العضوة: 743708 , 5 years ago

وائل : شبك انتي ؟ خليكي ببيتك لأرجع لازم وين ما روح تجي معي يعني ؟؟ زينة : وائل ..... ابقى لوحدي بالبيت ؟ وائل : اي لا تطلعي لمكان .. يلا سلام مرت عمي طلع وائل وتركني انا وامي .. يلي شفت بعيونا نظرة الحزن على حالي ووضعي .. بس ما قدرت تعمل شي ابدا اعطتني مصاري وتركتني وراحت بنفس اليوم بالليل مرضت بنتي وارتفعت حرارتا .. كل اهلي ما بيردو عالموبايلات لأنهن نايمين .. وسناء رفيقتي وائل منعني احكي معا تلبكت وصرت حاول خففلا من حرارتها بس ما قدرت فتحت باب البيت ودقيت عالجيران يلي جنبي مشان يساعدوني زينة : ...... مرحبا هيثم : زينة ؟! زينة : اي .. انت ساكن هون ؟ الجزء الثامن هيثم : اي سكنت هون انا واهلي من فترة شبك شوفي ليش عم تبكي ومرعوبه ؟ زينة : بنتي تعبانه كتير وجوزي مسافر واهلي ما عم يردو علي .. وممنوع اطلع من البيت والله مو عرفانة شو اعمل كنت احكي وارجف .. متلبكة وخايفة هيثم : طيب اهدي اهدي هلأ بجي بشوفا انا واختي وازا احتاجت بناخدا عدكتور بس اهدي زينة : اي اي كرمال الله تعالو فتت عالبيت وحملت بنتي وانا عم بحكي معا ... ( يا بنتي طيبي مشان الله .. والله ما الي بالدنيا غيرك انتي حياتي كلا .. يا حنونة عمري كوني حنونه علي ولا تزعليني اي ) دق جرس البيت ورحت فتحت لهيثم واختو هيثم : مرحبا .. هي اختي عم تدرس طب زينة : اهلا وسهلا تفضلي .. ( سحبتا من ايدا على غرفة نومي يلي فيها بنتي .. وقعدت جنبا وهي عم تفحصا ..) زينة : طمنيني دكتورة ؟ ناهد : لا تخافي حبيبتي .. ما في شي واصلا ما في حرارة كتير متل ما انتي متوقعة بس ضروري هاد الدوا لأنه البنت سخنانة شوي ولازم تنخفض حرارتا زينة : ما معك منو ؟

العضوة: 743708 , 5 years ago

ناهد : لا والله .. لحظة رح خبر هيثم يروح يجيب علبة زينة : بنعزبو هيك ناهد : ولا يهمك سلامة هالأمورة اهم شي طلعنا انا وناهد عالصالون لعند هيثم .. ناهد : لازم تروح تجيبلا هاد الدوا زينة : انا اسفه .. رح عزبك لحظه اعطيك حقو هيثم : يا عيب الشوم منك ما بيصير .. يلا رح جيبو واجي ناهد : يعني جوزك بيشتغل برات البلد ؟ زينة : لا ناهد : لكن وينو ؟ زينة : راح مع رفقاتو يومين عالبحر ناهد : اي .. هاد هو ؟ مسكت ناهد صورة لألنا بوقت كنا نحب بعض .. بوقت كنا عايشين بسعادة .. زينة : اي هاد هو .. وهالبنت انا ليكي كيف كنت ناهد : قبل كم سنة هالصورة ؟ زينة : سنتين بس ناهد : ليش وشك تعبان كل هالقد هلأ شوفي هون كيف كنتي وهلأ كيف زينة : ااااااخ يا دكتورة .. الله يفرجا ناهد : انا ساكنة هون مع اهلي .. ابقي مري علينا نشوفك اي زينة : ازا جوزي رضي اي بجي ليش لا بعد ربع ساعة .... زينة : اجا هيثم .. يسلمو كتير ناهد : هاتي اشوف اي هاد الدوا رح اعطيا ياه هلأ والصبح بجي بتطمن عليها زينة : عزبتكن ولبكتن اخر الليل يا الله عنجد اسفة هيثم : زينه .. ليش ما عاد جيتي عالجامعه ؟ زينة : تركتا جوزي ما بدو كفي هيثم : وهاي بنتك .... زينة : هسسسسسس ناهد : شو عم تتوتوتو ههههههه ليكني عطيتا الدوا نص ساعة وما بيكون فيها شي ان شاء الله

العضوة: 743708 , 5 years ago

هيثم : عم نحكي على ايام الجامعة .. كانت زميلتي وكانت تتجنب الكل .. ما تحكي الا مع رفيقتا سناء .. اي صحيح كيفا هي كمان ؟ زينة : تركت الجامعة شي هي ؟ والله ما بعرف شي عنا .. هيثم : ما بعرف من شي اسبوعين ما شفتا بالجامعة .. اخر شي قالتلي انو اخوها رح يجوزا من حدا ما بتحبو بس فكرت عندك فكرة شو صار معا زينة : اشتقتلا كتير والله ياريت فيني حاكيها ناهد : لك يلا عالبيت ما بيسوا وجودنا هون اكتر من هيك زينة : ما شربتو شي ناهد : غير مرة زينة : اهلا وسهلا= تاني يوم الصبح دق جرس الباب ... زينة : مين ؟ هيثم : انا هيثم زينة : هلا هيثم .. اسفه مافيني قلك تفضل بس انوو يعني .. تفضل هيثم : لا ما رح اتفضل ههههههه .. خدي هاي شوية ادوية للأطفال واسعافات اولية خليهن عندك بتحتاجيهن زينة : يسلمو كتير كتير .. ربي يسعدك اخدت الدوا وتشكرتو .. وكنت رح سكر الباب وفوت هيثم : زينة زينة : نعم هيثم : ممكن سؤال ؟ زينة : تفضل هيثم : انتي مرتاحة بحياتك ؟ زينة : هههه كتير .. فوق ما بتتصور

العضوة: 743708 , 5 years ago

هيثم : شبك ليش دمعتي ؟ زينة : وجعتلي قلبي بسؤالك .. مو مرتاحة لا مو مرتاحة هيثم : بنتك هي يلي حملتي فيها وانتي مخطوبه صح ؟ زينة : هيك شي .. يسلمو عالدوا بدي فوت لجوا بلا ما حدا يشوفنا هيثم : طيب خلي رقمي معك ( اعطاني ورقة عليها رقمو ) واي شي بتحتاجيه من عيوني زينة : شكرا .. سكرت الباب وفتت لجوا لحشت الورقة بشنتايتي وتسطحت جنب بنتي وغفيت ما كان فيني حيل اعمل شي الا النوم .. تعبانة وموجوعة وحزينة وكلشي .. تاني يوم اجا جوزي واستقبلتو استقبال كتير حلو .. رحت ركضت عليه مشان ضمو .. بعدني عنو ... وائل : زينة انا تعبان بعدي هيك بدي فوت نام

العضوة: 743708 , 5 years ago

زينة : طيب اسألني عن حالي اسألني شلون اكلت وشربت وانت مو هون اسألني اي شي وائل : حالك .. مبين متل الأموات زينة : اي اكيد هاد من راحتي بالحياة معك وائل : خدي بنتك وطلعي وسكري الباب بدي ناااااام زينة : حاضر شو كان رح يفيد الجدل ؟ تعبت وانا بترجاه يرجع متل الأول رحت عالمطبخ مسكت سكين وحطيتا على ايدي وصرت اتزكر ايامي الحلوة مع وائل .. نظرات الحب واللهفة يلي كنت شوفن بعيونو .. اول لقاء بيننا و اول كلمة بحبك قلي ياها .. وما صحيت من زكرياتي الا على صوت وائل .. وائل : زينة .. هاتي السكين من ايدك زينة .. ( وفجأة صرخ .. زييييييييييييينة ) اخد السكين مني وانا بعدني بعالم الذكريات ما وعيت منو .. ( زييييييييييييينة .. هالصرخة سمعتا لما وقعت بالبحر .. ) الجزء التاسع وائل : لا عاد تإذي حالك .. تعالي معي مسك ايدي وصار يمسح عنا الدم ويعقما .. وائل : يا مجنونة بدك تموتي حالك .. ليش هيك عملتي ؟ كيف فيني بعد هيك اتركك بالبيت وروح اشتغل زينة : كيف عرفت ؟ وائل : كيف عرفت شو ؟ زينة : اني بدي انتحر وائل : سمعتك بتصرخي .. جيت عصوتك زينة : انا كنت صرخ ؟ وائل : اي زينة : ما بعرف وائل : بس تهدي بنحكي .. ماشي ؟ زبنة : اي .. هديت يلا احكي وائل : والله .. مو بإيدي .. كنت شوفك .. اطهر بنت .. بالكون كلو زينة : اي ؟ وائل : كنت اطلب نام معك وبس ترفضي مثل عليكي اني زعلان .. بس من جوا قلبي بيرقص فرح زينة : بس انا عملت هيك مشان ما نفترق بس .. والله انا بحبك كتير وائل : عقلي رافض هالفكرة .. ما فيني زينة : بدك تطلقني يعني ؟ وائل : رح اصبر وجرب ازا بقدر .. رح حاول ابدا معك من جديد

العضوة: 743708 , 5 years ago

حسيت بفرحة دخلت قلبي .. وامل عم يتجدد بروحي .. نسيت وجع ايدي ونسيت كلشي وصرت اتخيل لو انا وهو عيلة سعيدة متل ما كنا نتمنى نكون تاني يوم ... لبست وجهزت ورد وشعلت شمعتين حمر .. وعملت قعدة حلوة كتير ونطرتو ليجي من شغلو .. سندت راسي على طاولة السفرا يلي قبالي وغمضت عيوني .. وما وعيت الا على صوت وائل وهو عم يفيقني ... زينة : وائل .. حبيبي شوف شو حضرتلك اكلات طيبة وشموع و ورد مو هيك كنا نحلم زمان ؟ وائل : اي هيك كنا نحلم .. وكنت احلم بليلة الدخلة شوف الدم يلي بيدل على طهارة مرتي وعفتا زينة : وائل ؟! طهارة البنت بس بهالغشاء ؟ كم بنت عملت العجب وبقيت عذراء وكم بنت فقدت عذريتا بسبب تحرش او ثقة .. ثقة يعني متل ما وثقت فيك وخذلتني .. وائل : غلطتك انك وثقتي فيني بهديك اللحظة .. لو ما وثقتي فيني كنت هلأ عم طفي معك هالشمعتين و احملك و ندخل لجوا انا وياكي .. زينة : ...... اي والله غلطتي مرت الأيام و وائل ما عم يتغير .. وما عاد يحبني ولا يقربلي .. ولا حتى حنان .. ما كان يحملا ويلاعبا ويبوسا .. وائل : ليكي زينة رح قلك شغلة .. انا يمكن لسا بحبك بس هالمشاعر بتتحول لكره لما اتزكر انك خنتي دينك واهلك معي واعطيتيني اغلى شي عندك بلا خطبة ولا زواج .. يلي بتخون دينا ممكن يجي يوم وتخونني .. لهيك فكري منيح بدي ناخد قرار سريع .. يا اما بنعيش سوا كرمال هالطفلة بس .. او بنتطلق .. ولازم تحطي ببالك اني رح اتجوز عليكي بعد هيك ازا بقينا سوا .. فكري .. هدول الخيارين معك اختاري الأنسب الك زينة : طيب .. فيني اطلع عند اهلي بكرا ؟ وائل : ماشي اطلعي .. وفكري لا تنسي تفكري بالموضوع .. لازم تقرري زينة : حاضر هالمرة ما بكيت ما زعلت .. كلشي جواتي مات ما عاد حس بوجع .. تخدرت مشاعري .. ما عاد فرحت ولا حزنت

العضوة: 743708 , 5 years ago

تاني يوم جهزت بنني وجهزت حالي مشان روح عند اهلي بس ما كان معي وحدات بالموبايل مشان دق لإمي وخبرا اني بدي روح لعندهن .. ( يا الله ما معي وحدات .. شلون روح فجأة وازا كانو مو بالبيت شو بعمل بوقتا ؟ اي صحيح لشوف ناهد ازا بالبيت بحكي من عندا ) رحت دقيت على باب بيت هيثم مشان دق من موبايل ناهد لأهلي .. فتحلي هيثم .. هيثم : هلاااااا زوزو زينة : ( شهقت ) هسسس هيثم : شبك شو في ؟ زينة : بخاف جوزي يسمعك وانت عم تقلي زوزو هيثم : بس نحنا كنا زمايل بالجامعة شبك ؟ خلص ما عاد عيدا زينة : وينا ناهد ؟ هيثم : مو هون في شي ؟ حنان فيها شي ؟ زينة : شبك عم تحكي هيك .. روق لا تخاف بس ما معي وحدات وبدي دق لأهلي مشان روح لعندهن هيثم : هلأ بجيبلك موبايلي زينة : يلا راح هيثم جابلي موبايلو مشان دق لأهلي .. اعطيتو بنتي يحملا لحتى خلص مكالمة بس سمعت صوت جوزي طالع عالدرج فتت لبيت هيثم وسكرت الباب وانا متلبكة كتير هيثم : شبك شو في ؟ زينة : هسسسس ... جوزي اجا هيثم : لك شو فيها عم تحكي بموبايلي شو الغلط ؟ زينة : لو يلمحني سلمت عليك او حكيتك بيجن .. وربي بيقتلني هيثم : فوتي اقعدي زينة : لا خلص رح دق لأمي بس حكيت مع امي وخبرتا اني رايحة لعندن .. هيثم : شي يوم لازم نقعد ونحكي اي ؟ زينة : ...... بحاول هيثم : اي حاولي .. لازم نحكي

العضوة: 743708 , 5 years ago

حسيت بنبضات قلبي بتتسارع .. عيونو يلي كانت تحكيلي انو لسا في امل عيش وفي امل للحياة .. عيونو يلي بلون العشب الأخضر كانت تحكيلي كتير اشيا غيرتلي مزاجي بهاليوم اخدت بنتي وتأكدت انو مافي حد عالدرج ونزلت من بيت هيثم .. وقفت تاكسي ورحت لعند اهلي نسيت موضوع انو لازم قرر حياتي .. وانو وائل ناطر مني جواب .. حاولت عيش بهاليوم بدون تعب وتفكير وقهر .. بس رجعت عالبيت كان وائل متسطح بغرفة النوم .. فتت لحتى بدل تيابي .. زينة : بدي بدل تيابي ممكن تطلع شوي؟ وائل : مو جوزك انا ؟ زينة : جوزي بس بخجل وائل : اي لا تخجلي .. ما رح شوف شي بغمض كان وائل على غير عادتو .. رايق وحسيت انو مشتاقلي .. بدلت تيابي وتسطحت جنبو عالتخت وائل : انبسطتي عند اهلك ؟ زينة : اشتهيتك معي الجزء العاشر وائل : طيب وانا اشتقتلك .. زينة : جد عم تحكي ؟ وائل : تعالي قربي علي زينة : بقرب ليش لا هههههه وائل : تعرفي ريحتك متل ما هي .. متل ريحة طفل عمرو 3 ايام .. حتى نعومة بشرتك متل الأطفال وهو عم يحكي معي برواق .. وعم يشم بشرتي ويمشي ايدو على شعري ويتلمس نعومة وشي فجأة بعد عني .. وائل : بس مانك طاهرة متلن .. اي مو طاهرة متل الأطفال زينة : وائل هلأ كنت مشتاقلي .. شبك ؟ وائل : رح نام ... بكرا مسافر مع رفقاتي نشم هوا ونغير جو رح ابقى يومين .. ممنوع تطلعي من باب البيت فهمانه ؟ زينة : طيب خدني معك .. والله طالعة روحي وائل : طالع معهن مشان ما ابقى هون .. لك حسي فيني حسي شو يعني مشتهيكي بدي ياكي بحبك .. بس مو قادر قرب عليكي .. حسي بالوضع يلي عم بعيشو زينة : طيب ليش عصبت علي ( تبكي ) روح وين ما بدك وائل : اي رايح .. وحتى عند اهلك لا تروحي زينة : حاضر حملت بنتي وطلعت من الغرفة .. حياتنا باردة .. بيشك فيني بيهملني مستحيل نجتمع على سفرة وحدة ناكل سوا او نسهر متل اي متجوزين بالدنيا .. بنتو ما بيحملا ولا بيلاعبا .. ومشان ما يشوفنا اصلا عم يسافر ويتأخر بالشغل و عم يعمل المستحيل مشان ما نبقى سوا بنفس البيت .. صار لازم اخد قرار .. صار لازم نتطلق ==

العضوة: 743708 , 5 years ago

تاني يوم الصبح فقت من نومي .. كنت نايمة بالصالون .. سمعت صوت وائل عم يحكي عالموبايل .. ( وائل : اي حبيبتي .. اليوم بجي و بنبقى يومين سوا ) فتحت عيوني ... وناديت بصوت تعبان زينة : وااااائل وائل : فقتي ؟ زينة : اي فقت .. طلقني وائل : طلقك ؟ طيب صحصحي .. وبعدين بنحكي زينة : لا .. انت قلتلي خدي قرار .. وانا قررت طلقني وائل : طيب بس ارجع من سفري بنتفاهم .. سلام طلع وائل وانا قررت ما عاد ابكي .. هو ما قدرني واعتبرني بدون اخلاق بس لأني بحبو .. ما عم يفهم انه عملت هيك كرمال حبي الو .. مشان نكون لبعض لأني ما فيني عيش من غيرو .. ( كنت ما فيني عيش من غيرو ) هلأ .. ما عادت تفرق بالعكس يمكن فراقو احسن قمت مشان رتب البيت .. سمعت صوت جرس الباب عم يدق رحت لأفتح زينة : هيثم ؟ خير في شي ؟ هيثم : لا بس يعني .. شفت جوزك رايح من شوي قلت بجي بوقف شوي معك عالباب زينة : عالباب ؟! تفضل .. تفضل لجوا جوزي سافر هيثم : بخاف سببلك احراج زينة : دخيييييلك .. فوت فوت هيثم : شبك عم حسك يأسانه .. يعني افرضي جوزك رجع ؟ زينة : ما عاد يهمني شي هيثم : طيب كيفك ؟ زينة : شو تشرب ؟ هيثم : اللي بدك ياه مو مشكله زينة : اي قلي شو حابب نحكي ؟ هيثم : من لما بكيتي بالجامعة لليوم .. زينة : احم ... هيثم : وازا بتحبي نحكي عن الباب ما عندي مشكلة .. ما تفكريني بدي منك شي مو منيح لا سمح الله زينة : بعرف ... لما بكيت بالجامعة كنت حامل .. من وائل بس كنا مخطوبين لسا هيثم : احكيلي كلشي

العضوة: 743708 , 5 years ago

زينة : انا و وائل حبينا بعض 5 سنين .. تقدملي كتير بس اهلي رفضو كان ابي يرفض على اساس مشان كفي دراستي بعدا فهمت انو ما بدن ياه لأنه وضعو المادي مو كتير منيح .. ومشان حطهن تحت الأمر الواقع ... خليت وائل .... فهمت علي ؟ هيثم : قبل الخطوبة ؟ زينة : اي .. ورحت خبرت امي وتاني يوم اجا وائل تقدملي .. خطبنا وبعد اسبوع كتبنا كتاب .. وبعد فترة حسيت بتعب .. اللي عرفت اني مو طبيعية سناء وهي جابتلي تيست الحمل وفحصت وطلعت حامل .. وائل صار يشك فيني ما بدو شوف حدا او اقعد مع حدا لا بنات ولا شباب .. بيقلي انه ما توقع مني اعمل هيك شي وتجوزني بس مشان يستر علي لأنه هو السبب و على طول بيجرحني .. وما خلاني كفي دراستي وحتى بنتو ما بيحملا ولا بيلاعبا .. و .. بيخونني هيثم : بيخونك ؟!! زينة : اي .. انا بعرف وساكته مو قادرة واجهو بس هو .. قلي اختاري يا بنعيش سوا كرمال حنان .. وبيتجوز علي او بنتطلق هيثم : اييي ؟؟ زينة : الصبح قلتلو بدي اتطلق هيثم : وهو ليش يشك فيكي ؟ مو انتي يعمل هيك كرمال تكونو لبعض ؟ زينة : اي .. بس هو كرهني لأني خليتو يقربلي بالحرام هيثم : يا قلبي عليكي .. كل هاد عايشتيه ومتحملتيه ؟ زينة : اليوم قررت كون قوية

العضوة: 743708 , 5 years ago

هيثم : معك حق المرأة القوية لا تهزم بقينا شي نص ساعة نحكي انا وهيثم .. وبكل حرف يرف قلبي لألو .. شب مثقف واعي فهمان .. وشخصيتو بتجنن وبيهتم فيني زينة : اي وانا ما بنهزم هيثم : وانا تأخرت وبخاف سببلك مشاكل لازم روح زينة : طيب كيفا ناهد ؟ هيثم : اي ما قلتلك انا ؟ زينة : لأ هيثم : سافرت اول مبارح مع رفقاتا فتلت فيني الدنيا .. معقوووووول ؟؟ ناهد و وائل ؟؟ معقول هنن سوا ؟؟ زينة : ممكن اعطيك مصاري تجيبلي بطاقة بدي اشحن وحدات ضروري هيثم : بلا ما تعطيني .. من عيوني بعد نص ساعة جابلي هيثم البطاقه .. شحنتا ودقيت لوائل .. وائل : الو زينة : مرحبا وائل : اهلين زينة : كيفك ؟ وكيف ناهد ؟ وائل : م .. م .. مين ؟ يتبع

العضوة: 743708 , 5 years ago

زينة : لك هات ناهد عم قلك جارتنا هي بدي سلم عليها وائل : طيب وانتي شو عرفك ؟ زينة : المهم عرفت .. طلقني بسرعة هلأ .. هلأ طلقني وائل : طيب بس تحكيلي شلون عرفتي .. بنتفق كان وائل عم يحكي ببرووووود .. يعني متل يلي ناطر هاللحظة !! زينة : سمعتك وانت عم تحاكيها الصبح عالموبايل وائل : ايوا .. خلص لكن انتي طالق .. بس لا تطلعي من البيت لحتى اجي .. انا بشهر عسل هلأ زينة : اخوها بيعرف انها بشهر عسل ؟ ولا خبرو انا ؟ سمعت صوتا من بعيد عم تحكي بنبرة كلا خوف .. ( احكيلا لا تخبر اخي امانه ) زينة : اي انا بقرر ازا بقلو او ما بقلو .. عفكرة انا وياه كنا زملاء بالجامعة .. يعني رفقة وبنفهم بعضنا وائل : اي هلأ انتي مو مرتي طلقتك روحي اعملي شو ما بدك اصلا مانك مرباية .. لو شو ما عملتي ما بعتب عليكي لأنه لو فيكي شرف ما بتسلميني حالك قبل ما نتجوز .. غبية اول مرة حس اني غبية عنجد .. اي غبية غبية .. لأني حبيتو غبية .. سكرت الموبايل وطلعت دقيت جرس بيت هيثم وانا عم ببكي .. هيثم : شبك ؟ زينة : انا غبية .. اي غبية هيثم : طيب اهدي .. تعالي نفوت لعندك لأنه امي جوا .. زينة : تعال .. وبسرعة كمان هيثم : طيب يلا فتت عالبيت وانا متلبكة وعم ابكي .. كانت حنان عم تبكي كمان متل يلي حسا قلبا انو الوضع مليان حزن .. حملتا ورضعتا ما كان في حليب بصدري .. عملتلا ببرونه ( زينة : شفتي يا حنان شو يلي عم بيصير بإمك .. شفتي العزاب والقهر يلي انا فيه ) وانا عم بحاكي بنتي دق جرس الباب وكان هيثم عالباب

العضوة: 743708 , 5 years ago

زينة : اهلا فوت هيثم : شبك ؟ زينة : اتجوز علي .. وطلقني هيثم : ....... جد ؟ زينة : كل هاد يلي عم بيصير فيني لأني حبيتو .. شك فيني واهملني .. وخانني كمان .. شي واحد دمر حبنا .. وثقت فيه كتير .. وهو خذلني كتير ضمني هيثم مشان اهدى .. لأنه حس اني رح غيب عن الوعي ... هيثم : هسسسس اهدي اهدي رح جيبلك مي .. اهدي راح هيثم جابلي مي .. و حاول يخليني اهدى هيثم : يلا حاج بكي .. روقتي ؟ زينة : اي هيثم : طيب ثبتي طلاقك بالمحكمه .. وخلصي العدة بسرعة لأني انا بحبك وبدي ياكي لسا الدموع عم تنزل من عيوني سكتت و حاولت استوعب شو حكى .. ( قال بدي ياكي ؟! اي هيك قال ) زينة : ما فهمت !! هيثم : بس تطلقي رسمي بنحكي بالموضوع زينة : تعبت .. انا تعبت رح موووووت هيثم : ...... لا عاد تبكي انا ما بدي وجعك اكتر .. بس الحق عليكي المفروض تعرفي يلي بيلمس بنت بدون زواج بيقرف منا ... زينة : معك حق .. انا غلطت ولازم اتحمل نتيجة غلطي هيثم : مين تجوز عرفتي شي ؟ زينة : ...... هيثم : سامعتيني ؟؟ زينة : شردت شوي اسفه .. ما بعرف شي يسلمو على وقفتك بجنبي .. انا عنجد ما بعرف لولا وجودك شو كان صار فيني

العضوة: 743708 , 5 years ago

هيثم : اتطلعي بعيوني وانتي عم تحكي رفعت عيوني واتطلعت بعيونو .. يلي رجعت الحياة لقلبي من جديد .. هيثم : انا معك .. لهيك لا بقا تبكي ولا تزعلي انا معك اي ؟ زينة : ........ يلا بشوفك بوقت تاني بدي فوت شوف بنتي هيثم : رقمي معك ؟ زينة : اي هيثم : دقيلي بس تقدري .. ولا تروحي من هون قبل ما شوفك زينة : ( تبكي ) هيثم : بحبك زينة : يلا لازم فوت لجوا بشوفك بعدين .. الله معك تاني يوم ... اجا وائل عالبيت وائل : متأكدة من قرار الطلاق ؟ زينة : اي وائل : طيب وحنان ؟ زينة : رح اخدا معي اصلا هي بحضانتي لسا وائل : ممممممم .. بحضانتك بس لا تفكري تتجوزي مشان ما اخدا منك زينة : ....... ما رح اتجوز لا تخاف .. بس انت على شو عم تعاقبني ؟ لأني حبيتك ؟ ليش كل هالكره يلي بقلبك الي ؟ وائل : حتى انا ما بعرف شو هالكره يلي بقلبي الك .. يلا ضبي تيابك واتصلي بأهلك يجو ياخدوكي والأحد موعدنا بالمحكمه زينة : .......... وقفت وانا عم بتطلع بعيونو يلي كلهن حقد .. عم اتطلع فيهن نظرة قوة وتحدي ... زينة : اي .. هلأ فتت ضبيت اغراضي واتصلت بأبي .. اجو امي وابي اخدوني .. وقبل ما اطلع من البيت .. وائل : حنان معك .. بس لا تخليني اخدا منك هالكلمات كانت بنبرة تهديد .. ما بدو ياني الو ولا بدو ياني لغيرو بدو ابقى بلا حدا ..

العضوة: 743708 , 5 years ago

امي : شفتي يا زينة ؟ زينة : ( تبكي ) امي : شفتي ليش ضربتك بس فرجيتيني الدم ؟ شفتي الذل يلي عشتيه ؟ زينة : خلصنا امي .. وربي هالسنه كبرتني الف سنه خلصنا غلطت .. كلكن عم تلوموني والله غلطت غلطت ازا ربنا بيسامح مين انتو لحتى تبقو تزكروني بغلطتي مين انتو !! ( تبكي ) امي : اهدي يا امي .. هاتي حنان وفوتي نامي زينة : لا حنان رح اخدا معي لجوا وفوت نام فتت مشان نام .. فتحت شنتايتي مشان طالع ببرونة حنان لفت نظري ورقة صغيرة مسكتا فتحتا .. مكتوب جواتا رقم هيثم اخدت الرقم وكتبتو على موبايلي وبعتلو عالواتس اب * زينة : مرحبا - هيثم : اهلا مين ؟ * زينة : انا زينة - اهلا زينة .. كأني سمعت صوت اهلك اليوم ؟ * زينة : اي اجو اخدوني