العضوة: 743708 , 6 years ago

رسمت ابتسامة مصطنعة عوشها لتوحي للمندوب انها منيحة :... لا لا ابدا خلص متل مااتفقنا بكرة بأزن الله بنعمل الاجتماع عندكن بالشركة وبنتفق عكل شي. وقف المندوب ومد ايدو ليسلم عليها... كانت سابقته ومادة ايدها لكن مو شايفته.... وقتها استغرب انو شو صرلا فجأة تغير لون وشها وتغير اسلوبها حتى انو كانت مادة ايدها بمكان غير مكان ايدو. سلم عليها واعتزر وراح... رمت حالها عالكرسي بسرعة ومسكت راسها بين ايديها بوجع.... عم تحكي مع حالها (ياربيييييي لك شو هالوجع مو طبيعي، شو عم يصير معي بهاليومين وضعي مخربط كتير وماعم ركز بشي...... وشو هالسواد اللي قدامي ياربي دخيلك معقول كل هاد تعب متل ماعم يحكولي). سكرت باب المكتب عحالها وطفت الأضوية وسكرت اباجور الشبابيك بعد مااتأكدت انو الموظفين راحو فترة الغدى وانو بقيت لحالها بالمكتب. تسطحت عالسجلونة وغمضت عيونها بقوة ووجع وبعد وقت راحت بنوم عميق... **** ببيت ابو مهدي.... سوار ما حدا عم بيرد يجوز مشغوله ااو بالمك

العضوة: 743708 , 6 years ago

و بالمكتب. ام مهدي : مافي امل منها هيي هيك عطول شغل شغل وبدون راحة.....انت مو حكيت معها اليوم. ابو مهدي : امبلى حكيت ووعدتني تاخد بنصيحتنا وترتاح مابقى تجيب شغل معها عالبيت بس طلبت هالفترة مانزعجها بطلبنا هاد لان داخلة عمناقصة قوية وانا بصراحة عزرتها لاني بعرف شغل الشركة كيف بكون. ام مهدي : انا مو مرتاحة ابدا حاسسني البي انو عدم ردها وراه شي. سوار : ياماما شو بدو يكون في، انتي هيك عطول بتضلي قلقانة عليها وكأنها بنت صغيرة عفكرة ماما انا الصغيرة مو ماريا هههههه. امها : لا لا هالمرة غير البي آمطني وفي شي صاير لأختك. بالشركة..... فاقت ماريا عصوت رنة التلفون .... قامت دايخة ومو متوازنه ورفعت السماعة..... ماريا بتعب :....... الوو. سوار : وينك لك اختي هي عاشر مرة بدقلك وينك انتي. اتصنعت القوة :... اي اي كنت نايمة حبيت ريح حالي شوي بعد مااتغديت في شي صاير شي. سوار : ايواااااا نايمة يعني مارح تتغدي معنا اليوم. ماريا : لا لا تغديت منيح ماتاكلو همي..... ليكي رح يجيني ضيوف هلأ ببقى بحكي معك بعدين سلام. سوار : شفتي ياامي مو صاير عليها شي قتلتي حالك لترتاح وليكا كانت نايمة ومتغدية كمان شو بعد بدك اكتر. امها : معقول ماريا نايمة بالشغل وآكلة كمان، ماعم سدء. ابو مهدي : خلصنا ولوووو صرعتي مخنا وانتي تقليلا ترتاح وبعد مانامت وارتاحت بوقت الشغل ماعم تقتنعي. ام مهدي : اي لانه مافي بالعادة تنام بالشركة لهيك حقي استغرب. بنفس الوقت بالمكتب..... ماريا (لك شو عم يصير معي انا كنت نايمة والا بعالم تاني حاسة براسي رح ينفجر صداع غريب ودوخة وسواد قدام عيوني شو تفسير هالشي هاد). #يتبع

العضوة: 743708 , 6 years ago

الجزء الرابع ❤️ مرق بقية اليوم عخير لكن وقت خلص الدوام اضطرت ماريا تاخد معها شغل ترتب عليها وبنفس الوقت مابدها اي حدا من اهل بيتها يشوفها داخلة فيهن... وقت طلعت من باب الشركة حست بدوخة وكانت رح توقع حاولت تتماسك وتقوي حالا... واخيرا وصلت البيت سلمت عالكل قعدت معهن شوي وطلعت ترتاح. بشركة الغانم **** بقي جبر وبعض من موظفينه بالشركة لوقت متأخر عم يشتغلو... المسؤول التنفيذي : استاز جبر صار لازم تسأل عن معلومات المناقصة الجديدة.. جبر : ومين قلك اني ماعندي معلومات.... المسؤول : اي طيب وافوني فيا. المسؤول الاداري خبرو بكل معلومات المناقصة والشركات اللي داخلة بهالمنافسة. المسؤول التنفيذي : شركة المهدي داخلة...... ياعيني واخيرا رح شوف القمر. جبر : عن اي قمر عم تحكي. المسؤول : عن الانسة ماريا المهدي. رفع جبر عيونو : شو بشوف انت كمان معجب فيا. المسؤول: ليش مين غيري. جبر : الافندي اللي قاعد قدامك.... شو صارلكن انت واياه لحتى منبهرين كل هالقد فيا شو بتفرق عن بقية البنات. المسؤول : لالا استاز جبر هالقمر اللي بحكي عنه بيختلف كتيييير عن بقية البنات بس لو تفرد وشها لحتى الواحد ياخد عين عليها ويقدر يحاكيها. المسؤول معتز : اي والله كل شي فيا حلو بس لو ماكانت عطول مبوزمة واخدة الحياة بجدية اكتر. جبر : اي كملو كملو وشو بعدين... معتز : هههههههه ماتواخزنا استاز بس معه حق الاستاز نزار هيي فعلا قمر ومابتشبه حدا. المسؤول : وانت كمان عندك نفس الرأي ههههه. معتز : اي اكيد شفتا كزا مرة. نزار : هات احكيلي وين التقيت فيا وشو بتعرف عنا. جبر حاطط ايدو عخدو وصافن فيهن. معتز : شفتا مرتين.... مرة بمصنع الألبسة ومرة بمعمل الألبان لشركة المدائن.... لكن شو صوت عليها متل الحساسين ماشفت شخصية قوية متل شخصيتا مشيتا متل عارضات الازياء طولا وجسما متناسقين مع بعض، اااخ بس لو تفرد خلقتا شوي باللي قبالها ليتجرأ الواحد ويحكي معها.

العضوة: 743708 , 6 years ago

نزار : اي والله انا ماشفتا غير من بعيد وماحاكيتا ابدا....بس لشو الحكي البنت بتفلج وللأمانة كتير راكزة واخلاقا عالية. جبر : خلصتو والا بعد بدكن تتغزلو اكتر. نزار : ههههههه ماتواخزنا استاز الظاهر انو حكينا عنها كتير ونسينا الشغل. جبر : ازا عالشغل لليوم بكفي صار لازم نرتاح لكن ازا عالحكي تبعكن فواضح كتير انو لازمكن اعادة توجيه. معتز : ههههه مو هيك بس شكله ابدينا اعجابنا فيها شوي. جبر : لا ياااا شوي قال...... مو كتير يعني عيفونا من سيرة هالبنت وركزوا بمشروع الدكتور طه اللي عرضو اليوم. معتز : حاضر استاز بتحب نحكي فيه هلأ. جبر وعم يلبس جاكيته : لأ طبعا مو اليوم بكفي شغل لليوم بكرا بنكفي. المسا ببيت ماريا....... دخلت سوار غرفة ماريا.. سوار : مساالخير، بقدر فوت. ماريا وعم تشتغل باللاب توب : ماانتي دخلتي وخلصتي فوتي. قعدت سوار حدها ومسكت اوراق كانو قدام ماريا وصارت تقلب فيهن... اخدتهن ماريا من ايدها : اتركيهن بلا ماتخربطيلي كل شي وتروحي شغلي عالفاضي... غريبة لسا لهلأ مانمتي.... والا ناطرة خطيبك يدقلك. سوار : لأ مووناطرته حاكاني من شوي وراح ينام... بس انا جيت شوفك وواحكي معك زمان ماتسايرنا..... شو رأيك. قامت ماريا النضارة عن عيونها وبحركة سريعة قفلت اللاب توب وحطته عجنب. التفتتلا : مزبوط كلامك بعرف انو من وقت ماقعدنا ولا حكينا منيح بس شوفة عينك شغلي كتير وماعم افضى حك راسي، بس شو بدك بهالحكي طمنيني شو صار معكن متى عرسك عاساس قريب مو.

العضوة: 743708 , 6 years ago

سوار : اي نهاية الشهر الجاي بأزن الله، المهم ماريا انا جاية اتطمن عليكي صاير معك شي تعبانة مثلا في شي زاعجك او مدايقك. ماريا : هههه لأ مافي شي من هالحكي ليه عم تسألي هالأسئلة. سوار : لانه ملاحظتك متغيرة من فترة ماعم شوفك منيح وماعم تاكلي منيح ولا بتقعدي معنا. ماريا : اي لانه شغلي ما عم يعطيني مجال اقعد مع حالي شوي لهيك مافيي اقعد معكن..... عموما شغلة وقت صغير ووقتا بنقدر نسافر او نروح للضيعة للمزرعة بدك الدغري صار لازمني وقت راحة اول مايخف الضغط عليي لازم ارتاحلي شوي. وهنن عم يحكو رن تلفون سوار وكان خطيبها... سوار : غريبة عاساس راح ينام. ماريا : ههههه شوفي بجوز اشتقلك. سوار : بجوز يكون حلمان فيني ههههههه لروح شوفو وانتي حاولي تنامي. قامت ماريا تعمل فنجان قهوة لتقدر تكمل شغلها ورجع تكرر معها نفس الصداع والدوخة... قعدت عالأرض وضلت مسترخية لخف الوجع شوي. قعدت عتختها ومسكت موبايلها... ماريا :.... ياربي دقلو والا لأ.... خايفة يفكر بشي تاني او اني عم اتحجج لحاكيه.... شو ساوي...... اااخ ياراسي خلص رح دقله وحاول قد مافيي بينله شو قصدي باتصالي هاد. واخيرا تشجعت ودقت الرقم... عمر : الووو. ماريا : مساالخير عمر كيفك. عمر : ياهلا وغلا والله كيفك ماريا شو اخبارك. ماريا : الحمدلله بخير طمني عنك. عمر : انا حاليا مخربط بسبب اتصالك.... شو جابني عبالك بهالوقت

العضوة: 743708 , 6 years ago

ماريا : بصراحة مابدي تحكي عني دقيتلك بس لمصلحة لكن مافي غيرك يفيدني ويشرحلي شو عم يصير معي. عمر : خير ماريا صاير معك شي احكي وماتترددي. ماريا : عمر انا جاييتك باستشارة طبية لألي. عمر : سلامات خير هاتي خبريني. ماريا : من وقت عم حس بصداع قوي كتير عم يصيبني فجأة والدنيي كلا بتقلب سواد قدامي وتشويش بالسمع يعني مابسمع بوضوح وبحس بأرهاق شديد وبعدم اتزان بالوقفة. عمر : من متى عم تحسي بهي الاعراض؟ ماريا : بالحقيقة من حوالي شهرين صرت حس بأعراض خفيفة لكن لساتا مستمرة معي وهلأ صرت حس بالاعراض اللي زكرتلك اياها من قبل...... قولك يمكن يكون تعب وارهاق بسبب الشغل. عمر : ليكي التعب والإرهاق بيعمل كتير شغلات لكن مابيعمل سواد وتشويش بالسمع. ماريا : اي صحيح وكمان غميت تقريبا هالفترة شي مرتين تلاتة وكنت غيب عن الوعي قريب الساعة او اكتر. عمر : هيك كتير ياماريا لازم وضروري تجيني بكرة الصبح عالمشفى. ماريا : شووو لشو المشفى انا قلت رح تشخصلي حالتي هلأ وتقلي شو لازم اخد واعمل. عمر : مافيي شخصلك وضعك بهيك اعراض ازا ماشفتك وفحصتك فحص دقيق مع بعض التحاليل المخبرية والشعاعية. ماريا : اوف اوف ولشو هاد كله مابظن الموضوع حرزان ياعمر انا بقول بجوز لاني ماارتحت من وقت طويل يمكن يكون هاد السبب. عمر : لا تفتي من عندك انتي الدكتور لما انا.... متل مابقلك ماريا ضروري كتير تزوريني بكرة بالمشفى والا بخبر عمي انك تعبانة. ماريا : لا لا شو تخبر عمك اوعك ياعمر خلي هالموضوع خاص بينا الله يخليك مابدي اشغلهن عالفاضي بكرة بحاسبوني انو عم تهملي حالك وماعم تستريحي ومن هالحكي يكفيني اللي بسمعه منهن.

العضوة: 743708 , 6 years ago

عمر : ولا يهمك ازا مابدك مابخبرهن بس متل ماقلتلك لازم لازم تجيني بكرة الصبح عالمشفى تعي صايمة حتى عن المي لوقت تخلصي التحاليل ماشي. ماريا : مع انه عندي شغل كتير بس ماشي الحال رح حاول اجي. عمر : مو تحاولي لازم تجي صحتك اهم من الشغل اصلا ازا كنتي تعبانة كيف رح تكفي شغلك. ماريا : خلص ماشي الحال رح اجيك بكرة بكير اي ساعة بتكون موجود. عمر : تعي عالتمانة. ماريا : بأزن الله..... خليني لكن نام شوي بلكي بيخف هالصداع شوي..... تصبح عخير. عمر : الله معك. بقي عمر كل الليل مشغول باله بسبب الاعراض اللي عند ماريا وتقريبا قدر يشخص حالتها مبدئيا لكن ماحب يستعجل او يقلها ويشغل بالها اكتر. صباح تاني يوم فاقت ماريا مرتاحة لكن الدوخة مافارقتها ابدا وضلت ملازمتها لوقت وصلت المشفى عند عمر... دخلت المشفى وسألت عنه ودخلتها الممرضة اول ماعرفت اسمها. ماريا : صباح الخير. قام عمر وعيونه علقانة عليها : ياصباح الورد والياسمين كيفك كيف صرتي اليوم. ماريا : الحمدلله احسن بس الدوخة ماعم تفارقني ابدا. عمر : ولا يهمك هلأ عالفحص بنشوف شو مشكلتك. عمللها كل التحاليل المخبرية وتصوير رنين مغناطيسي للدماغ وخبرها انو التحاليل والصورة بدهن وقت لتطلع نتيجتهن. ماريا : يعني متى بتطلع النتائج. عمر : بكرة بأزن الله بس قولي ان شاء الله مانحتاج تحاليل تانية. ماريا : لا دخيلك بكفي لليوم راح نص نهاري وانا هون وتاركه الشركة للموظفين والسكرتيرة. عمر : كنت حابب اعزمك عالفطور بماانك صرتي واصلة لهون. ماريا بخجل : غير مرة تأخرت كتير وصار لازم روح ابقى خبرني وقت تطلع نتيجة اىتحاليل والصورة اوك. عمر : بأزن الله عطول بخبرك وبتجي.

العضوة: 743708 , 6 years ago

بعض من تحاليلها طلعت بنفس اليوم لكن ماحب عمر يخبرها وفضل يشوفهن بالأول ليتأكد من شكوكو وطلع عالأغلب اللي شخصو بالأول صح ومتل ماتوقع.....لكن بيبقى بعض التحاليل والصورة. وصلت الشركة وكملت بقية نهارها عادي.... المسا وقت رجعت عالبيت اتصلت بعمر وحاولت تعرف منه ازا طلع نتيجة اي فحص ومارضي يعترفلها بأي شي لتجي تاني يوم ويخبرها بكل شي. تاني يوم من بكير راحت للمشفى والتقت بعمر وحست عليه انو مو طبيعي. ماريا : خير عمر باك شي صاير شي. عمر : اقعدي شوي بدي احكي معك. ماريا : خير تحاليلي طلعت نتيجتهن؟ عمر : اي طلعت.... ليكي انا بعرفك بنت قوية وعاقلة وحكيمة ومابتعطي الامور اكتر من حجمها لكن اللي بدي قلك اياه لازم تفهمي منيح وتحاولي ماتنفعلي او تتدايقي لانه ممكن تأذي حالك لو انفعلتي وهالشي مو من مصلحتك ويمكن يأثر عصحتك بطريقة عكسية. ماريا : عمر احكي شوفي شغلت بالي. عمر :......... ماريا انا من وقت خبرتيني من يومين بالاعراض االلي عندك كنت شاكك بنسبة 50 بالمية وتأكدت شكوكي وقت طلعت النتيجة والصورة...... تعي معي لأرجيكي الصورة. قامت معه وارجاها صورة الرنين وخبرها بمكان الوجع اللي بتشعر فيه.... ماريا : اي وشو يعني هيك. عمر :..... الواضح بالصورة انو عندك..... ماريا : عندي شو احكي. عمر : عندك ورم صغير عالمخ وهالشي كان سبب الاعراض اللي عندك.... لكن ماتخافي كان واضح بالتحاليل انو هالورم حميد يعني فينا نعالجه قبل ليكبر. ماريا : ورم......

العضوة: 743708 , 6 years ago

.. سرطان... ههه انت عم تحكي جد. عمر : ماريا روقي وماتقلقي قلتلك انو الورم عندك حميد مو خبيث. ماريا : اي الورم ورم شو ماكان. عمر : لأ الاورام بتختلف. #يتبع الجزء الخامس ❤️ ماريا : اي بس الورم بضل شي مو عادي ويمكن يكوم خطير احيانا. عمر : مين قلك هالحكي الورم بكون خطير وقت يكون خبيث ومنتشر بس انتي اللي عندك صغير وعخلايا المخ يعني سهل علاجه. ماريا بقلق : يعني رح بحتاج لعملية؟ عمر : لا مو بالضرورة رح بعطيكي ادوية بس بجوز تتعبي منها شوي والها مضاعفات لكن اهون من العملية والاستئصال..... في ادوية بتعالج الاورام الحميدة وممكن ماتحتاجي لعملية او كيماوي او شعاعي. دمعت عيونا بهدوء :..... في احتمالية تزيد حالتي او تتطور؟ قرب منها ومسكها من ايدها بحنية واضحة عليه بماانو بحبها وتقدملها من قبل... عمر : بأزن الله ماحيصير هالشي طول ماانتي املك بربنا كبير مارح تزيد حالتك لكن ياماريا ازا بتهملي صحتك او مابتاخدي ادويتك بانتظام رح تسوء حالتك او بجوز اتضل مستقرة ازا مااتطورت، مشان هيك بقلك لازم تاخدي الادوية اللي رح اكتبلك عليها وتبعدي عن شغلات كمان رح فهمك اياها. ماريا : عمر ماتخبي علي حالتي خطيرة شي احكيني انت قلتلي اني قوية وانا فيي اتجاوز هالشي سدقني. عمر : انا مسدقك لكن بدي منك تسدقيني انتي كمان انو انا بخاف عليكي اكتر من حالك ولما بقلك حالتك مو صعبة بماانو اكتشفنا الورم بأوله وانو حميد بتكون انحلت تلات ارباع المشكلة لكن الحل الأكبر والاولي ثقتك بربنا انو رح يشفيكي من هالمرض وثقتك فيي انو بدي مصلحتك قبل كل شي واهم شي معنوياتك تكون عالية لانه ازا بتضعفي بتعطي فرصة للمرض ياخد من جسمك قوة ورح تنهاري من اول الطريق. ماريا : انا بثق فيك وبعرف انك ماحتكزب عليي لهيك رح اتعالج تحت إشرافك لكن بدي منك شغلة. عمر : بعرف مارح خبر حدا بشي وخاصة عمي ومرت عمي لاني بعرف قديه بيقلقو عليكي وانتي بشغلك فكيف ازا كنتي مريضة..... ماتعتلي هم ماحدا رح يعرف وهاد وعد. ابتسمتلو من وسط دموعها.. : شكرا كتير انك تفهمتني، متى بتحب نبلش بالعلاج. عمر : من اليوم طبعا... رح اكتبلك عالادوية وبدك تلتزمي فيهن بس ماتخافي ازا حسيتي بأعراض غريبة بتكون من الأدوية استحملي هالاعراض لنحقق نتيجة مبهرة باىنهاية تمام.

العضوة: 743708 , 6 years ago

ماريا : تمام.....يارب. راحت للشركة وهي منهارة من فكرة انو كل هاللي كان عم يصرلا ويتهيألا كلا انو تعبها من الشغل والسهر،بالنهاية طلع كلو غلط وانو الورم ورا كل شي عم يصير معها.... لاحظ الكل عليها انها هادية ومو عطبيعتها وكان واضح التعب والشحوب عليها. وصلها برقية دعوة للشركة اللي منزلة المناقصة بوجوب حضورها يوم الخميس مع بقية المقدمين عالمناقصة. ماريا :...... يوم الخميس يعني بعد تلات ايام.... ان شاء الله ماكون تعبانة ولا يبان عليي شي. بلشت ماريا تاخد علاجها وكانت تحس بآثار الادوية عصحتها شي تتعب وتستفرغ واتدوخ وتدبل.. يوم الاربعاء المسا كانت قاعدة بغرفتها عم تشتغل مع انها تعبانة بعدا تركت كل شي من ايدا لترتاح لانه عندا تاني يوم موعد مع شركة المناقصة ولازم تروح مرتاحة ورايقة. قعدت بالبلكونة لتشم هوا نضيف وصارت تفكر بصوت عالي... (مابصير اضعف ومابصير مرض متل هاد يهدني عمر قال انو المرض لساتو بأوله وسهل علاجه يعني مافي شي بيستدعي الخوف والقلق......... انتي قوية ياماريا ولازم تتخطي هيك عقبة لازم تتحدي هالمرض وتثبتي لحالك ولدنيي كلا انو مافي شي بيهزك الا بقدرة رب العالمين وانا ياربي متوكلة عليك وعندي امل انو رح اتعافى من هالمرض، ومالازم خلي حدا يحس او يعرف بقصتي لازم عطول ضل قدامهن ماريا القوية اللي فيها تعمل كل شي وفيها اتدير الشركة متل قبل واحسن كمان...... بعدين مالازم انسى انو عمر قلي انو النفسية والمعنوية العالية اول طريق للعلاج وهاد اللي رح يصير شوية ادوية مارح خليهن كمان يضعفوني ويرموني بالفرشة) صحيت تاني يوم متنشطة كتير ومتفائلة لبست فستان احمر حفر وسشورت شعرا بطريقة حلوة وحطت ميك اب خفيف ونزلت لتحت. ضمت امها وباست خدها بقوة : صباحو عسل يااحلى ام. امها مستغربة : يسعد صباحك ياعيون امك، شو شايفك متنشطة اليوم ومروقة ان شاء الله خير. ماريا : اي والله خير الحمدلله اليوم رح روح الضهر للشركة صاحبة المناقصة بعتولي دعوة الي ولكل المشاركين فيها ولازم روح وانا متفائلة لحتى ارجع مبسوطة والا شو رأيك. امها

العضوة: 743708 , 6 years ago

ضمت امها وباست خدها بقوة : صباحو عسل يااحلى ام. امها مستغربة : يسعد صباحك ياعيون امك، شو شايفك متنشطة اليوم ومروقة ان شاء الله خير. ماريا : اي والله خير الحمدلله اليوم رح روح الضهر للشركة صاحبة المناقصة بعتولي دعوة الي ولكل المشاركين فيها ولازم روح وانا متفائلة لحتى ارجع مبسوطة والا شو رأيك. امها : امبلى ياروحي الله يوفقك ويحميكي ويبعد عنك الأزى. ماريا : امين يارب..... شو وينو بابا. امها :... طلع عالمزرعة من بكير. ماريا : طيب ماشي صار لازم روح تأخرت كتير بدك شي. امها : موفقة ياالبي. * بشركة الغانم........ المسؤول نزار : اي استاز جبر جاهز للاجتماع. جبر عم يلبس جاكيتو : طبعا جاهز انت روح وحضرلي الملف اللي طلبته منك. نزار : حاضر. ** بشركة المهدي.... ماريا تعبت كتير بعد مااخدت الادوية تسطحت بالمكتب لوقت وبعدا راحت بنومة.

العضوة: 743708 , 6 years ago

بعد وقت دخلت عليها السكرتيرة وفيقتا.. السكرتيرة :.... انسة ماريا ياانسة ماريا صار موعد الاجتماع ماحتروحي. فاقت تعبانة ودايخة : ليه قديه الساعة هلأ؟. السكرتيرة : صارت 12 الا عشرة مابقى في وقت. جنت ماريا وقامت بسرعة : لك ليه مافيقتيني من قبل مابدي اتأخر عالموعد. السكرتيرة :..... انا مابعرف انك نايمة تفاجأت وقت دخلت عليكي ولقيتك نايمة مو من عادتك اصلا تنامي هون. دخلت التواليت زبطت شعرا والميك اب واخدت شنتايتا وراحت. وهي بالطريق كانت تحس بلعية نفس وانو حتستفرغ بس قدرت تقاوم لوصلت الشركة. بشركة الأصيل..... كان الكل موجود الا ماريا اللي لسا ماوصلت.. مدير الشركة :.... رح نبلش الاجتماع وازا مااجت الانسة ماريا رح ارفض طلبها للمناقصة وطالعها منها. جبر قاعد :..... اي شو عالمديرة الشركة اللي بتتأخر عن مواعيدها. مدير شركة المدائن : لأ يااستاز جبر اكيد صاير معها شي والا الآنسة ماريا مابتتأخر ابدا ومواعيدها بالثانية. وهنن عم يحكو دخلت السكرتيرة :... استاز موفق الآنسة ماريا وصلت. مدير الشركة : خليها تتفضل. دخلت ماريا محرجة من تأخيرها.. ماريا : مرحبا..... بعتزر كتير عالتأخير انا اسفة كتير. مدير الشركة : اهلا انسة ماريا مافي بالعادة تتأخري شو صاير هالمرة. ماريا : بعتزر كتير استاز موفق بس بصراحة كنت متوعكة صحيا وتعبت قبل لأجي بكرر اعتزاري، ان شاء الله مايكون فاتني شي. بهالوقت اتدخل جبر وهو عم يلعب بقلمه وعينو قدامه :.... مو حلو يااستاز موفق نحنا هون موقفين الاجتماع كرمال ناس مابتحترم مواعيدها. اتطلعت ماريا فيه وهي عم تقعد قباله :.... بظن يا حضرة انو قدمت اعتزاري اكتر من مرة وقلت وشرحت انو كنت متوعكة وانا مو من طبعي اتأخر عمواعيدي ابدا ومابكزب ، لهيك اللي مو عاجبه انو الاجتماع تأخر بسببي فيو ينسحب طبعا كلامي مو موجه للكل وكل واحد بيعرف حاله. وقتا رفع عينه فيها وشاف قدامه القمر اللي حكو عنه معتز ونزار وتزكر كلامهن عنها وعن جمالها ومانسي زكرهن لقوة شخصيتها واكبر دليل ردها عليه. جبر بضيق :..... انا مو قاعد بشركتك ياخانوم ولا بضيافتك وازا انزعجتي من كلامي فيكي انتي تنسحبي.

العضوة: 743708 , 6 years ago

ماريا :.... عندي مقولة عطول بعتمدا بتقول قلة الرد رد لهيك مارح رد عليك..... التفتت لمدير الشركة : فينا نبلش استاز. انغاظ جبر من اسلوبها وبرود اعصابها... مدير الشركة :.... لو سمحتو اهدو شوي وماصار شي لو تأخر الاجتماع خمس دقايق او عشرة لاني بعرف الانسة ماريا مو من النوعية اللي مابتحترم المواعيد والا لو حدا تاني غيرها ماكنت بقبل تدخل الاجتماع ابدا. كبرت وقتا ماريا لما شهدلها مدير الشركة واتطلعت بجبر بطرف عينها وابتسامة نصر عوشها. بلش الاجتماع وتناقشو فيه وحكت ماريا واتناقشت معهن باسلوبها الراقي المقنع وجبر حكى كمان ومانكرت اعجابها بأسلوبو وبكم المعلومات والثقافة اللي عندو.... وبعد ساعة انتهى الاجتماع عخير..... لكن كان كل ماحكت ماريا يتطلع فيها جبر ويزورها ووقت يحكي جبر تتطلع عليه ماريا بفوقية وكأنهن اعداء.... من هون رح تبلش قصة ماريا مع جبر يلا معي لنشوف بحكايتنا شو رح يصير وشو رح يتغير ومعقول رح يضلو هيك ناقر ونقير والا رح تنقلب الموازين وكيف...... وقت خلص الاجتماع قامت ماريا وسلمت عأغلب المشاركين لانها بتعرفهن لكن ماسلمت عجبر ولا راحت صوبو.. وقت وصلت عند الباب حب جبر يسمعها كم كلمة ليقهرها.. جبر : استاز موفق ياريت مرة تانية ازا صار اجتماعات تانية عندك او عند غيرك تأخرو الاجتماع عشر دقايق زيادة بلكي في ناس حبت تتأخر شوي وبلكي قدرت تقنعنا بحجة اقوى من الوعكة الصحية. ماريا فهمت عليه :....... كلامك مردود عليك ماني مضطرة جاوبك واقنعك باللي قلته وياريت مرة تانية ازا عندك شي بدك توصللي اياه توجهه مباشرة لألي وتحط عينك بعيني احسن مانك حاطط راسك بالاوراق اللي قدامك بلا مايفهمو انو القصد عليهن.... بالأزن. جن جبر من جوابها وماتوقعها هيك فكر انو نزار ومعتز عم يبالغو كتير بخصوصها... المدير موفق : ههههههههه شو قوية هالبنت، ماصار الا جاكرتا ياجبر قلتلك من قبل البنت زكية ولماحة مارديت عليي لوصلك الرد لعندك. جبر عم يتوعد : شو عليه الا مايجيها يوم وتترجاني سامحا عاللي قالته.

العضوة: 743708 , 6 years ago

الجزء السادس ❤️ طلعت ماريا من الشركة وهي صحيح متدايقة من كلامه واسلوبه وتدخله لجبر، لكن بنفس الوقت كانت مبسوطة انو قدرت تشوف ملامح الغضب على وجهه. وهي بالسيارة بطريقها للشركة اجاها اتصال من عمر.... حطت السماعه بأدنها وردت عليه : الوو. عمر : كيفك ياحلوة طمنيني عنك. ماريا : هلا عمر الحمدلله.... اااااخ مابعرف شو بدي قلك مخنوقة والا مبسوطة.... شو بتحب قلك. عمر : خير من شو مخنوقة من الأدوية يعني. ماريا : لأ مو من الأدوية رغم انها عم تعمللي كآبة ومضاعفات وتعب كتير لكن مو هيي السبب. عمر : لكن شو القصة. ماريا : ليك انا بطريقي للشركة وسايقة

العضوة: 743708 , 6 years ago

هلأ يعني مافيي احكي منيح بس اوصل بدقلك. عمر : مافي داعي اتدقيلي انا عندك بالمكتب ناطرك. ماريا : والله خير في شي. عمر : لأ بس حابب اتطمن عمريضتي في مشكلة. ماريا : هههههه لا ابدا يلا شي خمس دقايق وبوصل سلام. بعد شوي وصلت وخبرتا السكرتيرة انو ابن عمها ناطرها بالمكتب وطلبت منها ماريا فنجانين قهوة. ماريا : ياهلا عمر كيفك. مد ايدو وسلم عليها وعيونه عم تغزل كلام عشق وغرام.. عمر : هلا ياالبي كيفك. خجلت وقت قلا هيك وعملت حالا ماسمعت... عمر : كيف وضعك مع الأدوية عم تاخديهن بانتظام. ماريا : اي والله رغم انو كتير بتعب بسببهن واهلي كل فكرهن وقت يشوفوني تعبانة بفكرو انو ارهاق من الشغل ااااااخ ياعمر بيحترق دمي وقت شوفهن كيف خايفين عليي وانا مافيي قلهن عمرضي صعب مافيي اأزيهن بوجعهن بقهرهن ازا رح خبرهن وانا مابدي يصيرلهن شي...... المهم طمني عنك. عمر : طول ماانتي منيحة انا منيح، اي هاتي خبريني من شو كنتي متدايقة وانتي عم تحكيني من شوي. ماريا : اي ياسيدي انعرضت عليي مناقصة من شركة الأصيل وهالشركة معروفة واسمها اشهر من نار على علم عطول بتعمل عروض ومناقصات ومن هالقصص المهم دخلت بمناقصة رح بتزيد دخل الشركة اضعاف وكزا شركة داخلة بهالمناقصة...... وبعدا كملتلو ماريا شو صار وشو دار جدال بينا وبين جبر.... ماريا : وبس هاد كل شي صار شو رأيك. عمر : العمى بألبه عم تقليلو كنتي تعبانة وماخطرلو يقلك سلامتك او يسأل عن سبب تعبك شو قلة هالزوء لأ وعم يرمي كلام كمان. ماريا : اي بس سمعته كم كلمة حرقت راسه فيهن. عمر : اي بس ماتنسي ياشاطرة انو العصبية والزعل لألك مو منيح بنوب يعني لازم ماتهتمي لأي شي ولأي كلام طالع نازل طنشي ماريا وخدي بالك عصحتك اكتر. مرق كزا يوم والمناقصة عم يقرب موعدا وطار عقله لجبر لما عرف من الاستاز موفق مدير الشركة انو ماريا مابتتنازل عن اي مناقصة بتدخل فيا وانو المنافسة معا مو سهلة لدرجة انو حسس جبر انو عندك منافس قوي واكبر من اي شركة تانية.