العضوة: 743708 , 6 years ago

معكم حق قصه حلوة ولوه

العضوة: 773907 , 6 years ago

يلا كملي القصة تشوقت أعرف الباقي

العضوة: 743708 , 6 years ago

تكرمو يا عسولات 😘😘

العضوة: 743708 , 6 years ago

الجزء العاشر ❤️ خافت ماريا كتير وصارت اتدور خايفة.... جبر بصراخ :..... ولك انزلي يامجنونة شو عم تعملي انزلي لتحت او تعي لعندي لهون بسرعة اواااااام. ما ردت عليه ونزلت تحت الطاولة الكبيرة اما هو نزل تحت طاولة قزاز صغيرة قريبة من الحيط... فوق الهزة والرعبة اللي حاسين فيها انقطعت الكهربا وبلشو كل اللي بالفندق يهربو ويركضو بسرعة برات الفندق.. جبر عم ينادي : ماريا وينك..... ماريا انتي منيحة. ماريا بخوف :..... اي اي انا منيحة بس مو شايفة شي. جبر : لحظة شوي جاي لعندك انا... ااااااااأخ. ماريا : خير شو صرلك....... استاز جبر........ استاز جبر... رد عليي شو صرلك...... لك وينك انت احكي لاقدر اوصللك. جبر بصوت مخنوق وتم يتقطع :..... اناااا............ قر.. ريب من..... الش....... بااا.... ك.... ااااااااخ. حست ماريا عليه انو صايرلو شي من صوته. طولت الهزة واخدت وقت لكن واخيرا وقفت وماريا محتارة شو رح تعمل مع جبر اللي مو شايفته ولا عرفانة توصلله. صارت تناديلو : استاز جبر.... رد عليي مشان الله خليني اعرف وينك لاقدر اوصللك. جبر : اممممممم... انااا........ قر... يب من.... الش... باك. زحفت ماريا لعندو وكانت ترتطم بأشياء كتيرة قداما بسبب الهزة لوصلتله. قدرت تتحسس جسمه لكن وقت وصلت لعند وجهه سمعته عم يقلا بوجع : صدري......... صدري. حطت ايدا عصدرو وحست بشي لزج وتقيل..... قربت من الشباك لتشوف شو هالشي وقدرت تميز انو دم...... شهقت وحطت ايدا عتما.... ماريا :ولييي..... دم... من شو طيب شو وقع عليك. جبر :......... من..... الطا.... ولة هي. رجعت لعندو بصعوبة ورجعت تحسست صدرو لتشوف حجم الجرح كبير والا صغير وكان باين جرحه كبير بمقدار شبر من ايدها. ماريا بقلق : روق شوي اكيد رح يجي حدا يساعدنا..... رح جرب شعل الاضوية. قامت ووقعت اكتر من مرة وهي تحاول تشعل الاضوية وكله كان مطفي بسبب الهزة. راحت للباب كان مقفل بالكهربا كمان وبحكم الكهربا مقطوعة معناها مارح يفتح لترجع.

العضوة: 743708 , 6 years ago

راحت للشباك وكانت الناس لساتا عم تهرب وتطلع من الفندق، صارت ماريا تضرب عالشباك بكل قوتها... كانت الشبابيك كبيرة يعني اخدة مساحة واجهة كاملة باىطول والعرض وهالشبابيك مابتنفتح ابدا.. وبقيت ماريا تصرخ وتضرب عالشباك عسى حدا يلمحها اويسمع صوت صراخها لكن فضي المكان كله ومابقي غير الخراب والدمار. سمعته لسا عم يتوجع ورجعت لعندو.... ماريا عم تبكي :..... ماحدا عم يسمعنا هون والباب مقفل والشباك مسكر ومافي مين يسمعني رح جرب اتصل بالاسعاف لحظة بس. حاولت بالأرضي اكيد مافي اتصال حاولت من موبايلها مافي تغطية وبهيك فقدت ماريا اي وسيلة لتخبر اي حدا عن وضعهن بهالمكان. راحتله مرة ثانية

العضوة: 743708 , 6 years ago

.... ليك جبر اسمحلي جرب اتصل من موبايلك لان موبايلي مافيو تغطية. عطاها اياه وجربت برضه من موبايله مافي تغطية نهائيا.... صرخت مقهورة : يااربي...... مابصير يهربو ويتركونا هيك........ لازم يتزكرو انو في ناس ممكن تكون محبوسة هون. ضغطت عجرحه بالفاين وبسرعة تغرق دم وهالطريقة ماجابت نتيجة لتخفف من نزيف الدم. بقي جبر عم يتوجع كتير وهي قلقانة عليه ليقوم ينزف كتير وقتا قررت تخطي خطوة تمنت مااتضرو فيها عواض ماتعالجه. ماريا : جبر...... عم تسمعني رد عليي. جبر :.. اي....... سااامعك. ماريا : منيح كتير ليك بدي تساعدني لاقدر انقلك لتحت الشباك هونيك بالزاوية بدي داوي جرحك قبل ليصفى دمك. جبر :........ كيف. ماريا : هلأ ساعدني وبعدين بتعرف. قام بصعوبة وهيي مسندتو عكتفها لوصلو تحت الشباك. جبر بتعب : اااااااااخ...... شو.... رح تعملي...... وليه... نقل... تيني ل... هوون. ماريا : المكان عتمة ومافي ضو بنوب لهيك نقلتك لهون تحت ضي القمر لاقدر شوف جرحك واسعفك. دورت عشنتايتا ولقيتها واخيرا، كانت ماريا متعودة تحمل بشنتايتا شنتة صغيرة فيا لفات خيطان وابر صغيرة للحاجة وشنتة تانية فيا اسعافات اولية بسيطة لكن بتفيد بكل الحالات. اخدت خيط طويل ودارت عليه سبيرتو للتعقيم والابرة اضطرت تحرقها بالاول وبعدا غرقتها بالمعقم لتقدر تقوم بشغلها. ماريا : ليك جبر انا مضطرة انو خيطلك جرحك بأيدي لوقت الله يفرجها بلكي حدا قدر يلاقينا وقتا بناخدك عالمشفى وهنن بكملو معالجتك بس هلا بدك تتعاون معي وتستحمل الوجع ماشي. جبر :....... متأكدة من اللي.......ااااااخ.... رح تعمليه. ماريا بخوف : ماتوترني الله يخليك انا من دون شي مرتبكة وايدييي عم يرجفو مابعمري خيطت جرح لحدا ومافيي اتطلع اصلا بس مضطرة شو بدي ساوي هلأ بيصفى دمك ومافي غير هالحل. جبر :...... متل.... مابدك..

العضوة: 743708 , 6 years ago

حطت تحت راسه مخدة جابتها عن الكنبة وسندتو عليها.....كانت كتير قريبة منه بحد هيي ماتخيلتو بيوم من الايام. شقتله قميصه اول شي لبان عليها صدرو..... خجلت بالبداية من منظرو هيك لكن شافت جرحه كتير كبير وعميق وحاولت تتجاهل خجلها منه... ايدها عم ترجف :...... سامحني جبر ازا وجعتك اي... انت حاول تحط قميصك من الجهة النضيفة بتمك لتقدر تستحمل اي. حط القميص بتمه وبلشت بأيد خايفة تنضفله الجرح بالمعقم بالإول وخافت اكتر وقت صرخ موجوع.. ماريا : سامحني بس لازم نضف الدم وعقم الجرح قبل لخيطلك اياه... كرمالي استحمل شوي. اتطلع فيها بعيون ممنونة وعم تلمع وهز براسه انو موافق ومستعد. بلشت تحت ضي القمر اتضم الجرح عبعضه وتربط الخيوط ببعض ومع كل صرخة الم وكل غرزة تغرزها بصدرو تغمض عيونها خايفة عليه لتقوم تأذيه... ماريا : طول بالك جبر قربت خلص بس شوي. واخيرا خلصت واخر لمسة كانت تعقيم جرحه بالمطهر..... لكن انتبهت عليه انو استوى ومابقى فيه يستحمل اكتر.... رمش اكتر من مرة وغمض عيونو.. صارت تضربه عوجهه : لا جبر لا تنام خليك فايق خليك معي. فتح عيونه بتعب وصعوبة وعرقه عم يتصبب من جبينه لكن ماقدر ورجع غمض عيونه من جديد... ماريا :.... لحظة شوي لأعطيك دوا لاتنام. دورت بشنتايتا عمضاد للالتهاب وعطتو اياه غصب عنه لما فيقته وتركته بعدا يستسلم للنوم. مرق الوقت وماريا عم تروح كل شوي للشباك عأمل تلمح حدا ويشوفها لكن بلا فايدة الشارع كان متصدع كتير ومشقق والمكان خالي من الناس واصلا الفندق كان كتير بعيد بسبب الحديقة تبع الفندق اللي كانت اخدة المساحة الامامية من ارض الفندق.

العضوة: 743708 , 6 years ago

قعدت حد جبر لتشوف كيف وضعه حست عليه عم يهلوس بنومه وعم يرجف من البرد ، حطت ايدها عجبينه ولاحظت حرارته مرتفعه شلحت جاكيتها وحطته عليه ودورت على مي باردة وصارت تبلل وجهه فيها، اضطرت تفيقه لتعطي خافض حرارة من اللي بتستخدمه... بعد مااخد الدوا ورجع نام قعدت حده اتطلعت فيه وقالت بصوت عالي.... ياالله هالدنيي كيف غريبة، من شوي كنا عم نتخانق انا واياه واصواتنا تعلى وتوطى عبعض وعشو!!!!! عشركات وصفقات ومصاري وماحدا منا قبل يتنازل للتاني وضلينا معاندين بعض كل هالوقت...... مشان شو هاد كله!!! عاديته وكرهته بالبداية وهو اكيد صار معه نفس الشي مشان كل واحد فينا ياخد شي الله اعلم من نصيب مين رح يكون ههههههه وبالاخر شووووو... صار اللي صار والله اعلم ازا كنا رح نطلع من هون والا لأ....... لك عشو عم نعادي بعض ونقاتل بعض، لنفرض ماحدا فقدنا فترة طويلة بجوز نموت انا واياه هون وكله بالنهاية مشان المصاري والصفقات.... ياالله هالدنيي شو سخيفة ياجبر عم نتقاتل عصفقة انجرحت وانصبت فيها بمكان اتفاقنا وياريتنا اتفقنا هههههههه ااااااااخ بس لو نعرف شو كان رح يصير فينا من الاساس ماكنا تخانقنا عشي مو مكتوبلنا.. قريبة منه وعم تلعب بحواجبه : متفق معي بهالحكي ههههه اكيد متفق. تعبت ماريا و ركت راسها عالطاولة الصغيرة حدو لغطت عينها بالنوم، وكل شوي تفيق عصوت انين جبر. #يتبع

العضوة: 743708 , 6 years ago

تفاعلوا بنات شجعوني

العضوة: 773907 , 6 years ago

يلا يلا هنا أكيد بلشت قصة الحب

العضوة: 786697 , 6 years ago

رفع

العضوة: 786697 , 6 years ago

رفع 👍

العضوة: 786697 , 6 years ago

كمليها اني قريت نصها وبعدين دورت عليها اختفت عليا ولان الحمد لله رجعت 😘😘😘كملي متابعتك

العضوة: 743708 , 6 years ago

يالله تكرموا

العضوة: 743708 , 6 years ago

الجزء الحادي عشر ❤️ بهالأثناء كانو اهلها لماريا مشغول بالهن كتير وقت سمعو باللي صار وتوقعو ترجع ماريا بأي لحظة واهله لجبر امه واخواته نفس الشي.... ام مهدي : ياربي شو بدو يكون صاير اكتر من هيك. ابو مهدي : يابنت الناس تفائلي خير بركي مو صاير شي والبنت هربت متل هالناس لأن الكل هرب من الفندق وقت الهزة اللي صارت. ام مهدي : اي اي فهمت طيب وينا البنت ويناااااا. سوار : ماما ياحبيبتي ماريا قد حالا بتكون دبرت حالا وتخبت بشي مكان هالهزة اجت بكل المنطقة بس بمكان الفندق اجت أقوى شوي لهيك خلينا نطول بالنا عسى لخير غيابها. *** ببيت اهله لجبر.... مرت ابوه لجبر : شو بكون صارله الصبي يعني متله متل بقية هالناس اكيد متخبي بشي قرنة وماعليه شي لشو كل هالقلق انت واخوكي. جنات : مابعرف شو البك ياخالتي لك هي هزة قوية كيف مابدك ايانا نخاف ليش هو مو اخي لحتى خاف عليه والا لأنه مو ابنك مانك خايفة عليه هيك. مرت ابوه : اي اخوكي بس مانو صغير لشو كل هالمبالغة سمعتي عن حدا صرلو شي محدا بقى حاج مبالغة وكله خير. وصل هادي اخو جبر : اي طمنوني مافي اخبار عن جبر لهلا. جنات : لأ اخي...... مشان الله روح واسأل بأي مكان والله البي متل النار عليه. هادي : لك يااختي والله سألت بكل مكان بس ماحدا بيعرف عنه شي والكهربا مقطوعة بأغلب الأماكن بقى كيف فينا ندور. جنات عم تبكي : كرمال الله على ضو السيارة شوف وين فيك اتدور وماتقصر او تتكاسل كرمال خاطري. مرت ابوه :..... وين بدك ابني يروح يدور بهالوقت شو جنيتي انتي والا قالولك عني مستغنية عنه. جنات : الله اكبر عليكي ياخالتي يعني ابنك خايفة عليه وهو قدامك سليم ومافيو شي اما اخي الغايب اللي مابنعرف وين اراضيه مو هامك غيابه ياعمي لشو الحكي والله ابن الضرة صعب كتير تتقبله مرت الأب..... مع انه خير هالبيت كله وكل هالرفاهية اللي نحنا فيها وسفراتك لعند اهلك ومشاويرك اللي بتكلف الشيء الفلاني كلا من خير وتعب جبر كل هاد نسيتيه ماهيك... ليك هادي ازا مارح تروح اتدور عجبر انا بروح بنص الليل ومابهمني.