من بعد سنه زواج بدون حمل صار الكل يسألني ليش لهلا مش حامل🙄 لدرجه صارو يعيروني ويحكولي عاقر 😭 ومن كثر حكي العالم حكتلي حماتي اروح انفحص عند الدكتوره ..
المهم رحت أنا ع الدكتوره وحكتلي ما فيكي شي 🙃 انا افرحت وارجعت لزوجي وحماتي وحكتلهم ما عندي شي ..
بعدين راح زوجي ع الدكتور وعمل فحص وطلع عندو ضعف في عدد الحيوانات المنويه فاضطر يعمل عمليه اسمها "عمليه الداليه " ....
مرت ست شهور من بعد العمليه ولسا ما صار حمل وكل شهر كان زوجي يروح ع الدكتور يحكيلو لساتك زي ما انت وفش تحسن 😩
وأعطاه الدكتور أدويه لزوجي وصار يشرب حليب جمال وياكل عسل ...ويضل يستغفر بنيه الله يرزقو الذريه الصالحه 🤗
وانا سجلت في نادي رياضي عشان كنت زايده اكم كيلو 😅
صرت اروح ع النادي وبعد ٢٠ يوم الدوره إتأخرت قلت في عقلي معقول حامل !🤔 سألت البنات بالنادي حكولي الرياضه بتأخر الدوره وبصير في تغيرات في جسمك ..
قلت شكلو هيك انا اصلا مستحيل اطلع حامل ...
بعد اكم يوم رحت على عرس ابن عمتي وكانو الكل يسألني ليش مش حامل احكيلهم لسا بدري..
ولما روحت من العرس اسمعت امي بتحكي لابوي ليش لهلا مخلي بنتك عند هالعالم بدك بنتك تعيش بدون اولاد ..زوجها فش منو امل وحكت كلمه كثير بشعه 😢 انا لما اسمعتها بتحكي هيك ما ضل براسي عقل وصرت اعيط حكتلي امي اه جوزك عاقر وين الولد الي حاملتي صارلك سنه ونص متزوجه ولهلا مش حامل ...
اطلعت من دار اهلي في تكسي وارجعت لعند زوجي وحكيتلو انا مستحيل ابعد عنك حتى لو ربنا ما كتبلي اجيب اولاد 😞
وصار لدوره ٨ أيام مش جايه اشتريت تست الحمل واعملت الفحص بين خط واحد والتاني خفيف قلت مش حامل ..بس صار عندي شك اشتريت كمان تست واعملت الفحص كمان مره وبين خطين انا طرت من الفرح وزوجي كان جنبي وصرنا نعيط من الفرح وحمدنا ربنا وبعدين اطلعت ع حماتي وحكتلها وهي صارت تعيط كمان وتسجد لربنا ❤❤
كان أحلى يوم بحياتي مستحيل انساه ...
واتصلت ع ابوي وامي وحكتلهم امبارح كنتو تعيروني اني مش حامل وزوجي عقيم واليوم اعرفت اني حامل 🤗 ما عمركم تتشمتو بحدا ورحمه ربنا كبيره ...
وهيني رح ادخل الشهر السابع بستنى في بنتي تنور دنيتنا ❤
العضوة: 38339 , 9 years ago
ولحمدلله الله طعمني بولدالعضوة: 38339 , 9 years ago
وهلق عمر بني سني وتلت اشهرالعضوة: 43001 , 9 years ago
@user-33607 امين يارب شكرا كثيرالعضوة: 38339 , 9 years ago
وهلق انا حبلي بشهر سادس وبترجع بتقول بدنا ولدالعضوة: 43001 , 9 years ago
@user-38487 امين شكرا كثير 💕💕العضوة: 38339 , 9 years ago
والله في كنير حمايات هيك حبيبتي لا تزعليالعضوة: 33607 , 9 years ago
@user-37427 تسلمي 😊العضوة: 38339 , 9 years ago
مو بقولو يلي بشوف مصيبت غيرو بتهون علي مصيبتوالعضوة: 38339 , 9 years ago
وعن جد هل مسلالعضوة: 38487 , 9 years ago
@نورة2013حبيبتي 😘😘العضوة: 38487 , 9 years ago
مع انها حماتي بتكون عمتي اخت ابوي بس ع كثر م عملو معي مواقف م بزعل ولا بعتب عليهاالعضوة: 43001 , 9 years ago
@user-38339 انا اختي مثلك فالاول لما جابت البنت اتقبلوها و المرة الثانية جابت بنت ماحد جا عندها من اخوات زوجها و حمتها و لا اتصلو فتعجبت اختي في انو عالم مثل هيك بعد سنتين حملت اختي ولو انو ما كان بدها تحمل و جابت ولد لما عرفو انو ولد كلهن اجو عندها و فرحو كثير كانو راح اطيرو من الفرح هههه انا استغربت لانو مثل الولد مثل البنت شو يعني الحمد لله على النعمةالعضوة: 38439 , 9 years ago
@user-38339 حبيبتي ادا كانت معك بنوتة فالبنات ما بيتحركو كتير متل الصبيان فها الشي عادي لاتخافي وانا كمان ما بتتحرك كتير مرة أو مرتين باليوم .البارح ما تحركت واليوم كمان حسيت بحركة خفيفه بسالعضوة: 38795 , 9 years ago
مبروك وربي يثبث حملك ويفرح قلبك مافيه احسن من التوكل علي الله وحسن النيه والله كريم بس الانسنان مستعجل الحمد لله تستاهلي كل خير عبي حسن نيتك بربك يقول الله انا عند حسن عبدي بيالعضوة: 38339 , 9 years ago
انا وقت خلقت بنتي تانيا جوزي ماشالا بس وقت جبت صبي والله فرح ونجن من فرحو