العضوة: 564706 , 5 years ago

@user-743708 رفع بدأت أقرأها الحين

العضوة: 743708 , 5 years ago

وهنن قاعدين ميرفت : أمم هو وسهى بيحبوا بعض صح ؟ يعني قصدي كيف اتجوزوا ؟ ريما : مين ؟ مراد وسهى ... هزت براسها وهي عم ترشف من كاب النسكافية ؟ ريما : مراد كان يتردد لعنا بحكم شغله مع بابا وشاف سهى أكتر من مرة طلب ايديها من بابا بس هي رفضت لأن بأثنائها كانت الايام الأولى لمرض ماما الله يرحمها وسهى بطبيعتها الحنونة كانت متأثرة كتير رفضت بس مراد ضل يتردد لعنا وواقف مع بابا بكل شي وبعد محاولات ووعود من مراد بأنه مارح يمنعها ويبعدها عنا وانه حيبقى واقف معنا ماما الله يرحمها كانت حاسة انه سهى موافقة بس مرضها هو يلي مانعها فطلبت من سهى توافق و تحقق أمنيتها بأنها تفرح فيها وهيك تم كل شي وبالفعل مراد طلع قد وعوده وأكتر وضل واقف معنا ومع بابا حتى بعد وفاة أمي وعلى فكرة هو يلي أقنع سهى بزواجه ميرفت : يعني سهى ماكانت موافقة على زواجنا ...الصراحة مو مبين عليها ريما : قلتلك سهى حنونة كتير وطيبة وهي كانت معترضة على الفكرة موعليكي بس شفتيها شلون فرحانة لأنها شايفة بابا مرتاح

العضوة: 743708 , 5 years ago

نورتي

العضوة: 743708 , 5 years ago

وولادها حيصيروا طولها احمدي ربك بيلي الله كرمك رجال متل أبو لؤي بحبك وشاريكي وبعدين لافي وراه ولاده تربيهن وتتعبي عليهن ولاده كبار ومن جيلك اخزي الشيطان ياأمي وبكرا بس تحبلي وتجيبي ولد بتنسي هل الكلام كله بتلتهي بابنك وبتشوفي كيف حياتك رح تتلون بجيته عم يرن الباب يمكن وصل جوزك سكري هل السيرة قدامه هزت براسها وهي مستندة على طرف المجلى أم ميرفت : الله يرضا عليكي ميرفت :ومين قلك بدي جيب ولاد ..ببالي فكرة أحسن ياميرفت تعي وصل جوزك سلمت على جوزها وقعدت معهن أم ميرفت : يلا ثواني وبيكون العشا جاهز أبو لؤي : والله مافي داعي بنتي وجوزها جايين يتعشوا عنا ومابدي اتأخر عليهن ميرفت : مراد وسهى جايين لعنا أبو لؤي : ايه أم ميرفت : والله مو حلوة هيك تطلعوا بلا عشا ميرفت :لا مابيصير نتأخر عليهن أنا حأجهز بسرعة أبولؤي كل الوقت كانت متلهفة لتصل للبيت وحتى أبو لؤي انتبه أبو لؤي :حاسك بتفرحي كل مابتجي سهى لعنا بس ياترى مشانها ولا مشان ولادها هل الفرح ميرفت (بلبكة ) يعني التنين ...الللكل أبو لؤي : أنا بعرف انه بنفسك تحملي وتشوفي ولادك اذا بدك رح احكي مع اختي تروحي معها على الدكتورة مشان هل الموضوع ميرفت : لا ااا لا أبو لؤي بكير لسه أبو لؤي : طيب متل مابتحبي حتى ماتقولي أبولؤي مقصر علي ميرفت : لا مو مقصر يلا لف من هي الحارة أقرب أبو لؤي اتطلع فيها مستغرب وصلوا على بيتهم وفتحوا بالمفتاح كان في صوت حكي وضحك من جوا كلهن متجمعين قربوا من المطبخ كان مراد عم يقطع السلطة ومرته قدامه عم تطبقها مبتسمة ولؤي ومعتز عم يضحكوا معه ... ريما : حاجة بقا اتركوه لصهري بحاله يعني واذا بساعدها لمرته بالمطبخ مراد : اتركيهن ريما بكرا بس يتجوزوا رح تشوفيهن بمريول الجلي ريما وسهى : هههههه لؤي ومعتز : لا عمي ماحزرت هي فيها أبدا قرب أبو لؤي : السلام عليكم سلموا كلهن عليهم وعلى ميرفت وبلشوا يتجمعوا حولين طاولة الأكل

العضوة: 743708 , 5 years ago

وميرفت عيونها مركزة على مراد بعد الأكل مراد : أنا رح روح غسل أبو لؤي : خود راحتك ابني مافي حدا سهى عم تطعمي ولادها ميرفت أنا رح جيب ملح من المطبخ مشيت وراه ووقفت قدامه وهو عم يغسل مراد استغرب من طريقة وقفتها ميرفت : بتعرف اليوم باكل أطيب سلطة بحياتي مراد : صحة عم ينشف وبده يبعد ميرفت : ياريت كل يوم اقدر أكل منها . الصراحة الواحد مو بأيده وقت يحسد سهى على رجال متلك مراد كانت ساكت وكأن كلامها لسه ماانفهم بالنسبة اله ركض ابنه وحضنه بابا غسلي حمل ابنه واتجاهل حديثه مع ميرفت يلي تركتهن ورجعت لمكانها قدام أبولؤي بوقت متأخر من الليل كانت ميرفت بغرفتها مو قدرانة تنام وهي عم تفكر سندت ضهرها على التخت ..كان في أصوات بالصالون لبست كمونيو فوق بجامتها وطلعت على الصالون يلي كان أضويته مطفيه و فيه معتز ولؤي عم يحضروا فيلم مع بعض ميرفت : مسا الخير لؤي :مسا النور ميرفت : شو عم تعملوا لؤي : عم نحضر فيلم رعب أجنبي..تحضري معنا ميرفت : ياريت أنا بالاصل مو جايني نوم معتز مشي من الغرفة وفات لغرفته بعصبية لؤي : عدي مرت أبي لاتهتمي هاد الولد عقلاته بخضوا أحيانا قعدت على كنبة قريب منه _مابعرف ليش كل مايشوفني بمكان وكأنه شاف عفريت _لا تهتمي معه معه بيتعود , انتي شو يلي مصحيكي لهلاء _كتير شغلات ..لؤي كان بدي منك رقم مراد جوز سهى رفيقة أمي عندها بيت بدها تساويه بناية وأنا خطرلي مراد لهل الموضوع ؟ لؤي : ليش مااخدتيه من أبي ؟ ميرفت : أأه طيب الصبح بقله لؤي : ههه خلص رح أعطيكي ياه أحسن ماتنسي للصبح وتزعل منك رفيقة امك وهوا عم يقلب بجواله ليعطيها اياه

العضوة: 743708 , 5 years ago

ميرفت : وانتي ؟ قصدي يعني وانتي ماكان عندك مانع بزواج أبوكي ؟ ريما : الصراحة أنا كنت متوقعة هل الشي ووقت صار عملت بنصيحة صديقة عزيزة ميرفت : صديقة ولا صديق ريما هههه صديقة والنصيحة كانت اني اتقبل الموضوع بايجابية وحاول نصير رفقة مشان مصلحة الكل ...لهيك أنا هلاء قاعدة معك وروحت علي أول محاضرة هههه عن اذنك أنا صار لازم أمشي ميرفت : ماشي ,الله معك الجزء الثالث ايدها تحت دقنها عم تتأملها من البلكون وريما عم تبعد بخطواتها لفت راسها باتجاه هل البيت يلي صارت جزء منه صافنة لثواني رفعت كتافها ووقفت لتقرب من شاشة التلفزيون ضلت تقلب بقنواته لطلعتلها غنية عجبتها علت بدرجات الصوت حتى صارأعلى درجة ممكنة و صوت الأغنية يطغى على اية أصوات تانية صارت تمشي بخطوات بطيئة بالبيت الفاضي دخلت على غرفة معتز ولؤي كانت غرفة من سريرين ومكتبين صغار غرفة شباب بسيطة قربت من العطورات المرتبة على الفترينة صارت تفتح غطاهن وحدة وحدة وتشمهن باعجاب لفت نظرها صورة محطوطة على كومدينة صغيرة قربت

العضوة: 743708 , 5 years ago

اكمل

العضوة: 743708 , 5 years ago

يا بنات حاسة روحي بدها تطلع 😢😧😧 مابعرف شو صارلي

العضوة: 643596 , 5 years ago

شبك حبيبتي بسم الله عليكي اذا لحالك بالبيت دقي لحدا يجي لعندك وتسطحي

العضوة: 643596 , 5 years ago

شو حاسة

العضوة: 743708 , 5 years ago

مابعرف حاسه بي شي مثقل ع صدري وبدي استفرغ 😢😢

العضوة: 743708 , 5 years ago

مالي الا جوزي وبالشغل

العضوة: 643596 , 5 years ago

نشالله خير يارب اذا ستفرغتي بترتاحي بجوز مخربطة بالاكل

العضوة: 643596 , 5 years ago

الله يكون معك يارب روحي تسطحي شوي اذا قدرانة عملي كاسة زهورات شربيها وخلي تليفونك جنبك

العضوة: 743708 , 5 years ago

😢😢😢مابعرف يا قلبي كل ما اكلت فطاير جبنه اتسمم خايفه يكون تسمم متل المرة الماضيه.