9 years ago
  • المرحلة الثالثة (الأشهر 9,8,7)
قصه ولادتي.. قصه ميلادي شوي طويله..ما بعرف اذا الصبايا الهن طولت روح يقرانها بس مغامره الصراحه.. لانو صار فيها آشياء كثير.. انا ولدت يوم خميس ب 26/1.. خلصت شهري ودخلت اسبوع زياده وما كان في بوادر ميلاد بلمرا..حكولي تعالي يوم الخميس ع المستشفى لانك بتدخلي ال 41 اسبوع ولازم نعمل اشي لتولدي..كنت مجهزه كل شي ع اساس رايحه الخميس الصبح ع المستشفى..قبلها بليله معرفتش انام وكنت اضلي رايحه جايه ع الحمام اتحمم واسلط الميه السخنه ع قاع ظهري من ورا واعملت هلشغله 4 مرات بنفس اليله..مره وحده نزلت عليه مية الراس وانا بالدار الساعه 5:10 ع اذان الصبح..رحت ع المستشفى فحصوني كانت الفتحه 2 ونص..فوتوني ع غرفه الميلاد اخدت ابره الظهر رغم انها بتوجع بس اتحملت عشان اقيم وجع الساعات الي وراهن..وفعلا خففت وجعي وقل وجع الطلق..حطولي زيروز (طلق صناعي) عشان تكبر الفتحه..مع مرور الساعات اجو بيحكولي نبض الجنين خف😫 ولازم نفوتلها ميه ع ذيالها لانووالميه نشفت عندها..لانها ضلت تنزل عليه ميه الراس لحد ما ولدت..وفوتولها ميه من تحت لعندها وبعد ما اجا الطلق القوي وصارت الفتحه 10 والمفروض اولد وبلشت خلص اعطي بدي اولد ماشفت ايلا الدكتوره بتقلي بصوت واطي وقفي تعطيش وانا ميته وجع بدي اخلص بسرعه..وهي بتقلي اوعك تطلقي..ونادو كل الدكاتره وصارو بسرعه بسرعه يحلو بلبرابيش الي عليه وبنادو ع بعض جهزو غرفه العمليات😰..نقلهم شو في..بقولو نزل نبض الجنين وبسرعه لازم نولدها😢انا متحملتش قعدت اعيط وزوجي فوق راسي يواسي فيه..وامي وحماتي يعيطن..بس الحمد لله الحمد لله بفضل رب العالمين..بلشت ادعي ربي يحميلي اياها واعيط..بعدها باكم دقيقه نادو دكتور كبير يشوف النبض لهو بقول وقفو تودوهاش عمليه..خلو كل اشي جاهز بس اول استنو 5 دقايق وفعلا انتظرنا 5 دقايق وحطولي اكسجين وبلش يرتفع نبض الجنين شوي شوي بس الي اتعبني انو عندي طلق ووجع قوي وعندي فتحه وبيقولولي متعطيش عشان نبض الجنين..ضليت ع هلحاله اتوجع لساعتين تمنو نزل راسها لحالو تحت تحت..وبلشن يبينن شعراتها..صرت اعطي كل نص ساعه يطلع شوي من الراس.. وفلاخيررر ع الساعه 7:03 بالزبط..اجت بنتي الحنونه استبرق🌸💥.. واخيرا اجت ع الدنيا..الحمد لله اتعبت فيها بحملي وبميلادي..الحمد لله رب العالمين.. هاي كانت قصتي ان شاء الله اني متولطش عليكن فالحكي❤ الله يتمم للجميع ع خير يا رب🌷 اهم اشي يا صبايا الي ان شاء الله رح تستفدنو مني .. انا وصلت 41 اسبوع لتمني ولدت مخليتش اشي ايلا واخدتو واعملتو واشربتو ع الفاضي ما فاد شي..اخر شي الي فادني هي الميه السخنه وتصليت ع قاع الظهر..

96 تعليقات

العضوة: 93243 , 9 years ago

@user-24953 بفكر اوخذها بتنصحيني اول حمل عمري19

العضوة: 24953 , 9 years ago

@user-93243 بصراحه.. اذا في وقت لالها يعني بيكون لسا معك وقت لتا يفتح الرحم..الافضل توخذها.. انا والله كثير ريحتني.. دخلت ع غرفه العمليات الساعه 7 الصبح..للساعه 7 المغرب تا ولدت.. لو ما كنت ميخذه ابره الظهر لكان متت من الوجع..والله لولاها كنت كثير اتغلبت..هاي غير كل الي صار معي.. الحمد لله.. بس دارت فيه الحمد لله ولما اجا يطلع الراس ما كنت اشعر بشي..كانو يحكولي بينن شعراتها وبين الراس..واحكيلهم مش شاعررره فيها بلمرااا..بس كنت اشعر فلطلقه نفسها مو فلراس..وحتى تم الشق وكنت ابكي ما بدي يشقوني كنت خايفه كثير .. والله تم الشق وانا بلمرا مش حاسسه انها شقت شي كله من ابره الظهر الحمد لله.. بس مشكلتها بعدين ابتعمل اوجاع ظهر.. بس من ناحيتي اوخذها واتحمل وجع الظهر هسا ولا احس باوجاع الميلاد واوخذ الوجع كامل

العضوة: 93243 , 9 years ago

@user-24953 انا من النوع اللي بخاف وما بتحمل اذا ربنا راد رح اوخذها

العضوة: 95792 , 9 years ago

الحمدلله على سلامتك حبي وتتربى بعزك انتي ضربتي ابرة الظهر ليش بتتوجعي هاي الابرة مخدره ماتحسي بألم

العضوة: 24953 , 9 years ago

@user-93243 ان شاء الله ربنا بهونها عليكي وبيكون ميلادك سهل.. لا تخافي بس اول ما يحطوها الوحده كثير ابتتوجع اما بعدها كله بتخدر

العضوة: 24953 , 9 years ago

@user-95792 فعلا من البطن وتحت مخدر.. بس الطلقه نفسها ابتشعري فيها