قصه ولادتي..
قصه ميلادي شوي طويله..ما بعرف اذا الصبايا الهن طولت روح يقرانها بس مغامره الصراحه..
لانو صار فيها آشياء كثير..
انا ولدت يوم خميس ب 26/1..
خلصت شهري ودخلت اسبوع زياده وما كان في بوادر ميلاد بلمرا..حكولي تعالي يوم الخميس ع المستشفى لانك بتدخلي ال 41 اسبوع ولازم نعمل اشي لتولدي..كنت مجهزه كل شي ع اساس رايحه الخميس الصبح ع المستشفى..قبلها بليله معرفتش انام وكنت اضلي رايحه جايه ع الحمام اتحمم واسلط الميه السخنه ع قاع ظهري من ورا واعملت هلشغله 4 مرات بنفس اليله..مره وحده نزلت عليه مية الراس وانا بالدار الساعه 5:10 ع اذان الصبح..رحت ع المستشفى فحصوني كانت الفتحه 2 ونص..فوتوني ع غرفه الميلاد اخدت ابره الظهر رغم انها بتوجع بس اتحملت عشان اقيم وجع الساعات الي وراهن..وفعلا خففت وجعي وقل وجع الطلق..حطولي زيروز (طلق صناعي) عشان تكبر الفتحه..مع مرور الساعات اجو بيحكولي نبض الجنين خف😫 ولازم نفوتلها ميه ع ذيالها لانووالميه نشفت عندها..لانها ضلت تنزل عليه ميه الراس لحد ما ولدت..وفوتولها ميه من تحت لعندها وبعد ما اجا الطلق القوي وصارت الفتحه 10 والمفروض اولد وبلشت خلص اعطي بدي اولد ماشفت ايلا الدكتوره بتقلي بصوت واطي وقفي تعطيش وانا ميته وجع بدي اخلص بسرعه..وهي بتقلي اوعك تطلقي..ونادو كل الدكاتره وصارو بسرعه بسرعه يحلو بلبرابيش الي عليه وبنادو ع بعض جهزو غرفه العمليات😰..نقلهم شو في..بقولو نزل نبض الجنين وبسرعه لازم نولدها😢انا متحملتش قعدت اعيط وزوجي فوق راسي يواسي فيه..وامي وحماتي يعيطن..بس الحمد لله الحمد لله بفضل رب العالمين..بلشت ادعي ربي يحميلي اياها واعيط..بعدها باكم دقيقه نادو دكتور كبير يشوف النبض لهو بقول وقفو تودوهاش عمليه..خلو كل اشي جاهز بس اول استنو 5 دقايق وفعلا انتظرنا 5 دقايق وحطولي اكسجين وبلش يرتفع نبض الجنين شوي شوي بس الي اتعبني انو عندي طلق ووجع قوي وعندي فتحه وبيقولولي متعطيش عشان نبض الجنين..ضليت ع هلحاله اتوجع لساعتين تمنو نزل راسها لحالو تحت تحت..وبلشن يبينن شعراتها..صرت اعطي كل نص ساعه يطلع شوي من الراس..
وفلاخيررر ع الساعه 7:03 بالزبط..اجت بنتي الحنونه استبرق🌸💥..
واخيرا اجت ع الدنيا..الحمد لله اتعبت فيها بحملي وبميلادي..الحمد لله رب العالمين..
هاي كانت قصتي ان شاء الله اني متولطش عليكن فالحكي❤ الله يتمم للجميع ع خير يا رب🌷
اهم اشي يا صبايا الي ان شاء الله رح تستفدنو مني .. انا وصلت 41 اسبوع لتمني ولدت مخليتش اشي ايلا واخدتو واعملتو واشربتو ع الفاضي ما فاد شي..اخر شي الي فادني هي الميه السخنه وتصليت ع قاع الظهر..
العضوة: 24953 , 9 years ago
@user-22519 اه والله هلوجع الله وحده بعرف قديش هو صعب.. وانا مشكلتي لساتني بتوجع من القطب ما نزلو لسا..😳..حكولي المفروض ينزلو بعد 10 ايام.. واليوم بصرلي 10 ايام والده..وما شفت شي نزل..وكميتو وجعهن.. والله يا ريت بكون افضل من التعليقات الي هون..لانو زياراتي للبرنامج صارت قليله بعد ما ولدت.. عندي انستغرام..اذا عندك بعطيكي اسمي تضيفيني..❤العضوة: 40927 , 9 years ago
@user-24953 انا القطب نزلو بعد 18 يوم من ولادتيالعضوة: 24953 , 9 years ago
@user-40927 عنجد.. المشكله خايفه يطولن😳 كميني بتوجع منهن.. انا لانو حكولي لحد 10 ايام طيب لما ينزلن بتشوفيهن مزبوط..انا حكولي المفروض تشوفيهنالعضوة: 40927 , 9 years ago
@user-24953 بصراحه انا ظليت اتوجع منهن لحد ما نزلن لا ما شوفتهنالعضوة: 24953 , 9 years ago
@user-40927 مهني للاسف بوجعن..والوحده ولا بتعرف تقعد ولا تمشي😕 الله بعين بستنا شو بدي اعمل..معني جبت زي شغله بتديريها جوا ميه وبتقعدي فيها.. ولسا ما نزلو معناها اعرفتي انهن نزلن لما راح وجعهن مزبوطالعضوة: 40927 , 9 years ago
@user-24953 كنت بسأل اختي متى بينزلن لاتي كنت ميته من وجعهن قالتلي انا ببكري نزلن بعد شهر وبإبني الثاني بعد 20 يومالعضوة: 37569 , 9 years ago
الحمدلله ع سلامتكالعضوة: 40927 , 9 years ago
@user-24953 وسبحان الله بعديها حسيت الوجع بدا يخف واكتشفت انهن نزلنالعضوة: 40927 , 9 years ago
@user-24953 انا الدكتوره منعتني استعمل اي شي ميشان القطبالعضوة: 24953 , 9 years ago
@user-37569 الله يسلمك🌸العضوة: 40927 , 9 years ago
@user-24953 قالتلي ممنوع قالتلي الشامبو الي جسمك متعود عليها لازم تستعمليها ميشان القطب لانو بخافو يسير التهابات لما بتغيري شامبو جسمكالعضوة: 22519 , 9 years ago
@user-24953 جد الوجع مش طبيعي انا لسا في وجع خفيف ومتعقدة منهم انقطبت كلي 😂 مضلش اشي سليم وانت ؟ ،، وانا ما عندي غير انستغرام 😅 ازا بدك تبعتي اسمي wisal.ha وبرد الفلو 😍❤العضوة: 24953 , 9 years ago
@user-40927 معقول انا برضو يطولن تا ينزلن😳 مش عارف اتحرك منهن.. يلا الله بعين بنتحمل لاكم يوم زياده.. اه انا بستخدم الشامبو العادي الي عندي.. وللقطب ممنعوش عشان هيك جربت الدوا الي بندار فلميه..مهو من ميه وملح.. اه احتمال خايفه يصير عندك التهاب اشيالعضوة: 40927 , 9 years ago
@user-24953 لا الحمدلله الحين الوجع خف بلمره بس لما اشيل اشي ثقيل بحس بنغزات وجع ظهرالعضوة: 24953 , 9 years ago
@user-22519 هههه صراحه تقطبت..بس بعرفش كثير ويلا شوي😂..طولت وهي تقطب فيه..بس صراحه ميته من وجعهن مش عارفه اعمل اشي منهن.. هههه نفس حالتي..ما عندي غير الانستا والوتس..والباقي لا ضفتك.. Sooosoooo7666