العضوة: 510258 , 6 years ago

@user-743708 😍😍

العضوة: 768521 , 6 years ago

@user-743708 عم تابع ... 😊😊😊😊😊😘😘😘😘😘

العضوة: 768521 , 6 years ago

رفع

العضوة: 768521 , 6 years ago

💗💗💗💗

العضوة: 768521 , 6 years ago

⚘⚘⚘⚘⚘⚘⚘

العضوة: 768521 , 6 years ago

👍👍👍👍👍👍👍💗💗💗💗💗💗

العضوة: 743708 , 6 years ago

تركها تايهة بين افكارها تعصي اهلها الي ربوها وتعبو عليها او تترك الشب الي كانت عم تتعلق فيه شو رح يحكو ويشمتو فيها رفقاتها طب شو سبب هالعداوة بين سيف وبين عيلتها وليش سيف متأكد انه قد ما حاولت تقنع اهلها ما رح يوافقو على سيف مليون فكرة وسؤال براسها محتارة ومو متأكدة من قرارها عكس سيف الي كان متاكد من جواب لجين وتاني يوم لما راح ليشوفها عباب الجامعة قالتله اياه لجين: رح اجي معك لاخر الدنيا بس اوعدني تخلي اهلي بوافقو عزواجنا سيف: اركبي لجين: هلا رح نروح سيف: ايه انا ما بحب ضيع وقت اخدها سيف لعنده عالقصر اول ما فاتت اجت ام جلال وايهاب ونهيل وصارو يطلعو فيها وهي نسيت خوفها وصارت تتطلع بهالقصر الكبير وانبهرت بكل شي فيه سيف: ام جلال خدي لجين عغرفة من الغرف فوق لترتاح شوي طلعت لجين مع ام جلال وراح سيف عمكتبه ليشتغل شوي بعد كم ساعة اجا ايهاب لعنده ايهاب: يا بيك عيلة اللبان قالبين الدنيا عبنتهم سيف:.... ايهاب: راحو للشرطة حتى يفتشو عليها بس الشرطة خبرتهم انه لازم يمرق ٢٤ ساعة على غيابها لبلشو يدورو عليها ويقدرو يفتشو البيوت والمحلات وسمعت انه رح يجو لعندك انت لانه حضرتك الوحيد الي فيك تخليهم يدورو بالبلد براحتهم سيف: متى جايين ايهاب: ما بعرف بس اكيد عوصول بهالوقت كان الباب عم يندق سيف: وصلو انزل وليكني لاحقك نزل سيف لتحت وشاف اهل لجين وبعض كبار العيلة ومختارهم عثمان اللبان عثمان: يعطيك العافية عثمان بيك سيف: تفضلو اهلا وسهلا

العضوة: 743708 , 6 years ago

عثمان: نحن جايينك بخدمة وبتمنى منك ما تردنا نحن بنعرف حجم كرهك لعيلتنا بس والله الي جابنا ما هو ايشي هين سيف: ما تفتحلي الماضي عندك شي بالحاضر قوله عثمان: بنتنا ايه بنتنا اسمها لجين من الظهر مختفية دورنا عليها بكل مكان قلبنا الدنيا عند رفقاتها ومعارفها ما لقيناها نحن خايفين يكون حدا خطفها وما في غيرك حدا ممكن يساعدنا اشرسيف لام جلال ورجع ليتابع حديثو مع اهل لجين

العضوة: 743708 , 6 years ago

سيف: يعني انتو بدكم ساعدكم لتلاقو بنتكم ايه تكرمو بعد لحظات اجت ام جلال ومعها لجين موطية راسها وعم ترجف راحت تخبت ورا سيف اهلها عم يطلعو فيها ويطلعو ببعض ما عم بلاقو تفسير لوجود لجين عنده سيف: هي بنتكم عثمان: ايه بس شو جابها لهون سيف: اجت كرمال نتزوج عثمان: تتزوج من لجين سيف: اها انا حبيتها للبنت وبدي انزوجها شو رح ترفض ما بتوقع انت بموقف تقدر تقول اه او لا تخيل لو انشر خبر هروب بنتكم بالبلد وانها عندي شو رح يصير فيكم انا رح استر عليها وانزوجها عثمان بكسرة ( الله يسامحك يا لجين ) سيف: مممم صحيح كمان لو اهل البلد عرفو بهالقصة ما حدا رح يقرب منكم ولا يتزوج من بناتكم ولا ياخد ويعطي معكم عقمان: انت عم تحاول تكسرنا سيف: اعوذ بالله بس لجين كانت فركة اذن صغيرة لالكم كانت لجين عم تطلع فيه وتبكي عثمان: شو الي بدك اياه يا سيف سيف: بناتكم كلهم قشة لفة عثمان:.... عليت اصوات الرجال بالمكان حتى فاتو رجال سيف بالسلاح عثمان : رح اعتبر حالي ما فهمت عليك سيف: وانا رح اعتبر حالي فهمتك وانتهى الموضوع يا عثمان مشي خطوتين سيف ورد رجع عثمان بيك

العضوة: 743708 , 6 years ago

اطلع سيف بلجين مسكها من شعرها وزتها على ام جلال سيف:اهتمو بالعروس والتفت على عثمان وجماعته سيف: انتهت الزيارة الله معكم المسا راح سيف ليشوف لجين بالغرفة كانت قاعدة ولافة ظهرها اله سيف كيف صرتي هلا لجين:... سيف: عجبتك غرفتك لجين: ... سيف: اها ليكي انا لحد هاللحظة ما حدا لف ظهره هيك لالي وما حاكاني رح اعتبرك ما بتعرفيني منيح وارجع اسالك كيف صرتي هلا التفت عليه لجين وعيونها بتدمع لجين: رح اعتبر كلامك مع اهلي وتنقصيك من قيمتي شي من العصبية وفورة دم بس في جملة ما عم تروح من بالي سيف: ايوا لجين: شو قصدك انه بدك كل بنات عيلتنا قشة لفة سيف: قصدي كل شي بوقته حلو ومن هلا لوقته بتعرفي قام سيف من مكانه حط ايده عشعرها ابتسملها وطلع ..... يتبع

العضوة: 743708 , 6 years ago

😍😍

العضوة: 743708 , 6 years ago

كملتوقصة ماريا .

العضوة: 743708 , 6 years ago

الجزء التاني و الثالث سيف: ايهاب بدي تعزم كل البلد على العرس الكبير والصغير الغني والفقير ما بتترك حدا بلا عزومة ايهاب: بتأمر يا بيك سيف: وبطريقك ابعتلي ام جلال لهون بدي شوف اخرتحضيرات العرس ولوين وصلت ايهاب: حاضر بقي اسبوع على عرس سيف كل القصر مبلوش بحكاية عرسه وعم بحاولو ينضمو كل شي من احسنه ومتل ما طلب سيف لجين قاعدة بغرفتها وعم تطلع من الشباك على سيف وهو قاعد بالحديقة فاتت لعندها ام جلال ام جلال: مسا الورد يا خانوم لجين: اهلين ام جلال: البيك بعتلك هاد الفستان لتجربيه وناخد قياسه عليكي مزبوط لجين: فستان شو ام جلال: فستان عرسك يا خانوم لجين: انه سيف بيختار فستان عرسي عكيفه انا ما شوفه ولا نقي معه ام جلال: هيك الاوامر يا خانوم لجين: بدي احكي معه ام جلال: هو هلا عم يشرب قهوته تحت بالحديقة وبالعادة لما يكون تحت ما حدا بحكي معه لجين: انا مرته مو اي حدا ام جلال: يا خانوم استني استني تركتها لجين وراها وراحت لتحاكي سيف اجت من وراه ووقفت قدامه وكتفت ايديها رفع عيونه عليها ورجع مسك الجريدة وكمل قراءة لجين: انا من حقي اختار فستان عرسي سيف: بهالبيت ما حدا بحقله شي الا انا لجين: انت ما كنت هيك وقت كنا نحب بعض سيف: لكل زمن في طقوس جديدة لجين: سيف لو سمحت لا تتعامل معي هيك سيف: الفستان حلو وعجبني بدي شوفك لابستيه يوم العرس لجين: هاد اخر كلام عندك يعني

العضوة: 743708 , 6 years ago

يف: بتقدر تقولي ايه كوني لسا بحكي حكي لهلا ما بلشت بالفعل وهلا فيكي ترجعي على غرفتك كانت لجين عم تبكي بكل لحظة بتمر من معاملة سيف الها بس كانت تصبر حالها وقت تشوف العز الي رح تعيش فيه والخدم الي رح يخدموها وكيف رح تكون كلمتها مسموعة بالقصر وبرا وقت تتزوج من سيف حداد اجا يوم العرس بدل سيف تيابه ونزل ليحي المعازيم الي كانو من كل فئات المجتمع بالبلد والكل حضر ما عدا عيلة اللبان ،، نزلت لجين لعنده وقربت ناحه كانت عم تحس قلبها بدق كتير قربت منه وحطت ايدها بايده لجين: اخيرا اجا هاليوم ابتسم وكمل تتسليم عالموجودين انتهت الحفلة بعد العشا الكبير والتوزيعات الي قام فيها سيف بالحفلة سيف: اطلعي عالغرفة هلا بلحقك لجين: طيب وقت شاف لجين بعدت عنه نادى على ام جلال لتيجي ام جلال: ايه يا بيك سيف: حضرتي الي قلتلك عنه ام جلال: حطيتلها الحبة بالعصير وهلا طالعة لعندها حتى شربها اياها سيف: انتبهي ام جلال من هالموضوع رح اركن عليكي فيه كل ليلة حبة لجين ما لازم تحمل بلمرة اذا صار غلط صغير وحملت رح دفعك انتي التمن روحي يلا شربيها العصير بعد نص ساعة طلع عندها سيف وكان طبيعي جدا متل اي زوج يوم عرسه تاني نهار فاق بكير بدل تيابه وراح عمكتبه وبعد ساعتين فاقت لجين وطلعت تدور عليه حتى راحت عنده المكتب فاتت بدون ما تدق الباب سيف: ما علموكي اهلك انه في شي اسمه تدقي الباب قبل ما تفوتي عمكان لجين: انه انا مرتك ما معقولة لما بدي فوت عليك دق الباب قام من ورا مكتبه ومسكها من كتفها سيف: بهالبيت في قوانين في انظمة في ترتيب ما بيزبط معي تفوتي هيك لجين: طيب طيب متل ما بدك بس عم توجعني سيف: روحي افطري لجين: ما رح تفطر معي سيف: ما عبالي وبعد الفطور اجهزي لياخدك ايهاب عند اهلي

العضوة: 743708 , 6 years ago

اطلعت فيه باستغراب لجين: اهلي كيف بدي روح لعندهم سيف: رح يوصلك ايهاب ويرجعك ساعة زمن بتطمني عليهم وبطمنيهم عاخبارك وبترجعي لجين: بقصد اهلي رح يأذوني واحتمال ما يخلوني ارجع لهون سيف: ههههه ما تطولي ايهاب ناطرك طريقة كلامه كانت تستفزها كتير ما بيحكي كتير بيحكي بس الاشياء الي بده اياها وبينهي حواره بسرعة طلعت لجين من البيت وراحت عند اهلها وهو قعد يكمل شغله لحتى رجعت ركضت عليه وحضنته لجين: اشتقتلك سيف:.... لجين: ما بدك تسالني شو صار معي سند ظهره وكتف ايده واطلع فيها سيف: اذا قلتي او لا بيوصلني لعندي الخبر لجين: اه فهمت مو حابب تاخد وتعطي معي طيب انا رح روح بدل تيابي وارتاح بغرفتي سيف: بدلي تيابك وانزلي ساعدي ام جلال بالطبيخ لجين: كيف سيف: انه معقول ما سمعتي لجين: لا سمعت بس انه ليش لساعدها هي هون لتخدمني كز عسنانه واخد نفس سيف: ما حدا هون مجبور يخدمك بتنزلي تساعدي ام جلال بالطبيخ وبس كانت بتعرف لو عندت حتنزل غصب عنها فاتت لتساعد ام جلال بالطبيخ لجين: شو فيني اعمل ام جلال ام جلال: البيك طلب انه انتي تنظفي الجاج كله تبع الغدا واي قطعة جلي بتطلع بتجليها انتي لجين: هو شو قصده يعني عم يطفش فيني