العضوة: 643596 , 5 years ago

عجبتني هي اشطف وارجعلكن هههههه يعطيكي العافية

العضوة: 743708 , 5 years ago

😂😂😂الله يعافيكي مروشه حبيبتي

العضوة: 643596 , 5 years ago

😘😘😘😘😘

العضوة: 743708 , 5 years ago

@user-643596 انتي تابعي القصث اكمل ولا لاء

العضوة: 790128 , 5 years ago

يلا ياشطورة قبل مايصير وقت العشاوتروحي

العضوة: 790128 , 5 years ago

كملي القصة

العضوة: 743708 , 5 years ago

يالله راح كمل بس ادعولي بنات تعبانه كتير ع فكرة عم يأذن العشا

العضوة: 790128 , 5 years ago

الله ايقويك ويتمملك حمل ع خير وتفرحي بشوفة ضناكي بجاه الحبيب محمد

العضوة: 743708 , 5 years ago

أبو لؤي : سهى يابي صدقيني مارح يتغير شي عليكن انتي وأخواتك رح تبقوا ولادي وعرق عيني متل ماانتوا هلاء .. رح يضل البيت بيتكن وبيت أبوكن وهي رح تكون بسعركن وأنا بعتلها خبر مع عمتك وفهمتها على كل شي انه كرامتكن من كرامتي وهي مااعترضت هي كمان بنت مظلومة وعم تدور على رحمة بهل الحياة حطت ايدها على وجها وصارت تبكي طلع أبوها ووصى جوزها عليها دخل مراد شافها منهارة من البكى ارتمت بحضنه ماعم اتخيل حدا يحل محل أمي يامراد ماعم اقدر ..كيف بدها ترافق أبي وحدة غير أمي مراد : كل شي بأولوا صعب بس أبوكي مابيستحق تقسي عليه هيك ومو معقولة اذا أمك الله يرحمها هو يدفن حاله بالحياة مشانها بعدت عنه وعيونها حمر عم تسحب نفسها انت معه ..ييييعني انت بكرا هيك بتعمل مراد : سهى أنا حاسس بوحدة أبوكي ومو معقولة اتكوني أنانية وماتفكري غير بحالك سهى امك راحت لرحمة رب العالمين وأبوكي باب للجنة لسه بالدنيا لا تخسريه بتفكيرك هاد ___________ بأول يوم بالبيت لميرفت أبو لؤي : نورتي بيتك ... ميرفت البيت منور بأهله أبو لؤي : أنا بعرف انه صبية متلك كانت بتحلم بمملكة الها لحالها تاخد فيه راحتها بس أنا مابقدر أمنلك هاد الشي على الأقل حاليا لأمن على ولادي البيت فيه تنين شباب وصبية بتمنى تساويهن رفقاتك ومتل أخواتك بدي تديري بالك بلبسك وحركاتك برا هل الغرفة هي الغرفة حريتك فيها كاملة وبراتها شو حابة تعملي اتشاوري مع سهى وريما وصدقيني أنا رح حاول اعمل جهدي قدملك كل شي بتحبيه وبتتمنيه وأكتر شي بكرهه ومابتمناه ويلي كانت مريحتني فيه المرحومة أم لؤي هي قلة المشاكل شو شايفك ساكتة ميرفت : اممم الله لا يجيب المشاكل أبو لؤي :ان شاء الله

العضوة: 743708 , 5 years ago

مشكورة يا عمري

العضوة: 643596 , 5 years ago

لسا ما قرأت بكت بنتي بس شفت تعليقك ضحكت 😘

العضوة: 643596 , 5 years ago

سلامتك حبيبتي

العضوة: 743708 , 5 years ago

الجزء الثاني @rwayate مراد وسهى وولادها وأخواتها متجمعين بالصالون سهى عم تتطلع على ساعتها اتأخروا صح كان المفروض من نص ساعة يوصلوا مراد : مو مشكلة أكيد على الطريق أكيد أبوكي عم يسوق على مهله معتز : مين قده عريس زمانه سهى :لك معتزهاد أبوك يلي عم تحكي عنه معتز : حلي عنا واحد بعمره عاملي عريس وشهر عسل وطلعة على البحر مراد : معتز مو من حقك هل الكلام وانت بتعرف لو ما أنا أصريت عليه واخدتله شالية رفيقي ماكان طلع وبكفي ماعمل عرس كرامة لخاطركم معتز : لا والله وهاد يلي ناقص ..وشو رأيك يصبغ شعره ويعمل عراضة كمان ونحنا انصفقله ونغنيله شنغلليه شنغلليه ومن هل الليلة صرلوا عيلة......ايه والله هزلت مراد : والله لو بدو يعمل ماحدا بلوموا ومو منتظر اذنك معتز :بس ذكرني انت شو الك علاقة وشو جابك لهون هلاء .. مراد : أنا بعتبر أبوك بمقام أبي وقفوا مواجه بعض وشرار الغضب بعيونهم معتز : ههههه لكن روح فرجيني حالك وجوز أبوك وخبطه بكتفه سهى : بس انتو التنين شو هاد ..معتز مراد مادخله بالموضوع مراد الله يخليك اهدى مابدنا أبي يصل بشوفنا هيك لؤي احكيلك كلمة .. لؤي : أنا بالنسبة الي يلي بيتجوز أمي بيصير عمي مادخلني بحدا سحب مفاتيحه وطلع من البيت معتز تركهن وطلع وراه وصل أبو لؤي وميرفت ميرفت كانت صبية بالتلاتين من العمر على قدر كافي من الجمال والجاذبية يلي ممكن تتمتع فيها أي أنثى كان هاد اللقاء الأول يلي بتتعرف فيه مظبوط على عيلة زوجها وأول مالفت نظرها كان مراد جوز سهى يلي سمعت كتير كلام عنه من جوزها

العضوة: 743708 , 5 years ago

😂😂حبيبة قلبي انتي الله يحميلك العسوله وتفرحي فيها

العضوة: 743708 , 5 years ago

وأول مالفت نظرها كان مراد جوز سهى يلي سمعت كتير كلام عنه من جوزها بس قعدتها معه أكدتلها انه بيستحق هل الكلام وأكتر كانت عم اتابع بصمت الكل وشافت مراد كيف عم يقدم العصير لمرته وكيف قاعد جنبها بينما كان أبو لؤي كل حديثه معها عن عادات عيلتهم وذكرياته مع ولاده ومرته المرحومة وتعليمات عن نظام بيتهم يلي رح يضل مستمر متل ماهو بوجودها كلام كتير كانت عم تسمعه ويمر بدماغها بمقارنات بسيطة وسريعة مع الابتسامات المتبادلة بين مراد ومرته أبو لؤي : شو وينوا معتز ؟ كأنه اتأخر سهى : هو خبرني انه اليوم نايم عند رفقاته أبو لؤي : ليش لينام عند رفقاته حأتصل فيه وخبره يجي على البيت سهى : لا مافي داعي بابا ..هو خبرني انه رفيقه عنده مشكلة ومضطر يبقى معه لا تحرجه وانتي خالتي ماحكيتيلنا عن رحلتكن للبحر كيف كانت ؟ ميرفت : حلوة كتير بس لو ماأبو لؤي تعب شوي سهى : خير بابا سلامتك فيك شي ؟ أبو لؤي : لاء يابنتي مافيني شي بس رطوبة الجو الزايدة تعبتني بتعرفي اني بتحسس من الجو الرطب مراد : سلامتك عمي ..المهم انكم انبسطوا ميرفت : اييه ..الحمد لله أحسن شي !!!! الكل عم يتطلعوا ببعض مراد : يلا حبيبي خلينا نمشي الولاد نعسوا ؟ سهى : معك حق وأكيد بابا وخالتي تعبانين لازم نتركهم يرتاحوا الصبح فاتت ميرفت على المطبخ كانت ريما عم تلف سندويشة جنبة _صباح الخير _صباح الخير خالتي _شو شايفتك لابسة لوين من الصبح ؟ _على الجامعة قربت منها وقعدت على كرسي طاولة المطبخ _ أه صح انتي بتدرسي ...أمم وشو عم تدرسي _علوم اقتصادية _ أااه وشو هي يعني ... انتي بتحبي الدراسة _طبعا ..مافي أحلى من الدراسة والعلم _ بتعرفي أنا من وقت كنت صغيرة كنت أكره المدرسة وأحلم باليوم يلي اطلع فيه منها _ جد عم تحكي ؟ _ايه جد ...انتي معك وقت تشربي معي قهوة ؟ _ أممم ..يعني مو كتير ؟ أنا بشرف نسكافية ساويلك معي ؟ _طيب ساوي تنين نسكافية لأتصل بأبوكي لأني فقت مالقيته بالغرفة _ هو راح مع مراد من بكير يمكن شايفك نايمة ماحب يصحيكي _ مراد ..مراد جوز أختك ؟ لوين راحوا من الصبح ؟ _مراد متعهد عمار وبابا هو يلي بيمددله الكهربا للشقق _أمم يعني مراد أحواله منيحة _ فيكي تقولي هيك شي , هو شب محترم و طموح _أمم واضح عليه , يلا هاتي النسكافية وتعي نشربها بالبلكون وهنن قاعدين