الظروف السيئة ……
لا بد و أنكم قد مررتم بها يوماً ، فالحياة السعيدة الخالية من المشاكل تكاد أن تكون أمرا صعباً بل مستحيلاً ، فيتوجب عليك أن تذوق مرار اللحظات السيئة لتشعر بلذة الجيدة منها …
لكن تلك الظروف متفاوتة من شخص لآخر ، فهذا قد ذاق شيئاً من الظلم ، و ذاك اكتوى بنار الخيانة ، و تلك أرهقتها متاعب الحياة صعودا في حين و نزولاً في آخر ، الخ ……
لكن ماذا عن طفلة في السابعة عشرة من عمرها قد مرت بهذا كله بل أكثر ، كيف استطاعت
أن تواجه عالماً من الذئاب لوحدها ، و كيف شقت طريقها من بينهم ؟ هذا ما سنعرفه و أكثر في
قصتنا ، طفلة من جهنم
في قصرٍ ريفيٍّ مترامي الأطرافي في بلدةٍ بعيدة ، تقطنه واحدة من أكثر العوائل عراقة و ترفاً في المنطقة ، قد أرخى عليه الليل بسدوله ليغشيه شيئاً فشيئاً ……
في إحدى غرف هذا القصر الواسع ، كان هنالك فتاة في مقتبل عمرها ، تجلس على كرسيِّها الخشبي الهزاز بجوار النافذة ، قد غطى شعرها الأشقر الطويل وجهها إلا من عيونٍ زرقاءٍ لامعة
تراقب القمر بهدوء تام لدقائق و ساعات
أغمضت عينيها قليلاً بحزن ، لتهرب دمعة حارة من بين أجفانها ملامسة خدها الوردي المكتنز
:
سمعت صوت مقبض الباب يتحرك ، لكنها لم تكترث
دخلت إلى الغرفة امرأة ثلاثينية تحمل بين يديها صينية طعام صغيرة
قالت بصوت ناعس ، ألن تتناولي الطعام يا صغيرتي
لكن تلك الفتاة الشقراء لم تجب بحرف ، فاكتفت الأخرى بوضع الطعام و الخروج
ما لبثت أن غادرت الغرفة حتى اصطدمت بامرأة عجوز قد امتلكت من الهيبة و الوقار ما يكفي
لإخافة الناظرين اليها
صفية : شو كنتي عم تعملي جوا ؟
تلعثمت المرأة و قالت : يا خانم طلبت مني الست نورا فوت الأكل لهالطفلة
المسكينة
فجأة ، دوى صوت صفعة في المكان …
كانت الخادمة المسكينة تغطي وجهها بكلتا يديها و تبكي في صمت
صفية : مرة تانية ما بتاخدي الأوامر غير مني ، انا خانم هالقصر
و هلأ نقلعي كملي شغلك
:
خرجت نورا من غرفتها مسرعة بعد أن سمعت صوت الضرب و الصراخ
العضوة: 743708 , 5 years ago
بعد مرور ساعتين او اكثر كانت كل من لارا و ليلى في مقر الشرطة يدليان بشهادتهما تم اخذه اقوالهم و رفعت قضيايا عدة ضد جواد الجابر و عائلته و فتح ملف غيث من جديد ايضا لتضاف تهمة جديدة الى تلك العائلة و على الفور انطلقت الشرطة الى قصر جواد الجابر و القي القبض عليه و والدته بتهمة الخطف … جواد : انت مو عرفان حالك مع مين عم تحكي انا جواد الجابر ! بكلمة مني بفصلكن كلكن من شغلكن الشرطي : مشي قدامي وبلا كتر حكي ، و بتبقى تقول هالحكي قدام القاضي بالمحكمة صفية : لا تخاف ابني هلا بنوكل اشطر محامي بالبلد و بطالعك فوراً الشرطي : حضرتك صفية الجابر صفية : اي الشرطي : لكن مشي معنا انتي كمان لانو متهمة بالتحريض على الخطف جواد : اتركو امي يا كلاب الشرطي : اعتقلوهم فورا صابرين : امي اخي جواد : اتصلي بالمحامي يا صابرين و خليه يلحقنا صابرين : يلا فورا : كانت نورا واقفة عم تراقب اللي بصير بقلب مثلج من الهموم نورا : و اخيرا اجاكن يوم يا جواد و امك طلع بايدها ليلى و رح تحبسكن و تاخد بحقها و حق اهلها صابرين : شو مبسوطة باللي صار باهلي و عم تتشفي فيهن ! نورا : لا تنكري انو اهلك ظلمو هالبنت كتير و سلبوها حقوقا و اجا اليوم يلي يدفعو فيه تمن افعالن الشنيعة انتي بنت منيحة و نظلمتي لمن كنتي جزء من هالعيلة صابرين : هاد شي ما بخصك بدل ما توقفي حدنا بهالمحنة و تساعدينا واقفة عم تشمتي نورا : اوقف حد عيلتك اللي كانت رح تدبحني من يومين ؟ عن اذنك انا ما عادلي قعدة بهاد البيت ، بدي اخد اغراضي و روح صابرين : اي احسن فاتت نورا على الغرفة و ضبت اغراضا المهمة و شوية تياب بالشنتاية و اهم شي اخدت الوصية معا اخدت شوية المصاري يلي كان تاركهن جواد بالدرج و طلعت من القصر اما صابرين فكانت ملتهية بالحديث مع المحامي لتفهمو الوضع ما راحت نورا على بيت اهلا لانو رح يكون حبس تاني بالنسبة لالها و لازم توصل الوصية لايد القضاء حتى تاخد العدالة مجراها قضت الليلة باوتيل صغير و اول ما طلع النهار راحت و سألت عن عن مكان غيث استغلت اسم الجابر يلي حصلت عليه من زواجها بجواد لتثبت لادارة السجن انها قريبتو لغيث حتى يسمحولا بزيارتو :العضوة: 743708 , 5 years ago
داخل غرفة السجن الحارس : غيث عندك زيارة علاء : والله و نيالك يا عم غيث الزيارات هاليومين عم تهل عليك بكثافة غيث : نقطني بسكوتك كان غيث متحمس كتير لهالزيارة متوقع يروح و يلاقي اختو يلي نطر عشر سنين من عمرو ليشوفها بس تفاجئ بنورا عرفا اول ما شافها ، كانت احاسيسو كتير متضاربة ، شعور الفرح المختلط بالدموع و الذكريات القديمة شرارة الحب الاولى ، و الخجل كل هالمشاعر عايشها بثواني مرت عليه بطول الساعات غيث : نورا نورا : لساتك متذكرني غيث : حدا بينسى حب طفولتو الاول ؟ نورا : اشتقتلك كتير غيث : و انا كمان ، كنت على طول عم شوفك بخيالي و باحلامالعضوة: 743708 , 5 years ago
ي لساتك متل ما انتي ما تغيرتي نورا : بس انت متغير كتير ، ملامحك وجهك البريئة متغيرة ، نظراتك فقدو بريقن حتى دقنك طولانة ، ما لازم استغرب مو قليل يلي شفتو غيث : حتى انتي مو قليل يلي شفتيه نورا : ليش من وين بتعرف اخباري غيث : خبرتني لارا بكل شي نورا : اي دريت انها ساعدت ليلى من بعد ما هربتا و رفعت شكوى على جواد و اجت الشرطة شحطتو مبارح من البيت هوي و امو غيث : يعني عملتا ! طلع بايدها ! يا الله شو حلو هالخبر نورا : اي قريبا رح يرجع حقك و حق اختك غيث : و حقنا رح يرجع ! خجلت نورا و تطلعت بالارض ، بهالاثناء فاتت لارا برفقة ليلى لقاعة الزيارات لقاء الاخوة…… و اخيرا تم بعد مرور عشر سنين من الانتظار و العذاب و الحرمان و الظلم ما كانو عم يصدقو عيونن ، ضم غيث اختو الصغيرة لصدرو وسط بكاء و دموع كل الحاضرين كان لقاء حميمي ادمى قلوب الكل حتى حراس الزنزانة انفجرو بالبكاء مر الوقت بلمح البصر على ابطالنا اللي اجتمعو من بعد طول غياب كانت الارض ما عم تساعن من الفرحة نورا : نسيت ما اعطيكن الوصية لارا : وصية شو نورا : هاي لقيتا بخزنة جواد قرأت لارا الوصية و انفرجت أساريرا بالفرح لارا : نورا انتي بتجنني هالورقة رح تخلص غيث من الحبس و الشكوى تبع ليلى كفيلة بانها تحبسن شي عشر سنين او اكتر بالاضافة لقضايا النهب و السلب و التستر على الجريمة رح يعفنو بالسجن ليلى : رح تطلع يا اخي سمعت! غيث : رح يلتم شملنا و اخيراالعضوة: 743708 , 5 years ago
بعد مرور شهر في قاعة المحكمة القاضي : بعد الاستماع الى كافة الشهود و الاتطلاع على كافة الادلة و المشاورة تعلن المحكمة ببراءة غيث الجابر و اسقاط كافة التهم الموجهة اليه كما و اننا على استعداد تام بتقديم اي تعويض يراه مناسباً لنعتذر له عن السنوات العشر التي قضاها ظلما في سجوننا انطلقت هتافات الفرح و الضحك اللي عمت المكان القاضي : هدوووء لم ننهي البت في القضية كما انه تمت ادانة جواد الجابر بتهمة الخطف و التستر على جريمة القتل و انتهاك و سلب الاموال و عليه يحكم بالسجن لمدة 15 عاما : و تمت ادانة صفية الجابر بتهمة التحريض و التستر على جريمتي القتل و الخطف و تحكم بالسجن لمدة عشرة اعوام انتهى نورا : سيدي القاضي القاضي : تفضلي نورا : انا ما بدي ابقى على ذمة هاد المجرم طلقني منو جواد : انتي طالق ! القاضي : تتم احالة قضية الطلاق هذه للمحكمة الشرعية ليتم تثبيت الطلاق مدنيا : على باب المحكمة اجتمعو الكل عم يهنو و يباركو لغيث اللي طلع براءة ليلى : و اخيرا احنا احرار يا اخي ! غيث : اي يا اختي بدي عوضك عن كل السنين اللي عشناها بعاد عن بعض و انتي يا لارا لو بقيت طول عمري اتشكرك على اللي عملتيه معنا ما بوفيكي حقك لارا : كونو بخير و ارجعو لحياتكن الطبيعية هيك بتكونو تشكرتوني بمكان قريب من قاعة المحكمة كان ابوها لنورا واقف و عم يبهدلا قدام كل الناس والد نورا : هيك فضحتينا و جرصتينا قدام كل الناس ! بتطلبي الطلاق من زوجك على عين كل الحاضرين ! من وين جايبة هالجرأ و الوقاحة ! نورا : يعني بدك اياني ابقى على ذمة هاد المجرم ! والد نورا : الطلاق احسن ؟! غيث : على مهلك يا عم لا تصرخ عليها والد نورا : ما شفتا شو عملت جوا صارت سيرتنا على كل لسان غيث : طيب اسمحلي اطلب ايد بنتك منك قدام كل الحاضرين اللي عملتو بنتك شي بشرف ما بجرص و اذا انت وافقت رح اتشرفا بنسبا لاخر يوم بحياتي والد نورا : بس هالامور ما بتصير هيك غيث : خليها تخلص عدتا و تاني يوم بتلاقيني على باب بيتك جايب كل اهل الضيعة وجاهة معي لنطلبا …العضوة: 743708 , 5 years ago
بعد مرور اربع سنوات اسمحولي انا ليلى ارويلكن شو صار انا هي الطفلة اللي عاشت بجهنم كل هالسنين و ضاقت من الظلم لفاضت فيها الحياة بس هلا انا كبرت و ما عدت طفلة ، قدرت ارجع حقي و حق اخي من ايدين اللي ظلمونا بمساعدة اشخاص بعتبرن ملائكة الله بعتن لينقذوني متل اخواتي نورا و لارا و مع هيك الناس لليوم بتقول عني الطفلة اللي طلعت من جهنم و عملت من قصتي رواية بتتناقلها في مجالسها و سهراتها ، بس هالشي ابدا ما بزعلني بالعكس بزيدني قوة لمن اتذكر حالي وين كنت و وين صرت انا رجعت للمدرسة و قدمت على الثانوية لاخدت الشهادة و دخلت الجامعة لادرس تخصص القانون ، لانو بدي ساعد المظلومين و رجع للناس حقوقها انا اكيدة في مية ليلى غيري او مية طفلة عايشة بجهنم عم تستناني خلص دراستي و ساعدا متل ما الله ساق لارا لتخلصني ، رح يسوقني لخلص غيري اما اخي غيث بعد طلعتو من السجن استلم شغلنا العالق و دار ارزاقنا حقق نجاح كبير بفضل الله. وتزوج نورا اللي بتعاملني متل بنتها و بتحاول على طول تعوضني بالحب و الحنان اخي غيث صار عندو بنت من نورا و اصر يسميها لارا كنوع من الشكر لالها انا على طول بتواصل معها و بستشيرها بكتير امور من فترة حكيت معها و خبرتني انها رح تكمل دراسات عليا هالبنت طموحها ما بوقف عند حد ابدا ، كل كم شهر بتاخد شالعضوة: 477598 , 5 years ago
كمليالعضوة: 743708 , 5 years ago
هادة ، الله يوفقا نورا : ليلى يا ليلى ، العشا رح يبرد وينك ! ليلى : يلا جيت و هلأ عن اذنكم … : انتهت القصة الى اللقاء في قصة جديده رحيق الجنة ام زيد 😍😍العضوة: 667866 , 5 years ago
جميله جداالعضوة: 550643 , 5 years ago
@user-743708 جميلة حبيتها كثير اسلمو احلا مارياالعضوة: 743708 , 5 years ago
😍😍العضوة: 768521 , 5 years ago
@user-743708 حبيتها كتير كانت قصة غير شكل سلمت اناملك ع نشرها 😭😭😭😍😍😍😍😍🌷🌷🌷🌷🌷🌷🌷🌷العضوة: 743708 , 5 years ago
يا عمري 😍😍العضوة: 743708 , 5 years ago
حبيبتيالعضوة: 470944 , 5 years ago
مافي قصص رعب 😶العضوة: 656126 , 5 years ago
حلو👍