العضوة: 798859 , 5 years ago

ان شاء الله ماتشوفي شر،بيسلو كثير انا في الغربة

العضوة: 743708 , 5 years ago

حبيبتي استني شوي بالي مع الصبيه هديك بس اطمن عنها ارجعلك

العضوة: 774204 , 5 years ago

رفع

العضوة: 743708 , 5 years ago

_ عم فكر والله حاسس اني كبير عليها البنت قد ولادي , وبعدين بعد هل العمر يصير عندي واع وويع والله مابقا الي خلق _ ليش انت من كبرك لك أخي ,انت اتجوزت صغير ولو ماهيك ماكانوا ولادك بهل العمر وصدقني يلي بشوفهن بيقول عنهن أخواتك مو ولادك اتكل على الله وحاجتك حيرة , وبعدين لك أخي عشلك كم يوم حلويين الله يرحمها مرتك ضلت سنين مريضة وانت راكض فيها عند الدكاترة وبجوز ربنا حابب يعوضك عن صبرك _ وولادي ؟ كيف بدي فاتحهن بالموضوع _ ليش انت عم تسرق ولا عم تعمل حرام لا سمح الله بدك تتجوز على سنة الله ورسوله بكرا كل واحد فيهن بيتجوز وبيلتفت لحياته وانت حقك اتشوف حياتك _الله يقدم يلي فيه الخير _خبر الجماعة انا موافقين _ ان شاء الله عطيني مهلة خبر الولاد وبعدها بردلك خبر _ مابدنا انمطمط القصة البنت أدمية وطالبة السترة مارح تلاقي متلها _ ان شاء الله ..بدك شي أختي أنا صار لازم أمشي _ الله معك كانت الصدمة كبيرة بالنسبة للولاد وأكتر وحدة اتأثرت هي سهى يلي حست بالخيانة لامها وخاصة انه اخواتها اقتنعوا وكأنهن متوقعين هل الشي من زمان وبعد هل الموضوع تعبت كتير وارتفعت حرارتها بقيت بفرشتها مريضة أسبوع أبوها ماتركها فيه أبدا بيوم كان عند راسها عم يسأل جوزها عن صحتها كانت عم تسمع بكلماته خوفه عليها وبسؤاله لهفته عليها فتحت عيونها وطلبت من جوزها يتركهن لحالهن سندت ضهرها على التخت وشدت حرامها لعند صدرها أبو لؤي : ههه من وقت ماكنتي صغيرة وانتي مابتقدري تغفي غير وانتي متغطية بالحرام وقد ماكانت الدنيا صيف كان الغطا الصيفي مرافقك وغير هيك مابتغفي سهى : الله يرحمها ماما كانت هيك أبو لؤي : الله يرحمها وانتي فيكي من شبهها كتير سهى )غص صوتها) كنت بتحبها أبو لؤي (عم يتطلع بالأرض ) أنا وأمك اتجوزنا صغار بينا عشرة عمر كنا فيها مع بعض بالحلوة والمرة كانت فيهن سندي بكل يلي مر بحياتي وأنا مااتخليت عنها بنهار وكنت معها بمرضها لسنين طويلة ولا بيوم حسستها بشي مع انها كانت تقلي روح اتجوز مسامحتك ماكنت أقبل اني أقهرها وهي بأشد ضعفها بس هلاء هي راحت لرحمة رب العالمين سهى : بس هي لو كانت مكانك كانت عملت نفس الشي وكانت بقيت مخلصة لذكراك ولالنا وماكانت فكرة بحدا من بعدك بتعرف ليش ؟ كانت فكرت فينا انا خسرنا أب ومارح تسمحلنا نخسر أم كمان وبيت العيلة كانت ضلت تفكر فينا مو بس بحالها

العضوة: 656126 , 5 years ago

😓

العضوة: 743708 , 5 years ago

@user-656126 شو مال الحلو زعلان 😰😓

العضوة: 790128 , 5 years ago

كملي ولو

العضوة: 743708 , 5 years ago

@user-790128 الا تجيبيلي صحن ملوخيه 😂😂😂

العضوة: 790128 , 5 years ago

ياريت والله خلصتو لحالي 😋😋😋😋😋😋

العضوة: 743708 , 5 years ago

والله لانتفك صحه وهنا باعمري انا ما باكل طبخ 😢 مشتهيه كتير طبخات بس مستحيل اكل طبخ

العضوة: 790128 , 5 years ago

ع قلبك ياعمري والله الصبح بفطر طبخ 😅😅

العضوة: 743708 , 5 years ago

ههه صحه وهنا ولك كافي وليه انا حامل وجوعتيي رايخه اكل ما اكمل القصه 😂😂

العضوة: 656126 , 5 years ago

حزنت عالام و البنت 😢 راح يركض يتجوز ابوهم

العضوة: 717005 , 5 years ago

@user-743708 تعالي كملي

العضوة: 743708 , 5 years ago

@user-717005 عم اعمل تنضيفات المسا اشطف وارجعلكن