9 years ago
  • المرحلة الثالثة (الأشهر 9,8,7)
من بعد سنه زواج بدون حمل صار الكل يسألني ليش لهلا مش حامل🙄 لدرجه صارو يعيروني ويحكولي عاقر 😭 ومن كثر حكي العالم حكتلي حماتي اروح انفحص عند الدكتوره .. المهم رحت أنا ع الدكتوره وحكتلي ما فيكي شي 🙃 انا افرحت وارجعت لزوجي وحماتي وحكتلهم ما عندي شي .. بعدين راح زوجي ع الدكتور وعمل فحص وطلع عندو ضعف في عدد الحيوانات المنويه فاضطر يعمل عمليه اسمها "عمليه الداليه " .... مرت ست شهور من بعد العمليه ولسا ما صار حمل وكل شهر كان زوجي يروح ع الدكتور يحكيلو لساتك زي ما انت وفش تحسن 😩 وأعطاه الدكتور أدويه لزوجي وصار يشرب حليب جمال وياكل عسل ...ويضل يستغفر بنيه الله يرزقو الذريه الصالحه 🤗 وانا سجلت في نادي رياضي عشان كنت زايده اكم كيلو 😅 صرت اروح ع النادي وبعد ٢٠ يوم الدوره إتأخرت قلت في عقلي معقول حامل !🤔 سألت البنات بالنادي حكولي الرياضه بتأخر الدوره وبصير في تغيرات في جسمك .. قلت شكلو هيك انا اصلا مستحيل اطلع حامل ... بعد اكم يوم رحت على عرس ابن عمتي وكانو الكل يسألني ليش مش حامل احكيلهم لسا بدري.. ولما روحت من العرس اسمعت امي بتحكي لابوي ليش لهلا مخلي بنتك عند هالعالم بدك بنتك تعيش بدون اولاد ..زوجها فش منو امل وحكت كلمه كثير بشعه 😢 انا لما اسمعتها بتحكي هيك ما ضل براسي عقل وصرت اعيط حكتلي امي اه جوزك عاقر وين الولد الي حاملتي صارلك سنه ونص متزوجه ولهلا مش حامل ... اطلعت من دار اهلي في تكسي وارجعت لعند زوجي وحكيتلو انا مستحيل ابعد عنك حتى لو ربنا ما كتبلي اجيب اولاد 😞 وصار لدوره ٨ أيام مش جايه اشتريت تست الحمل واعملت الفحص بين خط واحد والتاني خفيف قلت مش حامل ..بس صار عندي شك اشتريت كمان تست واعملت الفحص كمان مره وبين خطين انا طرت من الفرح وزوجي كان جنبي وصرنا نعيط من الفرح وحمدنا ربنا وبعدين اطلعت ع حماتي وحكتلها وهي صارت تعيط كمان وتسجد لربنا ❤❤ كان أحلى يوم بحياتي مستحيل انساه ... واتصلت ع ابوي وامي وحكتلهم امبارح كنتو تعيروني اني مش حامل وزوجي عقيم واليوم اعرفت اني حامل 🤗 ما عمركم تتشمتو بحدا ورحمه ربنا كبيره ... وهيني رح ادخل الشهر السابع بستنى في بنتي تنور دنيتنا ❤

161 تعليقات

العضوة: 38339 , 9 years ago

والله حبيبتي مادخل ولد ولا بنت انا جبت بنات وجبت ولد ماصار فيني هيك

العضوة: 33631 , 9 years ago

الف مبروك حبيبتي انشاء الله بتشوفي بنوتكً وبتفرحي فيها

العضوة: 33607 , 9 years ago

@user-38795 تسلمي ..الحمد لله ع كل شي ❤

العضوة: 33607 , 9 years ago

@user-33631 يبارك بعمرك

العضوة: 38339 , 9 years ago

سريا حبيبتي انتي بايا شهر

العضوة: 22915 , 9 years ago

@user-33607 سبحان الله قصتك مؤثرة ربنا كبير فرحت لما قريتها

العضوة: 34783 , 9 years ago

سبحان الله♥♥ مبروك 🌻 الله يخليكم لبعض ويسعدكم

العضوة: 33607 , 9 years ago

@user-22915 تسلمي وربنا يقومنا بالسلامه ❤

العضوة: 33607 , 9 years ago

@user-34783 ويخليلك أحبابك

العضوة: 37972 , 9 years ago

@user-33607 الله يتمملك ع خير وسلامة... أن شاء الله وتقومي سالمة ... اكيد بنعرف كلنا انه يلي بصبر بنال... ربنا ما بيترك حد صابر .. بدون ما يجازيه خير الجزاء.. الله يوفقك ويسعدك بحياتك مع زوجك... ويبعد عنكم العيون...

العضوة: 33607 , 9 years ago

@user-37972 تسلمي ويخليلك أحبابك..

العضوة: 28679 , 9 years ago

الحمدلله لكل اجل ميعاد بس بني ادم عجول على رزقه الله يتمم لك على خير ويسهل امرك في الحمل والولاده والتربيه.

العضوة: 11502 , 9 years ago

الف مبروك لك ياعمري الله يسهل لك وتفرحي بشوفتها

العضوة: 40695 , 9 years ago

الف مبروك ياقلبي يارب وانشاء الله ربنا يخاوي بنتك العند الله كتير

العضوة: 14139 , 9 years ago

الحمدلله الف مبروووك .الله يسعدك بشوفتها ..قصتي تشبه قصتك .بس انا ضليت خمس سنين بدون ما احمل .والحمدلله الحين الشهر التاسع .الله يسهل لنا جميعا