العضوة: 743708 , 6 years ago

لهيك وبعد طول تفكير قرر جبر يبعت معتز لعندا ويعرض عليها شيك مفتوح لتتنازل عن المناقصة وتنسحب قبل الموعد. ولما وصل معتز وخبرا بهالشي جنت عليه... ماريا : شو تفضلت شو هالأساليب الرخيصة اللي عم تتبعها شركتكن يااستاز هلا هيك مديرك بيشتغل وعهالأساس شركتكن بتكبروها ، قلك شي مارح جاوبك الك جوابي رح يكون لمديرك بس مو هلأ.... وهلأ فيك تتفضل من هون قبل مايطلع جناني كله عليكن. معتز : يا آنسة هي فرصة دهبية لألك فيكي تدخلي بالمبلغ الي رح تحطي بالشيك بمناقصة تانية وانتي الك اسمك وماحدا فيو ينافسك اكيد. ماريا : اولا هي مو فرصة دهبية هاد عرض دنيء وانا بسمي عرضك هاد رشوة وتانيا انت ومديرك عم تعرضو عليي هيك عرض معناها خايفين من منافستي ماهيك روح قله بنت المهدي الها جواب تاني رح تجاوبك اياه بنفسها...... تفضل لبرا خلص وقتك. معتز : هاد اخر كلام عندك. ماريا بصراخ : لبراااااااا. اول مانزل معتز ولحتى ماتعطيه فرصة يلحق يخبر جبر باللي جار بينهن نزلت وراه عطول ركبت سيارتها وراحت لشركة الغانم.... وصلت ماريا قبل معتز لكن مابتعرف ازا خبرو عالتلفون والا لأ... ماريا عم تطلب ازن للدخول لعند جبر.... السكرتيرة : مافي موعد مسبق ياانسة مافيي خليكي تدخلي او بتنتظري ليطلع الضيف اللي عندو. ماريا بعصبية : مارح استنى حدا وما بدي احجز موعد انا رح فوت هلأ لعندو. مشت ماريا ومااكترثت لصوت السكرتيرة وهي عم تمنعا من الفوتة لعند جبر وفتحت باب المكتب بقوة.... كان جبر واقف عم يودع الضيف.... اتطلع فيها وكله حيرة من سبب جيتها المفاجئ بدون موعد.. مرق الضيف من قداما وعيونا عم تقدح شرار ومعلقين عجبر.. جبر : اهلا وسهلا شو هالزيارة الحلوة.... وجه كلامه للسكرتيرة روحي شوفي شغلك

العضوة: 743708 , 6 years ago

جبر : اهلا وسهلا شو هالزيارة الحلوة.... وجه كلامه للسكرتيرة روحي شوفي شغلك واطلبيلنا قهوة.... اتطلع بماريا بأعجاب من جرأتها وبنفس الوقت معجب بجمالها لكن كان واضح عليها الغضب... جبر : تفضلي انسة...... شو كان اسمك. ماريا : مامهم شو اسمي المدير التنفيذي تبعك كان عندي من شوي. جبر : اهاااااا ولشو توصلتو.. ماريا : فيك تفهمني شو هالأساليب اللي عندك لتكسب مناقصة داخل فيها بمنافسة مع شركات تانية..... فيك تفهمني شو كيف فيك تركب عضهر غيرك لتوصل لهدفك. جبر : اي وشو كمان. ماريا : مابتخجل عحالك وقت تبعتلي رشوة بشيك مفتوح مقابل انو انسحب وتاخد المناقصة انت.... ليش مابتكون المنافسة بينا شريفة واللي بياخدها بتكون من نصيبه. جبر : انا بهمني عطول ضل بالقمة وانتي فيكي تاخدي المبلغ اللي بدك اياه.... وبعدين هي مااسما رشوة. ماريا : ايوااااااا لكن شو اسما صدقة والا حسنة. جبر : لأ ياستي اعتبريها بيعة صفقة برمتا انا واياكي وعطيتك حقا يعني بعتيني تنازلك وانسحابك. ماريا : اسلوب واطي ورخيص وهي اسما رشوة يااستاز.... هلأ هيك انت بتكبر شركتك هيك بتدخل اموالك عشركتك بهالطريقة. جبر : للأمانة..... هي اول مرة بعرض فيها عحدا مبلغ وبشيك مفتوح. ماريا

العضوة: 743708 , 6 years ago

: اول مرة معناها اللي توقعته مزبوط...... انك خايف من مواجهتي وخايف من الخسارة قدامي. جبر عم يضحك بطريقة مستفزة، قرب منها ووقف مواجهها وحط ايديه بجيابه... جبر : لأ طبعا مو خوف بس انا كلك عبعضك ماهضمتك وماني حابب شوفك اكتر من مرة وارجع التقي فيكي مرة تانية بشركة الأصيل..... ولحيطك علم انا مابخسر وهالمناقصة الي عم تفهمي. ماريا : هههههههههههههه ضحكتني والله ومين طلب منك تهضمني او تحب شوفتي انت كلك عبعضك مو شايفتك لحتى اهضمك اصلا نسيت انك داخل منافس لهيك ياشاطر العب هاللعبة مع غيري ومووبنت المهدي اللي بتقبل بهيك عرض وانو انسحب.....اوئو بعيدة عن سنانك. جبر بغيظ : يعني مارح تنسحبي. ماريا بصيغة بانفعال : استاز جبر ازا مابتحترم حالك والله بروح من فوري للاستاز موفق وبخبرو بعرضك هاد ولشوف وقتا مين اللي رح ينسحب غصب عنه مو بأرادته. جبر فتح ايديه بثقة :..... هاتي دليل انو عرضت عليكي هيك عرض..... رح اقلب الحكي عليكي وقول انو انتي اللي عرضتي عليي هالعرض ولما رفضت حبيتي تضربي اسمي عندو لحتى تصفى المنافسة مع غيري. ماريا بأسلوب تهديد : اياك تستفزني او تفكر تغلط معي وقتا بتكون عم تلعب بالنار ووقتا بس......... بهاللحظة ترنحت ماريا وقلبت عيونا لورا وتمايلت حطت ايدا عراسا بتعب ومالت بجسما..... كان جبر واقف حدا عم يسمع كلاما ولما شافا سكتت اتطلع عليها بطرف عينه وشافا كيف عم تميل وكانت رح توقع.... اتلقاها جبر بين ايديه :....... عطي بالك......... ياانسة...... ياانسة...... فيقي شو صرلك...... لك ردي علي.. حملها وحطها عالكنبة وطلع لينادي للسكرتيرة.... مالقيها وانتبه انو صار وقت الغدى والكل راح للاستراحة. رجع لماريا وصار يضربها ضرب خفيف عوجهها.. جبر : ياانسة..... لك ردي عليي..... ياااااا ماريا...... ماريا لك مشان الله شو صرلك.. شاف شنتايتا وقعت من ايدا قال بحاله بجوز يلاقي فيها عطر او اي شي ريحته قوية يقدر يفيقها فيه. فتح الشنتة وشاف اوراق بقلبن ادوية كتيرة.. فضولو قتله ليعرف شو هالاوراق. صدمة قوية كانت عوجهه وقت عرف بمرض ماريا.... رجع كل شي لمطرحه واخد قنينة عطر من شنتايتا وفيقا لصحيت وبلا وعي ماشافا الا راحت بنوم عميق ماحست عشي بعدو ابدااا. طفى اضوية المكتب وتركا ترتاح وبقي

العضوة: 743708 , 6 years ago

طفى اضوية المكتب وتركا ترتاح وبقي قاعد قبالها وهو عم يقرا بأدويتا وشو تأثيرها عليها وشو بصرلا وقت تاخدهن. حس بشي غريب ناحها ماعرف يفسرو هو شفقة والا حزن عليها او نوع من تأنيب الضمير وقت نعتها بالمستهترة بيوم الاجتماع وقت قالت عن سبب تأخيرها انو كانت متوعكة وتعبانة. قرب منها اكتر وشاف رغم العتمة الخفيفة شحوب وجهها وسواد تحت عيونا. لعن حاله وعاستفزازو لألها اللي خلاها تنفعل كتير وتتعب ليغمى عليها بمكتبه. بعد وقت رجعت السكرتيرة واتصلت فيه وطلب منها ماتحوللو اي اتصال او اي زيارة او اي ازعاج. قعد قبالها وعين عليها والعين التانية حزينة عوضعها... اللي استغرب منه انو هو بطبعه مو قاسي ومو انتهازي وماعندو هيك حركات مع مدراء الشركات لكن ليه هالبنت بالزات عم يعمل معها هيك ماكان عندو اي تفسير. غطت بالنوم قريب الساعة... فاقت عم تتحسس راسها بوجع..

العضوة: 743708 , 6 years ago

الجزء السابع ❤️ قعدت وماكانت بتعرف هيي وين، مسكت راسها بين ايديها وتأوهت موجوعة... ماريا :.... ااااه ياربي لمتى هالوجع متى رح يخلص يارب عطيني القوة والصبر. فتحت عيونا وانتبهت انها مو بمكتبها اتطلعت شافتو قاعد قداما..... جبر : حمدالله عسلامتك. حاولت تقوم تعبت ومالت اكتر كانت رح توقع ركض لعندها واتلقاها مرة تانية بين ايديه... اتطلعت فيه وحست بقربه منها وايديه محاوطين خصرها برقة وعلقت عيونهن ببعض هيي عم تتطلع في بتعب وعيون دبلانة وهو عم يتطلع فيها نظرات شفقة واستغراب... حس بجسما عم يرجف كأنها بردانة.... جبر : بردانة شي.. نترت حالها منه وبعدت عنه عم تترنح ورجعت وقفت وحطت ايدها عراسها بوجع... شافها عم اتدور عشنتايتها.... فهم عليها وقلا : مافيكي تطلعي وانتي تعبانة هيك. ماريا بتعب : ما دخلك فيي ومافيك تمنعني. جبر : لأ دخلني ورح امنعك بتكوني مجنونة ازا بتفكري انو ممكن طالعك من هون بهالهيئة. ماريا : لشوف كيف رح تمنعني. مشى صوبها بسرعة ومسك ايدها وجبرها تقعد... جبر : روحي شوفي حالك بالمراية لو طلعتي من هون بهالشكل كلون برا رح يفكرو فينا غلط انتي دايخة ومو متوازنة وخاصة انو طلبت من السكرتيرة تلغي اي زيارة او اي اتصال ومنعت حدا يدخل لهون او يزعجني. ماريا بعصبية : ليه هيك عملت. جبر : كنتي تعبانة كتير وماعرفت شو اعملك ماكان عندي غير اتصرف هيك لاتركك ترتاحي وتفيقي عراحتك. ماريا : انت اكيد مجنون مجنون..... شو عملت فييي قوول. جبر بنظرة استغراب : ولك شو بدي اعمل فيكي يامجنونة انتي غميتي ومابعرف شو صرلك حاولت كتير فيقك وماكنتي تفيقي اجيت لأبعت ورا السكرتيرة لقيتا رايحة فترة غدى هيي وكل الموظفين اضطريت ابقى معك هون وخفت يجي حدا عغفلة ويشوفك مسطحة يقوم يفهم الموضوع غلط برأيك هيك انا غلطان.... انا خفت عليكي قبل ماخاف عحالي، انا رجال لو شو ماعملت مابينحكى عليي بس انتي اللي سمعتك متل لوح القزاز ازا انخدشتي مافي شي برجعك متل قبل. ماريا بقهر : فشرت سمعتي انضف من هالدنيي كلا عم تفهم.

العضوة: 743708 , 6 years ago

جبر بعصبية : ولك يامجنونة انا ماعم احكي عن سمعتك انا عم احكي ازا شافوكي هون بهالمنظر فهمتي بقى حاولي تركزي وتصحصحي لتقدري تطلعي من هون مرتاحة. ماريا : بدي روح هلأ. جبر : صعب مافيي طالعك هلأ لينتهي الدوام ويروح الكل وقتا بس بخليكي تروحي مشان ماحدا يشوفك وانتي طالعة من عندي. ماريا : وقديه رح ضل هون ان شاء الله. جبر : والله ان شاء الله رح اتضلي شي ساعة تانية لينتهي الدوام. اتطلع فيها وسألها بتردد : فيي افهم منك ليه غميتي وشو السبب انتي مو متزوجة ماهيك. ماريا : شو قصدك..... اي انا مو متزوجة وغميت لأني تعبانة لأني مابرتاح بنوب وعم ضل اشتغل عطول ودمي عم ينزل كمان ارتحت هلأ. فهم منها انو مارح تقله عن مرضها وهو ماحب يحرجها ويقلها انو عرف هيي من شو بتشكي. جبر : معناها ازا بتعرفي السبب ومأهملة حالك وماعم تتعالجي بتستاهلي يصير فيكي هيك. ماريا : شو شمتان فيي. جبر : مو شماتة بس بما انك بتعرفي انو سبب تعبك كله ارهاق وتعب جسدي يعني فيكي تعالجي حالك بأيدك بقى لشو كل هالحركات خدي اجازة وارتاحي كم يوم مارح يطير الشغل. ماريا : التهي بحالك ومادخلك فيي تمام. جبر : اي متل مابدك الحق عليي اللي قلقت عليكي من البداية بس لو مانك بمكتبي ماكنت اهتميتلك اصلا..... عموما طلبتلك كاسة ليمون اشربيها لتروقي. ماريا : مابدي شي منك. جبر : براحتك حبيت ساعدك بس ليه لساعدك ازا انتي مو سائلة او مهتمة بصحتك. ماريا : قلتلك شي مابخصك ارتاح موت انضرب عألبي ماخصك فييي يااخي كتر خيرك عكل شي عملته مشاني منيح هيك.

العضوة: 743708 , 6 years ago

تركها ورجع لشغله ورا المكتب بس عم يتطلع عليها كل شوي بدون ماتنتبه ليتطمن عليها اكتر وشافا كزا مرة تتعب وتحط بأيدا عراسا وكان باين عليها الرهاق الشديد. عم يتناوء عليها ويحكي بحاله ( سمعت عنك كتير ياماريا لكن ماتوقعتك بهالقوة ماخطرلي تكوني متل ماقالو...... عندك شخصية فولاذية حضور بتلفتي فيه اقسى رجال ادارة وشغل بتتحدي فيهن رجال اعمال وفوق هاد جمال مو طبيعي خليتيني رغم عداوتي معك اعترف وقول انك فاتنة بجمالك لكن ورا هاد كله مافيي ماقول انو اليوم تحديدا قديه البي شفق عليكي لساتك صغيرة والعمر لسا قدامك ماشفتي منه غير الشغل وبس راحة ووقت لحالك ماعم تعطي عم تقسي عحالك كتير، وفوق هاد لسا ماتزوجتي ولا صار عندك فرصة تحسي بالأمومة قديشك شجاعة وصلبة لتقدري تتحملي كل هاد وانا متأكد انو حتى اهلك ماخبرتيهن بقصة مرضك والا ماكانو سمحولك اتضلي لهلأ عم تشتغلي بهالأصرار هاد، تحية مني الك..... ماريا). كانت مغمضة عيونا لوقت دق موبايلا وردت عليه، حاول جبر يسمع شو عم تحكي او مع مين لكن ماقدر لان صوتا كان كتير ناصي. خلصت الساعة وبلشو موظفين شركة الغانم بمغادرة الشركة واخيرا راحت السكرتيرة وقبل لتروح اتصلت بجبر وسألته ازا بدو شي قبل لتروح وخبرها انو عندو شغل ورح يبقى شوي تانية بالشركة وانو بتقدر ترو

العضوة: 743708 , 6 years ago

ح وقف عالشباك اللي بطل عباب الشركة ليتأكد انو الكل راح وقتها قلا :..... صار فيكي تروحي ازا كنتي مرتاحة. حملت شنتايتا ومشيت ناح الباب لكن وقفت قبل لتفتحه وحاكته وهي عاطيته ضهرها و عم تتطلع عجنب... ماريا :........ قلة زوء مني مااتشكرك عاللي عملته معي بعتذر ازا عيطت عليك بجوز لأني مافهمت الموضوع الا متأخر لهيك بكرر اعتزاري وشكري. قاعد نصه عطرف المكتب وعم يلعب بالاوراق قدامه رفع عينه فيها بتمعن وضل ساكت وماابدى اي ردة فعل ولا علّق عكلمة من اللي قالتن. مشى بهدوء ناح الشباك وبعد شوي شافا طالعة وركبت سيارتا اللي كانت راكنتا جنب الشركة. وصلت عبيتها وكان واضح التعب عليها... ام مهدي : خير ياماما ليه هيك وشك باين عليكي كتير تعبانة اطلبلك الدكتور. ماريا : لا لا ماما لشو الدكتور بصراحة انا تعبانة لأنه لهلأ مااكلت شي ياريت تخبري بدرية تحضرلي الأكل واتطالعلي اياه لغرفتي بدي آكل وناااااام بدي ارتاح شوي.... ممكن. امها : اي حبيبتي عطول هلأ ببعتلك الأكل مع بدريه. ماريا بابتسامة : اي بكون انا خلصت حمامي. باست امها وراحت. ام مهدي :( ليه البي مو مرتاح ليه حاسس انك مخبية عليي شي ياماما، يارب كون غلطانة وكلا هي وساوس متل مابقولو). اول مادخلت غرفتها سكرت الباب وقعدت وراه وصارت تبكي بدون صوت لحتى ماحدا يحس عليها وخصوصي اختا سوار لانه غرفهن جنب بعض. حطت ايدها عراسا مكان الورم وقالتله بدموع بتحرق القلب (لمتى رح بتضل تعزبني هيك، لمتى بدي اغمى قدام الناس بسببك، وخليتني افقد سيطرتي قدام اللي اسمه جبر واضطر طاوعو وانحبس بمكتبه بس لحتى ماينحكى عليي وكله بسببك روح بقى وريحني منك او زيد عليي اكتر لموت وارتاح منك، ياربي مابقى فيي تعبت وانا مخبيي مرضي عن الكل لكن مافيي عزبهن معي مابدي زيد عزابي اكتر وانا عم شوفهن خايفين عليي وعم يبكوا مقهورين مابدي شوف نظرات الشفقة بعيونهن متل اليوم....)

العضوة: 743708 , 6 years ago

بعدين اتزكرت جبر ونظراته الها وقفت وراحت للمراية تفحصت وشها منيح وشافت الشحوب والتعب عليه...... جنت واتزكرت كيف جبر تغير معها وكيف عاملها بحنية، وقالت انو معقول عرف بشي او شك بشي. اتأكدت انو اوراقها لساتهن بشنتايتها ومتل ماحطتهن تمام وادويتها كمان ولاحظت انو شنتايتها مو مفتوحة ابدا، لكن بقي استغرابها لطافته المفاجئة معها وهو اللي كان عم يهاجمها ويستفزها ليخليها تنسحب من المناقصة...... اسئلة كتير دارت براسها واجلت تحليل الاجابات لوقت ترتاح لتقدر تستنتج بهدوء وتركيز. المسا ببيت جبر...... قاعد عتخته عم يتزكر ماريا كيف داخت ووقعت وكل اللي صار معها، منظرها ماعم يروح من باله ابدا، مشاعرو كتير مضطربة شي زعلان عليها وعوضعها وشي معجب بشخصيتها وقوتها وشي انو ماعم ينسى انها خصم قوي بهالمناقصة وانو بسببها هي بالزات ممكن يخسر هالمناقصة. * من بكير راحت ماريا لعند عمر عالمشفى لحتى اتابع علاجها وتشوف مدى استجابتها للعلاج وكانت هون البشاير الحلوة.... عمر :..... الحمدلله ياماريا انتي عم تتحسني وعم يخف الورم كتير عن حجمه الأولي. ماريا بفرحة كبيرة :.... جد جد ياعمر يعني مارح اضطر اعمل عملية ومابقى لازم اخد هالأدوية المزعجة. عمر : لأ لحظة شيت انو مافي داعي للعملية اي مزبوط لكن انو ماتستمري عالأدوية فهي لأ لازم اتضلي محافظة عمواعيد الأدوية متل قبل لتقدري اتدوبي الورم وتنهي نهائي للأبد عم تفهني علي. ماريا : والله كتير عم اتعب منهن يعني هلا لو وقفت الدوا شو رح يصير. عمر : مارح نستفاد شي وكل شي اخدتيه من قبل رح يروح عالفاضي لأنه رح تسمحي للمرض يتجدد وبقوة كمان، لهيك استحملي شوي بعد شغلة وقت صغير وبينتهي كل شي وبعدين بصير هالشي زكرى وخلصتي منها. ماريا : ابشع زكرى رح تكون. عمر : ان شاء الله مابتتكرر بس انتي قولي يارب وكملي علاجك للآخر اتفقنا.

العضوة: 743708 , 6 years ago

ماريا : اتفقنا انا بدي كمل لينتهي هالوجع وخاصة وجعي النفسي اللي كل ماشفت اهلي بزيد زعلي عليهن انو لو يعرفو رح يزعلو مني اني ماخبرتهن مشان هيك بدي اخلص بقى وارجع عيش حياتي طبيعي. عمر : ممتاز المعنوية العالية والنفسية الجيدة اول طريق بالعلاج وانتي ماشاء الله عليكي. خبرت عمر شو صار معها قبل بيوم وعاتبها كتير وقلها انو سبب غميانها من العصبية والانفعال وهاد اكبر غلط وانو بيعمل نتيجة عكسية للعلاج وطلب منها تحاول قد مافيها تحافظ عهدوئها وماتخلي اي شي ينرفزها ويثير غضبها. وقت راحت للشركة واول مادخلت من بوابة الشركة الخارجية شافت ماريا قطة صغيرة عم تشم بالأرض واتدور عشي تاكلو..... شفقت عليها وراحت لعندا وحملتها بين ايديها وكان واضح عالقطة انو جوعانة كتير.... طلبت من حارس امن الشركة انو اتضل القطة معه لوقت ترجع... قطعت الشارع وراحت لسوبرماركت كبير اشترت منه اكل للقطط ورجعت للقطة اخدتها من الحارس فتحتلا العلبة وضلت عم تتطلع عليها كيف عم تاكل واخر شي حطتلا مي لشربت وشبعت... حست بالقطة عم تتطلع فيها وكأنه عم تتشكرها، ابت

العضوة: 743708 , 6 years ago

سمت ماريا وخبرت الحارس ازا رجعت لهون مرة تانية يبقى يخبرها او يجبلا اكل ومي على حسابا... ثار اعجابه اللي عملته ماريا مع القطة وضل مراقبها لوقت غابت عن عينه ودخلت الشركة... وقتا شغل سيارته وراح لشركته هو كمان.... وقت وصل الشركة استغربت السكرتيرة تأخيره... السكرتيرة :..... خير استاز جبر في شي لحتى متأخر اليوم. جبر سرحان :......... ااااااه لا مافي شي اطلبيلي قهوة. السكرتيرة : حاضر استاز. قعد عالكنبة واتطلع مكان مو كانت متسطحة قبل بيوم ( مو باين عليكي الحنية والرأفة ياماريا وانتي اللي بشوفك كيف كنتي عم تحاكيني وتصرخي قبل بيوم، احسانك للقطة الصغيرة خلى اعجابي فيكي يزيد اكتر لك انتي شووو كتلة من الصبر والقوة والأحسان والطيبة والحنية، مابنكر انك خصمي القوي لكن برضه مافيي انكر كل هالصفات الحلوة اللي عندك اللي اكتشفتا وانا مابعرفك الا من جديد........ شكله قدامنا مشوار طويل لنعرف فيه عن بعض شغلات اكتر). #يتبع الجزء الثامن ❤️ مرقت فترة انتظار المناقصة وماريا وجبر اكتر تنين كانو قلقانين بخصوصها هي بتعرفه خصم مو سهل وهو سمع عنها وشاف بعينه انها منافسة قوية وصعبة الأقناع وقت حاول يخليها تنسحب لهيك قرر يشوف شو رح يصير وكان ناطر ومستني الوقت عنار ليشوف على مين رح ترسى هالمناقصة. كانت ماريا نازلة للمصنع وعم اتابع امور الشغل اول بأول لوقت اجاها المدير التنفيذي.... المدير التنفيذي : آنسة ماريا اتصلو من الشركة وقال عايزينك بشي ضروري. ماريا : خير مافهمت شو في وشو بدهن. المدير : لاوالله بس قالو شي ضروري. خلصت ماريا بسرعة ورجعت للشركة. اول مادخلت متل البرق لحقتها السكرتيرة... ماريا : اي ست مريم شوفي لحتى باعتين وراي بسرعة. السكرتيرة : وصلتك برقية من شركة الأصيل ومستعجلة. فتحت ماريا البرقية وفهمت منها انو يوم الخميس يعني بعد يومين رح يكون موعد المناقصة وكانت متوقعة انها رح تكون بهالأسبوع على هوى تقديرها وموعدها.... تحمست ماريا :....... يارب ان شاء الله الامور تكون لصالحي. السكرتيرة : خير انسة ماريا شايفك متحمسة ومبسوطة..

العضوة: 743708 , 6 years ago

ماريا : اي وقلقانة كمان.... هي شركة الأصيل بعتولي انو يوم الخميس موعد المناقصة...... يارب ياست مريم هالمناقصة ترسي عشركتنا قولي معي يارب. السكرتيرة : ان شاء الله يارب والله انتي بتستاهلي كل خير.... بس سؤال انسة ليه هالمناقصة بالزات كتير حاببتيها رغم انو داخلين معك فيها منافسين كبار. ماريا : لأنه هالمناقصة الوحيدة من هالنوع يعني محتواها أعلاف وشركة الأصيل الشركة الوحيدة اللي عندها هالكم الهائل من الأعلاف وازا شركتنا ربحت هالمناقصة معناها هيك كل الشركات رح تصير تطلب الأعلاف مني وازا بدي بصدر هالشحنة لبرا ورح تحقق ارباح مضاعفة لشركتنا هاد غير ازا خليتا هون وقتا كل مزارع المواشي وغيرن كتار رح يطلبو الأعلاف من عندي، بقى كل هاد ومابدك مني اقتل حالي عليها. السكرتيرة : ايوااااا لهيك كنتي كل وقتك عم تفكري فيها. ماريا : اي لكن بس ياخوفي منك ياجبر...... ياخوفي ياخد المناقصة هو وتروح عليي. السكرتيرة : بدك الصراحة الاستاز جبر مشهور ومعروف مين هو واللعب معه مو سهل. ماريا سرحانة وعم تتزكر وقت كانت عندو : اي مزبوط بدك تقليلي عنه. ***"" "" "" "" "" " ببيت ماريا...... ابو مهدي : يعني الخميس موعدكن. ماريا عم تاكل من التفاحة : اي يابابا ياربي شو متحمسة وبنفس الوقت قلقانة كتير. ابو مهدي : ليش بابا. ماريا : ماني خايفة من اي منافس غير من هاد المتعجرف اللي اسمه جبر الأصيل. ابو مهدي : ايوااااااا انا من البدايه بدي قلك خدي بالك منه جبر زكي كتير بيقدر يلعب بعقلك بطريقة غريبة يعني بيقدر يبرمجك متل مابدو وبياخد منك معلومات واسرار عن شغلك وبيقدر يعرف عشو ناوية وشو بيطلع بأيدك تعملي، عدا عن هاد كله ايدو طايلة كتير وبيعرف مسؤولين كبار بالبلد ورئيس البلدية تبع منطقتنا بكون خاله اخو امه وجوز خالته بكون مدير فرع قسم الجنايات وغيرن كتار مشان هيك بقلك عطي بالك منيح بالتعامل معه ولا تتهاوني ابدا وديري بالك منيح تسلمي اي معلومة بتخص ل..

العضوة: 743708 , 6 years ago

ماريا : ماني خايفة من اي منافس غير من هاد المتعجرف اللي اسمه جبر الأصيل. ابو مهدي : ايوااااااا انا من البدايه بدي قلك خدي بالك منه جبر زكي كتير بيقدر يلعب بعقلك بطريقة غريبة يعني بيقدر يبرمجك متل مابدو وبياخد منك معلومات واسرار عن شغلك وبيقدر يعرف عشو ناوية وشو بيطلع بأيدك تعملي، عدا عن هاد كله ايدو طايلة كتير وبيعرف مسؤولين كبار بالبلد ورئيس البلدية تبع منطقتنا بكون خاله اخو امه وجوز خالته بكون مدير فرع قسم الجنايات وغيرن كتار مشان هيك بقلك عطي بالك منيح بالتعامل معه ولا تتهاوني ابدا وديري بالك منيح تسلمي اي معلومة بتخص الشركة وخاصة ازا كانت معلومات سرية. ماريا : ماكنت بعرف انو واصل هالقد....... بس ولا يهمك بابا انت بتعرفني منيح انا مستحيل احكي عن اي شي بخص الشركة ولا اي معلومة سواء كانت صغيرة او كبيرة. ابوها : انا عم نبهك يابابا لأنه تعلب وآخد المصلحة اباً عن جد. واخيرا اجى اليوم الموعود...... صباح الخميس تجهزت ماريا وضلت ناطرة لأجى الموعد وكانت عالتكة. عالساعة بشركة الأصيل...، كانو بغرفة الأجتماعات، وصلت ماريا هالمرة قبل جبر وكانت كتير خايفة قبل بيوم لتقوم تتعب وتتأخر ويفوتها شي متل الخطرة الماضية.... لهيك فضلت تبقى مرتاحة ومسترخية للموعد. بعد ربع ساعة وصل جبر وبهيك بكون الكل وصل... قعد المدير موفق وطلب من الكل يتجهز بعد مارحب بالكل.... الاستاز موفق :...... اهلا وسهلا فيكن هالمرة حبيت يكون كل شي غير ومميز

العضوة: 743708 , 6 years ago

بحضوركن وبحضور اكبر الشركات والعملاء وبهالوقت فينا نبلش ونفتح الطلبات لمناقصة الأعلاف..... رح نبلش بشركة المدائن : حاطين مبلغ 70 الف.... شركة الهدى 65 الف شركة العنبر 85 الف شركة البرق واخوانه 77 الف بقي عنا اخر طلبين.... فتح طلب شركة الغانم...... وبعدا فتح طلب شركة المهدي وابتسم ابتسامة غريبة. جبر : خير استاز موفق ليه فتحت اخر طلبين وماقلت عالمبلغ وابتسمت هيك في شي. الاستاز موفق : اي لأنه مو طبيعي انت ياجبر. جبر : خير استاز يعني المبلغ اللي حاطه انا قليل بالنسبة لألك. الاستاز موفق : لا مو هاد قصدي..... قصدي قول انو انتي كمان ياماريا مو عادية.... ماريا : وانا كمان خير استاز شو في شغلت بالي. الاستاز موفق : يؤسفني قول لشركة المدائن والهدى والعنبر والبرق انو مالكن نصيب بهي المناقصة بعتزر منكن كتير وان شاء الله المناقصات الجاية بتكون من حظكن. قامو مدراء الشركات ليروحو لكن الاستاز موفق اعترض..... الاستاز موفق : جبر انتي وماريا خليكن شوي. استغربو التنين واتطلعو ببعض نظرات مو مفهومة. بعد ماراح الكل بقيت ماريا وجبر... الاستاز موفق :.... بدي اعرف منكن شغلة وحدة بس مين اللي قدم طلباتكن وكتبهن وبعتهن. ماريا : انا اللي كتبت طلبي وبعته مع المدير الإداري عندي. جبر : وانا نفس الشي..... خير شو القصة. الاستاز موفق : هههههههه لو تعرفو شو..... انتو التنين حاطين نفس المبلغ... 100 الف لكل واحد.

العضوة: 743708 , 6 years ago

اتطلعو ببعض وقال جبر : اي بس انا حاطط مبلغ اضافي بقيمة 25 الف. الاستاز موفق : اي وماريا كمان حاطة نفس المبلغ شو رأيك. انصدمو تنيناتهن باللي قالو... ماريا : معقول..... معقول هالحكي. جبر : اكيد في حدا لعبان بالطلبات. ماريا : شو قصدك انا فعلا حطيت هالمبلغ بأيدي. جبر : وانا كمان حطيت هالمبلغ بأيدي. الاستاز موفق :.... معناها مافي غير تقعدوا وتتفقوا لترسي هالمناقصة عواحد فيكن. ماريا : مارح اتفق معه انا مارح اتنازل. جبر : ومين قال انو انا رح اتنازللك ياانسة..... بنصحك تنسحبي عالبكير. ماريا : بحلمك الوردي انسحب مارح اتنازل ازا مو عاجبك اني خصمك تنازل حضرتك واتركلي اياها.. جبر : ههههههه شكلك بتحلمي كتير انتي وفايقة روحي اشربي شي يخليكي تنامي وتحلمي بنومك مو بقعدتك. الاستاز موفق : بس انتي واياه شو صرلكن معكن حل من تنين يااما واحد فيكن بينسحب يااما بتاخدوها انتو التنين كل واحد فيكن بيدفع النص والبيع والمرابح بالنص كمان شو قلتو. ماريا وجبر مع بعض : مستحيل. الاستاز موفق : على موالكن هاد ماحدى رح ياخد المناقصة منكن نصيحتي الكن اقعدو مع بعض تشاورو واتفقوا وردو جواب معكن يومين وببعت وراكن بتكونو اتفقتو او وقتها بضطر استبعدكن واقبل بحدا غيركن وبجوز مااقبل تدخلو بأي مناقصة لشركتي. ماريا :طول بالك استاز ماوصلت لهالدرجة نحنا اللي بينا مو بس شغل انت صديق للعيلة وانسان عزيز عالبابا وجدو الله يرحمه. جبر : خلص استاز موفق اللي بدك اياه بصير عطينا الوقت اللي قلت عليه ومابتكون غير رضيان. الاستاز موفق : اوك ازا هيك فيكن تشوفو اشغالكن ورح ابعتلكن بعد يومين بالزبط بتكونو اتفقتو.... الله معكن. قامت ماريا وعينها عم تزورو.... استأزنت وراحت... جبر : شو عنيدة ومغرورة وفوق هاد جقرا. الاستاز موفق : هي راحت بس انا سمعتك ههههههه. جبر : ماعم اعرف لاقيلا حل لهالبنت شو ساويلا مابعرف بدي هالمناقصة الي وضروري. الاستاز موفق: فيك تقنعها وتتفق معها، بس على هوا معرفتي بماريا مابظن ولا بأي شكل انو رح تتنازللك ابداااا.