العضوة: 743708 , 6 years ago

معي، جاهزة تسمعي بس بدك تتوقعي كل شي السيء قبل المنيح ولازم معنوياتك تكون عالية جدا وهي اول خطوة للعلاج...... وعشو مستعجلة لتعرفي النتيجة مو لتشربي شي بالأول وانضيف الأستاز اللي معك. جبر : فيك تختصر دكتور لاني انا فرطت اعصابي من كلامك واسلوبك. الدكتور : مانك مضطر تسمع كلامي ازا عم يستفزك فيك تطلع لبرا وتنتظر ماريا لتخبرك بنفسها... وقف عحيلو : ليك انا ماباخد الاوامر منك عم تفهم.... انا ماحكيت شي غلط انت طبيب والمفروض تهون عالمريض مو تزيد سوء لحالته النفسية ولازم تقلا كلام يرفع من معنوياتها مو تهبطها وتاخد وتعطي كتير بالكلام شايفها مو رايقة ووجهها اصفر وخايفة وانت بكل برود اعصاب عم تحكي عن الضيافة. ماريا : جبر طول بالك شو صرلك. الدكتور :..... ماعجبك كلامي الله معك. جبر : لا سيدي ماعجبتني كلك عبعضك مو بس كلامك من وقت اللي دخلنا وانت عم تتغزل فيا وشي تحبطا بق هالبحصة وريحا هي مريضة وناطرة نتيجة تفرح البها لترتاح وانت نازل على اخد وعطا مو اسلوب هاد. اتطلع فيه الدكتور واتطلع بماريا :..... اي وانتي شو رأيك. ماريا بلشت تبكي : بصراحة دكتور جبر معه حق انا كتير مرعوبة وناطرة كلمة منك تريحني وانت ماعم تقلي نتيجتي وكل مااتأخرت بتشككني انو نتيجني سلبية ومابدك تقلي دغري. انكسف الدكتور وقت قالتله هيك وقلا..... الدكتور : لا ياستي نتيجتك مو سلبية ايجابية يعني الورم عندك اختفى نهائيا بس بقي تكملي ادويتك لحتى مايرجع مرة تانية ويرجع لنشاطه...... ارتحتي هلأ. انصدمت ماريا بالخبر ووقعت عالكرسي عم تبكي فرحانة... ضمها جبر وصار يهدي فيها :....... ياروحي انتي الف الحمدلله اللي طلعت نتيجتك منيحة..... ارتحتي هلا ياالبي. اتطلعت فيه وعيونها معبايين دموع : جبر.... سمعت شو قال سمعت انا طبت وراح الورم من راسي راح يعني صار فيني ارجع لحياتي الطبيعية.. جبر : اي ياعيون جبر سمعت الحمدلله اللي ربنا جبر بخاطرك وتحسنتي..... وهلأ صار فينا نحب بعض اكتر شو رأيك 😉. ضمته عم تبكي والدنيي كلا مو وسعانتا..

العضوة: 743708 , 6 years ago

ضمته عم تبكي والدنيي كلا مو وسعانتا.. الدكتور واقف محله ماعجبه اللي حاسس فيه انو بينهن شي وخاصة انو عم بقلا عمري وروحي وهي ضاممته.... الدكتور كان معجب فيها وكان ناوي يخطبها لكن اسلوب جبر معه خلاه يتراجع عن هالفكرة. اعتزرت ماريا من الدكتور عالي صار وشكرته عكل شي عمله معها.... الدكتور : اي بس مو انا لحالي اللي كنت مشرف على علاجك والدكتور عمر كمان كان معي. ماريا : اي بعرف مانسيت كتر خيركن.. اجت لتحكي كمان مسك جبر بأيدها انو اختصري وماتحكي كتير. فهمت ماريا وتركت مكتب الدكتور وطلعو سوا. عم تحكي وتضحك وتبكي مبسوطة كتير... ماريا : جبر.... بتعرف شو لك نفسي نط لفوق متل بنت صغيرة ماعم سدق انو خلصت من هالمرض والحمد لله. جبر : اي نطي ياعيوني ليش لأ بيطلعلك بعد كل هالتعب وهالصبر تعملي كل شي بنفسك. شافها عمر بالمشفى.... وقفها وسألها : اهلين ماريا..... ليه ماعم تردي عاتصالاتي ومقاطعتيني مشان شو كل هاد... جبر عم يزفر بضيق 🙄: صبر جميل... ماريا : ليك عمر نحنا حكينا بهالموضوع وانتهينا منه انا مابحب ارجع احكي بشي كان وخاصة اليوم...... ليك رح انسى شو كان بينا من زعل لاني مو ناكرة جميل والك الفضل الكبير بعد رب العالمين بمشوارك معي بعلاجي... ومن شوي كنت عند الدكتور ادهم وخبرني بنتيجتي. عمر : الف الحمدلله عسلامتك تحسنت صحتك وراح الورم لأنك قوية وكان عندك ثقة وامل بربنا واستمريتي عالعلاج. ماريا : كنت بتعرف بنتيجتي؟ عمر : طبعا بعرف مو دكتورك انا كمان. ماريا : اي معك حق نسيت ههههه. جبر : وشكلك نسيتي اني واقف معك صح وشكلك نسيتي انو عنا شغل صح. ماريا :..... اي.... اي مزبوط يلا عمر ببقى بشوفك سلام. عمر : رح دقلك لنحكي. وهنن رايحين التفتله جبر :...... مو فاضية ماريا هالفترة. ضحكت ماريا عليه 🤭 :....... مجنون والله. جبر : طولي بالك لتشوفي جناني عالمزبوط. طلعو من المشفى مبسوطين... جبر : اي حبي هلا صار لازم اعزمك عفطور مرتب شو رأيك. ماريا :..... مافيي والله عندي شغل ليوم الشغل... خليها غير مرة الله يخليك. جبر : ولا يمكن.... لازم حصرا اليوم يكون الي انا. ماريا : سدقني والله..... وقاطعها رنت موبايلها من الشركة....

العضوة: 743708 , 6 years ago

وقاطعها رنت موبايلها من الشركة.... ماريا : شايف هي من الشركة الله يستر. ردت ماريا : اي ست مريم خير شو في. السكرتيرة : انسة ماريا انتي وينك لهلا نسيانة انو في وفد جاي من الشركة الألمانية وصلو و ناطرينك بصالة الاجتماعات. ضربت ايدها عراسها : اي اي والله كيف نسيت هيك يلا يلا جاية. جبر عم يرفعلا بحواجبه انو لا وهيي عم تهزلو براسها انو استنى شوي. قفلت الخط :..... جبر نسيت الوفد الألماني عاطيتهن موعد انا اليوم ووصلو وانا ماوصلت تخيل والله مافيي اليوم الله يوفقك خليها لبكرا. عزرها بحكم شغله متل شغلها وبيعرف شو يعني التزام بموعد. جبر : ماشي الحال..... بس من هلا بكرة رح نفطر سوا تمام.

العضوة: 743708 , 6 years ago

ماريا مستعجلة : اي اي اكيد يلا بشوفك بكرة سلام. ركبت سيارتا لتروح قام وقفا :...... ماقلتيلي بحبك قبل لتروحي. ماريا :..... مو وقتك جبر مشاني مشيها خليني لحق. جبر : ولا يمكن مابتروحي لتقوليها. ماريا :... ياجبر.... قعد عالسيارة بجكر :...... ازا كنتي قدا امشي فيها وانا قاعد. طلعت راسا من الشباك : لك مجنون اتأخرت خليني روح. جبر عاطيها ضهرو : ولاااااا يمكن لتقوليها بالأول.. ضحكت وقالتله : طيب اتطلع فييي. اتطلع فيها وهو قاعد مطرحه : شوووو. خجلت وقالت بتردد وصوت واطي :.......... بحبك. هدي شوي وراح لعندها ودحش راسه بقلب الشباك : عيدي شو قلتي. ماريا :.... خلصنا ولوو والله عندي شغل. جبر : عم قلك عيدي شو قلتي. ماريا :...... بقولا بس بتتركني روح اي. جبر : انتي بس قولي وبفرجها الله. ماريا بخجل :....... بحبك..... منيح هيك. باس خدها برقة واتطلع بعيونها :.... وانا بموت فيكي ياعمري. ضحكت وشغلت السيارة وطارت للشركة. اول مادخلت الشركة وراحت لصالة الاجتماعات اعتزرت منهن وخبرتهن انو كانت عند دكتورها لأن كانت تحس بتعب بالفترة الاخيرة حبت تخبرهن بهالشي لحتى مايقولو عنها مستهترة ومابتهتم بمواعيدها. بعد وقت انتهى الاجتماع ورجعت ماريا لمكتبها.... لقت من جبر رسائل كتير ضحكت عليه من البها...... البها اللي خطفلها اياه من يوم اللي انجبرو ينحبسو مع بعض بالفندق يوم الهزة. كانت عم تزور المكاتب ونزلت للمعمل ورجعت للشركة كان نشاطها بهاليوم مو عادي والكل استغرب منها.... ماريا بهاليوم كانت مبسوطة لسببين الاول انو اتطمنت عوضعها الصحي والتاني انو جبر اعترفلها بحبه وهيي كمان ماقدرت تخبي بسبب عنادو واصرارو عليها...

العضوة: 743708 , 6 years ago

مرق يومها حلو ورايق رغم ضغط الشغل الا انها ماحست بتعب ابدا ..واغلب اوقاتها يدقلها جبر يجاكرها واوقات يتغزل فيها واوقات يتطمن عليها هيييك لخلص نهارها ورجعت عالبيت. حسو اهلها عليها انها مبسوطة كتير.... امها : خير امي اليوم مفتحة وموردة على غير عادة شو فيه. ماريا : اااه مافي شي ماما بس كنت خايفة من مشروع كنت داخلة فيه لكن هلا ارتحت وقت عرفت انو هالمشروع لصالح الشركة وفيو ارباح منيحة واليوم وقعت العقد مع الشركة وان شاء الله خير يارب. ابوها : قصدك عالشركة الالمانية اللي قلتيلي عليها من فترة؟ ماريا :..... اي هو بعينه الحمدلله صار متل مابدي ببقى بحكيلك بعدين بدي روح نام هلا نعست كتير تصبحو عخير. اختصرت الكلام مع اهلها لأن جبر دقلها كزا مرة كان حابب يسمع صوتها قبل لينام... وقت راحت لغرفتها دقتله هي هالمرة.... جبر : بدي عاقبك عتأخيرك عليي وينك لهلا طقيت بدي اسمع صوتك قبل مانام. ماريا :.... لك شوصرلك كنت قاعدة مع اهلي زمان ماسهرت معهن وهنن ياحرام ماسدقو. جبر : اي نيالون ياعمي ناس قاعدة معك وناس عم تنتظر تلفون. ماريا :.... اي وشو صار ليكني دقيتلك. جبر بخباثة: اي نسيت شو قلتيلي اليوم بالسيارة قبل لتروحي شو الكلمة اللي قلتيها. فهمت قصده :.... ماقلت شي جبر ولا تبلش ها مابعرف كيف قلتا ويمكن مااعرف انطقها مرة تانية ماتخجلني. جبر : اي لا هالحكي مابيمشي معي بدك تقوليا وتعيديا اكتر من مرة لأتأكد اللي سمعته اليوم حقيقة والا وهم. ماريا :...... لا حقيقة بس الله يخليك ماتحرجني بقى. جبر : بتعرفي شو بيعجبني فيكي. ماريا : شوو. جبر : رقيك وهدوئك صوتك الهادي ونعومته بتسحرني..... بقى كيف لما تقوليلي بحبك متل اليوم الصبح. ماريا :.... جبر : شووووو وين رحتي ياهووووووو نحن هنا مازلنا نتحدث. ضحكت عليه : ليكني معك بس كتير بخجل وقت بتقلي هيك. جبر : ماانا هاد اللي بدي اياه ازا بتحبيني من البك قليلي اياها خليني نام وانا عم اسمع صداها بأدنيي. ماريا :.... بس....

العضوة: 743708 , 6 years ago

جبر : لا بس ولا غيرو 🥱 نعست يلا قوليا.... رح قلك اياها انا بالاول وانتي بتقوليها بعدي اوك. ماريا :......... اوك. جبر :..... ماريا....... بحبك..... بحبك...... بحبك. ماريا :........ وانا....... كمان...... ب... ب..... بحبك حبيبي.. جبر : وليييييييي شو قلتي. ماريا :..... بحبك.....خلص جبر روح نام. جبر : بشوفك بكرا بدي اسمعها وانا عم اتطلع بعيونك اي وشوف وشك احمر.. تصبحي عحب ياالبي.... بحبك 😘. ماريا ☺️: تلاقي الخير. كانت ليلة مو عادية واحلاما وردية بالنسبة لجبر وماريا لكن كان ناويلا عمفاجأة تاني يوم وكان ناطر هاللحظة بفارغ الصبر. ببيت جبر....... لاقته خالته مرت ابوه عالدرج قبل ليروح لشغله..... مرت ابوه :.... كيفك جبر. جبر 🤨 : من الله بخير. مرت ابوه :..... شايفتك طالع بكير مارح تفطر. جبر :.... لأ مابدي افطر عندي شغل كتير. مرت ابوه : اي طيب ماقالتلك جنات انو جاييها خطابين اليوم. جبر : امبلى قالتلي اليوم العصر بكون بالبيت عموعد جيتهن. تركها وراح وماخلاها تكمل كلامها لأن كلامها مابيعجبه ابدااااا. صارت ماريا بالشركة تفاجأت اول مافتحت باب مكتبها كان مليان ورد بكل

العضوة: 743708 , 6 years ago

مكان..... اول ماسكرته كمشها جبر ولزقها بالباب.... ارتعبت وصرخت متل قبل بالكوخ الخشبي.. وقعلها شنتايتها من ايدها وحط ايدها عألبه :..... شايفة هاد عم ينبض بحبك..... وحط ايدها التانية عجرحه :... وهاد بعشقه لأنه خلاني اعرفك منيح وعن قرب وهو السبب بحبنا هاد..... ماريا..... بدي اتزوجك اليوم. ماريا :..... مجنون والله مجنون. جبر : اي مجنون وبدي اتزوجك الليلة. ماريا : كيف بقى. جبر : مابعرف دبري حالك. صارت تضحك :...... ماعم قلك مجنون.. جبر : اختي جنات جاييها خطابين اليوم... قولي الله يتمملا عخير وقتا رح افضالك والله. ماريا : الله يوفقا حبيتا كتير لأختك. جبر : اي واخوها كيف بتحبيه.. لاول مرة بترفع ايدها وبتحطها عوجهه وحكت برومنسية :...... اخوها عشقته متت عليه وبحبه مادق البي لغيرو ومابدي غيرو. جبر دايخ فيها :...... الليلة رح تصيري الي. تركها فجأة وراح وقتا هي استغربت شو صرلو.... ماريا : شو صرلو هالمجنون والله رح يجنني معه. ماحاكاها بنوب ورجع كل واحد عبيته وضلت محتارة غيابه هيك. ببيت الغانم..... كان جبر بيعرف زياد الشب اللي جاي يخطبها لجنات وكان شب محترم وابن عيلة وكان جاي لعند جبر من قبل ليجي عالبيت وخطبها منه من وقت وقله جبر يجي عالبيت مع اهله ليتفقه عكل شي..... كانت جنات معجبة فيه لزياد وفرحت كتير وقت وافق جبر عليه وانو واخيرا رح تخلص من مرت ابوها والعيشة معها رغم انها اخدة راحتها لأن جبر مابيسمح لمرت ابوه تتحكم فيها وفيه.... تمت الموافقة وقرأو الفاتحة واتفقو عموعد العرس وكل شي بيلزمو... ****"" "" ببيت المهدي...... قاعدة ماريا بغرفتها محتارة غياب جبر كل النهار من وقت كان عندها حتى رسالة مابعتلها او اتصال وهيي مادقتله الا مرة ولما شافته مارد عليها مارجعت دقت...... وقالت بجوز مشغول.... ونسيت انو قلا انو رح يتزوجها الليلة...... او مو نسيت مااخدت كتير عكلامه لأن الزواج مابصير بلحظة.

العضوة: 743708 , 6 years ago

صار الوقت المسا.... دقت بدرية باب غرفة ماريا... بدرية : انسة ماريا بقلك سيدي ابو مهدي انزلي لتحت بدو اياكي... تركت موبايلا عالتخت ونزلت بالبيجامة كانت بيجامتا برمودا وبروتيل توتي عليه صورة افلام كرتون .... لما وصلت وصارت بنص الصالة تفاجأت بجبر واخته واخوه ومرت ابوه عندهن... حاولت ترجع لورا..... وقفها صوت جبر.... جبر : خليكي هيك انا بحب الانسان عطبيعته وعطول بشوفك بالتياب الرسمية. ابوها مبتسم وكأنه فهم قصدو :.... تعي بابا خليكي هيك. مشت خجلانة وسلمت عليهن.... جبر : يؤبرني التوتي شو لابقلك. ابو مهدي : شرفتو ابني اهلا وسهلا. بعد السلام والترحيب والكلام اختصر جبر القعدة وقرر يحكي.. جبر : عمي.... باختصار وبدون طول سيرة لاني مابحب المقدمات بجوز استغربتو سبب زيارتي انا وعيلتي للمرة الأولى لكن هالزيارة بتختلف عن اي زيارة...... عمي انا حاكيتك اليوم واخدت منك موعد لأقلك واتشرف فيك وخبرك انو بعد ماكنت انا والانسة ماريا على عداوة لكن سبحان الله بدون موعد مسبق وبدون تخطيط من أي إنسان صارت هزة خلتني غير نظرتي فيها ومارح اخجل منك ورح احكيك بصراحة صرت شوفا الدنيي كلا بصراحة حبيتا من كل البي وانا بشرفني اليوم اطلب ايدا منك. ماريا مصدومة فيه..... ام مهدي قاعدة ساكتة ناطرة جوزها يحكي هو ويعطي رأيو بالأول... ابو مهدي :...... والله ياابني انا بتشرف فيك وبنسبك ومن جهتي ماعندي مانع بس لنشوف العروس شو رأيها...... اي بابا شو رأيك باللي قاله جبر هلأ. ماريا :...... مين انا.. جبر 🤨:... لأ ليش مين انتي. ضحكو عليه كلهن الا ماريا كانت خجلانة من منظرها . ابوها : اي بابا شو قلتي عندك جواب هلأ والا بتحبي تفكري. جبر : ماتواخزها عمي بجوز البيجامة مأثرة عليها شوي. اتطلعت فيه وزورتو : ليش مو انتي اللي ماخليتني روح بدل تيابي. جبر : هاااااااا طلعت هي ماريا والله لكن ليه من اول القعدة وانتي ساكتة.... مارح استنى عليكي لتفكري، عمي انا شاري شو قلت. ابو مهدي :..... ههههههههههه اي وانا عطيتك ازا الله عطاك. ماريا :..... وانا انتظرو جوابي طيب. جبر : خلص انتي وافقتي دامك نزلتي بالبيجامة معناها موافقة (حكى بأسلوب فكاهي) يلا عمي يلا خلينا نقرا الفاتحة وبعدين بتاخد رأيها. ماريا :...... شو مجنون.

العضوة: 743708 , 6 years ago

ابوها : عيب بابا مابصير تحكي مع خطيبك هيك. جبر :........ سمعت بأدنك عمي.... من هلا عم قلك ازا اجتك زعلانة بالبيجامة ماتلومني بكون بسببها. ام مهدي ماقدرت تمسك حالها من كتر الضحك وصارو يضحكو معها الكل... ماريا : لك والله بعرفك عاقل شو غيرك هيك. جبر : انا ببيتي واحد تاني ماعجبك ارجعي عالبيت لحالك. ماريا : لك ايا بيت. جبر : عبيتنا انا هون عند عمي انتي فيكي تروحي عالبيت مع خالتي وجنات وهادي. جنات ماعم توقف ضحك :....... لك ماريا هاد جبر هيك بالبيت واحد تاني غير عن الشغل والله بدك تستحمليه. هادي : لسا والله ماشفتي منه شي.... شي مقالب

العضوة: 643596 , 6 years ago

ام اللول رجعتي اسمك القديم ؟

العضوة: 743708 , 6 years ago

وعياط وجنان و بيدخلك بألف قصة وبتحسي حالك غبية مو فهمانة شي بنوب. ماريا مصدوووومة :........ هلا انتو عنجد عم تحكو عن جبر والا عن واحد تاني. جبر :......من بعد ازنك عمي خلينا نقرا الفاتحة بسرعة قبل لا يفضحونا اهلي وتغير البنت رأيها اوام دخيلك. اول مرة ابو مهدي وام مهدي بيضحكو بهالشكل.... قرأو الفاتحة وماريا لساتا مصدومة باللي عم يصير وتزكرت جنانه الصبح وقت قلا الليلة رح اتزوجك لحظتا بس اتأكدت انو مهوووس ومجنون فيا.. ابو مهدي : الف مبروك ياولاد الله يتمملكن عخير يارب. الكل بارك لجبر وماريا. جبر : اي عمي كمان اختي جنات اليوم قرأنا فاتحتها ورح تتزوج عن قريب. ام مهدي : الف مبروك يابنتي تتهني يارب. جنات : الله يبارك فيكي خالة. جبر :... مبروك ياخانوم شو رح تقضيها متل الجدبة فاتحة تمك ومصدومة عن ازنك عمي فيي اشحطها عجنب فيقا واحكي معا كم كلمة. ابو مهدي : ههههههه اي اكيد ابني. وقف قبالا وحكى بالمصري بصوت واطي :.... قومي يابت خديني في حضنك جوا. رفعت راسها واتطلعت فيه :...... مارحت عمشفى مجانين من قبل. جبر : لا مارحت بس رح روح معك. شحطها من ايدها ودخلو غرفة المكتب تبع ابوها... ماريا :.... انت واحد... قاطعها جبر وهو عم يقرب وهي عم تبعد :...... بعرف مجنون مختل عقليا قولي اللي بدك اياه مسموحلك ياروحي... ماريا : هلا انتي اللي كنت برا. جبر : ههههههههه اي هاد انا.... بدك تتعودي عطباعي اوقات بجن واوقات بروق واوقات بكون رومنسي وبدوخ فيكي. باس ايديها برقة وحب : الف مبروك ياروحي..... بحبك. ماريا :..... بطلت اعرف مع مين عم اتعامل. جبر : بحبك.... عرفتيني هلا. ماريا : هههههههههههه فاجأتني والله. جبر : انا ماقلتلك الصبح الليلة رح اتزوجك. ماريا : اي بس شفتك غبت وغطيت قلت اكيد انشغل. جبر : اي كنت عم زوج اختي لاجي واتزوجك كيفني معك. ماريا :.... شو بدي قول خلص اىكلام. جبر : لااااا ماحزرتي شو خلص بدك تحكي وتحكي كمان..... بدي كلام حب وغزل ورومنس بدي دوب فيكي بدي تحبيني وحبك... وقتا دقت بدرية الباب....

العضوة: 743708 , 6 years ago

جبر بقهر : وقتا هي.. بدرية : القهوة صارت جاهزة. ماريا عم تضحك عليه : اي خالة جايين. جبر : مابتروحي قبل ماتحبيني. ماريا : لا نظامي انت جنيت. جبر : يلا بقى حبيني خليني حبك وازا ماسيطرت عحالي باخدك عبيتي هلا والله. خافت ماريا : وليييي...... باباااااااااااا. حط ايدو عتمها : بس ولي فضحتينا طيب قولي قديه بتحبيني وقتا بتركك. ماريا : يعني مابتعرف. جبر : هئااااا مابعرف عرفيني انا اجدب 😁. ماريا :...... مخلول وربي مخلول........ بحبك والله العظيم قد نجوم السما قد رمل البحر قد حبات المطر شو بدك كمان. حملها وقت قالتله هيك : حلوة البيجامة عليكي تعي لآخدك عالبيت فيا. ماريا : بابااااااااااااا. جبر : لك خلص خلص عم امزح..... شو هاد مابتلقي مزح انتي. ماريا :.... اي مشان تحرم مرة تانية تجي بدون ماتخبرني وتخطبني بدون ماتقلي. جبر :..... ورح اتزوجك بدون ما قلك شو رأيك. ماريا : لا ياشاطر ماضل شي لتخبي عليي. جبر :..... المهم الك عندي مفاجآت ليوم المفاجآت ماتقولي ماخبرتك. ماريا : شو رح تعمل.. جبر : شو هالزكى ياربي يعني لشو اسما مفاجأة مشان قلك عليها يعني. بعد وقت اعتزرو واتفق ابو مهدي وجبر انو الزواج رح يكون قريب. بعد عشر ايام رجعت ماريا من الشركة واستغربت ماحدا موجود بالبيت.... اتصلت بأهلا خبروها انهن راحو للمزرعة.... وطلبو منها تيجي مع جبر عالمزرعة.. استغربت انو ليه ماخبروها الا بعد مارجعت واللي زاد من حيرتها اكتر وقت اتصلت بجبر.... جبر : والله ياروحي مو فاضي اليوم عندي شغل كتير كتير غير عن باقي الايام.... ازا فضيت بكير بحاول الحقك. كان يومها كله عبعضه غريب الموظفين اغلبهن آخدين إجازات، عملاء كتير اعتزرو عن اللقاء المتفقين عليه مع ماريا اهلا مو بالبيت بدون علم منها اختا سوار كمان اعتزرت انو طالعة مع زوجها عحفلة... ماريا وهي بطريقها للمزرعة : لك شو صرلن الناس اليوم اطباعهن غريبة ماحدا ملتزم بمواعيدو حتى جبر كنت حابة يرافقني ونقضي وقت مع بعض بالمزرعة ورفض وهو اللي مابيسدق ينتهز اي فرصة .

العضوة: 743708 , 6 years ago

اهلا مروشه اي ياقلبي رجعتو رهومه

العضوة: 743708 , 6 years ago

بيزعل ازا بعتزر عن شوفته..... ااااااخ كل يومي مو زابط من اوله. وصلت المزرعة فتحلا الحارس الباب وسلم عليها.. ماريا : يعطيك العافيه عمو ابو رائد..... اهلي وين. ابو رائد : اهلين انسة ماريا..... ليكون جواا... وقت دخلت عالبيت مالقت حدا شو صرلون وين راحو. طلعت لفوق كانت امها وسوار بغرفتها.. ماريا : هااااااا شو ست سوار بلاقيكي هون عأساس رايحة عحفلة مع جوزك، لك شو هاليوم كله عبعضه مو عادي ومو رايق. سوار : اي رايحين المسا مو هلا. ماريا : طب ليه ماقلتيلي انك هون. سوار : حبيت اعملك اياها مفاجأة.... شو مو حلوة. ماريا : مافي شي حلو اليوم وغريب من اوله. امها : ليه شو صاير. ماريا : ملخبط كله ع

العضوة: 743708 , 6 years ago

بعضه وموزابط معي شي حتى جبر قال موفاضي يجي معي واجيت لحالي. سوار غمزت امها : ماما تعي شوي عايزك برا...وانتي ماريا خدي حمام دافي ونحنا راجعين بعد شوي اي. ماريا مستغربة :........ لك شو عم يصيييييييير حتى اهلي مو طبيعيين. اخدت حماما وطلعت لافة المنشفة عحالا لكن وقت طلعت من الحمام شافت الكل عندا بالغرفة..... ماريا : خير يارب شو فيه. امها : مارح نحكي غير الف مبروووك ياماما. ماريا : مبروك عشو. امها : اليوم عرسك ياروحي وحبينا نعمللك اياها مفاجأة. ماريا :...... سوار : يلا تعي جربي بدلة العرس جبر ماعاد عندو صبر جننني من وقت وصلتي لهلا وهو عم يدقلي ويقلي هليا تجهز بسرعة والا بنقعد سوا عالأسكي بالبيجامة تبعها. ههههههههه. ماريا : انتو....... انتو عم تحكو جد. شحطتها سوار من ايدها لعند الشباك وارجتها حديقة البيت الخلفية وشافت الطاولات موزعة بشكل راقي وانيق والورد منتور عالأرض وشي ورد مزين هون وهون وبوالين عشكل قوس عند ساحة الرقص والخدم موجودين بلباس موحد لخدمة الضيوف. صار البها يدق بشكل رهيب.... ماريا : ماعم سدء..... والله عم قول اليوم غريب من اوله.... طب ليه ماعندي علم بشي...... مارح البس ولا رح انزل انا مو بنت صغيرة لحتى تتصرفو من دون علمي.....وزواج مارح اتزوج بهالشكل. سوار : شووووووو جنيتي شي. ماريا : ليش لازم كون مبسوطة انو مالي رأي ولا خبر بيوم عرسي..... هيك بتفاجأ متلي متل اي غريب. امها : بس ياماما جبر وابوكي وكلنا حبينا نعمللك اياها مفاجأة. ماريا : وانا مابحب هيك مفاجآت وروحو خبروه مارح اتزوج وبس. نزلت سوار لتخبر جبر باللي صار وضلت امها معها لتقنعها لكن عبث. دقلها جبر عموبايلها وما رضيت ترد عليه.... سوار : ماريا بقلك جبر ردي. ماريا بعصبية : مارح رد عليه خلص بقى. حاكاها ابوها عالموبايل :... يابابا حبينا نفاجئك وتوقعنا هالشي يفرحك مو يزعلك.... اخد جبر الموبايل من عمه وحاكاها : ماريا بتلبسي هلأ وبتنزلي والا والله بتصرف شي مايعجبك. ماريا : مارح البس ومارح اتزوج.