العضوة: 717005 , 6 years ago

ابوس روحك

العضوة: 743708 , 6 years ago

الجزء الخامس عشر ❤️ ماريا :........ موافقة بس احكي. جبر : ماريا انتي تعبانة كتير وماعم تقبلي تخبري حدا ليه مابتشاركي اهلك عالأقل باللي صار معك ليه مابتخبريهن..... بهيك ظرف وهيك وضع انتي بحاجة كلمة حنونة تسندك، كلمة طيبة تخفف عنك، موقف من حدا بتثقي فيه فهمتيني. زادت لمعة عيونا وصارت تبكي بدون صوت :....... فهمني بالزبط انت شو بتقصد. جبر : حاج انتي اتضلي مخبية كل شي غلط اتضلي حاصرة وكاتمة بألبك والله ياماريا غير تشوفي الكل حواليكي بس خبريهن. بعدت عنه بصراخ :.... بكفيييييي بكفييي..... قول لشو عم ترمي بكلامك احكي شو في عندك. رجع مسك راسها : عم بحكي عن هاد عن الوجع اللي هون عن ورم المخ اللي عندك (وقتا صار يصرخ) فهمتي هلأ عن شو عم احكي فهمتيييي. فتحت عيونها عآخرهن بصدمة :.............. انت........ انت كيف عرفت...... مين خبرك...... عمر ماااا اكيد عمر... هو صح. جبر :..... مين عمر؟ ماريا :...... ماتكزب جبر اكيد عمر اللي خبرك.... الواطي الحقير مع اني حلفته مايحكي لحدا. جبر : لك مين عمر والله مابعرف واحد بهالأسم. ماريا : ازا مو هو اللي مخبرك مين لكن اااه. جبر :... اهدي ورح قلك كيف عرفت وماحدا خبرني انا عرفت لحالي. ماريا : بعد عني ماتلمسني.... احكي. جبر : طيب روقي بحالتك هي صعب نتفاهم وصعب تستوعبي كلامي لازم تروقي لنعرف نحكي.... تعي نشرب شي لنقدر نكمل كلامنا. ماريا : ماابرد البك يااخي...... لك عم قلك قووووووول مابدي اتسمم شي. جبرها غصب عنها ومشى فيها وفاتو عالشاليه تبعها.... جبر بأصرار وتحدي : مو بكيفك بدك تهدي ولازم تشربي شي لتروقي غير هيك مارح احكي...... انا رح ساوي قهوة. ضلت قاعدة مكانها ونفسها عم تزيد سرعته بسبب غضبها.... اما جبر اخد وقت وهو عم يدور عأغراض القهوة وبعد مدة كانت جاهزة. صبلها الفنجان وحطه قدامها.... جبر : رقتي هلأ. ماريا : احكي. جبر

العضوة: 743708 , 6 years ago

صحه وهنا عندي كولا 😛😛بس ما يخليني جوزي اشرب

العضوة: 743708 , 6 years ago

جبر :...... بتتزكري يوم مااجيتيني عالمكتب لتخانقيني بسبب... قاطعته بعصبية : بتزكر مافي داعي تكمل... خليك بالموضوع. جبر : ماشي الحال...... مو بوقتها لأنك عصبتي غميتي....حاولت فيقك كتير ماعرفت، حاولت اطلب المساعدة من السكرتيرة بس كانت طالعة فترة غدى بتتزكري ماهيك..... ووقتا اضطريت انقلك عالكنبة وفيقك انا بطريقتي. ماريا :... كيف يعني. نزل راسه وحط فنجان القهوة من ايده :.... رح قلك كيف بس بدك توعديني ماتزعلي مني وماتنفعلي... ماريا بنفاد صبر :..... احكي. جبر :.... دورت عندي عشي فيقك فيه يعني كالونيا او عطر او شي مالقيت عندي وقتا شفت شنتايتك سمحت لحالي افتحها ودور على عطر فيها قلت كل البنات بيحملو بشناتيهن عطور وقتا شفت أوراق كتير وبقلبهن ادوية كتيرة ومن بين الأوراق تقرير بحالتك الطبية وعرفت شو عندك. رمت الفنجان من ايدها بعصبية وصارت تصرخ :..... مين سمحلاااااااك..... مين سمحلك تفتش باوراقي مين طلب منك تفيقني اتركني موت انقبر بس شي خاص فيي مابصير تقرب عليه. قرب منها ومسكها ليهديها :..... اهدي ماريا والله توقعتك تزعلي لأنه عرفت انك ماخبرتي حدا. اتطلعت فيه باستغراب : وشو عرفك اني ماخبرت حدا. جبر : لاني شايف انك عم تتعبي زيادة من نفسيتك لانها كلن واضح انها صفر، وعرفت شخصيتك منيح وتأكدت انك ماخبرتيهن لحتى مايزعلو عليكي. ماريا : ورحت انت وخبرتهن ماااااااااا. جبر : اهدي ماريا والله ماخبرتهن بشي ولا خبرت حدا بنوب ازا انتي صاحبة العلاقة ماحكيتيلون ليش لكتر غلبة انا وروح قول واتدخل بخصوصياتك. ضربته عصدرو كزا مرة ونسيت انو لساته مجروح :..... ليش لتعرف..... ليش لتحشر انفك بشي ما بخصك... ليش لتحس بألمي ووجعي ليش.. ليش.. قعدت عالأرض وصارت تبكي متل طفلة صغيرة. كان حاسس بألم قوي بصدرو وقت ضربته عليه :... انا اسف ماريا بعرف مو من حقي اتدخل فيكي واكشف شي انتي مداريتيه عن كل الناس بس والله هالشي صار صدفة وبدون قصد....

العضوة: 743708 , 6 years ago

نزل لعندها وحاكاها بصوت دافي وحنون كتير جبرها تتطلع فيه... جبر : ماريا اعتبريني انا دكتورك وعلاجك رح يكون تحت اشرافي انا.... بس مابصير اتضلي عم تعاني لحالك...لا تجني عحالك بشي مالك زنب فيه..... حاولي تثقي فيي وبوعدك رح طالعك من اللي انتي فيه ورح امنحك طاقة ايجابية عالية..... بعدين صحيح ماتنسي انو الورم اللي عندك حميد مو خبيث صح. كانت عم تتطلع فيه وعيونها كلهن دموع ماكانت شايفته منيح بسبب دموعها وصورته كانت مغبشة... حط ايدو عراسها بحنية :... شو قلتي اعتبريني صديق طبيب او رفيق مقرب اللي بدك اياه بس اوثقي فيي والله مارح خبر حدا بشي ورح ينتهي كل شي بدون ماحدا يعرف، انتي بنت قوية شجاعة قدرتي تتخطي مرضك هاد بدون مساعدة حدا وشغلات كتير تعديتيها ونجحتي فيها لحالك وبعرف انو كان فيكي تكملي بمشوارك لحالك بس مدري ليش حبيت كون طرف بحياتك وادعمك.... شو قلتي. كانت بحاجة لهيك كلام وهيك تشجيع وما شافت حالا الا ارتمت بأحضانه وصارت تبكي بصوت حرق البه لجبر... ضمها بقوة وحزن كبير بلشنا رومنسية 😂😂

العضوة: 743708 , 6 years ago

:...... ابكي ماريا ازا بترتاحي هيك ابكي وارمي تقل اللي صار عليي وحياتك غير كون الك السند والكتف القوي والصديق الوفي. بعدت عنه شوي ومسحت دموعها :........ شكرا كتير الك بس انا فيي كمل لحالي مابدي منك شي روح من هون ازا سمحت. جبر :...... ليش ماريا. ماريا بعصبية :..... مو عرفت بكل شي خلص روح من هون ومابقى تأرجيني وجهك. جبر : بس فهميني ليش..... مابدي غير ادعمك ووقف حدك. ماريا بأصرار :...... كتر خيرك مابدي منك شي...... روح ولبقى تخليني شوفك....... اللي بدو يتدخل بخصوصياتي من دون استأزان او بدون مااطلبه انا هاد مابيلزمني سندو لأنك بكره بتتعود تتدخل بكل كبيرة وصغيرة بحياتي وهالشي مو من حقك.... لهيك روح من هون واطلع من حياتي. جبر : بس..... عصبت اكتر ودفشته لبرا الشاليه وهي عم تبكي :..... اطلاااااع اطلاااع...... وازا بدك روح وخبر اهلي شو ناطر. حط ايدو عجرحه انوجع من ضرباتها انتبه وانتبهت انو جرحه عم ينزف وقميصه تعبى دم. قربت منه بخوف :....... انت....... انت عم تنزف. اطلع فيها بقهر :.... وانا مابدي منك شي ماتقربي مني. تركها وراح وهي واقفة مكانها عم تتطلع فيه لحتى اختفى من قدامها. دخلت عالشاليه وصارت تكسر كل شي قدامها وتبكي بصوت عالي..... ماريا : ليييييسش ليش ياربي ليش..... بعد ماحسيتك شي تاني بتجي هلا وبتصدمني فيك..... ماكان بدي حدا يعرف ولا حتى انت ياجبر....... انت بالزات ماكان بدي اياك تعرف اااااااااه ليش كل شي عم يجي معي عكس.. كل ماقول هانت بترجع بتعكس الامور ضدي. اما جبر فراح من عندها مقهور عليها صحي زعل منها وعردة فعلها لكن عزرها بنفس الوقت وقال ازا اهلها ماخبرتهن بدها تخبرو اله وحس انو هالشي خاص فيها ومابحقله يعرف غصب عنها لكن هو ماقصد او اتعمد يعرف اللي صار مجرد صدفة....

العضوة: 743708 , 6 years ago

ومن فورو راح للمشفى وجن الدكتور وقت شاف جرحه عم ينزف.... الدكتور : كيف هيك جرحك انفتأ بعد ما بلش يلحم. جبر : خبطت بالسيارة بالرصيف واجى الدركسيون بصدري. الدكتور : بس مافي اثار كدمات للدركسيون هي مو ضربة عادية متخانق مع حدا. جبر : لا لا ابدا بس متل ماقلتلك صار. عالجله جرحه ورجع لبيته.. استقبلته مرت ابوه :.... اهلين جبر كيف صرت. جبر : مو طايق حالي خالتي.... شو بدك. مرت ابوه : شو باك معصب طول بالك بدي قلك انو جاية اختي ووجوزها وبنتها ليشقو عليك وعطوني موعد المسا بكونو هون. جبر بعصبية : استقبليهن لحالك لأنو خلاقي ديقة اليوم ومو طاسس قدامي اختصروني اليوم شو فهمتي اختصروني كلكن ومابدي شوف حدا او استقبل حدا.... هاد بيتك استقبلي فيه ضيوفك انتي. تركها وراح لغرفته. مرت ابوه : يوووو ليه هيك معصب والله والله بخاف منه اكتر من جوزي المرحوم...... ان شاء الله بتبقى حداه لأبوك بركي برتاح منك. قعد بغرفته مخنوق من تصرفها مصدوم منها، كان بيعرف بجوز تتدايق لكن ماخطرلو تتصرف بهالوحشية معه.. عم يحكي مع حاله ( مابعرف اعزرك عتصرفك والا اخد عخاطري منك....... المشكلة انو صرت حسها جزء من يومي لازم تخطر ببالي وفكر فيها، بحس لازم اسمع صوتا ازا ماقدرت شوفا.... شو اسمه هاد فضول اتدخل بحياتا والا...... والاااااا اعجاب فيها والا شو ياجبر شوووو). المسا فاقت وهي مرتاحة شوي قعدت عالشط مرة تانية وصارت تفكر ليه هيك عملت ياترى اتسرعت بالحكم عليه والا كان لازم تعامله بهالطريقة ليحرم يتدخل بحياتا مرة تانية... ماريا :.... سامحني ياجبر ماكان قصدي أئزيك وافتح جرحك من جديد بسسسس.....بس انا هيك طبعي مابحب حدا يتدخل فيي او يفرض عليي شو اعمل ومابحب حدا يعرف بشي خاص فيي وخصوصي هيك قصة..... حست بالندم باللي عملته لكن بعد شو بعد ما خسرت ايد انمدتلا لتساعدها تتخطى اللي رح يجيها.

العضوة: 743708 , 6 years ago

تاني يوم رجعت ماريا للبيت وراحت للشركة كان كل املها جبر مايرد عليها وترجع تشوفه او تسمع صوته او خبر عنه..... انتظرت كل فترة الدوام و مااستفادت شي.. بالبيت... ابو مهدي :.... ماريا بابا حابب روح زور جبر ببيته وبدي منك تروحي معي شو رأيك. تفاجأت بطلب ابوها :.... انااااا ليش لروح معك ازا بدك اتصل فيه واتطمن عليه ليه لتروح انت تعبان وهو مااجى وزارك ولا مرة. ابو مهدي : انا وابوه لجبر كنا رفقات كتير وبهمني اعرف اخبارو هو واخته وشو عاملين مع مرت ابوه. تركت الكتاب من ايدها وقعدت حد ابوها... ماريا : ليش جبر عايش مع مرت ابوه. ابو مهدي : قصدك مرت ابوه اللي عايشة معه..... حاولت كتير تفرق بينهن هو واخته وبين ابوه لكن ماقدرت عأبوه لجبر كانت شخصيته قوية وجبر آخد هالشخصية منه......لكن يابابا في شغلات انتي مابتعرفي فيها.... جبر كتير اتصل فيي وسأل عني وكان يجيني عالمشفى لما كنت اتعب واجاني عالبيت كزا مرة بس انتي ماكنتي تشوفيه. ماريا : مابتزكر انو فات بيتنا. ابوها : امبلى واسألي امك بتقلك... المهم بتروحي معي؟ مالها عين تشوفه بعد اللي عملته معه :...... لا بابا اعزرني مصدعة كتير وكنت رح نام بكير الليلة. ابوها : ب

العضوة: 743708 , 6 years ago

س بكرة الجمعة اسهري ونامي متأخر مافي مشكلة. ماريا :..... مافيي كتير مصدعة ازا بدك خلي حدا يوصلك او اتصل فيه مو ضروري تروح. ابوها : متل مابدك خلص ارتاحي انتي وانا بروح لحالي. ببيت الغانم...... تفاجأ جبر بزيارة ابو مهدي وكان حابب يشوف ماريا معه. وقت نزل وشافو لحاله اتدايق كتير... جبر : اهلا عمي شرفتنا والله بعد زمان عن هالزيارة يعني مابتزورني الا لأني مرضت بس. ابو مهدي : اااااخ ياابني اولا حمدالله عسلامتك وتانيا انت شايف صحتي صايرة عقدي وعالعكازة يعني مافيي بدونها. جبر : الله يعطيك الصحة لكن كيف اجيت. ابو مهدي : خليت بنتي توصلني وخبرتا ترجعلي وقت دقلا. كان عندو امل تكون ماريا اللي وصلته وقال هيك بيقدر يشوفا لما بتجي تاخدو. جبر : مين من بناتك. ابو مهدي : بنتي سوار هي اللي جابتني. خابت آماله لجبر وكمل زيارته مع ابومهدي طبيعي ونزلت جنات وسلمت عليه وقعد حصة صغيرة وبعدا اتصل بسوار. ابو مهدي :..... شو يابدرية وينا سوار. بدرية : اجى خطيبا ياسيدي وطلعو يتعشوا برا... ازا بدك حاكيها تمرق تاخدك. ابو مهدي : لا مو حلوة خليها مبسوطة....... بس انا كيف بدي ارجع. اشرلو جبر بأيدو انو انا بوصلك لكن ابو مهدي رفض. بدرية : بتحب شوفلك الانسة ماريا ازا فايقة. ابو مهدي :.... مابظن قالتلي مصدعة ورح تنام بس شوفيا بركي لساتا فايقة. ببيت ابو مهدي..... فتحت ماريا الباب : خير خالة بدرية في شي. بدرية : سيدي ابو مهدي بدو يرجع عالبيت والانسة سوار راحت مع خطيبا لتتعشى برا ومافي حدا يجيبو وقلي ازا ماريا فايقة خليها تجي وتاخدني..... بقى شو قله. ماكان فيا ترفض لابوها هيك شي وبنفس الوقت ماحبت تشوف جبر وتحط عينها بعينه وتمنت انو ما يصير هاللقاء ابدا.. #يتبع

العضوة: 743708 , 6 years ago

بنات الروايه كانو منقصين جزء راح انشروا اخر شي ماشي الجزء السادس عشر #الجزء_السابع _عشر الساعة ستة كانت عباب الكوخ... دقت الباب فتحلا النادل وطلب منها تدخل وراح وسكر الباب وراه..... اول مادخلت انتبهت انو الكوخ مزيّن زينة عادية مو زينة عيد ميلاد بس لاحظت كمية الورد الكتيرة اللي عالأرض وعجوانب الكوخ والطاولة المزينة بالشموع والأكلات الطيبة..... بس مافي جاتو او حلويات او اي شي بيوحي انو هاد عيد ميلاد... وقالت بحالا بجوز لأنه كبير بالعمر ماحب يتصرف متل الصغار.... واقفة مكانها عأمل تشوف حدا او تسمع صوت لكن ابدا المكان هادي كتير....وتوقعت انها اول حدا بيوصل بس هيي جاية عالموعد تمام... مشت ناح الشباك لتشوف ازا في حدا جاي ماشافت حالا الا لزقت بالحيط وانفاسه قريبة منها وضاممها من خصرها بشكل رهيب.... ارتعبت وصرخت وحط ايدو عتمها وراسو داحشو برقبتها ... ماريا ماكانت شايفة مين ماسكها هيك:...... اممممممم........ اممممممم. جبر :..... اهدي ماتخافي. بحلقت عيونها لما سمعت صوته :.... 😳😳 جبر : روقي وماتخافي هاد انااا. قام ايدو عن تمها بهدوء... زعقت فيه :.... انت مجنون.... كنت رح تموتني رعبة. جبر : سلامة البك من الموت..... حبيت فاجئك. ماريا عم تدفشو عنها : بعد عني..... اتركني انت شو جابك لهون. جبر :... كيف شو جابني لهون ازا انا مااجيت وشفت هالوجه الملائكي مين رح يجي.... او مين بدي شوف. ماريا : روح شوف خطيبتك والا قلك هيي وينا بعد عني مو حلوة تجي وتشوفك بهالوضع. جبر عم يحكي وانفاسه عم تلفح رقبتها :...... مارح تجي نحنا لحالنا هون بهالمكان. بعدين دارتلا القصة :..... ليكون بطاقة الدعوة هي مو من..... جبر عم يبتسم : اي مو من....... مني انا لكن كيف بدي جيبك لهون ماكنتي رح تقبلي لو عرفتي انو الدعوة مني ماهيك. كزت عسنانا بقهر وهي عم تفلت حالا منه: اي اكيد مارح اقبل بعد عني...... خليتني اجل موعدي عند الدكتور لبكرا مشان اجي لحفلة ضراب السخن وبالاخر بتطلع كزبة منك.

العضوة: 743708 , 6 years ago

رفع دقنها بطرف اصبعه لتلتقي عيونهن..... جبر بهمس :.... ويتأجل الموعد لبكرا شو رح يصير يعني...... المهم انك معي هلأ وبين ايدي. داخت بين ايديه وهو عم يحكي بهمس وريحة عطرو دوختها اكتر خلتا تنسى لشو جاية ووين هي وليه معصبة وكل اللي مركزة فيه بس عيونه الشهل..... وقت شافا هديت هيك كمل كلامه :.... ليه كنتي كتير حلوة يوم عرس اختك...... سحرتيني.... سلبتي عقلي كنت حابب اخطفك واهرب فيكي لمكان بعيد ماحدا يعرف نحنا وين. عم تتنفس بسرعة ماعم تلحق عليه بالكلام.... جبر :...... شو وين صرتي وصلتي معي للمكان اللي رحنالو.... هربت فيكي بخيالي واحلامي لمكان مافي عيون تلحقنا كمشتك متل هيك وضميتك لصدري واتجرأت وقلتلك شي مابعرف ازا رح تقبليه مني او رح تزعلي... ماريا :........ جبر بهمس وصوت رومنسي :..... قلتلك........ قلتلك...... بحبببببببببك. زادت حدة عيونا وقت قلا هيك.... جبر : بحبك..... بحبك.... بعشقك بجن فيكي وقت تنفعلي ووقت تعصبي..... بتعرفي ليش...... لاني بحب شوفك بكل حالاتك مشان اتعرف عليكي اكتر واعرفك اكتر. ماريا ماعم يطلع معها الحكي :........ و...... وووو..... وخطيبتك. جبر عم يضحك :..... مافي خطيبة يامجنونة انا عملت هالحيلة وخليت الكلام يوصلك لأكشف حقيقة مشاعرك ناحي.... ههههههه وقدرت استفزك وخليتك تبعتيلي الرسالة مبارح وقصدا طنشتك للاقي جواب يعجيني ويرضيني ويخليني فجّر بركان مشاعري تجاهك. ماريا :........ يعني.. انت ماخطبت... جبر : هئا.... ماخطبت بس هلأ رح اخطب احلى وارق وانعم واظرف بنوتة الله خلقها بتعرفي شو اسما..... اسما مااااااريااااااااا. ابتسمت لارادي وخجلت :..... ومين قلك اني موافقة. قرب انفه عأنفها وحكهن ببعض وغمض عيونو : مو بكيفك..... بكيفي انا وكل شي رح يصير بكيفي انا وانتي كلك عبعضك الي وملكي ورح تنصاعي لكلامي واوامري.

العضوة: 743708 , 6 years ago

قرب انفه عأنفها وحكهن ببعض وغمض عيونو : مو بكيفك..... بكيفي انا وكل شي رح يصير بكيفي انا وانتي كلك عبعضك الي وملكي ورح تنصاعي لكلامي واوامري. ماريا :....... جبر بلا جنانك هلأ اتركني روح.... مو فاضيتلك والله. جبر : بدك تفضيلي من هلأ ورايح استحملت جنانك كتير وصار الوقت اللي تستحملي جناني وتسمع كلامي. ماريا :..... هالحكي بتحكي لغيري مو الي وانا مابدي اتزوج بدي اشتغل وبس. جبر : بس ام ولادي مابدي اياها تشتغل بدي اياها ترتاح وتقعد خانوم ببيتا وانا وكل شي بملكه تحت امرك وبس. ضحكت عليه وعأسلوبه كيف بيحكي بثقة... ماريا : اي هديك ام ولادك مو انا. بعد عن وجهها لحظة ورجع قرب اكتر من قبل : لك اي امبلى هلأ اتأكدت هي انتي ماريا..... ماريا حياتي والبي وروحي ونبض البي ومسعفتي بوقت الهزات. ضحكت عكلامه بصوت عالي خلاه يحملها ويدور فيها : ايهااااااااااا هيك بدي اسمع هالضحكة الحلوة من وقت اللي عرفتك وانا نفسي اسمعها.. نزلها وهو لسا كامشها و كأنها رح تهرب :..... ماريا....... تتزوجيني؟ سكتت شوي وبعدا قالت :...... كيف بدك تتزوج من وحدة مريضة انت الوحيد اللي بتعرف بمرضي. جبر :........ بكرة بتطلع نتيجتك الاولية و بتعرفي ازا بلش يختفي ويصغر الورم والا لساته حجمه متل ما

العضوة: 743708 , 6 years ago

هو.... وانا واياكي رح نحارب لتخفي وتتحسني. ماريا : وانت كيف عرفت بحالتي الصحية. جبر :..... مو عيب ديبك انااا..... انا مراقب وضعك الصحي من يوم اللي عرفت بمرضك ومتابع حالتك مع الدكتور نعيم وهو اللي عم يخبرني بوضعك قبل ماتعرفي انتي. ماريا :.... بس دكتوري ابن عمي عمر مو الدكتور نعيم. جبر : اي بس انا كيف بدي اعرف بوضعك اضطريت اسأل رفيقي الدكتور نعيم ويتابعلي حالتك ويخبرني اول بأول. ماريا :..... وقت قلي بابا عنك مو سهل ماكان عم يحكي من فراغ. جبر :...... حاصله بكرا بنروح سوا للمشفى وبناخد النتيجة وبعدا النا حديث اخر 😉. ماريا : بس انا لسا ماوافقت. جبر : تحصيل حاصل رأيك ماعم اطلبه منك مابتشوفيني الا داخل بالمأزون و بشحطك من شعرك وجاي اكتب الكتاب. ماريا : ماقلتلك مجنون. جبر بهمس : مجنون فيكي ياروحي. ماريا : خايفة ياجبر. جبر : من شو ياعيون جبر. ماريا : خايفة يكون الورم لساته بحجمه الأولي ويضيع تعبي بالأدوية عالفاضي. جبر : ماتتشائمي هيك مو قلك عمر انو كان عم يقل حجمه مع الأدوية كيف هلا رح يكون حجمه متل قبل ياحوبة. ماريا : تخنتا كتير ها..... شي مجنونة وشي حوبة وشي.... جبر : وشي روحي وشي عمري وشي بحبببببببك.... ليه هدول نسيتيهن يعني. ماريا : طيب ازا ضليت عوضعي هيك شو رح تعمل. جبر : وقتا لو باخدك عأحسن دكتور ويعمللك عملية المهم تتحسني بدي اتزوج بقى حاجتي عزابي وناطرك...... قلك شي الليلة جايب المأزون مارح استنى لتتحسني. ماريا : بتعملا. ضم وجهها بأيديه : بعملا وبعمل عرس كمان بدي اتجوز يلا بقى صبرت عليكي كتير. ضحكت من البا عليه : ماعم قلك مجنون

العضوة: 743708 , 6 years ago

جبر :........ مجنون بحبك. ماريا :اوعدني تبقى معي وماتمل مني. جبر : اعتبر هالحكي موافقة. ماريا :.......... ماتحرجني. جبر :... لك دخيلو الخجول شو مدوخني..... المهم حبي بكرة بنلتقي بالمشفى تمام. ماريا : متل مابدك. جبر : اي هيك من اولا اسمعي الكلام. ماريا : اي ماتسوق فيا كتير. قضت ساعة معه ماتوقعتها ابدا وهيي اللي فقدت الأمل منه وقت عرفت انو رح يتزوج قريب... ماريا بتعرف انو جبر احتل مساحة كبيرة من البها وحياتها لهيك تركته يفتك بحصون البها ه وينتهز هالمرة فرصة تانية ليتدخل بحياتها ويكون سند لألها ويعينها عمرضها. انتهى اللقاء بينهن لكن ماريا ماخبرت جبر بحقيقة مشاعرها تجاهه شو هيي وفضلت تترك مسافة بهالموضوع بينها وبينه لتشوف الوقت لقدام شو مخبيلها... تاني يوم فيقها جبر من بكير واستمتع بصوتها الحلو لأول مرة بحاكيها الصبح وطلب منها يلتقي فيها بعد ساعة بالمشفى. وصلت المشفى خايفة ومبسوطة انو رح تلتقي بجبر لكن خايفة تكون نتيجتها سلبية وتبقى وقت طويل مستمرة عالادوية اللي عملتلا اكتئاب ومشاكل نفسية ماشاركت حدا فيها الا جبر اللي كان شاهد عتقلبات مزاجها واللي كان نصيبه الأكبر من الخنايق والمشاكل معها ورغم هيك استحملها لأن بيعرف حقيقة وضعها وانو اي تصرف بيصدر منها خارج عن ارادتها.... شافها جاية من بعيد ابتسم بصورة لأول مرة بتشوفها عليه... خجلت وقت شافت عيونه عليها :.... صباحوو. جبر : لك يسعدلي صباحك ومساكي يانور عيوني. ماريا : مو وقته هالكلام نحنا بمشفى. جبر : اي لو كنا بمنفى بدي قولو محدا الو عندي. ماريا : بس بقى خلينا نروح للدكتور كل الليل وانا على اعصابي ومانمت منيح والله. جبر : وانا متلك كنتي كل الليل آسرة افكاري وبنفس الوقت قلقان عتتيجتك لأن الله يستر من مزاجك ازا لا سمح الله طلعت سلبية. حطت ايدا عألبا : لااا يوو ماترعبني اكتر دخيلك. جبر : لك شو حلوة طالعة هالدخيلك من تمك يؤبرني الخايف والمرعوب بتجنني بكل حالاتك. ماريا :.... ياربي انا بشو وانت بشو هلأ...... مشان خاطري خلينا نروح نشوف الدكتور وبعدا احكي اللي بدك اياه بس خليني اتطمن وارتاح.

العضوة: 743708 , 6 years ago

جبر : امرك ياغالي شرفي تفضلي. دخلو لعند الدكتور.... الدكتور : اهلا اهلا بالمريضة الحسناء. جبر ماعجبه الكلام.... ماريا : يعطيك العافية دكتور... الدكتور : يعافي البك مريومتي.... طمنيني كيف امورك اليوم. وقت قلا مريومتي جبر بلش يبان انزعاجه اكتر... جبر :.... دكتور فيك اتطمنا عوضع ماريا بسرعة لأنها كل الوقت عأعصابها. الدكتور : عفوا ماتعرفت عالأخ. ماريا بتسرع :..... هاد صديقي جبر الغانم مدير شركة الغانم للإستيراد والتصدير مو معقول ماسمعت فيه. الدكتور : امبلى بسمع بس مابعرفه شخصيا. جبر بلهجة بينتلو انو متدايق : وليكك تعرفت شخصيا. ماريا حست انو حيصير حدة للنقاش ازا ضلو عهالوضع. . ماريا : اي دكتور ممكن تقلي شو نتيجتي حاكم والله الليل ماعرفت طعم النوم فيه من قلقي وخوفي. الدكتور وعينه عجبر : وليه لتقلقي ياعزيزتي.... انتي متقدمة كتير بعلاجك والورم عندك خبرتك من البداية انو بلش يختفي ماهيك. ماريا : مزبوط خبرتني هالشي بس لأنه رجعتلي نفس الأعراض الاولى لهيك خايفة. الدكتور :..... طيب ماشي الحال نتيجتك هلا