العضوة: 743708 , 6 years ago

هادي : امبلى اختي شو هالحكي كيف مابدي دور عليه جبر اخي كمان...... وانتي امي لبقى تحكي عأخي بهالطريقة لولا جبر بحياتي مابوصل لهون انا. مرت ابوه : ليش يابعدي شو عمللك اخوك اااه. هادي : كيف شو عمل ياامي لولا جبر انا بعمري ما بخف وبتعافى والا نسيتي كليته اللي خاطر بحياته كرمال يتبرعلي فيها وانا صغير. مرت ابوه بصراخ : واجبه...... عم تفهم واجبه..... هاد اخوك شو يعني يتركك تموت وبأيدو ينقذك من الموت. جنات : لأ جبر مابيتركه وانتي اكتر وحدة بتعرفي انو اول حدا تبرع لهادي بكليته هو جبر ولأنه نواياه صافية اتطابقت كليته مع كلية هادي وياريتك ياخالتي مقدرة التضحية اللي ضحاها جبر لأبنك..... ليش كل هالكره والحقد لجبر مابعرف. بعدت وشها عجنب وجلقت تمها وماردت عجنات ابدا. طلع هادي وراحت جنات معه ليدورو عجبر بنص الليل. مرت ابوه لجبر بعد ماراحو :...... ان شاء الله مابتلاقوه الا ميت و محمل وعقبال مااخلص منك انتي التانية او بتضيعي بهالعتمة ومابلاقوكي ياقارحة. جنات عم تحكي لهادي : اخي بس بدي افهم امك ليه هيك بتكرهو لجبر..... انا بعرف انو بتكرهني الي كمان بس جبر تقول عدو الها فهمنا انو بتزعل منه لأنه بجادلها كتير ومابرد عليها بشغلات كتير وبعارضها عشغلات اكتر واللي بدو اياه بيعملو بس انو تكرهو لهالدرجة والله كتير والا لأنه ممشي البيت عكيفه ومتل مابده. هادي وعم يتطلع يمين ويسار : والله مابعرف يااختي شو مشكلة امي معكن انا زاتا بستغرب من اسلوبها بالتعامل معكن ومتل ماقلتي بالزات جبر ليه هيك معه ماكنت افهم.

العضوة: 743708 , 6 years ago

ماكنت افهم. جنات : انا بقلك ليش ومافي رأي تاني.... امك لأنه جبر هو اللي مستلم شركة بابا ولأنك مالك بشغله شي ولا بتعرف عن شغله اي شي لهيك هيي مفكرة انو جبر رح يسيطر عكل الورتة وكل شي تركه البابا، والله جبر مابفكر بهي الطريقة هو قلي حصتك محفوظة وعم يكبرها اكتر واكبر دليل ارجاني رصيدك بالبنك كل شهر عم يحطلك دخل فيه وكزا ارض اشتراها وحطها بأسمك غير مزرعة الصفا اللي كانت لأله تنازللك عنها وسجلها بأسمك بالسجل العقاري والعمارتين برضه هاد غير حق امك المحفوظ وياريتا معترفة بهالشي. هادي :..... لحظة شوي هلأ جبر مسجل كل هدول بأسمي انااا؟ جنات : اي اخي بس هو مابيحكي شو بيعمل ولو ما امك الله يصلحها هديك اليوم سمعته كزا كلمة ماكان خبرني وارجاني اوراق ثبوتية بكل شي الك ولأمك. هادي : طيب وانتي وهو شو الكن ازا كل هاد الي غير اللي لأمي. جنات : انت نسيان قديه ابوك ترك ولسا جبر عم يشتغل ويكبر بهالشركة هاد غير حصتي انا واياه من ورتة بابا وورتة ماما الله يرحمهم. هادي : طيب لكن ليه امي عم تعمل معه هيك شو بدها اكتر من هيك واحد مراعي مصالحنا وتم يزود بمالنا اكتر ويكبر الشغل ومعاملة منيحة عم يعاملها شو بعد بدها....... انا لازم افهم منها واعرف شو بدها من الاخر. جنات ان

العضوة: 743708 , 6 years ago

زل انزل اسأل هدول الرجال بركي بيعرفو شي او سمعه من حدا اي شي. * نرجع للحطام اللي صار بالفندق... صار الوقت الصبح، فاق جبر موجوع من صدرو اتطلع شاف ماريا حاطة راسها عطرف الطاولة حدو نايمة... كان شعرها نازل عوشها زاح شعرها بطرف اصبعه وبقي ماسك فيه ليتأمل وجهها الدبلان النعسان ورغم تعبه كان باين عليها متل الملاك برموشها اىطوال وعيونها الواسعة وبشرتها الصافية وتمها المكتنز المورد، كانت نايمة جنابي وضامة رجليها عجنب مبينة رجليها بحكم تنورتها القصيرة وبروتيلها الدانتيل كان مبرز جمال خصرها... عم يحكي بحاله : ( انا ملاحظ انك على قدر من الجمال لكن انسانيتك هي دبحتني مرة شفتا مع القطة الصغيرة وهالمرة معي، رغم انو عم نتنازع انا واياكي عالمال والربح والخسارة الا انك مانسيتي مبادئك واسعفتيني برغم اصراري مبارح عمدايقتك..... خلص الكلام فيكي ياماريا مهما حكيت مافيي وفيكي حقك).... حط ايدو عراسها مكان الورم وقال مرة تانية ( لوفيي ساعدك وقيم هالورم من راسك ماكنت بقصر والله، شو فيي اعمللك.... كيف بقدر ردلك جزء من معروفك لو بقدر اخد الوجع عنك ماكنت ترددت لحظة) تحرك شوي حس بنخزة بصدرو توجع وصرخ.... فاقت عصوته مفزوعة :........ جبر... جبر انت منيح موجوع. اتطلع فيها بخباثة : اي كتير كتير موجوع ااااااااااه شو هالوجع شو عملتي فيي عم موت من الوجع. دمعت عيونا من خوفا عليه : ياربي والله ماعملت الا اللي بقدر عليه مشان الله سامحني ماكان فيي اتركك تنزف كل الليل وماساعدك وعملت كل شي بقدر عليه لوقف النزيف..... كتير موجع انت. حس قديه هيي رغم كل قوتها الا انها شفافة ورقيقة ومافيها تأزي حدا وشفق عليها لما صارت تبكي كرماله.... جبر : صرت منيح ماتخافي علي بس بدي شوية مي عطشان كتير. مسحت دموعها بسرعة : اي من عيوني. حطت ايدا تحت راسه ليقدر يشرب..... بعد ماشرب حاولت ترجع تسندو عالمخدة ركا ايدو عالمخدة وكان شعرها نازل عليها شد شعرها بدون قصد.... توجعت بس ماحبت تقله وحاولت تسحب شعرها من تحته...

العضوة: 743708 , 6 years ago

اتطلعت فيه بطريقة عفوية بدا تقله انتبهت انو مركز نظرو بعيونها البكيانة... اخدو وقت وهنن عم يتطلعو ببعض حاولت دمعة تتسلل لتخرب عليها النظرة لكن سبقها جبر وبطرف اصبعه مسحها وايدو محاوطة خدها بالكامل تلقائي غمضت عيونها وقت حست بدفا ايدو... لمس خدها الناعم واتطلع بعيونها الحلوة عن قرب وتحسس شعرها المنسدل عكتافها ودقق برموشها وشفافها الناعمة وتزكر انسيابية جسمها وهي نايمة عطرف الطاولة حس كأنه ملاك اللي قدامه وربنا بعته ليساعدو.... فتحت عيونها وكان لسا مركز بعيونها...... خجلت كتير من نظراته الجريئة بللت شفايفها ببعض وبلعت ريقها.... ماريا بخجل و بصوت يادوب مسموع :...... شعري تحتك.... فيك ترفع حالك شوي لأسحبه. جبر بابتسامة سحرتها :...... خليه تحتي ناعم وريحته حلوة. ضحكت بنعومة :....... بقصه وبتركلك اياه بعدين بس هلأ انا بحاجته ازا ممكن. جبر عم يتخابث عليها : اي بس مافيي ارجع ارفع حالي هلأ بنوجع. ماريا : انا بساعدك. رفعته وتصنع الوجع هو ليخليها قريبة منه....كانت قريبة منه لدرجة كبيرة وكأنها ضاممته، قدرت تسحب شعرها من تحته، رجعت لعيونه شافت فيهن لمعة لأول مرة وكأنهن كريستال، من قربها منه ماانتبهت عحالها كيف عم تتنفس بسرعة وكيف عم تتطلع بتقاسيم وجه بالكامل كان نفسها عم يطلع ويهبط وكأنها خايفة من شي.... بعدت عنه بخجل، بعدت شعرها ورا ادنيها وتنحنحت وقالت :..... معقول لهلأ الكهربا مارجعت رح جرب شعل الاضوية.. قامت وعيونو ملاحقتها من قرنة لقرنة حست عليه وحست بحالا مقيدة من نظراته ماتوقعته يكون جريء هيك. ماريا : لسا مارجعت الكهربا والوقت لسا بكير... جبر : قديه الساعة.. ماريا : سبعة وربع.. وقفت عند الشباك اكتر من مرة بس ماحدا بين عليها.. رجع جبر لخباثته بدو اياها تقرب منه... جبر بوجع : ااااااااخ.. ركضت لعندو :...... خير شو فيه. جبر : هون هون عم يوجعني شكلك مقوية ايدك بالغرز. ماريا : مافهمت وين. مسك ايدها وحطها عصدرو :.... هون بالزبط كتير عم يشد عليي. كانت رح تبكي من جديد : انا اسفة جبر اسفة كتير المكان كان عتمة وهي اول مرة بخيط جرح لحدا ومابعرف اصلا من وين اجتني القوة لخيطلك جرحك بس خفت عليك والله سامحني بجوز كون قسيت عليك وشديت كتير بس بجوز لاني ماعندي خبرة.

العضوة: 743708 , 6 years ago

عم يضحك بحاله ويحكي : ( ماتوقعتك تكوني بهالرقة وانتي اللي ماقدرت جادلك واخد منك اتفاق للمناقصة لكن هالحادثة قدرت تخليني اكشف حقيقتك من جوا واعرف انك ارق من فراشة حلوة). رد عليها :...... ولا يهمك بجوز جرحي غميق وواجعني من جوا ولأنك متل ماقلتي ماعندك خبرة بهالمجال بجوز بدون قصد قويتي ايدك بالغرز.... ماريا : اي هو هيك واكيد مو قاصدة وجعك. مسك ايدها بلطف :...... كتر خيرك...... لولاكي بجوز بقيت هون لحالي وماحدا عرف فيني او بجوز كنت نزفت لمتت وقت يلاقوني. جاوبته بلهفة : بعيد الشر... لا تقول هيك.... ان

العضوة: 782079 , 6 years ago

اي بس شكلها حلوة😘😍

العضوة: 782079 , 6 years ago

@user-743708 صورت اول مبارح طلع معي صبي متل ما توقعتو

العضوة: 743708 , 6 years ago

@user-782079 حبيبة قلبي الف مبروك الله يجبلك ياه ع خير يارب

العضوة: 782079 , 6 years ago

الله يبارك فيكي ياروحي ويئومك بالسلامة يارب

العضوة: 743708 , 6 years ago

حبيبه قلبي

العضوة: 743708 , 6 years ago

شاء الله بتخف وبترجع اقوى من قبل بس شد حيلك. ماريا : ازا حاسس بوجع قوي بعطيك مسكن.... منه بترتاح وبتنام ومابتحس فيه. جبر : اي ياريت. عطته الحبة ونام بعدا فورا ومافاق الا عصوت ماريا.... ماريا : جبر قوم قوم.... رجعت الكهربا وحاكيت الاسعاف وليكون عالطريق. جبر : يعني رح انضل عايشين مارح ينفونا بهالمكان. ضحكت من بين دموعها :.... لأ رح نعيش ونرجع لبيوتنا ان شاء الله يلا شد عزماتك لنروح وقت يوصلو. بعد ربع ساعة وصلت سيارة الاسعاف ونقلو جبر عالمشفى وكانت ماريا معه. وقت وصله المشفى كشف الدكتور عجرحه وانصدم فيه.... الدكتور : مين اللي مخيطلك جرحك هيك. ماريا بخوف :...... انا دكتور.... بصراحة ماكان عندي حل تاني والا كان ضل ينزف كل الليل. الدكتور : بس مابصير تخيطيله جرحه بخيط عادي هاد بيلزمه خيط طبي خاص بهيك امور. ماريا بعصبية : قلتلك دكتور انت اكيد عرفت بالمكان اللي كنا فيه وماعندي خيط طبي والله لاقدر خيطله جرحه سامحنا يعني مابنعرف انه رح يصير معنا هزة والا كنت اخدت احتياطاتي #يتبع.

العضوة: 743708 , 6 years ago

الجزء الثاني عشر ❤️ الدكتور :..... شو عم تتمسخري حضرتك. ماريا منفعلة :..... انت شو رأيك يعني، لاني دكتورة ولا ممرضة ولا بفهم بالطب شي وعملت كل شي بقدر عليه لأنقذ حياته وفوق هاد عم تسمعني كلام طالع نازل ماتواخزنا والله نسينا ناخد دورة طب قبل الهزة والا كنت عرفت اتصرف بوقتا..... ويكون بعلمك انا عقمت الخيط بالكحول قبل لأستخدمه والأبرة حرقتا وعقمتا وبعد ما خيطتله جرحه رجعت عقمته كمان بقى اكتر من هيك مابفهم بالطب والله.....تفضل حضرتك فيك تفكله الغرز وترجع تخيطله جرحه من جديد بخيط طبي اي. الدكتور : ازا سمحتي احكي معي بأدب واطلعي لبرا لشوف شغلي. ماريا بصراخ : بوزع ادب عليك وعلى مية متلك عم تفهم انت اللي تنمرت عليي بالأول واستهزأت بشغلي واللي بدق الباب بيسمع الجواب. طلعت من الغرفة وطرقت الباب وراها...... كل هاد وجبر ماسك جرحه بأيده وعم يضحك على ماريا كيف معصبة ومنفعلة من الدكتور. الدكتور : العمى شو قوية هي مين جابا لهون. جبر : دكتور هيي معي..... كتر خيرا لولاها كنت متت انا وبصراحة يعني حضرتك زدتها عليها منيح منها اللي قدرت بالعتمة وماعندا حدا يوجهها او يقلا شو تعمل بهيك حالة، بتقوم انت بتسمعها كلام قاسي يعني معا حق تعصب منك هيك. الدكتور : اي ماشي بس موهيك انبحتت عليي ولي عليها شو قوية. جبر : لو سمحت دكتور ماتحكي عليها هيك قدامي ازا بتريد. فكله الدكتور الغرز بعد مابنجه ورجع من جديد خيطله جرحه بخيط طبي وتأكد انو الجرح نضيف ومافيو اي التهاب وقتا وبس اعترف الدكتور انو ماريا ماغلطت لما شاف الجرح نضيف ومعقم منيح. طلع الدكتور من غرفة جبر وشاف ماريا قاعدة برا ناطرته يخلص. الدكتور : لساتك هون مارحتي. ماريا : انا مابروح قبل مااتأكد انو منيح وامن عليه انو عندو حدا غيري. الدكتور :.... اتطمني هو منيح وفيكي تتأكدي بنفسك. اجت لتروح وقفها الدكتور :..... ممكن لحظة. التفتتله وحطت ايديها فوق بعض : خير شو بعد عندك بدك تقولو. الدكتور :..... انا بدي قدم اعتزاري بجوز كون تسرعت و عاملتك بطريقة فظة شوي. ماريا : مو شوي كتير.... عن ازنك رايحة اتطمن عليه. اول مادخلت لعندو شافته موجوع... قعدت حدو :...... حمدالله عسلامتك استاز جبر. اتطلع فيها مستغرب من اسلوبها :....

العضوة: 743708 , 6 years ago

اتطلع فيها مستغرب من اسلوبها :...... ليش عم تناديني استاز ولسا اليوم الصبح ومبارح كنتي تناديني بأسمي. خجلت لما ركز انها كانت تناديه بأسمه وهلأ قالتله استاز.... ماريا : بجوز الظرف اللي كنا فيه ماكان وقت رسميات لكن هلأ.... جبر : هلأ شوو...... رجعنا خصوم متل قبل يعني. ماريا :..... ااااه لا ابدا مافكرت بهي الطريقة ابدا.... بس حسيت انو لازم ارجع لطبيعتي افضل. جبر : مع انه طبيعتك مبارح واليوم احلى... والا شو رأيك. بهالوقت وصلت جنات وهادي عالمشفى... ركضت جنات عليه وضمته وصارت تبكي..... جبر : اااااااااخ. جنات : خير ياعيوني سلامة البك شو عم يجعك. ماريا واقفة ومصدومة بتصرفها. جبر : الله يسلمك حبييتي جرح صغير بصدري. جنات :سلامتك ياالبي كل الليل مانمت وانا عم فكر فيك وشو صار معك. هادي : والله يااخي ماريحتني ولا دقيقه ونحنا عم أندور عليك... هههههههه حمدلله عسلامتك ياوحش. جبر : الله يسلمك حبيب. ماريا قررت تنسحب بهاللحظة تنحنحت وقالت :.... حمدالله عسلامته الحمدلله صار احسن..... اي استاز جبر انا صار لازم روح. جبر : خليكي لسا ماكملنا كلامنا.... وبالمرة بعرفك على عيلتي ازا هالشي بهمك. ماريا : بعتزر ماكنت بعرف انو عندك عيلة ومرتبط. حط ايدو عجرحه وصار يضحك عليها :...... في حدا بالدنيي ماعندو اهل...... بس شكلك فهمتي الموضوع غلط. كمل كلامه :... هي اختي جنات وهاد اخي هادي....... جنات بعرفك عالآنسة ماريا المهدي..... كنا داخلين بمناقصة سوا كنا متنافسين عليها ومبارح كنا رح نلاقي حل واتفاق لهالموضوع قام صار اللي صار

العضوة: 743708 , 6 years ago

ومااتفقنا عشي لسا.....و لولا الانسة ماريا يمكن انا هلأ بعداد الأموات. جنات : وليي ليش اخي شو صار... جبر : قصة طويلة بقلك عليها بعدين. ماريا لفتت نظرها لجنات واعجبت فيها كتير.. قربت جنات منها ومدت ايدها لتسلم عليها : اهلا وسهلا انسة ماريا تشرفت بمعرفتك انا بسمع بأسمك كتير ماشاء الله... تشرفت بمعرفتك... انا جنات الغانم. ابتسمتلا ماريا ومدت ايدا 🤝🏻 :..... اهلا وسهلا فيكي حصلي الشرف اتعرف عليكي . ابتسم جبر من بعيد 😁. جنات : بدي اتشكرك عكل شي عملتيه لأخي. ماريا : مافي داعي هاد واجبي. هادي : اي اكيد لو كان صار هالشي معك ياانسة جبر مارح يقصر ورح يساعدك اكيد. خجلت ماريا واحمرو خدودا وقالت :... ااااه....... اي لااا.... مافيو يساعدني صعب بهيك حالة. هادي :... لك لااااا اخي كتير حباب وبيخدم الناس واكيد كان اتصرف معك متل ماانتي عملتي معه. جبر فهم عليهن وفهم عماريا انو مكان جرحه حساس ومافيو يحط ايدو عماريا بهيك حالة لكن هنن ماكانو بيعرفو بأي طريقة ماريا ساعدته. جبر :... اي انسة ماريا هنن مابيعرفو شي لهيك ماتواخزيهن انا ببقى بقلهن كل شي. ابتسمت ماريا بخجل : صار لازم امشي هلا بكونو اهلي غليان البهن عليي من مبارح ماحاكيتون ولا طمنتون عليي... تشرفت بمعرفتكن وحمدالله عسلامتك مرة تانية استاز جبر برجع بتطمن عليك ان شاء الله معافى. جبر وعيونو لاحقتا :...... يسلمو عكل شي ماريا. ماريا : لا ولو العفو .... يلا بالأزن. بعد وقت...... دخلت ماريا عبيتها تعبانة كتير. امها :..... ياامي ياحبيبتي الف الحمدلله اللي شفتك بخير... ضمتها امها وصارت تبكي... ماريا : ماما حبيبتي انا منيحة ماتخافي. امها : لك كيف مابدك اياني خاف عليكي وانتي من مبارح غايبة عن عيني ومابعرف عنك شي.

العضوة: 743708 , 6 years ago

ماريا:..... الله يخليلي اياكي ياامي والله انا منيحة بس الفندق اللي كنا فيه تهدم منه شغلات وهربو الناس كلهن وانقطعت الكهربا وانحبسنا انا والاستاز جبر بقاعة الاجتماعات وانجرح صدرو بسبب الطاولة اللي كان متخبي تحتا وماكان بيعرف انها قزاز حفافا مبوزة كتير وحادة متل السكين مزعت صدرو بطول شبر ونزف كتير اضطريت اسعفه باللي بقدر عليه لليوم لحتى رجعت الكهربا واتصلت بالاسعاف ونقلوه للمشفى وعالجوه من جديد. ابو مهدي جاي وعم يتعكز بعكازه : برافو عليكي يابابا انت قدا وانا متأكد انك ماقصرتي بشي. مشت بسرعه لعند ابوها وباست ايدو : حبيبي بابا ان شاء الله ماصار معكن شي. ابوها : نحنا كلنا بخير انتي طمنيني ماصار عليكي شي. ماريا : لا ابدا بس الاستاز جبر ياحرام بالمشفى. ابوها : ضروري حاكيه واتطمن عليه...... مابينخاف عليكي يابابا... فعلا انتي بنت ابوكي وبتسوي ميت رجال. ضمت ابوها برضى وبعدا استأزنت وراحت لغرفتها تحممت ونامت نوم عمييييييق بسبب ليلة طويلة كلا خوف ورعب. #يتبع