العضوة: 743708 , 5 years ago

زينة : لك خليني كفي كلامي هههههه شو بدي شبك ؟ بس قلت بدي ياك كنت قصدي بدي تبقى جنبي وائل : ( حك راسو ) اه ايوا .. اي طيب هههههه رح كمل طريقنا لكن كملنا طريقنا وانا عم اضحك طول الطريق .. زينة : ههههههههههههههههههه قلتلي ازا بدي اي هههههههههههه بس لو انا مكانك كنت حفرت بالأرض لحتى رحت على كوكب تاني وبلشت حياتي من جديد هنيك ههههههههه مو موقف عنجد وائل : هيك لكن .. ههههههه بدك وقف السيارة ويصير الموقف جد ؟ زينة : لا لا خلص بسكت والله بسكت هههههههههههه وائل : لا جد زينة .. عادي ما فيها شي بردت الضحكة عشفافي لما حسيت انه ما عم يمزح .. زينة : لا .. ما فيني ما بقدر وائل : بتشكي بحبي الك ؟ زينة : لك اكيد لا بس .... خلص امشي ما بدي يعني ما بدي وائل : اي .. براحتك بقي وائل ساكت طول الطريق وما عم يحكي معي .. زينة : ليش زعلت ؟ وائل : ما زعلت زينة : مبلا ليكك زعلان وائل : يعني مو نحنا بنحب بعض ؟ زينة : اي ؟ وائل : ومو حضرتك يلي ما بدك نخطب هلأ مشان دراستك ؟ زينة : اي ؟؟؟؟ وائل : خايفه نام معك واتركك وروح ؟ كم مرة قلتلك بحبك بدي ياكي بدي نخطب وتأجلي زينة : ابي هيك بدو .. بس خلص دراستي بيجوزني قال وانت بتعرف هالحكي وائل : يعني انا ما عم اضحك عليكي صح ؟ زينة : اكيد لأ وائل : طيب .. ( قرب وهمس بإدني ) شو المانع اني قربلك ؟

العضوة: 743708 , 5 years ago

زينة : بخاف من الظروف ... هالشي مو سهل لا ما بدي وائل : طيب رح تبقي بكر .. لا تخافي بس اشتقتلك زينة : لا وائل لا .. ما بدي ما بدي بعد نص ساعة ... وائل : والله ما عملتلك شي روقي والله ما في شي معقول ما بتقدري تميزي شو يلي صار وشو يلي ما صار ؟؟ زينة : وصلني عالبيت مشان الله وصلني عالبيت ما بعرف شو يلي صار وقتا ما عم اتزكر .. بس لا ما صار شي اندم عليه ابدا انا بقيت بنت اي بقيت بنت و هاد اهم شي بقيت يومين بفرشتي ما عم اتحرك .. مشاعر غريبة ما عم اقدر فسرا نبضات قلبي بتتسارع .. و التنفس مو منتظم .. شو يلي عم بيصير معي ما عم اعرف زينة : الو اي وائل وائل : شبك ليش هيك عم تحكي ؟ وائل : دايما بتقولي اي حبيبي ليش اليوم هيك عم تحاكيني ؟ زينة : اي .. تعبانه وائل : شبك زينة : ما بعرف كلي ملخبطة .. كلشي بجسمي عم ينتفض .. ما بعرف ليش هيك صار معي شبني ؟! وائل : من هداك اليوم هيك ؟ زينة : اي وائل : اي عادي حبيبتي لا تخافي بس جسمك مو متعود على هيك شي زينة : وما بدي يتعود ( تبكي ) تعبااانة وائل : طيب خلص روقي .. شو اعمل مشان خفف عنك ؟ زينة : تركني بحالي بس وائل : طيب رح اتركك نص ساعة وارجع دقلك زينة : ماشي سلام

العضوة: 743708 , 5 years ago

سكرت الخط وانا عم ببكي .. ما بعرف شو سبب دموعي بس انا جد تعبانه بدون وجع .. جسمي مخدر .. ومهدودة بدون سبب .. حتى جامعتي ما عاد رحت عليها ورفقاتي كانو دايما يسألو عني ويتصلو فيني وخبرن اني تعبانه .. ======================================= بعد كم يوم هديت وروقت .. ورجعت على جامعتي .. سناء : لك هيك بتعملي فيني بقلك بدي اجي شوفك ما بتقبلي ؟ زينة : والله كنت تعبانه ما خرج عنجد بعتذر سناء : شبك ؟؟ زينة : تعالي افهمك رحت انا ورفيقتي قعدنا بعيد عن الكل .. وخبرتا بيلي صار معي سناء : بس هيك ؟ زينة : اي سناء : متأكدة ؟ زينة : لك اييييي سناء : بسيطه لكن ... متل ما قلك بس لأنه شي غريب وجديد عادي

العضوة: 743708 , 5 years ago

زينة : اي يمكن المهم هلأ روقت الجزء الثاني سناء : اي ورح ترجعو تتقابلو ؟ زينة : ليش لا ؟ بحبو كتير وهو بيحبني ويلي صار .. هو حب اي حب سناء : هلأ نمتي بالفراش كل هالفترة ومرضتي مشان تكتشفي انه هاد حب .. عجبتك القصه ما ؟ زينة : لك لا .. بس انو يعني ليكي بلشت المحاضرة يلا سناء : اي يلا .. عم تهربي من سؤالي ما .. يلا يلا عالعلم والثقافة ههههههههه قال محاضرة قال صارلا غايبه عن الجامعه اسبوع وعم تقلي يلا المحاضرة بلشت زينة : لك حاج وتوته لسا جرجرجرجر .. اسكتي بقا سناء : اي حاضر سكتت دخلنا عالمحاضرة ونحنا عم نضحك .. ونحنا طالعين من باب الجامعة كان وائل ناطرني وائل : زينة زينة : وائل ؟! شو عم تعمل هون !! وائل : ناطرك .. اطلعي بالسيارة زينة : يلا سناء حبي بشوفك اي سناء : تتهني هههههههه زينة : تضربي .. سلام زينة : لك ليش تجي لهون بلا ما تخبرني ؟ وائل : اشتقتلك قلت لازم شوفك بس زينة : طيب .. وصلني عالبيت

العضوة: 743708 , 5 years ago

وائل : زعلانه ؟ زينة : لا انا فعلا ما كنت زعلانه .. بس كانت مشاعري ما عم تحكي شي محدد ما عم اقدر ترجم مشاعري لحروف انطقا .. ما عم اقدر ميز ليش ما عاد قدرت حط عيني بعينو .. وائل : زوزو شبك اتطلعي فيني زينة : ليكني عم اتطلع وائل : لك اتطلعي بعيوني اتطلعت بعيونو .. بوقتا ما قدرت سيطر على نضبات قلبي زينة : ..... وائل : بحبك كتير زينة : وانا بحبك وائل : اشتقتلك زينة : وانا اشتقتلك بس صار لازم روح وائل : بعد شوي بتروحي زينة : ليش ما عدت ترجم نظراتك ما عاد حسيتن مليانين حب وائل : عم تتوهمي .. اصلا لو ما بحبك ما كنت حبيت شي معك ما كنت ..... انا فعلا عم اتوهم لأني اصلا ما اتطلعت بعيونو لحتى ميز ازا بعدو بيحبني او لا .. وائل : يلا رح نروح ننغدى اتطلعت على ساعة موبايلي ... زينة : اووووووه لا لا تأخرت رح اخد تاكسي من هون وكمل للبيت مسك ايدي واتطلع بعيوني .. مو اوى مرة يمسك ايدي بس اول مرة حس بهالمشاعر .. رجفت وتلبكت وسحبت ايدي من ايدو بسرعة زينة : عن اذنك ======================================= نزلت من السيارة واخدت تاكسي ورجعت عالبيت .. تغدينا وبعد ساعتين دقلي وائل .. وائل : كيفك ؟ زينة : الحمدلله وائل : هيك بتغيبي عني كل هالفترة ؟ كل يوم كنت وقف على باب الجامعة انطرك وما لاقيكي زينة : اليوم بس داومت وائل : ليش غبتي ؟ زينة : تصدق ؟ والله ما بعرف ليش غبت !! وائل : لا ما بصدق انتي خايفه صح ؟

العضوة: 743708 , 5 years ago

زينة : مو منك وائل : لكن من شو ؟ زينة : خايفه انو ..... يعني انو وائل : انك تضعفي معي ؟ زينة : اي وائل : لو شو ماصار ما بعمل شي انتي ما بدك ياه زينة : اكيد ؟ وائل : طبعا اكيد درست شوي و صرت اتصفح بالفيسبوك .. صرت اقرأ قصص ومشاكل .. خطرلي ابعت مشكلتي لشي صفحة يمكن يساعدوني ( مرحبا .. ممكن بدون اسم لو سمحتي ؟ انا طالبة جامعة وبحب شب كتير من شي 5 سنين ..بس ابي ما رضي نتجوز الا بس كفي دراستي .. انا وحبيبي ما كان في بيننا اي مشاعر غير الحب بس صار بيننا شي .. حاولت قول لا بس مشاعري غلبتني واستسلمت .. وهلأ انا وهو ما عادت مشاعرنا حب وبس .. صارت نظرتنا تترجم المشاعر .. وانا صرت اشتاقلو اكتر ** ملاحظة : لا تفهموني غلط انا لساتني بكر .. بس يعني !! ) كانت التعليقات كلا مسخرة .. زعجني في كم شب سبوني وكم بنت طالعوني غبية ورخيصة .. بس كان في تعليق لفتني كتير ( اللي بينكن اكبر من هيك شي وطبيعي يلي صار كل 2 عاشقين الا يصير بينهن شي متل هيك لا تزعجي حالك .. عاااادي .. مو احسن ما يطلب هالشي من غيرك ؟) فتت عالصفحة لاحظت انو جديدة ما عليها ولا صديق .. استغربت شوي بس ما اهتميت طلبت من ادمن الصفحة تحذف المشكلة .. وحذفتا بعد مرور ساعة ...

العضوة: 743708 , 5 years ago

وائل : الو زينة : اهلين وائل : لك هيك يا منظومة .. بتبعتي مشكلتك على صفحة .. لو قلتيلي انك صرتي تحبيني بمشاعر تانية مو احسن من العلاك عالصفحات ؟؟ زينة : انت ؟! كيف شفت ؟ وائل : ههههههههه زينة : ........ وائل : لا تخجلي .. انتي بشر كمان عادي يصير هيك شي عادي زينة : رح سكر هلأ ما عاد طلع معي حكي وائل : لك كنا نحكي 23 ساعة باليوم شبك عم تهربي مني ؟ زينة : تركني براحتي وائل : ماشي براحتك بس لا تنزعجي .. والله انا بحبك زينة : وانا بحبك وائل : بكرا رح نتقابل كأنه ما صار شي ماشي ؟ زينة : ماشي .. اي ساعة ؟ بكرا ما عندي محاضرات وائل : عال4 المسا بجي بصف بعيد عن بيتكن متل العادة زينة : اتفقنا .. يلا سلام تاني يوم رحت عالموعد .. اول ما التقينا حاولت اتصرف كأنه ما في شي ركبت بالسيارة وائل : يا هلا بقلبي زينة : هلا فيك وائل : لوين بتحبي نروح ؟ زينة : وين ما بدك مشينا بالسيارة ورحنا على مطعم لأنه كان وقت غدا .. تغدينا وقعدنا شوي عم نتأمل بعيون بعض .. وائل : شبك حبي ؟ زينة : بحبك .. بحبك كتير وبدي نكون سوا بدي نتجوز و نعيش سوا كل العمر وائل : طيب شو اعمل ازا ابوكي مو راضي ؟ احكيلي شو اعمل وانا جاهز

العضوة: 743708 , 5 years ago

الجزء الثالث @rwayate زينة : مممم اي .. طيب اطلبني كمان مرة وائل : اي ؟ ويقلعني ؟ زينة : ازا قلعك هالمرة انا ما رح اسكت ابدا وائل : شو رح تعملي يعني ؟؟ زينة : بنتحر .. اي بنتحر وائل : برافووووووووووووو هيك بدي ياكي .. اي انتحري مشان ما رح نتجوز الا بعد 3 سنين .. وهيك بتتركيني بحسرة طول العمر .. زينة : 3 سنين وقت قصير يعني ؟ وائل : بنقدر نصبر سوا .. اتحملي ليكنا عم نشوف بعض ونلتقي ونحكي وكلشي .. ضل شي واحد مشان نكون متجوزين .. وانتي ما بدك زينة : مجنووووون ههههههه .. ولي اخدنا الحكي بدي روح عالبيت وائل : بكير زينة : جايين خطابين لأختي نرجس اليوم .. لازم روح اصلا ما بعرف شلون امي تركتني اطلع من البيت ههههه وائل : وصلك ؟ زينة : لا لا .. بدي مر اشتري كم غرض .. يلا سلام بدقلك بالليل مشان اسمع ردك .. وائل : على شو ؟ زينة : ازا رح ترجع تطلبني او لأ .. يلا سلام وائل : لك بطلبك الف مرة يا مجنونة بدون تفكير موافق اطلبك بس قولي يارب ابوكي يوافق زينة : يااااارب مشيت وانا عم بضحك .. اشتريت الأغراض يلي طلبتهن امي مني وركبت تاكسي ورجعت عالبيت زينة : امي .. ليكني جبتلك الأغراض وينا نرجس ؟ امي : ليكا بغرفتا .. فوتي لعندا هي سألت عنك كمان زينة : ماشي فتت لعند نرجس اختي الأصغر مني بسنتين .. وكان غرقانة وسط الميك اب ومو عرفانه تعمل شي وحتى تيابا كلهن حواليها ومو عرفانه شو تلبس .. صرت اضحك وقربت لعندا وانا عم بضحك وهي جمدانه الضحكة على شفايفا .. رفعت وشا بإيدي .. وكانت في دمعة رح تنزل من عينا

العضوة: 743708 , 5 years ago

زينة : نرجس .. شبك ؟ ليش الحزن ؟ نرجس : ما بدي يجي حد يشوفني .. وما بدي اتجوز ليش يعني ابي بدو انتي تخطبي بس تكفي دراستك وانا بدو اخطب هلأ وموافق ؟ زينة : ..... ما بعرف بس يمكن خير الك امسحي هالدمعة وروقي نرجس : بدي عيد البكلوريا وانجح وجمع معدل متلك .. معدل عالي وادخل جامعة و .. ادرس وبعدا بخطب .. زينة : طيب ما حد رح يجبرك على شي بس يجي الشب وتشوفيه ويروح ازا بقيتي ما بدك انا رح وقف بوشهن ما رح خلي حد يجوزك غصب عنك ابدا نرجس : ماشي بعد ساعة اجو العريس وامو .. واختي بغرفتا عم تبكي والكحل ما عم يبقى بعيونا .. امي : يلا جيبي نرجس وتعالو انتي وياها زينة : انا ؟! ليش انا ؟ امي : متل ما عم قلك بتعملي بلا اسئلة زينة : اي ماشي ======================================= بعد بأسبوع ردو الجماعة خبر انه ما في نصيب .. ويلي فهمتو انو كانو يختارو بيننا انا او نرجس لهيك طلبو يشوفونا نحن ال2 جن جنوني ورحت ابكي لعند امي .. زينة : امي ليش هيك عم تعملو .. ليش بدكن تجوزوني من هاد كنتو ؟ مو وائل تقدملي ورفضتوه مشان كفي دراستي ؟ امي : بتقارني الأندبوري وائل بهاد ابن اكبر تاجر سيارات بالبلد يضرب حظي وما بدو ياكن زينة : ( تبكي ) يبقا هيك القصة مو مشان كفي دراستي ؟ طييييييييييب

العضوة: 743708 , 5 years ago

رحت على غرفتي تسطحت على تختي وصرت ابكي دموعي بللت مخدتي .. رفعت الموبايل وانا عم ببكي ودقيت لوائل زينة : وائل ... وائل : حبي .. شبك من كم ساعة كنا سوا وكنتي مروقة زينة : بدي شوفك ضرووووري وائل : متى ؟ زينة : بكرا الصبح .. ما رح روح عالمحاضرة .. بشوفك طول الوقت محتاجتك انا .. محتاجتك كتير وائل : ماشي حبي رح اجي الصبح اخدك .. اتفقنا ؟ زينة : اي ماشي .. سلام وائل : طيب شبك ؟ زينة : لا تسألني شي .. سلااام سكرت الخط وقلبي محروق .. يعني ما رح يخلونا نتجوز ابدا ؟ هنن عم يعملو دراستي حجة ليرفضو حبيبي لأنه وضعو المادي مو كتير منيح ؟؟!! تاني يوم اجا وائل بعيد عن بيتنا شوي ورحت ركبت بالسيارة جنبو وعيوني متل الدم من البكي وائل : اي لوين نروح ؟ زينة : على بيتك وائل : ....... وين ما سمعت ؟ زينة : عم قلك على بيتك .. ما بدي روح مكان عام الكل مفكر اني بالجامعة وائل : طيب شبك عم ترجفي .. وين ما بدك بنروح بس مو على بيتي شبك مشان اهلي شو قلن ؟ زينة : اي .. بعيد عن العالم .. خدني على مكان مهجور بلع وائل ريقو واتطلع فيني نظرة تردد .. انا كنت مصدومه بأهلي .. كيف رابطين سعادتي بالمصاري ؟ طيب انا ما بدي مصاري ولا شي بس بدي وائل .. يعني رح يوقفو بوشنا ويجوزوني من حدا هنن رح يختاروه !!!! مشينا بالسيارة كتير .. وانا غمضت عيوني وصرت اتنفس .. نفسيتي تعبت بيوم وليلة تحولت من بنت مرحة ومجنونة لبنت مكتئبة وحزينة وائل : منيح هون ؟ اتلفتت حوالين السيارة ما لقيت في ناس .. زينة : اي

العضوة: 743708 , 5 years ago

وائل : اي خبريني شو في ؟ شبك ؟ زينة : مو بدك نعيش متل المتجوزين وما كنت بدي ؟ وائل : لا زينة .. لحظة ضعف بس مو اكتر لا تزعلي مني زينة : بس انا موافقة !! وائل : زينة شو صاير معك شبك ؟ زينة : ولا شي بس انا بدي ياك وبحبك فيها شي ؟ وائل : .......... زينة : مستغرب ما ؟ طيب جرب وازا منعتك لا تقرب مني ابدا وائل : انتي تعبانة حبيبتي .. رح رجعك عالبيت

العضوة: 743708 , 5 years ago

قبل ما يشغل السيارة مسكت ايدو .. وصرت قرب منو وهو يبعد لأنه بيعرف انه انا مو مقتنعة بالشي يلي بعملو .. بقيت قرب منو وضمو لحتى صار يلي صار .. الجزء الرابع بعد ساعة ..... وائل : ليش هيك يا زينة ؟ يعني بقيتي فوق راسي لحتى صار هيك .. لييييش كان وائل كتير متدايق .. خاف علي كتير وصار يفكر شو ممكن يصير بعد هيك زينة : مو انت كنت بدك ؟ انا فكرت و وافقت وائل : اي .. كانت لحظة ضعف طيب انتي اخدتي شي مانع حمل شي ؟ رفعت راسي بعدم اهتمام ... زينة : لا وائل : لك زينة .. بدك اهلك يقتلوكي شي .. خلص لازم نتجوز لاااازم زينة : اي لازم وائل : لك عم تحكي ببرود اعصاب .. انتي ما عم تحسي بحجم المصيبه يلي نحنا فيا ؟ زينة : مصيبة شو ؟ وائل : ...... طيب انتي الظاهر مو حاسة بحجم المشكلة انا رح قلك شو هي .. انتي هلأ مو بنت .. يعني لو انا عملت حادث ومتت قبل ما نتجوز واجا غيري تجوزك رح يعرف انه في غيرو قرب عليكي لأنه انتي هلأ مو عذراء فهمتي ؟ زينة : بعرف وائل : طيب رح اتركك تزبطي وضعك وانزل من السيارة شوي لتخلصي امورك اي زينة : ماشي نزل وائل من السيارة خبيت وشي بإيدي وصرت ابكي بحرقة ..... شو يلي صار .. من ساعة كنت بنت وهلأ انا ... !!! بعد نص ساعة ...

العضوة: 743708 , 5 years ago

وائل : ...... طيب انتي الظاهر مو حاسة بحجم المشكلة انا رح قلك شو هي .. انتي هلأ مو بنت .. يعني لو انا عملت حادث ومتت قبل ما نتجوز واجا غيري تجوزك رح يعرف انه في غيرو قرب عليكي لأنه انتي هلأ مو عذراء فهمتي ؟ زينة : بعرف وائل : طيب رح اتركك تزبطي وضعك وانزل من السيارة شوي لتخلصي امورك اي زينة : ماشي نزل وائل من السيارة خبيت وشي بإيدي وصرت ابكي بحرقة ..... شو يلي صار .. من ساعة كنت بنت وهلأ انا ... !!! بعد نص ساعة ... زينة : متى رح تخطبني ؟ وائل : بكرا لازم نخطب .. بكرا بكرا مو مزح عم بحكي جد لازم بكرا نخطب قدام الكل وبنتجوز بس تخلصي دراستك زينة : لك اهلي ما عم يرفضو كرمال دراستي ههههههه وائل : عم تضحكي !! لكن ليش ؟ زينة : مشان بدن يجوزوني لحدا غني .. وانا بحبك انت لهيك اصريت يصير اللي صار هلأ وائل : كيف يعني ؟ زينة : بكرا بتجي تطلبني وقبل ما تجي رح خبر امي انه غلطنا .. اصلا الموضوع طلع بإيد امي مو ايد ابي هي يلي بتضغط على ابي مشان يرفضك وائل : ..... رح تزبط ؟ زينة : اكيد .. وهالدم يلي عالمحرمه رح يشهد معي هههههه وائل : زينة هالمرة ما فيا مزح .. لازم نخطب زينة : اي .. لكن لازم لازم .. يلا خدني على شي مطعم افطر عصافير بطني عم تزقزق وائل : تكرمي يا عمري .. مسحي دموعك لأنك باين انك بكيتي كتير واصلا شفتك بس نزلت وانتي عم تبكي بس تركتك ترتاحي شوي ( حط ايدو على وشي واتطلع بعيوني ) وائل : ما رح اسمح لشي يكسرك .. ما رح اسمح لحد يفرقنا زينة : بعرف .. واثقة فيك

العضوة: 743708 , 5 years ago

وائل : انتي عرضتي حالك للخطر كرمال نكون لبعض زينة : لأني بحبك .. طيب اعترفلك بشي ؟ وائل : اي ؟ زينة : تتزكر بس وقعت بالبحر ؟ وائل : اي .. ما بنساه هاليوم زينة : ما وقعت بالبحر بالغلط .. وقعت حالي كرمال شوف غلاتي عندك وائل : هههههههه عنجد ؟ زينة : اي .. كنت اتدلل عليك وائل : كان رح يوقف قلبي من الرعبة عليكي زينة : سلامة قلبك رحنا افطرنا بمطعم وفتلنا شوي بالسيارة ورجعنا على نفس المكان .. بقينا نحكي وانا لاففتو وساندة راسي على صدرو وهو كل دقيقة يبوس راسي ويلمس وشي بنعومة ======================================= تاني يوم ... زينة : امي بدي احكي معك بشي امي : احكي زينة : اليوم وائل رح يجي يطلبني امي : لأ زينة : اي ولأني بعرف انو لأ .. جبتلك هالمحرمه شوفيا امي : ( بإستغراب ) شو هااااد ؟ دم !!!!!!! زينة : ما لقيت غير هالطريقة مشان اقنعكن تخلونا نخطب .. انا غلطت معو .. او اقلك غلط مقصود مشان اتجوزو شو قلتي هلأ قلو يجو هو أهلو يخطبوني ولا لأ ؟ امي : لك يا حيوانه يا حقيرة والله لأربيكي زينة : هههههه اخ شعري لك حاج ضرب عروس اليوم انا هههههه اااااخ شعري تركتني امي وهي عم ترجف ... امي : هلأ خبريه يجي يخطبك هلأ زينة : بس ابي مو موافق !! امي : لك شو بدك بأبوكي انقلعي خبريه يجي يخطبك ويجيب مأذون معو كمان زينة : اي هااااد الحكي يلي بينسمع فرحت كتير ورحت اتصلت بوائل وخبرتو ... وائل : اي ماشي اليوم المسا بنكون عندكن بس المأذون مو هلأ اهلي لو عرفو الشي يلي صار بيننا ما رح يرضو نتجوز

العضوة: 743708 , 5 years ago

زينة : لكن متى ؟ وائل : بعد كم يوم من الخطبة زينة : اي ماشي المسا اجا وائل هو واهلو .. وطلبوني واستغربت انه ابي وافق بسرعة .. ابو وائل : النا عندكن طلب وبنتمنى ما تردوه ابي : ابشر ابو وائل : طالبين ايد بنتكن زينة لإبنا وائل على سنة الله ورسوله ابي : اشرب قهوتك .. بنتشرف فيكن وابنكن وائل شب ما في منو اخلاق وادب الله يحميه امي كانت متدايقة وحسيت بنظرتها كانت مشتهية تقوم تحرق البيت كلو ولا تجوزني لوائل .. ليش ؟ لأنه ما عندو بيت وبيتو بالإجار ؟ لأنه سيارتو مو احدث موديل ؟ لأنه موظف ؟ كانت امي بكل مرة يطلبني وائل تأثر على ابي مشان يرفض .. وكان يهون عليها تشوف دموعي وقهري بس كرمال تجوزني لحدا غني .. بس هالمرة استسلمت للأمر الواقع لأنه خلص .. في شي ما بيتصلح ..