العضوة: 743708 , 6 years ago

الجزء الاول ليالي الصيف الحلوة الكل سهران وفرحان شي قاعد عسطح البيت وعم يسهر هو وولاده وشي قاعد مع رفقاته قدام ابواب البيوت وجزء قاعدين جوا عم يلعبو شدة الكل بكون ناطر الصيف على احر من الجمر حتى يجي ويقضوها فرح وحب الا بيت واحد بكل البلدة ما فيه الا الحزن ( قرب مني يا ابني) عيونه متل الجمر حمر كتير على قد ما بكي قرب من عند بيه ووطى لعنده مسك ايديه وباسهم سيف: ابي لا تروح وتتركني انا ما عندي حدا غيرك الاب: لكل شي بهالدنيا يا ابني في نهاية وانا الي سنين عم قاوم هالمرض اللعين وما في الا عم ياكل بجسمي حاولت كون قوي دايما عشانك بس انا نهايتي اجت سيف اطلع فيني لا عاد تبكي ابني هون ما في مكان للضعف ( كان عم يأشر على صدره لسيف ) هون القوة القسوة الجبروت اعرف شغلة كتير مهمة اليوم الي رح تضعف فيه رح تخسر كل شي بنيته بحياتك وبنيته انا كرمالك اوعى تنسى تارك يا سيف اوعى تنسى الي بيوم فهمتك عليه وعرفتك اياه فهمان علي يا ابني هز راسه سيف بكل حزن وما في ثواني الا ايدين ابوه بردو فجأة وما عاد حاسس سيف بالدفا تبعهم ———- بعد فترة طويلة ————- ايهاب: اليوم الجو حلو بتحب جهزلك سيارة لترجع تداوم بالجامعة يا بيك سيف : لا انا ما عاد داوم بالجامعة خلص رح اتركها ايهاب: بس ابوك وصاك عدراستك لازم ما تتركها سيف: ايهاب ابي توفى وهلا انا هون ما عاد بدي كمل دراسة خلصنا ايهاب: حاضر متل ما بدك سيف: قول لام جلال تحضرلي الفطور لاني طالع بعد شوي اتفقد البلدة ايهاب: بتأمر يا بيك قام من مكانه بدل تيابه لبس قميص اسود وبنطلون اسود مع جاكيت من نفس اللون ونزل ليفطر ويكمل طريقه عالبلد

العضوة: 768521 , 6 years ago

@user-743708 عم تابع القصة ... يسلموووو دياتك.

العضوة: 743708 , 6 years ago

@user-768521 اهلا وسهلا عملي تاغ لا ام سند وورد هاي متابعه قديمه

العضوة: 768521 , 6 years ago

@user-5322

العضوة: 628582 , 6 years ago

نتابع بصمت وهدوء 😍

العضوة: 743708 , 6 years ago

ام جلال : صباح الخير يا بيك سيف: فطوري جاهز ام جلال ام جلال : ايه ايه يا بيك تفضل ليكه عالطاولة بعد ما راح سيف شوي قربت الخادمة نهيل من ام جلال ووشوتها بدانها نهيل: كنا نقول عن ابوه قاسي وظالم شكله هاد ابوه نقطة ببحره سيف من بعيد : نهيل من اليوم وطالع اذا بدك تقولي شي بتقوليه عالملا ما بحب الاسرار في بيتي انا اطلعت ام جلال بنهيل وكزت عسنانها بمعنى الله سترنا هالمرة انهى فطوره بهدوء وطالع نظارته الشمسية حطها على عيونه وطلع من البيت ركب بسيارته من ورا وطلع ايهاب قدام ليسوق فيه ايهاب: وين مشوارك يا بيك سيف: على وسط البلدة ايهاب: بتأمر سيف: ايهاب بدي اسالك سؤال انت الك زمان بهالبلد صح ايهاب: انا ابنها جدودي واهلي كلهم منها سيف: اه يعني لو سالتك عن اي حدا هون بتجاوبني صح ايهاب: اكيد طبعا بعرف كل بيت وكل عيلة كم عدد افرادها وكم دخلهم وكل شي يا بيك سيف: مممممم حلو كتير قلي لكان شو بتعرف عن عيلة اللبان بلع ريقه ايهاب وتوتر سيف: شو صرلك انتبه للطريق قدامك وجاوبني عقد سؤالي ولا في شي بتعرفه عنهم انا ما بعرفه ايهاب: لا ابدا مو هيك بس كل الي بعرفه انهن عيلة كبيرة كبيرهم ابو عثمان مختارهم وعنده تلت اولاد مزوجين سيف: ايوا طيب عندهم بنات بهالعيلة ايهاب: ايه طبعا عندهم وبناتهم حلوات كتير زوره سيف بعيونه وكمل طريقه عالبلدة شاف بعض التجار الي هناك وقابل بعض المسؤولين انهى شوية امور من شغله ورجع عالبيت

العضوة: 743708 , 6 years ago

المسا وقت كانت ام جلال عم تحضر العشا فات سيف لعندها عالمطبخ ام جلال : سيف بيك شو جابك لهون سيف: ولا شي جيت لاشرب مي فيها شي ام جلال: ابدا بس يا عيب الشوم منك كنت انا بجبلك اياها براسي لعندك تناول كاسة مي وقعد عالكرسي مقابيل ام جلال حست عليه انه بتمه حكي وجاي يقوله سيف: ام جلال انتي بتعرفي ابي كتير منيح وبتعرفي حياته ونظامه وقوانيه بهالدنيا ام جلال: صحيح سيف:وبتعرفي انه اهم شي عنده لابي ما حدا يكذب عليه وانا متله ام جلال:..... سيف: بدي اعرف كل شي عن عيلة اللبان كل اسماء بناتهم ونسوانهم ورجالهم الحوامل من نسوانهم المطلقات الارامل كل شي ولا تنسي ولا اي معلومة تعي اقعدي قبالي واحكيلي بعد ما عرف سيف كل المعلومات الي بتلزمه قام ليطلع على غرفته سيف: صحيح ام جلال انتي ابنك بعده مريض ام جلال: الحمد لله عكل حال بعده مرمي بهالفرشة تعبت يا بيك قد ما طاردت فيه من مشفى لمشفى وكل مشفى بده كومة مصاري سيف: طيب من هاللحظة اي شي بيحتاجه ابنك لعلاجه خبريني فيه كل تكاليف علاجه علي ولا يهمك ام جلال: روح ربي يفتحها بوجهك وينور طريقك يا رب طلع سيف عغرفته ومباشرة فات ايهاب لعند ام جلال ايهاب: ام جلال ام جلال ام جلال: لك ايه ايهاب: شو كان بده البيك منك ام جلال: لك تصور بده يتكفل بعلاج ابني جلال كله ايهاب: ايه الف الحمد لله شو بدي قلك بس هيك قلك ام جلال: لا امبلى كمان سألني عن عيلة اللبان وعن بناتها ونسوانها وكل شي بخصها

العضوة: 743708 , 6 years ago

ايهاب: وقلتيله المعلومات الصحيحة كلها ام جلال: طبعا بتعرف لو اكذب عليه ليعلقني من شعر راسي بعدين هاد اله بكل مكان عيون اذا ما عرف مني بتكة بيعرف من غيري كل شي ايهاب: سألني انا كمان الصبح عنهم والله شكله ما هو ناري على خير ام جلال: وانا هيك قلبي حاسسني الظاهر النار الي كان عم يشعلها ابوه هلا ولعت ———- سيف : ايهاب بدي كل كل الملفات والاوراق الي بتخص شغل ابي كل شي ابي بدا فيه زمان انا رح كمله ايهاب: حاضر اليوم كل شي بكون عندك بس انا ما بعرف اذا لازم خبرك او لا سيف: شو في ايهاب: في واحد بالبلدة اسمه الخفاش من فترة بعت انذار لالنا انه رح يفك الشراكة معنا اذا اذا سيف: اذا شو قول خلصني ايهاب: اذا بقينا عم نوزع الحصص هيك عم بقول يا اما الربح بالنص يا بلا سيف: شي حلو والله ابعتلي وراه هاد الخفاش بلكي ان شاء الله رح خليه يصير ذبانة الخفاش شخصية معروفة كتير بالبلد شخص مأذي بقتل بلا قلب وبسرق بلا ضمير اهم شي عنده المصاري كل اهل البلد كانو يشكو منه ومن جبروته بس ما حدا بيوم قدر يوقف بوجهه التقى بسيف ليتفاهمو على امور الشغل الخفاش : انا قلت الي عندي يا اما الربح بالنص يا بلا سيف: وانا كمان قلت الي عندي يا اما بتمشي متل ما كان ابي معك يا اما انا بمشيك انا عكيفي الخفاش: انت بتعرف انه لهلا بهالدنيا ما حدا يسترجي يحاكيني هيك انا الخفاش شو نسيت سيف: وانا السيف اذا بتحب ذكرك الخفاش : بنشوف يا سيف معناتو هاي بالنسبة لسيف هي اكبر فرصة ممكن تصحله ليقدر يثبت حاله قدام اهل البلد يقضي على الخفاش وياخد مكانه كان بيعرف انه الخفاش ما رح يمرقله اياها هيك ورح ينوي على قتله شي يوم ومشي على مبدا بتغدا فيه قبل لا يتعشى فيني

العضوة: 743708 , 6 years ago

تفاعلوا يا امورات

العضوة: 743708 , 6 years ago

😙😙😙

العضوة: 768521 , 6 years ago

معك.معك 😍😍😍😍😍😍⚘⚘⚘⚘⚘⚘⚘

العضوة: 743708 , 6 years ago

سيف( ،، ايه اليوم خطتنا رح نفضي القصر عأساس اني طلعت برحلة سفر ووقت بيحاول الخفاش يفوت القصر رح نهاجمه خليكم جاهزين ) سيف: ايهاب ايهاب: نعم يا بيك سيف: اعطي خبر لكل الموجودين بالقصر يفضوه هاليومين عندي شغل ضروري ما طولت القصة بعد كم ساعة بس من اخلاء القصر حاول الخفاش ليفوت عليه وياخد بعض المستندات المهمة هاجمه سيف هو ورجاله وقتلوه وكل الي كانو معه وبالنهاية قدام الشرطة كانت بمثابة دفاع عن النفس كونه الخفاش هو الي معتدي عقصر سيف بعد عدة ايام ام جلال : اليوم كنت بالبلد يا بيك كل اهل البلد عم يدعولك لانك خلصتهم من هالمجرم عم بقولو حتى الشرطة ما كانت قادرة عليه سيف: وشو عم بقولو كمان ام جلال:..... سيف: احكي ليش خايفة ام جلال : عم بقولو انه صحيح ارتاحو من الخفاش بس الله يستر من الجاي في منهم خايفين منك ابتسم بكل برود وطلع عغرفته سيف( هلا بلش الجد ) نزل سيف عالبلد ليشوف اوضاع الناس كيف كان عم يراقب كل شي بنظراته وكل اهتمامه على عيلة اللبان شاف صبية دخلت عالسوبر ماركت لحقها وفات ورا البياع: سيف بيك يا مية اهلا وسهلا نور المحل سيف: اعطيني باكيت دخان البياع: بتؤمر كان عم يسرق نظره كل شوي على هالصبية حتى انتبهت عليه وبادلته النظرات هدا سيف اوسم شب واقواهم بكل البلد سيف: سيف البنت: ؟؟

العضوة: 743708 , 6 years ago

سيف: اسمي سيف حداد البنت: معقول في حدا ما بعرفك سيف: وانتي البنت:انا اسمي لجين اللبان سيف: عاشت الاسامي البنت: انت كل يوم بتيجي تشتري من هون سيف: لا اوقات ليش عم تسالي البنت: انه هي اول مرة بشوفك هون سيف: رح تصيري تشوفيني كتير يا حلوة لا تخافي غمزها واخد باكيت الدخان وطلع واحد متل سيف بيرسم كل خطواته بالنتفة بيعرف شو بده وشو هدفه وبحدده مرق القصة كم يوم وبعدها راح ليشرف لجين وهي طالعة من جامعتها كان راكب بالسيارة زمرلها لتنتبه ودعت رفقاتها واجت لتروح لعنده بس رفقاتها سالوها الف شغلة عنه وكيف وصلتله هيك لجين: خلص بعدين وعد رح خبركم كل شي ركبت معه بالسيارة وهي عم تلهث سيف: عمهلك ليش هيك عم تركضي لجين: بالموت لقدرت اهرب من رفقاتي سألوني عنك الف سؤال سيف: هههه لهدرجة لجين : ايه اصلا بين كل بنات الجامعة ما في الا سيرتك لدرجة كل الشباب صار نفسهم يصيرو سيف حداد سيف: ايه بس انا ما بهمني من كل بنات الجامعة الا انتي وطت راسها بخجل وابتسمت هاد كان المشوار الاول للجين وسيف سوا بس بعده كترت المشاوير ما تركت حدا بكل الجامعة الا وخبرته عن علاقتها بسيف لجين : نطرتك كتير بس تاخرت هالمرة سيف: كان عندي شغل ويا دوب لقدرت انهيه لوين حابة تروحي

العضوة: 743708 , 6 years ago

لجين: اي مكان المهم كون معك سيف: قولي لجين: ما فهمت سيف: في بتمك حكي قولي لجين: ما بدي تفكر اني عم نق او بدي دايقك بس سيف انت ممكن تفكر تخطبني بيوم سيف: اذا اهلك بوافقو بكرة بخطبك لجين: عم تحكي جد سيف: ايه طبعا لجين: بس ليش اهلي ما رح يوافقو سيف: اسالي اهلك اليوم عني وشوفي ردة فعلهم هن بيكرهو دار حداد وبالاخص انا لجين: طيب رح بسالهم الليلة وبكرة بخبرك ردة فعلهم قرب ايده على ايديها مسكها وكانه عم يطمنها تاني نهار بعد ما انتهى دوام لجين بساعتين راح سيف ليشوفها كان بيعرف انه لو تأخر عليها عشر ساعات كمان رح تنطره حب يلعب باعصابها شوي صف سيارته جنبها ونزل من السيارة حط ايديه بجيابه ووقف ليسمع شو بدها تقول لجين: ما قدرت كمل سؤالي عنك اول ما جبت سيرتك لامي وابي صرخو فيني ومتل كأني حكيت عن شي مصيبة سيف: بعرف لجين: ما كنت متوقعة هيك انا اكتئبت وخايفة كتير بس لا مستحيل يبقى الوضع هيك انا رح اقنع اهلي سيف: ما رح يقتنعو لجين: ليش لهدرجة واثق قلي شو الشي الي ما بعرفه بعدين شو معنى كلامك انه خلص علاقتنا رح تنتهي تنهد وطال سوجار من جيبته شعلها ونفخ نفخة سيف: هو طريق من تنين يا اما كل واحد منا بروح بطريق او بتهربي لعندي وبس تصيري عندي ما حدا بيسترجي يقرب منك ورح بتزوجك لجين: قصدك اتزوجك بدون رضا اهلي جاوبها وهو عم يفتح باب السيارة ليروح ( ايه ،، ما بدي جواب هلأ فكري وبكرة اعطيني قرارك بس حطي ببالك انا ما بحب البنت الجبانة سلام)

العضوة: 743708 , 6 years ago

رفع