العضوة: 743708 , 6 years ago

ام جلال: وطي صوتك يا بنتي الله يسترك ليسمعك تعالي علمك كيف بنظف الجاج بعد يوم طويل وشغل كتير خلص الغدا ورتبو السفرة وراحت ام جلال لتنادي على سيف يتغدا ،، فات لعندهم قعد عالطاولة وبلش ياكل ولجين بعدها واقفة شافته كيف طنشها قررت تقعد لوحدها سيف: قومي اعصيرلي عصير برتقال هيك حابب اشرب عالغدا لجين: هلا سيف: شو رايك اجل الغدا تبعي ليجي عبالك تقومي تعملي عصير قامت عن الكرسي ونترت حالها مسكها من ايدها ورجعها لورا ونزلها لعند رجليه سيف: بحبه حامض انا لعصير البرتقال فاتت عالمطبخ والدموع بعيونها عملت عصير برتقال ورجعت لعنده لجين: تفضل سيف: ما عاد بدي شبعت فيكي تقعدي تتغدي قام بكل لا مبالاة وطلع عغرفته قفل عحاله الباب ونام ما فاق الا بالليل طلع من غرفته الخاصة وراح عغرفة لجين كانت قاعدة ناطرته لجين: طلقني التفت عليها وضحك سيف: كتير مستعجلة لجين: انا ما فيني عيش معك هيك سيف: لما بقرر طلقك رح طلقك من حالي لجين: سيف انا تعبت سيف: جيت لهون حتى ريح راسي ما لحتى وجعه لجين: بس سيف: هس قلتلك جيت روق راسي اتفقنا تعي لعندي قربت منه ودمعتها عخدها وهي ساكته كل يوم عم يمر كانت عم تكتشف لجين قديه كانت هبلة ومخدوعة فيه يمكن لو اتزوجها غصب عنها ما انجرحت منه متل لما تتزوجه براضها وبعدم رضا اهلها بعد فترة نادى سيف على ايهاب ايهاب: اي يا بيك سيف: روح لعند منذر اللبان وقله اني رح زوره اليوم ايهاب: اذا بتحب يا بيك بخليه هو يجي لعندك

العضوة: 743708 , 6 years ago

سيف: لا لا عيب برضه انا بفهم بالاصول هاد رح يصير حماي ايهاب: يصير حماك سيف: ايه انا رايح اخطب بنته بانا ايهاب: ..... سيف: شو ليش مستغرب ايهاب: بصراحة يا بيك اذا بتسمحلي احكي سيف: عم اسمعك ايهاب: انه هي بنت عمها لزوجتك لجين وانت اصلا ما الك اسبوعين متزوج شو رح يحكو العالم سيف: اخر همي الحكي لجين كمان اسبوع رح طلقها رح تاخد كل حقوقها وبترجع لحياتها الطبيعية صار فيك تروح المسا بدل سيف تيابه تشيك باحلى بدله عنده سرح شعره بطريقة مرتبة وطلع لقي لجين بوجهه لجين: شو كل هالترتيب سيف: عندي مشوار فيكي تقعدي مع ام جلال شوي بتقضي وقت وبتغيري جو لجين: خلينا نطلع عمطعم او شي مكان نعير جو سيف: طول ما انتي عذمتي مرتب اعرفي انه حدود تنفسك وتغير الجو عندك هي حدود هالقصر برا هالقصر ما في طلعة لجين: هاد سجن اسمه سيف: ماكتير رح احبسك فيه غمزها وطلع لجين: مريض

العضوة: 743708 , 6 years ago

😍😍

العضوة: 768521 , 6 years ago

😍😍😍

العضوة: 768521 , 6 years ago

❤❤❤❤❤❤❤

العضوة: 768521 , 6 years ago

💕💕💕💕💕💔💔💔💔💔💔

العضوة: 628582 , 6 years ago

💌💌حلوة كملي

العضوة: 743708 , 6 years ago

جد قصه مشوقه هلأ تشوفوا

العضوة: 743708 , 6 years ago

لجين: مريض —————- منذر: سيف بيك سيف: عندك خبر بجيتي صح منذر: تفضل فوت قعد سيف بوسط الصالة وعيونه عمنذر كان متلبك وكانه عارف شو بده سيف سيف: بتعرف سبب زيارتي ما هيك منذر : .... سيف: كم بدك مهر منذر: سيف بيك الله يخليك تعفيني من هالقصة والله العيلة كلها لتغضب علي سيف: ليش ليغضبو عليك كلهم جايهم الدور منذر: هي بنتي الوحيدة ما عندي غيرها ما بدي ارميها هيك سيف: هيك انت عم تغلط وعم تزعلني منك انا ما رح اتزوجها لبهدلها انا رح انزوجها عسنة الله ورسوله بعدين لا تزعل كلها عشرين يوم شهر بالكتير برجعلك اياها مندر: يا سيف بيك افهم علي سيف: انا ما سألتك اذا موافق او لا انا قلتلك كم حابب مهر بنتك عالعموم شكلك خجلان تقول خد هدول ( رمى عليه ظرف مصاري) خليه مرتك تنزل تجهز بانا من جميعه من هون لعشر ايام بدي اياها تكون عندي منذر: واذا قلتلك انا ما موافق سيف: ايه براحتك بشوفك بكرة رجع سيف عالبيت وكالعادة لقي لجين ناطرته عم تاكل بحالها لتعرف سيف وين كان لجين: ما تاخرت سيف: ايه عندي شغل بمكتبي لازم خلصه لجين: ما رح تقلي وين كنت سيف: نامي بكير ولا تسهري بكرة عندك تعزيل الغرف الي تحت مع ام جلال وتغطي منيح اوقات بالليل بتصير برد طفى الضو وطلع من الغرفة وسكر الباب

العضوة: 743708 , 6 years ago

سيف: هي الاوراق يا ايهاب بتاخدهم لعندهاد الغبي منذر ايهاب: هدول وراق ملكيتك لبيته ومحل شغله لمنذر صح سيف: ايه رح بتروح انت وتنين من الرجال بتعطيه مهلة خمس دقايق بس ليخلي البيت هو وعيلته وبعدها بتحرق البيت كله ايهاب: احرقه سيف: الا اذا قلك انه موافق عطلبي قبل ما يطلع ايهاب لعند منذر فات لعند ام جلال ايهاب: جايتنا ايام سودة يا ام جلال وطلع وهو عم يحكي مع حاله عمل ايهاب متل ما قله سيف بالحرف الواحد ايهاب: خمس دقايق بالزبط ما طلعتو رح احرق البيت منذر: يا ايهاب لا تخلي قلبك اسود ايهاب: اوعى تفكر تستعطفني انا عندي اوامر وبدي نفذها منذر: لا حولا ولا قوة الا بالله طيب اسمع بدي شوفه لسيف كان بيعرف منذر انه سيف ما عنده قلب دفنه وقت دفن ابوه وممكن يحرق البيت والحي كمان بدون ما يرفله جفن وما كان قدامه الا يرضى بالامر الواقع اخده ايهاب لعند سيف التفت سيف عليهم اول ما حس بخطواتهم سيف: شو بنقول مبروك منذر: مبروك عليك كانت ام بانا بتجهز ببنتها ليوم العرس والدنيا كلها مطبولة بخبر زواج سيف حداد من بنت عم مرته خلال اقل من شهر حتى وصل الخبر للجين من ام جلال لجين: كلكم هون عم تحاولو تقسو علي وتجرحوني انا شو عملتلكم ليش عم تضحكي علي ام جلال: للاسف ما عم خبرك الا بلي بده يصير البيك خبرني قلك تضبي تيابك والاشيا المهمة لترجعي لبيت اهلك كانت عم تبكي وتشهق ووتحاول تمسح دموعها الي عم ينزلو عوجهها متل الشلال فات لعندها عالغرفة حتى يودعها لاخر مرة اطلعت فيه وعيونها كلهم دموع لجين: ليه كسرت بخاطري حاول يتجاهل دموعها واسئلتها ورمى حاله عالسرير واطلع عالسقف لجين: قلي انهم عم يكذبو وانك ما رح ترميني وتتزوج بنت عمي قام سيف من مطرحه حط ايده عشعرها ومسك ايدها سيف: لا بقى تبكي لانه انا شخص ما بتستعطفني الدموع هي اخر مرة رح شوفك فيها ما حلوة تودعيني وانتي بتبكي

العضوة: 743708 , 6 years ago

قد ما بكيت وقد ما حكت كان كله عالفاضي تاني نهار ضبت تيابها واغراضها واعطاها سيف كل مؤخرها وخبرها انه فيها ترجع تكمل حياتها وترجع لجامعتها وبالنسبة لاهلها ما حدا حيقرب صوبها لانها بحمايته طول العمر وهيك انتهت اول حكاية لسيف مع بنات اللبان

العضوة: 743708 , 6 years ago

ام جلال: كل شي جاهز متل ما طلبته والعروس صارت جوا وعم تجهزها الكوفيرة سيف: منيح ام جلال: انت شفتها للعروس سيف: مممم بصراحة لهلا لا ولا مرة ام جلال: قلت لحالي سيف: ليش عم تسألي ام جلال: بصراحة لجين احلى بكتير سيف: هلا بنشوف وبحكم ام جلال: سيف بيك فيني اسالك سؤال سيف: اسألي ام جلال: انت ما حبيتها للجين ؟ تنهد ورفع راسه اطلع بام جلال سيف: لا ولا مرة حسيت اتجاهها بشي ام جلال: ان شاء الله بانا تقدر تخليك تحبها سيف:روحي شوفي شغلك ام جلال ولا تنسي العصير مباشرة بعد ما تخلص الحفلة بتشربيها اياه ام جلال: حاضر متل عرسه الاول سهر وضحك واكل والكل مبسوط وما حدا غاصص الا هالعيلة الي حكم عليها سيف يموتو وهن عايشين بانا كانت متلها متل لجين ما فرقت معاملة سيف معها بشي كان متل الحيط متل رجل آلي بتعامل مع اي زوجة لحتى تخلص مدتها عنده ما وقفت الامور على لجين وبانا بعدها اجت سهر وليالي وايناس وكل وحدة كتيرها بيتزوجها شهر وبطلقها لوقع بيوم مع وحدة من البنات بمشكلة وكانت رقم من الزوجات اسمها مريم كان سيف عم يقلب وراق ويراجع مستندات وقت طلبت منه ام جلال اذن لتدخل ام جلال: بعتذر قاطعتك عن شغلك سيف: ولا يهمك قولي شو بدك ام جلال: مريم خانوم شكلها تعبانة وماخدة برد وعم تراجع سيف: اعطيها دوا او اطلبيلها دكتور يداويها ام جلال: قلت اسألك قبل ما اتصرف سيف: لا لا فيكي تروحي وتطلبي دكتور لالها ام جلال: طيب حضرتك ما بدك تشوفها سيف: ام جلال اطلعي وسكري الباب مو فاضي عندي شغل لفوق راسي بشوفها بالليل

العضوة: 743708 , 6 years ago

في غرفة مريم كشف الدكتور عليها كانت ساخنة ومو قادرة تنطق الدكتور: هي شكله ماخدة برد قوي لازمها شوية ادوية كتبتهم عالروشيتة وتدفي حالها وان شاء الله ما عليها الا العافية ام جلال: شكرا الك دكتور هلا ببعت بجيبلها الادوية المسا بعد ما خلص سيف شغله طلع لعند مريم كانت مغطية حالها وتعبانة قرب منها وقعد جنبها سيف: سلامتك ما عقلبك شر مريم: كتير تعبانة اول مرة بمرض هيك سيف: الف مرة قلتلك وقت بتنامي بالليل طفي المكيفات ونامي لان عم تاخدي برد مريم: صحيح سيف بدي احكي لك شغلة سيف: عم اسمع مريم: انا بعرف انه ما رح طول كتير هون الي متزوجتك بالزبط اسبوعين وبالكتير بقايلي اسبوعين لا تتركني فيهم بدي عيش كل لحظة منهم معك سيف: .... مريم: بعرف ما رح ترد لانه انا بعيونك ولا شي بس انت الدنيا كلها بعيوني التزم الصمت سيف وابتسم ،،، ما كان عم يتأثر ولا بكلمة من اي ست كتير حاولو قبل مريم يوقعوه ويخلوه يحبهم لانه كانو بيعرفو اذا سيف حب وحدة منهم ما رح يتخلى عنها بس ولا وحدة منهم قدرت تملك قلبه اكبر دليل بعد بيوم من كلام مريم معه بعت ايهاب ليخطبله وحدة تانية من عيلة اللبان اسمها زمرد كان عم يستمتع بعذاب هالعيلة واذاها ولا مرة فكر انه الي بيعمله غلط وحتى لو اجاه هالتفكير كان يشيله من راسه لانه فكرة الانتقام جوا قلبه وراسه اكبر بكتير يوم طلاق مريم وزواجه من زمرد بكيت كتير قدامه مريم وترجته يخليها عذمته ويتزوج التانية عليها هو ما كانت بتفرق معه بس كان صعب عليه يتركها تتعشم بانه ممكن تحصل على حب من طرفه بس قرر يمدد علاقته فيها لكمان شهر واجل زواجه من زمرد مريم: ام جلال كوني قدرت اقنعه يمد علاقتنا كمان شهر في امل من انه يحبني وتتطور علاقتنا صح ام جلال: ان شاء الله يا بنتي الله يقدرك

العضوة: 743708 , 6 years ago

خلال هالشهر رجعت مريم تعبت ورجعت تستفرغ وتدوخ وتسخن وارتمت وما عاد فيها تقدر تقوم على حيلها ام جلال : يا ربي وين حطيت الروشيته تبع المرة الماضية والله ما عم لاقيها لجبلها نفس الدوا سيف: ام جلال على شو عم تدوري ام جلال: الست مريم رجعت تعبت وعم دور عالروشيته الي فيها اسم الدوا سيف: خلص لا تدوري ولا عبالك اتصلي بالدكتور ليجي يكشف عليها مرة تانية مو صعبة اتصلت ام حلال فيه وطلبته يجي يكشف عمريم ام جلال: انا والله ما كان بدي غلبك بس ضيعت اسماء الادوية الدكتور: منيح ما جبتي نفس الادوية لانه هلا الوضع غير ام جلال: كيف الدكتور : الخانوم حامل حطت ام جلال ايدها عتمها وصارت تضرب عراسها ابتسمت مريم من سمعت الدكتور وما اهتمت لصراخ ام جلال ام جلال : رح يخرب بيتنا رح يعجب علينا قلي يا ايهاب شو اعمل ايهاب: اه يا ام جلال وقعتك وقعة سودا انتي بتعرفي عقله والله ليهد القصر عراسنا كانت ام جلال عم تبكي وتصرخ وقت مرق سيف سيف: شو في ليش مجمعين هون ام جلال ليش عم تبكي ام جلال: .... سيف: ابنك صرله شي هزت راسه بلأ سيف: انتي محتاجة شي قولي لا تعصبيني بتعرفيني ما بحب ظل اسأل ام جلال: مريم خانوم حامل هي قالت هالكلمة من هون وهو نزل كل غضبه من هون صف ام جلال ونهيل ومريم جنب بعض سيف: كيف حملت هالحقيرة وانتي عم تعطيها دوا فهميني

العضوة: 743708 , 6 years ago

ام جلال: والله يا بيك ما بعرف والله ما في ليلة ما اعطيتها دواها بس ارداة ربنا سيف: شو مفكرتيني اهبل لتضحكي علي وانتي وليه نهيل لتكوني عملتي شي من وراي او غيرتي الدوا مثلا نهيل: وحياة الله يا بيك ما عملت شي معقول انا اغدر فيك سيف: وانتي وليه احكي انطقي نطزت مريم وانتفضت مريم؛ ما بعرف ما بعرف سيف: انا رح خليكم تنطقو ورح خليكم تعرفو غصب عنكم كمان ايهاب ايهاب ايهاب: حاضر يا بيك سيف: جبلي الكرباج وتعال كان سيف عم يضرب التلاتة بلا وعي ما كان عم يسمع صوت صراخه واستنجادهم فيه الغضب عمى عيونه وطلعه عن طوره صرخت مريم وهو عم يضربها مريم: خلص خلص رح احكي سيف: قولي لشوف وليه مريم( تبكي ) : لما كانت ام جلال كل يوم تشربني العصير شكيت بالموضوع وانه بتصر علي لاشربه وما بتروح عني لتشوفني بعينها شربته ....و و سيف: طيب كملي احسن ما اسحب لسانك من حلقك مريم: راقبتها وشفت العلبة الي بتحطلي منها دوا وبحكم اني بعرف بالدوا عرفت انه هاد دوا منع حمل وما كان قدامي الا امرض هديك الفترة صرت حاول نام قدام التكيف بلا غطا لقدرت اخد برد وامرض حتى استفرغ وتروح حبة الدوا ومفعولها يبطل وقف سيف وصار يزقف سيف: برافو برافو ضحكتي علي يعني انتي بتعرفي شو عقوبة الي بيلعب معي ( الموت ) مريم: ما كان بدي تتركني كنت بدي اتمسك فيك انت ما عم تشوف قديه انا بحبك سيف : ايهاب اتصل بالزفت الدكتور ليجي يعطي هالحقيرة دوا تنزل الي ببطنها مريم: ببوس ايدك يا سيف خلص بدك تطلقني طلقني بس اتركلي هالولد سيف: فشرتي اترك شي يربط بيني وبينك ليكي وليه هو حل من تنين يا بتموتي انتي والي ببطنك او بتنزلي الولد بكل هدوء فهمتي ( وكان عم يضرب عراسها بايديه ) وصل الدكتور وقابل سيف سيف: بدي الولد ينزل