كنا على جسر خشبي انا وحبيبي جوات البحر .. انا كنت ببداية الجسر و زحطت و وقعت بالبحر وانا ما بعرف اسبح .. بدون تردد نزل عالبحر فورا وهو عم يصرخ بإسمي .. وطالعني من البحر وانا رح غيب عن الوعي من الرعبة بتنفس بصعوبة .. قرب وائل شفايفو على شفافي زينة : يييييه شو عم تعمل وائل : تنفس صناعي زينة : ههههههه جد عم تحكي ؟ وائل : لك اي شفتك ما عم تقدري تتنفسي .. قلت بعملك تنفس صناعي زينة : لك لا تضحكني .. ما صارلي شي بس من الرعبه عم اتنفس بصعوبة .. هلأ بروق وائل : طيب رح احملك للسيارة .. ممكن ؟ زينة : اي ممكن .. بقدر امشي بس حابة اتدلل هههههه وائل : اي تدللي يا عمري اتدللي .. لفي ايديكي ورا رقبتي اي هيك غمضت عيوني بخجل .. وسندت راسي على كتفو لحتى وصلنا للسيارة وائل : اي حبيبي .. كيفك هلأ ؟ زينة : ممتااااازة وائل : ممتازة ؟ اكيد ؟ زينة : مو عم اتطلع بعيونك هلأ ؟ اتأكد اني بجنن .. ممتااازة رااائعة بدك انزل اركض ؟ وائل : بعدو قلبك عم ينبض بسرعة .. رح اخدك عالمشفى زينة : لاااا .. بدي ياك .. بدي ياك انت وبس وائل : ( احم احم ) يلا رح وصلك عالبيت اركبي زينة : .... ركبت بالسيارة .. وعم فكر شو فهم لحتى تنحنح وخجل ؟! زينة : قلت بدي ياك .. قصدي ... شبك ايدو بإيدي ورفعا لعند شفايفو وبوسا .. وائل : لو شو ما يكون قصدك بحبك بس يعني الكلمة لبكتني شوي ما عرفت رد عليكي بساعتا وقف السيارة بمكان كلو شجر .. وكمل كلامو وائل : بس ازا بدك .....