العضوة: 743708 , 6 years ago

الدكتور : ولا يهمك يا بيك بهالوقت الجنين بكون صغير كتير وبسهولة بنزله كون متطمن ساعات قليلة وخبر الدكتور سيف بانه انتهى كل شي راح سيف لعندها كانت مغطية وجهها بالحرام وبتبكي سيف: ضبي تيابك بكرا انتي راجعة عند اهلك رفعت الغطا عن وجهها ورجعت غصت وبكيت من الصبح بعتلها سيف خبر لتترك القصر وتمشي طلعت مريم من القصر من دون ما تاخد معها ولا شي تركت كل تيابها وذهبها حتى مؤخرها تركته وما اخدته تركت روحها بالقصر وطلعت ——————— سيف: قله اسبوع وتكون عندي زمرد خليه امها نجهزها بسرعة ايهاب: حاضر حاضر سيف: ام جلال وين ايهاب:بغرفتها سيف: طيب روح انت انا بشوفها كان بيعرف انه اذاها اذى كبير يمكن ما عمره حس بتأنيب الضمير الا وقت مد ايده عليها مد ايده عالست الي ربته استأذنها ليفوت عغرفتها كانت عم تضب شنتتها سيف: بدك تمشي وتتركيني ام جلال: ما تركتلي خيار تاني سيف: وبهون عليكي ام جلال( تبكي بحرقة ) : سيف بيك لو سمحت اتركني براحتي سيف: اذا رحتي من هالبيت ما بعود اله لا طعمة ولا لون ام جلال: انا الي ربيتك يا سيف هيك بتعمل فيني سيف: انا ما عمري اعتذرت من حدا بس وحياة الله انا اسف ام جلال:...... سيف: طيب عالاقل احضري عرسي على زمرد ام جلال: ههه ما عاد لحق عليك اعراس صرت لخبط فيهم سيف: هههه هيك ها اضحكي قرب ناحها باسها عجبينها وطلع ليكمل امور عرسه —————— في احدى عائلات اللبان ابو صطيف : يلا لفيها منيح ام صطيف: شو بدك تعمل انت جنيت ابو صطيف: بدي اخدها وادفنها خليها تموت وهي صغيرة ولا تكبر وتكسرني ويتزوجها سيف ام صطيف: بدك تدفن بنتك وهي عايشة من هو ن لتكبر هالصغيرة فرج ابو صطيف: اذا كبار هالعيلة ما قدرو يوقفوه عند حده بدك انا الزلمة الضعيف الفقير اوقفه شو رح يتغير لتكبر يعني المنحوس منحوس

العضوة: 743708 , 6 years ago

في احدى عائلات اللبان ابو صطيف : يلا لفيها منيح ام صطيف: شو بدك تعمل انت جنيت ابو صطيف: بدي اخدها وادفنها خليها تموت وهي صغيرة ولا تكبر وتكسرني ويتزوجها سيف ام صطيف: بدك تدفن بنتك وهي عايشة من هو ن لتكبر هالصغيرة فرج ابو صطيف: اذا كبار هالعيلة ما قدرو يوقفوه عند حده بدك انا الزلمة الضعيف الفقير اوقفه شو رح يتغير لتكبر يعني المنحوس منحوس اخد ابو صطيف البنت وطلع فيها بنص الليل ومرته تبكي وتولول عحظها وتنادي عليه قعدت تدعي طول الوقت الله يحنن قلبه ويرجع فيها عالبيت وكانه باب السما انفتح لدعوتها بعد ساعة رجع ابو صطيف ومعه البنت وعم يتنهد مهموم ام صطيف : ما دفنتها صح ابو صطيف: ما قدرت ما قدرت بس اجيت ادفنها اطلعت فيي وصارت تضحكلي حزنت عليها وربك رحيم بهديك اللحظة مرق الظابط سلطان شافني وانا بدي اقتل بنتي بايدي قعد جنبي ومسح عراسي وهداني اااخ يا ام صطيف هالدنيا شو صعبة بس ما رح استسلم رح امرق هالليلة وبكرة بالليل بنلم اغراضنا وبنطلع من هالبلد كلها ام صطيف: وين بدنا نروح

العضوة: 743708 , 6 years ago

حدا هزووووون

العضوة: 743708 , 6 years ago

ابو صطيف: عالهفا المهم مكان ما يلاقينا فيه سيف هزت راسها ام صطيف واخدت البنت لترضعها وتركت ابو صطيف لغفي اخدت بنتها وطلعت من البيت ———— الحراس( يا خانوم ما بنقدر ندخلك لعند سيف بيك افهمي ممنوع بعدين جاية تشوفيه بعد نص ليل ) ام صطيف: الله يخليك انا لازم احكي معه لازم الحراس: مستحيل

العضوة: 743708 , 6 years ago

بهالوقت كان سيف عم يحاول يغفى وعم يقلب من جنب لجنب سمع صوت جاي من برا وقف عند الشباك فتح البرادية شوي وشاف الحراس عم يحكو مع وحدة فتح الشباك وطالع فرده قوص طلقة بالهوا لينتبهو عليه الحراس اشرلهم بايده بمعنى تعالو لشوف شو فيه الحراس: منيح هيك فيقتيه راح الحارس وخبره انه في ست برا طالبه تشوفه ضروري سيف: بهالوقت حارس: خبرتها تروح وكنت رح استعمل معها القوة بس مصرة تشوفك سيف: طيب دخلوها حاوس: حاضر كانت ام صطيف ببالها خطة وحدة ( سيف يعد ما يعرف انه زوجها كان بده يهرب من البلد حتى سيف ما يتزوج بناه رح يصر عليها اكتر ورح يحتفظ فيها هي وامها عنده بالقصر ومن هلا لتكبر بنتها وتصير بسن زواج بدها اقل شي عشرين سنة كانت عم تقول لحالها عشرين سنة عيشهم بهالقصر وعيشة ملوك احسن ما ابقى عايشة معترة فيهم ) خبرته ام صطيف لسيف بالقصة كلها سيف: هيك لكان بده يهرب مني خوف من اني اتزوج بنته انا رح فرجيه معنى الهروب المزبوط لهالواطي شو اسمها بنت ام صطيف: سالي سيف: طيب تعالي معي انتي وهي لترتاحو بوحدة من الغرف فوق ابتسمت ام صطيف ابتسامة نصر ومشيت

العضوة: 743708 , 6 years ago

الجزء الرابع و الخامس في اليوم التالي ايهاب: احم سيف: احكي ايهاب ايهاب: الحركة هادية كتير بالبلد وكأنه ما حدا بيعرف من العيلة عن اختفاء ام صطيف وبنتها عندك سيف: متل ما توقعت ما استرجى هالجبان يخبرهم ايهاب: بتؤمرني بشي يا بيك سيف: وزع كروت العروس ورتب كل شي متل العادة مشي ايهاب كم خطوة ورد رجع لعند سيف سيف: شو الحكي الي بتمك بدك تقوله ايهاب: بصراحة ما بدي وجعلك راسك بس لازم قلك من فترة شهرين تقريبا وظفو ضابط جديد بقسم الشرطة الي قريبة من هون بس ما عجبني ابدا هالضابط سيف: من انه ناح ايهاب: الي فهمته انه بيسال كتير وبيستفسر وما في شي بيمرق من تحت ايده هيك سيف: شو اسمه هالضابط بلا صغرة ايهاب: عحسب ما سمعت اسمه ناصيف سيف: ناصيف يا ناصيف طيب ايهاب بتقدر تروح تابع شوية شغل لاله وقام لجوا القصر نادى على ام جلال ليسالها عن ام صطيف ام جلال: بغرفتها فوق ما شفتها الا وقت طالعتلها الفطور سيف: رح شوفها هلا طلع سيف عالغرفة الي اعطاها لام صطيف وبنتها دق الباب وفات ام صطيف : مسا الخير سيف: زوجك شو بشتغل ام صطيف: ن نجار يا بيك سيف: بتتوقعي انه هلا بدور عليكم ام صطيف: اكيد فكرني هربت بالبنت سيف: وانتي لازم تغيريله تفكيره وتقوليله الحقيقة ام صطيف: انا سيف: ايه اكيد شوفي ام صطيف انا اكتر ما بيستفزني بهالحياة انه الي قبالي يفكر حاله اذكى مني ويحاول يستغبيني

العضوة: 743708 , 6 years ago

ام صطيف: .... سيف: لا تفكري اني ما بعرف شو في ببالك بس انا ما رح حققلك اياه جهزي حالك لانه الحراس رح يوصلوكي لزوجك ام صطيف: رح يطلقني اكيد سيف: كنتي فكري فيها من الاول يلا خمس دقايق وبتكوني واقفة عالباب تحت صح قبل ما انسى سالي رح تبقى عندي بضيافتي ام صطيف: كيف يعني سيف: يعني انا بتشكرك من كل قلبي الي جبتيها لهون حتى ما يهربها زوجك بس انتي ما بتلزمينا هون فيكي ترجعي عبيتك الله معك ام صطيف: ببوس ايدك يا بيك بترجاك لا تحرمني منها انا مستعدة للي بدك اياه بس لا تتركني عيش بعيدة عن بنتي دفشها برجله وبعدها عنه سيف: انا الي عندي قلته تركها تضرب عوجهها وطلع من الغرفة ليخبر الحراس خلال خمس دقايق ما طلعت يطلعو يشحطوها لبرا ام صطيف: يا ربي شو الي عملته بحالي انا كيف بده ياخد البنت مني لك هاد اكيد جن هي بنتي اخ شو بدي قول لابو صطيف شو بدي قول للناس يا ربي ساعدني بعد شوي طلعو لعندها الحراس اخدوها من ايدها غصب عنها وهي عم تحاول تفلت حالها وتترجى فيهم ليتركوها تاخد البنت معها ما حدا فيهم كان سامعها عندهم اوامر ولازم ينفذوها وصلوها لعند باب بيتها رموها قدامه وراحو قامت وحاولت تسند حالها عحيط البيت كتت تيابها الي امتلو غبرة وتراب ودقت باب البيت فتح ايو صطيف الباب بسرعة وارتمت بين ايديه بتبكي ابو صطيف: وين رحتي لك وين كنتي وينها سالي ام صطيف: سالي خلص بح ما عادت موجودة كان عم يهز فيها وبسالها ابو صطيف: جاوبيني وين سالي وين رحتي فيها لك قولي بلا ما اطلع بروحك ام صطيف: ما بقول ولك كلمة لتعطيني الامان وتحلف انه ما حتضربني ولا رح تطلقني

العضوة: 743708 , 6 years ago

ابو صطيف: شكلك عاملة عملة كبيرة اخ منك قولي عليكي الامان قعدت عالارض وسندت ظهرها وقالتله كل شي عملته من لما طلعت من البيت قعد ابو صطيف عالارض وهو يضرب عراسه ابو صطيف: سلمتيه البنت بايدك يا طماعة كل شي عندك بالمصاري ما سالتي عن حياتك وحياتها كنتي بدك تعيشي عنده بالقصر وتترفهي وترميني انا برا الله يخزيكي وياخدك ام صطيف( تبكي) : انا اسفة والله اسفة الطمع عمى على عيوني ما توقعته لهاد سيف يطلع اناني هيك ايو صطيف: ما توقعتيه قلتيلي شو بده يحلها هالمصيبة هلأ ام صطيف: لازم نشكي للشرطة ونخبرهم انه سيف سرق البنت ابو صطيف: لك انا قد هيك فوته خرج اعلق مع سيف بالمخافر انا ام صطيف: ما في الا القانون يرجعلنا حقنا ابو صطيف: اتركيني فكر اساسا ما رح اعمل اي حركة ليخلص عرسه ويهدا شوي ما بقول الا حسبي الله ونعم الوكيل فيكي ——————- فات الضابط ناصيف عمكتبه وعم يلحقه الضابط سلطان قعد ورا طاولته ومسك عن الطاولة ظرف اطلع فيه واشر لسلطان عم يساله شو هاد سلطان : كرت عرس ناصيف : ايه الله يكتر الافراح مين العريس سلطان : افتحه وشوف ناصيف : سيف حداد يدعوكم لحفل زفافه لك مو هاد الي حضرنا عرسه الشهر الماضي او في واحد تاني بنفس الاسم سلطان: لا هو ذاته ناصيف : اف كيف هيك سلطان: يا سيدي هاد كل شهر بيتزوج وبطلق حتى اذا انتيهت انه العروس المرة الماضية والمرة هاي من نفس العيلة عيلة اللبان ناصيف: ايه والله

العضوة: 743708 , 6 years ago

سلطان: كل الي بيتزوجهم من هالعيلة في اله ثار قديم معهم وحالف يمين انه يتزوج كل بناتهم وبتزوج الوحدة شهر وبزتها وطبعا من بعد ما يتزوجها ما حدا بقرب عليها وبخطبها وبتبقى طول عمرها هيك ناصيف: وكيف اهلهم عم بوافقو عهيك جريمة بحق بناتهم سلطان: ما حدا هون بيقدر يقول لا لسيف حداد ما بيسترجو يقولو لا واذا ما تزوج بناتهم بكيف اهلهم بتزوجهم غصب عنهم هيك لحتى يقضي عكل بنات هالعيلة لك يا زلمة مرة شفت واحد من هالعيلة اجته بنت وكان ماخدها عالتربة يدفنها خوف من لما تكبر يتزوجها سيف ناصيف : هالشي لازم يتوقف عند حده سلطان: ما بتقدر تعمل شي سيف عم يعمل كل شي قانوني واوعى ثم اوعى توجع راسك فيه لانك رح تتعب انت جديد هون وبلا ما تروح عليك متل ما راحت عغيرك سكتو شوي وقاطع هالصمت سلطان وهو عم يلوح لناصيف حتى يروحو يتغدو سوا موضوع سيف ما راح من بال ناصيف نهائيا بس كل ما يشرد او يفكر ينادي عليه سلطان وكانه بيعرف بشو بفكر سلطان: قلتلك الي بتفكر فيه انساه نحنا مو قده لسيف بحركة باصبع ايده فيه يخليك تستقيل فيه ينقلك لاخر الدنيا ناصيف انت شب باول عمرك ومتزوج وعندك اطفال لا تورط حالك فيه ناصيف: طيب طيب فهمت سلطان: رح تروح على عرسه ناصيف: عرسه الليلة وانا الليلة مناوب ما فيني روح سلطان: طيب رح سلم عليه بالنيابة عنك ناصيف: انه عم بتخفف دم روح من قدامي المسا راح سلطان لحفلة سيف وتجمع كل الاهالي عنده كالعادة بهالوقت راح ابو صطيف عالمخفر ليقدم شكوى ضد سيف كان ناصيف راسه بالورق الي قدامه وابو صطيف ومرته واقفين عجنب ابو صطيف: بدي قدم شكوى ناصيف: ..... ابو صطيف: وقالولي ما حدا ممكن يفيدني الا انت انا بدي اشتكي على سيف حداد ترك ناصيف الورق من ايده ورفع راسه باتجاه ابو صطيف ناصيف: بدك تشتكي عليه عن جد

العضوة: 550643 , 6 years ago

@user-743708 هون قصدك

العضوة: 743708 , 6 years ago

قصه بتجنن واحداثها مشوقه قراي بس خلصتي تاغيلي اكمل رح شوف النهايه ما عاد اصبر

العضوة: 743708 , 6 years ago

ابو صطيف: ايه ناصيف: اقعد هون واحكيلي القصة كلها كان عم يحكي ويتأتأ وهو عم يشرح القصة للضابط ابتسم سن ناصيف وكأنه لقي الفرصة ليقدر يقضي على سيف ———————- في صبحية العرس نزل سيف لتحت بكير كتيرفات عالمطبخ عمل فنجان قهوة وطلع عالحديقة طالع سيجارته وقعد يطلع عالسما تنهد سيف: لمتى هالحالة يا سيف ما زهقت والله زهقت ماعاد الي نفس شوف اي بنت من بناتهم صار نفسي اتزوج واستقر شو اخر هالانتقام يا سيف املاكهم وحطيت ايدك على اكترهم بناتهم وتزوجت نصهم طيب وبعدين نهاية هالموضوع شو وهو سارح بافكاره نادى عليه ايهاب ايهاب: سيف بيك الضابط ناصيف عالباب بده يشوفك ويحكي معك سيف: خليه يفوت لهون ايهاب: حاضر فات ناصيف لعند سيف وهو متوقع رح يطلع منتصر من عنده ناصيف: صبحية مباركة سيف بيك سيف: الله يبارك فيك قالولي انك ما حضرت العرس امبارح بس انه ما توقعت هالقد صاحب واجب تيجي من الصبح تباركلي ناصيف: اكيد لازم قوم بواجبك وباركلك بس بصراحة مو هاد السبب الي جابني لعندك عبكير سيف: عم اسمع يا ناصيف بيك ناصيف: مممم بتعرف حدا باسم ابو صطيف حاول ناصيف يكون دقيق ويراقب تعابير وجهه لسيف سيف: ايه بعرف واحد من دار اللبان بهالاسم ليش ناصيف: شكله الك حكايا مع هالعيلة سيف: ايه بحبهم ناصيف: الله يديم المحبة يا سيدي ابو صطيف عم يتهمك بسرقة بنته الصغيرة اسمها سالي سيف: ليه بدي اسرق بنته ما فهمت ناصيف: لحتى تقهره وبكرة بس تكبر تتزوجها متل بنات عيلتها التانيات سيف: ايه ما في داعي حطها وبروزها عندي شي عشرين سنة وبعدين اتزوجها ما انا عم اتزوج بنات هالعيلة بدون كل هاللبكة ناصيف: صحيح انت ليش بتظل تتزوج وتطلق كل شهر سيف: بحب بدل ناصيف: وكلهم من نفس العيلة

العضوة: 743708 , 6 years ago

سيف: قلتلك بحبهم ناصيف: يعني ما رح تعترف رمى سيف سيحارته عالارض بعصبية سيف: اوزن كلامك وانت عم تحكي معي ناصيف: طيب متل ما بدك بس انا هيك رح اضطر فتش القصر سيف: ما حدا ماسكك قوم فتش ناصيف: مرة تانية ان شاء الله سيف: اهلا وسهلا شرفت كانت زيارة ملغومة من الجهتين ومباشرة بعد ما طلع ناصيف من عنده بدل سيف تيابه وتوجه لعند رفيق لاله اسمه صالح صالح بكون ماسك منصب كتير كبير بالحكومة وهو الي بمشي لسيف كل اموره صالح: قلتيلي اسمه ناصيف شوف هي صورته سيف: ايه هو صالح: يا سيدي هاد ضابط تخرج من كلية الشرطة بمعدل عالي وبعدها مباشرة خطب وتزوج واستلم شغل باكتر من مكان واخرها البلد عندكم بتقدر تقول انه عنده معارف واصدقاء بالسلك القانوني مناح وواصلين كمان سيف: المعنى صالح: سيف قلي شو بدك سيف: بدي ينتقل من عندي لا تقلي ما بطلع بايدك T صالح: يا اخي بيطلع بايدي بيطلع واذا بدك بقوصه كمان وبريحك منه بس قلي هو شو عامل معك سيف: مدايقني وبس صالح اليوم بدي ينتقل صالح: اعتبره انهفى سيف: سلام بعد كم يوم مرق ناصيف ليزور سيف سيف: شو الظاهر عجبتك زيارتي ناصيف: نقلتني من هون لكان سيف: حطيتك بمكانك المناسب وبس ناصيف: ما مشكلة لو هالمرة زبطت معك بوعدك ارجعلك شي نهار سيف: رح تلاقيني باستقبالك ولو بتشرف باي وقت ناصيف: سلام التفت سيف ليقعد لقي مرته والي اصلا نسي انه متزوجها واقفة بتطلع فيه سيف: خير شو جابك لهون زمرد: جيت بدي اطلب منك اذن لروح زور اهلي سيف: لا ما في روحة اطلعي عغرفتك

العضوة: 743708 , 6 years ago

زمرد: انا عم بمل هون لحالي سيف: افتحي التلفزيون بتتسلي تركته وراحت وهي مغلوب عأمرها زمرد كانت اقل وحدة من كل الي تزوجهم سيف بيتعامل معها ما كان بيحاكيها كتير وما بشوفها الا باوقات قليلة جدا ————— عند ابو صطيف ابو صطيف: شفتي شفتي وهي طيره لناصيف وانا شو رح يصير فيني اك اذا ضابط قده ودلقه طيره ام صطيف: ريتني متت قبل هديك الليلة ابو صطيف: ايه والله انا رايح سكري الباب وراي ام صطيف: لوين ابو صطيف: عند المختار عثمان بلكي بلاقيلي حل فات ابو صطيف لعند المختار وهو عم يحكي مع حاله لفت انتباه كل الموجدين عثمان: خير يا ابو صطيف شو في ابو صطيف: انا داخل عليك يا مختار عثمان: لك قلي شو صرلك ابو صطيف: بنتي وانا ومرتي بخطر اذا سيف ما بحل عنا وبلش يقله قصته مع سيف كلها وعثمان بضرب كفه على الطاولة معصب عثمان: الله لا يعطيك العافية لا انت ولا مرتك ورحت شكيت عليه كمان ما عندكم كبير ترجعوله بتتصرف من راسك ابو صطيف: الله يخليك يا مختار الحقني قبل ما سيف يقضي علي عثمان : خليك هون لارجع رح شوف سيف واحكي معه ————- في قصر سيف———— سيف: قول الي عندك عثمان: انا جاي اترجاك سيف: بشو عثمان: تعفي عن ابو صطيف ومرته هاد زلمة درويش ومرته هي الي ماشيته عكيفها سيف: مين قلك انه بدي منه شي عثمان: يعني مو زعلان لانه شكو عليكي سيف: اخر همي يا مختار عثمان: طيب والبنت

العضوة: 743708 , 6 years ago

سيف: اممممممم البنت بيقدرو ابوها وامها يجو يعيشو هون امها بتشتغل مع ام جلال بالبيت وابوها بيشتغل بسواق وهيك بنتهم بتكون معهم انا ما رح بعد البنت عن اهلها وهي صغيرة لتكبر خير بس كان لازم ينقصرو ليتعلمو ما يغدرو بحدا مرة تانية عثمان : انت ما رح تأذيهم لا هم ولا الطفلة صح سيف سيف: انتهت لهون مهمتك مختار صحيح عندي الك خبر حلو رح ترتاحو من نسبي انا ما عاد اتزوج من بناتكم عثمان: انت بتحكي جد سيف: ايه فيك تقول ما عادو يعجبوني وبالتالي ما عادو يلزموني بس اوعى تفكر انه رح حل عنكم انا متل القضا قاعدلكم للابد عثمان: طيب طيب انا بستأذن صار لازم ارجع سيف: استنى خد زمرد معك كمان ما عادت تلزمني