9 years ago
  • المرحلة الثالثة (الأشهر 9,8,7)
قصه ولادتي.. قصه ميلادي شوي طويله..ما بعرف اذا الصبايا الهن طولت روح يقرانها بس مغامره الصراحه.. لانو صار فيها آشياء كثير.. انا ولدت يوم خميس ب 26/1.. خلصت شهري ودخلت اسبوع زياده وما كان في بوادر ميلاد بلمرا..حكولي تعالي يوم الخميس ع المستشفى لانك بتدخلي ال 41 اسبوع ولازم نعمل اشي لتولدي..كنت مجهزه كل شي ع اساس رايحه الخميس الصبح ع المستشفى..قبلها بليله معرفتش انام وكنت اضلي رايحه جايه ع الحمام اتحمم واسلط الميه السخنه ع قاع ظهري من ورا واعملت هلشغله 4 مرات بنفس اليله..مره وحده نزلت عليه مية الراس وانا بالدار الساعه 5:10 ع اذان الصبح..رحت ع المستشفى فحصوني كانت الفتحه 2 ونص..فوتوني ع غرفه الميلاد اخدت ابره الظهر رغم انها بتوجع بس اتحملت عشان اقيم وجع الساعات الي وراهن..وفعلا خففت وجعي وقل وجع الطلق..حطولي زيروز (طلق صناعي) عشان تكبر الفتحه..مع مرور الساعات اجو بيحكولي نبض الجنين خف😫 ولازم نفوتلها ميه ع ذيالها لانووالميه نشفت عندها..لانها ضلت تنزل عليه ميه الراس لحد ما ولدت..وفوتولها ميه من تحت لعندها وبعد ما اجا الطلق القوي وصارت الفتحه 10 والمفروض اولد وبلشت خلص اعطي بدي اولد ماشفت ايلا الدكتوره بتقلي بصوت واطي وقفي تعطيش وانا ميته وجع بدي اخلص بسرعه..وهي بتقلي اوعك تطلقي..ونادو كل الدكاتره وصارو بسرعه بسرعه يحلو بلبرابيش الي عليه وبنادو ع بعض جهزو غرفه العمليات😰..نقلهم شو في..بقولو نزل نبض الجنين وبسرعه لازم نولدها😢انا متحملتش قعدت اعيط وزوجي فوق راسي يواسي فيه..وامي وحماتي يعيطن..بس الحمد لله الحمد لله بفضل رب العالمين..بلشت ادعي ربي يحميلي اياها واعيط..بعدها باكم دقيقه نادو دكتور كبير يشوف النبض لهو بقول وقفو تودوهاش عمليه..خلو كل اشي جاهز بس اول استنو 5 دقايق وفعلا انتظرنا 5 دقايق وحطولي اكسجين وبلش يرتفع نبض الجنين شوي شوي بس الي اتعبني انو عندي طلق ووجع قوي وعندي فتحه وبيقولولي متعطيش عشان نبض الجنين..ضليت ع هلحاله اتوجع لساعتين تمنو نزل راسها لحالو تحت تحت..وبلشن يبينن شعراتها..صرت اعطي كل نص ساعه يطلع شوي من الراس.. وفلاخيررر ع الساعه 7:03 بالزبط..اجت بنتي الحنونه استبرق🌸💥.. واخيرا اجت ع الدنيا..الحمد لله اتعبت فيها بحملي وبميلادي..الحمد لله رب العالمين.. هاي كانت قصتي ان شاء الله اني متولطش عليكن فالحكي❤ الله يتمم للجميع ع خير يا رب🌷 اهم اشي يا صبايا الي ان شاء الله رح تستفدنو مني .. انا وصلت 41 اسبوع لتمني ولدت مخليتش اشي ايلا واخدتو واعملتو واشربتو ع الفاضي ما فاد شي..اخر شي الي فادني هي الميه السخنه وتصليت ع قاع الظهر..

96 تعليقات

العضوة: 40927 , 9 years ago

الحمدلله على سلامتك وسلامت البنوته الف مبروك وتربى بعزك ودلالك يارب

العضوة: 40927 , 9 years ago

انا لاشربت شي ولا حاجه وولدت بالاسبوع 38

العضوة: 24953 , 9 years ago

@user-40927 الله يسلمك ويسعدك..❤ مبروك 💥.. انا مخليتش اشي ايلا شربتو لاني خلصت شهري وقطعت الموعد الي اعطوني اياه

العضوة: 40927 , 9 years ago

غلط الوحده تشرب شي خليها على ربك وين ما بتيجي اهلا وسهلا

العضوة: 34549 , 9 years ago

@user-24953 مبرووووك حبيبتي والحمدالله ع سلامتك وسلامه النونو

العضوة: 40927 , 9 years ago

اليوم في فحص لبنتي ادعيلها تكون طالعه بلميزان

العضوة: 40927 , 9 years ago

البرنامج ولدني اليوم وانا ولدت قبل 13 يوم

العضوة: 24953 , 9 years ago

@user-40927 والله كنت كثير تعبانه عشان هيك مخليتش اشي ايلا وجربتو..كثير تغلبت بحملي وبميلادي الحمد لله..الله يحماها اهم شي.. ان شا الله بيكون وزنها منيح❤

العضوة: 24953 , 9 years ago

@user-34549 الله يبارك فيكي ويسعدك❤🌸

العضوة: 41085 , 9 years ago

@user-24953 الف الف مبروووك يا عمري تستاهلي كل خير نتربى بعز ابوها ان شاء الله 🎈🎈🎈❤️🎉🎉🎉🎉🎉🎉🎉🎉🎉🎉

العضوة: 19854 , 9 years ago

@user-24953 اللّٰه يجعلها في مزان حسناتك ياااااارب تعرفي قصت ولادتك متلي انا أيضا تعدبت كتير خلصت شهري واخدت طلق صناعي وضليت اتوجع ليلة كاملة وفي الصبح دخلوني لغرفة العمليات الحمدالله ع كل حال

العضوة: 46568 , 9 years ago

الف مبررروك حبيبتي تتربى بعزكم يااارب انا بكره موعدي خلصت ال41متلك

العضوة: 40319 , 9 years ago

حمد الله سﻻمتك انا اسبوع 33 انشاء الله ولد بسﻻمه ناويه اخد ابره ضهر ﻻني تعبانه كثبر ما لي حيله وجع ربنا يهون علينا خايفه كثير

العضوة: 22519 , 9 years ago

يحبيبتي قصتك مؤلمه الحمد لله ع سلامتك وسلامة طفلتك 😍😍❤❤❤