#قصة_واقعية /بتصريفي للاحداث / ببيتنا الصغير رح تبلش حكايتنا قصة واقعية أكتر من ماتتصوروا ؟؟؟ أديش الحياة بتحطنا بمواقف غريبة علينا , بتختبر فيها كل قواعدنا والأسس يلي اتربينا عليها ماضل صاحكبم وماغوى شو يعني غوى وشو يعني غواية حوا يلي طلعت أدم من الجنة ولاااااا هنن التنين يلي نزلوا على الدنيا سؤال ماعرفت اجابته قبل هلاء عم تتمدد على تختها وتغفى عيونها على مهل غابة كبيييرة كبيرة الدنيا ليل وعتمة أصوات كتير عم تسمعها عم تركض وتلهث ضحكات شريرة وبيت عم ينهد وأصوات عم تصرخ وأنين تعب عم ينغز بقلبها باااابااا ........بابا بتسحب نفس وبتصحى ..كابوس جديد عم ينضم لكوابيسها القديمة صوت موبايلها عم يرن ..المتصل معتز ألو أهلين أخي ..لاء مانسيت .نص ساعة وبكون جاهزة _عم انتظرك الجزء الأول كانت بالمطبخ مع أختها ريما عم يحضروا الغدا وقت دخل لؤي عم يلعب بمفاتيحوا وقف على باب المطبخ ..التفت سهى على الصوت وارتعبت حطت ايدها على صدرها ...بسم الله هاد انت لك أخي والله رعبتني ؟؟ لؤي : على أساس يالطيف شو نجمك خفيف وحساسة ...مابنقول غير الله يعينه لصهري سهى :شو قصدك ؟؟ ..وحياتك طاير عقله ... لؤي : هههه مسكين مو طالع بأيده شي ريما (عم تضحك ) خلص اتركها هلاء بتحرد وبتبطل تجي وساعتها مافي الك غدا غير النواشف لؤي : ليش حضرتك شو عم تعملي ؟؟ لسه جايبة اختك من بيتها مشان تساعدك ؟ شو عم يعلموكم بالجامعة ريما : بلاااا الجامعة عم ندرس فيها دروس مو تدبير منزلي ... سهى : بس انت وياها ..لؤي عمتك بالصالون روح سلم عليها لؤي : أيوه ..شو قصتها عمتك من وقت ماتوفت أمك وهي كل كم يوم عنا .