العضوة: 743708 , 5 years ago

امي : زينة .. انا كنت رايدتلك الأحسن لأنك ربيتي على الدلال .. بس ما تفكري اللي عملتيه صح .. الشي يلي عملتيه رح يبقى ببالو لوائل .. رح هلأ يقول انه لأنك بتحبيه تركتيه يلمسك بس لقدام شوي رح تفهمي كلامي .. لا تنسي كلامي هاد .. رح تندمي عاللي عملتيه وبتمنى كلامي هاد ما يصير حقيقة بس انا يا امي ما عمري زعلتك وكنت حاول شوفك مبسوطه بس اااااااااااخ .. الجزء الخامس زينة : ليش لحتى اندم ؟ لا بالعكس .. اصلا وائل بيحبني كتيييير ما رح يخليني اندم .. انتي مفكرة السعادة بالمصاري ؟ انا بحب وائل لأنه وائل لأنه رجال لأنه بيحبني امي : اقعدي زينة بدي حاكيكي زينة : تفضلي امي ... امي : اول شي انتي قدمتي اغلى شي عندك لهالإنسان قبل الزواج ..هاد التنازل رح يكون نقطة سودا بحياتك المستقبلبه .. وحياة بنتك كمان ازا الله رزقك بنت .. اتزكري كلامي .. لا تنسيه زينة : ........ وبعد اسبوع كتبنا كتاب انا و وائل .. وصرت حلالو قدام الكل .. زينة : حبيبي .. لو بعرف هالشي رح يجمعنا كنت من زمان عملت هيك هههههه وائل : لا مو هالشي يلي جمعنا .. حبنا يلي انتصر زينة : بحبك وائل : متى بدي شوفك ؟ زينة : بكرا بعد الجامعة وائل : ماشي حبي .. بشوفك بكرا لكن سلام ما لحقت قلو الله معك .. سكر الخط .. شو يلي عم بيصير ؟! تاني يوم رحت عالجامعة .. قابلت رفيقتي سناء يلي ضمتني بقوة وصارت تبكي وتقلي اشتقتلك .. سناء : يا غليظة ليش ما عملتي حفلة .. كل هالفرحة وبالأخير تخطبو بلا حفلة زينة : المهم صرنا لبعض سناء : اي لك احكيلي شلون اجتك الجرأة .. طيب كيف حلو ؟؟ زينة : هيييييه لك سكتي .. شو حلو وشو مو حلو كان كل همي حط اهلي تحت الأمر الواقع سناء : تضربي شو جدبة .. اسما صارت وصارت كنتي اتفاعلي معو و انبسطي و ... زينة : سناء سكتي .. هسسس سكتي سناء : اي سكتت .. يلا عالمحاضرة بعد دوامي بالجامعة .. طلعت من الباب ورفيقتي سناء تقابلت مع رفيقا و وقفنا شوي حكت معو .. بعدا لمحت وائل واقف بالسيارة استأذنت منن ورحت لعندو

العضوة: 743708 , 5 years ago

وائل : مين هاد يلي كنتي واقفه معو ؟ زينة : مين ؟ اي قصدك هاد .. كان واقف مع رفيقتي مو معي انا كنت مع رفيقتي وهو بيكون رفيقا الا .. وائل : اي قلتيلي زينة : ( بإستغراب ) ما فهمت شو قصدك ؟ وائل : انتي مفكرة انه تصرفاتك رح تبقى طبيعية متل اول .. قصدي متل قبل ما تصيري مدام .. يا مدام زينة : ........ شو عملت انا ليش ؟ وائل : اي وانا شو عرفني شو عم تعملي انا مو معك بالجامعة لراقبك للحظة حسيت رح يطلعلي حدا يقلي معك الكاميرا الخفية ابتسمي للكاميرا !! زينة : ههههه عم تمزح ما ؟ وائل : ( بعصبية ) لا ما بمزح .. وازا بشوفك واقفة مع حدا بعد هيك رح خليكي تتركيا كلا للجامعة زينة : افتحلي باب السيارة بدي انزل وائل : لا .. بدي نتفتل شوي بالسيارة .. مشتاقلك نظرتو حددتلي شو بدو مني .. ما عاد يشوفني بقلبو ابدا من هداك اليوم صار يشوفني جسد .. مجرد جسد ======================================= بعد شهر ... رحت عالجامعة وكنت تعبانه كتير .. سناء : شبك زينة وشك اصفر كتير زينة : يمكن لأني ما باكل منيح والي يومين اخدة برد وبستفرغ سناء : بتدوخي شي ؟ زينة : اي شوي سناء : وكتير مبسوطه ؟ زينة : لا تعبانه والله سناء : متى صار الشي هداك بينك وبين وائل اول مرة ؟ زينة : من شي شهر ونص ليش شو دخل هي بهي لايكون قصدك .... لا لا مو معقول سناء : انتي جدبة شي ؟ زينة : لك ما بتوقع مو معقول .. ولي مصيبه هي سناء : طيب هلأ بنروح عصيدلية بناخد تيست حمل .. قومي قبل المحاضرة بنروح وبنرجع بتعملي الفحص زينة : يا ربي ... لاااا ياربي ما يكون في شي ببطني مصيبة

العضوة: 743708 , 5 years ago

سناء : طيب اهدي رح روح جيبلك تيست واجي خليكي هون لأنك تعبانه زينة : طيب راحت سناء ورجعت بعد ربع ساعة ... وجابتلي التيست عملت الفحص وما شفت النتيجة .. حطيتو بالشنطة بعد المحاضرة ... سناء : شو صار معك ؟ زينة : ما شفت .. لحظة طالعت التيست واخدتو مني سناء زينة : خطين مو ؟ سناء : ..... زينة : لا يا ربييييي قعدت بساحة الجامعة وصرت ابكي .. والكل عم يتفرج علي هيثم : مرحبا سناء : هيثم .. اهلين بس لو سمحت روح من هون كان تيست الحمل عالأرض وانا وسناء ما انتبهنا عليه .. شافو هيثم ( زميلنا بالجامعة ) هيثم : مو هاد تيست حمل .. حامل ؟؟ مين كيف ليش .. احكيلي يمكن اقدر ساعدك زينة : مشان الله روح من هون ما بدي يشوفك خطيبي ويعملي مشكلة هيثم : اي مخطوبة يعني بسيطة روقي سناء : هيثم خلص روح بحكيك المسا هيثم : ابقي طمنيني اي سناء : ماشي بعد ربع ساعة ..... سناء : روقتي ؟ زينة : ما توقعت اوصل لهون .. شو اعمل هلأ ؟؟ سناء : لازم تتجوزو فورا زينة : مستحيل .. مستحيل يزبط سناء : طيب خبريه زينة : رح دقلو .... لك موبايلو مقفول يا ربييييي شو اعمل سناء : طيب دقي لحماتك

العضوة: 743708 , 5 years ago

زينة : مجنونة انتي ؟ لك اهلو ما بيعرفو بشي من اللي صار بيننا بس بيعرفو انه بنحب بعض وبدو ياني سناء : الله يستر من اللي جاي .. روقي واهدي ما في شي ما الو حل زينة : رح ارجع دق .. بقيت دقلو طول اليوم وهو موبايلو مقفول .. وهالشي يلي تعبلي قلبي اكتر واكتر لحتى صارت الساعة 12 بعد نص ليل .. دقيت لحماتي وكنت عم ابكي .. ما خبرتا شي بس قلتلا اني بدي حاكي وائل ضروري .. حماتي : وائل .. وائل .. خطيبتك عالخط عم تبكي شوف شبها وائل : امي بكرا بحاكيا خلص بدي نام تركيني حماتي : ( بعصبية ) قوم رد عخطيبتك وائل : هففففففففف هاتي .. اي يا زبنة شو في ( عرفت انه حبي بقلب وائل مات .. ما عاد في حب بس ليش ما عم اعرف ؟ ) زينة : ليش هيك عم تحاكيني ؟ ( تبكي ) طول اليوم وانا عم دقلك .. موبايلك مقفول وائل : لك شوفيييي ؟ زينة : انا حامل بس حكيت انا حامل .. حسيت وائل انصدم سكت وصار يحاول يصحصح وائل : لحظه .. شو قلتي ؟ زينة : انا حامل وائل : هههه مقلب هاد صح ؟ زينة : لأ .. انا حامل عنجد .. وائل : لا هاد الطفل ما رح يبقى لازم تجهضي

العضوة: 743708 , 5 years ago

وائل : لا هاد الطفل ما رح يبقى لازم تجهضي زينة : لاااااا ما رح اجهض .. بدنا نتجوز وبدو يخلق هالطفل .. وكمان شغله انا ما كنت بعرفك رح تهملني بعد ما نخطب وتبطل تسأل فيني .. ياريتنا ما خطبنا ياريت بقينا بعلاقة حب .. وائل : خلصتي دراما ؟ زينة : وعم تتمسخر كمان ؟ وائل : ليكي .. زواج ماني جاهز اتجوز هلأ .. والطفل يلي ببطنك بسببك انا ما كنت بدي وانتي عملتي كلشي .. حلي مشكلتك بعيد عني زينة : ليش مين ابو الطفل يلي ببطني ؟ وائل : الله اعلم !! زينة : ........ سكرت الخط بوشو وما عاد رديت .. لا مو هاد وائل يلي حبيتو بيشك فيني وبيهملني وما بيشتاقلي الا بس بدو .... لك وين وائل ؟ وين حبيبي ؟ اااااخ بس نمت وما عاد وعيت على شي .. وصارت تمر الأيام وانا ابقى بغرفتي وما اطلع منها الا عالتواليت .. وما عاد رحت عالجامعة وحتى سناء رفيقتي كانت تجي وما اقعد معا .. وما عاد رديت على وائل .. انصدمت .. كلشي عملتو مشان ابقى معو وما نفترق .. بيقلي انتي السبب ؟؟ صرت اتزكر كلام امي يلي ما اخد كتير وقت لحتى يصير واقع عايشتو بيوم جمعة بعد العصر.. كنت نايمة بتختي عم اتصفن بالحيطان وابكي واتزكر ايامي الحلوة مع وائل ... اجت امي على غرفتي ... امي : زينة .. زينة .. زيييييينة زينة : فايقة .. شو ؟ امي : انتي حامل ؟ زينة : ........ امي : اجا خطيبك يحدد موعد العرس وبس رفضت قلي انك حامل .. صحيح هالحكي ؟

العضوة: 743708 , 5 years ago

زينة : اي امي : لا لا لا .. انتي ما رح تهدي الا بس تجلطيني لك .. انتي جدبة شي مانك حاسة بالمصيبة ؟؟ يعني لو عرسك بكرا وولدتي بعد 7 شهور شو نقول للناس ؟ زينة : الولد سباعي امي : ..... يارب صبرني على هالهم يلي ابتليتني فيه .. مو لو تموتي احسنلي ؟ زينة : واحسنلي امي : طيب البسي واطلعي خطيبك بدو يحاكيكي زينة : ماشي لبست وطلعت وكان وشي تعبان كتير .. بس شفتو صرت ابكي بحرقة .. ضمني وشد علي وصار يعتذرلي .. زينة : انا بتعمل فيني هيك ؟ انا بتهملني وبتشك فيني انا بتوجعلي قلبي ؟ وائل : اهدي يا عمري .. انا اسف اسف والله انا غلطت اسف .. جيت مشان حدد موعد عرسنا بأقرب وقت اي ؟ زينة : ماشي وائل : تعالي نطلع نفتل بالسيارة شوي .. تغيري جو زينة : لا وائل لا .. ما بدي وائل : شو ما بدك وليش رجفتي وليش تلبكتي شبك حبيبتي ؟ زينة : ما بدي تقرب علي .. ما بدي وائل : طيب ما رح قرب الا ازا انتي بدك بس تعالي نطلع ونغير جو زينة : ماشي .. اصلا انا مخنوقة ======================================= طلعنا انا و وائل فتلنا بالسيارة شوي .. وائل : شو رأيك صف هون ؟ زينة : لا .. ما بدي وائل : بس انا مشتاقلك .. محتاجك بدي ياكي اخر مرة قبل ما نتجوز وعد اخر مرة زينة : ما بدي وائل : رح صف زينة : لك ليش وقفت السيارة .. ما بديييي اااخ لك انا حامل بخاف يصير شي للبيبي وائل : لا تخافي انا رح كون حنون معك بس لا تدافشي

العضوة: 743708 , 5 years ago

انا ما كان عندي شي لأخاف كرمالو .. بس فكرة انه وائل ما عاد يشوفني الا جسد كرهتني هالشي .. وخلتني خاف على كرامتي اكتر من الغشاء يلي نزل نقطتين دم .. قلبي بينزف وكرامتي انجرحت .. ما عاد في شي يتصلح .. بس لو يرجع الزمن شهرين .. شهرين بس رح روح اقعد معو بالسيارة وبنفس المكان يلي فقدت كرامتي فيه .. واتركو .. اي واتركو وامشي .. كنت حس تفكيرو غربي .. وانو رح يعتبر هالشي ممارسة حب ... ويكون من ضمن العلاقة ومو اساس العلاقة .. غلطت كتير هو رجل شرقي ما في شي رح يغير تفكيرو بعد ساعة ... زينة : لك مشان الله عاملني متل زمان .. انا مصدومة فيك انت وائل ؟ وائل يلي حبيتو سنين وما ...

العضوة: 743708 , 5 years ago

وائل : وما ... ؟؟! اي وما شو كملي .. عم تعترفي انو انا ما قربتلك صح ؟ طيب قولي الحمد لله اني رضيت اتجوزك بعد يلي عملتيه وخبصتيه .. لك انتي اغتصبتيني .. ههههههه لو حد يسمع هالكلمه بيضحك عليها بيفكرا نكته .. بس هاد يلي صار بتتزكري كم حاولت ابعدك وما اسمح لهالشي يصير ؟ بس مشان ما نقعد هاي القعدة ونحكي هاد الحكي .. وهلأ زبطي تيابك بدي وصلك عالبيت مشينا بالسيارة وبقيت عم ابكي .. كرهت السيارة هي صارت سجن متنقل بالنسبة لألي صرت حس فيها ضاعت كرامتي فيها بداية تعاستي .. حتى هالمكان الواسع يلي كلو شجر .. كنت حسو قبر ======================================

العضوة: 743708 , 5 years ago

امممم في حدا هون

العضوة: 786580 , 5 years ago

كملي

العضوة: 743708 , 5 years ago

ومر الوقت وصار موعد العرس .. ما كنت فرحانه .. لأنه عم حس اني بتجوز حدا غير يلي حبيتو 5 سنين .. للحظه تذكرت وائل .. وائل يلي كان يخاف علي من نسمة الهوا .. يلي من كتر حبو لألي ما بعمرو جرحني ولو جرح صغير .. خسرت جامعتي ودراستي يلي وائل ما رضي يخليني كفي فيها بعد ما تجوزنا .. وصارت أيامنا كلا بتشبه بعض .. وكلا قهر وحزن ودموع .. الحب يلي حبني ياه وائل تحول لشهوة وبس .. حتى انو ما بيسألني ازا مشتهيه شي او بدي شي .. طول فترة حملي قضيتا بالبيت بغرفتي مرضانة .. حرارتي عالية وما باكل وائل : خير ليش ما عم تقومي من مكانك .. الوحيدة يلي بتحبلي بالدنيا انتي ؟ قومي اشتغلي البيت رح يعفن زينة : وائل .. تركني بحالي وائل : بالله اتركك بحالك ؟ لك تعطري .. البسي تمكيجي لك حتى شهوة ما عاد اشتهيتك .. اقلك شي انا رايح عند امي زينة : ليش هيك عم تعاملني تعال شوف هاي الصور بوقت كنا نحب بعض هاي الصورة سيلفي يوم ما مزحت معك و وقعت حالي بالبحر تتزكر ؟ وائل : ........ زينة : تتزكر شو عملنا لحتى ننام سوا على هاد التخت قدام كل العالم تحت هاد السقف ؟ وائل : كنت فكرك شريفة زينة : ليش انا شو عملت ؟ نمت مع حدا غريب ؟ مو نمت معك انت ؟ وكرمال نكون لبعض ؟ وائل : وشو خلاكي واثقه رح اتجوزك .. لو اجت علي والله كرهتك بس تجوزتك مشان ابري ذمتي قدام الله بس زينة : بس اولد بدي ارجع عالجامعة وائل : من الجامعة لمحكمة الطلاق زينة : انا بحبك .. والله بحبك ما بدك ادرس بس مشان الله ارجع وائل .. وائل يلي حبيتو وحبني وائل : اي مو لتكوني زينة يلي حبيتا ؟؟ زينة يلي حبيتا ما بتسلمني حالا قبل ما نتجوز زينة يلي حبيتا ما بترضى تغضب الله وتزني ولا تحت اي سبب .. انتي اغريتيني لحتى نمت معك غصب عني انا ما كنت بدي .. زينة : انت طلبت وائل : كنت بختبرك يا مجنونه .. ما توقعت تعمليا كان وائل عم يحكي والدمعة رح تنزل من عينو .. وائل : بس انتي صدمتيني .. انتي صدمتيني راح وائل وتركني عم ببكي .. ورجع الفجر كنت لسا ما خلصت بكي .. قلبي من جوا عم يحترق .. مقهوووووورة ============================

العضوة: 743708 , 5 years ago

بعد 5 شهور ولدت وجبت بنتي حنان عالدنيا .. سميتا حنان .. مشان تطلع حنونه .. وقلبا رقيق متل اما .. مشان ما تعرف بيوم تقسى متل وائل .. زينة : وائل انا ولدانه جديد .. والله تعبانه تعبانه حاج تسمعني حكي كل شوي وائل : لك جبتيلي بنت .. بنت .. تطلع متلك و... لا لا يا رب تموت قبل ما يصير هالشي انا ما بعرف ازا رد فعل وائل كان صح .. ما بعرف ليش بس سلمتو حالي كرهني .. يمكن لأنه الرجل الشرقي تفكيرو ما بيتغير ابدا بعد اسبوع من ولادتي كنت نايمة .. و وائل نايم بالصالون فقت مشان اشرب مي .. مشيت خطوتين وسمعت وائل عم يحكي بالموبايل .. كان كلامو كلو غزل غزل .. ما قدرت واجهو ولا حاكيه شي .. خبيت تمي بإيدي وصارو دموعي ينزلو متل الشلال .. تاني يوم اتصلت بإمي وطلبت منها تجي لعندي .. امي : من ساعة ما جيت وانتي عم تبكي .. ما عاد في حليب بصدرك من الزعل .. حرام يا امي هيك حرام .. خبريني شو صاير معك ؟ زينة : تتزكري ؟ امي : شو بتزكر ؟ زينة : لما قلتيلي اني غلطت ورح اتعاقب بعد الزواج .. وحتى بنتي هي يلي باللفة عم تتعاقب معي امي : طيب خبريني شو صاير معك .. انا كنت فكر كلامي رح يصير بعد سنين من زواجكن مو بعد اقل من سنة .. مو بهالسرعة زينة : ما بيحاكيني الا ازا بدو ينام معي .. حتى اكل ما بياكل من تحت ايدي .. بيحكي مع غيري بيخونني يا امي .. وائل يلي حاربتكن كرمالو و ضحيت بكلشي كرمالو .. بيخونني امي : قلتلك يا بنتي .. اللي عملتي انتي حب .. خفتي تخسريه لهيك سلمتيه حالك .. بس هو اعتبرا خيانة لأخلاقك ومبادئك ..

العضوة: 801024 , 5 years ago

كملي كتير حلوه القصه

العضوة: 743708 , 5 years ago

زينة : وهالطفلة شو زنبا ؟ امي : ما زنبا شي .. وما رح يإذيا لا تخافي بس هو من قهرو منك عم يحكي ويجرحك بالكلام مصدوم فيكي .. ما توقع ترضي انك تعملي هيك .. لك حتى انا مصدومه فيكي .. اختك نرجس منعتا تطلع من البيت بسببك زينة : طيب .. رح اجي معكن .. انا غلطت شو اعمل هلأ ؟ شو المطلوب مني ؟ ونحنا عم نحكي اجا وائل .. فات سلم على امي ومسك شنطة وضب فيها تياب كتير .. زينة : لوين رايح ؟ وائل : مسافر مع رفقاتي عالبحر زينة : طيب وانا ؟

العضوة: 743708 , 5 years ago

تكرم عيونك عسولتي