العضوة: 743708 , 5 years ago

😍

العضوة: 768521 , 5 years ago

كملي 🤗🤗🤗🤗

العضوة: 768521 , 5 years ago

@user-743708 مبينة حلوة القصة 😍😍😍😍

العضوة: 768521 , 5 years ago

💚💚💚💚💚

العضوة: 768521 , 5 years ago

🌷🌷🤗🤗🤗🌷🌷

العضوة: 790128 , 5 years ago

👀👀👀👀👀👩‍💻👩‍💻🤰🤰🤰🤰

العضوة: 417063 , 5 years ago

متابعة

العضوة: 417063 , 5 years ago

حبيبتي فيكي تنزلي قصة رمنسية أتكون أحدث مشوقة شكرا لكي 😘😘😘

العضوة: 743708 , 5 years ago

نيسان طلعت علي من فوق لتحت وحكت : الي متلك هيك بساعدهم . ضحك الشب ضحكه سخرية وحكا : بدك تساعديني جد؟ نيسان : كنت بدي ساعدك بس بما انك هيك شلت الفكرة من راسي , الشب : ازا بتقدري تساعديني لو سمحتي ! نيسان : اي احكي .. الشب : بتقدري تساعديني بشي واحد وهو انك تروحي من هون بسرعة ..لف وجهو وحكا بصوت واطي : ناس آخر زمن .. نيسان حطت المصاري بشنتتها وحكت : اي متل ما بدك .. وضلت ماشية  سمعت صوتو عم يحكي : بقدر أتصل من موبايلك ؟ لفت وجهها علي كان عم يطلع ع الارض وعم يحك برقبتو .. ضحكت وقربت لعندو .. وحكت : اي معي تفضل "مدتلو الموبايل "  مسك الموبايل من أيدها وسحبتو بسرعة وحكت وهي عم تهز راسها : لا لا .. لازم تعتزر أول .. الشب تغيرت ملامح وجهو وحكا : لك.. انا ما فيي عقل عشان هيك طلبت منك ..خلص عتبري اني ما طلبت يلا امشي .. نيسان وهي عم تضحك : اي شبك عم نمزح ليش عصبت .."رجعت مدت الموبايل وعطتو يا" مسك الموبايل وهو متردد .. نيسان : لك خلص خدو ورن .. رن من موبايلها وحكا : لك سند هاد انا , تسألش ما ضل شي ما صار فييي , لا لا شو دخل لمياء , هلأ وانا جاي خربت السيارة ع الطريق وبتعرف الطريق مقطوعة ما في حدا وحاولت زبطها وتعال شوف كيف صرت زي الي عم يشحدو "وطلع ع نيسان نظرة وهي نزلت راسها للأرض " وفوق عن كل هيك الجو شوب كتير رح طق الي شي تلت ساعات هون والموبايل ما عرف يخلص شحنو غير لما شاف السيارة طفت ..يلعن حظي ..ماشي ماشي اي منيح تعالو .. خلص من الموبايل وعطا لنيسان .. وحكا : شكرا .. انا لو ما طلعتي بطريقي كان .. ما بعرف شو رح أعمل ..بجوز كان نمت هون .. نيسان : اي بتكون أكبر محظوظ ازا نمت بهيك مكان .. الشب : محظوظ؟ نيسان : مين بصحلو ينام وقدامو لوحة الجمال هاي ..بحر وشمس ..وهدوء الشب : بكره البحر .. نيسان : في حد بكره البحر؟ الشب : انسي انسي ..اي انا بكون غيث "ومد ايدو " نيسان مدت أيدها وسلمت علي وحكت : وأنا نيسان . نيسان : ايي انا صار لازم أمشي ..فرصة سعيدة ..وبتمنى يجو بأقرب وقت ..قبل ما ياكلك البحر "وضحكت ضحكة سخرية " غيث نزعج من جملتها وحكا : الله معك .. كملت نيسان طريقها ..وبعد شوي وصلو صحاب غيث وراح معهم ..بهاد الوقت كانت نيسان عم تحارب لتخلص من لسان إمها .. نيسان : امي خلصصص عم قلك راسي رح يفقع بكفي بكفي . امها

العضوة: 743708 , 5 years ago

نيسان : امي خلصصص عم قلك راسي رح يفقع بكفي بكفي . امها : لك يا ريت ما حملت فيكي وجبتك يا ريت .. نيسان قربت ع أمها وعيونها دموع وحكت : يا ريت الانسان بقدر يختار أهلو وعيلتو .. مشيت نيسان لغرفتها وخبطت باب غرفتها بعد شوي دق باب الغرفة صرخت نيسان وحكت : امي خلص خلص بدي ضل لحالي ما بدي شوف حدا . نفتح الباب وظهرت منو بنت طويلة شعرها قصير ..عيونها خضر وعم تضحك ..حكت : حتى انا ؟ نيسان بس سمعت الصوت رفعت الحرام عن وجهها وقامت من تختها وركدت وحضنتها .. نيسان : رنددددد ما عم صددققق .. رند : لك ما طولت عليكي كلو شهر .. نيسان : اي بعرف ..بس شتقتلك ..وكتير كمان .. رند : ونا اكتر يا روحي نيسان : عدي عدي ايي خبريني كيف فرنسسا حلوة؟ شو عملتي ؟؟ رند : حلوة كتيييييي

العضوة: 743708 , 5 years ago

ير ..نبسطت هناك كتير ..ما خليت شي الا وعملتوو .. نيسان : اي اكيد رحتي لعند عمر قبل ما تيجي لعندي ما هيك ؟ رند نزلت راسها للأرض وعيونها تملو دموع وحكت : هه عمر؟! نيسان : اي يعني مين غيرو ..؟ رند ضلت ساكتة والدموع بعيونها .. نيسان : رند احكي في شي ؟ رند : انسي ..تركنا.. نيسان : شوووو؟ تركتووو؟  رند : اي ..يعني الأصح هو الي تركني .. نيسان : كيف بيعمل هييك .. كيف بقدر يقسى عليكي؟؟!!! رند : هه لقا وحدة احسن مني ..وهيك بكون خلص دوري .. نيسان : لك الله يلعننو اصلا كلن متل بعضون .. رند : كلون هيك .. بس يزهقو منا بيتركونا وبروحو ع الخطة البديلة ..انسي اساسا الموضوع ما بيستحق حتى دمعة من عييوني .. نيسان : وك افداه صاحبتي القوية ام قلب قوي اه؟ رند : انا قوية .. ورح صير احسن .. الحياه ما رح توقف عندو .. رح شوف حياتي بس بعيد عن جمس آدم كلو .. نيسان : ازا لهيك هالسفرة طلعت فجأة ما هيك؟ رند : اي ..كنتت بدي اهرب من اي شي ضلو عم يحكو مع بعض كتير ..رتاحت نيسان كتييير بس شافت رند .. بالمناسبة , رند بتكون صاحبة نيسان كتير ..يعني منقدر نحكي صديقة طفولتها ..وبنفس الوقت بنت عمها  أكتر حد بعرف نيسان عن قرب عاشو طفولتهم مع بعض , بيعرفو اسرار بعض . ما بقدرو يخبو ع بعض شي , رند بنت طيوبة وحبابة كتير ..اما نيسان , فهي بنت طويلة عيونها بني غامق واسعين وشعرها لنص ضهرها ولونو بني ..غامضة كتير وغريبة أكتر ..كتومة لدرجة كبيرة , يعني صعب تاخد منها شي ..الكل بفكر انو الي موجود بالمنطقة الشمال من صدرها شي صخرة او تلاجة لأنو مستحيل يكون قلب ..قوية كتييير لدرجة كبيرخ

العضوة: 743708 , 5 years ago

الجزء التاني 🌸 بتدرس تخصص رياضة .. لأنها من وهي صغيرة كتير بتحب الرياضة وعندها لياقة كتير ..وأخدت أكتر من مدالية بفوزها بمسابقات الملاكمة و التيكونادو والكاراتيه , اما رند فبتدرس تخصص علوم اجتماعية .. بعد كمم يوم .. صحيت نيسان الصبح لبست أواعيها ونزلت للجامعة ..وهي بطريق وقفتها سيارة ونزلو منها أكتر من زلمة وخطفوها ..وحطولها مخدر لحتى تغيب عن الوعي ..صحيت لقيت حالها مربطة ..بمكان مهجور .. في كراسي مكسرين ..والروائح قذرة كتير ..حست بوجع كبير براسها .. حاولت تفتح عيونها مزبوط .. لقيت قدامها زلمة بالتلاتين من عمرو .. حكا وهو عم يطلع عليها : مرحبا يا حلوة  فتحت نيسان عيونها وحكت : وين انا .. مين انت .. ضحك وحكا : سؤال حلو .. وين انا .. بفندق خمس نجوم بأسبانيا اي خدمة ؟ صرخت نيسان وحكت : عم قلك مين اتتت ! شو بدك مني ! حكا وهو عم يدخن : كنت حابب امزح معك .. بس باينتك ما بتحبي المزح .. يا حلوة .. بدي منك .. " وحمل ورقة وكتب رقم ع الورقة " وكمل وحكا : هاد المبلغ .. نيسان محجر عيونها نفتح ع وسعو وحكت شو؟؟؟؟ حكا وهو عم يضحك وعم يطلع ع رجالو الي محاوطين المكان : يا شباب الحلوة طرشة كمان .. نيسان : لشو بدك هالمبلغ؟  حكالها : لأنو ابوكي مديون لألنا .. كان يجي لهون ويلعبو قمار..ومات قبل ما يصفو حسابو معنا .. وضليت ورا ابوكي لحتى وصلتلك ويلا رح نصفي الحساب ونسكر الموضوع يا حلوة .. نيسان : لك انت مجنون ؟ من وين بدي جيب هيك مبلغ كبير !؟ حكالها وهو عم يضحك بخبث : لك انتو اغنياء بتحلوها بين بعضكم.. نيسان : اي نحنا اغنياء ..بس شكلو انت مو عرفان قديش المبلغ الي طلبتو رد : سمعي ..ما رح ضضيع وقتي معك .. فكري منيح رح دبريلي المبلغ راجعلك يا حلوة .. بعد شوي رجع لعندها وكانت نايمة .. رشق عليها كاسة المي وحكا : شو بشوفك صدقتي قصة الفندق ؟ نيسان : كتير بضحك .. حكا : ششو لقيتي طريقة؟ نيسان : اي لقيت. ضحك وحكا : اي يا ذكية احكي .. قربت علي وبزقت بوجهو ..وحكت : شو رأيك بهاي الطريقة ؟ قام من مكانو وقربو رجالو بسرعة أشرلهم يوقفو ويرجعو لمكانهم ..

العضوة: 743708 , 5 years ago

قرب ع نيسان وهي عم تطلع علي بنظرات حقد ..حكا بصوت واطي : يا حلوة .. لفتي نظرة .. بالعادة البنات الي بيجو هون بضلو عم يبكو .. بس انت قوية .. وقوتك عجبتني ..ازا بدك منصفي الحساب بطريقة تانية شو رأيك؟ ضحكت وقربت منو وحكت  " ازا بتفكر الكل قليلين شرف متلك بتكون غلطان " وخبطتو بأجرها ع بطنو وقع ع الارض ..لتمو رجالو وصوبو السلاح ع نيسان ..قام من مكانو وحكالهم : فكوها وجهزو الغرفة ولحقوني .. فكوها بصعوبة ووصلت للغرفة .. كان قاعد ع الكرسي ومجهز كاستين واضح فيهم عصير فواكهه .. حكالها تفضلي .. مسكت الكاسة وقربتها عليها .. حاولت تشم ريحتها ... لأنها توقعت يكون فيها شي ..وظنها كان بمحلو .. كانت ريحتها شي غريب ..عملت حالها عم تشرب .. قرب عليها وقلها ..شربي منو طعمتو حلوة .. نيسان : اي شربت .. يسلمو ايديك .. نيسان : شو أسمك؟ ضحك وحكا : ما تستعجلي ..مع الوقت بتعرفي .. قام من مكانو ليجيب شي ..مسكت قنينة كانت ع قبالها وضربتو ع راسو فيها مشيت شوي شوي وطلعت من الغرفة ركدت برا البيت بسرعة ..بس ما قدرت تهرب لأنو رجالو مسكوها وربطوها بنفس المكان الي كانت في ..ضلت هنيك عم تتعزب يوم بعد يوم .. عزبوها بكل انواع التعزيب الي عم تتوقعو ..ولما نيجي لأقواهم ..بكون قصدي عن جلسات الكهربا ..حاولت نيسان تتحمل ..كل شوي يجو لعندها ويحاولو يرغموها تستنشق مادة لونها بيضة ..وكانت تدافع بكل قوتها ..بس بعد جلسات الكهربا بتكون منهكة ..جسمها تعبان كتير ما عندها القدرة تحرك أصبع واحد في ..قدرو يخلوها تشرب مخدرات ..اسبوعين كاملين ..كل يوم تعزيب ومخدرات وأدوية وأبر غريبة .. باليوم الاول من الاسبوع التالت لألها بهداك المكان .. اجا عليها .. نيسان بصوت واطي وعيونها بالأرض وشعرها مغطي وجها وأيديها وأجريها مربطين بالكرسي : ليش عم تعمل هيك ..انت بتعرف انو مصاري ما رح اقدر اعطيك ..ليش؟! رفعلها وجها وحكا : لأنو الي بيلعب معي هيك بتكون نهايتو .. نيسان : ايمتى رح تقتلني؟ ضحك وحكا :

العضوة: 743708 , 5 years ago

نيسان : ايمتى رح تقتلني؟ ضحك وحكا : هاد الشي انا بحدوو .. نيسان : غلطان .. رد : غلطان؟! نيسان : اي.. انا ماني خايفة منك ..شو ما بدك اعمل فيي ..وليكون بعلمك .. ما بقطع الرقبة الا الي ركبها .. دفع الكرسي بقوة وقعت نيسان ع الارض  نيسان : لو ما انت متأكد من الي عم بحكي كان ما اعطيت ردة الفعل هاي ضحكت وحكت يا حلو .. بهالوقت أجا رجالو عم يركضو ويصرخو الشرطة جاي لهون بسرعة لازم نلحق نهرب بسرعة ..حكا رئيسهم وهو عم يصرخ .. واحد منكم ياخد نيسان .. وأوعكم تفلت من ايدكم .. اخدو نيسان معهم ومشيو..كانت الدنيا ليل ..صوت الشرطة صار أقرب ..ونيسان كانت مو نايمة من ايام ..وراسها عم يلف ..وعم تمشي شوي شوي ورجل الي وكلو عليها عم يجر فيها ..بعدها أغمى عليها ووقعت ع الارض ..وقف وحاول يصحيها بس ما كانت تعطي ا

العضوة: 743708 , 5 years ago

ي ردة فعل ..فكرها ماتت تركها وراح لأنو لو فكر يحملها رح تكون الشرطة جاي وتمسكو ..هرب وتركها محلها ..وصلت الشرطة ع المكان وبلشت تفتش بعدها لقو جثة مرمية ع الأرض حملوها وطلعو بسيارة وبطريق ...نيسان صحيت .. نيسان بصوت واطي : ما معي مصاري ..تركوني ... خبروها انهم الشرطة ورح يحموها ..كان لازم تروح ع المشفى .. وأخدوها هنيك بس لما وصلت لهنيك ووعيت ع حالها وشافت المشفى هربت وصارت تترجى فيهم انو ما تدخل ..وحكت انو هي مو ماكلة من كم يوم عشان هيك اغمى عليها .. وهي كتير بتخاف من المشافي ..كانت حالة خوفها فظيعة ..صدقوها وأخدوها ع المغفر بعد ما أكلت لحتى ترجعلها قوتها الشب الي كان ماسك فيها وعم يمشيها حكا : غيث غيث تعال  غيث : اي سند ..بصوت واطي"مين هاي؟" سند : مو وصلتنا معلومة عن مكان الحثالة هدوك؟ رحنا لهنيك ولقينا هاي هنيك.. نيسان بصوت واطي ..رفعت راسها وحكت : بدي مي .. غيث فتح عيونو ع وسعون ونيسان ضلت عم تطلع علي بدون اي ردة فعل .. غيث رفع ايدو ووجهها لألها وحكا بصوت متقطع : ني سااان؟؟ نيسان نزلت راسها للأرض وكملت مشي .. مسكها من ايدها وحكا : نيسان شو هالحالة هاي ! شو صاير فيكي .. ضلت ساكتة ما عم تحكي شي غيث : سند تعا لهون شوي .. قرب سند لعندو وحكا : اي؟ غيث : اخدتوها ع المشفى؟ سند : لا..حكت انها بتخاف كتير من المشافي وصارت ترجف وع شوي حسيت رح توقع بأرضها .. فجبتها لهون .. رح تحقق معها ما هيك..؟ غيث : اي اي ..خدوها ع غرفة التحقيق وعطوها كاسة مي ..ليكني جاي .. أخدوها ع غرفة فيها طاولة وحدة وكرسيين .. لونها أسود من كل زاوية وحيط ..قعدت ع الكرسي وشربت المي وهي عم ترجف .. دخل غيث ع الغرفة ومعو ملف ..قعد ع الكرسي قبالها وحط ايدي ع شكل مثلث بنص الدائرة وحكا : اي نيسان .. فيكي تحكيلي كيف وصلتي لهااي الحالة؟ نيسان ما اعطت اي ردة فعل .. رد سألها : مين همي .. بتعرفي اسم حد منهم ؟  برضو ما رفعت راسها وطلعت علي حتى .. غيث : ماشي .. طب شفتي سيارة هنيك ؟ بتقدري توصفيلنا ياها ..؟؟ ضل عم يسألها