9 years ago
  • المرحلة الثالثة (الأشهر 9,8,7)
قصه ولادتي.. قصه ميلادي شوي طويله..ما بعرف اذا الصبايا الهن طولت روح يقرانها بس مغامره الصراحه.. لانو صار فيها آشياء كثير.. انا ولدت يوم خميس ب 26/1.. خلصت شهري ودخلت اسبوع زياده وما كان في بوادر ميلاد بلمرا..حكولي تعالي يوم الخميس ع المستشفى لانك بتدخلي ال 41 اسبوع ولازم نعمل اشي لتولدي..كنت مجهزه كل شي ع اساس رايحه الخميس الصبح ع المستشفى..قبلها بليله معرفتش انام وكنت اضلي رايحه جايه ع الحمام اتحمم واسلط الميه السخنه ع قاع ظهري من ورا واعملت هلشغله 4 مرات بنفس اليله..مره وحده نزلت عليه مية الراس وانا بالدار الساعه 5:10 ع اذان الصبح..رحت ع المستشفى فحصوني كانت الفتحه 2 ونص..فوتوني ع غرفه الميلاد اخدت ابره الظهر رغم انها بتوجع بس اتحملت عشان اقيم وجع الساعات الي وراهن..وفعلا خففت وجعي وقل وجع الطلق..حطولي زيروز (طلق صناعي) عشان تكبر الفتحه..مع مرور الساعات اجو بيحكولي نبض الجنين خف😫 ولازم نفوتلها ميه ع ذيالها لانووالميه نشفت عندها..لانها ضلت تنزل عليه ميه الراس لحد ما ولدت..وفوتولها ميه من تحت لعندها وبعد ما اجا الطلق القوي وصارت الفتحه 10 والمفروض اولد وبلشت خلص اعطي بدي اولد ماشفت ايلا الدكتوره بتقلي بصوت واطي وقفي تعطيش وانا ميته وجع بدي اخلص بسرعه..وهي بتقلي اوعك تطلقي..ونادو كل الدكاتره وصارو بسرعه بسرعه يحلو بلبرابيش الي عليه وبنادو ع بعض جهزو غرفه العمليات😰..نقلهم شو في..بقولو نزل نبض الجنين وبسرعه لازم نولدها😢انا متحملتش قعدت اعيط وزوجي فوق راسي يواسي فيه..وامي وحماتي يعيطن..بس الحمد لله الحمد لله بفضل رب العالمين..بلشت ادعي ربي يحميلي اياها واعيط..بعدها باكم دقيقه نادو دكتور كبير يشوف النبض لهو بقول وقفو تودوهاش عمليه..خلو كل اشي جاهز بس اول استنو 5 دقايق وفعلا انتظرنا 5 دقايق وحطولي اكسجين وبلش يرتفع نبض الجنين شوي شوي بس الي اتعبني انو عندي طلق ووجع قوي وعندي فتحه وبيقولولي متعطيش عشان نبض الجنين..ضليت ع هلحاله اتوجع لساعتين تمنو نزل راسها لحالو تحت تحت..وبلشن يبينن شعراتها..صرت اعطي كل نص ساعه يطلع شوي من الراس.. وفلاخيررر ع الساعه 7:03 بالزبط..اجت بنتي الحنونه استبرق🌸💥.. واخيرا اجت ع الدنيا..الحمد لله اتعبت فيها بحملي وبميلادي..الحمد لله رب العالمين.. هاي كانت قصتي ان شاء الله اني متولطش عليكن فالحكي❤ الله يتمم للجميع ع خير يا رب🌷 اهم اشي يا صبايا الي ان شاء الله رح تستفدنو مني .. انا وصلت 41 اسبوع لتمني ولدت مخليتش اشي ايلا واخدتو واعملتو واشربتو ع الفاضي ما فاد شي..اخر شي الي فادني هي الميه السخنه وتصليت ع قاع الظهر..

96 تعليقات

العضوة: 22519 , 9 years ago

@user-24953 الحمد لله ... جد صعبة وبتخوف 😅 بس كلشي بهون بس تشوفي بنتك البريئة 🙊 ،، اما صفرت بنتك ولا شو ؟ ،،

العضوة: 24953 , 9 years ago

@user-25459 @user-40876

العضوة: 24953 , 9 years ago

@user-22519 اه والله بس شفتها نسيت كل اوجاعي الحمد لله.. لا الحمد لله ما صفرت وكل شي كان عندها تمام

العضوة: 24953 , 9 years ago

@user-42438 @user-32675 الله يسلمكن ويسعدكن يا رب❤

العضوة: 41269 , 9 years ago

ياربي الحمدلله علئ سلامتك وسلامة البنوته ❤ انا كل يوم ابكي 💔نفسي اولد واخلص نفسيتي مرره تعبانه وخايفه من الطلق الصناعي مابدياه .. ابجرب الماء الدافي والله يتمم لي ع خير بليز ادعولي اولد واكون بخير انا وجنيني الحمدلله ع كل حال

العضوة: 24953 , 9 years ago

@user-41269 الله يسلمك ويسعدك.. لا تخافي اختي من الطلق الصناعي..ربنا وحده الحامي.. فعلا جربي الميه ان شاء الله بتفيدك مثل ما فادتني.. انا كنت مثلك كثير تغلبت بحملي وكنت. كثير اتعب.. الحمد لله ربنا يسرها.. وان شاء الله انتي برضو ربنا بييسر ولادتك تكون سهله يا رب وما بتطولي

العضوة: 22519 , 9 years ago

@user-24953 جد الوجع بتنسيه حسيت حالي بحلم 😅 ،، الاصفرار بعد الولادة هاد ،، الحمد لله انها ما صفرت 🙊 انا بنتي صفرت 😔وهي بادي يروح الحمد لله ❤

العضوة: 24953 , 9 years ago

@user-22519 الحمد لله دايما❤.. ان شاء الله خير وبيروح عنها الاصفرار يا رب.. صراحه صرت لما اقعد مع نفسي واتذكر الساعات الي قعدتهن بغرفه الميلاد وايش صار معي بالزبط.. صرت افكر واقول والله انها مغامره حلوه..رغم الصعوبات الي مريت فيهن.. الحمد لله.. ديري بالك عليها اكيد الجو عندكم بارد كثير

العضوة: 18648 , 9 years ago

@user-24953 بكريه انتي وعندك عمليات او لا

العضوة: 3807 , 9 years ago

راح جربها بكرا حكايت الماي يمكن تنفعني

العضوة: 24986 , 9 years ago

الحمد لله على سلامتك .. وربي يحفظ لك ماعطاك .. وتتربى في عزكم ..

العضوة: 22519 , 9 years ago

@user-24953 اه . هي الحمد لله بلش يخف الصفار .. والله انا بحاول اتزكر الوجع ناسيتو شاعرة عكني كنت بحلم وصحيت منو .. اه والله برد كتير بنيمها جنبي بخاف تبرد ❤ ، شبدي اقول عندك اشي ع مواقع التواصل الاجتماعي .. ازا بتحبي بدال ما نضل هون ع التعليقات منحكي هناك ،، وبرجع الك ❤ ، ومنها منتعرف ع بعض مزبوط بما انو انتِ بنت بلادي ❤❤

العضوة: 24953 , 9 years ago

@user-18648 اه بكريه.. شو القصد يعني عندي عمليات او لا ؟

العضوة: 24953 , 9 years ago

@user-3807 ان شاء الله تفيدك❤

العضوة: 24953 , 9 years ago

@user-24986 الله يسلمك ويسعدك..❤ يسلمو🌷