العضوة: 743708 , 6 years ago

@user-656126 اممم قراتي من قبل الاجزاء الثمانيه

العضوة: 743708 , 6 years ago

رح كمل من عيوني

العضوة: 656126 , 6 years ago

@user-743708 اه قرأتهم من قبل بس حذفتيها طلبتها منك بموضوع تاني بس برضو حذفتيه ما بعرف ليش

العضوة: 656126 , 6 years ago

تسلم عيونك حبيبتي 💗

العضوة: 743708 , 6 years ago

هداك الحساب طار 😂😕😕

العضوة: 743708 , 6 years ago

الجزء التاسع ❤️ تعبت ماريا بهالفترة وماكان فيها حتى تروح عالشركة حاول جبر يتواصل معها مشان الوقت اللي منحهن اياه الاستاز موفق ليتفقو هو وماريا لكن ماريا كانت كتير تعبانة وماكان فيها تتواصل معه. جارت عحالها وكابرت كتير لتقدر تعتزر منه..... ماريا عم تحكي بتعب : استاز جبر...... انا بعتزر منك....... لاني ماقدرت اتواصل معك مبارح وبعرف انو مامعنا وقت كتير بس مايهمك انا بحكي مع الاستاز موفق وبخبرو انو انا السبب بالتأخير. جبر حس عليها انها تعبانة وعرف انو بسبب مرضها وانو ادويتها السبب وكمان لأنها ادايقت بسبب اللي صار بيوم المناقصة لهيك زاد تعبها عواض مايخف.... جبر : اهدي انسة ماريا ولا يهمك باين من صوتك تعبانة خير فيكي شي. ماريا : كتر خيرك مافيي شي بس شوية ارهاق بكرة بصح وبصير احسن مايهمك المهم انا هلأ بحكي مع الأستاز موفق وبخبرو وبعتزر منه. جبر : لا لا ماتحكي انتي انا هلا بحكي معه انتي ارتاحي هلا اوك. ماريا : وازا مااقتنع. جبر : شو بدك بهالقصة انتي انا بقنعه ماعليكي المهم ارتاحي عنا خناقة كبيرة انا واياكي ولازم تكوني قوية وعندك القدرة تواجهيني والا التعب اللي انتي فيه هلأ رح يخليني اتغلب عليكي وانتي حرة. ضحكت ماريا عأسلوبه للمرة الأولى : ههههههههه لا ان شاء الله شغلة يومين وبرتاح وبرجعلك قوية وبواجهك بجسارة ماتستضعفني. جبر : ها هيك بدي اياكي.... مابدي تعبك اكتر سلامات. ماريا : اهلين. قفل الخط معها ورجعت فيه زاكرته ليوم اللي اجت تخانقه وملامح بسيطة انرسمت قدام عيونه كيف مالت بحالها و زاغو عيونها وارتمت بين ايديه مغمى عليها....... ماراح من باله منظرها وهي دبلانة تعبانة باين المرض عليها، شفق عوضعها انو لساتا صبية صغيرة وكيف مرض حقير متل هاد قدر يسيطر عجزء من دماغها ويرميها بالفرشة وهي اللي الكل بيخشى منافسة معها ومعروف انو رح يطلع خسران قدامها...... ماريا .

العضوة: 656126 , 6 years ago

هههههه بيروح حساب بيجي غيرو المهم الصحة 😅

العضوة: 743708 , 6 years ago

ماريا البنت الطموحة القوية، عندا عقل تجاري بيقدر يدير شركة كبيرة سمعتها اشهر من نار على علم، بنت آخدة قطعة من جمال القمر، ورقة من قطرات الندى، وسحر ماحدى وصلله قوة وضعف بنفس الوقت، قوة عقل وادارة، وضعف انثى لو شو ماكانت بتضل مكسورة جناح لأن بيلزمها رجال يكملها لكن بطلتنا الحلوة قوية بدون رجال مابتهاب شي..... بس للأسف اجتها كتلة صغيرة هدتها وضعفتها خلت بعض حواسها توقف شوي او تتخربط وتضعف، واللي زاد عليها الضغط اللي صار عليها بآخر فترة بالشغل وقهرها لأنها ماقدرت تفوز بالمناقصة... ياترى ماريا رح اتضل ضعيفة رح تستسلم للمرض رح يهزمها رح يروح تعبها ببناية شركة ابوها بمهب الريح والا رح ترجع قوية وتحارب لتستعيد مكانها وتاخد حقها وشو الها وتعطي اللي عليها.... خليكن معي لنكفي حكايتنا 😉... حكى جبر مع الاستاز موفق وخبرو انو ماريا ضعفانة كتير وانوولو يعطيهن مجال شي كم يوم تانيين بس لترجعلها عافيتها... والاستاز موفق كونه صحبة مع ابوها قدر موقفها لماريا وعطلهن مهلة كمان اسبوع.. اتصل الاستاز موفق بماريا ليتطمن عليها ومن صوتها عرف انها كتير تعبانة ووضحلها انو جبر عازرها وهو اللي طلب منه يمدد المهلة شي كم يوم لتروق وتتحسن.. ** بعد تلات ايام تحسنت ماريا وكانت مفهمة اهلها انو عندها فقر دم ووقت تحسنت شوي حطت ميك اب ليبين قدام اهلها انها صارت احسن.. ابو مهدي : يابابا ليش مابتضلي مرتاحة كم يوم زيادة. ماريا : كمان كم يوم انا ماسدقت ايمت خفيت وقدرت وقف عرجليي بدك اياني ارتاح بعد حاجتي هيك صرت منيحة.

العضوة: 743708 , 6 years ago

ربي يسعدك الحمد لله مافيني شي بس راحوا متابعاتي 😢😢

العضوة: 743708 , 6 years ago

امها : والله ياماما هالميك اب اللي حاططتي مو مخبي تعبك عليي انا امك وبعرف انو لساتك تعبانة يعني مافيكي تضحكي علي. ابتسمت ماريا وباست ايدا :..... الله يخليلي اياكي ياحنونة معك حق انا بقدر اضحك عالكل بس عليكي صعب انا ماجيت عهالدنيي لحالي انا جيت من هالقلب الحنون اللي كله مشاعر وطيبة واللي بيحس فيي حتى وانا بعيدة، انتي كاشفتيني اي لكن انا مافيي ضل عم مثل وكزب عليكي انا اي ياماما لساتني تعبانة لكن بغلاوتي عندك مابدي تزعلي مني وتعزريني لأني والله اهملت شغلي كتير بهالفترة وانا مافيي اترك الشركة كل هالوقت صار لازم ارجعلا وكمل فيا، وازا ماكنت فوق روس الموظفين بيفلتو ومابيشتغلو متل مابدي. امها : بس ياماما لازمك راحة كتير والله وشك شاحب وباين التعب عليكي. ماريا : بس ازا ضليت بالفرشة بتعب اكتر خليني هيك والله بتروحن كتير وقت ادخل من بوابة الشركة بحس روحي انردتلي. ابوها : اتركيا خليها تروح لشغلا بنتك قوية ومافيا شي بس هالضعف اللي شايفتيه عليها لانه طالعة من مرضها جديد روحي بابا هالشركة مابتقوم الا بوجودك. باست امها وابوها وراحت ركيد لشغلها. ام مهدي : بس يارجال والله البنت تعبانة. ابو مهدي : يمكن لساتا تعبانة لكن ماشفتيا مبارح وقت قلتلا روحي لشغلك كيف تنشطت ورجعت وردت وتروحنت. امها : امبلى شفت هاد لأنك عودتها عالشغل الله يسامحك. ابو مهدي : يعني لمين اترك شغلنا ومالنا مافيي يابنت الحلال بنتك ض

العضوة: 743708 , 6 years ago

مان وامان بس غيرها مابأمن في...... انا ماعم استغلها بس بتعجبني شخصيتها كتير. *"" "" وقت وصلت الشركة استقبلوها بابتسامة عريضة صحي هي كانت شديدة ومابتستهين بالشغل لكن حقانية وبتعطي بكرم. تشكرتهن ماريا لحسن استقبالهن الها واول مادخلت مكتبها ابتسمت و كانها لأول مرة بتدخلو... السكرتيرة : شرفتي ياانسة والف الحمدلله عسلامتك. ماريا : الله يسلمك يامريم.... انا كتير مبسوطة انو رجعت للشغل وبعرف ناطرني شغل كتير.... يلا اوام جيبيلي شو ترتب عليي شغل وقبل كل شي فنجان قهوة يعدل راسي. السكرتيرة : امرك ياانسة حاضر. اتصل عمر بماريا ليسأل عن صحتها... عمر : كيفو الحلو.... طمنيني كيف صرتي اليوم. ماريا : الحمدلله احسن من قبل ومتنشطة كتير للشغل. عمر : اياكي ثم اياكي تروحي للشغل خليكي كم يوم ارتاحي وبعدين روحي للشغل. ماريا : قلتلي كم يوم.... اي ماشي واللي بقلك انو انا حاليا قاعدة ورا مكتبي وعم اشتغل. عصب عليها : مابصير هيك مابصير لازم ترتاحي لتقدري تقاومي مرضك انتي هيك عم تموتي حالك عالبطيء وبدون ماتحسي ماريا ليه هيك انتي عنيدة ومابتمسعي الكلام. انصدمت من اسلوبه : ليك عمر انا بعمل اللي بدي اياه وماحدا بيفرض عليي رأيه او شو لازم اعمل لاحظ انو انا مو بنت صغيرة لترفع صوتك عليي بهالشكل. عمر : انا دكتورك ومن حقي خاف عليكي. ماريا : كتر خيرك انت ماقصرت معي بنوب بس انا المريضة وبظن انا الموجوعة مو انت ولو ماكنت شايفة حالي منيحة اليوم ماكنت طلعت من البيت ورجاء هي اخر مرة بتحاكيني بهي الطريقة والا بعد هيك رح تتضطرني انو مارد عليك وكمل علاجي عند غيرك. عمر : اووف اووف لهالدرجة. ماريا : اي واكتر من هيك. عمر : متل مابدك سلام. ماريا : مع السلامة. رمت القلم من ايدها بعصبية وتمنت لو انها ماردت عليه.

العضوة: 743708 , 6 years ago

بعد ساعتين وعند وقت الضهر دقت باب مكتبها السكرتيرة، حاملة بأيدها باقة ورد بتسحر باللون الخمري المخملي وورق الورد الأخضر محلي منظر الباقة اكتر... السكرتيرة : آنسة ماريا هاد وصل لألك هلأ... اتطلعت من تحت النضارة واخدت الباقة من ايدها وامرتها تروح وتسكر الباب وراها.... ضحكت ماريا لما شافت الباقة شمت ريحتها كانت معطرة بريحة حلوة كتير.... مسكت البطاقة اللي عالباقة وتوقعت انها من عمر ليراضيها..... قبل لتفتح البطاقة شمت ريحتها حست انو هالريحة مألوفة لألها. انها شاممتها من قبل. فتحت البطاقة وكان محتواها..... الف الحمدلله عسلامتك، منيح رجعتي لشغلك بخير.... * جبر الغانم*.. علامات الصدمة كانت واضحة عوجه ماريا، اخر حدا توقعت يبعتلا يهنيها برجعتها هو جبر، وتوقعت هالباقة الوردية من عمر ابن عمها اعتذار عن اللي قاله... استغربت اللي صار وقالت بحالا (اكيد هلا جبر مبسوط انو رجعت لشغلي مشان نتفق انا واياه بس كيف عرف انو رجعت لشغلي، اي شو كيف عرف مو صعبة عواحد متل جبر ماتوصلو اخباري ههه فعلا متل ماقال بابا عنه تعلب). اتصل الاستاز موفق بماريا ليوطمن عصحتها ويسألها ازا قادرة تقعد جلسة اتفاق مع جبر تاني يوم او لا.... ماريا : اي استاز اكيد قادرة بأزن الله، بس ماسألت وين بدنا نقعد عندي والا عندو؟ الاستاز موفق : انا برأيي لا عندك ولا عندو انا بقول بكرة المسا بعد الدوام بتجي لفندق سحر الشرق عرفتيه اكيد؟ عامل اجتماع لمندوبين شركات من برا وقلت بتحضري انتي وجبر ومن بعدا بتتفقه شو قلتي. ماريا : متل مابدك ماعندي مشكله، بقي تسأل الاستاز جبر.

العضوة: 743708 , 6 years ago

الاستاز موفق : سألته قبل لحاكيكي وماكان عندو اعتراض معناها على موعدنا بكرة عالستة المسا تمام. ماريا : تمام. **"" " تاني يوم..... قضت ماريا اليوم كله متوترة ومشغول بالها واشتغلت شغلها كله وراحت للمعمل وحست اليوم طويل وماعم يجي الوقت..... واخيرا صار الوقت وراحت ماريا بأطلالة سيدات الأعمال..... كانت لابسة طقم اسود تنورة ضيقة قصيرة لفوق الركبة وعليها جاكيت اسود قصير وتحتا بروتيل ابيض دانتيل، وكعب اسود عالي وتركت شعرا منساب عضهرا بلمسة سشوار خفيفة وميك اب خفيف. وصلت الفندق وكان جبر سابقها ناطرها عنار. دخلت لمكان الاجتماع، وبقي الاستاز موفق يشرح ويحكي ويعطي حلول ونتائج مع المندوبين لكن ماريا فهمت الموضوع اللي عم يتناقشو فيه وسمحت لحالا بعد ازن الاستاز موفق انوتتدخل وتعطي حلول وتعرض اقتراحات للشركتين مع بعض واعجب الاستاز موفق كتير باقتراحاتها والمندوبين زات الشي اعجبو بأسلوبها وطريقة شرحها للأمور..... ماقدر جبر ينكر اعجابه فيها وبقي كل وقته عينه عليها ماعم يقدر يفسر سر هالنظرات..... بعد ماانتهى الاجتماع وراحو الكل قعدت ماريا وجبر لحالهن بطلب من الاستاز موفق..... جبر : قبل كل شي طمنيني كيف صرتي. ماريا : الحمدلله صرت احسن فينا ندخل بالموضوع. جبر :...... اي متل مابدك، ليكي آنسة ماريا انا بحاجة هالمناقصة كتير ومابظن انك بحاجتا قدي وبظن انو انا أحق فيا منك بقى شو قلتي اتركينا نتفق بدون عصبية وبدون انفعالات.

العضوة: 743708 , 6 years ago

ماريا : اي انت قلت اللي عندك وانا بقول اللي عندي...... متل ماحضرتك بحاجتا وانا كمان بحاجتا يعني انا ماقلت انو بدي شارك بهالمناقصة بلا داعي. جبر : انتي ليه كل هالقد معسرة الموضوع طيب ياستي رح قلك انا بشو بتلزمني اكتر منك.... ماريا : عم اسمعك. جبر : انا عندي مزارع مواشي برا البلد ولتعطيكي انتاج حليب وغيرو لازم هالمواشي تاكل اعلاف بشكل كبير وخاصة ازا كان صحي ونضيف بقى ازا انا ربحتا لهالمناقصة رح وفر عحالي كتير كتير فهمتي ليش هالمرة اصريت بدي اياها. ماريا : اي فهمت بس اللي بدي اياك تفهمه كمان انو كمان رح استفاد كتير ازا كانت من نصيبي انت نسيان انو هالشحنة هي هيي الوحيدة اللي بالبلد وخاصة لأنها كبيرة يعني فيي صدرها لبرها او استفيد منها هون وبصيرو كل مزارع المواشي وكل التجار يطلبو الأعلاف من شركتي كل السنة ورح بتدرلي ارباح كتيرة وبالنسبة لألي هالصفقة هي شي كتير كبير. جبر : انتي ماعندك نية تيسري الموضوع ماهيك... ماريا : وليه مابتقول هالحكي لألك..... عندي اقتراح لألك..... ليه ماباخد هالمناقصة انا وبماانك كتير بحاجتا فيك تشتريها مني يعني ببيعك اياها او بصدرلك اياها لمزارعك اللي برا البلد. جبر : انتي جنيتي شي يعني اكيد مارح تبيعيني اياها بنفس السعر اللي اشتريتيها فيه ماهيك يعني اقل شي رح بدفعلك ازا مو الضعفين لو ضعف حقا يعني شو بكون استفدت انا مابكون وفرت عحالي شي ابدا وبتكوني انتي المستفادة الوحيدة ماهيك. ماريا :...... عندك حل تاني يرضيني. جبر : وليه مابتلاقي حل يرضيني الي. ماريا : انت بدك توفر ماهيك!!! ياسيدي انا مارح بيعك اياها بنفس السعر اللي رح تشتري فيه هالشحنة كلا رح بعطيك اياها بسعر رمزي مقارنة مع ثمنها الحقيقي لو بدك تشتريها من غير محل شو قلت. جبر بعصبية : شكلك مو ناوية عالحل كنت حاسس بهالشي بدك اتديقيها عليي كتير لكن انا ما رح انصاع لأوامرك ياخانوم لانوو....... فجأة حست ماريا بالأرض تحتا عم تهتز وفكرت انو نوبة الصداع رح ترجعلا وكان واضح قداما كل شي مو بمكانو حتى جبر وقف عم كلامه بهاللحظة لكن تأكدت انو وضعها الصحي طبيعي لما سمعت جبر عم يصرخ ويقلا انزلي تحت الطاولة شكلا هزة ارضية.

العضوة: 743708 , 6 years ago

شو عجبتكم القصة يا صبايا 😕