..بس أكيد ما حد بيعرف بقصة المخدرات غير غيث ..وبكفتيريا الجامعة مع شلتها .. رند : المهم هلأ انو انت بينا يا قلبي.. نيسان : الحمد لله .. سامر : وجودك بينا .. وأنك ضلي عايشة لهلأ عبارة عن معجزة مدركة هالشي صح؟ نيسان : اي اي ..شفت الموت بعيوني .. كل الفضل ل غيث ..بعمري ما رح أنسى معروفو هاد .. سامر : بس في شي ما فهمتو من القصة.. نيسان : شهو؟

العضوة: 743708 , 5 years ago

نيسان : شهو؟ سامر : طيب ازا متل ما حكيتي انو خلصتي من بين أيدهم قبل أيام ..وين كنت ؟ وليش ما تصلتي وخبرتي حد فينا انك بخير ..او اجيتي ع الجامعة مثلاً .. نيسان: كنت بحالة نفسية صعبة كتير ..ولما حسيت حالي تحسنت..وبقدر أشرح الوضع لألكم ولأمي ..أجييت.. سامر : ولله ما بستخف فيكي ها ..قدرتيلهم.. ضحكو وأخدت نيسان المحاضرات السابقة من سامر لأنو معها بنفس الدفعة ..روحت ع البيت تدرس وتشتغل ع حالها ..لأنو الامتحانات عم بتقرب ..وهي ضييعت كتير وقت .. بكل حرف عم تقرأو بالكتاب ..بكل كلمة بتسمعها .. بكل صورة بتشوفها ..طيف غيث عم يلحقها..نيسان قررت تستلم للنوم رمت حالها ع تختها وحكت مع حالها .. مو معقول ..ليش طيفك عم يلحقني بكل مكان .. بكل وجه بشوفو بتخيلو أنت ..كل أسم بقرأو بتخيلو أسمك ..شو الي عم يصرلي .. انت مجرد عابر بحياتي ..بس ليش تركت شي بحياتي ما عم أقدر أنساه ..شو الي عم يصير ما عم أفهم .. ما عم تطلع من أحلامي ..شي بتيجي بتطمن عليي ..وشي بتحكيلي عن الجرائم الجديدة ..وشي بتحكيلي كيفك يا محقق كونان ..وبس ليش ما بقدر قلك اني شتقتلك ؟ وأنو تعودت عليك لدرجة ..مو قدرانة انساك.. هالأيام القصيرة والساعات الصغيرة الي قضيناها مع بعض ..قدرو يحفرو أسمك بحياتي ؟ وبشكل ما بقدر أنساه بهي السهولة؟ مرقت تلت أشهر نيسان جتازت الامتحانات بسهولة لأنها بنت زكية ..والكعادة كانت الاولى ع الدفعهه.. روحت ع البيت حطت المفتاح بالباب لحتى تدخل ..بس تفاجئت انو الباب مفتوح ..دخلت لهنيك ..وكأنو بهاي الدقيقة ..توقفت الساعة .. نفتحو عيون نيسان ع وسعون ..صاحت بصوت عالي خلا المدينة ..او حتى القارة ..لا لا الكرة الأرضية كلها تهتز مرة وحدة ..

العضوة: 743708 , 5 years ago

بخطوات صغيرة وأيدين عم ترجف ..شعرها مغطي وجها ..وعيونها للأرض ..وتنين ع جنبها عم يجروها لحتى تقدر تمشي ...هي بالأحرى ما عم تمشي ..هنن عم يجروها ..سمعت صوت ..هز طبلة إدنها ..لا لا ..بجوز هز قلبها ..مرقت صورة صاحب هالصوت قدام عيونها بلمح البصر ..رفعت نظرها لفوق شوي ..وقفت ومشيت خطووة لقدام ..بعدها خطوة بسرعة اكبر ..بعدين ركدت بسرعة وحضنت صاحب هالصوت ..الزمن توقف ؟ ولا بس هيك انا عم حس ؟ صوت رقيق وبحنية  "نيسان ..؟ شبك؟" بعدت عن صدرو شوي وطلعت بعيونو ..ما حكت شي ..رجعت حضنتو ..أشر للشبين الي كانو ماسكينها بأنو رح ياخدها كم دقيقةة ويرجع ..ع أمانتو يعني .. مشي وهي راكية حالها ع كتفو وعم يجر فيها ..وصلو للجنينة .. حكا وهو عم يمسح ع شعرها برقة  " نيسان .." رفعت نظرها علي ..طلعت بعيونو ..نزلت دمعة بريئة من عيو

العضوة: 743708 , 5 years ago

نها ..وحكت  "غيث ..أمي ..أخي .." ما كملت جملتها ..حطت أيديها ع وجها وبكت بحرقة .. غيث زاح ايديها عن عيونها وحكا بشي من الفضول : فيهم شي ؟ نيسان بصوت متقطع ومليان حزن ووجع وهي عم تطلع بعيون غيث ..حكت: ما تو ... غيث توسع محجر عيونو ومسك أيديها وقال ..: كيفف !!! نيسان : رح ياخدو أفادتي اساسا ..قوم هنيك بشرح كلشي .. غيث : ازا حاسة حالك مو منيحة منخليها لبعدين. نيسان : لا لا ..هلأ احسن.. غيث مسك بأيدها ومشيو ..قعدو بالغرفة وبلش يسألها .. غيث : اي ..شرحيلي كلشي .. نيسان : خلصت من الجامعة ورجعت ع البيت دغري ..حطيت المفتاح في لحتى ادخل ..بس كان مفتوح ..دخلت بعدين .. غيث : اي ..؟؟ نيسان مسحت دموعها وأخدت نفس عميق وحكت : كان أخي مربط ع الكرسي وكل قميصو دم ..أمي كانت جمبو ع الارض وبرضو البلوزة الي عليها كلها دم ..ما عرفت شو أعمل صرخت بصوت عالي ..لتمو الجيران ..والباقي بتعرفو.. غيث : وين كنتِ ساعة الجريمة ؟ نيسان : ما تحكي معي وكأنو انا القاتلة.. غييث : نيسان سمعيني منيح ..احنا شغلتنا نشك بالكل ماشي ؟ انا واثق منك ..بس لازم اثبت وين كنتٍ لحتى أثبت انو ما الك علاقة بالحادثة ..عم تفهمي علي ؟ انت المشتبه فيها الأولى ..لأنك أول حد شاف ساحة الجريمة هيك .. نيسان : اي اي ..قلتلك ..كنت بالجامعة .. غيث : طيب كيف هيك ! لما تم التشريح ...كانت ساعة الي نقتلو فيها 2 ونص بليل ..وين كنت ! نيسان : اي ..قبل بيوم كان لازم نشتغل ع مشروع التخرج ..فرحت عند رند وكانت الشلة هنيك ..انا وسافر بالدفعة نفسها ..شتغلنا ع مشروعنا ورند مع البقية..بعدين تأخر الوقت كل واحد راح ع بيتو ..بس رند أصرت نام عندها كتير ..وداري بعيدة شوي عن بيتها ..تصلت بأمي لحتى خبرها بس ما ردت ..وعلي كان موبايلو مغلق ..نمت هنيك لأنو بعرف انو امي ما بتعترض ع هيك شي لأنو هي بنهاية بنت عمي .. ومن بيت رند الصبح للجامعة .. خلصت المحاضرات ورحت ع البيت ..

العضوة: 743708 , 5 years ago

غيث : اي ..طيب مين كان بيعرف انو انت ما رح تكوني موجودة بالبيت بهديك الساعة غير رفقاتك؟ نيسان فكرت ششوي بعدين حكت : ما حدا ..يعني بس رفقاتي وأمي وأخي ..مالي غيرهم بحياتي .. غيث : شوفي هني احتمالين ..الاول انو القاتل ما بدو يقتلك ..لهيك ستنى بس خرجتي من البيت بعدين دخل وعمل الجريمة .. نيسان : والتاني ؟ غيث : هدفو يخلص عليكم مرة وحدة ..بس تفاجئ بأنو ما كنت بالبيت بهديك الساعة ..خلص على موجودين ..وضل انت ! نيسان : طيب ازا هيك عم تحكي ..القاتل كان لازم يراقب البيت طول النهار ..اذا اكيد شافني عم أخرج من البيت وعرف انو البيت ما في غير أخي وأمي ! غيث : منطقي برضو ..! سكتو شوي بعدين قطع الصمت صوت غيث وحكا : طيب ..ع أي ساعة رحتي لعند رند ؟ نيسان : بعد الجامعة دغري ..يعني شي اربعة العصر ..هيك شي .. غيث : اذا القاتل متأكد انو مو موجودة بالبيت وستنى لا ترجعي بس ما رجعتي دخل وعمل الجريمة .. نيسان : او ..فكر اني جوا . غيث : نيسان ..هي الجريمة ممن واحد زكي كتير ..ما ترك اي دليل ورا ولا اي شي ! بدو يفكر انك بالبيت وأنت من الاربعة مو بالبيت ؟ نيسان : او كان هدفو من البداية يخلص ع عيلتي بعدين انا غيث : بتتوقعي انهم همي ؟! نيسان : اي ..لأنو قدرنا انا وياك نتخلص منهم .. فقررو ينتقمو ..والدور الجاي لألي.. غيث : ما رح أسمحلهم ياخدو الي بدهم يا .. نيسان : ما عاد يهمني شي ..روحي أرخص شي بملكو هلأ .. غيث : أوعك ! نيسان أوعك اسمعك عم تحكي هالحكي كمان مرة .. نيسان : كزب ؟ ما ضللي حد بحياتي ..خلص هلأ الموت أحسن شي بصير .. غيث : لهدرجة الروح رخيصة بنسبة لألك .. نيسان قامت من مكانها ..مسحت دموعها وحكت : ازا خلص شغلي من هون فيني روح .. غيث : مو عرفان شو قلك ..حياتك هلأ بخطر كبير .. نيسان : باين ع شكلي وحدة بتهتم بهالشي؟  غيث : سمعي .. وقبل ما حكي رن موبايلو ..مشيت نيسان كم خطوة ..وقفها غيث وأشرلها تستنى شوي .. غيث : اي سند .. سند : أخي لقينا رسالة بساحة الجريمة .. غيث : رسالة !! سند : اي ..كانت مخبية تحت الطاولة .. غيث : اي وشو محتواها؟ سند : ازا بتقدر تيجي لهون بكون أحسن ..ومنو نيسان بتعرف بموضوعها كمان.. غيث : ماشي أخي شوي وبكون عندك انا ونيسان ..وصلو البيت وفتحو الرسالة ..  غيث : مرحبا يا حلوة ..ما تخافي الدور لألك ..بس لازم نوجع قلبك أول ما هيك؟ روحي لعند الكنباية الكبيرة في وراها مفاجئة ..

العضوة: 743708 , 5 years ago

نيسان مشيت بسرعة للمكان الي قلها علي .. سند : ستني شوي ..بجووز يكون في شي هنيك .. تأكدو انو ما في شي ولقيو موبايل فتحو كان في فيديو مسجل كلشي في ..علي مربط وأمها رافعة ايديها وعم تترجى في يتركهم ..قوص عليهم بالسلاح الي معا وحكا : الدور الجاي لألك يا حلوة ..يلا هلأ ع غرفة نومك .. دخلت ع غرفتها كان التخت كلو دم ومكتوب ع المرايا "الصندوق الي بالخزانة "بدم .. فتحت الخزانة كان في صندوق .. كان في رسالة فتحتها وقرأت بصوت عالي " شارع ** ساعة 12 ونص بليل ..ازا الشرطة كانت وراكي أعرفي انو واحد

العضوة: 743708 , 5 years ago

من الي بتحبيهم رح يروح ..نبلش برند ولا بفراس ؟ وقعت ع الأرض وبلشت تبكي بحرقة وهي حاملة صورة أمها وأخوها وهي .. غيث قعد جمبها وحكا : ما رح نعطيهم الي بدهم يا فاهمة ؟ رح أنتقملك .. نيسان : بدي روح .. غيث : شووو؟؟ نيسان : متل ما سمعت ..بدي روح ..بدي يقتلوني خلصص ..ما بدي يتأذى حد تاني بس بسببي !! غيث : ما حد رح يتأذى ..وأزا راجعتي زاكرتك مزبوط..بتفهمي انو مو انت السبب .. نيسان : كيف مو انا ! مو انا الي وقعتهم بسجن ؟ رح أدفع تمن كلشي .. غيث : انت ؟ شكلك ناسية اني كنت معك .. وازا رح تدفعي التمن فرح ادفعو معك .. نيسان : انت ما دخلك ..هاي حياتي انا وانا بقرر الي رح يصير .. غيث مسكها من كتافها وشد عليها وحكا : سمعي ما رح كرر ..روحة لهنيك ما في ! شكلك مو عرفانة قديش خطيرين ..ما رح يقتلوكي ..رح يزلوكي .. نيسان : عادي ..لك ما عم تفهم ؟ ما عاد شي يهمني ..أمي ماتت قدام عيوني متل ما شفت قبل شوي ..أخي مات قبل ما يحقق حلمو ..كلو بسببي انا !! والله أعلم مين القتيل الجاي .. غيث : نيسان ..رح تجتازي هاي المحنة ..بعرف مو سهل ..بس رح تجتازيها ..لأنك قوية وبتقدري .. نيسان مسحت دموعها وقفت وحكت : فيك تروح من هون .. غيث : ما رح أتركك لحالك .. نيسان علت نبرة صوتها وحكت : عم قلك روح ..! غيث : ونا عم قلك ماني رايح مكان .. قامت نيسان من مكانها وبلشت تكسر كلشي بتشوفو قدامها فتحت خزانتها وكبت كل اواعيها كل شي بجهة ..وبلشت تصرخ بصوت عالي روححح عم قللككك روووحححح تركنيي لحااليييي  وهو واقف عم يطلع عليها ومكتف ايدي .. قربت علي وبلشت تضربو ع صدرو وتحكي : لك روووح تركككنننييي روووححح ما بدي حد يموت بسببي خلصصصص خلصصص ..مسك أيديها وضمها بقوة وحكا : ما رح اسمع لحد يموت ..صدقيني .. نيسان بصوت برجف : هني أقوى منا .. غيث : الله أقوى منا ومنهم .. مرقت كم ساعة وهني ساكتين ونيسان عم تبكي .. غيث : نيسان لازم تنامي ..