العضوة: 743708 , 5 years ago

سلم عليهن ووجهوا مخطوف دخل على المطبخ ونادى لميرفت _شو بدك لؤي ؟ خلي ريما اتسخنلك العشا أنا مالي خلق _مو مشان العشا مسكها من ايدها وشدها شو هاد ؟ _شبك انت جنيت ! _عم اسألك شو هي الصورة ؟ هي الك ؟ ولمين باعتيها _أأه هي صورتي , كيف وصلت لعندك _انتي بعتيلي ياها _ معقول ؟ كيف بعتتهالعندك _وبعلامة اشتقتلك لا تتأخر على البيت _ لحظة ..خليني شوف موبايلي .. هي يمكن بعتتها لعندك بدل ماابعتها لأبوك فلت ايدها هلاء هي الصورة باعتيها لأبي _ ايه لكن لمين بدي ابعتها غيره _ ماأبي هون ؟ كيف عم تقليلوا اشتقتلك ولا تتأخر _ يعني قصدي بالسهرة مايتأخر تركها ورجع لورا هلاء انتي وأبي هيك بتبعتوا لبعض _ايه يعني عادي نحنا متجوزيين . خلص انت احذف الصورة وانسى _ لاء مارح احذفها رح ضل محتفظ فيها عندي _ اصطفل .. _ بس طلعتي حلوة كتير , خلص أنا قررت اتجوز لاقيلي عروس متلك _ ههه متلي مارح تلاقي ..صعب كتير _ والله معك حق صعب كتير الجزء الخامس كان صد مراد قلها عم ينعكس على نفسيتها مع أبو لؤي يلي كل ماله عم تظهر عليه ملامح التعب بيوم حست انها بلشت تفقد توازنها ..واتصلت بمراد وبعد محاولات كتيرة رد عليها بنشافة ميرفت : أنا لازم شوفك ضروري مراد : يااختي أنا مشغول كتير ميرفت : لا تقول يااختي أنا مالي أختك أنا بحبك ..بحبك فهام علي مراد : أستغفر الله العظيم أنا لو مالي معتبرك متل أختي كنت فضحتك من زمان بس ربنا أمرنا بالستر وأنا عم أعطيكي فرصة جديدة ترجعي فيها لبيتك وجوزك ميرفت : أنا مابدي حدا غيرك , أنا مستعدة اعملك يلي بدك ياه مراد : استغفر الله العظيم من هل الكلام

العضوة: 743708 , 5 years ago

مراد : استغفر الله العظيم من هل الكلام انتي مجنونة سمعانة حالك شو عم تحكي ..أنا رجال بخاف ربي مستحيل خونه وخون عمي يلي بعتبره بمقام أبي مع مرته فهمي علي أنا مستحيل خون أنا اذا بدي منك شي تحطي عقل الرحمن براسك وترجعي لربك و تديري بالك على جوزك وبيتك ميرفت : بس أنا مابحبه مابحبه مراد : هاد الشي بيرجع الك اذا انتي مابتحبيه اتطلقي وتركيه لاتعذبيه معك بس نصيحتي الك فتحي قلبك مظبوط لأن عمي رجال مافي منه ميرفت : يعني انت ماعم ترضا تحكي معي لآني مرته خلص رح اتطلق منه وبنصير لبعض مراد : انتي عم تهلوسي شي أنا لابدي ياكي لاانتي ولاغيرك أنا رجال متجوز والله كافيني بالحلال بحب مرتي وحياتي معها سكر الخط وتركها منهارة عم تبكي مع أحلامها المحطمة الكل ملاحظين عصبيتها بالبيت وطريقة كلامها مع أبوهن لحتى بيوم اتخانقت هي وأبو لؤي وتركت غرفتها وطلعت على الصالون يلي كان فيه لؤي سهران لؤي : شو صاير ليش صواتكن طالعة ميرفت : ولاشي لؤي : يلا روقي ولايهمك مو حلوة وانتي معصبة ميرفت : والله مو مصبرني على هل البيت غيرك لؤي : أوف كل هل القد ميرفت : لؤي شو رأيك نطلع مشوار نغير جو لؤي : لحالنا ميرفت : ايه شو فيها لؤي : ولاشي خلص بكرا بنطلع أحلى مشوار لعيونك تاني وصلوا متأخرين على البيت فاتوا سوا عم يضحكوا ريما :شو وين كنتو من الصبح لؤي : اتمشينا سوا بالبلد وغيرنا جو ريما : ليش ماقلتلي روح معكن لؤي : عندك دراسة انتي ؟ أبوكي وين

العضوة: 743708 , 5 years ago

متابعين يا بنات

العضوة: 790128 , 5 years ago

ياه نتولش بالالماني ايه طبعا

العضوة: 790128 , 5 years ago

ههههه جيران طلعنا والله نتورلك احلى من نتولش ههههههه

العضوة: 790128 , 5 years ago

الهولندية اخف من الالمانية باللفظ

العضوة: 797016 , 5 years ago

كملي

العضوة: 743708 , 5 years ago

ماشاء االله راح ساوي معجم بالغات

العضوة: 790128 , 5 years ago

يلا كملي حبيبة قلبي

العضوة: 743708 , 5 years ago

صبيه خففو لعي ماعم اعرف وين وقفت نت عندي ضعيف ما يطلع تعليقات القبل

العضوة: 743708 , 5 years ago

حدا يعمل معروف يقلي اخرشي وصلت عندو شو

العضوة: 643596 , 5 years ago

😒😒😒 سكتت للابد

العضوة: 790128 , 5 years ago

لما رحت مرفت مشوار مع لؤي عم تتصيع معو

العضوة: 743708 , 5 years ago

الله لا يشبعكم كرررر حنيه وراما خلصوني

العضوة: 797016 , 5 years ago

😹😹😹