9 years ago
  • المرحلة الثالثة (الأشهر 9,8,7)
من بعد سنه زواج بدون حمل صار الكل يسألني ليش لهلا مش حامل🙄 لدرجه صارو يعيروني ويحكولي عاقر 😭 ومن كثر حكي العالم حكتلي حماتي اروح انفحص عند الدكتوره .. المهم رحت أنا ع الدكتوره وحكتلي ما فيكي شي 🙃 انا افرحت وارجعت لزوجي وحماتي وحكتلهم ما عندي شي .. بعدين راح زوجي ع الدكتور وعمل فحص وطلع عندو ضعف في عدد الحيوانات المنويه فاضطر يعمل عمليه اسمها "عمليه الداليه " .... مرت ست شهور من بعد العمليه ولسا ما صار حمل وكل شهر كان زوجي يروح ع الدكتور يحكيلو لساتك زي ما انت وفش تحسن 😩 وأعطاه الدكتور أدويه لزوجي وصار يشرب حليب جمال وياكل عسل ...ويضل يستغفر بنيه الله يرزقو الذريه الصالحه 🤗 وانا سجلت في نادي رياضي عشان كنت زايده اكم كيلو 😅 صرت اروح ع النادي وبعد ٢٠ يوم الدوره إتأخرت قلت في عقلي معقول حامل !🤔 سألت البنات بالنادي حكولي الرياضه بتأخر الدوره وبصير في تغيرات في جسمك .. قلت شكلو هيك انا اصلا مستحيل اطلع حامل ... بعد اكم يوم رحت على عرس ابن عمتي وكانو الكل يسألني ليش مش حامل احكيلهم لسا بدري.. ولما روحت من العرس اسمعت امي بتحكي لابوي ليش لهلا مخلي بنتك عند هالعالم بدك بنتك تعيش بدون اولاد ..زوجها فش منو امل وحكت كلمه كثير بشعه 😢 انا لما اسمعتها بتحكي هيك ما ضل براسي عقل وصرت اعيط حكتلي امي اه جوزك عاقر وين الولد الي حاملتي صارلك سنه ونص متزوجه ولهلا مش حامل ... اطلعت من دار اهلي في تكسي وارجعت لعند زوجي وحكيتلو انا مستحيل ابعد عنك حتى لو ربنا ما كتبلي اجيب اولاد 😞 وصار لدوره ٨ أيام مش جايه اشتريت تست الحمل واعملت الفحص بين خط واحد والتاني خفيف قلت مش حامل ..بس صار عندي شك اشتريت كمان تست واعملت الفحص كمان مره وبين خطين انا طرت من الفرح وزوجي كان جنبي وصرنا نعيط من الفرح وحمدنا ربنا وبعدين اطلعت ع حماتي وحكتلها وهي صارت تعيط كمان وتسجد لربنا ❤❤ كان أحلى يوم بحياتي مستحيل انساه ... واتصلت ع ابوي وامي وحكتلهم امبارح كنتو تعيروني اني مش حامل وزوجي عقيم واليوم اعرفت اني حامل 🤗 ما عمركم تتشمتو بحدا ورحمه ربنا كبيره ... وهيني رح ادخل الشهر السابع بستنى في بنتي تنور دنيتنا ❤

161 تعليقات

العضوة: 33607 , 9 years ago

@user-28679 @user-11502 @user-40695 الله يبارك فيكم يا رب

العضوة: 26978 , 9 years ago

@user-33607 مبارك حبيبتي ذكرتيني بحالي ضلينا اربع سنوات وما صار حمل والمشكلة كانت عند جوزي قلة الحركة سمعت حكي ومرات كنت اخجل اجاااوب لان تربايتي ما تسمحلي اهلي مادخلوووو وبيت حماي ما دخلو بس كانو يحكو لابنهم اتعالج وروح شوف حالك الغرب ادخلو مرت عمو لجوزي بتسالني الكم ثلاث سنين ونص متزوجين وما حملتي مين الخربااااان فيكم!!!!! طبعا انصدمت من سؤالها حكتلها الحمد لله مافينا شي ومواقف كتير مريت فيها هدول 4سنين هههههههههههه والحمد لله هلاء حااامل وفت اول اسبوع الخامس وما خبرت الناس الي كانت تتفلسف على الله يتمملنا على خير

العضوة: 33607 , 9 years ago

@user-14139 الله يتمملنا ع خير

العضوة: 33607 , 9 years ago

@user-26978 ههههههههه مين الخربان 😂 عنجد أسئلتهم بتخزي ..الله يقومنا بالسلامه يا رب

العضوة: 26978 , 9 years ago

@user-33607 هههههههههههه هكذا طرح على السؤال

العضوة: 121 , 9 years ago

الله يتمملج على خير الله رزقج لانج اصيله ومافرطتي بزوجج وانتي كفؤ لهذا الحمل.تستاهلي كل خير

العضوة: 33607 , 9 years ago

@user-121 الله يسعدك وتسلمي يا رب

العضوة: 46909 , 9 years ago

فرحتيني والله 😍😍😍

العضوة: 46967 , 9 years ago

ماشاااء الله لاقوة الا بالله الله يتمملك على خير والله دمعت عيني واني اقرا قصتج

العضوة: 37503 , 9 years ago

ماشاء الله قصتك كلها امل رغم الالم فعلتي الاسباب وتعالجتي انت وزوجك وما وقفتوا شغل علشان كلام الناس والاحباط الف مبروك الله يتمم لك على خير

العضوة: 24148 , 9 years ago

انشالله الف مبررروك يا حبيبتي والله فرحتلك ياعمري من كل قلبي ادعيلي عسى ربي يطعمني ويفرحنا انا وزوجي والله حاسس حالي رح موت قهر من وضعي بدون شي ولد

العضوة: 10931 , 9 years ago

@user-33607 دمعت عيني لما قريت قصتك والف الف مبروووووك ياروحي..وانشاءالله تقومي بالسلامه وتقر عينك في بنوتك الحلوه ياارب

العضوة: 47550 , 9 years ago

و لا تيأسوا من رحمة الله ...الله كبير و هو وحده القادر على كل شيئ رب يكملك بالخير